ბავშვები ჩანთებით

როგორ შევარჩიოთ სასკოლო ჩანთა: თავიდან აიცილეთ ხერხემლის გამრუდება და სხვა პრობლემები

160
(განახლებულია 18:19 10.09.2019)
სექტემბერი ახლოვდება და სასკოლო სამზადისიც აქტიურ ფაზაში შედის. მშობლები ცდილობენ ძირითადი ნივთები შეიძინონ - პენალი, საწერი კალმები, ფანქრები, რვეულები და რა თქმა უნდა, ჩანთა.

ერთი შეხედვით ძალიან მარტივია სასკოლო ჩანთის შერჩევა, თუმცა ეს არც ისე იოლია. არსებობს რამდენიმე მნიშვნელოვანი დეტალი, რომელიც ყველა მშობელმა უნდა გაითვალისწინოს.

რა უნდა ვიცოდეთ ზურგჩანთის ყიდვისას?

* ყველაზე მნიშვნელოვანია, ჩანთას ჰქონდეს ორთოპედიული საზურგე, რომ ხერხემლის გამრუდებას არ შევუწყოთ ხელი. საზურგე აუცილებლად უნდა იყოს რბილი, რათა წიგნებით სავეს ჩანთამ, ხერხემლის არეში ტკივილი არ მიაყენოს მოზარდს.

* ცარიელი ჩანთა 700-800 გრამზე მეტს არ უნდა იწონიდეს.

* ჩანთა ყიდვამდე აუცილებლად მოარგეთ ბავშვს, რათა ზომა ბავშვის აღნაგობის შესაბამისი იყო.  აუცილებლად შეამოწმეთ ჩანთის ღვედები. შეარჩიეთ ისეთი ჩანთა, რომლის ღვედებსაც ბავშვის ტანზე შესაბამისად მოარგებთ. თუ ზურგჩანთას დამატებითი ღვედები ექნება, ეს გაცილებით მარტივს გახდის მის ტარებას.

* აუცილებელია სწორად შეარჩიოთ ჩანთის ფაქტურა. სასურველია ჩანთა, ბუნებრივი ნაჭრის და ამავდროულად, მყარი იყოს. ჩანთა ნივთების ჩადების შედეგად არ უნდა დეფორმირდებოდეს.

* ჩანთის შეძენისას აუცილებლად შეამოწმეთ ელვა-შესაკრავები. ისინი მარტივად უნდა იკეტებოდეს და იხსნებოდეს.  ელვა, კნოპი, ფხრეწი პრობლემას არ უნდა უქმნიდეს ბავშვს. სასურველია ჩანთას ორმხრივი ელვა-შესაკრავები ჰქონდეს.

* ყურადღება მიაქციეთ ჩანთის განყოფილებების რაოდენობას, რაც დაგეხმარებათ, წიგნები და რვეულები ზურგჩანთაში თანაბრად გადაანაწილოთ. აუცილებლად გაითვალისწინეთ, თუ რა რაოდენობის სასკოლო ნივთების ტარება მოუწევს თქვენს პატარას სკოლაში.

* სპეციალისტების აზრით, ჩანთის სიგანე არ უნდა აღემატებოდეს ბავშვის მხრების სიგანეს.

* ასევე შეგიძლიათ ბორბლებიანი ჩანთის შეძენა, რაც სასკოლო ნივთების ტარებას გაგიადვილებთ.

და ბოლოს, არსებობს ფორმულა, რომელის საშუალებითაც შეძლებთ გამოთვალოთ რა სიმძიმის ჩანთის ტარებაა თქვენი შვილისთვის მიზანშეწონილი:

ზურგჩანთის წონა, წიგნები, რვეულები, საკანცელარიო ნივთები, არ უნდა აღემატებოდეს თქვენი შვილის ზომის 10 %-ს. მაგალითად, თუ თქვენი პირველკლასელი შვილი 27 კილოს იწონის, მისი ჩანთა 2 კილოსა და 700 გრამზე მეტი არ უნდა იყოს.

160
რძიანი ფაფა

რძის პროდუქტები გახდომის მსურველთა რაციონში: დიეტოლოგი მნიშვნელოვან ფაქტორებს ასახელებს

184
(განახლებულია 18:14 08.07.2020)
დიეტოლოგი განმარტავს, რძის რომელი და რამდენი პროდუქტი შეიძლება მიიღოს ყოველდღე გახდომის მსურველმა ისე, რომ წონაში მომატების არ ეშინოდეს.

თბილისი, 8 ივლისი — Sputnik. მიუხედავად იმისა, რომ რძის პროდუქტების ყოველდღიური მიღება ჯანდაცვის მსოფლიო ორგანიზაციის რეკომენდაციებში შედის, წონის დაკლების მსურველები მაინც სიფრთხილით ეკიდებიან მის მიღებას იმის შიშით, რომ ზედმეტი კილოგრამები არ დაიგროვონ, წერს დიეტოლოგი ლორა ფილიპოვა საკუთარ Instagram-ზე.  

სპეციალისტი განმარტავს, რძის რომელი და რამდენი პროდუქტი მიიჩნევა გახდომის მსურველებისთვის უსაფრთხოდ.

ფილიპოვას თქმით, ზრდასრული ადმიანისთვის ყველაზე მნიშვნელოვანი — მაგარი ყველი და ხაჭოა – როგორც კალციუმის, ისე ცილების შემცველობის მხრივ.

  • „დაიმახსოვრეთ: მნიშვნელოვანია, რომ ცილა სხვადასხვა წყაროებიდან მიიღოთ“, — წერს დიეტოლოგი.

ექსპერტის თქმით, რძის პროდუქტები შეიცავს ცხოველურ ცხიმებს, რაც სასარგებლო საკვები ელემენტია. თუმცა აუცილებელია, რომ ყოველდღიურ რაციონში მისი რაოდენობა გაკონტროლდეს. გამომდინარე აქედან, საშუალო ცხიმიანობის ხაჭო და ყველი ოპტიმალური პროდუქტებია ყოველდღიურად მისაღებად.

თუმცა დიეტოლოგი გვაფრთხილებს, რომ ზომიერების დაცვა ამ შემთხვევაშიც საჭიროა.

„არ ღირს ყველის კილოგრამობით ჭამა — საკმარისია დღეში 30-50 გრამი, ხაჭო კი 150-200 გრამი“, — წერს სპეციალისტი.

მისი თქმით, ასევე მნიშვნელოვანია, რომ არ შეიძინოთ ისეთი რძის პროდუქტები, რომლებიც დიდი რაოდენობით შაქარსა და მარილს შეიცავს. ამასთან, ხაჭო არ უნდა შეათავსოთ მარტივ შაქრებთან და ასევე ისეთ პროდუქტებთან, რომლებიც ფიტინის მჟავას შეიცავს, მაგალითად, მარცვლოვნებთან, თხილ–კაკალთან, პარკოსნებთან და ასევე თესლეულთან.

 

184
თემები:
რჩევები ჯანმრთელობასა და სილამაზეზე
რუჯის მიღება

მზით დამწვრობა: დაზიანებული კანის მოვლის უპირველესი წესი პროფესორისგან

89
(განახლებულია 14:08 08.07.2020)
პროფესორი განმარტავს, რა უნდა გაკეთდეს პირველ რიგში იმ შემთხვევაში, თუ მზით დამწვრობა მიიღეთ, და რამდენიმე აუცილებელ რეკომენდაციას გასცემს.

თბილისი, 8 ივლისის – Sputnik. ხანგრძლივი შესვენების შემდეგ მზეზე გასული ადამიანები დამწვრობის მიღებით რისკავენ, განაცხადა რადიო Sputnik-თან საუბრისას დერმატოლოგ-კოსმეტოლოგმა, მედიცინის მეცნიერებათა დოქტორმა, პროფესორმა სვეტლანა ჟაბოევამ.

მან მსმენელებს მისცა რეკომენდაციები, თუ როგორ უნდა მოიქცნენ მზით დამწვრობის შემთხვევაში.

„პირველ რიგში აუცილებელია გრილი წყლით დაბანა ჭარბი ოფლისა და გარეგანი დაბინძურების მოსაშორებლად, შემდეგ კი პრაქტიკულად სველ კანზე დამამშვიდებელი კრემის წასმა. კრემი უნდა იყოს სააფთიაქო პროდუქტი, რომელიც ბეპანთენს ან სხვა დამაშვიდებელ და დამატენიანებელ ინგრედიენტებს შეიცავს. არ არის საჭირო არანაირი სპირტიანი, ზეთოვანი საშუალებები. ეს უნდა იყოს არა ცხიმოვანი კრემი, არამედ მსუბუქი ემულსია. კრემის კანზე დატანა აუცილებელია ყოველ 3-5 საათში“, — განმარტა პროფესორმა.   

მისი თქმით, თუ კანმა აქერცვლა დაიწყო, არავითარ შემთხვევაში არ უნდა მოიცილოთ ის თვითნებურად. ამ დროს მხოლოდ დამამშვიდებელი და დამატენიანებელი საშუალებების დატანაა სასურველი. ეს შეიძლება იყოს დამატენიანებელი ემულსია, რძე, შეიძლება იყოს ჰიდროგელური ან ქსოვილის ნიღბები, რომლებიც ჰიალურონის მჟავას შეიცავს.

  • ჟაბოევა აფრთხილებს საზოგადოებას, რომ არავითარ შემთხვევაში არ შეიძლება მექანიკური, ქიმიური სკრაბების გამოყენება აქერცლილი კანის მოსაშორებლად, „მხოლოდ მისი დარბილებაა საჭირო, რათა ისინი ბუნებრივი გზით მოწყდეს და მოშორდეს კანს“.

ექიმი განმარტავს, რომ თუ დამწვრობის შემთხვევაში ხელთ არანაირი სამკურნალო საშუალება არ აღმოგაჩნდებათ, შეგიძლიათ კანზე ნებისმიერი რძემჟავა პროდუქტი წაისვათ — მაგალითად, ნაღები, რომელიც ასეთ დროს საუკეთესო იქნება.

89
თემები:
რჩევები ჯანმრთელობასა და სილამაზეზე
ავიაკომპანია  Wizz Air-ის თვითმფრინავი

რამდენს დახარჯავს მთავრობა უცხოეთიდან საქართველოს მოქალაქეების ჩამოყვანაზე

0
ფრენებს განახორციელებენ ავიაკომპანიები Myway Airlines და Wizz Air. ბილეთის ღირებულება საქართველოს მოქალაქეებისთვის 200 ევრო იქნება.

თბილისი, 9 ივლისი — Sputnik. მთავრობა უცხოეთიდან საქართველოს მოქალაქეების ჩამოყვანაზე მაქსიმუმ 261 000 ევროს დახარჯავს, აღნიშნულია მთავრობის განკარგულებაში, რომელიც „საკანონმდებლო მაცნეში“ გამოქვეყნდა.

„საქართველოს ტურიზმის ეროვნულმა ადმინისტრაციამ უზრუნველყოს, კორონავირუსის გავრცელების პრევენციისათვის საერთაშორისო ფრენებზე დაწესებული შეზღუდვებიდან გამომდინარე, შესაბამისი ჩარტერული რეისების ნაწილობრივი სუბსიდირება, ჯამურად არაუმეტეს 261 000 ევროს ეკვივალენტი ლარის ოდენობით“, - წერია განკარგულებაში.

საქართველოს საგარეო საქმეთა სამინისტროს მონაცემებით, პანდემიის პერიოდში საჰაერო, სახმელეთო და საზღვაო გზით საქართველოში 12 720 თანამემამულე დაბრუნდა, ადგილებზე დახმარება კი 22 391 ადამიანს აღმოუჩინეს.

კორონავირუსის პანდემიასთან დაკავშირებით საქართველომ უცხოელი ტურისტებისთვის საზღვრები სრულად ჩაკეტა, გარდა გამონაკლისი შემთხვევებისა, და საჰაერო მიმოსვლა ყველა მიმართულებით შეწყვიტა. პანდემიის პერიოდში საგარეო საქმეთა სამინისტრომ, საზღვარგარეთ დიპლომატიურ წარმომადგენლობებთან თანამშრომლობით, სპეცრეისებით თანამემამულეთა სამშობლოში ეტაპობრივი დაბრუნება უზრუნველყო. ჩარტერულ რეისებს ავიაკომპანია Georgian Airways ახორციელებდა. ბილეთის ღირებულება, რომელიც რეისამდე ორი დღით ადრე ონლაინ იყიდებოდა, 199 ევრო იყო.

0
თემები:
COVID-19-ის პანდემია მსოფლიოში