კორონავირუსი

COVID 19: თვითიზოლაციას აზრი არ აქვს, თუ... ეპიდემიოლოგების რჩევები

679
(განახლებულია 10:26 15.03.2020)
იმისათვის, რომ გარემოს დროებით მოწყვეტილ ადამიანებს განსაკუთრებულ რეჟიმში ცხოვრება გავუადვილოთ, Sputnik-საქართველომ მოიძია რეკომენდაციები, რომლებიც ბევრად დაგეხმარებათ შეზღუდვებისთვის თავის გართმევაში.

თბილისი, 15 მარტი — Sputnik. ახალი ტიპის კორონავირუსის, COVID 19-ის პანდემიის გამო, რომელიც ამ დროის მონაცემებით, მსოფლიოს 143 ქვეყანაშია გავრცელებული, არაერთი შეზღუდვა და სპეციალური წესებია შემოღებული. 

ასეთ სპეციალურ წესებს განეკუთვნება ინფიცირებაში ეჭვმიტანილი მოქალაქეების თვითიზოლაცია, რომელიც საქართველოშიც მოქმედებს.

ამ დროისათის ჩვენს ქვეყანაში სპეციალურ რეჟიმში ცხოვრობს 1 100 ადამიანი, რომელთაგან 22-მა დაარღვია თვითიზოლაციის წესი და ისინი კარანტინზე იძულებით გადაიყვანეს.

იმისათვის, რომ გარემოს დროებით მოწყვეტილ ადამიანებს განსაკუთრებულ რეჟიმში ცხოვრება გავუადვილოთ, Sputnik-საქართველომ მოიძია რამდენიმე რეკომენდაცია და ინსტრუქცია, რომლებიც ბევრად დაგეხმარებათ შეზღუდვებისთვის თავის გართმევაში.

COVID-19: რატომ იტალია და რა ელით სხვა ქვეყნებს – ექსპერტის მოსაზრებ>>

ვის ეხება თვითიზოლაცია

  • ვინც კორონავირუს COVID 19-ზე ტესტის პასუხს ელოდება; 
  • ვისაც მჭიდრო  კონტაქტი ჰქონდა ინფიცირებულ ადამიანთან;
  • ვინც იმ ქვეყნებში იმოგზაურა, სადაც Covid-19-ის ბევრი შემთხვევაა დაფიქსირებული, თანაც მაშინაც კი, თუ დაავადების სიმპტომები არ აქვს.

კორონავირუსმა თაღლითებს ახალი სქემები შთააგონა: ინტერპოლი განცხადებას ავრცელებს>>

თვითიზოლაცია, თუ მარტო ცხოვრობთ

  • წინასწარ მოიმარაგეთ საკვები პროდუქტები — სასურველია ისეთი, რომლებიც იმუნიტეტს აძლიერებს, მედიკამენტები — რომლებიც ექიმის მიერ გაქვთ დანიშნული ან იცით, რომ პერიოდულად გჭირდებათ, ასევე წყალი (ხომ შეიძლება, დაწყდეს?) სადეზინფექციო საშუალებები, ნიღბები. 
  • კარგი იქნება, თუ ბინის გასაღებს დაუტოვებთ სანდო ახლობელს, რომელიც რთულ ვითარებაში შეძლებს კარის გაღებას;
  • ხშირად გაანიავეთ ბინა და სადეზინფექციო საშუალებებით გაწმინდეთ ნივთები, რომლებსაც მანამდე ეხებოდით;
  • თუ შინ დიდი ტანის ცხოველი გყავთ, რომელსაც გასეირნება ესაჭიროება, შეეცადეთ გარეთ მხოლოდ იმ დროს გახვიდეთ, როდესაც ქუჩაში ადამიანები აღარ არიან — გვიან ღამით ან ადრე დილით. ოღონდ ესეც უკიდურეს შემთხვევაში. სავარაუდოდ, ამის შესახებ უნდა ეცნობოს შესაბამის სამსახურებს, რომლებიც თვითიზოლაციის წესების დარღვევისთვის არ დაგსჯიან.

COVID 19 განკურნებულ პაციენტებში მძიმე კვალს ტოვებს: ჩინელი მედიკოსების უახლესი დასკვნა>>

თუ ოჯახში სხვებიც არიან

  • გამოყავით ცალკე ოთახი თქვენთვის;
  • თუ გაქვთ საშუალება, ისარგებლეთ ასევე ცალკე საპირფარეშოთი და აბაზანით; თუ არა — აუცილებლად დაამუშავეთ ისინი სადეზინფექციო ხსნარებით სარგებლობის შემდეგ, რათა ოჯახის წევრები რისკისგან დაიცვათ. ეს ყველაფერი უნდა გააკეთოთ სამედიცინო ხელთათმანებით, რომლებსაც მერე გადაყრით;
  • ისარგებლეთ ცალკე ჭურჭლითა და პირსახოცებით;
  • იკვებეთ მარტო — თქვენთვის გამოყოფილ ოთახში. ოჯახის წევრებს შეუძლიათ საკვები კართან დაგიდგან და თავად მოშორებით დადგნენ, რათა სავარაუდო ვირუსი არ გადაედოთ (შეგახსენებთ, რომ COVID 19-ის ვირუსი საკმაოდ მძმეა და მას დიდ მანძილზე ფრენა არ შეუძლია). ჭამის დამთავრების შემდეგ, ოჯახის წევრებმა თქვენი ოთახის კართან გამოდგმული ჭურჭელი სამედიცინო ხელთათმანებითა და ნიღბით აღჭურვილებმა უნდა აიღონ და ისე გაიტანონ დასამუშავებლად — ცხელი წყლით გასარეცხად. ამის შემდეგ გამოყენებული ხელთათმანები და ნიღაბი ფრთხილად უნდა მოიხსნან და გადაყარონ — მათი ხელმეორედ გაკეთება დაუშვებელია;
  • ხშირად დაიბანეთ ხელები საპნით;
  • თუ ოჯახში ცხოველი გყავთ, მასთან კონტაქტსაც აარიდეთ თავი;
  • თუ ოჯახის წევრებთან კონტაქტი აუცილებელი გახდა, გაიკეთეთ ნიღაბი და დაიცავით მანძილი — დაახლოებით სამი მეტრი;
  • თუ კერძო სახლში ცხოვრობთ, შეგიძლით საკუთარ ეზოში სასეირნოდ გაბრძანდეთ, ოღონდ არ უნდა მიუახლოვდეთ და იკონტაქტოთ სხვებთან — გაესაუბრეთ შორიდან. 

თვითიზოლაციაში უნდა დარჩეთ 14 დღე, ან მანამ, სანამ ტესტის პასუხი არ მოგივათ. 

თუ ნებაყოფლობითი კარანტინის დროს სიმპტომები გამოგივლინდათ — კერძოდ, ხველება, სუნთქვის გართულება, ცხელება, დიარეა, სასწრაფოდ შეატყობინეთ ამის შესახებ შესაბამის სამსახურს. დარეკეთ:

ჯანდაცვის სამინისტროს ცხელი ხაზზე — 15-05 — მუშაობს 24 საათის განმავლობაში, ან 116 001-ზე — დაკავშირება შესაძლებელია სამუშაო დღეებში 21:00 საათამდე და შაბათ-კვირას 18:00 საათამდე;

ინფექციური საავადმყოფოს ცხელ ხაზზე — 595 395 566.

საყოფაცხოვრებო ნარჩენების მართვა

მოათავსეთ ყველა ნარჩენი, მათ შორის, ხელსახოცები, ხელთათამნები თუ ნიღბები ნაგვისთვის განკუთვნილ პაკეტში. როდესაც ის დაახლოებით სამ მეოთხედამდე შეივსება, მოუკარით თავი და ჩადეთ კიდევ ერთ პაკეტში, რომელსაც ასევე უნდა მოუკრათ თავი.

არ გაიტანოთ გადასაყრელად ნარჩენები 72 საათის განმავლობაში. მათი ურნებში გადატანა მხოლოდ ამ დროის გასვლის შემდეგ შეგიძლიათ.  

Sputnik-საქართველოს რედაქცია გისურვებთ ჯანმრთელობას!

მსოფლიოს სხვადასხვა ქვეყანაში კორონავირუსთან დაკავშირებით სასჯელი საკარანტინო წესების დარღვევისთვის
© Sputnik / Konstantin Ivanov
მსოფლიოს სხვადასხვა ქვეყანაში კორონავირუსთან დაკავშირებით სასჯელი საკარანტინო წესების დარღვევისთვის

679
თემები:
COVID-19-ის პანდემია მსოფლიოში (1339)
სახსრების ვარჯიში

სახსრების ტკივილი: ოთხი საუკეთესო დანამატი სამკურნალოდ და ტკივილების მოსახსნელად

53
(განახლებულია 15:51 24.06.2021)
ბრიტანელი სპეციალისტების თქმით, ამ დანამატმა კვლევებისას ისეთი ძლიერი ეფექტი გამოავლინა, რომ პაციენტებმა ტკივილგამაყუჩებლების მიღება შეწყვიტეს

თბილისი, 24 ივნისი − Sputnik. სახსრები სხვადასხვა დაავადებისა და ასაკის მატების ფონზე ნაკლებად მოქნილი ხდება და ამასთან იმატებს ანთებითი პროცესები, თუმცა ეს არ უნდა იყოს იმის მიზეზი, რომ ტკივილი მოითმინოთ, წერს Express-ი.

გამოცემის ინფორმაციით, გარდა სამკურნალო პროცედურებისა, არსებობს არაერთი დანამატი, რომელთა ხანგრძლივი ეფექტი სახსრების მკურნალობაში უკვე დადასტურებულია.

ასე მაგალითად, როგორც მეცნიერულმა კვლევებმა აჩვენა, გლუკოზამინის სულფატის ყოველდღიური მიღება სახსრებში ოსტეოართრიტის განვითარებას ამუხრუჭებს და ასევე ამცირებს დაავადებით გამოწვეულ ტკივილს.

ამასთან აღინიშნება, რომ გლუკოზამინი სახსრების გარშემო ხრტილოვანი ქსოვილის საკვანძო კომპონენტია.

გარდა ამისა, სახსრების მდგომარეობაზე შესანიშნავ გავლენას ახდენს ომეგა-3, რომელსაც ანთების საწინააღმდეგო ფექტი აქვს და კარგი საშუალებაა სახსრებში ტკივილების მოსახსნელად.

„2016 წელს ჩატარებულმა კვლევამ აჩვენა, რომ რევმატოიდული ართრიტის შემთხვევაში ომეგა-3-ის რეგულარული მიღება ამცირებს სახსრებში დისკომფორტსა და „შებოჭილობას“.  ამასთან ზოგ შემთხვევაში ეფექტი იმდენად მნიშვნელოვანი იყო, რომ პაციენტებმა ტკივილგამაყუჩებელი პრეპარატების მიღება შეწყვიტეს“, - ნათქვამია Express-ის სტატიაში.

ექიმები სახსრების ტკივილის შემთხვევაში ასევე გვირჩევენ კურკუმისა და ჯანჯაფილის გამოყენებას. თუმცა განმარტავენ, რომ კვლევებისას კურკუმამ მხოლოდ ხანმოკლე ანთებები შეამცირა, ხოლო ჯანჯაფილის ექსტრატმა, რომელსაც ჩვეულებრივი დანამატების სახით ვიღებთ, მაინცდამაინც ძლიერი ეფექტი ვერ გამოავლინა.

 

53
თემები:
ექიმი გირჩევთ
ექიმი

ღვიძლის აღდგენა წამლების გარეშე: ექიმი ასახელებს ბოსტნეულის წვენებს

130
(განახლებულია 17:37 24.06.2021)
ექიმი ასახელებს რამდენიმე წვენსა და სასმელს, რომლებიც ღვიძლს ფუნქციის აღდგენასა და უჯრედების გაახალგაზრდავებაში ეხმარება.

თბილისი, 24 ივნისი − Sputnik. ღვიძლის მუშაობის აღდგენა წამლების გარეშე, გარკვეული წვენებითაც არის შესაძლებელი, აცხადებს გასტროენტეროლოგი ალინა ბუდაკოვსკაია.

მისი თქმით, ერთ-ერთი ყველაზე სასარგებლო − სტაფილოს წვენია. სტაფილოში, ისევე, როგორც ყველა ყვითელ და ნარინჯისფერ ბოსტნეულში, დიდი რაოდენობით კარატინოიდები შედის, რომლებიც ტოქსინების გამანადგურებელ ზემოქმედებას ასუსტებს.

ექიმის თქმით, სტაფილოს წვენის დღიური ნორმა 250 მილილიტრია.

გარდა ამისა, სპეციალისტი განმარტავს, რომ ღვიძლის ფუნქციაზე კეთილისმყოფელ გავლენას ახდენს ჭარხლის წვენიც. ჭარხალი შეიცავს ნივთიერებას, რომელიც, გარდა იმისა, რომ ხელს უშლის ონკოლოგიური დაავადებების განვითარებას, ღვიძლის უჯრედებს გაახალგაზრდავებაში ეხმარება.

„გამომდინარე იქიდან, რომ ჭარხლის სუფთა წვენის დალევა საკმაოდ ძნელია, ამიტომ უკეთესი იქნება, თუ მას სხვა წვენებში გაურევთ“, − გირჩევთ ექიმი.

ამასთან გასტროენტეროლოგი ამბობს, რომ ღვიძლის აღსადგენად საკმაოდ სასარგებლოა ისეთი მინერალური წყალიც, რომელიც კალციუმის ჰიდროკარბონატს შეიცავს.

„ის ხელს უწყობს ღვიძლში ანთებითი პროცესებისა და ნაღვლის ბუშტის დაძაბულობის დაქვეითებას, ასევე აუმჯობესებს ნაღვლის გადინებას, არეგულირებს საჭმლის მონელებას და აღადგენს ღვიძლში ყველა გაცვლით პროცესს“, − ხაზს უსვამს გასტროენტეროლოგი.

ამასთან ექიმი განმარტავს, რომ ჯანმრთელმა ადამიანებმა მინერალური წყალი დღეში ერთი ჭიქის ოდენობით შეიძლება მიირთვან ჭამამდე ნახევარი საათით ადრე, ხოლო მათთვის, ვისაც ღვიძლის ფუნქცია დარღვეული აქვს, რეკომენდებულია დღეში არაუმეტეს სამი ჭიქისა.

მარტივად მოსამზადებელი ნაყენი, რომელიც წმენდს ღვიძლს, წვავს ცხიმებს და ამაღლებს იმუნიტეტს

ამასთან ბუდაკოვსკაია ამბობს, რომ არ უნდა დაგვავიწყდეს ყავა, ვინაიდან კოფეინი ღვიძლის ფერმენტების გამოყოფას ააქტიურებს, რომლებიც მეტაბოლიზმზე ახდენს გავლენას. ექიმი გვირჩევს, რომ ყავა უნდა იყოს ნატურალური და არა ხსნადი, ამასთან დღეში მხოლოდ ორის-სამი ფინჯანი უნდა მიირთვათ, შეგიძლიათ დაბალი ცხიმიანობის (არაუმეტეს 2,5%) რძის დამატებით.

ღვიძლის მუშაობის გასაუმჯობესებლად ასევე რეკომენდებულია თავად რძეც, ოღონდ აუცილებლად დაბალცხიმიანი. ეს განსაკუთრებით უნდა გაითვალისწინონ მათ, ვისაც ცხიმოვანი ჰიპოთოზი აწუხებს.

130
თემები:
ექიმი გირჩევთ
თურქეთის დროშა

საქართველო და თურქეთი თავისუფალი ვაჭრობის ხელშეკრულების გაფართოებას გეგმავენ

0
თავისუფალი ვაჭრობის შესახებ ხელშეკრულება საქართველოსა და თურქეთს შორის 2007 წელს გაფორმდა და ის გარკვეული საქონლის იმპორტზე გადასახადისგან გათავისუფლებას ითვალისწინებს.

თბილისი, 24 ივნისი - Sputnik. საქართველომ და თურქეთმა ქვეყნებს შორის თავისუფალი ვაჭრობის ხელშეკრულების ფარგლებში განიხილეს სოფლის მეურნეობის პროდუქტებზე ტარიფების შემდგომი ლიბერალიზაცია და დოკუმენტში სერვისებით ვაჭრობის ჩართვის შესაძლებლობა, იტყობინება საქართველოს ეკონომიკისა და მდგრადი განვითარების სამინისტროს პრესსამსახური.

ანკარამ უმასპინძლა საქართველო-თურქეთის თავისუფალი ვაჭრობის ხელშეკრულების შედეგად დაარსებული ერთობლივი კომიტეტის მე -12 სხდომას, რომლის ფარგლებში გაიმართა მოლაპარაკებები დოკუმენტში შესწორებების შეტანის შესახებ.

საქართველოს დელეგაციას ხელმძღვანელობდა ეკონომიკის მინისტრის მოადგილე გენადი არველაძე, ხოლო თურქეთის დელეგაციას - ვაჭრობის მინისტრის მოადგილე მუსტაფა თუზჯუ.

არველაძის თქმით, ქვეყნებს შორის თავისუფალი ვაჭრობის შესახებ შეთანხმებაში შეტანილი ცვლილება, განსაკუთრებით სოფლის მეურნეობის ტარიფების შემდგომი ლიბერალიზაციის შესახებ, გაზრდის ექსპორტს საქართველოდან თურქეთში და დაეხმარება ქართველ მწარმოებლებს, თავიანთი სოფლის მეურნეობის პროდუქტები თურქეთის ბაზარზე კონკურენტუნარიანი გახადონ. მისივე თქმით, ამ საკითხზე თურქულ მხარესთან კონსულტაციების პროცესი წარმატებით მიმდინარეობს.

კომიტეტის შემდეგი სხდომა თბილისში 2021 წლის ბოლოს გაიმართება, მანამდე კი კონსულტაციები ექსპერტების დონეზე ონლაინ რეჟიმში გაგრძელდება.

თავისუფალი ვაჭრობის ხელშეკრულება საქართველოსა და თურქეთს შორის 2007 წელს გაფორმდა და ის გარკვეული საქონლის იმპორტზე გადასახადისგან გათავისუფლებას ითვალისწინებს.

საქართველოს სავაჭრო პარტნიორებს შორის თურქეთი პირველ ადგილზეა – 2021 წლის იანვარ–მაისში, გასული წლის ანალოგიურ პერიოდთან შედარებით, მეზობელ ქვეყანასთან საგარეო სავაჭრო ბრუნვა 35%–ით გაიზარდა და 758,1 მლნ დოლარი – საქართველოს საერთო სავაჭრო ბრუნვის 15,1% შეადგინა.

გასულ წელს საქართველოსა თურქეთს შორის სავაჭრო ბრუნვა, 2019 წლის იმავე პერიოდთან შედარებით, 12,2%-ით შემცირდა და 1,6 მლრდ დოლარი შეადგინა.  მიუხედავად ამისა, 2020 წელსაც თურქეთი საქართველოს ერთ-ერთი მთავარი სავაჭრო პარტნიორი იყო.

საქართველოდან თურქეთში ექსპორტზე გადის ფეროშენადნობები, ტრიკოტაჟის ნაწარმი, ფოლადის ნახევარფაბრიკატები, შავი ლითონის ჯართი და სხვა საქონელი.

თურქეთიდან შემოდის 10 და მეტი ადამიანის გადასაყვანი ავტომობილები, სატვირთო ავტომობილი, შავი ლითონის მილები, მილაკები და ღრუ პროფილები, სამკურნალო პრეპარატი და ა.შ. 

0