აეროპორტში

თუ ქვეყანაში შეშვებაზე უარი გითხრეს: სამოგზაურო ხარჯებს სადაზღვევო კომპანია აგინაზღაურებთ?

986
(განახლებულია 20:46 09.01.2020)
სადაზღვევო კომპანია „ალდაგმა“ მოგზაურობის მოყვარულთ დაზღვევის ახალი და საინტერესო პაკეტი შესთავაზა. რამდენად რეალურია სადაზღვევო სიტუაციის დადგომის შემთხვევაში კომპანიის მხრიდან კომპენსაციის მიღების შესაძლებლობა და რა უნდა გააკეთოთ ამისათვის?

მოგზაური ხარ? ვიზალიბერალიზაციის მადლით მაშინ შენც გაიგებდი, რომ შენგენის ზონაში თუ არ შეგიშვეს, უარიც დაზღვეულიაო, ამბობენ. იმასაც ამბობენ, დაზღვევის გარეშე პიზის კოშკთან სელფს ვერ გადაიღებ, ეიფელის ქვემოთ კრუასანებს ვერ მიირთმევ და ვერც ესპანურ ღამის ბოჰემას ნახავენ შენი ფეისბუქ-მეგობრებიო.

მეტი კომფორტისთვის სადაზღვევო კომპანია „ალდაგმა“ სამოგზაურო დაზღვევას „კომფორტ–პაკეტი“ დაამატა. კომპანიის ინფორმაციით, სამოგზაურო დაზღვევის შეძენასთან ერთად მომხმარებელს 10 ლარად შეუძლია შეიძინოს რამდენიმე დამატებითი რისკის დაფარვა, რომელიც მას მოგზაურობისას დამატებით კომფორტს შეუქმნის.

აი, რამდენიმე საინტერესო დეტალი, თუ რას სთავაზობს „ალდაგი“ სამოგზაურო დაზღვევის მსურველებს:

საზღვარზე უარის დაზღვევა

გულისხმობს შენგენის ან უვიზო მიმოსვლის მქონე ქვეყნების ტერიტორიაზე შესვლის შესახებ უარს. ასეთ შემთხვევაში ანაზღაურდება როგორც ბილეთის, ისე სასტუმროს/ბინის ხარჯები;

რეისის გაუქმების ან გადადების დაზღვევა – ასეთი შემთხვევები საკმაოდ ხშირია. „კომფორტ-პაკეტის“ შეძენის შემთხვევაში კომპანია დაფარავს როგორც ახალი ბილეთის ხარჯებს, ისე ქვეყანაში დასარჩენად გაწეულ სხვა ხარჯებს;

მოგზაურობის ვადაზე ადრე შეწყვეტა 

თუ მოგზაურობისას გაუთვალისწინებელი შემთხვევის გამო იძულებული ხდებით დატოვოთ ქვეყანა, ამ შემთხვევაშიც კომპანია ბილეთისა და დაბინავებისთვის გაწეულ ხარჯებს აანაზღაურებს;

პირადი პასუხისმგებლობის დაზღვევა

ეს არის შემთხვევა, როდესაც უცხო ქვეყანაში ყოფნისას თქვენდაუნებურად ზიანი მიაყენეთ მესამე პირს, რაც ძალიან დიდ ხარჯებთან შეიძლება იყოს დაკავშირებული. მაგალითად, თუ დააზიანე რაიმე ნივთი მუზეუმში, ან უბრალოდ მაღაზიაში ძვირფასი სუვენირი გაგიტყდა. ასევე ბარგის დაკარგვა (მხოლოდ იმ შემთხვევაში, თუ გადაჯდომა გიწევთ). მოგზაურებისთვის ცნობილია, რომ ეს საკმაოდ ხშირი რისკია და დიდ დისკომფორტს და დამატებით ხარჯებს უკავშირდება. რეისის გაუქმების ან გადადების დაზღვევა — ასეთი შემთხვევებიც საკმაოდ ხშირია.

დიახ, სადაზღვევო კომპანიის მიერ შემოთავაზებული სამოგზაურო დაზღვევის პირობები მართლაც რომ ძალიან კომფორტულია, მაგრამ არსებობს გარკვეული საბუთები, რაც სადაზღვევო შემთხვევის დადგომისას კომპანიაში უნდა წარადგინოთ.

ფეისბუქ-ჯგუფი „იაფი ფრენების“ ადმინისტრატორი ენრიკო ხუტაშვილი თვლის, რომ ხშირ შემთხვევაში სადაზღვევო კომპანიის მიერ მოთხოვნილი საბუთების ნუსხასთან გამკლავება საკმაოდ რთულია, განსაკუთრებით, ახალბედა მოგზაურისათვის.

„თუ მესაზღვრემ ქვეყანაში არ შეგიშვათ, იმისათვის, რომ სადაზღვევო კომპანიისაგან დაპირებული ანაზღაურება მიიღოთ, თქვენი საზღვარზე არშეშვების ოფიციალური მიზეზის დამადასტურებელი დოკუმენტი უნდა წარადგინოთ. ამისთვის კი საკმაო გარჯა მოგიწევთ, რადგან, როგორც წესი, მესაზღვრეები თავს არ იწუხებენ უარის ოფიციალური მიზეზის დასახელებაზე, მით უმეტეს, დოკუმენტალურ დასაბუთებაზე. ამას ისიც ართულებს, თუ მასპინძელი ქვეყნის ან რომელიმე საერთაშორისო ენას არ ფლობთ“, – გვითხრა „იაფი ფრენების“ ადმინისტრატორმა.

მისივე თქმით, რაც შეეხება პირადი პასუხისმგებლობის დაზღვევას, თუ მართლა მიადგა ზიანი თქვენი უნებური ქმედებით მესამე პირს, ან რაიმე ნივთი დააზიანეთ, სადაზღვევო კომპანიას აქაც აუცილებლად უნდა წარუდგინოთ ნივთის ღირებულების გადახდის ქვითარი, პოლიციიდან მომხდარი შემთხვევის დამადასტურებელი დოკუმენტი და ა.შ.

„ყველამ ვიცით, სიამოვნებასთან ერთად რამხელა სტრესია პირველი მოგზაურობა, და ისედაც დაბნეული ადამიანი ამდენ საბუთს რომ თავს მოუყრის, თითქმის წარმოუდგენელია. მაშინ გამოდის, რომ სადაზღვევო პაკეტი ყველაზე არ არის გათვლილი“, – ამბობს ენრიკო ხუტაშვილი.

თუმცა არ ღირს პესიმისტურად შეხედოთ მოვლენებს, მთავარია იცოდეთ, რა დოკუმენტაცია გჭირდებათ სადაზღვევო შემთხვევის დადგომის შემთხვევაში (იმედია არ დაგიდგებათ) და მზად იყოთ ამისათვის.

ასეა თუ ისე, მოგზაურობიდან არავინ ბრუნდება ისეთი, როგორიც მოგზაურობამდე იყო. უცხო ქალაქის ქუჩებში ხეტიალი კი უფრო დაგანახებთ და დაგაფიქრებთ თქვენ მიერ შეძენილი სადაზღვევო პაკეტის დადებით და უარყოფით მხარეებზე...

986
ქუჩის ძაღლები

ძალიან საშიშია ძაღლისთვის: ექსპერტებმა კატეგორიულად აკრძალული პროდუქტები დაასახელეს

127
(განახლებულია 19:49 05.08.2020)
კინოლოგებმა დაასახელეს ის პროდუქტები, რომელთა მიცემაც კატეგორიულად იკრძალება ძაღლებისთვის, ნახეთ – რა იცით და რა არა ჩამოთვლილიდან.

თბილისი, 5 აგვისტო — Sputnik. რუსეთის კინოლოგიური ფედერაციის თანამშრომლებმა ძაღლების ჯანმრთელობისთვის ყველაზე საშიში საკვები დაასახელეს, იუწყება РИА Новости.

ექსპერტების თქმით, ძაღლის ყველა მფლობელმა იცის, რომ არავითარ შემთხვევაში არ შეიძლება მათი „საერთო მაგიდიდან“ კვება, ანუ იმ პროდუქტის მიცემა, რომელსაც ადამიანები უშიშრად მიირთმევენ. მიუხედავად ამისა, ხშირია შემთხვევები, როდესაც პატრონი ცხოველის მუდარით სავსე გამოხედვას ვერ უძლებს და წესს არღვევს.

„არავითარ შემთხვევაში არ გაუმასპინძლდეთ ძაღლს საღამოობით ხორცისა თუ ყველის ნაჭრით — თუნდაც მის თვალებში მთელი სამყაროს სევდა ისახებოდეს“, — გვაფრთხილებენ სპეციალისტები.

მათი თქმით, სწორი კვება ცხოველისთვისაც ისევე საჭირო და აუცილებელია, როგორც ადამიანისთვის და ამ მხრივ ისინი არ განსხვავდებიან.

აკრძალული პროდუქტების ჩამონათვალში ექსპერტებმა შეიტანეს კაკაო და შოკოლადი, რადგან ისინი შეიცავს თეობრომინს, რაც საშიშია ძაღლებისთვის. ჩაი, ყავა და რძე ასევე შეიძლება საზიანო აღმოჩნდეს თქვენი ცხოველისთვის. გარდა ამისა, ექსპერტები არ გირჩევენ ავოკადოთი და კაკლით ძაღლის გამასპინძლებას.

ცხოველისთვის დისკომფორტის შემქმნელია ხახვი და ნიორი – როგორც ცოცხალი, ისე დამუშავებული სახით.

ასევე არ ღირს ძაღლების ქლიავით, ატმით, გარგრით, ალუბლით და ბლით გამოკვება — მათი მომატებული მჟავიანობის გამო. მით უმეტეს, რომ კურკებმა შეიძლება ნაწლავები დაუზიანოს ცხოველს.

გარდა ამისა, აკრძალულია მარილიანი და ტკბილი საკვები. შაქარი ანადგურებს ძაღლის კბილის მინანქარს და იწვევს დიაბეტს, ხოლო მარილი აუწყლოებს ორგანიზმს, რაც განსაკუთრებით საშიშია ცხელ ამინდში.

რუსეთის კინოლოგიური ფედერაციის წარმომადგენლები ცხოველების პატრონებს მოუწოდებენ, რომ თავიანთი ბინადრები მხოლოდ მაღალი ხარისხის მშრალი საკვებითა და ნატურალურ საკვებზე ვიტამინებისა და მინერალების დამატებით კვებონ.

127
თემები:
სასარგებლო რჩევები
ადამიანი ჩამავალი მზის ფონზე

თუ ექსპერიმენტის არ შეგეშინდებათ, შედეგს სამ დღეში შენიშნავთ

242
(განახლებულია 21:01 04.08.2020)
ამერიკელი დერმატოლოგები განმარტავენ, რა შედეგებს მიიღებთ პირველსავე სამ დღეში, თუ მათ რეკომენდაციებს გაითვალისწინებთ

თბილისი, 4 აგვისტო - Sputnik. ადამიანების უმრავლესობისთვის შხაპის მიღება - დილით თუ საღამოს, სახლიდან გასვლის წინ თუ ვარჯიშის შემდეგ აუცილებელი პირობაა. საშუალო სტატისტიკური ადამიანი სიცოცხლის განმავლობაში ერთ წელზე მეტ ხანს ატარებს აბაზანაში. ეს კი, დერმატოლოგთა აზრით, ძალიან ბევრია.

ექიმები ამბობენ, რომ ყოველდღიური შხაპი კანს დამატენიანებელ შრეს აცლის. ბანაობა ჭუჭყს, ოფლსა და მავნე ბაქტერიებს გვაშორებს, მაგრამ ასევე გვაშორებს ნატურალურ ცხიმებსა და ლიპიდებს, რომლებიც კანს ატენიანებს.
ასე რომ, რაც უფრო ხშირად იღებთ შხაპს, მით უფრო ძნელად ხდება დამატენიანებელი ბაქტერიების აღდგენა.

მაშ, როგორ უნდა მოვიქცეთ?

სპეციალისტები ამბობენ, რომ სხეულის სრული გასუფთავებისთვის 3 წუთი ბანაობა სავსებით საკმარისია.

ამერიკის დერმატოლოგიის აკადემია მშობლებს ბავშვების დაბანის სიხშირის თაობაზე რეკომენდაციას იმის მიხედვით აძლევს, თუ რამდენად ჭუჭყიანია ბავშვი.

თუ 6-დან 11 წლამდე ბავშვი თამაშისას ძალიან გაბინძურდა, რეკომენდებულია აბაზანა ერთხელ-ან ორჯერ კვირაში. ეს იმიტომ, რომ მათ განვითარებად იმუნურ სისტემას ჭუჭყი, ანუ ბაქტერიები და ვირუსებისა თუ ინფექციების მცირე დოზა, სჭირდება.

დერმატოლოგები ამბობენ, რომ თუ ექსპერიმენტის არ შეგეშინდებათ და დაბანაზე ერთი თვით უარს იტყვით, პირველ შედეგებს უკვე სამი დღის შემდეგ შენიშნავთ. ამ ხნის განმავლობაში არაერთი დისკომფორტის გადატანა მოგიხდებათ - როგორც თქვენ, ისე გარშემომყოფებს, თუმცა ერთი თვის შემდეგ თქვენს კანზე ჯანმრთელი ბაქტერიების ფენა სრულად იქნება აღდგენილი, ხოლო მუწუკები და გამონაყარი უკვალოდ გაქრება.

242
თემები:
მსოფლიო და მეცნიერება
სავსე მთვარე

მთვარის კალენდარი: 6 აგვისტო რისი გაკეთება შეიძლება და რისი არა

0
(განახლებულია 17:40 05.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

6 აგვისტო, ხუთშაბათი. ამ დღეს იუპიტერი მართავს. კლებადი მთვარე თევზების ნიშანშია.

თევზების დღეები ადამიანებს დასვენებისა და შემოქმედებისთვის განაწყობს. ძლიერდება სენტიმენტალობა, ემოციურობა, ინტუიცია, მგრძნობელობა. შესანიშნავი დროა შემოქმედებითი ადამიანებისთვის, ქველმოქმედებისთვის, იურიდიული პრობლემების მოგვარებისთვის. შეიძლება სესხის აღება.

კარგი დღეა რომანტიკული ურთიერთობების დაწყებისთვის. ამ დროს გამძაფრებულია ინტუიცია, რაც ადამიანის ამოცნობას ხელს უწყობს.

რეკომენდებულია მშვიდად მუშაობა, ფინანსური საკითხების გადაწყვეტა, მნიშვნელოვანი საქმეების გადადება, ირგვლივ მყოფების მოსმენა, განსაკუთრებით დღის პირველ ნახევარში კონფლიქტების თავიდან არიდება, ადამიანებთან ურთიერთობებში მოქნილობა, ნიუანსებისადმი ყურადღება, ინდივიდუალური მუშაობა და არა გუნდური.

არარეკომენდებულია რთული პროექტების დაწყება, მოლაპარაკებების გამართვა, ზეგავლენის ქვეშ მოქცევა და ადამიანების წინადადებებზე დათანხმება, ზედმეტი აქტიურობა, დინების წინააღმდეგ წასვლა.

არასასურველია ამ დღეს მგზავრობა.

თმის შეჭრა, შეღებვა: არახელსაყრელი დღეა როგორც შეჭრის, ისე შეღებვისთვის. შეიძლება თმა დაზიანდეს, გაჩნდეს ქერტლი, გაიყოს თმის ბოლოები.

მთვარის კალენდარი მებაღეებისთვის: 2020 წლის აგვისტო>>

მებაღეობა: ხელსყრელი დღეა ბაღში მუშაობისთვის, კერძოდ, შეიძლება ნიახურის, ბოლქვიანების დათესვა, ხეებისა და კენკროვანების შეწამვლა, მორწყვა, სასუქის მიცემა, ოთახის მცენარეების დათესვა–დარგვა. არასასურველი დღეა მავნებლებთან ბრძოლისთვის, გასხვლისთვის.

0