ახალგაზრდა ქალი და მამაკაცი თოვლის ფონზე

წარსული ტრავმული გამოცდილების გავლენა ურთიერთობებზე წყვილთა შორის უთანხმოების მიზეზები

471
(განახლებულია 11:06 05.11.2019)
რუბრიკა „ფასილიტატორის“ სტუმარი – პრაქტიკოსი ფსიქოლოგი, ფსიქოთერაპევტი და ტრენერი ნანა ფაცაცია საუბრობს კრიზისულ პერიოდებსა და ტრავმული გამოცდილების გავლენაზე წყვილთა შორის ურთიერთობებში.

წყვილთა შორის ურთიერთობები საკმაოდ ფაქიზი თემაა. არსებობს წყვილთა შორის განსხვავებული ურთიერთობები მათი პიროვნული ინდივიდუალიზმის გათვალისწინებით, თუმცა, შეიძლება ითქვას, რომ მყარი ურთიერთობების საფუძველს სიყვარული და ურთიერთმიმღებლობა, პიროვნული ღირსებისა და გრძნობების პატივისცემა წარმოადგენს.

პრობლემები, რომლებიც შეიძლება წყვილებს შეექმნათ, ეს არის ერთმანეთის მიმართ გაზვიადებული მოლოდინები, ერთმანეთის გაიდეალურება, როცა პარტნიორს წამოიდგენენ „იდეალურ ხატად“. ასეთ შემთხვევაში ურთიერთობის მცირე პრობლემაც კი მიიჩნევა კატასტროფად და გადაულახავ მდგომარეობად.

წარსული ტრავმული გამოცდილების გავლენა ურთიერთობებზე

წყვილებს შორის წარსულში განცდილმა ტრავმებმა შესაძლოა უარყოფითი გავლენა იქონის ახალ ურთიერთობებზე, რაც ახალი ურთიერთობის დაწყების სირთულეებში შეიძლება გამოიხატოს. წარსული ტრავმული გამოცდილება შესაძლოა გარკვეული შიშის და შფოთვის მიზეზი გახდეს ახალი ურთიერთობის დაწყებაში, რაც უარყოფითი მოლოდინების წინაპირობაა. შესაძლოა გამოიწვიოს ახალი ნაცნობობის და ახალი ურთიერთობის დაწყების სურვილის დაბლოკვაც. მნიშვნელოვანია მოხდეს წარსულში განცდილი ტრავმის ბოლომდე გაცნობიერება და გადალახვა, რათა სრულფასოვნად წარიმართოს შემდგომი ურთიერთობები. საჭიროების შემთხვევაში შესაძლოა აუცილებელი გახდეს სპეციალისტის ჩართვა. ასევე მტკივნეულად აღიქმება პარტნიორის მხრიდან შედარება სხვა ადამიანებთან და ნაკლოვანებებზე ხაზგასმა, რაც წყვილთა შორის კონფლიქტის მიზეზად შესაძლოა ჩამოყალიბდეს. მნიშვნელოვანია, პარტნიორებმა ბოლომდე გააცნობიერონ უთანხმოებისა და გაუგებრობის მიზეზები და მათი გადაწყვეტილების შედეგად შეძლონ ურთიერთობის დასრულება ტრავმული ელემენტების გადალახვით და ბოლომდე წერტილის დასმა.

განსაკუთრებით მძიმე კვალს ტოვებს წარსულის ძალადობრივი გამოცდილება, რომელიც ხელს უშლის ახალი ურთიერთობის დაწყებას და განვითარებას.

მნიშვნელოვანია წყვილთა შორის წარსულში განცდილი ტრავმის ბოლომდე გაცნობიერება და გადალახვა, რათა წარსულმა ტრავმამ არ იქონიოს უარყოფითი გავლენა ახალ ურთიერთობებზე.

წყვილთა შორის უთანხმოების მიზეზები მრავალფეროვანია: განსხვავებული შეხედულებები, საკუთარი მოთხოვნილებების დაკმაყოფილების გადამეტებული სწრაფვა, თავისუფალი დროის გატარების განსხვავებული მოთხოვნები, ერთმანეთის პიროვნული გრძნობების, შეხედულებების და ღირსების უპატივცემულობა, ასევე ერთმანეთის გაგების, მზრუნველობის და ყურადღების ნაკლებობა, სოციალურ-ეკონომიკური ფაქტორები, ფსიქო-სექსუალური შეუთავსებლობა.

ნებისმიერ პარტნიორულ ურთიერთობებს თან ახლავს კრიზისული პერიოდები, რაც კრიზისულ ფსიქოლოგიაში ყოველთვის უარყოფით კონტექსტში არ განიხილება, ვინაიდან კრიზისული პერიოდების წარმატებით გადალახვა უფრო ძლიერს და მყარს ხდის ურთიერთობებს. კრიზისულ პერიოდებში წამყვანი ხდება ერთფეროვნების განცდა, სათანადო ყურადღების ნაკლებობა, რაც მნიშვნელოვანია შეივსოს გარკვეული სიახლეებით.

ოჯახური ურთიერთობის კრიზისული ეტაპები

მყარი და პოზიტიური პარტნიორული ურთიერთობის მთავარ შედეგს ხშირად ოჯახის შექმნა წარმოადგენს. ოჯახური ურთიერთობებიც ერთ-ერთი ფორმაა პიროვნული ურთიერთობების, რომელსაც თან ახლავს კრიზისული ეტაპები.

ოჯახური ურთიერთობის რამდენიმე კრიზისულ პერიოდს გამოყოფენ:

პირველ კრიზისულ პერიოდს წარმოადგენს ურთიერთობის პირველი წელიწადი, როცა ხდება პარტნიორების მიერ ერთმანეთის უკეთ შეცნობა, „ჩვენ“–კონცეფციის გაცნობიერება, ეს არის პარტნიორთა ურთიერთდაპირისპირების პერიოდი.

მეორე კრიზისული პერიოდი ბავშვის დაბადებას, მშობლების პასუხისმგებლობას, მათი უფლებებისა და მოვალეობების  შესრულებას ეხება, რომელმაც შეიძლება გავლენა მოახდინოს წყვილის ურთიერთობაზე.

მესამე კრიზისულ პერიოდს წარმოადგენს ერთფეროვნების პრობლემა, როცა მნიშვნელოვანი ხდება სიახლის და გარკვეული ცვლილებების განხორციელება ურთიერთობაში.

შემდეგი კრიზისული პერიოდი ხშირად ემთხვევა ხანდაზმულობის პერიოდის დაწყებას, როცა შვილების დამოუკიდებელი ცხოვრებით გამოწვეული მარტოობის განცდა ჩნდება.

კრიზისული პერიოდების წარმატებით გადალახვა აძლიერებს წყვილთა შორის ურთიერთობებს და მყარს ხდის მათ მომავალ პარტნიორობას.

წყვილთა შორის პოზიტიური ურთიერთობების ფაქტორები

წყვილთა შორის პრობლემის მოგვარების და პოზიტიური ურთიერთობების ჩამოყალიბების მზა რეცეპტები არ არსებობს, ვინაიდან  ნებისმიერი ურთიერთობა არის ინდივიდუალური და ერთმანეთისგან განსხვავებული, თუმცა შესაძლებელია ვისაუბროთ იმ ფუნდამენტურ ასპექტებზე, რომლებიც გავლენას ახდენენ და აძლიერებენ ურთიერთობის პოზიტიურ ფაქტორებს.

წარმატებული და მყარი ურთიერთობები წყვილებს შორის – ეს მათი უნარების დამსახურებაა, ხოლო წარუმატებელი ურთიერთობებიც გაუგებრობისა და შეცდომების შედეგია.

მნიშველოვანია ურთიერთობებში წყენის არდაგროვება, გულახდილი საუბარი, ერთმანეთის მოსმენა, ურთიერთგაგება და მიმდინარე პრობლემის ერთობლივი დაძლევა.

მყარი ურთიერთობის საფუძველს უპირობოდ სიყვარული წარმოადგენს; წყვილთა შორის მსგავსი ღირებულებათა სისტემა, ურთიერთპატივისცემა, ერთმანეთის უარყოფითი და დადებითი თვისებების შეცნობა და ურთიერთობების კრიზისული პერიოდის შესახებ ინფორმირებულობა, ამ პერიოდების წარმატებით დაძლევა წარმოადგენს პოზიტიური ურთიერთობების განმაპირობებელ ფაქტორებს.

წარსულს აწმყოში არაფერი ესაქმება, მაგრამ წარსული ურთიერთობების გამოცდილების გაანალიზება აწმყოში მნიშვნელოვანია.

471
ახალგაზრდა ქალი წყალთან

ეს ტყუილია: წყალთან დაკავშირებულ მითებს მეცნიერებასთან საერთო არაფერი აქვს

186
(განახლებულია 20:53 02.08.2021)
მანამდე უმაღლესი კატეგორიის თერაპევტმა და ტოქსიკოლოგმა განაცხადა, რომ დღეში რვა ჭიქა წყლის აუცილებლობის შესახებ მითი XVIII საუკუნის ბოლოს მოღვაწე ლეიბ-მედიკოს კრისტოფ ვილჰელმ გუფელანდს ეკუთვნის.

თბილისი, 2 აგვისტო — Sputnik. წყლის სადღეღამისო ნორმის გამოთვლისას აუცილებლად უნდა გაითვალისწინოთ ყველა ის სითხე, რომელსაც იღებთ, და არა მარტო სუფთა წყალი, აცხადებს ენდოკრინოლოგი და ექიმი-დიეტოლოგი ულიანა რუმიანცევა.

მისი თქმით, წყლის როლი ადამიანის ცხოვრებაში უკვე დიდი ხანია დეტალურადაა შესწავლილი მეცნიერების მიერ, თუმცა ინტერნეტით კვლავაც ვრცელდება მოსაზრებები წყლის სასწაულებრივი თვისებებისა და მისი მიღების წესების შესახებ, რომელთა ნაწილს საერთო არაფერი აქვს მეცნიერულ ფაქტებთან.

როგორც სპეციალისტი აღნიშნავს, ერთ-ერთი ყველაზე გავრცელებული მითი ისაა, რომ ადამიანმა წყლის სადღეღამისო რაოდენობა მხოლოდ სუფთა წყალზე უნდა გათვალოს, რაც არასწორია. აუცილებელია გაითვალისწინოთ ყველა ის სითხე, რომელსაც დღის განმავლობაში იღებთ — იქნება ეს საკუთრივ წყალი, ჩაი, ყავა, წვენები, სუპები თუ სხვა წვნიანი კერძები და ასევე ხილსა თუ ბოსტნეულში შემავალი სითხე.

ამასთან ექიმი აზუსტებს, რომ სითხის სადღეღამისო ნორმაში არ უნდა მიითვალოთ ალკოჰოლი და ტკბილი გაზიანი წყლები, ვინაიდან ეს სასმელები საკვებს განეკუთვნება.

გარდა ამისა, სპეციალისტი საგანგებოდ აფრთხილებს ყავის მოყვარულებს, რომ გაითვალისწინონ მისი შარდმდენი თვისებები და შესაბამისად ცოტა გაზარდონ სხვა სითხის რაოდენობა.

როგორც რუმიანცევა აცხადებს, ასევე უსაფუძვლო მითია ისიც, რომ ადამიანმა 24 საათში ორი ლიტრი სითხე უნდა მიიღოს. სინამდვილეში წყლის მოხმარების ნორმა ინდივიდუალურია და სხვადასხვა ფორმულებით გამოითვლება სქესის, წონისა და ფიზიკური აქტივობის გათვალისწინებით.

„მაგალითად, ჩვეულებრივი ფიზიკური აქტიურობის ჯანმრთელმა მამაკაცმა საშუალოდ 35 მლ სითხე უნდა მიიღოს თავისი წონის ყოველ ერთ კილოგრამზე, ხოლო ქალმა — 25-30 მლ ერთ კილოგრამზე“, — აცხადებს ექიმი.
  • ანუ, მისი გამოთვლით, სითხის ნორმა 65 კგ წონის მამაკაცის შემთხვევაში არის 65X35=2,275 ლიტრი, ხოლო იგივე წონის ქალისთვის 65X30=1,95 ლიტრი დღე-ღამეში.

გარდა ამისა, სითხის მოხმარების კუთხით გარკვეული შეზღუდვები არსებობს თირკმელებისა და გულ-სისხლძარღვთა სისტემის დაავადებების შემთხვევაში, რის თაობაზეც ექიმმა უნდა მოგცეთ რეკომენდაციები. ამასთან სხეულის მაღალი ტემპერატურისა თუ მწვავე ინფექციური დაავადებების დროს საჭიროა სითხის რაოდენობის გაზრდა.

რაც შეეხება ჭარბწონიანებს, რუმიანცევას თქმით, მათთვის სითხის რაოდენობა გამოითვლება იმ წონიდან, რომელიც იდეალურია კონკრეტული ადამიანის სიმაღლისა და სქესისთვის.

მაგრამ თუ ადამიანი გახდომას აპირებს, მაშინ მან მეტი წყალი უნდა სვას — დაახლოებით 40 მლ იდეალური წონის თითოეულ კილოგრამზე, თუმცა არა იმიტომ, რომ წყალი წონაში კლებას უწყობს ხელს. ექიმის განმარტებით, ეს მოსაზრებაც მითია.

„თუ ადამიანი წყურვილს გაზიანი სასმელის ნაცვლად სუფთა წყლით მოიკლავს, მაშინ ის ნამდვილად გახდება. წყლის „ჯადოსნური“ თვისებები წონაში კლების კუთხით ამაზე მთავრდება“, — ხაზს უსვამს ექიმი.

და, ბოლოს, როგორც ულიანა რუმიანცევა ამბობს, ასევე მითებს განეკუთვნება მოსაზრება, თითქოს უხვი სითხის საშუალებით ორგანიზმიდან ტოქსინების გამოდევნა და ასევე კანის გაახალგაზრდავებაა შესაძლებელი. რეალურად ტოქსინებს ჯანმრთელი თირკმელები უმკლავდება შესანიშნავად, ხოლო კანის მდგომარეობა წყლის ბლომად სმის შედეგად მხოლოდ იმათ უუმჯობესდებათ, ვისაც გაუწყლოება სჭირს.

186
თემები:
ექიმი გირჩევთ
სალათი

ანადგურებს კუჭქვეშა ჯირკვალს: ექიმი ასახელებს პროდუქტებსა და სახიფათო ინტერვალს

142
(განახლებულია 17:28 02.08.2021)
ცნობილი ენდოკრინოლოგი განმარტავს, რა ინტერვალები უნდა დაიცვას ადამიანმა კვების დროს, რათა საშიში დაავადების განვითარებას არ შეუწყოს ხელი.

თბილისი, 2 აგვისტო — Sputnik. არსებობს საკვები, რომელიც არა მარტო ჭარბი ცხიმის დაგროვებას უწყობს ხელს ორგანიზმში, არამედ კუჭქვეშა ჯირკვლის ქსოვილებსაც ანადგურებს, აცხადებს მედიცინის მეცნიერებათა კანდიდატი, ენდოკრინოლოგი ზუხრა პავლოვა.

მისი თქმით, ასეთ არასასურველ მდგომარეობას უპირველესად ტკბილეულისა და კალორიული საკვების ზედმეტი რაოდენობა იწვევს, რის გამოც ორგანიზმში ცხიმოვანი ქსოვილი ჭარბად გროვდება.

„ცხიმოვან ქსოვილში კი გარდაუვლად იწყება სისტემური ანთება ოქსიდატიური სტრესით, რომლის ფონზეც ინსულინორეზისტენტულობა ვითარდება და ინსულინის გამომმუშავებელი კუჭქვეშა ჯირკვლის უჯრედები იღუპება. და არა მარტო ისინი“, — ამბობს ექიმი.

ამასთან სპეციალისტი განმარტავს, რამხელა ინტერვალი უნდა დაიცვას ადამიანმა ორ კვებას შორის. მისი თქმით, ეს არ უნდა იყოს სამ საათზე ნაკლები და ხუთ საათზე მეტი დრო.

იმ შემთხვევაში, თუ ადამიანი ხუთ საათზე მეტ პაუზას აკეთებს ჭამიდან ჭამამდე, იწყება ლიპოპროტეინლიპაზის (LPL) გააქტიურება — ფერმენტისა, რომელიც სისხლში ლიპიდების დონეს არეგულირებს და რომელსაც დიდი მნიშვნელობა აქვს ათეროსკლეროზისთვის.

გახდომა ძილში: ექიმი ასახელებს პროდუქტს, რომელიც ღამით ცხიმებს წვავს>>

პავლოვას თქმით, LPL „დარაჯი ძაღლივით უთვალთვალებს კვებითი ნივთიერებების დონეს“ და თუ ისინი რეგულარულად და დიდი ხნის განმავლობაში არ წარმოიქმნება, მოქმედებასა და ცხიმოვანი მარაგების დაგროვებას იწყებს.

142
თემები:
ექიმი გირჩევთ
სტუდენტები

„როსსოტრუდნიჩესტვომ“ რუსეთში სტუდენტების შესვლის წესები გამოაცხადა

0
(განახლებულია 22:25 04.08.2021)
რუსეთის განათლებისა და მეცნიერების სამინისტრომ „ცხელი ხაზი“ აამოქმედა, რომელზეც პანდემიის პირობებში ქვეყანაში შესვლის თაობაზე ინფორმაციის დაზუსტებაა შესაძლებელი

Sputnik. დანარა კურმანოვა

მიუხედავად იმისა, რომ კორონავირუსის პანდემია გრძელდება, რუსეთში სასწავლო წელი კვლავ 1 სექტემბერს იწყება. ამის თაობაზე „როსსოტრუდნიჩესტვოში“ განაცხადეს პრესკონფერენციაზე, რომელიც 2021 წელს უცხოეთის მოქალაქეების რუსეთის უმაღლეს სასწავლებლებში შესარჩევ კამპანიას მიეძღვნა.

„სტუდენტების ქვეყანაში შემოშვება-არშემოშვების საკითხი ჩვენს კომპეტენციაში არ შედის. მაგრამ ჩვენ ვიცავთ უცხოელი სტუდენტების უფლებებს, რომლებიც უმაღლეს სასწავლებლებში ჩაირიცხნენ და ვთხოვთ ორგანოებს, შემოსვლის ნებართვა მისცენ მათ, — განაცხადა სააგენტოს ხელმძღვანელმა ევგენი პრომაკოვმა. — ახლა განათლების მისაღებად შემოსვლა შეუძლიათ იმ სიის ქვეყნების მოქალაქეებს, რომლებსაც რუსეთის მთავრობა ამტკიცებს განკარგულებით და რომელიც გამუდმებით იცვლება“.

პრომაკოვი აზუსტებს, რომ საუბარია განკარგულება №636-ზე, რომლის №1 დანართში ამ დროისათვის 50 სახელმწიფოა ჩამოთვლილი, და რომელთა მოქალაქეებსაც რუსეთში შემოსვლის უფლება აქვთ. თუმცა, თუ ქვეყანა არ არის სიაში, რუსეთში ჩასვლის შესაძლებლობა შეიძლება ინდივიდუალურად იყოს განხილული.

„ბევრ შემთხვევაში შემოსვლის საკითხებს კურირებს უნივერსიტეტი, რომელსაც შეუძლია განათლების სამინისტროსა და სამთავრობო კომისიისგან შემოსვლის უფლება გამოითხოვოს“, — განმარტა პრომაკოვმა.

ამას გარდა, სააგენტოს ხელმძღვანელის თქმით, უმაღლესი განათლებისა და მეცნიერების სამინისტროსთან მოქმედებს ცხელი ხაზი სტუდენტებისთვის: +7 (495) 198-00-00. ამ ნომერზე თითოეული ქვეყნისთვის რუსეთში შესვლის წესების დაზუსტებაა შესაძლებელი.

სამედიცინო მოთხოვნები ყველასთვის უნივერსალურია: სტუდენტმა უნდა ჩააბაროს PCR-ტესტი რუსეთში ჩასვლამდე არაუადრეს სამი დღისა. დოკუმენტი ტესტის უარყოფით პასუხზე უნდა იყოს დაბეჭდილი რუსულად ან ინგლისურად. რუსეთში ჩასვლის შემდეგ სტუდენტმა უნდა ჩააბაროს კიდევ ერთი PCR-ტესტი და პასუხამდე თვითიზოლაციაში უნდა იყოს. იმ შემთხვევაში, თუ სტუდენტის ქვეყანაში შესვლის მომენტისთვის სწავლა უკვე დაწყებული იქნება, ტესტის პასუხის მიღებამდე სტუდენტს მ ხოლოდ ონლაინ-ფორმატში შეუძლია დაესწროს ლექციებს.

პრომაკოვის თქმით, რაც შეეხება სტუდენტების ვაქცინაციასა და ვაქცინაციის შესახებ უცხოური სერტიფიკატების აღიარებას, ეს საკითხები ახლა მუშავდება რუსეთის ჯანდაცვისს სამინისტროს მიერ.

0
თემები:
რუსეთი დღეს