კორონავირუსი

როგორ დავძლიოთ COVID-19-ით გამოწვეული შფოთვა: სპეციალური ინსტრუქტაჟი ფსიქოლოგებისგან

258
(განახლებულია 17:48 19.03.2020)
ფსიქოლოგებმა შეიმუშავეს სპეციალური ინსტუქტაჟი, რომელიც პანდემიის დროს ადამიანებს შიშებისა და შფოთვის დაძლევაში ეხმარება.

თბილისი, 19 მარტი — Sputnik. ბევრი ადამიანი განიცდის შიშსა და შფოთვას იძულებითი კარანტინის დროს, რომლის დაცვაც  COVID-19 ვირუსის საფრთხის გამოა საჭირო. ახლა მნიშვნელოვანია არა მხოლოდ ჯანმრთელობისათვის ყურადღების მიქცევა, არამედ ემოციებისგან თავშეკავება და შეძლებისდაგვარად იმ ადამიანებისთვის დახმარების გაწევა, რომლებიც ამას საჭიროებენ, აცხადებენ ფსიქოლოგები. 

მათ შეიმუშავეს ინსტუქტაჟი, თუ როგორ უნდა მოვიქცეთ კარანტინის დროს, რომელიც ასე გამოიყურება:

ნუ ენდობით ჭორებს, რეგულარულად გაეცანით ინფორმაციას ჯანმო-ს საიტზე და ჯანდაცვის ადგილობრივი ორგანოების პლატფორმებზე. ეს თქვენ ფაქტების ჭორებისგან გარჩევაში დაგეხმარებათ. ფაქტები ხელს შეუწყობს შიშების შემცირებას;

თუ ვირუსის გავრცელების შესახებ ახალი ამბები შფოთვას გიძლიერებთ, შეამციროთ ასეთი ინფორმაციების ნახვა, კითხვა ან მოსმენა. გაეცანით მხოლოდ საიმედო, სანდო წყაროებს, რათა დაიცვათ საკუთარი თავი და თქვენი ახლობლები;

COVID-19-ით შეიძლება დაინფიცირდეს მსოფლიოს ბევრი ქვეყნის მოსახლეობა. არ დაუკავშიროთ ეს დაავადება რომელიმე ეთნიკურ ან ეროვნულ კუთვნილებას;

გამოიჩინეთ თანაგრძნობა, არ უწოდოთ ინფიცირებულ ადამიანებს მსხვერპლი ან სნეული (ჭირიანი). ესენი არიან ადამიანები, რომელთაც COVID-19 აქვთ, ადამიანები, რომლებიც COVID-19-ზე მკურნალობენ, და გამოჯანმრთელების შემდეგ მათი ცხოვრება კვლავ ჩვეულებრივად გაგრძელდება;

თუ ბავშვებს კორონავირუსის შიში დაეწყოთ, დაეხმარეთ მათ იმით, რომ პოზიტიურად განიხილოთ ვითარება, ეთამაშეთ და ხატეთ მათთან ერთად. გახსოვდეთ: ბავშვები აკვირდებიან უფროსების ქცევასა და ემოციებს და ამით აცნობიერებენ, როგორ უნდა მართონ საკუთარი ემოციები ძნელ წუთებში;   

იზოლაციაში მყოფი ხანდაზმული ადამიანები, განსაკუთრებით კოგნიტური დარღვევების ან დემენციის მქონე პირები, შესაძლოა უფრო მეტად შფოთიანები, აღგზნებულები,  აფორიაქებულები გახდნენ. მიაწოდეთ მათ ზუსტი ინფორმაცია მარტივი და გასაგები ფორმით, თუ რა ხდება და როგორ შეიძლება შეამცირონ დაინფიცირების რისკი. გაუმეორეთ ეს ყოველთვის, როცა საჭიროა;  

თუ ჯანმრთელობასთან დაკავშირებული სხვა პრობლემები გაქვთ, დარწმუნდით, რომ გექნებათ წვდომა თქვენთვის საჭირო ნებისმიერ მედიკამენტზე. უკეთესია, თუ ორკვირიან მარაგს შექმნით. დაკვალიანდით, საჭიროების შემთხვევაში სად და როგორ უნდა მიიღოთ სამედიცინო დახმარება;

განაგრძეთ სოციალური კავშირები. ინტერნეტის ეპოქაში მარტივია ახლობელ ადამიანებთან კონტაქტი ელექტრონული ფოსტის, სოციალური ქსელების,  ვიდეოკონფერენციებისა და ტელეფონის საშუალებით;

დაბოლოს: დაიწყეთ ყოველდღიური ფიზიკური ვარჯიშების შესრულება, რათა შეინარჩუნოთ ფიზიკური აქტივობა და კარგი განწყობა!  

როგორ მკურნალობენ COVID 19-ს ლონდონელი ექიმები: ინფიცირებული მსახიობი პოსტს აქვეყნებს>>

ჯონ ჰოპკინსის უნივერსიტეტის სპეციალური პროექტის მონაცემებით, ახალი ტიპის კორონავირუსი COVID-19-ით ინფიცირებულთა რაოდენობამ მსოფლიოს მასშტაბით 218 815 კაცს მიაღწია, აქედან გარდაცვლილია 8 810 და განკურნებულია 84 114 ადამიანი.  

ინფიცირებულთა რაოდენობით პირველ პოზიციაზე კვლავ ჩინეთია (81 138 კაცი), სადაც ამ დროისთვის ეპიდემიის პიკი უკვე გადავლილია და დღე-ღამის განმავლობაში ახალი დასნებოვნების მცირე შემთხვევებიღა ფიქსირდება. სხვა ქვეყნების ჩამონათვალი, რომლებშიც ახალი ტიპის კორონავირუსით დაავადებულთა რიცხვმა ათასს გადააჭარბა, ასეთია: იტალია – 35 713, ირანი — 17 361, ესპანეთი — 14 769, გერმანია — 12 327, აშშ — 9 415, საფრანგეთი — 9 054, სამხრეთ კორეა — 8 565, შვეიცარია — 3 067, დიდი ბრიტანეთი — 2 644, ნიდერლანდები — 2 056, ავსტრია — 1 646, ნორვეგია — 1 591, ბელგია — 1 486, შვედეთი — 1 301, დანია — 1 015 ადამიანი. 

 

258
თემები:
COVID-19-ის პანდემია მსოფლიოში (1339)
ტკივილი ზურგის არეში

აგარიდებთ თირკმელ-კენჭოვან დაავადებას: ექიმი ასახელებს პროდუქტს

212
(განახლებულია 21:51 11.06.2021)
როგორც ირკვევა, სწორედ ეს ნივთიერება ეხმარება კალციუმს, წავიდეს საჭირო ადგილისკენ და არა თირკმელებში.

თბილისი, 11 ივნისი − Sputnik. არსებობს გარკვეული პროდუქტები, რომლებიც თირკმელებში ქვების გაჩენას აგარიდებთ თავიდან, აცხადებს მედიცინის მეცნიერებათა კანდიდატი იულია ჩეხონინა.

ამასთან სპეციალისტმა განმარტა, რა არის თირკმელ-კენჭოვანი დაავადების გაჩენის ძირითადი მიზეზები.

მისი თქმით, აღნიშნული დაავადება 30 წლამდე ადამიანებსაც ემართებათ იმ შემთხვევაში, თუ საქმე კალციუმის გაცვლის მემკვიდრეობით დარღვევასთან და ასევე ზოგ სხვა მიზეზთან, მათ შორის, კვებით დარღვევასთან გვაქვს.

„თირკმელ-კენჭოვანი დაავადება ჩნდება იმ შემთხვევებში, როდესაც რაციონი ბალანსირებული არ არის, როდესაც მასში მარილებისა და კალციუმის წყაროები ჭარბობს, ამასთან ორგანიზმს აკლია მაგნიუმი, ვიტამინი B6 და სხვა მნიშვნელოვანი კომპონენტები, რომლებიც კალციუმის ნორმალური გაცვლისთვის არის აუცილებელი“, − განმარტა ექიმმა.

როგორც მედიკოსი ამბობს, სწორედ მაგნიუმი ეხმარება კალციუმს, წავიდეს იქით, სადაც ის აუცილებლად უნდა შედიოდეს − ძვლოვან სისტემაში. თუ კალციუმის ცვლა ირღვევა, იმ შემთხვევაშიც კი, თუ ორგანიზმში მისი სიჭარბე არ აღინიშნება, ის შეიძლება არასასურველს ადგილზე − თირკმელებში მოხვდეს. იქ ის წარმოქმნის ნალექს, რომლისგანაც შემდეგ ქვები ჩნდება.   

შარდკენჭოვანი დაავადების პროფილაქტიკისთვის აუცილებელია საკმარისი რაოდენობით მაგნიუმის მიღება, რომელიც დიდი რაოდენობით შედის კეშიუს კაკალში − 100 გრამში დღიური ნორმის 68%. ირკვევა, რომ დღეში მისი მხოლოდ 50 გრამიც საკმარისია იმის გათვალისწინებით, რომ ნორმის დანარჩენ ნაწილს სხვა პროდუქტებიდან მიიღებთ.

გარდა ამისა, თირკმელებში ქვების გაჩენის თავიდან ასაცილებლად აუცილებელია ვიტამინი B6, რომელიც მაგნიუმთან ერთად კომპლექსში ხელს უწყობს კალციუმის ცვლას.

„ხორბლის ქატო დიდი რაოდენობით B6-ს შეიცავს. დღეში 50 გრამის მიღებაა საკმარისი, ოღონდ ეს ნორმა თანაბრად უნდა გადანაწილდეს დღის განმავლობაში. ხორბლის ქატო შეგიძლიათ ჩაამატოთ წვნიან საკვებში და სასმელებშიც კი“, − ამბობს სპეციალისტი.

გარდა ამისა, ექიმის თქმით, კარგი იქნება, თუ რეგულარულად მიირთმევთ ყოველდღე გამოსაყენებლად ნებადართულ ერთ ჭიქა ტუტე მინერალურ წყალს − მაგნიუმის მაღალი შემცველობით, და ასევე ცილების რომელიმე წყაროს.

გაიჯანსაღეთ თირკმელები... კბილების კაკუნით – აღმოსავლური მეთოდიკა>>

ამისთვის ჩეხონინა თევზს გირჩევთ, ვინაიდან, მისი თქმით, თევზის ცილებს ორგანიზმი უფრო იოლად ითვისებს, ვიდრე ხორცისას.

212
თემები:
ექიმი გირჩევთ
მწვანილეული

მწვანილი დიდხანს არ გაფუჭდება, თუ... შენახვის წესები

153
(განახლებულია 21:20 11.06.2021)
კულინარიის სპეციალისტი გასწავლით, როგორ უნდა შეინახოთ მწვანილეული ისე, რომ მალე არ გაფუჭდეს.

თბილისი, 11 ივნისი − Sputnik. იმისათვის, რომ მწვანილი მალე არ გაფუჭდეს, აუცილებელია მისი მაცივარში შენახვა, თუმცა გარკევეული სახით, აცხადებს კულინარიის სპეციალისტი ოლგა ივენსკაია.

მისი თქმით, კამა, ოხრახუში და ქინძი, სინორჩის შესანარჩულებლად, წყლით უნდა დანამოთ და შემდეგ პოლიეთილენის პარკში ჩადოთ, ოღონდ თავი მჭიდროდ არ უნდა მოუკრათ. ამის შემდეგ ის მაცივრის იმ განყოფილებაში უნდა მოათავსოთ, რომელიც სპეციალურად ბოსტნეულისთვისაა განკუთვნილი. ასეთ შემთხვევაში მწვანილი ერთი კვირის განმავლობაში ნედლი დარჩება.

დაიმახსოვრეთ: სხვადასხვა სახეობის მწვანილები ცალ-ცალკე უნდა შეინახოთ.

როგორც სპეციალისტი ამბობს, სასარგებლო ნივთიერებების რაოდენობა მწვანილში ყოველდღიურად იკლებს, ამიტომ ჯობს წინასწარ მხოლოდ იმდენი შეიძინოთ, რამდენსაც 2-3 დღის განმავლობაში გამოიყენებთ.

ექსპერტის კიდევ ერთი რჩევაა, რომ მწვანილს ძირი (ფესვი) არავითარ შემთხვევაში არ მოაჭრათ, ვინაიდან ასეთი მწვანილი უფრო დიდხანს ინახება.

არსებობს მწვანილის შენახვის კიდევ ერთი მეთოდი: გარეცხეთ ნებისმიერი მწვანილი, მოაშორეთ ღეროები და წვრილად დაკეპეთ ფოთლები. შემდეგ დააყარეთ მარილი (100 გრამ მწვანილზე 20 გრამი მარილი) და მოათავსეთ მჭიდროდ თავდახურულ შუშის ქილაში. ასეთი მწვანილი დაახლოებით ერთი თვის განმავლობაშია ვარგისი.

153
თემები:
სასარგებლო რჩევები
სასწრაფო თბილისის ქუჩებში

ავარია კრწანისის ქუჩაზე: როგორია დაშავებულების მდგომარეობა

0
კლინიკაში მოთავსებული ერთ-ერთი დაშავებული არასრულწლოვანია, მას მრავლობითი ტრავმები და მოტეხილობები აღენიშნება.

თბილისი, 13 ივნისი - Sputnik. კრწანისის ქუჩაზე მომხდარი ავარიისას დაშავებულებიდან სამი პაციენტის მდგომარეობა მძიმეა, განაცხადა კლინიკა New Hospitals-ის რეანიმატოლოგმა ალექსანდრე მხარგრძელმა.

ავარია კლინიკა „ნიუ ჰოსპიტალსთან“ შაბათს ნაშუადღევს მოხდა. სატვირთო ავტომობილის მძღოლმა საჭე ვერ დაიმორჩილა, გზის საპირისპირო მხარეს გადავიდა, რამდენიმე მსუბუქ ავტომობილს დაეჯახა და კლინიკის ეზოში გადავარდა. ავტოსაგზაო შემთხვევის შედეგად რვა ადამიანი დაშავდა, ერთი ადგილზე გარდაიცვალა, ხოლო საავადმყოფოში მიყვანისას ერთ-ერთი დაშავებული გარდაიცვალა.

ექიმის თქმით, ამჟამად კლინიკაში მკურნალობას ოთხი პაციენტი გადის. ერთის ზოგადი მდგომარეობა არის საშუალო სიმძიმის.

„ორ პაციენტთან იგეგმება დღეს ოპერაციული ჩარევა, მათ შორის ერთ-ერთი არასრულწლოვანია. გრძელდება ინტენსიური მოვლა და მკურნალობა. პაციენტები არიან ზოგადი პოლიტრავმის დიაგნოზით შემოსული. მართვის სუნთქვაზე ამჟამად არც ერთი არ იმყოფება. ოთხივე მათგანი არის კონტაქტური. ჯერჯერობით საყურადღებო მდგომარეობაა“, – განაცხადა ალექსანდრე მხარგრძელმა.

მომხდარზე გამოძიება სსკ-ის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

0