ქალი

ორი გზა განშორების შემდეგ: მდგომარეობიდან გამოსვლა თუ თვითგვემა

385
(განახლებულია 19:14 04.11.2019)
ნებისმიერი დაშორება მტკივნეულია, მაგრამ აქედან შეიძლება თავაწეული გამოსვლაც და ასევე დიდი ხნით თვითგვემის მდგომარეობაში დარჩენა. როგორ უნდა დავეხმაროთ თავს განშორებისგან მოყენებული ტკივილის დასაძლევად?

დაშორება ტრავმის სიღრმით ახლობელი ადამიანის სიკვდილის შემდეგ მეორე ადგილზეა. პირველ რიგში, რის გაკეთებაც არავითარ შემთხვევაში არ შეიძლება, ესაა თქმა – „მიმატოვეს"! ეს ფიქრშიც არ უნდა გაივლოთ.

ესაა მსხვერპლის, ობიექტის, საგნის პოზიციაზე გადანაცვლება. თქვენ ორი ზრდასრული და ქმედუნარიანი ადამიანი ხართ და არავის არავინ მიუტოვებია. თქვენ დაშორდით, მიიღეთ ერთმანეთთან ურთიერთობების გაწყვეტის გადაწყვეტილება, თქვენი წყვილისთვის პერსპექტივას ვერ ხედავთ — აირჩიეთ ნებისმიერი ფორმულირება, მთავარია, მან მომხდარის არსი ასახოს. თქვენი წყვილი დაიშალა და არავის არავინ მიუტოვებია.

რა თქმა უნდა, ფსიქოლოგიურად ჯანმრთელი ადამიანი განმარტების გარეშე არ რჩება, ის პოულობს ძალას, პარტნიორს რომ დაელაპარაკოს, აუხსნას, რომ გრძნობები გაქრა და შემდგომ ურთიერთობებს აზრი აღარ აქვს.

მაგრამ კარგად გვესმის, რომ სხვაგვარადაც ხდება, მაგალითად, ბრუნდებით სახლში და იქ კარადა ცარიელი გხვდებათ, ან თქვენი ეჭვი სხვა ქალის არსებობაზე მართლდება, ან ის ყველაფერზე გედავებათ, რადგან აღიზიანებთ.

 

 

მასალა მომზადებულია ფსიქოლოგ მიხაილ ლაბკოვსკის მოსაზრებებზე დაყრდნობით

385
თემები:
სასარგებლო რჩევები (372)
მზარეული წვავს სოსისებს

უვნებელი სოსისი: დიეტოლოგებმა ფასტფუდის „გაუვნებელყოფის“ ხერხი მოიფიქრეს

102
(განახლებულია 17:33 03.12.2020)
ექსპერტებმა განმარტეს, როგორი სოსისია ასი პროცენტით უვნებელი და ასევე რომელი ფასტფუდია ძეხვეულზე უვნებელი.

თბილისი, 3 დეკემბერი — Sputnik. მიუხედავად იმისა, რომ სოსისები და ძეხვეული ტრადიციულად ერთ-ერთ ყველაზე მავნე საკვებად მიიჩნევა, ნუტრიციოლოგებმა მაინც მოძებნეს მათი „გაუვნებელყოფის“ ხერხი, იუწყება ABC.

გამოცემასთან საუბრისას ექსპერტებმა აღნიშნეს, რომ მათი ხშირი გამოყენება არასასურველია დიდი რაოდენობით დაბალი ხარისხის ცხოველური ცხიმების, აგრეთვე შაქრისა და მარილის შემცველობის გამო. ექსპერტებმა შეცდომაც კი უწოდეს მოსაზრებას, რომ ძეხვეული უფრო „ნატურალური“ საკვებია, ვიდრე სოსისები.

„სოსისები და ძეხვეული ყოველთვის მზადდება ისეთი ხორცის ჩამონაჭრებისგან, რომლებიც მაინცდამაინც ახალი არ არის — ამ პროდუქტების დამზადების ერთ-ერთი მიზანია ხორცის ნარჩენებისა და ბევრად უხარისხო ნაჭრების უდანაკარგოდ მოხმარება“, — აღნიშნავენ დიეტოლოგები.

ნუტრიციოლოგების აზრით, მცენარეული სოსისები ასევე შეიცავს მავნე ნივთიერებებს და ჩვეულებრივზე მეტად სასარგებლო არაფრით არ არის.

  • ექსპერტებმა ყველაზე „სწორი“ უწოდეს ქათმის ფარშით შინ მომზადებულ, პარმეზანთან შერეულ სოსისებს. მათი თქმით, ასეთი პროდუქტის გემო უჩვეულოა, მაგრამ „ასი პროცენტით უვნებელი“ იქნება.

გარდა ამისა, დიეტოლოგებმა მოულოდნელად აღნიშნეს, რომ ფასტფუდის ზოგი სახეობა უფრო ჯანსაღია, ვიდრე სოსისეული. ასეთად მათ ჰამბურგერები დაასახელეს. თუმცა ისიც თქვეს, რომ ჯობს უპირატესობა შინ მომზადებულ კოტლეტს მივანიჭოთ.

102
თემები:
სასარგებლო რჩევები (372)
ოჯახი

ჯანმრთელი ორსულობა: დასახელდა შვიდი აუცილებელი ვიტამინი მომავალი მშობლებისთვის

57
(განახლებულია 17:02 03.12.2020)
ცნობილი პროფესორის თქმით, ჩამოთვლილი ვიტამინების ნაკლებობას სექსუალური ლტოლვის დაქვეითება და უნაყოფობაც კი შეიძლება მოჰყვეს როგორც ქალებში, ისე მამაკაცებში.

როგორ უნდა იკვებებოდნენ, რა ვიტამინები და მიკროელემენტებია აუცილებელი მომავალი დედებისთვის და რას უნდა მიაქციონ ყურადღება მამაკაცებმა, რომ არ დაკარგონ სექსუალური ლტოლვა და მამაკაცური ძალა, პროფესორი, უმაღლესი კვალიფიკაციის ექიმი ელენა ანდრეევა განმარტავს.

მისი თქმით, ჯანმრთელი ბავშვის დაბადება დიდწილად მშობლების ჯანმრთელობაზეა დამოკიდებული. არასწორ კვებას შეიძლება სასქესო ჰორმონების გამომუშავების დარღვევა მოჰყვეს და სავალალო შედეგები მოიტანოს — დაწყებული სექსუალური ლტოლვის დაქვეითებით, დასრულებული უნაყოფობით — როგორც ქალებში, ისე მამაკაცებში.

მათთვის, ვინც აპირებს გახდეს მშობელი, უნდა ახსოვდეს სამი უმნიშვნელოვანესი პროდუქტი: მარილი, შაქარი და ცხოველური ცხიმები.

მოხმარების დღიური ნორმა:

მარილი — 5 გრამამდე (1 ჩაის კოვზი);

შაქარი — 55-60 გრამამდე (5 სუფრის კოვზი) მამაკაცებისთვის, 50 გრამამდე (4 სუფრის კოვზი) — ქალებისთვის;

ცხოველური ცხიმების ნორმა განისაზღვრება 1.4-2.2 გრამით ადამიანის 1 კგ წონაზე, რაც მხოლოდ 63-158 გრამს შეადგენს. თუ თქვენ მძიმე ფიზიკური შრომა გიწევთ, გარეთ კი ცივა, მაშინ შეგიძლიათ ზედა მაჩვენებელი „გადალახოთ“.

ჯანმრთელი ორსულობის ანბანი

გადაწყვიტეთ ბავშვის გაჩენა? ამაში არა მარტო ერთმანეთის სიყვარული, არამედ ვიტამინები და მიკროელემენტებიც დაგეხმარებათ.

ვიტამინი A — მნიშვნელოვან როლს ასრულებს ჰორმონ პროგესტერონის სინთეზში, რომელიც ორსულობის შენარჩუნებაზეა პასუხისმგებელი. მისი უკმარისობის შემთხვევაში მამაკაცებს შეიძლება სპერმატოზოიდების განვითარების პრობლემები შეექმნათ და ამასთან ლიბიდოც (სქესობრივი ლტოლვა) დაუქვეითდეთ, ქალებს კი უნაყოფობა ემუქრება.

A ვიტამინის ძირითადი წყაროა: კარაქი, კვერცხის გული, ღვიძლი.

ვიტამინი E — ორგანიზმში ამ ვიტამინის ნაკლებობა იწვევს მამაკაცებში სპერმის წარმოქმნის შემცირებას, ქალებში კი საშვილოსნოს დისფუნქციას, ასევე ხელს უწყობს ორსულობის ნაადრევ შეწყვეტას.

E ვიტამინის ძირითადი წყაროა: მცენარეული ზეთები, რძე, კვერცხი.

C ვიტამინი — ძალიან მნიშვნელოვანია მამაკაცებისთვის. ეს არის სპერმის აქტივობის (გადაადგილების) საწინდარი, რაც ზრდის განაყოფიერების შანსს. ქალებისთვის C ვიტამინი ზრდის ჩასახვის შესაძლებლობას, ორსულობის დროს კი ამცირებს მუცლის მოშლისა და გართულებების რისკს.

C ვიტამინის ძირითადი წყაროა: შავი მოცხარი, ასკილი, ხურტკმელი, ციტრუსები.

თუთია, მანგანუმი, სელენი — ამ ელემენტების ნაკლებობამ შეიძლება ორსულობის მრავალი გართულება გამოიწვიოს, მათ შორის მუცლის მოშლა, ტოქსიკოზი, ნაყოფის ზრდის შეფერხება და ნერვული მილის (ნაყოფის ცენტრალური ნერვული სისტემის ჩანასახი) განვითარების დეფექტების ალბათობის მატება.

პროდუქტები, რომლებიც დიდი რაოდენობით თუთიას, მანგანუმსა და სელენს შეიცავს, არის: მწვანე ბოსტნეული ფოთლებით, ხორცი და სუბპროდუქტები, მარცვლეული და პარკოსნები, კაკალი, მცენარეული ზეთები, კვერცხი, ზღვის პროდუქტები.

ფოლიუმის მჟავა — მონაწილეობს სისხლის წითელი და თეთრი უჯრედების სინთეზში, საჭმლის მომნელებელი და ნერვული სისტემის განვითარებაში. ფოლიუმის მჟავის უკმარისობამ ჩასახვის წინა პერიოდსა და ორსულობის პირველ ტრიმესტრში შეიძლება ნაყოფის ნერვული სისტემის თანდაყოლილი დეფექტები გამოიწვიოს.

ფოლიუმის მჟავის ძირითადი წყაროა: პარკოსნები, ისპანახი, სატაცური და სალათის ფოთლები.

პოლიუჯერი ცხიმმჟავები — ამცირებს ქოლესტერინის დონეს, აძლიერებს იმუნურ სისტემას და ხელს უწყობს მომავალი ბავშვის ნერვული სისტემის სწორად განვითარებას, მნიშვნელოვან როლს ასრულებს ოვულაციაში, განსაკუთრებით კვერცხუჯრედის გამოსვლის პროცესში და განაყოფიერებისთვის მზადყოფნაში.

ძირითადი წყაროებია: ხორბლის ნასკვის ზეთები, სელის ზეთი, მზესუმზირა, სოიო, არაქისი, ნუში, ავოკადო, ზღვის თევზი.

იოდი — ორსულობის დროს მას გადამწყვეტი მნიშვნელობა ენიჭება, განსაკუთრებით, პირველ ექვს თვეში. თუ მომავალი დედა არ იღებს იოდით გაჯერებულ საკვებს, ეს შეიძლება გახდეს ბავშვის სერიოზული პათოლოგიების მიზეზი, მაგალითად, ისეთი დაავადებისა, როგორიცაა კრეტინიზმი, რომელსაც გონებრივი ჩამორჩენა, სიყრუე, მეტყველების დარღვევები და ფიზიკური განვითარების შეფერხება ახასიათებს.

იოდს შეიცავს ზღვის პროდუქტები და იოდიზირებული მარილი.

57
თემები:
სასარგებლო რჩევები (372)
მცხეთის რაიონული სასამართლო

შაქარაშვილის მკვლელობაში ბრალდებულებმა სასამართლოს დარბაზი პროტესტის ნიშნად დატოვეს

0
პროკურორის თქმით, ეს პირველი შემთხვევა არ არის, როდესაც ბრალდებულები საქმის განხილვის და მოწმეთა დაკითხვის ჩაშლას ცდილობენ

თბილისი, 3 დეკემბერი – Sputnik. 19 წლის ფეხბურთელის, გიორგი შაქარაშვილის მკვლელობაში ხუთმა ბრალდებულმა სასამართლო დარბაზი პროტესტის ნიშნად დატოვა, რის გამოც პროცესი გადაიდო.

ვახტანგ ჩიქოვანს, მორაგბეებს - არჩილ გაგნიძესა და ნიკოლოზ რევაზიშვილს ორ სხვა არასრულწლოვან ბრალდებულთან ერთად ბრალი ედებათ შაქარაშვილის მკვლელობაში. გამოძიების ვერსიით, ბრალდებულებმა შაქარაშვილი ჯერ სცემეს, შემდეგ კი მდინარეში გადააგდეს. როგორც ექსპერტიზამ დაადგინა, 19 წლის ფეხბურთელის მიზეზი ასფიქსია გახდა - ის წყალში დაიხრჩო. გიორგი შაქარაშვილის ცხედარი ოთხდღიანი ძებნის შემდეგ 22 ივნისს მდინარე არაგვში იპოვეს. ექსპერტიზამ დაადგინა, რომ ის წყალში დაიხრჩო, თუმცა ცხედარზე სიცოცხლეში უამრავი დაზიანება იყო მიყენებული.

ადვოკატ ბექა ნემსიწვერიძის თქმით, მიუხედავად იმისა, რომ იუსტიციის უმაღლესმა საბჭომ სასამართლოებს გაუარესებული ეპიდვითარების გამო საქმეთა განხილვის გადადების რეკომენდაცია მისცა, მოსამართლემ კიდევ ერთი დღე დაამატა და მას „ამ საქმის სწრაფად დახურვა სურს“.

„მიგვაჩნია, რომ სასამართლო შეგნებულად აჩქარებს ამ პროცესის განხილვას მიუხედავად იმისა, რომ ვადებში არ არის შეზღუდული, გამომდინარე იქიდან, რომ მათ აქვთ დავალება, რაც შეიძლება მალე დაამთავრონ ეს საქმე და მიიღონ ის უკანონო დავალება, რა დავალებაც აქვს მიცემული სასამართლოს. ბრალდებულებმა პროტესტის ნიშნად დატოვეს პროცესი და ადვოკატებს გვითხრეს, რომ სანამ მათთან არ გავივლით კონსულტაციას, არ გავაგრძელოთ მათი დაცვა“, – განაცხადა ადვოკატმა.

ბრალდების მხარე კი, თავის მხრივ, ბრალდებულთა საქციელს პროცესის გაჭიანურებას უკავშირებს. საქმის პროკურორის, დავით ყაზარაშვილის თქმით, ეს პირველი შემთხვევა არ არის, როდესაც ბრალდებულები საქმის განხილვის და მოწმეთა დაკითხვის ჩაშლას ცდილობენ. გარდა ამისა, პროკურორი მიიჩნევს, რომ შაქარაშვილის საქმეში არანაირი „პოლიტიკური მოტივი“ არ არსებობს.

„წინა სასამართლო პროცესზეც დატოვეს ბრალდებულებმა სხდომის დარბაზი. მათი ქმედებები მიმართულია პროცესის გაჭიანურებისკენ. დღეს სასამართლომ დაინახა დაცვის მხარის ქმედებები. აქედან გამომდინარე, მივესალმებით ამ გადაწყვეტილებას. რაც შეეხება პოლიტიკურ სარჩულს, ასეთ განცხადებებს ძალიან მრავლად აკეთებს დაცვის მხარე. მე მივაწერ უფრო დაცვის მხარის უსუსურობაზე, ვერ წარმოაჩენენ თავის პოზიციას დადებითად სასამართლო პროცესებზეც და გარეთაც, შემდეგ ცდილობენ, ვინმეს გადააბრალონ, თითქოს პოლიტიკური სარჩული აქვს ამ ყველაფერს“, – განაცხადა პროკურორმა.

საქმის შემდგომი არსებითი განხილვა მცხეთის რაიონულ სასამართლოში 7 დეკემბერს 11:00 საათზეა ჩანიშნული.

სასამართლოს წინაშე 100-ზე მეტი მოწმე უნდა წარდგეს.

0
თემები:
19 წლის გიორგი შაქარაშვილის მკვლელობის საქმე