ქვიშის საათი

გამოცდილია და დადასტურებული: ხალხური მინიშნებები კვირის ყველა დღისთვის

161
(განახლებულია 17:01 22.05.2020)
შორეულმა წინაპრებმა მდიდარი ცოდნა და კოლოსალური გამოცდილება დაგვიტოვეს მრავალი ნიშნის, ტრადიციისა და რწმენის სახით, რომელსაც ბევრი თანამედროვე ადამიანი წარმატებით იყენებს.

თუ რა სახის ხალხურ ნიშნებს უნდა მიაქციოთ, ძველების აზრით, ყურადღება კვირის თითოეულ დღეს წარმატების მოსაზიდად და უბედურებისა და ცხოვრებისეული პრობლემებისგან თავდასაცავად, ქვემოთ გაგაცნობთ:

ორშაბათი 

ამ დღეს არ უნდა დაგეგმოთ მოგზაურობა ან დიდ მანძილზე გადაადგილება, რადგან არსებობს დიდი ალბათობა გზაზე სხვადასხვა უსიამოვნო შემთხვევისა.

არ არის სასურველი რაიმე ახლის წამოწყება, აქედან კარგი არაფერი გამოვა. უმჯობესია მიმდინარე საქმეებს მიხედოთ, რათა ახალი საქმის დაწყებით დამატებითი სასიცოცხლო ენერგია არ დახარჯოთ.

არ გაასესხოთ ფული, თუნდაც ძალიან გთხოვონ. წინააღმდეგ შემთხვევაში მთელი კვირის განმავლობაში უფულოდ დარჩებით.

თუ ორშაბათს კატამ კნუტები გააჩინა, ერთი აუცილებლად დაიტოვეთ. მიიჩნევა, რომ ამ გზით ადამიანი ფუძის ანგელოზის მიმართ მადლიერებას გამოხატავს და მის კეთილგანწყობას იმსახურებს.

სამშაბათი

ამ დღეს სასურველია ახალი საქმის წამოწყება. ის აუცილებლად წარმატებამდე და დადებით შედეგამდე მიგიყვანთ.

შესაძლებელია შორეული მოგზაურობებისა და მივლინებების დაგეგმვა, რადგან ეს დღე ამისათვის ყველაზე ხელსაყრელად მიიჩნევა. 

კვირის ამ დღეს არ შეიძლება ვინმესგან ფულის სესხება — უფულობა იცის და ამიტომ ნასესხები ფულის დიდი ხნის განმავლობაში დაბრუნება მოგიწევთ, რადგან ყოველთვის არასაკმარისი თანხები გექნებათ.

სამშაბათს კარგია დიდი შენაძენის გაკეთება, ის აუცილებლად მოგიტანთ მორალურ კმაყოფილებას და დიდხანს მოგემსახურებათ.

ძველ დროში ამ დღეს შინაურ ცხოველებს ბრინჯითა და ბარდით კვებავდნენ, რათა ისინი დაავადებებისგან დაეცვათ და სახლში ბარაქა მოეზიდათ.

ოთხშაბათი

ძველად ამ დღეს „მზაკვრულს“ უწოდებდნენ, რადგან სწორედ ოთხშაბათს ხდებობა უსიამოვნო ხასიათის შემთხვევები.

ამ დღეს სასურველი არ არის ახალ საცხოვრებელ ადგილზე გადასვლა, წინააღმდეგ შემთხვევაში ახალ სახლში უბედურება და წარუმატებლობა დაისადგურებს.

არ შეიძლება საუბრები ჯადოქრებზე, ბოროტ სულებსა და სხვა ბნელ ძალებზე, თორემ, ძველების რწმენით, თავს უბედურება დაგატყდებათ და უიღბლობა დაგეუფლებათ.   

ოთხშაბათს კარგია რამის გამოცხობა — ეს ოჯახს სიმდიდრეს მოუტანს. შეგიძლიათ საყიდლებზე წასვლაც. ის აუცილებლად სასარგებლო, მომგებიანი და წარმატებული იქნება.

ხუთშაბათი 

ამ დღეს ჩვენი წინაპრები მარცვლეულს იმარაგებდნენ. მიიჩნეოდა, რომ ხუთშაბათს შენახული მარცვლეული დიდხანს ძლებს და მისი მიღება ოჯახის წევრების ჯანმრთელობისთვის სასარგებლოა.

ვალების დაბრუნება სწორედ ხუთშაბათს არის რეკომენდებული — ამ გზით კარგი ფინანსური შემოსავლებით მთელი თვე იქნებით უზრუნველყოფილი.

ხუთშაბათს ახალგაზრდა ქალები, რომლებსაც მამაკაცის გულის მონადირება სურთ, თავიანთ რჩეულს აუცილებლად უნდა გაუმასპინძლდნენ რაიმე გემრიელით.

იმისათვის, რომ მთელი კვირის განმავლობაში გიმართლებდეთ, ხუთშაბათს, თურმე, კარგია სახის დაბანა კვერცხის ნახარშით.

პარასკევი

თუ ამ დღეს კარგი სიზმარი ნახეთ, სანამ დღე არ დასრულდება, აუცილებლად მოუყევით შვიდ სხვადასხვა ადამიანს. მიიჩნევა, რომ ასეთ შემთხვევაში სიზმარი აუცილებლად აგიხდებათ.   

გათხოვილმა ქალებმა ამ დღეს თავი არ უნდა დაიბანონ, თორემ ქმართან კონფლიქტი ექნებათ. 

არ შეიძლება ფრჩხილების დაჭრა - ჯანმრთელობის მხრივ პრობლემები რომ არ შეგექმნათ. 

არ შეიძლება დილიდანვე იმხიარულოთ და ხმამაღლა იცინოთ. პარასკევ დღეს მძიმე ენერგეტიკა აქვს, ამიტომ შეუკავებელ მხიარულებას ცრემლების მოზიდვა შეუძლია.

შაბათი

ამ დღეს ახალ სახლში გადასვლა წარმატების მომტანია — ოჯახში ყოველთვის სიუხვე და სიმშვიდე იქნება. 

კვირა

დილით ფანჯრიდან ერთი მუჭა შაქარი უნდა გადაყაროთ, თუ გსურთ, რომ მთელი კვირა ტკბილად და წარმატებულად გაატაროთ.

ამ დღეს ოჯახის დიასახლისმა სახლში ფეხშიშველმა უნდა იაროს. მიიჩნევა, რომ ასე ის ოჯახს კეთილდღეობას მოუტანს, ფინანსურ წარუმატებლობას კი დააფრთხობს.

კვირას ჭურჭლის გატეხვა გამდიდრების ნიშანია. ოღონდ ეს სპეციალურად კი არ უნდა გააკეთოთ, თავისით უნდა მოხდეს...

161
პატარა ბავშვის კვების პროცესი

შეიძლება თუ არა ჩვილის საკვების შენახვა, როცა დედა ახალი სადილის მომზადებას ვერ ასწრებს

73
(განახლებულია 21:09 23.09.2020)
ასეც ხდება ხოლმე – დილაუთენია ადგები, პატარას აჭმევ და სამსახურში წასვლამდე სამზარეულოში ფუსფუსს იწყებ. ჩვილს სადილი ხომ უნდა დაუტოვო, რომ მომვლელმა შუადღეს კარგად დაანაყროს შენ დაბრუნდებამდე.

დატვირთული დღის განრიგი გაქვს, ამიტომ ფიქრობ, რამდენ ხანს და როგორ შეინახო საკვები მაცივარში, ყოველ ცისმარე დღეს პატარას სადილი რომ არ უკეთო. ამ საკითხზე პედიატრი და ბლოგერი თამარ ობგაიძე დედებს საინტერესო რჩევებს უზიარებს.

თამარ ობგაიძე
თამარ ობგაიძე

გაინტერესებს როგორ უნდა მოიქცე მაშინ, თუ ყოველდღე ახალი სადილის მომზადებას ვერ ასწრებ? რა თქმა უნდა, პირველ რიგში უპირატესობა უშუალოდ კვების წინ მომზადებულ საკვებს ენიჭება, რომელსაც მაშინვე აჭმევ პატარას. ახალი მომზადებული საკვები ხომ გაცილებით გემრიელიცაა და უსაფრთხოც.

მზა სადილი გაყინვის გარეშე მხოლოდ იმ დღეს ან, მაქსიმუმ, შემდეგ დღეს შეგიძლია გამოიყენო. აშშ-ის წამლისა და სურსათის სააგენტო გვირჩევს შენახვის მხოლოდ ამ მოკლე ვადას, რადგან ბაქტერიები სწრაფად იზრდება. ამიტომ შენახვისას ტემპერატურა პლუს 4–4,5 გრადუსზე მაღალი არ უნდა იყოს.

თუ კვებისას პატარა არ ამთავრებს სრულ ულუფას, დატოვებული საკვები მაცივარში აღარ შეინახო. ის აუცილებლად უნდა გადააგდო, რათა გამორიცხო ბაქტერიული დაბინძურება.

მოსამზადებლად ყოველთვის გულდასმით უნდა შეარჩიო ახალი, დაუზიანებელი პროდუქტი და კარგად გარეცხო. ამისათვის მხოლოდ წყლის გადავლებას ნუ ენდობი, ხილ-ბოსტნეულის გასასუფთავებლად ჯობს სპეციალურად მისთვის განკუთვნილი ჯაგრისი გამოიყენო.

საკვების მომზდების წინ კიდევ ერთხელ გარეცხე საჭრელი დაფები, რომელიც არ უნდა იყოს ფოროვანი. ამ ფორებში ადვილად იბუდებენ და იმალებიან ბაქტერიები.

თუ საკვების შენახვა გადაწყვიტე, მომზადებული პროდუქტები დაბლენდერების შემდეგ მოათავსე წინასწარ საპნით კარგად გარეცხილ ყინულის მოსამზადებელ ჭურჭელში, რაც საშუალებას მოგცემს საკვები კუბებად გაყინო და საჭიროებისას ის ულუფა აიღო, რამდენიც გჭირდება.

ჭურჭელს გადააფარე პოლიეთილენის თხელი გარსი, რომელიც საკვები პროდუქტებისათვისაა განკუთვნილი, შემდეგ კი ფოლგა შემოახვიე და საყინულეში მოათავსე.

როგორც კი საკვების ულუფები გაიყინება, გადმოიღე პლასტმასის სუფთა ჭურჭელში ან პაკეტში და შეინახე საყინულეში -17-18 გრადუსზე. პაკეტს აუცილებლად დაურთე გაყინვის თარიღის ამსახველი სტიკერი.

ამ წესით გაყინული პიურე მაქსიმუმ 2 თვე შეგიძლია შეინახო.

და, ბოლოს, საკვების შესანახად ყოველთვის გამოიყენე მაღალი ხარისხის პლასტმასის ნაწარმი, რომელიც არ შეიცავს ბისფენოლს. მავნე პლასტმასის აღმნიშვნელად გამოიყენება ციფრი 7, რაც დატანილი უნდა იყოს პლასტმასის ჭურჭლის ძირზე.

ჯანმრთელობას გისურვებ!

73
თემები:
ჯანმრთელობა და სილამაზე
ექიმი სინჯავს ცხვირის მდგომარეობას

ცხვირის ძგიდის გამრუდება: რა შემთხვევაშია საჭირო ოპერაცია?

100
(განახლებულია 16:36 23.09.2020)
გარდა იმისა, რომ ცხვირის ძგიდის გამრუდება შეიძლება თანდაყოლილი იყოს, ეს შესაძლოა დარტყმის შედეგადაც მოხდეს, ამბობენ ექსპერტები.

ხშირად ადამიანებს, რომლებსაც გამრუდების სიმპტომები უვლინდებათ, აღარც კი ახსოვთ, როდის და რას მიარტყეს ცხვირი — ეს შეიძლება რამდენიმე წლის წინაც მომხდარიყო. საქმე ისაა, რომ ხრტილები ასაკთან ერთად უფრო მყიფე ხდება და სიმრუდეც ძლიერდება.

რა პრობლემებს ქმნის ძგიდის გამრუდება?

ძგიდე იჭერს ცხვირის კედლებს. მათი შეშუპების დროს სუნთქვა ძნელდება და ხშირად სურდო ჩნდება. ზოგჯერ ცხვირი იმდენად იჭედება, რომ ადამიანს მხოლოდ ერთ გვერდზე შეუძლია ჩაძინება. ცხვირის კედლებზე ზეწოლამ შეიძლება მისი ტკივილი გამოიწვიოს და მერე ეს ტკივილი შუბლზეც გავრცელდეს. გამრუდებული ძგიდის მქონე პაციენტები ხშირად თავის ტკივილსაც უჩივიან.

ირღვევა ჰაერის ნორმალური მოძრაობა. გამრუდებული ძგიდის მხრიდან ჰაერი ძლივს შედის ცხვირის სინუსებში — პატარა ღრუებში, რომლებიც ძვლების შიგნით მდებარეობს. თუ სინუსი არ „განიავდა“, ის შეიძლება ანთებითი გახდეს და ჰაიმორიტი გამოიწვიოს.

ცხვირის ლორწოვანი გარსი თხელდება. მუდმივი წნევა და ანთება აშრობს ლორწოვან გარსს, რაც ზრდის ცხვირიდან სისხლდენების ალბათობას და სასუნთქ გზებს უფრო დაუცველს ხდის ინფექციების მიმართ.

რთულდება სუნის გარჩევა. ადამიანი სუნს ცხვირის მცირე უბნის წყალობით გრძნობს. გამრუდებული ძგიდის მქონე ადამიანებს, მუდმივი შეშუპების გამო, ხშირად ყნოსვა უუარესდებათ.

როგორ უნდა მოიქცეთ გამრუდებული ძგიდის შემთხვევაში?

  • თუ შემთხვევით გაარკვიეთ, რომ ძგიდე მრუდეა, მაგრამ ეს არ იწვევს რაიმე სიმპტომებს და არ გირთულებთ ცხოვრებას, მაშინ სამედიცინო მანიპულაციები საჭირო არ არის;
  • თუ გაქვთ სურდო, ძილის პრობლემები, სასუნთქი გზების ხშირი ინფექციები, მაშინ აუცილებლად უნდა მიმართოთ ყელ-ყურ-ცხვირის ექიმს, რომელმაც სუნთქვის გასაადვილებლად შეიძლება მედიკამენტები დანიშნოს. ჩვეულებრივ, ეს არის მარილიანი ხსნარი და წვეთები, ან აბები შეშუპების მოსახსნელად. ექიმს ასევე შეუძლია ანტიჰისტამინური საშუალებების ან კორტიკოსტეროიდული სპრეის დანიშვნა. ეს საშუალებები ცხვირში გაჭედვას ხსნის, მაგრამ პრობლემის ძირეულ მიზეზს ვერ აგვარებს;
  • თუ ძგიდე მნიშვნელოვნად აფერხებს ცხოვრების ხარისხს, ექიმი სეპტოპლასტიკისკენ გადაგამისამართებთ. ეს არის კლასიკური ოპერაცია ძგიდის გასასწორებლად. ქირურგი ხრტილის ან ძვლის მრუდე ნაჭერს იღებს და ძგიდეც შუა ხაზზე დგება.

აუცილებელია გახსოვდეთ, რომ ცხვირის ფორმა შეიძლება შეიცვალოს, თუ გამრუდება ძალიან ძლიერი იქნება. 

100
თემები:
სასარგებლო რჩევები
ნახევარმთვარე

მთვარის კალენდარი: 24 სექტემბერი რისი გაკეთება შეიძლება და რისი არა

0
(განახლებულია 12:24 22.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

24 სექტემბერი, ხუთშაბათი. ამ დღეს იუპიტერი მართავს. მზარდი მთვარე თხის რქის ნიშანშია.

თხის რქის დღეს კარგად გამოდის მნიშვნელოვანი საქმეების დაგეგმვა და დაწყება. ხელსაყრელი დროა ისეთი სამუშაოს შესრულებისთვის, რომელიც სიზუსტეს, მკაცრ მათემატიკურ გამოთვლებსა და ინსტრუქციების მკაფიო შესრულებას მოითხოვს.

კარგად მიმდინარეობს უძრავ ქონებასთან დაკავშირებული ოპერაციები, ფინანსური ოპერაციებისგან კი სჯობს, თავი შეიკავოთ. არახელსაყრელია ვალის აღება და გაცემა. არასასურველია ახალ სამუშაოზე გადასვლა. ამ დღეებში შესანიშნავად მუშაობს ლოგიკა, ამიტომ ასეთი პერიოდი არცთუ იღბლიანია შემოქმედებითი ადამიანებისთვის. ჩნდება პასუხისმგებლობის, პრაქტიკულობის, ვალდებულების გრძნობები.

ურთიერთობების გამორკვევა, რომანტიკული პაემანი და ზეიმი, სჯობს, სხვა დროისთვის გადადოთ. როდესაც მთვარე თხის რქის ნიშანშია, ურთიერთობებში ჭარბობს საქმიანი მხარე, ლაკონურობა, სიახლე და უჩვეულო რამ რთულად მიიღება, მეტად ფასობს საიმედოობა და წესრიგი. ურთიერთობებში ხშირად ჩნდება დაბრკოლებები, შესაძლებელია მცირე უსიამოვნებები, დასანანი შეცდომები, დაყოვნებები. ასეთ დღეებში ურთიერთობები უფრო ასაკოვან ადამიანებს შორის ეწყობა. თხის რქის დღეს დაწყებული სასიყვარულო ურთიერთობები თანდათანობით ვითარდება და პრაქტიკულობა ახასიათებს.

ხშირად ეს ურთიერთობები გრძელვადიანი და სტაბილური ხდება, გვირგვინდება ქორწინებით, მაგრამ აქეთ მოვლენები ძალიან ნელა ვითარდება.

რეკომენდებულია მოლაპარაკებების წარმოება, ხელმძღვანელების მხრიდან თანამშრომლებისთვის მადლობის გადახდა, წახალისება, ხოლო ქვეშევრდომებს შეუძლიათ მიმართონ თხოვნით ხელმძღვანელობას, ხელოვნების სფეროს წარმომადგენლების მხარდაჭერა, ახალი პარტნიორების ძებნა, უფრო ინდივიდუალურად მუშაობა, ვიდრე გუნდურად.

არარეკომენდებულია გაძლიერებული მუშაობა, რომელსაც ჯანმრთელობისთვის ზიანის მიყენება შეუძლია.

არცთუ ხელსაყრელი დღეა მგზავრობისთვის.

თმის შეჭრა, შეღებვა: ამ დღეს შეიძლება თმის შეჭრა და შეღებვა. თმის სტრუქტურა გაუმჯობესდება, ბოლოები ნაკლებად გაიყოფა. ძალზე ხელსაყრელი დღეა მანიკურისთვის.

მებაღეობა: კარგი დღეა ბოლქვიანი მცენარეებისა და ზამთრის ბოსტნეულის დარგვისთვის, სარეველისგან გაწმენდისთვის, მავნებლებთან ბრძოლისთვის, რომლებიც მიწაში ცხოვრობენ, იმ ყვავილების მორწყვისა და მათთვის სასუქის მიცემისთვის, რომლებსაც სუსტი ფესვები აქვთ, პიკირებისთვის, ნაყოფიანი ხეების შეწამვლისთვის, გასხვლისთვის, გადარგვისთვის, მოსავლის აღებისთვის.

0