გლიცერინი და ვიტამინი Е - ახალგაზრდობისა და სილამაზის გარანტი

სახის საუკეთესო ნიღაბი ახალგაზრდობისა და სილამაზის შესანარჩუნებლად: შედეგი გარანტირებულია

281
(განახლებულია 14:18 30.07.2019)
გლიცერინი და Е ვიტამინი – სახის კანისა და ხელებისთვის ამაზე უკეთესი საშუალება არ არსებობს. ის აახალგაზრდავებს, აქრობს პატარა ნაოჭებს, კანი გლუვი და ხავერდოვანი ხდება.

გლიცერინი და Е ვიტამინი სახისთვის ყოველდღე უნდა გამოიყენოთ.

Е ვიტამინი, ანუ ტოკოფეროლი ვიტამინებს შორის პირველი ანტიოქსიდანტია, რომელიც კანს სიჯანსაღეს ანიჭებს, ეწინააღმდეგება ასაკობრივ ცვლილებებს. Е ვიტამინი მრავალ კოსმეტიკურ საშუალებაში ძირითად კომპონენტს წარმოადგენს.

წაიკითხეთ აქ: თუ გსურთ დაზოგოთ თანხა და თან ჯანმრთელობა და სილამაზე შეინარჩუნოთ

მას შემდეგი თვისებები ახასიათებს:

  • აჩქარებს რეგენერაციას
  • ანელებს დაბერებას
  • ასტიმულირებს ესტროგენის (ე.წ. ქალური ჰორმონის) გამომუშავებას
  • უზრუნველყოფს წყალ-ლიპიდური ბალანსის დაცვას
  • ხსნის შეშუპებას
  • კურნავს გამონაყარს (აკნე)
  • აშორებს ჭორფლს, ლაქებს, სტრიებს
  • ორგანიზმს ეხმარება А ვიტამინის ათვისებაში.
    გლიცერინიანი ნიღაბი ძალიან უხდება ნებისმიერი ტიპის კანს
    გლიცერინიანი ნიღაბი ძალიან უხდება ნებისმიერი ტიპის კანს

Е ვიტამინის მიღება შესაძლებელია როგორც აბების (მისი სადღეღამისო ნორმაა 15 მგ), ასევე თხევადი სახით. სახის კანისთვის ორივე სითხეს (Е ვიტამინის და გლიცერინის) თანაბარი რაოდენობით ურევენ ერთმანეთში და ისვამენ ძილის წინ. ის მალე შეიწოვება და შედეგიც არ აყოვნებს. პატარა ნაოჭები ქრება, ხოლო კანი გლუვი, თანაბარი და ხავერდოვანი ხდება.

 

281
თემები:
სასარგებლო რჩევები (259)
მოწყენილი ბავშვი მარტო გზაზე

როგორ ამოვიცნოთ დეპრესია ბავშვებში: დასახელდა ფარული ნიშნები

98
(განახლებულია 20:07 07.08.2020)
ბევრი ბავშვი უჩივის ხოლმე მუცლის ტკივილს მნიშვნელოვანი მოვლენის წინ, როცა მათი შფოთვისა და სტრესის დონე ძალიან მაღალ ნიშნულს აღწევს. ზოგი მშობელი შეიძლება დიდად არც რეაგირებდეს ამაზე და წარმოდგენაც არ ჰქონდეს, რომ რეალურად ეს განსაკუთრებულ ყურადღებას მოითხოვს.

თბილისი, 7 აგვისტო – Sputnik. სიეტლის ბავშვთა საავადმყოფოს (Seattle Children's) ექიმი ნიკოლ სავანგპონტ პატამანუჩი მშობლებს შფოთვითა და სტრესით გამოწვეული მუცლის ტკივილის შესახებ ესაუბრება და უმნიშვნელოვანეს სიმპტომებზე ამახვილებინებს ყურადღებას.

თურმე ბევრი მშობელი ვერც ხვდება, რომ სწორედ შფოთვა (რაც მუცლის ტკივილს იწვევს) ხდება დეპრესიის მიზეზი ბავშვებში, რაც, თავის მხრივ, შემდგომში ფსიქიკური დარღვევების საფუძველი ხდება.

 

98
თემები:
მშობლები და შვილები
ხარ უნიკალური, ოპერაციებით კი ხდები „სტანდარტული“: თხელი ცხვირი, დაბერილი ტუჩები...

როგორ მოვიშოროთ უსიამოვნო სუნი პირიდან: პრობლემა, რომელიც საკმაოდ ფართოდ არის გავრცელებული

199
(განახლებულია 16:22 07.08.2020)
ალბათ არაერთხელ აღმოჩენილხართ ისეთ სიტუაციაში, როცა საუბრის დროს თანამოსაუბრის პირის ღრუდან უსიამოვნო სუნი გიგრძვნიათ. ეს ჰალიტოზია.

აღმოჩნდა, რომ ჰალიტოზი მსოფლიოს მოსახლეობის დაახლოებით 50%-ზე მეტს სისტემატურად ან პერიოდულად მაინც აწუხებს. აღნიშნული პრობლემა დიდ დისკომფორტს უქმნის ადამიანს და ხშირიდაც ფსიქოლოგიურ პრობლემამდეც კი მივყავართ.

რა არის ჰალიტოზი

ჰალიტოზი ანუ პირის ღრუში უსიამოვნო სუნი დამოუკიდებელი დაავადებაა და უმეტეს შემთხვევაში მას სხვადასხვა დაავადება ან პრობლემა იწვევს. ზოგ შემთხვევაში ჰალიტოზს პირის ღრუს ჰიგიენის ნორმების დაუცველობა წარმოქმნის. როგორც წესი, ადამიანი საკუთარ პირის ღრუში უსიამოვნო სუნს თავად ვერ გრძნობს.

რა იწვევს ჰალიტოზს

ჰალიტოზის გამომწვევი  ერთი კონკრეტული მიზეზი არ არსებობს, მიზეზთა ჩამონათვალი საკმაოდ ვრცელია. ჰალიტოზის გამომწვევი მიზეზი შეიძლება იყოს პირის ღრუს ჰოგიენის არასაკმარისი დაცვა, (დღე-ღამის განმავლობაში ადამიანი, სულ ცოტა, 2-ჯერ მაინც უნდა იხეხავს კბილებს, რადგან საკვების ნარჩენების დაშლის შედეგად უსიამოვნო სუნი წარმოიქმნება) სტომატოლოგიური დაავადებები, კარიესი, პირის ღრუს ლორწოვანი გარსის დაავადება, ღრძილების ანთება და სხვა. ასევე, მოწევა და ალკოჰოლის ჭარბი რაოდენობით მოხმარება, შინაგანი ორგანოების სისტემური დაავადება, შაქრიანი დიაბეტი, კუჭ-ნაწლავის დაავადებები, თირკმლისა და ღვიძლის უკმარისობა, ონკოლოგიური დაავადებები, შიმშილი ან გარკვეული ტიპის დიეტა, სტრესი და ა.შ.

როგორ ავიცილოთ თავიდან ჰალიტოზი

არსებობს გარკვეული პროფილაქტიკური ზომები, რომლის გათვალისწინების შემთხვევაში თავიდან ავიცილებთ ჰალიტოზს.

· ყველაზე მნიშვნელოვანია, მკაცრად დაიცვათ პირის ღრუს ჰიგიენა. კბილები და ენის ზედაპირი დღეში, სულ ცოტა, 2-ჯერ მაინც გაიწმინდეთ. სასურველია, ეს პროცედურა ორ წუთს  გაგრძელდეს. კბილებს შორის სივრცე კი სტომატოლოგიური ძაფით გაიწმინდეთ.

· აუცილებლად ისაუზმეთ. შეზღუდეთ რაციონში კვერცხი, ხახვი, ნიორი, მწარე წიწაკა და ყველი.

· თქვენი საკვები რაციონი გაამდიდრეთ მცენარეული ზეთით და ყოველდღიურად მიიღეთ იოგურტი, რომელიც ლაქტობაცილებს შეიცავს.

· შეზღუდეთ ალკოჰოლური და გაზიანი სასმელის მიღება.

· თუ ხართ მწეველი, ეცადეთ შეწყვიტოთ სიგარეტის მოწევა.

· დალიეთ საკმარისი რაოდენობის წყალი,  მწვანე ჩაი.

· პირის ღრუდან უსიამოვნო სუნის გამძაფრების შემთხვევაში მიმართეთ ექიმს!

როგორ მოვიშოროთ არასასიამოვნო სუნი პირის ღრუდან

არსებობს სპეციალური სპრეები, რომელიც  სუნთქვის გასაჯანსაღებლად გამოიყენება, მათი შეძენა აფთიაქებში შეგიძლიათ. არსებობს ასევე აბებიც. თუ არ გსურთ მათი გამოყენება, არსებობს მარტივი გამოსავალიც, შეიძინეთ ტიკ-ტაკი.

აქვე შემოგთავაზებთ რამდენიმე ხალხურ მეთოდს, რომელიც დაგეხმარებათ პირის ღრუდან უსიამოვნო სუნის მოცილებაში. დაღეჭეთ ოხრახუში, პიტნა, ყავის ან ქინძის მარცვლები, ლიმონის კანი. ყოველდღიურად გამოივლეთ მარწყვის ფოთლების ნახარში. აიღეთ ნაძვის ხის 10 ცალი მწვანე გირჩი, დანაყეთ. ორი ჭიქა ძმარში მოადუღეთ და დილაობით გამოივლეთ პირში.

199
თემები:
ჯანმრთელობა და სილამაზე
გერგეტის სამება

საეკლესიო კალენდარი: 2020 წლის 8 აგვისტო

0
(განახლებულია 08:45 08.08.2020)
საქართველოს მართლმადიდებელი ეკლესია 2019 წლის 8 აგვისტოს მღვდელმოწამე ერმოლაოსის, , ერმიპეს და ერმოკრატეს - ნიკომიდიელ ხუცესთა, ასევე მოწამე ა პარასკევას ხსენების დღეს აღნიშნავს.

Sputnik საქართველო გიამბობთ ვინ იყვნენ ეს ადამიანები და რატომ არიან მოხსენიებულნი საეკლესიო კალენდარში.

მღვდელმოწამენი ერმოლაოსი, ერმიპე და ერმოკრატე - ნიკომიდიელნი ხუცესნი

უსჯულო იმპერატორმა მაქსიმიანემ (284-305; 307-310) 303 წელს ნიკომიდიის ტაძარში ოცი ათასი ქრისტიანი ცოცხლად გამოწვა ამ საშინელებას გადარჩენილი წმინდა მამები ერმოლაოზი, ერმიპე და ერმოკრატე განკრძალულ ადგილებს აფარებდნენ თავს და არ წყვეტდნენ ქრისტიანობის ქადაგებას წარმართთა შორის. იმ სახლის წინ, სადაც ერმოლაოზი იმალებოდა, ხშირად მიმოდიოდა ხოლმე წარმართი ჭაბუკი პანტელეონი (წმიდა დიდმოწამე პანტელეიმონი). პატიოსანმა მღვდელმა ერთ დღეს მას ჭეშმარიტი ღმერთი უქადაგა. „ნეტარი პანტელეონი  ყოველდღე მიდიოდა ერმოლაოზ ხუცესთან.  როცა დიდმოწამე პანტელეიმონი სამსჯავროზე წარადგინეს, მასთან ერთად შეიპყრეს მისი მოძღვარიც. შემდეგ ერმიპე და ერმოკრატეც დაატუსაღეს. მტარვალებმა სამივე აღმსარებელს ქრისტეს უარყოფა, კერპებისთვის მსხვერპლის შეწირვა და პანტელეიმონის გადაბირება მოსთხოვეს, რაზეც  მათ უარი განაცხადეს. პანტელეიმონი საპყრობილეში ჩააგდეს, ხუცესებს - ერმოლაოზს, ერმიპეს და ერმოკრატეს კი თავები მოჰკვეთეს (+305).

ღირსმოწამე პარასკევა

ღირსმოწამე პარასკევას კეთილმორწმუნე მშობლები ჰყავდა. იგი მათი ერთადერთი ასული იყო. მან სიყმაწვილიდანვე გადადო თავი უფლის მსახურებისათვის. დედ-მამის სიკვდილის შემდეგ წმინდანმა მთელი ქონება გლახაკებს დაურიგა, მონაზვნად აღიკვეცა და მოციქულებრივი ღვაწლი იტვირთა: დაუცხრომლად ქადაგებდა ქრისტეს მოძღვრებას წარმართთა შორის და მრავალ უღმრთოს ცხონების გზაზე აყენებდა.

როცა ამის შესახებ იმპერატორ ანტონინუს პიუსს (138-161) მოახსენეს, წმიდა პარასკევა შეიპყრეს და სამსჯავროზე წარადგინეს. ნეტარმა ახოვნად აღიარა თავისი სარწმუნოება მსაჯულთა წინაშე. წმიდანს გახურებული მუზარადი დაახურეს თავზე, ჩააგდეს ქვაბში, სადაც გამლღვალი კუპრი თუხთუხებდა, მაგრამ სულიწმიდის მადლით დაცული მარტვილი უვნებელი გადარჩა. როცა იმპერატორმა ქვაბში ჩაიხედა, პარასკევამ მდუღარე ფისის რამდენიმე წვეთი შეასხა სახეში და იგი დაბრმავდა. სასოწარკვეთილმა თვითმპყრობელმა ქრისტეს ტარიგსვე სთხოვა შემწეობა და მანაც უფლისადმი აღვლენილი ლოცვით თვალისჩინი დაუბრუნა უსჯულოს. ამის შემდეგ იმპერატორმა შეწყვიტა პარასკევას წამება და გაათავისუფლა იგი.

პარასკევამ ისევ განაგრძო მაცხოვნებელი სწავლების ქადაგება. ქალაქში, სადაც ვინმე ტარასი იყო მმართველად, ღირსი დედა შეიპყრეს და სასტიკი წამების შემდეგ თავი მოჰკვეთეს.

 

მასალა მომზადებულია ღია წყაროებზე დაყრდნობით.

0
თემები:
საეკლესიო კალენდარი