ვარსკვლავიანი ცა

ურანი რეტროგრადული გახდა: როგორ იმოქმედებს გენიოსებისა და შეშლილების პლანეტა ადამიანებზე

4828
(განახლებულია 13:00 13.08.2019)
ურანის ზემოქმედება, ჩვეულებრივ, უკავშირდება სწრაფვას დამოუკიდებლობისკენ, განახლებისკენ, საზღვრების დარღვევისკენ. მიიჩნევენ, რომ ეს პლანეტა გენიოსებსა და შეშლილებს მფარველობს.

ნებისმიერი პლანეტის რეტროგრადულობა, ძირითადად, ნეგატიურად აისახება ადამიანების იღბალსა და მათ განწყობაზე. 12 აგვისტოს უკუსვლას დაიწყო ურანმა და ის ამ მდგომარეობაში 11 იანვრამდე იქნება.

ურანი არის პლანეტა, რომელიც განახლების ენერგიის მატარებელია. მისი ზემოქმედება ბევრად გაიზრდება, გადაიქცევა ქარიშხლად, რომელიც ყველაფერს წალეკავს თავის გზაზე. სწორედ 12 აგვისტოდან დაიწყო მოულოდნელი შემთხვევითობებისა და რევოლუციების პერიოდი როგორც მსოფლიოში, ისე ადამიანში.

დიდი მნიშვნელობა აქვს რეტროგრადული მოძრაობის დასაწყის ეტაპს. ურანის ენერგეტიკა ძალზე უჩვეულოა. ის მფარველობს ინტუიციას, ექსტრასენსორულ უნარებს. ეს ნიშნავს, რომ მისი რეტროგრადულობა ადამიანების ცხოვრების ყველა სფეროს შეეხება.

ურანის ზემოქმედება, ჩვეულებრივ, უკავშირდება სწრაფვას დამოუკიდებლობისკენ, განახლებისკენ, საზღვრების დარღვევისკენ. მიიჩნევენ, რომ ეს პლანეტა გენიოსებსა და შეშლილებს მფარველობს.

ურანს ერთი განსაკუთრებულობა აქვს - სხვა პლანეტებისგან განსხვავებით, უკუსვლისას მისი ენერგეტიკა კი არ სუსტდება, არამედ ძლიერდება. ამას შეუძლია როგორც დადებითი, ისე უარყოფითი ეფექტის მოტანა.

„რევოლუცია“ პირად ცხოვრებაში - რა შანსს აძლევს ურანი ზოდიაქოს ნიშნებს>>

რეტროგრადულობის პერიოდში ურანი კუროს ნიშანში იქნება, რაც ადამიანებში წინა პლანზე წამოწევს სიჯიუტეს და მათში მეამბოხე სულს გააღვიძებს. გაიზრდება მიწიერი სიამოვნებების სურვილი, კომპრომისები და სხვისი მოსაზრებები უინტერესო გახდება.

 

4828
თავის ტვინი

როგორ გავაძლიეროთ ტვინის მუშაობა 14 ჯანსაღი საკვები ტვინის უკეთესი ფუნქციონირებისთვის

1622
(განახლებულია 21:32 27.05.2020)
ტვინის სწორად გამოკვება ერთ-ერთი ყველაზე აქტუალური თემაა ჯანსაღი ცხოვრების სამყაროში. და ეს ასეც უნდა იყოს! კვლევებმა აჩვენა, რომ გარკვეული საკვების მიღება აუმჯობესებს მეხსიერებას და ზრდის ტვინის პროდუქტიულობას.

უამრავმა კვლევამ დაადასტურა, რომ ტვინის საკვები (იგულისხმება პროდუქტი, რომელსაც აქვს დადებითი გავლენა ტვინზე) ნამდვილად არსებობს.

დღევანდელ სტატიაში შევეცდებით იმ პროდუქტზე გესაუბროთ, რომელთა რეგულარული მიღება თქვენს ტვინს უფრო გამჭრიახს და პროდუქტიულს გახდის.

ლურჯი მოცვი
© CC BY-SA 2.5 / Wikipedia / Vaccinium uliginosum
ლურჯი მოცვი

1. მოცვი

მოცვი ბუნების ერთ-ერთი უდიდესი საჩუქარია. ის ცნობილია, როგორც ანტიოქსიდანტების მეფე და მას სხეულის დეტოქსიკაციისთვისაც აქტიურად იყენებდნენ.

არსებობს კვლევა, რომლის მიხედვით, მოცვის წვენის მოხმარება ყოველდღიურად 12 კვირის განმავლობაში აუმჯობესებს მეხსიერებას.

გაითვალისწინეთ, თუ აპირებთ მოცვის შეტანას თქვენს ყოველდღიურ მენიუში, ჭამამდე უნდა მიიღოთ არაუმეტეს 0,5 ჭიქა (113 გრამი).

ბროკოლი შეიცავს ბორს, რომლის ნაკლებობაც ტვინის აქტიურობის შემცირებას იწვევს
ბროკოლი

2. ბროკოლი

ბოსტნეულების სიაში თამამად შეგვიძლია პირველი ადგილი ბროკოლს მივაკუთვნოთ. როგორც არ უნდა მოამზადოთ –  შეწვავთ, მოხარშავთ თუ ორთქლზე მოამზადებთ, ის თქვენი ტვინის მუშაობას მაინც გააუმჯობესებს.

ბროკოლში ორი მთავარი მკვებავია, რაც მას ამ სიაში საპატიო ადგილს ანიჭებს. ვიტამინი K, რომელიც ასევე გვხვდება მოცვში უფრო მცირე რაოდენობით, ეხმარება კოგნიტურ შესაძლებლობებს, D ვიტამინი კი აუმჯობესებს თქვენს მეხსიერებას.

ბროკოლში ექვსჯერ მეტი K ვიტამინია, ვიდრე მოცვში. უარყოფითი მხარე ის არის, რომ მოცვი ცოტა უფრო გემრიელია.

თუ ყოველდღიურად ცოტაოდენ ბროკოლს მიირთმევთ, თქვენი ტვინი სუპერ ტვინად გადაიქცევა.

კაკალი
კაკალი

3. კაკალი

კაკალი საუკეთესო არჩევანია, როდესაც საქმე ეხება კოგნიტურ ფუნქციას. ზოგადად, ნებისმიერი თხილეული ჯანმრთელი ცხიმების კარგი წყაროა. გულის მუშაობის გაუმჯობესების გარდა, ნიგოზი ასევე აუმჯობესებს მეხსიერებას.

ყოველთვის, როდესაც წახემსებას გადაწყვეტთ, მიირთვით უმი და უმარილო ნიგოზი და ეცადეთ, ამით ჩაანაცვლოთ არაჯანსაღი საკვები.

ჩაი
© photo: Sputnik / Asatur Esayants
ჩაი

4. მწვანე ჩაი

ზოგი ჩვენგანი ყავას სვამს, ზოგი კი ჩაის ამჯობინებს. ორივე მათგანი ამ სიაშია შეტანილი, თუმცა არ მოგიწევთ მათ შორის არჩევანის გაკეთება.

მწვანე ჩაი შეიცავს უფრო მეტს, ვიდრე უბრალოდ კოფეინია. ის ამცირებს შფოთვას და რელაქსაციას უწყობს ხელს.

მწვანე ჩაიში ყავასთან შედარებით კოფეინის დაბალი დონეა, რაც მას ტვინის სრულყოფილი ფუნქციონირებისთვის შეუცვლელ სასმელად აქცევს. ხალხი, ვინც მწვანე ჩაის სვამს, ამტკიცებს, რომ მათი ენერგიის დონე და  პროდუქტიულობა უფრო გაიზარდა, ვიდრე ყავის სმისას.

ფორთოხალი
© CC0 / Pixabay
ფორთოხალი

5. ფორთოხალი

ფორთოხალი დიდი რაოდენობით C ვიტამინს შეიცავს. საკმარისია ერთი დიდი ფორთოხალი, რომ შეივსოთ C  ვიტამინის ყოველდღიური საჭიროება.

C ვიტამინს რომ უამრავი სასარგებლო თვისება აქვს, ყველამ ვიცით. თუმცა ამჯერად იმაზე გავამახვილებთ ყურადღებას, რომ ის მჭიდროდაა დაკავშირებული მეხსიერებისა და აზროვნების გაუმჯობესებასთან. დემენციით დაავადებულ ადამიანებში გამოვლენილია C ვიტამინის დაბალი შემცველობა. ეს შესაძლოა იმასაც ნიშნავდეს, რომ თუ C ვიტამინს საკმარისი რაოდენობით მიიღებთ, თქვენ შეძლებთ დემენციის თავიდან აცილებას.

ავოკადო
ავოკადო

6. ავოკადო

ავოკადო არის ჯანმრთელი ცხიმების წყარო. ის  ხელს უწყობს სისხლის  ნაკადის ჯანმრთელ მიმოქცევას, რაც თავის მხრივ ნიშნავს ჯანმრთელ ტვინს.

გარდა ამისა, ავოკადო ამცირებს არტერიულ წნევასაც, რაც თავიდან აცილებს კოგნიტურ შესაძლებლობათა დაქვეითებას.

ყოველდღიურად 1/4 ან 1/2 ავოკადოს მიღება დაეხმარება თქვენს ტვინს სუპერგმირის ფუნქციების შეძენაში.

© video: Ruptly .
ქოქოსი

7. ქოქოსის ზეთი

ქოქოსის ზეთი მრავალფუნქციური ზეთია. ზოგი კულინარიაში იყენებს, ზოგიც კოსმეტიკაში. გარდა უამრავი სასარგებლო თვისებისა, ქოქოსის ზეთი აძლიერებს ტვინის მუშაობას ალცჰეიმერის სინდრომის პაციენტებში.

ისპანახი
ისპანახი

8. ისპანახი

კვლევამ აჩვენა, რომ როდესაც ხანდაზმულები ყოველდღიურად მოიხმარდნენ ისპანახს დაახლოებით 5 წლის განმავლობაში, ჰქონდათ იგივე შემეცნებითი შესაძლებლობები, როგორიც მათზე 11 წლით უმცროსებს.

ეს ყველაფერი ვიტამინი K-ს წყალობითაა, რომელიც უხვადაა ისპანახში.

შვრია და შვრიის ფაფა
© CC0 / Pixabay
შვრია და შვრიის ფაფა

9. შვრია

შვრია ერთ-ერთი ყველაზე პოპულარული საკვებია, რომელსაც საუზმეზე ვიყენებთ, მასში უამრავი ნახშირწყალია. გლუკოზა დაუყოვნებლივ იგზავნება ტვინისკენ და მას ფუნქციონირებაში ეხმარება. არსებობს კვლევები, რომ რაც უფრო მაღალია გლუკოზის კონცენტრაცია სისხლში, მით უკეთესად ვახერხებთ ფოკუსირებას და ვიმახსოვრებთ საგნებს.

თუ დილით სისხლში შაქრის დაბალი დონე გაქვთ, გაღვიძებისთანავე შვრიის ფაფა თქვენს საუკეთესო მეგობარად აქციეთ.

ყურძენი და წვენი
ყურძენი და წვენი

10. ქიშმიში

იცოდით, რომ ქიშმიში ხელს უწყობს ტვინის მუშაობას?

ქიშმიში არის ტვინის ყველა საკვებს შორის ერთ-ერთი პირველი. ის ორგანიზმს D ვიტამინის დეფიციტსაც არიდებს თავიდან.

ყავა
© CC0 / Pixabay
ყავა

11. ყავა

უმეტესობამ არც ვიცით, რომ ყავის საშუალებით ბევრ ანტიოქსიდანტს ვიღებთ, რაც ტვინს უჯრედული სიკვდილისგან იცავს. ეს კი, თავის მხრივ, გვიცავს დემენციისგან და მასთან დაკავშირებული დაავადებებისგან.

ასე რომ, ყავაზე ნამდვილად არ უნდა თქვათ უარი (აქ შაქრიანი და რძიანი ყავა არ იგულისხმება). მიიღეთ დღეში მაქსიმუმ 3 ჭიქა შავი ყავა, რომ თავი არაჩვეულებრივად იგრძნოთ.

ნუში
© CC0 / Pixabay
ნუში

12. ნუში

ცნობილია, რომ ნუში აძლიერებს მეხსიერებას და აფერხებს ალცჰეიმერის განვითარებას. დღეში დაახლოებით ერთი მუჭა ნუშის მიღება საკმარისი იქნება, მაგრამ არ გადააჭარბოთ, რადგან უამრავ ცხიმს შეიცავს.

მარწყვი
მარწყვი

13. მარწყვი

კენკროვნების უმეტესობას, მათ შორის, მარწყვსაც სასარგებლო გავლენა აქვს ტვინზე. კენკროვნები ხელს უშლიან ასაკთან დაკავშირებულ მეხსიერების დაკარგვას და შესაძლოა შეანელონ ალცჰეიმერის განვითარებაც.

კიდევ ერთი რამ, რაც უფრო მეტად მარწყვს უკავშირდება, არის მასში შემავალი კალიუმის რაოდენობა. კალიუმი უკავშირდება სისხლის ნაკადის გაზრდას და აუმჯობესებს კოგნიტურ ფუნქციას.

1 ჭიქა წითელი ღვინო= 1 საათი ვარჯიში
© CC0 / Pixabay
1 ჭიქა წითელი ღვინო= 1 საათი ვარჯიში

14. წითელი ღვინო

ჩვენს სიაში ბოლო, მაგრამ არანაკლებ მნიშვნელოვანი, წითელი ღვინოა. მიუხედავად იმისა, რომ ალკოჰოლი თავისთავად არ არის დაკავშირებული თავის ტვინის ფუნქციონირების რაიმე გაუმჯობესებასთან, ზოგიერთი კვლევა აჩვენებს, რომ წითელი ღვინის ზომიერად მიღებას ნამდვილად აქვს უპირატესობები.

წითელ ღვინოს შეუძლია დაბერების პროცესი შეანელოს და შეამციროს დემენციის რისკიც.

თუ ფიქრობთ წითელი ღვინის მიღებას, უნდა დალიოთ მაქსიმუმ 1 ჭიქა წითელი ღვინო დღეში.

 

1622
მზის დაბნელება

მზისა და მთვარის დაბნელებები ივნისში: ცნობილია თარიღები და რეკომენდაციები

543
(განახლებულია 18:54 27.05.2020)
სულ 2020 წელს ექვსი დაბნელებაა მოსალოდნელი, რითიც, ასტროლოგების აზრით, აიხსნება კიდეც ის ფაქტი, რომ ეს წელი ბევრისთვის ყველაზე მძიმეა ბოლო ათწლეულებში.

თბილისი, 27 მაისი — Sputnik. 2020 წლის ივნისში ერთდროულად ორი მნიშვნელოვანი ასტროლოგიური მოვლენა მოხდება, რამაც შეიძლება ადამიანზე საკმაოდ ძლიერი გავლენა მოახდინოს, იუწყებიან სპეციალისტები.

მათი ინფორმაციით, ზაფხულის პირველ თვეში უნდა ველოდოთ არა მარტო მთვარის, არამედ მზის დაბნელებასაც. სულ 2020 წელს ექვსი დაბნელებაა მოსალოდნელი. ასტროლოგების აზრით, ამით აიხსნება კიდეც ის ფაქტი, რომ ეს წელი ბევრისთვის ყველაზე მძიმეა ბოლო ათწლეულებში. 

ბევრი სპეციალისტი მნათობების დაბნელებას საკმაოდ საშიშ პერიოდად მიიჩნევს, თუმცა იმასაც ამბობენ, რომ ამავდროულად ადამიანს შეუძლია მოვლენის ენერგეტიკა თავის სასარგებლოდ მიმართოს. 

მთვარის დაბნელება — მოვლენა 2020 წლის 5 ივნისსაა მოსალოდნელი. დედამიწის ჩრდილი ნაწილობრივ დაფარავს თანამგზავრს, ამიტომ მთვარე ციდან მთლიანად არ გაქრება. ასტროლოგების აზრით, ასეთი დაბნელების გავლენა არ შეიძლება ჩაითვალოს ძალიან ძლიერად და ის ადამიანებს ზიანს არ მიაყენებს.

თუმცა, ამავე დროს იმასაც ამბობენ, რომ როცა მთვარე ნაწილობრივ იფარება, მაშინ სხვადასხვა სახის უსიამოვნებები ფარული და, შესაბამისად, მოულოდნელი ხდება.

სპეციალისტების თქმით, პრობლემები შესაძლოა შეექმნათ მათ, ვინც შორ გზაზე გამგზავრებას, ახალი საქმის წამოწყებას თუ ძვირადღირებული შენაძენის გაკეთებას გადაწყვეტს. ეს შესაძლოა იყოს პასპორტის ან ბილეთების დავიწყება, მნიშვნელოვანი ფაქტების გაუთვალისწინებლობა თუ საფულის დაკარგვა. ამიტომ ამ დღეს ორმაგად და სამმაგად ყურადღებით უნდა იყოთ. ამასთან საჭიროა დაუკვირდეთ ნათქვამს და მოზომოთ სიტყვა, რათა ვინმეს ტყუილად არ აწყენინოთ ერთი შეხედვით უბრალო ფრაზით.  

ასტროლოგების თქმით, ამ დღეს უმჯობესია მარტო ყოფნა და საკუთარი თავის შეცნობა. 

მზის დაბნელება — მოვლენა 2020 წლის 21 ივნისსა მოსალოდნელი. ასტროლოგების აზრით, ამგვარი დაბნელება ძლიერ გავლენას ახდენს ადამიანებზე და შესაძლოა ჩხუბისა და გაუგებრობების მიზეზიც კი გახდეს.

ეს რგოლური დაბნელება იქნება, ანუ მთვარე ისე აეფარება მზეს, რომ ცაზე მხოლოდ მისი წრე გამოჩნდება. ასეთი დაბნელების დროს მთვარე დედამიწიდან ჩვეულებრივზე მეტი მანძილითაა ხოლმე დაშორებული.

ასტროლოგების აზრით, ასეთ მოვლენას ადამიანისთვის უარყოფითი შედეგები მოსდევს, თუმცა პრობლემები და წარუმატებლობა მაშინვე კი არ იჩენს თავს, არამედ მოგვიანებით. 

ირკვევა, რომ მსგავსი დაბნელება მომხდარა 2002 წელსაც. ამიტომ ასტროლოგები გვირჩევენ, გავიხსენოთ მაშინდელი მოვლენები, რათა დაახლოებით მაინც მივხვდეთ, რა გველოდება. 

სპეციალისტების თქმით, ამ დღეს ადამიანების უმეტესობას უსიამოვნებები ელის ოჯახში, მეგობრებთან თუ თანამშრომლებთან — თანაც, აშკარა მიზეზების გარეშე. ამიტომ მათი დაჟინებული რეკომენდაციაა, თავი აარიდოთ აგრესიულად განწყობილ ადამიანებს, ვინაიდან ისინი საფრთხის წყარო იქნებიან — ზოგს შეიძლება უბრალოდ გუნება გაუფუჭონ, ზოგი კი ხელჩართულ ჩხუბშიც ჩაითრიონ. 

ასტროლოგები განმარტავენ, რომ ამ დღეს ჯობს ყურადღება საშინაო საქმეებზე გაამახვილოთ, მეტი სითბო გამოიჩინოთ ნათესავებისა და ოჯახის წევრების მიმართ. ამასთან, არ უნდა გასცეთ ამაო დაპირებები და თავი შეიკავოთ ახლობლების კრიტიკისა და განსჯისგან.

განსაკუთრებული რეკომენდაციაა — ჭორებისთვის ყურის წაყრუება, მოარული ხმები, მათ შორის უშუალოდ თქვენზე, არავითარ შემთხვევაში არ უნდა დაიჯეროთ.

543
თემები:
სასარგებლო რჩევები

„უკვდავი პოლკი ონლაინ“ დასრულდა: მარში 25 მლნ ადამიანმა ნახა

0
(განახლებულია 18:45 29.05.2020)
სამი კვირის განმავლობაში ტრანსლაცია მიმდინარეობდა რუსეთის უკვდავი პოლკის საიტზე www.polkrf.ru, საერთაშორისო უკვდავი პოლკის საიტზე www.polk.press, ონლაინ–კინოთეატრზე Okko და ასევე სოციალურ ქსელებში ВКонтакте–სა და Одноклассники–ზე.

თბილისი, 29 მაისის — Sputnik. „უკვდავი პოლკი–ონლაინ“ მარში დასრულდა, მასშტაბური კამპანია ვირტუალურ სივრცეში 20 დღის განმავლობაში გრძელდებოდა და 25 მლნ ადამიანმა ნახა მთელი მსოფლიოდან.

„რუსეთის უკვდავი პოლკის“ ცენტრალური შტაბის თანათავმჯდომარის, შრომის გმირის, მსახიობ ვასილი ლანავოის თქმით, „რაც გაკეთდა, იმის მთავარი აზრი — ეს ადამიანების გაერთიანებაა, რათა ად დაირღვეს დროებს შორის ცოცხალი კავშირი, რათა არასდროს გაქრეს დაცემულ მეომართა ხსოვნა, რათა გამარჯვება მხოლოდ ერთად შეიძლება“.

„დიდი მადლობა მინდა გადავუხადო ყველას, ვინც მონაწილეობა მიიღო ონლაინ–მსვლელობის ორგანიზებასა და ჩატარებაში. ეს რუსეთის „უკვდავი პოლკისა“ და მისი პარტნიორების კოორდინირებული სამუშაო იყო, ანკეტების შესაკრებად ონლაინ–პლატფორმების შემქმნელების, მოხალისე–მოდერატორების, კონსულტანტ–ისტორიკოსების, მსვლელობის ტრანსლაციის ორგანიზატორებისა. 9 მაისს ის მარტო ინტერნეტითა და  პირდაპირი ტელეეთერებით კი არ იხილეს, არამედ 5 000–ზე მეტ მედიაფასადზეც მთელი რუსეთის მასშტაბით. მათ შორის, ეს იყო დიდმეტრაჟიანი ეკრანები ისტორიული შენობების კედლებზე. რაც შეეხება მოსკოვს, იქ ტრანსლაცია მეტროს მატარებლების ეკრანებზეც მიმდინარეობდა, მიწისზედა ტრანსპორშიცა და ელექტრომატარებლებშიც  — სულ 20 ათას ერთეულზე“, — განაცხადა „რუსეთის უკვდავი პოლკის“ აღმასრულებელი კომიტეტის ხელმძღვანელმა არტიომ ხუტორსკიმ.

სამი კვირის განმავლობაში ტრანსლაცია მიმდინარეობდა რუსეთის უკვდავი პოლკის საიტზე www.polkrf.ru, საერთაშორისო უკვდავი პოლკის საიტზე www.polk.press, ონლაინ–კინოთეატრზე Okko და ასევე სოციალურ ქსელებში ВКонтакте–სა და Одноклассники–ზე. აქცია ყველაზე მეტად პოპულარული სწორედ სოციალურ ქსელებში იყო. 

„სოციალურ ქსელებში ტრანსლაცია დაახლოებით 18 მილიონჯერ ნახა მომხმარებელმა. ВКонтакте–სა და Одноклассник–ის იუზერებმა ორი მლნ ანკეტა ატვირთეს ახლობლების შესახებ ინფორმაციით. ბევრი ერთდროულად რამდენიმე ვეტერანის ფოტოს აგზავნიდა. აქციის მონაწილეებს შორის ბევრი ახალგაზრდა იყო. მაგალითად,  ВКонтакте–ს მომხმარებელთა მესამედი 21 წელზე უმცროსი ასაკისა გახლდათ. მოხარულები ვართ, რომ შეგვიძლია დავეხმაროთ ადამიანებს, ჩაერთვნენ ომის ცოცხალ ისტორიაში  და პატივი მიაგონ გმირებს“, — აღნიშნეს Mail.ru Group–ეს პრესსამსახურში.

„უკვდავი პოლკის“ ორგანიზატორები საგამოძიებო კომიტეტს ჰაკერების მონაცემებს გადასცემენ>>

აღსანიშნავია, რომ მათ, ვინც ტრანსლაცია გამოტოვა, 31 მაისამდე შესაძლებლობა აქვთ, მსვლელობის საიტებზე საჭირო დროსა და საათზე გადაახვიონ მარში და იხილონ საკუთარი ვეტერანები წითელ მოედანზე. 

მნიშვნელოვანი მომენტია ის, რომ პროექტის დასრულების შემდეგ, მისი მონაწილეების მონაცემები, რომლებმაც ავტორიზაცია სოციალური ქსელებით გაიარეს, კვლავ იქნება ხელმისაწვდომი რესურსზე „ხსოვნის ბანკი“.

 

0