თბილისის აეროპორტი

არაა აუცილებელი ისეთი ცხოვრება გქონდეს, როგორიც აქამდე მოგზაურობა პირველი ნაბიჯით იწყება

257
(განახლებულია 21:12 07.11.2019)
რუბრიკის „მარტივია, როცა იცი როგორ“ ფარგლებში გთავაზობთ რჩევებს, თუ როგორ ვიმოგზაუროთ უფასოდ ევროპის სოლიდარობის კორპუსის პროექტების საშუალებით მსოფლიოს ნებისმიერ ქვეყანაში.

თბილისი, 7 ნოემბერი — Sputnik. უამრავი მიზეზი არსებობს, რის გამოც მოგზაურობა სასარგებლო და საინტერესოა. მეტსაც გეტყვით, არავინ ბრუნდება ისეთი, როგორიც მოგზაურობამდე იყო. მართალია, ხშირ შემთხვევაში სულაც არ არის ადვილი, ჩაალაგო ნივთები და წახვიდე, მაგრამ ზოგჯერ ეს აუცილებელიცაა, მით უფრო მაშინ, როცა არსებობს ევროკავშირის ახალგაზრდული მოხალისეობრივი პროგრამა – ევროპის სოლიდარობის კორპუსი (ყოფილი EVS).

რა არის საჭირო ქართველი ახალგაზრდებისთვის, რომ გახდეთ მოხალისე ევროპის სხვადასხვა ქვეყანაში?

ევროპის სოლიდარობის კორპუსი შესაძლებლობას აძლევს 18-დან 30 წლამდე ახალგაზრდას, გახდეს მოხალისე ევროპის რომელიმე ქვეყანაში. მონაწილე ორგანიზაციების მხარდაჭერით ახალგაზრდებს აქვთ შესაძლებლობა მონაწილეობა მიიღონ ერთობლივ საქმიანობაში, რაც საზოგადოებაში პოზიტიურ სოციალურ ცვლილებებს უწყობს ხელს. გაიუმჯობესონ პერსონალური, საგანმანათლებლო, სოციალური, სამოქალაქო, კულტურული და პროფესიული განვითარების უნარები. ყოფილი EVS-სგან განსხვავებით, ევროპის სოლიდარობის კორპუსი ყურადღებას უფრო მეტად ამახვილებს პროექტებზე, რომლებიც გმობს სიძულვილის ენას.

არ მოიცავს ფორმალურ განათლებას, პროფესიულ განათლებას, ტრენინგსა და საგანგებო რეაგირების საქმიანობას.

მონაწილეობისთვის საჭიროა გამოცხადებული ახალი პროექტებიდან პროექტის არჩევა და ინგლისურ ენაზე რეზიუმეს და სამოტივაციო წერილის გაგზავნა. ალბათ ესპანეთში, საფრანგეთში, გერმანიაში ან შვეიცარიაში პოტენციური მასპინძელი კომპანიის თანამშრომლები დასხდებიან და თქვენს რეზიუმეზე ისაუბრებენ.

თქვენი ცხოვრება შეიცვლება, როცა მთვარეს მსოფლიოს მეორე ბოლოდან დაინახავთ. გაიღვიძო მარტომ უცნობ ქალაქში – ყველაზე სასიამოვნო შეგრძნებაა მსოფლიოში. ხოლო ახალ ქვეყანას ვერ აღმოაჩენ, თუ ნაპირის დაკარგვის გეშინია.

თუ გსურთ გიდის გარეშე მიიღოთ ცხოვრებისეული გამოცდილება და გაიუმჯობესოთ უცხო ენაზე საუბრის უნარები, იცხოვროთ ევროპაში და შეიძინოთ ახალი მეგობრები, ინტერნეტი ყველას გვაქვს, ჰოდა აქვე გთავაზობთ საიტებს, სადაც გადახვალთ და იპოვით სასურველ პროექტს:

https://findevs.com/evs-projects/

https://europeanvoluntaryservice.org/

https://europa.eu/youth/volunteering/organisations_en

რას სახის ფინანსურ მხარდაჭერას უზრუნველყოფს პროგრამა?

პროგრამის ფარგლებში მოხალისის ხარჯებს ევროკომისია უზრუნველყოფს:

- კვების, საცხოვრებლის და მგზავრობის ხარჯების ანაზღაურება

- ყოველთვიური ჯიბის ფული, რომელიც სხვადასხვა ქვეყანაში განსხვავებული ფიქსირებული თანხაა.

მოხალისეობრივი სერვისის ხანგრძლივობა

თითოეული პროექტი გრძელდება 2 თვიდან 1 წლამდე. პროგრამის დასრულების შემდეგ მოხალისეებს გადაეცემათ Erasmus+-ის Youthpass სერტიფიკატი.

სხვადასხვა არასამთავრობო ორგანიზაცია გზავნის თავის მოხალისეს მასპინძელ ორგანიზაციასა და ქვეყანაში. პროექტის განმავლობაში მასპინძელი ორგანიზაციიდან მოხალისეებს ჰყავთ ე.წ. მენტორი, რომელიც დაეხმარება მათ საზოგადოებასთან ინტეგრაციასა და სხვადასხვა პირადი პრობლემის გადაჭრაში.

ინდივიდუალური და ჯგუფური მოხალისეობა

ინდივიდუალური მოხალისეობა არის უწყვეტი, არაანაზღაურებადი საქმიანობა 2-დან 12 თვის ვადით. ეს საშუალებას აძლევს ახალგაზრდებს, წვლილი შეიტანონ ორგანიზაციის ყოველდღიურ საქმიანობაში, რომლითაც საბოლოოდ ადგილობრივი მოსახლეობა იღებს სარგებელს.

ჯგუფური მოხალისეობა არის საქმიანობა, რომელსაც ახორციელებს 10-40 ადამიანისგან შემდგარი ჯგუფი, სულ ცოტა ორი ქვეყნიდან, 2 კვირიდან 2 თვემდე ვადით. ამგვარი საქმიანობა განსაკუთრებით ხელს უწყობს ნაკლები შესაძლებლობების და სპეციალური საჭიროებების მქონე ახალგაზრდების ჩართულობას ევროპის სოლიდარობის კორპუსის პროგრამაში. სულ ცოტა, მეოთხედი მოხალისეების უნდა ჩამოვიდნენ საზღვარგარეთიდან. მიუხედავად მოკლე პერიოდისა, ეს საქმიანობა სასარგებლოა როგორც ინდივიდებისათვის, ასევე საზოგადოებისთვის.

ევროპის სოლიდარობის კორპუსის პროექტებში აქტივობის თვეები თუ 12 თვეს აღემატება, თქვენ ვეღარ მიიღებთ მონაწილეობას. ამიტომ გირჩევთ, დაიწყოთ ორთვიანი პროექტით და მეტად მოემზადოთ ფსიქოლოგიურად.

დიდი ხანია, რაც ვიზალიბერალიზაცია გვაქვს, თქვენ კი ისევ თქვენი მეგობრების სელფებს იწონებთ – როგორ ერთობიან დაივინგით იტალიაში, ან კიდევ ფინჯან ყავასთან ერთად როგორ მიირთმევენ კრუასანებს ეიფელის კოშკთან... მაშინ, როცა არსებობს ევროპის სოლიდარობის კორპუსი... დიდი მოგზაურობა პირველი ნაბიჯით იწყება!

 

257
ბავშვები შადრევანში

როგორ დავიცვათ თავი გადახურებისგან ზაფხულის ცხელ დღეებში

208
(განახლებულია 21:18 13.07.2020)
საქართველოში უკვე ძალიან ცხელა. განსაკუთრებით ბავშვებს და მოხუცებს უჭირთ ამ სიცხის გაძლება. მზე ამ პერიოდში ძალიან აქტიურია და შუადღისას თითქმის შეუძლებელია გარეთ გასვლა. ტემპერატურა, რომელიც აღემატება 32 გრადუსს, საფრთხის შემცველია ადამიანის ჯანმრთელობისთვის.

როგორ უნდა მოვიქცეთ ზაფხულის ცხელ დღეებში და როგორ უნდა დავიცვათ თავი გადახურებისგან, ამის შესახებ დაავადებათა კონტროლის ცენტრის დირექტორის მრჩეველი ნია გიუაშვილი საუბრობს.

ნია გიუაშვილი
ნია გიუაშვილი

პრევენციის ელემენტარული ზომები უნდა იყოს მიღებული ინდივიდუალურად. მაქსიმალურად უნდა ვეცადოთ, რომ ორგანიზმი დავიცვათ გადახურებისგან. 32 გრადუსი – ეს გახლავთ ერთგვარი ზღვრული მაჩვენებელი და ამ ტემპერატურის პირობებში ხანგრძლივად ღია სივრცეში ყოფნა არ არის მისაღები.

თუ გვინდა, რომ ბინაში შევინარჩუნოთ სიგრილე, ამისათვის პირველი საშუალებაა კონდიცირება, რაც უნდა ხდებოდეს ღია ფანჯრების პირობებში. ოთახში გამორთეთ ყველა ხელსაწყო, რომელიც შეიძლება დამატებით სითბოს გამოყოფდეს. ეს ძალიან მნიშვნელოვანია. თუ ბინაში არ არის კონდიცირება, დახურეთ ფანჯრები, დარაბები, ჩამოაფარეთ ფარდები, ოთახში განათავსეთ სველი პირსახოცები.

დღის განმავლობაში უნდა დაიგეგმოს საქმიანობა და მოხდეს საქმის გადანაწილება. თუ 32 გრადუსის პირობებში გიწევთ საქმიანობა, მუშაობის დრო არ უნდა აჭარბებდეს ორ საათს. ამის შემდგომ საჭიროა დასვენება, გაგრილება და მხოლოდ შემდგომ შეიძლება დაბრუნება იმავე საქმიანობაზე.

ზოგადად, დღის პირობებში 32 გრადუსის, ხოლო ღამის პირობებში 24 გრადუსის შენარჩუნება გახლავთ ის ზღვრული მაჩვენებელი, რომელიც უნდა იყოს დაცული. სითბური ტალღებისათვის დამახასიათებელია ღამის ტემპერატურის მატება და შესაბამისად ღამის პირობებში ვერ ხდება ორგანიზმის სათანადოდ გაგრილება. ამიტომ მაქსიმალურად უნდა ვეცადოთ, რომ გავაგრილოთ ორგანიზმი. უნდა გავაღოთ ყველა ფანჯარა, განსხვავებით დღისგან, როდესაც, პირიქით, ჯობს დავხუროთ და ამგვარად შევინარჩუნოთ დაბალი ტემპერატურა.

როგორც წესი, დილის ოთხი საათიდან დილის შვიდ საათამდე გახლავთ ყველაზე უფრო გრილი პერიოდი და თუ რაიმე ტიპის ფიზიკურ აქტივობას ვგეგმავთ, სწორედ ამ პერიოდში უნდა დაიგეგმოს და არა უფრო გვიან, რომელიც შეიძლება საფრთხის შემცველი იყოს ჯანმრთელობისთვის. მით უმეტეს, საქართველოში ამ პერიოდში ადრე თენდება, დილის ხუთ საათზე სრულად არის გათენებული. შესაბამისად, სრულიად შესაძლებელი დილის ფიზიკური აქტივობით დაწყება.

ძალიან მნიშვნელოვანია, რომ სიცხის დროს საკმარისი რაოდენობით მივიღოთ სითხე. მოხუცებისთვის სწორედ ეს არის დამახასიათებელი, მათ წყურვილის გრძნობა დაქვეითებული აქვთ. უბრაოდ არ ახსოვთ, რომ წყალი უნდა დალიონ. ამ დროს მეთვალყურეობა ოჯახის წევრების მხრიდან ბავშვებზე და მოხუცებზე არის ძალიან მნიშვნელოვანი. მათ უნდა შევახსენოთ, იცოდნენ, რომ სიცხეში ფიზიკური აქტივობა უნდა იყოს შეზღუდული და სითხე უნდა იქნეს საკმარისი რაოდენობით მიღებული.

სიცხის დროს მნიშვნელობა ენიჭება კვებასაც. კვება უნდა იყოს სათანადო, მცირე პორციებით და ხშირად, ხილის და ბოსტნეულის მაღალი შემცველებით. ამ დროს რაც შეიძლება შეამცირეთ ცხიმები. უარი თქვით კოფეინზე, ტკბილ და გაზიან სასმელებზე. თუმცა მინერალული წყლები არის საუკეთესო საშუალება იმისთვის, რომ ორგანიზმში სითხე იყოს შენარჩუნებული და იყოს საკმარისი ჰიდრატაცია.

კიდევ ერთი ძლიან მნიშნელოვანი რამ: ვინაიდან სიცხე ქრონიკული დაავადებების მქონე პირებისთვის ყველაზე მაღალი რისკის შემცველია, მნიშვნელოვანია, რომ ცხელი დღეების დადგომისთანავე მათ შესაბამისი კონსულტაცია გაიარონ მკურნალ ექიმთან და გაარკვიონ, საჭიროებს თუ არა ექიმის დანიშნულება ცვლილებას.

ჯანმრთელობას გისურვებთ!

208
თემები:
ჯანმრთელობა და სილამაზე
შავი ქლიავი

შავქლიავის საფრთხეები: ვის ეკრძალება კატეგორიულად

244
(განახლებულია 17:29 13.07.2020)
ირკვევა, რომ მარგებლობით განთქმულ ჩირს გარკვეული საფრთხეები ახლავს, და რომ არსებობს გარკვეული კატეგორია ადამიანებისა, რომლებსაც მისი მიღება ეკრძალებათ.

თბილისი, 13 ივლისი — Sputnik. შავქლიავი, ანუ ქლიავის სხვადასხვა ჯიშებისგან დამზადებული ქლიავის ჩირი შეიცავს А, В, Е და С ვიტამინებს, რის გამოც ის საკმაოდ სასარგებლო პროდუქტად მიიჩნევა, მაგრამ მისი ჭარბი მიღება შეიძლება სახიფათო აღმოჩნდეს, აცხადებენ მედიკოსები. 

მათი თქმით, ქლიავის ჩირი სასარგებლოა კუჭის მოქმედებისთვის, არეგულირებს წნევას და აუმჯობესებს თმების, კანის, ფრჩხილებისა და პირის ღრუს მდგომარეობას — ებრძვის რა მიკრობების გამრავლებას. თუმცა მისი მიღებისას ზოგმა კატეგორიამ აუცილებლად უნდა დაიცვას ზომიერება, რათა გართულებები თავიდან აირიდოს.

მაგალითად, მედიკოსები შავქლიავის ჭამას არ ურჩევენ მათ, ვისაც ზედმეტი კილოგრამების დაკლება სურს ან უბრალოდ ზრუნავს საკუთარ აღნაგობაზე. ასეთებმა ან საერთოდ უარი უნდა თქვან, ან ძალიან შეზღუდული რაოდენობით მიიღონ ეს ჩირი. საქმე ისაა, რომ შავქლიავი ზედმეტად კალორიული პროდუქტია და ხელს უშლის გახდომას.

გარდა ამისა, შავქლიავი რაციონიდან უნდა გამორიცხონ შაქრიანი დიაბეტის, გულის დაავადებების, კუჭ-ნაწლავის ტრაქტის ქრონიკული დაავადებების მქონე ადამიანებმა. მას შეუძლია გააუარესოს ასეთების მდგომარეობა ან ახალი სიმპტომებიც კი წარმოშვას.

მედიკოსები კუჭ-ნაწლავის პრობლემების მქონეებს ურჩევენ, მიიღონ დღეში არაუმეტეს ხუთი ცალი ნაყოფისა, ხოლო თუ შეკრულობა აწუხებთ, დასაშვებია მეტი რაოდენობის ჩირის ჭამა.

შავქლიავი ასევე არ არის რეკომენდებული მეძუძური დედებისთვის, ვინაიდან ის ნეგატიურ გავლენას ახდენს პატარის მდგომარეობაზე. ბავშვს შეიძლება გაუჩნდეს ისეთი პრობლემები, როგორებიცაა კუჭის აშლილობა, პირღებინება ან მადის დაქვეითება.

ეს პროდუქტები განწყობა-ხასიათს აფუჭებს: ქვეყნდება ჩამონათვალი>>

სპეციალისტების თქმით, შავქლიავის შეძენისას ყურადღება უნდა მიექცეს მის გარეგნულ სახეს: ხარისხიანი ჩირი უნდა იყოს შავი და ამასთან მსუბუქად, უმნიშვნელოდ უნდა პრიალებდეს. უნდა იყოს „ხორციანი“, ცოტა რბილი და ამასთან მკვრივი. თუ მას ყავისფერი გადაჰკრავს, იცოდეთ, რომ ის არასწორადაა დამუშავებული და სასარგებლო თვისებები უკვე დაკარგული აქვს, ანუ მასში აღარ შედის ჩვეული ვიტამინები და მინერალური ნივთიერებები.

244
თემები:
სასარგებლო რჩევები
სუპერმარკეტი

„ჯაკომო", „კალვე", აჯიკა „აფხაზური": საშიში პროდუქცია მაღაზიის დახლებზე

0
(განახლებულია 12:26 14.07.2020)
სურსათში „სუდანის" საღებავების გამოყენება აკრძალულია, რადგან მისი სისტემატური მოხმარება ხელს უწყობს სიმსივნის წარმოქმნასა და გენების გადაგვარებას.

თბილისი, 14 ივლისი — Sputnik. საქართველოს მაღაზიების დახლებზე არსებულ ხუთ პროდუქტში საღებავი სუდან-1 აღმოჩნდა, რომელიც ღვიძლის დაავადებასა და სიმსივნეს იწვევს, ნათქვამია არასამთავრობო ორგანიზაცია Momxmarebeli.ge-ის ვებგვერდზე გავრცელებულ განცხადებაში.

არასამთავრობო ორგანიზაციის წარმომადგენლებმა სხვადასხვა მაღაზიაში შეიძინეს პროდუქცია და ექსპერტიზაზე გერმანიაში, ლაბორატორია „ევროფინსში" გააგზავნეს.

კვლევის დროს შემოწმდა 41 პროდუქტი, მათგან საშიში ნივთიერება მხლოდ ხუთ შემთხვევაში აღმოჩნდა. სუდან-1 გამოავლინეს როგორც ადგილობრივი წარმოების, ისე იმპორტირებულ პროდუქციაში.

სურსათში სუდან-1-ის საღებავების გამოყენება კატეგორიულად აკრძალულია, რადგან მისი სისტემატური მოხმარება ხელს უწყობს სიმსივნის წარმოქმნასა და გენების გადაგვარებას.

არასამთავრობო ორგანიზაციების წარმომადგენლებმა გამოვლენილი შეუსაბამობების შესახებ ინფორმაცია მიაწოდეს ყველა მეწარმეს. კვლევის გაგრძელებისთვის ორგანიზაციამ სურსათის ეროვნულ სააგენტოს მიმართა.

საშიში ნივთიერება აღმოჩნდა შემდეგ პროდუქტებში: ცხარე საწებელი „ჯაკომო", ტომატის კეტჩუპი „კალვე", აჯიკა „აფხაზური", „ხათოს აფხაზური აჯიკა", და აჯიკა „ნენა". რეალიზატორებს დაევალათ პროდუქციის ქსელიდან ამოღება.

აკრძალული საღებავი „სუდანი“ საკვებ პროდუქტებში ისევ აღმოჩნდა>>>

კვლევის შედეგების გასაჯაროების შემდეგ, ყველა მეწარმე არ დაეთანხმა დასკვნას. ნაწილი აღნიშნული შეუსაბამობის მიზეზად იმპორტირებულ წითელ წიწაკას ასახელებს, სხვებმა კომენტარის გაკეთებისგან თავი შეიკავეს. კომპანია "ნენამ" კი კატეგორიულად უარყო კვლევის შედეგები და განაცხადა, რომ ალტერნატიულ კვლევას ჩაატარებს.

დანარჩენ 36 პროდუქტში საშიში ნივთიერება არ აღმოჩნდა. უსაფრთხო პროდუქციის ჩამონათვალში მოხვდა "კულა" და "მარნეული", თუმცა, გასულ წელს ანალოგიური კვლევისას ამ კომპანიების პროდუქციის ნაწილი საშიში პროდუქციის სიაში მოხვდა. უნდა ვივარაუდოთ, რომ მათ დასკვნა გააკეთეს და ნაკლოვანებები აღმოფხვრეს.

ორგანიზაციამ ანალოგიური კვლევა 2019 წლის აგვისტოში და 2020 წლის მარტშიც ჩაატარა. საშიში საღებავები ცხრა ნიმუშში აღმოჩნდა. 2019 წელს სურსათის ეროვნულმა სააგენტომ პროდუქტების დაბინძურების სავარაუდო წყაროდ წითელი წიწაკა დაასახელა. ასეთი პროდუქციის გაყიდვა აკრძალული იყო.

რისკების შემცირების მიზნით სურსათის ეროვნულმა სააგენტომ წითელი წიწაკის იმპორტზე კონტროლი გაამკაცრა. კერძოდ, საქართველოში წითელი წიწაკის იმპორტის დროს თითოეულ პარტიას თან უნდა ახლდეს შესაბამისი აკრედიტაციის მქონე ლაბორატორიის ოქმი, სუდანის ჯგუფის საღებავების შემცველობაზე უარყოფითი პასუხით. წინააღმდეგ შემთხვევაში პროდუქცია საქართველოს ტერიტორიაზე არ დაიშვება. ნორმა ძალაში 2019 წლის 3 ოქტომბრიდან შევიდა.

2020 წლის მარტში ჩატარებული კვლევების შემდეგ სურსათის ეროვნულმა სააგენტომ ბაზრიდან დაბინძურებული პროდუქტის პარტიები ამოიღო.

0