სუფრა

კულინარიული ჰოროსკოპი ქალებისთვის: საყვარელი მამაკაცის გემო-ვნება ზოდიაქოს ნიშნის მიხედვით

1944
(განახლებულია 15:08 09.07.2019)
ამბობენ, გზა საყვარელი მამაკაცის გულისკენ კუჭზე გადისო. თუ გსურთ მოხიბლოთ მამაკაცი მისი ზოდიაქოს ნიშნის შესაბამისად, უნდა იცოდეთ, რას ანიჭებს ის უპირატესობას საკვებში. ამაში ჩვენი ჰოროსკოპი დაგეხმარებათ.

ორი ადამიანის ურთიერთობა მრავალ ასპექტს მოიცავს. მათ შორისაა გასტრონომიული უპირატესობები, გემოვნება საკვებში. როგორც ამბობენ, სამზარეულოს ერთ-ერთი გადამწყვეტი მნიშვნელობა ენიჭება წყვილის ურთიერთობებში. შეიტყვეთ ჩვენი ჰოროსკოპიდან, რას ანიჭებენ უპირატესობას ზოდიაქოს თითოეული ნიშნის წარმომადგენელი მამაკაცები.

ვერძის საყვარელი კერძი

ცეცხლოვანი და მოუთმენელი ვერძი უარს არ იტყვის სწრაფ კვებაზე, რომელიც ცხარე და სხვადასხვა სანელებლითაა შეზავებული. ყოველდღიურ კერძებში წიწაკა ჩილი და ტომატის დიდი რაოდენობა ზედმეტი არ იქნება. ეს რომანტიკულ ვახშამზეც „წავა". სხვათა შორის, გაითვალისწინეთ, რომ ვერძს აუჩქარებელი სადილიც უყვარს სანახაობის თანხლებით...

კუროს საყვარელი კერძი

კურო ცნობილი გურმანია. მისი კონკრეტული წარმომადგენლის კულინარიული უპირატესობის გაგება ძალზე რთულია, მაგრამ შეუძლებელი - არა. კურო, ძირითადად, ტრადიციულ სამზარეულოს ანიჭებს უპირატესობას, თუმცა, ეგზოტიკური კულინარიული კულტურების ცალკეული ელემენტები მის გემოვნებას ნამდვილად დააკმაყოფილებს. ასევე, არ დაგავიწყდეთ, რომ კუროსთვის სუფრაზე მიტანილი კერძი ლამაზად უნდა იყოს წარმოდგენილი.

ტყუპის საყვარელი კერძი

ტყუპი დემოკრატიული და ცნობისმოყვარეა, უარს არ იტყვის, გასინჯოს რამე ახალი და მადისაღმძვრელად არომატული. სუნელები, საკმაზები - ეს თქვენი საიდუმლო იარაღია, თუ მისი მოხიბვლა გსურთ. ტყუპი დიდი სიამოვნებით გასინჯავს კერძს, რომელიც მის საყვარელ რომანში ან კინოფილმში ფიგურირებს. თუნდაც სულ უბრალო სადილს მიირთმევს გემრიელად, თუ მას რამე ინტრიგასთან ან საინტერესო საუბართან ერთად მიართმევთ.

კირჩხიბის საყვარელი კერძი

კირჩხიბს უბრალო საოჯახო საჭმელი უყვარს. ხანდახან ძვირფას რესტორანსაც სწორედ ამ პრინციპით არჩევს. თუ გსურთ, თქვენი რჩეული კირჩხიბის მოხიბვლა, სასხვათაშორისოდ იკითხეთ, რა უყვარდა ბავშვობაში, გადაიკითხეთ წიგნი გემრიელი და ჯანსაღი საკვების შესახებ. მისი გულის დაპყრობის გზაზე თქვენ ისწავლით ნამცხვრების, კოტლეტისა თუ უბრალო სუპის - უბრალო, მაგრამ შეუცვლელი კერძების გაკეთებას.

ლომის საყვარელი კერძი

ლომს მხიარულება, ხმაურიანი ქეიფი და მეგობრების ყურადღება უყვარს. ეს მის კულინარიულ უპირატესობებშიც აისახება. თუ ლომის გულის მოგება გსურთ, შეისწავლეთ ხორციანი კერძების რეცეპტები, თუ ამინდი გაძლევთ შესაძლებლობას, გაემგზავრეთ მასთან ერთად ბუნებაში და მწვადზე იზრუნეთ. მწვადისთვის საუკეთესო „საწებელი" მეგობრების მხიარული კომპანია იქნება.

ქალწულის საყვარელი კერძი

მიღებულია აზრი, რომ ქალწულს მხოლოდ სასარგებლო და ჯანსაღი საჭმელი უყვარს. მაგრამ დროგამოშვებით ის სიამოვნებით მიირთმევს დესერტს, ტკბილეულსა და კალორიულ საკვებს. თუმცა, ქალწულს, რომელიც მუდამ სადღაც მიიჩქარის, ნამდვილად მოეწონება ოჯახური საჭმელ, რომელსაც სწორედ თქვენ მოამზადებთ და მასში დიდ მზრუნველობას ჩააქსოვთ. ეს აუცილებლად გაითვალისწინეთ, რომ ქალწული აფასებს არა მხოლოდ გემოს, არამედ იმასაც, თუ ვინ მოუმზადა მას საჭმელი.

სასწორის საყვარელი კერძი

სასწორს ძალიან უყვარს შოკოლადი, დახვეწილი ღვინო, ასევე, უარს არ იტყვის მოდური კულინარიული სიახლის გასინჯვაზე. თუ თქვენს რჩეულ სასწორს ვახშამზე მიიწვევთ, აუცილებლად იზრუნეთ გარეგნულ ესთეტიკაზე - უზადო სერვირება, სანთლები, ლამაზი მუსიკა. კერძი სუფრაზე ბევრი არ უნდ აიყოს, მაგრამ ლამაზად და საზეიმო-მეფურად უნდა გამოიყურებოდეს. ყოველდღიურობაშიც ეს მისთვის მნიშვნელოვანია - თუნდაც უბრალო საუზმის დროს მორთეთ მისი თეფში თუნდაც მწვანილით.

მორიელის საყვარელი კერძი

მორიელს მოსწონს ცხარე და მწარე, მრავალმხრივი გემოსა და რთული არომატის მქონე საკვები. არავითარი დიეტური, სამარხვო - სწორედ ასეთი უნდა იყოს თქვენი კულინარიული დევიზი, თუ მორიელის მოხიბვლა გაქვთ გადაწყვეტილი. პიკანტური სოუსები, ხორცის კერძები, დესერტი - ასეთი გასტრონომიული პალიტრის წინაშე არც ერთი მორიელი არ დარჩება გულგრილი. ასევე, ბევრი მორიელია რამე საჭმელზე „დამოკიდებული". როცა მის საიდუმლოს შეიტყობთ, შეძლებთ კიდეც მისი გულის დაპყრობას.

მშვილდოსნის საყვარელი კერძი

მშვილდოსანს მსოფლიოს ხალხთა სამზარეულოს კულინარიული ექსპერიმენტები იტაცებს. თუ თქვენს რჩეულს განსაკუთრებულად მოსწონს რომელიმე ქვეყანა ან ხალხი, მოგიწევთ სწორედ ამ ქვეყნისა და ხალხის სამზარეულოსთვის თვალის გადავლება. რა თქმა უნდა, ძნელია, სახლში სუშის მომზადება, მაგრამ დანაყრებული და ბედნიერი მშვილდოსნის ნახვა ამად ნამდვილად ღირს.

თხის რქის საყვარელი კერძი

თხის რქას ტრადიციები უყვარს და ეს მის გასტრონომიულ ჩვევებზეც აისახება. თუ სადღესასწაულო სადილს ამზადებთ, აუცილებლად ჩართეთ ტრადიციული კერძებიც. მას არ უყვარს ზედმეტად ცხიმიანი საკვები, მაგრამ სიამოვნებით მიირთმევს მსუბუქ და ნოყიერ საჭმელს. სოკო, თხილი, კაკალი და მწვანილი სასურველი დანამატებია თხის რქის როგორც ყოველდღიური, ისე სადღესასწაულო სუფრისთვის.

მერწყულის საყვარელი კერძი

მერწყული სიამოვნებით გასინჯავს უცნაური გემოს მქონე კერძს, უყვარს სრულიად განსხვავებული კულინარიული ტრადიციების შერწყმა. სხვათა შორის, არც უარს იტყვიან პიკნიკზე ბუნებაში, თუნდაც საკვებად მხოლოდ ბუტერბროდები იყოს. მაგრამ უნდა იფიქროთ ბუტერბროდის მრავალფენიან შიგთავსზე, ამასთან, უნდა მოიფიქროთ დასვენების პროგრამა. კარგი იქნება, თუ პიკნიკი მეგობრების კომპანიაში ჩაივლის.

თევზების საყვარელი კერძი

თევზი არასდროს იტყვის უარს მსუბუქ და არომატულ სუპზე, ოჯახში მომზადებულ ნებისმიერ კერძზე. მათი მთავარი გასტრონომიული საიდუმლოა ის, თუ როგორ ატმოსფეროში ჩაივლის სადილი. აჯობებს, თუ იქნებით ორნი და თან საყვარელ ფილმს უყურებთ. თევზს მოსწონს კერძები რთული არომატებით, სხვადასხვა გემოს შერწყმით. ასევე, როცა რომანტიკული ვახშამია, უარს არ იტყვის ტკბილეულზე კონიაკთან ერთად, ან ხამანწკებზე - მაგრამ აუცილებლად სანთლის შუქზე და ლამაზი მუსიკის ფონზე.

 

1944
თემები:
ასტროლოგიური პროგნოზი ზოდიაქოს თითოეული ნიშნისთვის (186)
წონაში დაკლება

როგორ დავიკლოთ „ზამთრის ცხიმები“: სახელდება მარტივი მეთოდი

162
(განახლებულია 10:29 08.05.2021)
დიეტოლოგი და ნუტრიციოლოგი გაგაცნობთ მეთოდს, რომელიც ზედმეტი კილოგრამების მოშორებაში დაგეხმარებათ

თბილისი, 8 მაისი – Sputnik. იმისათვის, რომ ზამთარში დაგროვილი ზედმეტი კილოგრამები ეფექტურად დაიკლოთ, არსებობს ძალიან მარტივი მეთოდი, აცხადებს დიეტოლოგი და ნუტრიციოლოგი არინა სკორომნაია რადიო Sputnik−თან ინტერვიუში.

მისი თქმით, გახდომისთვის იდეალურია სწრაფი სიარული საათში 5−7 კმ სიჩქარით. ასეთი „გასეირნება“ ყოველდღე უნდა მოეწყოს არანაკლებ 20 წუთით.

„ამისათვის საუკეთესოა აღმართზე სიარული 20 წუთიდან ერთ საათამდე. როცა თუნდაც მცირე გორაკზე ადიხართ, კუნთები მეტად იჭიმება, იზრდება დაწოლა დუნდულა კუნთებზე, იხარჯება მეტი კალორია. ასე რომ აღმართზე ასვლას უფრო მეტი პლუსი აქვს, ვიდრე სწორ გზაზე სიარულს“, — ამბობს სპეციალისტი.

ამასთან სკორომნაია განმარტავს, რომ სიარულისას საჭიროა თავი აარიდოთ ისეთ ადგილებს, სადაც ბევრი ავტომობილი მოძრაობს, რათა გამონაბოლქვი არ ისუნთქოთ. ასეთ შემთხვევაში სარგებელი პრაქტიკულად არ იქნება, ვინაიდან დაბინძურებული ჰაერის ინტენსიური სუნთქვა გულ−სისხლძარღვთა პრობლემებს გამოიწვევს.

ნუტრიციოლოგის თქმით, ავტომობილებით სავსე ქუჩებში სიარულს სარბენ ბილიკზე ვარჯიში სჯობს.

162
თემები:
ექიმი გირჩევთ
საქორწინო ბეჭდები

ძლიერი ქორწინების საფუძველი, ანუ ბუნებისგან ბოძებული ინსტინქტი

143
(განახლებულია 22:45 08.05.2021)
ზოგს ასეთი ახალი განლაგება აშინებს: ნუთუ სიყვარული დასრულდა, ნუთუ ყოფა გრძნობებს კლავს, ნუთუ ქორწინება - შეცდომაა?!

როდესაც ოჯახი იქმნება, ქალი და მამაკაცი იწყებენ ცხოვრებას ერთ ჭერქვეშ, შესაძლებელია ყველაფრის ერთად კეთება — გაღვიძება, სამუშაოზე წასვლა, ვახშმის მომზადება, კითხვა, ერთად სეირნობა და ა.შ. გადის დრო და პრაქტიკა აჩვენებს, რომ ასე დიდხანს გაგრძელება არ შეიძლება.

დროდადრო სურვილი ჩნდება, მარტომ დალიო ჩაი ან ყავა, დაალაგო სახლი ან, უბრალოდ, უყურო წვიმას ფანჯრიდან საყვარელი მეორე ნახევრის გარეშე.

ზოგს ასეთი ახალი განლაგება აშინებს: ნუთუ სიყვარული დასრულდა, ნუთუ ყოფა გრძნობებს კლავს, ნუთუ ქორწინება — შეცდომაა?!

სინამდვილეში სიყვარული არ მოიაზრებს ადამიანების პიროვნების მთლიანად „გათქვეფას" მეორე ადამიანში და საკუთარი ინდივიდუალობის დაკარგვას. სწორედ ჯანსაღი გრძნობები გულისხმობს თითოეულისთვის საკუთარი დროისა და ადგილის გამოყოფას. ეს ნორმალურია, თუ ადამიანს საკუთარ თავთან მარტო დარჩენა სურს, სახლში რომელიმე ოთახში შეყუჟვა და საყვარელი საქმის კეთება, ანდა, სულაც, უსაქმურობა. ასევე ნორმალურია, გინდოდეს მეგობრებთან ყოფნა მეუღლის გარეშე, მათთან ერთად სადმე წასვლა, თუნდაც დასასვენებლად. ასეთი სურვილი მეტყველებს იმაზე, რომ თქვენ წინაშე სრულფასოვანი პიროვნება დგას და არა რამე დანამატი მეუღლის სახით.

ეს ბუნებისგანაა დაწესებული. ნებისმიერ ცხოველს აქვს თავისი პირადი სივრცე, რაც სხვებისთვის მიუწვდომელია. ამ სივრცის ხელყოფა დასჯადია.

იდეალურობის საფასური: კარგი ცოლი, ცუდი ცოლი, ბედნიერი ქალი>>

ამ აკრძალვის დარღვევას არავინ რისკავს. ადამიანიც, ამ თვალსაზრისით, ჰგავს ცხოველს. მაქსიმალურად ხელშეუხებელი უნდა დარჩეს ინტიმური ზონა (15 სანტიმეტრამდე). მისი დარღვევა ადამიანში გაღიზიანებასა და აგრესიას იწვევს. გარდა ამ ინდივიდუალური ველისა, არის ასევე პირადი ფსიქიკური და ფიზიკური სივრცე. კომფორტის გრძნობა ბევრად არის დამოკიდებული სწორედ იმაზე, რამდენად არის ორივე ზონა დაცული არასანქცირებული ხელყოფისგან. ასე რომ, ხანდახან ჩნდება მარტო ყოფნის სურვილი — ეს სრულებით ბუნებრივია.

ასევე არსებობს ადგილები და ჩვევები, რომლებსაც ადამიანი აფასებს, როგორც პირადი სივრცის ნაწილს. ვიღაცას უყვარს დივანზე მარჯვენა მხარეს, კუთხეში ჯდომა, ჭიქის რომელიმე ადგილზე დადგმა და ა.შ. ასეთი სივრცობრივი „მონიშვნები" სტაბილურობისადმი ქვეცნობიერი სწრაფვაა, ეს კი ნიშნავს დაცულობას, შინაგან წონასწორობას.

ფსიქოლოგებმა დიდი ხანია შენიშნეს, რომ თანამედროვე ადამიანი უფრო მეტად ემორჩილება ამ „მონიშვნებს". ადრე ადამიანები უფრო სტაბილურ ვითარებაში ცხოვრობდნენ, არ იღებდნენ უამრავ ინფორმაციას და არ ჰქონდათ ამდენ ადამიანთან ურთიერთობა. ახლა ყოველდღიურად უწევთ გადაჭედილ ტრანსპორტში მგზავრობა, საინფორმაციო ნაკადთან გამკლავება. ცხოვრებისეული წყობის ცვალებადობა ადამიანს ჩვეულებებსა და „მონიშნულ" ადგილებზე ჩაჭიდებისკენ უბიძგებს, რაც მათ სტაბილურობისა და სიმშვიდის გრძნობებს უღვივებს და ფსიქიკური ბალანსის შენარჩუნებაში ეხმარება.

მსხვერპლს არც სილამაზე მოითხოვს და არც სიყვარული...>>

ამ ბალანსის დარღვევა ფსიქიკისთვის განგაშის სიგნალია. როგორ რეაგირებს ადამიანი განგაშზე? უმეტესად – აგრესიულად, ის თავს იცავს. და არანაირი გრძნობა, ტრადიცია ან ლოგიკა აქ არ მუშაობს. ეს ინსტიქტის პრეროგატივაა, რომელიც, რაც არ უნდა ებრძოლო, მაინც ძალზე ძლიერია. ასე რომ, გასაკვირი არაა, როცა ერთ-ერთი მეუღლე „გააფთრებით" იცავს „თავის ადგილს" სამზარეულოს მაგიდასთან.

ეს მხოლოდ საკუთარი, პირადი სივრცის შენარჩუნებისკენ სწრაფვაა. არ ღირს ამასთან ბრძოლა, წინააღმდეგ შემთხვევაში მეორე ნახევარი ამას ვერ გაიგებს და თავისი საზღვრების დასაცავად იბრძოლებს.

მიიღეთ და გაიაზრეთ, რომ ყველაფერი საერთო არ გაქვთ, მიუხედავად იმისა, რომ ყველაზე ახლობელი ადამიანები ხართ დედამიწის ზურგზე. თქვენ მეორე ნახევარი ხართ და ეს გულისხმობს, რომ სწორედ თქვენ აფასებთ და პატივს სცემთ ადამიანში მის პიროვნებასა და დამოუკიდებლობის გამოვლენას, რაც ორივეს ერთად ყოფნის ბედნიერების შესაძლებლობას გაძლევთ.

სხვა საქმეა, თუ ხელყოფენ თქვენს ადგილს, ცდილობენ გადაგაჩვიონ, მაგალითად, სავარცხლის წიგნის თაროზე დადებას და ა.შ. მშვიდად აუხსენით, რომ კარგი განწყობა ბევრად არის დამოკიდებული იმაზე, რომ თქვენს ჩვევებს არ აკრიტიკებენ. თუ ადამიანი ამას არგუმენტებს უპირისპირებს, შეეცადეთ კომპრომისული გადაწყვეტილება მიიღოთ.

საკუთარ თავზე ეკონომიის რეჟიმში - დაავადება, როდესაც ქალში ქალი ნადგურდება>>

თითოეულ მეუღლეს აქვს განსაზღვრული ჩვევები, რაც ასევე ამ ადამიანის კომფორტისა და კეთილდღეობის განუყოფელი ნაწილია. რა თქმა უნდა, ქორწინებაში პირადი მისწრაფებების კორექტირება საჭირო ხდება, მაგრამ ყველაფერზე უარის თქმა ან იმის მოთხოვნა, რომ სხვამ მსხვერპლად გაიღოს თავი მეორის კომფორტისთვის — ცუდია.

არის შემთხვევები, როდესაც „პირად სივრცეში" გულისხმობენ მეორე ადამიანის უფლებებისა და თავისუფლებების ხელყოფას. მაგალითად, მეუღლე, რომელიც სკანდალს უწყობს მეორე ნახევარს სააბაზანო ოთახში ცუდად დაკიდებული პირსახოცის ან ტანსაცმლის გამო, რომელიც გარდერობში არ დაკიდეს. ასეთი საქციელი მეტყველებს არაადეკვატურობაზე ან კრიზისზე ამ ადამიანების ურთიერთობაში, რაც ასეთ სცენებში ვლინდება.

და, ბოლოს, უნდა აღინიშნოს, რომ როცა მეუღლეებს საკმარისი პირადი სივრცე და დრო აქვთ საკუთარი თავისთვის, ოჯახში ატმოსფერო უფრო მშვიდი და სიხარულით გამსჭვალულია. ყოველი განმარტოების, „თავის თავში ჩაღრმავების" შემდეგ მეუღლეები თავს განახლებულად, „გადატვირთულად" გრძნობენ. მათი ურთიერთობები იძენს სიახლეს, ჩნდება მონატრების გრძნობა. თითოეული პატივს სცემს მეორის სურვილს – მასაც ხომ არ უზღუდავენ თავისუფლებას და იღებენ ისეთს, როგორიც არის.

143
თემები:
სასარგებლო რჩევები
მთები

დღის ასტროპროგნოზი ზოდიაქოს ნიშნებისთვის: 9 მაისი

0
(განახლებულია 09:21 08.05.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 9 მაისია, კვირა. კლებადი მთვარე ვერძის ნიშანშია. ამ დღეს პლანეტა მზე მფარველობს.

ეს დღე სიყვარულს უნდა მიუძღვნათ და არა ომსა და მტრობას. გრძნობები გამძაფრებული იქნება, რაც სიყვარულისთვის ძალიან კარგია, მაგრამ კამათისა და ჩხუბისთვის, რა თქმა უნდა – არა. ნებისმიერმა გაუფრთხილებელმა სიტყვამ თუ საქციელმა დიდი წყენა შეიძლება მოიტანოს. გადაწყვეტილებებს დღეს გული მიიღებს, რომელსაც რეალური გრძნობები სჭირდება, და არა – გონება.

როგორ იკლებენ წონაში ზოდიაქოს ნიშნები>>

ვერძი: საზღვარი „საჭიროასა“ და „მინდას“ შორის შეიძლება დაირღვეს. მოგინდებათ გრძნობებზე აყოლა, მაგრამ ვარსკვლავები ამას არ გირჩევენ. ყველაფერი იოლად არ გამოგივათ, ხანდახან სერიოზული წინაღობების გადალახვა მოგიწევთ. მიუხედავად ამისა, პოზიტიური ტენდენციები ბევრ სფეროშია შესამჩნევი. იყავით შეუპოვარი და ეცადეთ, არ დაკარგოთ საკუთარი ძალების რწმენა. თუ ხელებს არ ჩამოუშვებთ პირველივე ბარიერის დანახვისას, ყველაფერი გამოგივათ.

კურო: საჭიროა თანამიმდევრულად მოქმედება და ქაოსისთვის თავის არიდება. აჩქარება შეცდომების მიზეზი შეიძლება გახდეს. დრო უნდა გამონახოთ სიტუაციაში გასარკვევად და სხვადასხვა ვარიანტის განსახილველად. მოუსმინეთ გამოცდილი ადამიანების რჩევებს. ასე შეძლებთ მოსალოდნელი ხარვეზებისთვის გვერდის ავლას. საღამოს დაისვენეთ და ისეთი რამ გააკეთეთ, რაც განწყობას აგიმაღლებთ.

ტყუპი: დღეს მაქსიმალურად გაძლიერდება შემოქმედებითი მისწრაფებები და თუნდაც არ იყოთ ხელოვნების სფეროში დაკავებული ადამიანი, ეს პოტენციალი თქვენში აუცილებლად გაიღვიძებს. ამას გარდა, მოსალოდნელია ურთიერთობები ძალზე საინტერესო ადამიანებთან და საინტერესო თემებზე. ასევე ხელსაყრელი დროა რომანტიკული შეხვედრისთვის, განსაკუთრებით დღის მეორე ნახევარი. ეს დიდ პოზიტიურ ემოციებს მოგიტანთ.

კირჩხიბი: საინტერესო იდეები გაგიჩნდებათ, რაც კარგად აისახება როგორც თქვენს კარიერაზე, ასევე ცხოვრებაზე ზოგადად. ასევე სასარგებლო იდეის მაგივრად შესაძლებელია ძალიან საინტერესო ნაცნობობა. ნაკლებად სავარაუდოა, რომ რომანტიკული შეხვედრა იყოს, მაგრამ მატერიალური თვალსაზრისით ეს ძალზე პერსპექტიული აღმოჩნდება. ნებისმიერ შემთხვევაში, ძალიან კარგი დღე გელოდებათ და ამიტომ ყურადღებით უნდა იყოთ, რომ შანსი ხელიდან არ გაუშვათ.

ლომი: დღეს ახალი საინტერესო შეხვედრებისა და ნაცნობობის შესაძლებლობა გექნებათ. არაა გამორიცხული, რომ ერთ–ერთი ასეთი შეხვედრა ან გაცნობა რომანტიკული ხასიათისა აღმოჩნდეს, თუმცა ნაკლებად სავარაუდოა, რომ მას სერიოზული გაგრძელება მოჰყვეს. მთლიანობაში დღე ძალზე მრავალფეროვანი და საინტერესო გელოდებათ. ხოლო იმისთვის, რომ საჭირო დროს საჭირო ადგილზე აღმოჩნდეთ, ენდეთ ინტუიციას, რომელიც დღეს საკმაოდ გამძაფრებული გექნებათ.

ქალწული: დღეს თქვენი მთავარი ძალა და იარაღი თქვენი სისუსტეები იქნება. ამ სისუსტეების გამოყენებით, შეიძლება ითქვას, რომ გარშემომყოფებს „დაატერორებთ“, უნარი, რომ მიზანს ყველანაირი გზით მიაღწიოთ, აპოგეას მიაღწევს. ამასთან, თავად თქვენ მოგეჩვენებათ, რომ არაფერი განსაკუთრებული და უჩვეულო არ ხდება და გარშემომყოფების გრძნობებზე თამაში სრულიად ბუნებრივი რამაა. თუ ასე გააგრძელებთ, მალე ტირანად შეიძლება იქცეთ ოჯახში.

სასწორი: მთელი დღის განმავლობაში განწყობა შეიძლება ათასჯერ შეგეცვალოთ – მხიარულება მოულოდნელად „მოქუფრულმა“ ფიქრებმა ჩაანაცვლოს, თუმცა ერთი–ორ წუთში ამ ღრუბლებიდან ისევ მზემ გამოანათოს. მოკლედ რომ ვთქვათ, დღეს ემოციებისთვის განსაკუთრებული ყურადღების მიქცევა არ ღირს. ასევე აჯობებს, თუ მნიშვნელოვანი საქმეების გაკეთებას გადადებთ, ან გადააბარებთ იმას, რომლის განწყობა დღეს ჭირვეულობით არ გამოირჩევა.

მორიელი: დღეს თქვენში ტალანტი გაიღვიძებს: ნებისმიერი ბუზი, რომელიც გვერდით ჩაგიფრენთ, სპილოდ აქციოთ. მთელი დღის განმავლობაში ხან რა გაგაღიზიანებთ და ხან – რა. თუ არ გინდათ, ბუზღუნასა და აბეზარას სახელი დაგერქვათ, ნაკლები ყურადღება უნდა მიაქციოთ ნეგატივს, გარშემომყოფების ნაკლოვანებებს. სამაგიეროდ შესანიშნავად გაართმევთ თავს იმ საქმეებს, რომლებშიც წვრილმანებისადმი ყურადღებაა საჭირო – სჯობს, სწორედ ასეთ საქმეებს დაუთმოთ დრო.

მშვილდოსანი: დღეს გული დიდი და ხმაურიანი კომპანიებისკენ გაგიწევთ, რომ თუნდაც სულ ცოტა ხნით აღმოჩნდეთ ყურადღების ცენტრში. ყოველ შემთხვვაში, თუ ასეთ ადგილას არ აღმოჩნდებით და ვერც ყურადღების ცენტრში მოექცევით, იოცნებოთ მაინც ამაზე. ამაში ცუდი არაფერია, მაგრამ ეცადეთ ზედმეტი არ მოგივიდეთ და გარშემომყოფები არ გააღიზიანოთ, თან იმის გათვალისწინებით, რომ თქვენი რეაქცია ირგვლივ მყოფების მხრიდან გამოსროლილ ირონიულ შენიშვნებზე ორმაგად მწვავე იქნება.

თხის რქა: მუდმივად მოგიწევთ სახლის საქმეებზე და საზრუნავზე ყურადღების გადატანა. ეს კარგიცაა – დროა, მიხედოთ საშინაო საქმეებს და სხვა საკითხები კი გადადოთ. მაინც არ გელოდებათ რამე გრანდიოზული გარღვევები და შედეგები საქმიანობაში. მაგრამ ვარსკვლავები გირჩევენ, ზედმეტი ყურადღება არ დაუთმოთ წვრილმანებს, მცირე უსიამოვნებებს, წინააღმდეგ შემთხვევაში შემდეგ რამდენიმე დღე ამაზე მოგიწევთ „ჩაციკლვა“.

მერწყული: გაუგებრობებით სავსე დღეა და ამის მიზეზი თვითონ თქვენი არათანმიმდევრულობა იქნება. დღეს გაცნობიერებულად მოგინდებათ წესების დარღვევა, შეიძლება სხვადასხვა წვრილმანმა მიიქციოს თქვენ ყურადღება, ისეთმა, რომელსაც სხვა დროს საერთოდ არ მიაქცევდით ყურადღებას. ამან შეიძლება ისე გაგიტაცოთ, რომ გასაკეთებელი საქმეები საერთოდ დაგავიწყდეთ, ამით კი თქვენი გეგმები დაირღვევა და კალაპოტიდან ამოვარდებით.

თევზები: თქვენში ყველაფერ მშვენიერსა და ლამაზზე განსაკუთრებული ალღო გაიღვიძებს და ეს მშვენირი, პირველ რიგში, ფულია. ძალიან დიდია დღეს იმის ალბათობა, რომ თუ საგაძური, არა, რამე ძველი ყუთი მაინც იპოვოთ და ამან დაგაინტერესოთ. შემოსავლებთან დაკავშირებით სასიამოვნო სიურპრიზი გელოდებათ. ერთადერთი, რაშიც უნდა იფრთხილოთ, ეს საკვებია – არის დიდი შანსი, რომ გაძლიერებული მადის გამო ფიგურას ზიანი მიაყენოთ.

0