მთაწმინდის პარკი

შვებულება თბილისში, ანუ რჩევები მათ, ვინც აგვისტოში ქალაქიდან ვერ გადის

213
(განახლებულია 17:27 13.08.2019)
თუ აგვისტოში თბილისიდან გასვლას ამა თუ იმ მიზეზის გამო ვერ ახერხებთ, ეს იმას არ ნიშნავს, რომ ცხელმა ზაფხულმა უკვალოდ ჩაიარა. ჩვენ მოგცემთ რამდენიმე რჩევას, თუ როგორ ისიამოვნოთ ზაფხულის დარჩენილი დღეებით დედაქალაქში

მთელი წელი სულმოუთმენლად ელოდებოდით ზაფხულს, რომ დაგესვენათ და ენერგიები შეგევსოთ, მაგრამ თბილისიდან ვერ გადიხართ. რატომ ასოცირდება თქვენთვის დასვენება ქალაქგარეთ გასვლასთან? გართობა და დასვენება დედაქალაქშიც შესაძლებელია.

იახტით გასეირნება

თუ თბილისში იდეალურ ზაფხულზე ოცნებობთ, იახტით გასეირნება ფანტასტიკის სფეროს ნაწილად არ უნდა ჩათვალოთ. ამ სიამოვნებაზე ქალაქში „გამოკეტილ“ საკუთარ თავს უარი არ უნდა უთხრათ და თბილისის ზღვაზე ახვიდეთ. გასეირნება 1 პერსონასთვის 60 ლარი ღირს, 2 პერსონასთვის 120, ოთხისთვის კი 240 ლარი, თუმცა ფასდაკლების საიტებზე ნახევარ ფასად შეგიძლიათ შეიძინოთ თქვენი „სიამოვნების ბილეთი“ + საჩუქრად გამაგრილებელი სასმელი.

პარაპლანი

თუ გგონიათ, პარაპლანით მხოლოდ ფილმებში დაფრინავენ, ცდებით. თბილისში ადრენალინისა და მძაფრი შეგრძნებების მოყვარულებს ამ სიამოვნების მიღებაც შეუძლიათ. თბილისის ზღვაზე ფრენის ფასი შეადგენს 60 ლარს ერთ ადამიანზე, ვიდეო გადაღების ჩათვლით, გადაღების გარეშე კი 50 ლარს. ასაკობრივი ან წონითი შეზღუდვა არ არის. ფასდაკლების საიტზე ამ შემოტავაზებასაც იპოვით ნახევარ ფასად. გასათვალისწინებელია ის არასასურველი და მოულოდნელი ფაქტორი, რომ ამინდის შესაძლო უეცარი ცვლილებების გამო, ფრენა შეიძლება გადაიდოს, ასე რომ თუ არ ჩატარდა ფრენა, გირჩევთ რამე სხვა დაგეგმოთ, ანუ იქონიოთ plan B, რომ ტყუილად არ დაგეკარგოთ მთელი დღე.

აუზი

თბილისში დარჩენილთათვის აუზი, იდეალური არჩევანია. აუზების ერთ დღიანი აბონემენტების ღირებულება 20 ლარიდან 40 ლარამდეა. თუმცა თქვენ მის შეძენას 15 ლარად მოახერხებთ ფასდაკლების საიტებზე.

რუჯი

რუჯი ზაფხულის განუყოფელი ატრიბუტია და ვინც ისევ თბილისში ხართ, ზღვაზე წასვლის დანაკლისი რუჯით მაინც აინაზღაურეთ. ამ დროს სოლარიუმში ვიზიტი საუკეთესო გამოსავალია. თბილისურ სალონებში სოლარიუმის მომსახურებით სარგებლობა 45 ლარიდან იწყება და 100 ლარამდე მერყეობს.

ვახშამი

ზაფხულის სიცხეში კვების პროცესიც კი გარკვეულწილად უსიამოვნო ხდება ადამიანისთვის. ამიტომ კარგია თუ შეარჩევთ რესტორანს გრილ ადგილას, სადაც გემრიელი კერძებს შემოგთავაზებენ. მეგობრებთან ერთად გადაღლილობის მოსახსნელად და განსატვირთად თბილისთან ახლოს მცხეთაში მრავალი საინტერესო რესტორანია საიდანაც სასიამოვნო ხედი იშლება მტკვარზე.

Euro Park

ევრო პარკი ზაფხულში ერთ-ერთი საუკეთესო გასართობი ადგილია მთელი ოჯახისთვის. იქ დაგხვდებათ ატრაქციონები წყალზე, აუზი, ბარი და ბევრი გართობა. აუზში წყალი იფილტრება 24 საათის განმავლობაში.

7 წლამდე ასაკის ბავშვებისთვის შესვლა უფასოა, ხოლო 7 წლიდან შესვლის ღირებულება 30 ლარია.

სამუშაო საათები 10:00 - 18:00 საათამდე. აქაც შეგიძლიათ მიმართოთ ფასდაკლების საიტებს.

Парк Мтацминда
© Sputnik / Alex Shlamov
ატრაქციონები მთაწმინდის პარკში

ატრაქციონები მთაწმინდის პარკში

მთაწმინდის პარკში სულ სამი ზონაა: საბავშვო, საოჯახო და ექსტრემალური. თითოეულ ზონაში ატრაქციონები ასაკისა და ხასიათის შესაბამისადაა განაწილებული. პარკის ექსტრემალური ზონა ყველასთვის საყვარელი და ერთ-ერთი მნიშვნელოვანი ნაწილია. მასში შედის სამი გიგანტური ატრაქციონი.

ამერიკული მთები 

მსოფლიოში ყველაზე პოპულარულ ატრაქციონ ამერიკულ მთებზე, რომლის სიმაღლე 25მ-ია, შეგიძლიათ იგრძნოთ მოჭარბებული  ადრენალინი და რაც მთავარია მიიღოთ უდიდესი სიამოვნება. მასზე დასხდომა ერთდროულად შეუძლია 24 ადამიანს და ერთ ბრუნს იგი 1.30წმ-ს ანდომებს. მსოფლიოში ერთ-ერთი ყველაზე პოპულარული ექსტრემალური ატრაქციონი უზარმაზარი სისწრაფით 25 მეტრიანი სიმაღლიდან ეშვება და თქვენ უფსკრულში ჩავარდნის განცდა გეუფლებათ.

Российская команда на Чемпионате Европы по рафтингу в Боржомском ущелье
რაფტინგი

რაფტინგი

რაფტინგი პარკში ერთ–ერთი ყველაზე პოპულარი ატრაქციონია. თუ მძაფრი შეგრძნებები გიყვართ და თან თბილისის ცხელ ზაფხულში გაგრილება გსურთ, ამ ატრაქციონს უნდა მიმართოთ, ის ხომ   წყალთან და გაგრილებასათან არის დაკავშირებული.  ატრაქციონს  დაშვების ორი სიმაღლე აქვს, ერთი 6 მეტრიდან, მეორე კი 12.

Парк Мтацминда
© Sputnik / Alex Shlamov
მთაწმინდის პარკი

რვაფეხა 

ერთ–ერთი ყველაზე პოპულარული ატრაქციონია მთაწმინდის პარკში. ის 1 წუთში მთავარი ღერძის გარშემო 8 ბრუნს აკეთებს. იგი მოძრაობს საათის ისრის მიმართულებით და პირიქით, აგრეთვე ვერტიკალურად.  მოჭარბებული ადრენალინი რეალობიდან რამდენიმე წუთის განმავლობაში მოგწყვეტთ.

აღნიშნულ ატრაქციონებზე არ დაიშვებიან მოზარდები 12 წლამდე.

ქალაქგარეთ

თუ ოჯახთან ერთად ქალაქგარეთ გასვლას გადაწყვეტთ თბილისიდან დუშეთისკენ 1 საათში შეგხვდებათ X-პარკი, იგივე სათვაგადასავლო პარკი. ესაა 7 ათას კვ მეტრზე, ხეებზე გადაჭიმული თანამედროვე სპორტულ-გასართობი ქალაქი, რომელიც მდებარეობს დუშეთის რაიონის სოფელ თვალივში თბილისიდან 70 კილომეტრში. ბაზა აქტიური დასვენების მოყვარულებს ბევრ საინტერესო გასართობს ჰპირდება. ეს ადგილი გათვლილია ოჯახებისთვის, მეგობრებისთვის, სკოლებისთვის დროის გასატარებლად. აქვე ფუნქციონირებს რესტორანი ქართული და ევროპული კერძებით.

X-პარკის მარტივი ტრასების ბილეთი 20 ლარი ღირს. ტრასები შედგება 8-8 დაბრკოლებისგან (საერთო ჯამში 16 დაბრკოლება და 2 ტრასა) მარტივ ტრასებზე ბავშვები 6 წლიდან დაიშვებიან.

რთული ტრასების ბილეთის შეძენა 30 ლარად შეგიძლიათ. ტრასები შედგება 14-14 დაბრკოლებისგან (საერთო ჯამში 28 დაბრკოლება და 2 ტრასა). რთულ ტრასებზე დაიშვებიან მხოლოდ ზრდასრულები.

 

213
რძიანი ფაფა

რძის პროდუქტები გახდომის მსურველთა რაციონში: დიეტოლოგი მნიშვნელოვან ფაქტორებს ასახელებს

168
(განახლებულია 18:14 08.07.2020)
დიეტოლოგი განმარტავს, რძის რომელი და რამდენი პროდუქტი შეიძლება მიიღოს ყოველდღე გახდომის მსურველმა ისე, რომ წონაში მომატების არ ეშინოდეს.

თბილისი, 8 ივლისი — Sputnik. მიუხედავად იმისა, რომ რძის პროდუქტების ყოველდღიური მიღება ჯანდაცვის მსოფლიო ორგანიზაციის რეკომენდაციებში შედის, წონის დაკლების მსურველები მაინც სიფრთხილით ეკიდებიან მის მიღებას იმის შიშით, რომ ზედმეტი კილოგრამები არ დაიგროვონ, წერს დიეტოლოგი ლორა ფილიპოვა საკუთარ Instagram-ზე.  

სპეციალისტი განმარტავს, რძის რომელი და რამდენი პროდუქტი მიიჩნევა გახდომის მსურველებისთვის უსაფრთხოდ.

ფილიპოვას თქმით, ზრდასრული ადმიანისთვის ყველაზე მნიშვნელოვანი — მაგარი ყველი და ხაჭოა – როგორც კალციუმის, ისე ცილების შემცველობის მხრივ.

  • „დაიმახსოვრეთ: მნიშვნელოვანია, რომ ცილა სხვადასხვა წყაროებიდან მიიღოთ“, — წერს დიეტოლოგი.

ექსპერტის თქმით, რძის პროდუქტები შეიცავს ცხოველურ ცხიმებს, რაც სასარგებლო საკვები ელემენტია. თუმცა აუცილებელია, რომ ყოველდღიურ რაციონში მისი რაოდენობა გაკონტროლდეს. გამომდინარე აქედან, საშუალო ცხიმიანობის ხაჭო და ყველი ოპტიმალური პროდუქტებია ყოველდღიურად მისაღებად.

თუმცა დიეტოლოგი გვაფრთხილებს, რომ ზომიერების დაცვა ამ შემთხვევაშიც საჭიროა.

„არ ღირს ყველის კილოგრამობით ჭამა — საკმარისია დღეში 30-50 გრამი, ხაჭო კი 150-200 გრამი“, — წერს სპეციალისტი.

მისი თქმით, ასევე მნიშვნელოვანია, რომ არ შეიძინოთ ისეთი რძის პროდუქტები, რომლებიც დიდი რაოდენობით შაქარსა და მარილს შეიცავს. ამასთან, ხაჭო არ უნდა შეათავსოთ მარტივ შაქრებთან და ასევე ისეთ პროდუქტებთან, რომლებიც ფიტინის მჟავას შეიცავს, მაგალითად, მარცვლოვნებთან, თხილ–კაკალთან, პარკოსნებთან და ასევე თესლეულთან.

 

168
თემები:
რჩევები ჯანმრთელობასა და სილამაზეზე
რუჯის მიღება

მზით დამწვრობა: დაზიანებული კანის მოვლის უპირველესი წესი პროფესორისგან

87
(განახლებულია 14:08 08.07.2020)
პროფესორი განმარტავს, რა უნდა გაკეთდეს პირველ რიგში იმ შემთხვევაში, თუ მზით დამწვრობა მიიღეთ, და რამდენიმე აუცილებელ რეკომენდაციას გასცემს.

თბილისი, 8 ივლისის – Sputnik. ხანგრძლივი შესვენების შემდეგ მზეზე გასული ადამიანები დამწვრობის მიღებით რისკავენ, განაცხადა რადიო Sputnik-თან საუბრისას დერმატოლოგ-კოსმეტოლოგმა, მედიცინის მეცნიერებათა დოქტორმა, პროფესორმა სვეტლანა ჟაბოევამ.

მან მსმენელებს მისცა რეკომენდაციები, თუ როგორ უნდა მოიქცნენ მზით დამწვრობის შემთხვევაში.

„პირველ რიგში აუცილებელია გრილი წყლით დაბანა ჭარბი ოფლისა და გარეგანი დაბინძურების მოსაშორებლად, შემდეგ კი პრაქტიკულად სველ კანზე დამამშვიდებელი კრემის წასმა. კრემი უნდა იყოს სააფთიაქო პროდუქტი, რომელიც ბეპანთენს ან სხვა დამაშვიდებელ და დამატენიანებელ ინგრედიენტებს შეიცავს. არ არის საჭირო არანაირი სპირტიანი, ზეთოვანი საშუალებები. ეს უნდა იყოს არა ცხიმოვანი კრემი, არამედ მსუბუქი ემულსია. კრემის კანზე დატანა აუცილებელია ყოველ 3-5 საათში“, — განმარტა პროფესორმა.   

მისი თქმით, თუ კანმა აქერცვლა დაიწყო, არავითარ შემთხვევაში არ უნდა მოიცილოთ ის თვითნებურად. ამ დროს მხოლოდ დამამშვიდებელი და დამატენიანებელი საშუალებების დატანაა სასურველი. ეს შეიძლება იყოს დამატენიანებელი ემულსია, რძე, შეიძლება იყოს ჰიდროგელური ან ქსოვილის ნიღბები, რომლებიც ჰიალურონის მჟავას შეიცავს.

  • ჟაბოევა აფრთხილებს საზოგადოებას, რომ არავითარ შემთხვევაში არ შეიძლება მექანიკური, ქიმიური სკრაბების გამოყენება აქერცლილი კანის მოსაშორებლად, „მხოლოდ მისი დარბილებაა საჭირო, რათა ისინი ბუნებრივი გზით მოწყდეს და მოშორდეს კანს“.

ექიმი განმარტავს, რომ თუ დამწვრობის შემთხვევაში ხელთ არანაირი სამკურნალო საშუალება არ აღმოგაჩნდებათ, შეგიძლიათ კანზე ნებისმიერი რძემჟავა პროდუქტი წაისვათ — მაგალითად, ნაღები, რომელიც ასეთ დროს საუკეთესო იქნება.

87
თემები:
რჩევები ჯანმრთელობასა და სილამაზეზე
ბარბარე 21

პროსტიტუციიდან ქველმოქმედებამდე - რა ბედი ეწია „მამიდას" საროსკოპოს

0
(განახლებულია 16:21 09.07.2020)
მსოფლიოს ბევრ ქვეყანას შეშურდება საქართველოში იმდენი ხუთ ვარსკვლავიანი სასტუმროა მაღალი კლასის მომსახურეობითა და სერვისით. ყველას სახელი შესაძლოა ვერ გავიხსენოთ, მაგრამ არც ისე გამორჩეული, პატარა სასტუმროს „ჭალის ჩიტების“ სახელს დღეს ბევრი ვერ ივიწყებს.

ამის მიზეზს მიხვდებით, თუ გეტყვით, რომ სასტუმროს მეპატრონე საზოგადოებისათვის „მამიდას“ ნიკით ცნობილი შორენა ხუცურაული გახლდათ. მუხედავად მავანთა მიერ ამ სასტუმროში გატარებული დღეებისა, რომელიც ზოგისთვის ტკბილი მოგონება იყო, ზოგისთვის კი იმედგაცრუება, ის სასტუმრო აღარ არის თქვენ რომ გვახსოვთ...

გასული წლის მაისში აქ საგამოძიებო მოქმედებები ჩატარდა. გამოძიებამ სასტუმრო „ჭალის ჩიტები“, როგორც პროსტიტუციის ობიექტი დალუქა. ყველა მთავრობისგან დევნილ ქალს, ერისა და ბერის „მამიდას“, როენა ხუცურაულს კი „ამაგი“ არ დაუფასეს, ხელბორკილები დაადეს და სისხლის სამართლის პასუხისგებაში მისცეს.

„მამიდა“ პატიმრობიდან გირაოს სანაცვლოდ გაათავისუფლეს. მან სასამართლოშივე განაცხადა, რომ აღიშნულ ობიექტზე ქველმოქმედების მიზნით სათნოების სახლის დაარსებას აპირებდა…

 „Sputnik საქართველოს“ როენა ხუცურაულმა მოუთხრო, თუ როგორ აქირავებს დღეს სიმბოლურ ფასად სასტუმროს შშმ პირების დასახმარებლად და არც სამომავლო გეგმები დამალა. მისი ნათქვამიდან ყველაზე ნიშანდობლივი კი მაინც ერთი რამ იყო - „ჩემს სიბერეს ჩემს სასტუმროში ვხედავ“.

ბარბარე 21
© Sputnik / Shota Nozadze
ბარბარე 21

„ქველმოქმედების მიზნით სასტუმროში სათნოების სახლის გახსნას ვაპირებდი. ჯანმრთელობის მდგომარეობის გამო ვეღარ შევძელი, შშმ პირებისთვის ადაპტირებული გავხადე და პანსიონატისთვის სიმბოლურ ფასად, 1 ათას ლარად გავაქირავე. ესეც დახმარებაა. თუ ჯანმრთელობა ხელს შემიწყობს, ამ კეთილ საქმეში თავადაც ჩავერთვები. ყველაფერი ღვთის ნებაა. როცა წლებში შედიხარ ადამიანი, უკვე სხვანაირად ფიქრობ. ჩემს სიბერეს კი ჩემს სასტუმროში ვხედავ“ - გვითხრა როენა ხუცურაულმა.

ქველმოქმედება - ლამაზი სიტყვაა, ქმედება - კიდევ უფრო ლამაზი. ხოლო ნებისმიერი ქმედება, თუ სიკეთეს არ ემსახურება მხოლოდ შიშველი ინსტინქტია. ძნელია ისაუბრო ქველმოქმედი ადამიანის მოტივაციაზე. ალბათ, ეს უფრო ბუნებრივი მოთხოვნილებაა, სიამოვნებაა, რაც ნებისმიერ ხორციელ სიამოვნებაზე გაცილებით ძლიერია.

„მამიდას“ ნათქვამის პატივისცემის მიუხედავად, ჩვენმა ჟურნალისტმა მისი მონათხრობი გადაამოწმა, ესტუმრა ახლა უკვე თავშესაფარს და როგორც აღმოჩნდა მას პირობა შეუსრულებია…

Ბარბარე 21
© Sputnik / Shota Nozadze
Ბარბარე 21

დაწყებული საქმიანობა მოხუცთა თავშესაფრის, „ბარბარე 21“-ის მფლობელმა, „ქართული ოცნების“ ყოფილმა წევრმა მერაბ შათირიშვილმა განაგრძო. დაწესებულების კედლებში კი ახალი სიცოცხლე დაიწყო. მთლიანი შენობა და ცალკეული ოთახები მოძღვარმა აკურთხა, აურა გაიწმინდა და ახლა შენობის ფანჯრებიდან ბენეფიციარების ბედნიერი ხმა გამოდის.

შენობა 16 ბენეფიციარზეა გათვლილი. თითოეულ ოთახს აქვს თავისი სველი წერტილი, ცხელი და ცივი წყალი, გათბობა. სართულებს შორის გადასაადგილებლად კი არის ადაპტირებული ლიფტიც.

სააგენტოსთან საუბრისას მერაბ შათირიშვილმა აღნიშნა, რომ შენობა ხუთი წლით იქირავა, სხვა სასტუმროებს კი მოუწოდა როენა ხუცურაულისაგან მაგალითი აიღონ.

Ბარბარე 21
© Sputnik / Shota Nozadze
Ბარბარე 21

„მეპატრონეს თავად სურდა თავშესაფრის დაარსება. ნებართვაც ჰქონდა, თუმცა, შემდეგ ცოტა გაუჭირდა თავის გართმევა, დამიკავშირდა და ბოლოს იგივე მიზნით ხუთი წლით ვიქირავე. ქირას სიმბოლური თანხაც შეიძლება ვუწოდოთ. მანამდე მეპატრონეს არ ვიცნობდი. მიკვირს რატომ არის როენას სასტუმრო ასეთი ყურადღების ცენტრი, ან დღეს რა აზრი აქვს ადრე აქ რა იყო. თვითონ ცხოვრებამ გარკვეულწილად იმ გზით წაიყვანა, რომ გართობის ადგილი ყოფილიყო, მაგრამ თბილისის სხვა ნებისმიერ სასტუმროშიც, წყვილს შეუძლია ღამის გათენება. ასეთ სასტუმროებს ვურჩევ ასეთ სიკეთის სახლებად გადაკეთებას, ვიდრე შეფარულად ყოფნას“ - ისაუბრა შათირიშვილმა.

Ბარბარე 21
© Sputnik / Shota Nozadze
Ბარბარე 21

კითხვაზე, თუ როგორ ახდენს თავშესაფარი შეზღუდული შესაძლებლობების მქონე პირთა ინტეგრაციას საზოგადოებაში და მათთვის თანაბარი შესაძლებლობების უზრუნველყოფას, მერაბ შათირიშვილმა აღნიშნა, რომ მაგალითად შაბათს, ვაკის პარკში გაიმართება საქველმოქმედო კონცერტი, სადაც მათი თავშესაფრიდან ბენეფიციარი იღებს მონაწილეობას.

ასე მოხდა... ქართულ საზოგადოებას კიდევ ერთი ქველმოქმედი და პატიოსანი ადამიანი შეემატა, „სასტუმროების ბიზნესს“ კი ერთი მზრუნველი ადამიანი გამოაკლდა.

რამდენად ქველმოქმედია „მამიდა“ ეს საზოგადოებამ განსაჯოს, თუმცა აქვე ცნობილი ფრაზა აგეკვიატება - ყველამ თავის მამიდას მიხედოს...

ჩვენ კი დავსძენთ, სასიამოვნო სიახლეები კარგია, თუნდაც მოულოდნელი იყოს!

0