სიგარეტი

სიგარეტისთვის თავის დანებება გასუქების გარეშე შეიძლება: ELLE რამდენიმე საიდუმლოს ამხელს

199
(განახლებულია 21:09 26.06.2020)
სიგარეტისთვის თავის ისე დანებება, რომ წონაში არ მოიმატოთ, აბსოლუტურად რეალურადაა შესაძლებელი. ქვემოთ რამდენიმე საიდუმლოს გაგიმხელთ.

თუ სიგარეტის მოწევას თავს დაანებებთ, მოკლე ხანში არაერთ სასიკეთო ცვლილებას შენიშნავთ: კანის ფერი დაგეწმინდებათ, კბილები სითეთრეს დაიბრუნებს, ენერგია მოგემატებათ... მაგრამ ამასთან ერთად, თუ არ გაფრთხილდებით, ბონუსად ზედმეტ კილოგრამებსაც მიიღებთ.  

როგორც წესი, ადამიანი წონაში მატებას მოწევისთვის თავის დანებებიდან ორი-სამი თვის შემდეგ იწყებს. ამასთან, სხვებზე მეტად ისინი სუქდებიან, ვინც მოწევის დაწყებამდე სიგამხდრით გამოირჩეოდა. საქმე ისაა, რომ ერთი კოლოფი სიგარეტი დღეში 200 კილოკალორიას წვავს, ხოლო ნიკოტინი შიმშილის შეგრძნებას თრგუნავს. თანაც, ასტიმულირებს რა სეროტონინის გამომუშავებას, ნიკოტინი ენერგიის არათანაბარ გამოტყორცნას უწყობს ხელს, რაც მერე ასე ენატრებათ ხოლმე ყოფილ მწეველებს.

ყველა ეს ფაქტორი რამდენადმე ართულებს ამოცანას, მაგრამ, საბედნიეროდ, ნებისმიერ პრობლემას შეიძლება მოეძებნოს გადაჭრის გზა. მთავარია, კომპლექსურად მივუდგეთ მას. ქვემოთ რამდენიმე საინტერესო საიდუმლოს გაგიმხელთ.

ნუ ელოდებით კარდინალურ ცვლილებებს

სიგარეტისთვის თავის დანებების პირველივე დღეს მკაცრ დიეტაზე გადასვლა წმიდა წყლის სიგიჟეა. ორი ძნელად შესასრულებელი ამოცანის გაერთიანება გარდაუვლად მარცხით დასრულდება.

თუ მკაცრი დიეტის ნაცვლად უბრალოდ ზოგ კვებით ჩვევას შეცვლით, გამარჯვება ბევრად გაგიიოლდებათ.

დასაწყისისთვის უარი თქვით ნებისმიერ ნახევარფაბრიკატსა და კონსერვზე. წესად აქციეთ ახალი მწვანილეულის სალათის ჭამა ყოველდღე. გარდა ამისა, შეიტანეთ რაციონში ზღვის პროდუქტები: იოდი ცხიმის ნატურალური მწველია. 

დააბალანსეთ გემოები 

გახსოვდეთ, რომ ნიკოტინი რეცეპტორებს თრგუნავს და საჭმლის ინსტიქტურ მოთხოვნილებას ცვლის. ანუ, მარტივი სიტყვებით რომ ვთქვათ, მწეველები მკაფიო გემოს კერძებს ეტანებიან — ძირითადად ცხარესა და ცხიმიანს, ხოლო ტკბილეულის მიმართ გულგრილობას იჩენენ.

სამწუხაროდ, მოწევისთვის თავის დანებების შემდეგ ეს ჩვევები არსად ქრება და ამიტომ ყურადღებით უნდა იყოთ. სანამ თქვენი რეცეპტორები აღდგება, უნდა მიირთვათ კარგი ხარისხის ის პროდუქტი, რომელიც ნამდვილად გიყვართ. არავითარ შემთხვევაში არ ჭამოთ სწრაფად, დატკბით თითოეული ლუკმით და შეიგრძენით გემო ბოლომდე.

მოემზადეთ „შაქრის დეფიციტისთვის“

როგორც კი ორგანიზმი ნიკოტინისგან გაიწმინდება, აუცილებლად მოგინდებათ ტკბილეული. არ იძალადოთ თავზე: დღეში ერთხელ. დაახლოებით საღამოს ხუთი საათისთვის შეგიძლიათ მიირთვათ შავი შოკოლადის ფილის ნახევარი.
სხვა დროისთვის კი მოიმარაგეთ უშაქრო საწუწნი კანფეტები.

ეწვიეთ აფთიაქს

მწეველებს უკიდურესად არ ჰყოფნით С ვიტამინი, რომლის ბოლო მარაგს ორგანიზმი ნიკოტინურ სტრესთან ბრძოლისას ხარჯავს. ამიტომ აუცილებელია იზრუნოთ ვიტამინური ბალანსის აღდგენაზე.

ამისათვის დილით უნდა მიირთვათ ფორთოხლის ფრეში, შუადღითა და ძილის წინ კი თითო ჭიქა ასკილის წვენი.

უნდა გახსოვდეთ, რომ С ვიტამინი წევის სურვილს თრგუნავს!

გარდა ამისა, მოიმარაგეთ მინერალური წყალი მაგნიუმის მაღალი შემცველობით, ან მაგნიუმის აბები — სტრესის მოსახსნელად და კარგი ძილისთვის.

არ დაჯდეთ ერთ ადგილზე

ნახევარსაათიანი სწრაფი სვლა, გორგოლაჭებით სიარული თუ ცურვა სწორედ იმდენივე კილოკალორიას (200 კკლ) წვავს, რამდენსაც ერთი კოლოფი სიგარეტი.

ამიტომ შეეცადეთ თანაბარზომიერად ივარჯიშოთ ერთი კვირის განმავლობაში — ერთმანეთს შეუნაცვლოთ დატვირთვა.
მათთვის, ვინც ნერვოზულობას გრძნობს მოწევისთვის თავის დანებების შემდეგ, იდეალურია იოგა.

არ მოდუნდეთ

მოწევისთვის თავის დანებების შემდეგ წონაში მატების რისკი ორი წლის განმავლობაში რჩება. ამიტომ არ გეგონოთ, რომ თუ ექვსი თვის განმავლობაში გასუქებას გადაურჩით, შეგიძლიათ მოდუნდეთ და განცხრომას მიეცეთ.

საბედნიეროდ, სწორად კვებისა და რეგულარული ვარჯიშის ჩვევა 21 დღეში ყალიბდება, ხოლო სამ თვეში ცხოვრების განუყრელი ნაწილი ხდება.

ასე რომ, სიგარეტის გადაგდებიდან სამი თვის შემდეგ ცხოვრება ბევრად გაგიიოლდებათ.
 

199
თემები:
სასარგებლო რჩევები (243)
რძიანი ფაფა

რძის პროდუქტები გახდომის მსურველთა რაციონში: დიეტოლოგი მნიშვნელოვან ფაქტორებს ასახელებს

214
(განახლებულია 18:14 08.07.2020)
დიეტოლოგი განმარტავს, რძის რომელი და რამდენი პროდუქტი შეიძლება მიიღოს ყოველდღე გახდომის მსურველმა ისე, რომ წონაში მომატების არ ეშინოდეს.

თბილისი, 8 ივლისი — Sputnik. მიუხედავად იმისა, რომ რძის პროდუქტების ყოველდღიური მიღება ჯანდაცვის მსოფლიო ორგანიზაციის რეკომენდაციებში შედის, წონის დაკლების მსურველები მაინც სიფრთხილით ეკიდებიან მის მიღებას იმის შიშით, რომ ზედმეტი კილოგრამები არ დაიგროვონ, წერს დიეტოლოგი ლორა ფილიპოვა საკუთარ Instagram-ზე.  

სპეციალისტი განმარტავს, რძის რომელი და რამდენი პროდუქტი მიიჩნევა გახდომის მსურველებისთვის უსაფრთხოდ.

ფილიპოვას თქმით, ზრდასრული ადმიანისთვის ყველაზე მნიშვნელოვანი — მაგარი ყველი და ხაჭოა – როგორც კალციუმის, ისე ცილების შემცველობის მხრივ.

  • „დაიმახსოვრეთ: მნიშვნელოვანია, რომ ცილა სხვადასხვა წყაროებიდან მიიღოთ“, — წერს დიეტოლოგი.

ექსპერტის თქმით, რძის პროდუქტები შეიცავს ცხოველურ ცხიმებს, რაც სასარგებლო საკვები ელემენტია. თუმცა აუცილებელია, რომ ყოველდღიურ რაციონში მისი რაოდენობა გაკონტროლდეს. გამომდინარე აქედან, საშუალო ცხიმიანობის ხაჭო და ყველი ოპტიმალური პროდუქტებია ყოველდღიურად მისაღებად.

თუმცა დიეტოლოგი გვაფრთხილებს, რომ ზომიერების დაცვა ამ შემთხვევაშიც საჭიროა.

„არ ღირს ყველის კილოგრამობით ჭამა — საკმარისია დღეში 30-50 გრამი, ხაჭო კი 150-200 გრამი“, — წერს სპეციალისტი.

მისი თქმით, ასევე მნიშვნელოვანია, რომ არ შეიძინოთ ისეთი რძის პროდუქტები, რომლებიც დიდი რაოდენობით შაქარსა და მარილს შეიცავს. ამასთან, ხაჭო არ უნდა შეათავსოთ მარტივ შაქრებთან და ასევე ისეთ პროდუქტებთან, რომლებიც ფიტინის მჟავას შეიცავს, მაგალითად, მარცვლოვნებთან, თხილ–კაკალთან, პარკოსნებთან და ასევე თესლეულთან.

 

214
თემები:
რჩევები ჯანმრთელობასა და სილამაზეზე
რუჯის მიღება

მზით დამწვრობა: დაზიანებული კანის მოვლის უპირველესი წესი პროფესორისგან

93
(განახლებულია 14:08 08.07.2020)
პროფესორი განმარტავს, რა უნდა გაკეთდეს პირველ რიგში იმ შემთხვევაში, თუ მზით დამწვრობა მიიღეთ, და რამდენიმე აუცილებელ რეკომენდაციას გასცემს.

თბილისი, 8 ივლისის – Sputnik. ხანგრძლივი შესვენების შემდეგ მზეზე გასული ადამიანები დამწვრობის მიღებით რისკავენ, განაცხადა რადიო Sputnik-თან საუბრისას დერმატოლოგ-კოსმეტოლოგმა, მედიცინის მეცნიერებათა დოქტორმა, პროფესორმა სვეტლანა ჟაბოევამ.

მან მსმენელებს მისცა რეკომენდაციები, თუ როგორ უნდა მოიქცნენ მზით დამწვრობის შემთხვევაში.

„პირველ რიგში აუცილებელია გრილი წყლით დაბანა ჭარბი ოფლისა და გარეგანი დაბინძურების მოსაშორებლად, შემდეგ კი პრაქტიკულად სველ კანზე დამამშვიდებელი კრემის წასმა. კრემი უნდა იყოს სააფთიაქო პროდუქტი, რომელიც ბეპანთენს ან სხვა დამაშვიდებელ და დამატენიანებელ ინგრედიენტებს შეიცავს. არ არის საჭირო არანაირი სპირტიანი, ზეთოვანი საშუალებები. ეს უნდა იყოს არა ცხიმოვანი კრემი, არამედ მსუბუქი ემულსია. კრემის კანზე დატანა აუცილებელია ყოველ 3-5 საათში“, — განმარტა პროფესორმა.   

მისი თქმით, თუ კანმა აქერცვლა დაიწყო, არავითარ შემთხვევაში არ უნდა მოიცილოთ ის თვითნებურად. ამ დროს მხოლოდ დამამშვიდებელი და დამატენიანებელი საშუალებების დატანაა სასურველი. ეს შეიძლება იყოს დამატენიანებელი ემულსია, რძე, შეიძლება იყოს ჰიდროგელური ან ქსოვილის ნიღბები, რომლებიც ჰიალურონის მჟავას შეიცავს.

  • ჟაბოევა აფრთხილებს საზოგადოებას, რომ არავითარ შემთხვევაში არ შეიძლება მექანიკური, ქიმიური სკრაბების გამოყენება აქერცლილი კანის მოსაშორებლად, „მხოლოდ მისი დარბილებაა საჭირო, რათა ისინი ბუნებრივი გზით მოწყდეს და მოშორდეს კანს“.

ექიმი განმარტავს, რომ თუ დამწვრობის შემთხვევაში ხელთ არანაირი სამკურნალო საშუალება არ აღმოგაჩნდებათ, შეგიძლიათ კანზე ნებისმიერი რძემჟავა პროდუქტი წაისვათ — მაგალითად, ნაღები, რომელიც ასეთ დროს საუკეთესო იქნება.

93
თემები:
რჩევები ჯანმრთელობასა და სილამაზეზე
ტედროს ადანომ გებრეისუსი

არასტანდარტული ანგარიში: ჯანმოს საქმიანობას სპეცკომისია შეისწავლის

0
(განახლებულია 10:08 10.07.2020)
სპეციალური კომისია არასტანდარტულ მოხსენებას ნოემბერში წარმოადგენს ჯანმოს წევრი ქვეყნების ჯანდაცვის მინისტრების შეხვედრაზე

თბილისი, 10 ივლისი — Sputnik. ჯანდაცვის მსოფლიო ორგანიზაცია ქმნის ექსპერტთა დამოუკიდებელ ჯგუფს, რომელიც შეისწავლის მის საქმიანობასა და ასევე სხვა ქვეყნების მიერ გატარებულ ზომებს COVID-19–თან ბრძოლის კუთხით, განაცხადა ჯანმოს გენერალურმა მდივანმა ტედროს ადანომ გებრეიესუსმა მსოფლიოს 194 ქვეყნის წარმომადგენელთან ვირტუალურ შეხვედრაზე.

მისი თქმით, ჯგუფის ხელმძღვანელობას უკვე დაეთანხმნენ ახალი ზელანდიის ყოფილი პრემიერ–მინისტრი ჰელენ კლარკი და ასევე ლიბერიის ექს–პრეზიდენტი ელენ ჯონსონ სერლიფი.  კომისიის მანდატი ჯანმოს წევრ ქვეყნებთან შეთანხმებით შემუშავდება.

როგორც მოსალოდნელია, შუალედურ მოხსენებას კომისია ნოემბერში წარმოადგენს ჯანმოს წევრი ქვეყნების ჯანდაცვის მინისტრების შეხვედრაზე.

„ეს არ იქნება სტანდარტული ანგარიში, რომელიც შემდეგ თაროზე შემოიდება და დაიმტვერება. ეს არის ის, რასაც ჩვენ მტელი სერიოზულობით ვუდგებით“, — განაცხადა გებრეიესუსმა.

როგორც ცნობილია, ჯანმოს საქმიანობა პანდემიის დასაწყისიდან არის სერიოზული საერთაშორისო კრიტიკის საგანი. აშშ–ის პრეზიდენტმა დონალდ ტრამპმა კი  განაცხადა, რომ შეეღტებული შტატები ოფიციალურად დატოვებს ორგანიზაციას მომავალი წლის 7 ივლისს. მანამდე მან არაერთხელ დაადანაშაულა ჯანდაცვის მსოფლიო ორგანიზაცია ჩინეთისადმი ლოიალობაში, სადაც იფეთქა კიდეც კორონავირუსულმა ინფექციამ.

 

0
თემები:
მსოფლიო დღეს