მძინარე ქალი

როგორ დავამარცხოთ უძილობა და რა შეიძლება იყოს მისი გამომწვევი მიზეზი

494
(განახლებულია 14:45 24.06.2020)
ადამიანის ჯანმრთელობისთვის ძილი მნიშვნელოვანი კომპონენტია. უძილობა იწვევს გულ -სისხლძარღვთა დაავადებებს, ზრდის ინფარქტის, ინსულტის რისკის ალბათობას.

ძილის ნაკლებობა უარყოფითად აისახება ტვინის ფუნქციონირებაზე, მეხსიერებაზე, ამძაფრებს დაღლილობის შეგრძნებას, აქვეითებს იმუნურ სისტემას.

უძილობის მიზეზი შეიძლება იყოს ფიზიკური და ემოციური დაძაბულობა, ხმაური, სინათლე, სიცხე, სიცივე, გადაღლა, ძილის წინ მობილური ტელეფონის გამოყენება,  ტელევიზორთან დიდი დროის გატარება და სხვა.

ამიტომ, ძალიან მნიშვნელოვანია განსაკუთრებული ყურადღება მივაქციოთ ძილის რეჟიმს და იმ ფაქტორებს, რაც ხელს გვიშლის მშვიდად დაძინებაში.

თუ უძილობას ებრძვით, გასწავლით რამდენიმე ხერს, რომლებიც დაგეხმარებათ უძილობის დაძლევაში.

გაითვალისწინეთ, რომ ზრდასრულ ადამიანს დღეში 7-8 საათი უნდა ეძინოს. თუმცა, თუ თქვენ 8 სთ-ის განმავლობაში გიწევთ საწოლში წოლა, ეს არ ნიშნავს, რომ თქვენ სრულად 8 საათი გძინავთ.

ძილისთვის მნიშვნელოვანია მშვიდი და წყნარი გარემო. ზედმეტი ხმაური ყოველთვის შეგიშლით ხელს დაძინებაში. ზედმეტ ხმაურში იგულისხმება ტელევიზორის ხმა, ძილის წინ სოციალურ ქსელში ყოფნა და ა.შ. ყველა მოწყობილობასთან კონკატქი უნდა შეწყვიტოთ დაძინებამდე ერთი საათით ადრე, რომ მშვიდად დაიძინოთ.

არავითარ შემთხვევაში არ მიირთვათ ძილის წინ საკვები. ნაჭამ მდგომარეობაში დაძინება ხელს უშლის ორგანიზმს გამოძინებაში, რაც შემდეგ შებერილობით, გულისრევით და სიმძიმის შეგრძნებით გამოიხატება.

უარი თქვით დღის ძილზე. თუ ადამიანი დღის ძილის დროს გადადის ღრმა ძილის ფაზაში, შეუძლია იძინოს საკმაოდ დიდხანს, გაღვიძების შემდეგ კი თავს გრძნობს უხასიათოდ, შესაძლოა ქონდეს თავის ტკივილი და მოთენთილობის შეგრძნება. ამ შემთხვევაში, ადამიანს საკმაოდ უჭირს ღამე დაძინება.

ეცადეთ დაიძინოთ ერთსა და იმავე დროს. დარწმუნდით, რომ თქვენი საწოლი, ბალიში არის კომფორტული, რაც მშვიდ დაძინებაში დაგეხმარებათ. შესაძლოა ღიმილი მოგგვაროთ, მაგრამ მაინც გირჩევთ, დაძინების წინ მიეჩვიეთ ბალიშის და საბნის გაფუებას.

ძილის წინ არ მიიღოთ კოფეინის შემცველი პროდუქტები, მაგ. ყავა, ჩაი, შოკოლადი და ა.შ. ძილის წინ მიღებულმა კოფეინმა შეიძლება გამოიწვიოს ისეთი პრობლემები, როგორიცაა მოუსვენარი ძილი, ნერვიულობა, გაღიზიანება.

ძილის წინ წაიკითხეთ წიგნი, ან მოუსმინეთ წყნარ მუსიკას. ეს შეგიქმნით სასაიმოვნო, მშვიდ განწყობას და დაძინებაში დაგეხმარებათ.

იცხოვრეთ ჯანსაღი ცხოვრების წესით, შეეცადეთ დილით ადგეთ ადრეთ, დაკავდეთ გამაჯანსაღებელი, მსუბუქი ვარჯიშით, რაც თქვენი ჯანმრთელობის და მშვიდი ძილის გარანტია.

და, რაც მთავარია, როდესაც ბევრს არ ფიქრობთ ძილზე, სწორედ მაშინ შეძლებთ მალე დაძინებას!

 

494
თემები:
რჩევები ჯანმრთელობასა და სილამაზეზე (13)
ქართული პური, თხილეული და ყვავილები

მეხსიერების გასაუმჯობესებლად საჭირო პროდუქტი: ვიტამინები ტვინისთვის

243
(განახლებულია 19:18 28.09.2020)
ხშირად გვესმის, რომ ასაკის მატებასთან ერთად მეხსიერების მდგომარეობა უარესდება. არსებობს რამდენიმე რეკომენდაცია, რომელთა გათვალისწინების შედეგად ტვინის, განსაკუთრებით, მეხსიერების ფუნქციონირება უმჯობესდება.

ფიზიკური ვარჯიში, საკმარისი დროით ძილი, ჯანსაღი კვება – ამ ყველაფრის გათვალისწინებით ადამიანი ხანგრძლივად ინარჩუნებს ტვინის ნორმალურ ფუნქციონირებას. შემოგთავაზებთ რამდენიმე პროდუქტს, რომელიც ტვინის ფუნქციონირებას აუმჯობესებს.

ნიგვზის ლებნები უღლით
ნიგვზის ლებნები უღლით

ნიგოზი

მისი საშუალებით უამრავ დაავადებას მკურნალობენ. კაკლის შემადგენლობაში შედის ფლავინოიდები, გლიკოზიდები, C ვიტამინი, კაროტინი, ეთერზეთები, ორგანული მჟავები და სხვ. კაკლის გული მდიდარია E ვიტამინით, მაგნიუმით და კალიუმით. ასევე მასში შედის რკინა, სპილენძი, კობალტი, თუთია და ვიტამინი B6.

ნიგოზი ტვინის გამართულ მუშაობას უწყობს ხელს. მასში შემავალი ომეგა-3 და ცხიმოვანი მჟავები ტვინის უჯრედების ფორმირებაში არიან ჩართულნი. დღეში ნიგვზის 1-2 ლებანიც კი საკმარისია თქვენი ჯანმრთელობისთვის და ტვინის ნორმალური ფუნქციონირებისთვის.

ნუში
© CC0 / Pixabay
ნუში

ნუში

დაუყონებლივ უნდა შეიტანოთ ნუში თქვენს რაციონში, ვინაიდან მისი მიღება დადებითად იმოქმედებს თქვენს მეხსიერებაზე, გონებრივ შესაძლებლობებზე. ნუში აუმჯობესებს ტვინის მუშაობას, შეიცავს ისეთ ვიტამინებს, რომლებიც მხოლოდ და მხოლოდ ხორცის შემცველობაში შედიან.

ის მდიდარია მცენარეული ცხიმებით, E ვიტამინით, რომელთა გარეშეც ადამიანის ორგანიზმი უენერგიო და ძალიან გამოფიტული იქნება. ნუში ასევე მდიდარია პროტეინებით, სპილენძით და B2 ვიტამინით. ამ კონცენტრაციის წყალობით ნუშს ენერგიის წყაროს უწოდებენ.

არაქისი
არაქისი

მიწის თხილი

მიწის თხილის 40-60% მცენარეული ცხიმია, 20-37% – ცილა. ის შეიცავს უნიკალურ ამინომჟავებს, ვიტამინებს – A, D, E, В1, В2, РР, Е, ბიოტინს, ფოლიუმის მჟავას, მცენარეულ ზეთებსა და სხვა მიკროელემენტებს.

არაქისს ტვინის საკვებს უწოდებენ, რადგან მასში შედის ვიტამინი B3, რომელიც ტვინს მუშაობაში ეხმარება და ასევე კარგია მეხსიერების გასაუმჯობესებლად.

ამ ყველაფრის მიუხედავად უნდა გავითვალისწინოთ, რომ მიწის თხილი ერთ-ერთი ყველაზე ძლიერი ალერგენია. გარდა ამისა, დარწმუნებული უნდა ვიყოთ, რომ ის ნამდვილად ხარისხიანია და სწორედ ამის მერე დავიწყოთ მისი მიღება.

შემწვარი თევზის კერძი
© CC0 / Pixabay
შემწვარი თევზის კერძი

თევზი

იმისთვის, რომ მეხსიერება კარგ ფორმაში იყოს, ხშირად მიირთვით თევზი, რომელიც დიდი რაოდენობით შეიცავს ომეგა-3-ს. ის ხელს უწყობს ტვინის უჯრედებს შორის სიგნალების მიწოდებას.

თევზი შეიცავს დიდი რაოდენობით ვიტამინებს და მინერალურ ნივთიერებებს. შეეცადეთ მიიღოთ ორი ულუფა თევზი კვირის განმავლობაში, რომლიდანაც ერთი ულუფა იქნება ცხიმიანი თევზი.

ლურჯი მოცვი
© CC BY-SA 2.5 / Wikipedia / Vaccinium uliginosum
ლურჯი მოცვი

კენკრა

ყველა კენკრა შეიცავს ანთიოცინებს, რომელიც ტვინის ფუნქციონირებისთვის აუცილებელია. თუ თქვენ კვირის განმავლობაში საშუალოდ მიიღებთ ერთ ან მეტ ულუფა კენკრას, შემეცნებითი დაბერების პროცესი 2,5-ჯერ უფრო ნელა წარიმართება.

ჯანმრთელობას გისურვებთ!

 

243
თემები:
ჯანმრთელობა და სილამაზე
გაზირებული სასმელი

ნამდვილად არის თუ არა გაზიანი სასმელი მავნე ორგანიზმისთვის: რა არის მითი და რა რეალობა

417
(განახლებულია 21:27 24.09.2020)
იშვიათად შეხვდებით ბავშვს, ხშირად ზრდასრულ ადამიანსაც, რომელსაც ლიმონათი, კოკა-კოლა, ფანტა ან სხვა გაზიანი სასმელები არ უყვარს.

ბევრი ადამიანი გეტყვით, რომ გაზიანი სასმელი ვნებს, თუმცა მიზეზი, თუ რატომ არის ის მავნე, არ იცის, ან მცდარი ინფორმაცია აქვს ამის შესახებ. ალბათ ხშირად გაგიგით „გაზგასული ბორჯომი“, „გაზგასული ლიმონათი“, მითია თუ რელობა ეს ტერმინი და რეალურად რაში მდგომარეობს გაზიანი სასმელის მავნებლობა, ამის შესახებ ინფექციონისტი მაია ბუჭაშვილი საუბრობს.

- ზოგიერთი სამედიცინო მითის გამო ადამიანები არასაჭირო ქმედებებს სჩადიან. ამის ერთ-ერთი მაგალითია გაზიანი სასმელებიდან გაზის მოცილების პროცედურა, რადგან საკმაოდ ფართოდ გავრცელებული სამედიცინო მითია, რომ გაზიანი სასმელი მავნეა ორგანიზმისთვის.

განსაკუთრებით ხშირად ამბობენ ამას ჰეპატიტის და საჭმლის მომნელებელი სისტემის სხვა დაავადებების მქონე პაციენტები და სვამენ გაზგასულ სასმელს. „გაზგასული ბორჯომი“, როგორც დიეტის ნაწილი, საბჭოთა მედიცინის ერთ-ერთი მემკვიდრეობაა.

საქმე ისაა, რომ გაზიანი სასმელის მავნებლობა არა თვითონ იმ ბუშტუკებშია, რომელიც მხოლოდ ნახშირორჟანგია, არამედ სასმელის შემადგენლობაში. რეალურად, როდესაც ექიმები გაზიანი სასმელებისგან თავის შეკავებას ურჩევენ, გულისხმობენ ამ სასმელში შაქრის და ქიმიური დანამატების მავნე ზემოქმედებას და არა ბუშტუკებს, რომელთა მავნებლობა არაფრით არ არის გამოხატული.

შეიძლება გაზის ბუშტუკები მექანიკურად გაბერვის შეგრძნებას იწვევდეს, მაგრამ ამას ჯანმრთელობისთვის რაიმე საზიანო შედეგები ფაქტიურად არა აქვს.

არსებობს მოსაზრებები, მაგალითად, გაზიანი სასმელების კბილების მინანქარზე მავნე ზემოქმედების შესახებ, თუმცა ესეც მხოლოდ შაქრის შემცველობით აიხსნება და არა გაზის.

ხშირად ადამიანები სვამენ არა გაზიან, არამედ შაქრის შემცველ სხვა სითხეებს, რადგან ჰგონიათ, რომ თუ სასმელი გაზიანი არ არის, შესაბამისად, არ არის მავნე. ცხადია, ამას არავითარი მნიშვნელობა არა აქვს და ის შაქარი და ქიმიური დანამატები, რომლებიც შეიძლება იყოს არაგაზიან სასმელებშიც, ისევე არ არის სასურველი ჯანმრთელობისთვის, როგორც გაზიანი სასმელები.

417
თემები:
ჯანმრთელობა და სილამაზე
ევა ბარბაქაძე

ევა ბარბაქაძე ყაზბეგის მთებში საცურაო კოსტიუმში პოზირებს - პიკანტური ფოტო

0
(განახლებულია 15:26 29.09.2020)
მსახიობის ერთადერთმა ქალიშვილმა უნივერსიტეტის დაწყებამდე მდიდრული დასვენება მოიწყო. ევა ყაზბეგში ცეცხლოვანი საცურაო კოსტიუმით გამოჩნდა. როგორ გამოიყურება წონაში მომატებული გოგონა?

მსახიობის ქალიშვილმა დასვენება მთებში გადაწყვიტა. მანამდე კი, ზღვისპირა ქალაქში შეყვარებულთან ერთად ეწვია. ულამაზესმა გოგონამ მთიდან გადაღებული რამდენიმე ფოტოკადრი გამოაქვეყნა. ევა ერთ-ერთ ლამაზ სასტუმროში საურაო კოსტიუმში პოზირებს. აღსანიშნავია, რომ გოგონამ წონაში საგრძნობლად მოიმატა, თუმცა კილოგრამები მისთვის არაფერს აღნიშნავს. ევა კვლავ შეუდარებლად და უფრო მომხიბლავად გამოიყურება. უახლესი ფოტოები გოგონას ოფიციალური გვერდიდანაა. 

View this post on Instagram

A post shared by ევა🧚🏽‍♀️ (@_evvabarbaqadze_) on

პოპულარული დედა-შვილის გარშემო სკანდალური ჭორები არ წყდება. შორენა ბეგაშვილს ერთი ქალიშვილი ჰყავს. ევა ბარბაქაძე მსახიობს პატარა ასაკში შეეძინა, ჯერ კიდევ მაშინ, როდესაც შორენა ეკრანზე არ ჩანდა. პოპულარობა დედა-შვილის ცხოვრებაში დიდი მუშაობისა და ძალისხმევის შედეგად მოვიდა. ყველამ იცის, რომ შორენა რუსთავში გაჭირვებულად ცხოვრობდა.

View this post on Instagram

😜

A post shared by ევა🧚🏽‍♀️ (@_evvabarbaqadze_) on

ახლა მთელი ქვეყანა ევას და შორენას სილამაზეზე საუბრობს. მტკივნეული ცხოვრებისეული გამოცდილების გამო, შორენამ ახალი გადაცემა წამოიწყო. „შორენას ეფექტი“- ასე ჰქვია მის თოქ-შოუს, რომელიც ამ კვირაში გავა ეთერში. მსახიობი და ტელეწამყვანი სხვადასხვა პრობლემის მქონე გოგონებს საკუთარი თავის ახლბურად აღმოჩენაში დაეხმარება.

View this post on Instagram

💙

A post shared by ევა🧚🏽‍♀️ (@_evvabarbaqadze_) on

ბოლო პერიოდის მანძილზე დედა-შვილს  სულ უფრო და უფრო ხშირად ადარებენ. ფაქტი სახეზეა – სილამაზით ევა დედას არ ჩამოუვარდება. მიუხედავად იმისა, რომ ევა ბარბაქაძე ფოტოსესიებში მონაწილეობს და ხშირად მაკიაჟით ჩანს, მისი ბუნებრივი სილამაზის ნახვა ევას ოფიციალურ გვერდზეა შესაძლებელი. მსახიობის ქალიშვილმა Instagram-ის გვერდი სულ ახლახან შექმნა. მას უკვე 82 ათასზე მეტი „ფოლოვერი“ ჰყავს.

View this post on Instagram

A post shared by ევა🧚🏽‍♀️ (@_evvabarbaqadze_) on

დედასთან შედარებით თამამი ფოტოებით არ გამოირჩევა. ფაქტია, ევა დღითი დღე მეტად მშვენიერი ხდება. თაყვანისმცემლები ამბობენ, რომ ეშხითა და მომხიბლავი გარეგნობით სექსუალური დედაც კი დაჩრდილა.

0
თემები:
სელებრითების ცხოვრება