მაცივარი სუპერმარკეტში

კარანტინი და პროვოკატორი პროდუქტები: სახელდება წონის მატებაში „ბრალდებული“ საკვები

337
მედიკოსების თქმით, ადამიანები, რომლებიც შინ „პროვოკატორ“ პროდუქტებს ინახავენ, საშუალოდ ცხრა კილოგრამით მეტს იწონიან მათთან შედარებით, ვინც ასე არ იქცევა

თბილისი, 11 აპრილი — Sputnik. ახლა, როდესაც კორონავირუსის პანდემიის გამო თვითიზოლაციის, კარანტინისა და დისტანციურად მუშაობის რეჟიმები მსოფლიოს მასშტაბით მილიონობით ადამიანს შეეხო, იზრდება რისკი იმისა, რომ ადამიანებმა წონაში ზედმეტად მოიმატონ, აცხადებენ ექიმ–დიეტოლოგები. 

მათი თქმით, გამომდინარე იქიდან, რომ შეზღუდვების გამო სახლებში გამოკეტილ ადამიანებს გამუდმებული წვდომა აქვთ მაცივრებთან, საჭიროა გარკვეული რეკომენდაციების გათვალისწინება, რათა ჯანმრთელობას ზიანი არ მიაყენონ.

ასე მაგალითად, მედიცინის მეცნიერებათა დოქტორი, ექიმი–დიეტოლოგი ივან ალიმენკო უპირველესად გირჩევთ, არ მოიმარაგოთ „პროვოკატორი“ პროდუქტები. მისი თქმით, ეს ხელს უწყობს ცდუნებას, მთელი დღე ისუსნავოთ.

„თუ კარანტინში არ ხართ და უბრალოდ დისტანციურად მუშაობთ, სჯობს მაღაზიაში ხშირად იაროთ და პროდუქტების შეზღუდული ულუფები შეიძინოთ. არ იყიდოთ ზედმეტი, მით უმეტეს, ის, რაც ყველაზე ძალიან გიყვართ. ადამიანები, რომლებიც შინ „პროვოკატორ“ პროდუქტებს ინახავენ, საშუალოდ ცხრა კილოგრამით მეტს იწონიან მათთან შედარებით, ვინც ასე არ იქცევა“, — ამბობს ექიმი.

მისი თქმით, საყვარელი პროდუქტები სჯობს იმდენად ცოტა გქონდეთ, რომ მისი ერთ ჯერზე შეჭმა იყოს შესაძლებელი.  

ამასთან ალიმენკო განმარტავს, რომ დღეში საშუალოდ 2 ათას კალორიაში უნდა „ჩავეტიოთ“. 

დიეტოლოგის თქმით, კაკალი, თხილი, ვაშლი და სხვა სახის ხილი — ეს წონის მატების მიზეზია, ვინაიდან კალორიულია და თანაც არ აკმაყოფილებს შიმშილის გრძნობას. ამიტომ ასეთი „კონტრაბანდა“ უნდა შეიზღუდოს. 

ექიმის შემდეგი რჩევაა, მიიღოთ საკმარისი რაოდენობის სითხე, ხოლო კვებასა და კვებას შორის, სასუსნავის მაგივრად დალიოთ ყავა უცხიმო რძით.

„ასეთი სასმელი შეგივსებთ სითხის მარაგს და არ მოგიმატებთ კალორიებს“, — ამბობს დიეტოლოგი.

რაც შეეხება შინ ჯდომის სხვა უკუეფექტს, უგუნებობას, ალიმენკო გირჩევთ, ებრძოლოთ მას ტელევიზორის წინ ცეკვით.

კიდევ ერთი ექიმი-დიეტოლოგი ნატალია პუგაჩოვა ამბობს, რომ წონაში მატების თავიდან აცილების პირველი და მნიშვნელოვანი პირობა - ეს დღის დაგეგმვაა. ამისათვის, ექსპერტის აზრით, საჭიროა ადგომის, კვების, ვარჯიშის, დისტანციური მუშაობის, სახლის საქმეების, ჰობის, სერიალებისა და კითხვისთვის დროის განაწილება.

ამასთან, დიეტოლოგი გვირჩევს, არ მივეძალოთ ტკბილეულსა და ალკოჰოლს, ვინაიდან „მათი ანტიდეპრესანტული ეფექტი გაზვიადებულია, კალორიულობა კი მაღალი“.

გარდა ამისა, ექიმის თქმით, სჯობს ყოველ 2-3 საათში ერთხელ იკვებოთ მცირე ულუფებით და უარი თქვით ძალიან ცხარე და ცხიმიან საკვებზე. 

337
თემები:
სასარგებლო რჩევები (279)
დიეტა

სახელდება სასარგებლო პროდუქტები, რომლებიც გახდომას უშლის ხელს

107
(განახლებულია 17:27 18.09.2020)
კვების სპეციალისტების თქმით, არსებობს ისეთი პროდუქტები, რომლებიც სასარგებლოდ მიიჩნევა, თუმცა რეალურად ისინი ხელს უშლის წონაში დაკლებას

თბილისი, 18 სექტემბერი ― Sputnik.  არსებობს პროდუქტები, რომლებიც სასარგებლოდ მიიჩნევა, მაგრამ ისინი წონის დაკლებას ხელს უშლის, იუწყება გამოცემა Clarin-ი დიეტოლოგ როსა მარია ესპინოზაზე დაყრდნობით.

ესპინოზას თქმით, ასეთ პროდუქტად მიიჩნევა მშრალი ბურბუშელა საუზმისთვის, რომელიც ხშირ შემთხვევაში ბევრ შაქარს შეიცავს და ამავე დროს მასში საერთოდ არ შედის უჯრედისი.

გარდა ამისა, ექსპერტი გვირჩევს, თავი ავარიდოთ მზა ტომატ-პასტის შეძენას და შინ დავამზადოთ ის, ვინაიდან ქარხნულ პროდუქციაში დიდი რაოდენობით შაქარი შედის.

ესპინოზას თქმით, გახდომაში ხელის შემშლელად ასევე შეიძლება ჩაითვალოს სმუზი. გარდა ამისა, ირკვევა, რომ ამ სასმლის კვირაში ხუთზე მეტი ულუფა გულ-სისხლძრღვთა დაავადებას იწვევს.

კიდევ ერთი სპეციალისტი, კვების ტრენერი სიუზანა ლეონი წონაში დაკლების მსურველებს ურჩევს, არ მიირთვან ჩირი (რომელშიც შაქრის მაღალი კონცენტრაციაა) და ასევე მოერიდნენ ბალზამიკოს, რომლის 100 გრამიც 22 გრამ შაქარსა და 110 კკლ-ს შეიცავს.

სპეციალისტის თქმით, ასევე ძალიან კალორიულია სოიოს სოუსიც: 100 გრამი 175  კალორიას და დიდი რაოდენობით მარილს შეიცავს.

107
თემები:
სასარგებლო რჩევები (279)
შესაწვავად გამზადებული სტეიკის ნაჭერი

მითი თუ რეალობა: ვნებს თუ არა ღორის ხორცი ადამიანის ჯანმრთელობას

632
(განახლებულია 19:46 17.09.2020)
პაპა-ბებიებისგან, ნათესავ-მეზობლებისგან არაერთი სამედიცინო მითი გვსმენია. მითი კი, მოგეხსენებათ, სინამდვილისგან ხშირად შორს დგას. სამწუხაროდ, საზოგადოებაში დღემდე შემორჩა მცდარი შეხედულებები და მკურნალობის მეთოდები, რომლებიც შესაძლოა უარყოფითად აისახოს ჯანმრთელობაზე.

საზოგადოებაში ბევრს საუბრობენ ღორის ხორცის ავკარგიანობაზე. ხშირად ღორის ხორცი ხასიათდება როგორც არაჯანსაღი ხორცი და ადამიანების ნაწილი ფიქრობს, რომ მისი მიღება ჯანმრთელობასთან დაკავშირებულ პრობლემებს წარმოქმნის. როგორც აღმოჩნდა, ღორის ხორცი უფრო სასარგებლოა, ვიდრე ჩვენ გვგონია.

ღორი არ იცოხნება, შესაბამისად, იგი არ გადაამუშავებს საკვებს ხელმეორედ და ამიტომ ღორის სხვა მახასიათებლები უფრო თავსებადია ადამიანის ჯანმრთელობასთან, ვიდრე საქონლის. ამასთან, თუ ღორი იზრდება ღია ცის ქვეშ, ამ შემთხვევაში მის ხორცში დიდი რაოდენობით ომეგა 3 იქნება. ღორის ხორცი ცილების წყაროა. რაოდენ გასაკვირიც არ უნდა იყოს, მისი დიეტა სასარგებლოა სპორტსმენებისთვის და იმ ადამიანებისთვის, რომლებიც მზად არიან წონაში დაიკლონ. ღორის ხორცი მატებს ენერგიას და ფიზიკურ აქტივობას, ეხმარება ადამიანებს დაავადების შემდეგ ძალების სწრაფად აღდგენაში ან ოპერაციის შემდეგ რეაბილიტაციაში.

ინფექციონისტმა მაია ბუჭაშვილმა გააქარწლა მითი, თითქოს ღორის ხორცი ვნებს ადამიანის ჯანმრთელობას.

- შეიძლება ეს საკითხი დიდად მნიშვნელოვანი არ იყოს და ამდენ მსჯელობას არც იმსახურებდეს, ზოგს გაუკვირდება, ამ გაგანია პანდემიის დროს რა დროს ეს არისო, უბრალოდ, საყოველთაოდ დამკვიდრებული სტერეოტიპების კიდევ ერთი უმარტივესი მაგალითი მინდა მოვიყვანო.

პაციენტების უმრავლესობა მეუბნება, რომ არ ჭამს ღორის ხორცს და დარწმუნებული არიან, რომ ამით ძალიან უწყობენ ხელს თავიანთ ჯანმრთელობას. ეს განსაკუთრებით ხშირია ღვიძლის დაავადებების მქონე პაციენტებში.

გაუგებარია, საიდან მოდის ეს ძალიან მყარად დამკვიდრებული აზრი. არ არსებობს მტკიცებულება, რომ ღორის ხორცს რაიმე სპეციფიკური მავნებლობა ახასიათებდეს ძროხის ხორცთან შედარებით.

ღორის ხორცთან მებრძოლთა ერთ-ერთი არგუმენტი ალბათ ის არის, რომ ცხიმიანია, თუმცა არგუმენტად ეს ვერ გამოდგება, რადგან თუ ჩვენ განვიხილავთ კუნთოვან ნაწილს (ანუ „მჭლე“), სატურირებული ცხიმის შემცველობით, ძროხის ხორცი აღემატება ღორისას. მეორე მხრივ, მთელი რიგი ვიტამინების, მინერალური ნივთიერებების შემცველობით ღორის ხორცს უპირატესობებიც გააჩნია (გარდა რკინისა, რომელიც მეტია ძროხის ხორცში).

ასევე დამკვიდრებულია მოსაზრება, რომ ბავშვებს (განსაკუთრებით ჩვილ ბავშვებს) არ უნდა მივცეთ ღორის ხორცი. თუ დავაკვირდებით, დასავლეთის ქვეყნებში ბავშვთა კვებაში ჩვეულებრივ არის წარმოდგენილი ღორის ხორცი ყოველგვარი შეზღუდვების გარეშე. არც ერთი საერთაშორისო ორგანიზაციის რეკომენდაციაში არ არის აკრძალული ჩვილი ბავშვებისთვის ღორის ხორცის გამოყენება.

დასკვნა კი ის არის, რომ როდესაც რაღაც შეზღუდვებს ვუწესებთ ჩვენს თავს (ან, პირიქით, როდესაც რაღაც პროდუქტის თუ ნივთიერების მარგებლობის გვჯერა), კარგი იქნება, თუ შესაბამის არგუმენტებს მოვიძიებთ. ეს პირველ რიგში ეხება ჯანდაცვის მუშაკებს, რომლესაც დიდი პასუხისმგებლობა აქვთ პაციენტებისთვის თუნდაც ასეთი მარტივი რეკომენდაციების მიცემის დროს და მათი ეს რჩევები გამყარებული უნდა იყოს შესაბამისი მტკიცებულებით.

 

632
თემები:
ჯანმრთელობა და სილამაზე
ტესტირება კორონავირუსზე

COVID-19 საქართველოში: რამდენი შემთხვევა გამოვლინდა ბოლო დღე-ღამეში

0
(განახლებულია 10:27 19.09.2020)
ამ დროისათვის სულ გამოჯანმრთელდა 1481 ადამიანი. გარდაიცვალა – 19, კარანტინის რეჟიმში იმყოფება 5014, ხოლო სტაციონარებში ექიმების დაკვირვების ქვეშ 836 პაციენტია.

თბილისი, 19 სექტემბერი — Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 187-ით გაიზარდა და 3306-ს მიაღწია, გამოჯანმრთელებულთა რაოდენობას 46 ადამიანი შეემატა, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის სულ გამოჯანმრთელდა 1481 ადამიანი. გარდაიცვალა – 19, კარანტინის რეჟიმში იმყოფება 5014, ხოლო სტაციონარებში ექიმების დაკვირვების ქვეშ 836 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში