სუფრა

კულინარიული ჰოროსკოპი ქალებისთვის: საყვარელი მამაკაცის გემო-ვნება ზოდიაქოს ნიშნის მიხედვით

1649
(განახლებულია 15:08 09.07.2019)
ამბობენ, გზა საყვარელი მამაკაცის გულისკენ კუჭზე გადისო. თუ გსურთ მოხიბლოთ მამაკაცი მისი ზოდიაქოს ნიშნის შესაბამისად, უნდა იცოდეთ, რას ანიჭებს ის უპირატესობას საკვებში. ამაში ჩვენი ჰოროსკოპი დაგეხმარებათ.

ორი ადამიანის ურთიერთობა მრავალ ასპექტს მოიცავს. მათ შორისაა გასტრონომიული უპირატესობები, გემოვნება საკვებში. როგორც ამბობენ, სამზარეულოს ერთ-ერთი გადამწყვეტი მნიშვნელობა ენიჭება წყვილის ურთიერთობებში. შეიტყვეთ ჩვენი ჰოროსკოპიდან, რას ანიჭებენ უპირატესობას ზოდიაქოს თითოეული ნიშნის წარმომადგენელი მამაკაცები.

ვერძის საყვარელი კერძი

ცეცხლოვანი და მოუთმენელი ვერძი უარს არ იტყვის სწრაფ კვებაზე, რომელიც ცხარე და სხვადასხვა სანელებლითაა შეზავებული. ყოველდღიურ კერძებში წიწაკა ჩილი და ტომატის დიდი რაოდენობა ზედმეტი არ იქნება. ეს რომანტიკულ ვახშამზეც „წავა". სხვათა შორის, გაითვალისწინეთ, რომ ვერძს აუჩქარებელი სადილიც უყვარს სანახაობის თანხლებით...

კუროს საყვარელი კერძი

კურო ცნობილი გურმანია. მისი კონკრეტული წარმომადგენლის კულინარიული უპირატესობის გაგება ძალზე რთულია, მაგრამ შეუძლებელი - არა. კურო, ძირითადად, ტრადიციულ სამზარეულოს ანიჭებს უპირატესობას, თუმცა, ეგზოტიკური კულინარიული კულტურების ცალკეული ელემენტები მის გემოვნებას ნამდვილად დააკმაყოფილებს. ასევე, არ დაგავიწყდეთ, რომ კუროსთვის სუფრაზე მიტანილი კერძი ლამაზად უნდა იყოს წარმოდგენილი.

ტყუპის საყვარელი კერძი

ტყუპი დემოკრატიული და ცნობისმოყვარეა, უარს არ იტყვის, გასინჯოს რამე ახალი და მადისაღმძვრელად არომატული. სუნელები, საკმაზები - ეს თქვენი საიდუმლო იარაღია, თუ მისი მოხიბვლა გსურთ. ტყუპი დიდი სიამოვნებით გასინჯავს კერძს, რომელიც მის საყვარელ რომანში ან კინოფილმში ფიგურირებს. თუნდაც სულ უბრალო სადილს მიირთმევს გემრიელად, თუ მას რამე ინტრიგასთან ან საინტერესო საუბართან ერთად მიართმევთ.

კირჩხიბის საყვარელი კერძი

კირჩხიბს უბრალო საოჯახო საჭმელი უყვარს. ხანდახან ძვირფას რესტორანსაც სწორედ ამ პრინციპით არჩევს. თუ გსურთ, თქვენი რჩეული კირჩხიბის მოხიბვლა, სასხვათაშორისოდ იკითხეთ, რა უყვარდა ბავშვობაში, გადაიკითხეთ წიგნი გემრიელი და ჯანსაღი საკვების შესახებ. მისი გულის დაპყრობის გზაზე თქვენ ისწავლით ნამცხვრების, კოტლეტისა თუ უბრალო სუპის - უბრალო, მაგრამ შეუცვლელი კერძების გაკეთებას.

ლომის საყვარელი კერძი

ლომს მხიარულება, ხმაურიანი ქეიფი და მეგობრების ყურადღება უყვარს. ეს მის კულინარიულ უპირატესობებშიც აისახება. თუ ლომის გულის მოგება გსურთ, შეისწავლეთ ხორციანი კერძების რეცეპტები, თუ ამინდი გაძლევთ შესაძლებლობას, გაემგზავრეთ მასთან ერთად ბუნებაში და მწვადზე იზრუნეთ. მწვადისთვის საუკეთესო „საწებელი" მეგობრების მხიარული კომპანია იქნება.

ქალწულის საყვარელი კერძი

მიღებულია აზრი, რომ ქალწულს მხოლოდ სასარგებლო და ჯანსაღი საჭმელი უყვარს. მაგრამ დროგამოშვებით ის სიამოვნებით მიირთმევს დესერტს, ტკბილეულსა და კალორიულ საკვებს. თუმცა, ქალწულს, რომელიც მუდამ სადღაც მიიჩქარის, ნამდვილად მოეწონება ოჯახური საჭმელ, რომელსაც სწორედ თქვენ მოამზადებთ და მასში დიდ მზრუნველობას ჩააქსოვთ. ეს აუცილებლად გაითვალისწინეთ, რომ ქალწული აფასებს არა მხოლოდ გემოს, არამედ იმასაც, თუ ვინ მოუმზადა მას საჭმელი.

სასწორის საყვარელი კერძი

სასწორს ძალიან უყვარს შოკოლადი, დახვეწილი ღვინო, ასევე, უარს არ იტყვის მოდური კულინარიული სიახლის გასინჯვაზე. თუ თქვენს რჩეულ სასწორს ვახშამზე მიიწვევთ, აუცილებლად იზრუნეთ გარეგნულ ესთეტიკაზე - უზადო სერვირება, სანთლები, ლამაზი მუსიკა. კერძი სუფრაზე ბევრი არ უნდ აიყოს, მაგრამ ლამაზად და საზეიმო-მეფურად უნდა გამოიყურებოდეს. ყოველდღიურობაშიც ეს მისთვის მნიშვნელოვანია - თუნდაც უბრალო საუზმის დროს მორთეთ მისი თეფში თუნდაც მწვანილით.

მორიელის საყვარელი კერძი

მორიელს მოსწონს ცხარე და მწარე, მრავალმხრივი გემოსა და რთული არომატის მქონე საკვები. არავითარი დიეტური, სამარხვო - სწორედ ასეთი უნდა იყოს თქვენი კულინარიული დევიზი, თუ მორიელის მოხიბვლა გაქვთ გადაწყვეტილი. პიკანტური სოუსები, ხორცის კერძები, დესერტი - ასეთი გასტრონომიული პალიტრის წინაშე არც ერთი მორიელი არ დარჩება გულგრილი. ასევე, ბევრი მორიელია რამე საჭმელზე „დამოკიდებული". როცა მის საიდუმლოს შეიტყობთ, შეძლებთ კიდეც მისი გულის დაპყრობას.

მშვილდოსნის საყვარელი კერძი

მშვილდოსანს მსოფლიოს ხალხთა სამზარეულოს კულინარიული ექსპერიმენტები იტაცებს. თუ თქვენს რჩეულს განსაკუთრებულად მოსწონს რომელიმე ქვეყანა ან ხალხი, მოგიწევთ სწორედ ამ ქვეყნისა და ხალხის სამზარეულოსთვის თვალის გადავლება. რა თქმა უნდა, ძნელია, სახლში სუშის მომზადება, მაგრამ დანაყრებული და ბედნიერი მშვილდოსნის ნახვა ამად ნამდვილად ღირს.

თხის რქის საყვარელი კერძი

თხის რქას ტრადიციები უყვარს და ეს მის გასტრონომიულ ჩვევებზეც აისახება. თუ სადღესასწაულო სადილს ამზადებთ, აუცილებლად ჩართეთ ტრადიციული კერძებიც. მას არ უყვარს ზედმეტად ცხიმიანი საკვები, მაგრამ სიამოვნებით მიირთმევს მსუბუქ და ნოყიერ საჭმელს. სოკო, თხილი, კაკალი და მწვანილი სასურველი დანამატებია თხის რქის როგორც ყოველდღიური, ისე სადღესასწაულო სუფრისთვის.

მერწყულის საყვარელი კერძი

მერწყული სიამოვნებით გასინჯავს უცნაური გემოს მქონე კერძს, უყვარს სრულიად განსხვავებული კულინარიული ტრადიციების შერწყმა. სხვათა შორის, არც უარს იტყვიან პიკნიკზე ბუნებაში, თუნდაც საკვებად მხოლოდ ბუტერბროდები იყოს. მაგრამ უნდა იფიქროთ ბუტერბროდის მრავალფენიან შიგთავსზე, ამასთან, უნდა მოიფიქროთ დასვენების პროგრამა. კარგი იქნება, თუ პიკნიკი მეგობრების კომპანიაში ჩაივლის.

თევზების საყვარელი კერძი

თევზი არასდროს იტყვის უარს მსუბუქ და არომატულ სუპზე, ოჯახში მომზადებულ ნებისმიერ კერძზე. მათი მთავარი გასტრონომიული საიდუმლოა ის, თუ როგორ ატმოსფეროში ჩაივლის სადილი. აჯობებს, თუ იქნებით ორნი და თან საყვარელ ფილმს უყურებთ. თევზს მოსწონს კერძები რთული არომატებით, სხვადასხვა გემოს შერწყმით. ასევე, როცა რომანტიკული ვახშამია, უარს არ იტყვის ტკბილეულზე კონიაკთან ერთად, ან ხამანწკებზე - მაგრამ აუცილებლად სანთლის შუქზე და ლამაზი მუსიკის ფონზე.

 

1649
თემები:
ასტროლოგიური პროგნოზი ზოდიაქოს თითოეული ნიშნისთვის (186)
პატარა ბავშვი მზის საჩრდილობელში

მზით დამწვრობა ბავშვებში: პირველი დახმარება და პროფილაქტიკა

89
(განახლებულია 21:33 07.07.2020)
უმაღლესი კატეგორიის ექიმი გვაფრთხილებს, რომ რუჯის მიღება სასარგებლო არ არის, რომ ცნება „ჯანმრთელი რუჯი“ არ არსებობს!

ცხელ ამინდში ადამიანი იოლად იწვება მზეზე. მით უმეტეს – ბავშვები, რომელთა კანი მეტად მგრძნობიარეა.

გამომდინარე აქედან, უმაღლესი კატეგორიის უკრაინელი პედიატრი ევგენი კომაროვსკი კატეგორიულად კრძალავს ექვს თვემდე პატარების ყოფნას მზის პირდაპირი სხივების ქვეშ.

ექიმის თქმით, ამ პერიოდში ბავშვის მელანოგენეზის სისტემა ჯერ კიდევ არ არის ჩამოყალიბებული, ანუ პიგმენტი მელანინი ჯერ არ წარმოიქმნება და კანი ლამის მყისიერად იწვება. ამასთან, მზით დამწვრობა ზრდის მელანომის — კანის საკმაოდ აგრესიული ონკოდაავადების განვითარების რისკს.

 

89
თემები:
მშობლები და შვილები
შაკიკისადმი მიდრეკილება განპირობებულია მემკვიდრეობით, სქესით, ცხოვრების არასწორი წესით, ფსიქოემოციური ფონით

შაკიკის მკურნალობა შესაძლებელია: გერმანიაში მოღვაწე ნევროლოგის რჩევები

168
(განახლებულია 16:44 07.07.2020)
მტანჯველი თავის, კეფისა და თვალის ტკივილი, წნევის დავარდნა, მომატებული მგრძნობელობა, ყნოსვითი აურა, გულისრევის შეგრძნება – ეს შაკიკია, მისი გამომწვევი ზუსტი მიზეზები კი დღემდე განსაზღვრული არ არის.

მსოფლიოში შაკიკი მოსახლეობის 10 პროცენტს აწუხებს. ის სამჯერ უფრო ხშირია ქალებში, ვიდრე მამაკაცებში. შეტევა შეიძლება გამოიწვიოს სხვადასხვა ხელის შემწყობმა ფაქტორმა. შესაძლოა ადამიანს შეტევა დაეწყოს ძლიერ სინათლეზე, ხმაურზე, სტრესული მდგომარეობისას, შიმშილის გამო, ან იმ საკვების ჭარბი დოზით მიღებისას, რომელიც ტკივილის მაპროვოცირებელია. მაგალითად, ასეთი საკვებია ყველი, შოკოლადი, თხილი, ასევე ალკოჰოლი, განსაკუთრებით კი წითელი ღვინო.

შაკიკი არ იკურნება, თუმცა ის მართვადი დაავადებაა. ხშირად ისმის კითხვა, როგორ მკურნალობენ შაკიკს? ამის შესახებ გერმანიაში მოღვაწე ნევროლოგმა, თავის ტკივილის ევროპული ასოციაციის პრეზიდენტმა, გერმანიის ქალაქ ესენის უნივერსიტეტის პროფესორმა და ქალაქ უნას ევანგელური საავადმყოფოს ნევროლოგიური დეპარტამენტის ხელმძღვანელმა, პროფესორმა ზაზა ქაცარავამ ტელეკომპანია „იმედის“ ეთერში ისუბრა.

- რამდენი ფორმა არსებობს თავის ტკივილის?

- არსებობს საერთაშორისო კლასიფიკაცია, რომელიც ძალიან მაღალ დონეზეა შესრულებული და ის თავის ტკივილის 230 ფორმას განასხვავებს. რეალურად ყოველდღიური მკურნალობისთვის საჭიროა ვიცოდეთ სამი სახის თავის ტკივილი, ესენია შაკიკი, დაძაბული თავის ტკივილი და ე.წ. კლასტერული თავის ტკივილი. ეს სამი არის ყველაზე ხშირი თავის ტკივილის ფორმა.

- როგორ უნდა ვუმკურნალოთ შაკიკს?

- უნდა აღვნიშნო, რომ შაკიკი ყველაზე გავრცელებული თავის ტკივილია. საქართველოში შაკიკი ქალების 18 პროცენტს, ხოლო კაცების 8 პროცენტს აწუხებს. ამ პაციენტების დიდ უმრავლესობას შაკიკის შეტევები იშვიათად აქვს. მან, ვისაც შაკიკი აწუხებს, უნდა ისწავლოს, როგორ ჩაიტაროს მკურნალობა, რა უნდა მიიღოს მწვავე შეტევის დროს. თუ ადამიანს შაკიკის შეტევები აქვს ყოველ მეორე დღეს, ან უფრო ხშირად, სწორედ ეს ადამიანია სამკურნალო. მართალია, შაკიკი არ კლავს, მაგრამ ძალიან ტანჯავს ადამიანს. შაკიკის განკურნება შეუძლებელია, მაგრამ მკურნალობა არსებობს და საკმაოდ ეფექტურიცაა. ჩვენ 10 წლის წინ ჩავატარეთ სპეციალური ეპიდემიოლოგიური გამოკვლევა საქართველოში, სადაც ვაჩვენეთ, რომ შაკიკის ეპიზოდური ფორმის სიხშირე ისეთივეა, როგორც მთელ მსოფლიოში, მაგრამ ქრონიკული ფორმის სიხშირე ორჯერ უფრო მაღალია, ვიდრე ევროპაში და ამერიკაში. იმ ქვეყნებში, სადაც მკურნალობის ეფექტური სისტემა არსებობს, იქ ეპიზოდური შაკიკი არ გადაიზრდება ქრონიკულში. საჭიროა კომპლექსური მკურნალობა. ოჯახის ექიმი, ნევროლოგი, ტკივილის სპეციალისტი, ფსიქოლოგი, ესენი ყველა მუშაობენ იმისთვის, რომ ეპიზოდური ფორმა დარჩეს ეპიზოდურ ფორმად და არ გადაიზარდოს ქრონიკულში.

- არსებობს მედიკამენტები, რომელიც ძალიან ძვირი ღირს და არ იყიდება საქართველოში. ხშირად უწევთ უცხოეთიდან ჩამოტანა, გამოგზავნა. რატომ ვხარჯავთ ამ წამლებში ბევრ ფულს, თუ არსებობს მკურნალობის შესაძლებლობა?

- ძალიან სწორი შეკითხვაა. ეპიდემიოლოგიური კვლევის შემდეგ მე საკმაოდ დიდი გრანტი ჩამოვიტანე, დაახლოებით 100 ათასი დოლარის ფარგლებში იყო ეს გრანტი. ეს იყო ექიმის ხელფასი, ექთნის ხელფასი, სამი თვის განმავლობაში უფასო წამლები და ეს ყველაფერი შევთავაზეთ პაციენტებს. თან დავიწყეთ იმის დათვლაც, ეკონომიკურად როგორ არის ეს ამბავი აგებული. დაახლოებით 1000 ავადმყოფი გამოვიკვლიეთ და გაირკვა, რომ ერთი მოსახლე თბილისში დაახლოებით 30 ლარს ხარჯავს ამ პრობლემისთვის. ნუ, ზოგი 150 ლარს, ზოგი 5 ლარს, მაგრამ საშუალოდ იხარჯება 30 ლარი. აქ მთავარია – რაში იხარჯება ეს 30 ლარი. განუწყვეტლივ მეორდება თავის ტვინის ტომოგრაფია, აინტერესებთ სიმსივნე ხომ არ აქვთ და ასე გრძელდება განუწყვეტლივ... არ არის ეს საჭირო. ეს 30 ლარი იხარჯება არასწორ დიაგნოსტიკაში და იხარჯება უაზროდ დანიშნულ წამლებში. უნდა არსებობდეს სტანდარტი, რომელსაც უნდა მიჰყვებოდეს ექიმი. აქვე მინდა ვთქვა, რომ საქართველოში ასე ცუდად არ არის საქმე. არსებობს რამდენიმე ძალიან მაღალკვალიფიციური სპეციალისტი. არის ძალიან მაღალი დონის ექიმი ხატია გვანცელაძე, რომელიც არის ჩემი მოსწავლე. ის ძალიან მაღალ დონეზე მიიღებს და გამოიკვლევს ყველა ავადმყოფს. არიან არაჩვეულებრივი სპეციალისტები – ანუკა ძაგნიძე, მაკა კუკავა, გოგიტა გეგელაშვილი, გუგა ჩახავა, გვანცა გიორგაძე, რომლებიც სწორი მიმართულებით მკურნალობენ ავადმყოფს. დიაგნოსტიკის შემდეგ პაციენტს დაენიშნება მკურნალობა, რომელიც ექვემდებარება მსოფლიო სტანდარტს.

ყველანაირად მინდა, რომ რაც მე გერმანიაში ვისწავლე და რასაც მე გერმანიაში მივაღწიე, ჩემს ქვეყანას მოვახმარო.

 

168
ნახევარმთვარე

როგორ მოქმედებებს ახალმთვარეობა ზოდიაქოს ნიშნებზე

0
(განახლებულია 12:40 07.07.2020)
ახალმთვარეობა ცხოვრებაში ახალი ეტაპის სიმბოლოა. როგორ მოქმედებს ის ზოდიაქოს ნიშნებზე, ვინ უნდა იყოს უფრო ფრთხილად და ვისთვის კი ეს ძალზე ხელსაყრელი დროა - ამის შესახებ გაეცანით ჩვენს სტატიას

მთვარე დედამიწასთან ყველაზე ახლოს მყოფი პლანეტაა, ამიტომ ის სხვა პლანეტებზე უფრო ძლიერ გავლენას ახდენს ადამიანებზე.

მთვარის ოთხი ძირითადი ფაზა არსებობს - ახალმთვარეობა, სავსემთვარეობა, ზრდის ფაზა და კლების ფაზა. თითოეულ ფაზას თავისი ენერგეტიკა აქვს. ოთხივე ფაზა ძალზე მნიშვნელოვანია, თითოეული თავისებურად კარგია და თავისებურად - საშიში, ამიტომ ამ ფაზების შესახებ ყველაფერი უნდა ვიცოდეთ.

ერთგვარ კულმინაციებს წარმოადგენს ახალმთვარეობა და სავსემთვარეობა. ამჯერად წარმოგიდგენთ ახალმთვარეობის გავლენას ზოდიაქოს ნიშნებზე.

ვერძი

ახალმთვარეობის დადგომისთანავე ვერძებს ძველისგან, დრომოჭმულისგან გათავისუფლების სურვილი უჩნდებათ. სერიოზული ცვლილებების დაჩქარება არ ღირს, მაგრამ, მაგალითად, ძველი ნივთების გადაყრა, ტელეფონის გაწმენდა არასაჭირო კონტაქტებისგან, ვისთანაც დიდი ხანია, ურთიერთობა აღარ გაქვთ, ძალიან წაგადგებათ.

კურო

ახალმთვარეობას ნებისმიერ შემთხვევაში მოაქვს ცვლილებები, მაგრამ პრობლემა ისაა, რომ კონსერვატიულ კუროებს ის მაინცდამაინც არ გიყვართ. ამასთან, ახალმთვარეობას თქვენთვის ენერგიის ძლიერი მუხტის მოცემა შეუძლია, რათა პრიორიტეტებს გადახედოთ. ასე რომ, ეცადეთ, მთლიანად დაიმუხტოთ ამ დღის ენერგიით. ამაში დაგეხმარებათ სეირნობა, მედიტაცია ან საყვარელი ჰობი.

როგორ უნდა გავაძლიეროთ ჩვენი ენერგეტიკა ზოდიაქოს ნიშნის მიხედვით>>

ტყუპი

ტყუპებისთვის, რომლებიც ისედაც ენერგიას „აფრქვევენ", დამატებითი, ახალმთვარეობის ნაკადი უკვე შეიძლება ზედმეტი აღმოჩნდეს. აქედან გამომდინარე, ამ პერიოდში არ მიიღოთ ნაჩქარევი გადაწყვეტილებები. სჯობს, ყურადღება შემდგომი თვის დაგეგმვაზე გაამახვილოთ.

კირჩხიბი

როგორც შემოქმედებითი პიროვნებები, კირჩხიბები მუდამ მოხარული ხართ, რომ მოსინჯოთ რამე ახალი. ახალმთვარეობა ამისთვის საუკეთესო პერიოდია. მთვარის ეს ფაზა, შესაძლოა, დაგეხმაროთ ცხოვრების უკეთესობისკენ შეცვლაში თვითგამოხატვის საშუალებით.

ლომი

ახალმთვარეობის პერიოდში ლომებს ყურადღების ცენტრში ყოფნის სურვილი გიმძაფრდებათ. ამიტომ თამამად შეხვდით მეგობრებს, წადით პაემანზე, გაიცანით ადამიანები. ეს ბევრ საინტერესო მომენტს გპირდებათ.

ზოდიაქოს რომელ ნიშნებს აქვთ ძლიერი ენერგეტიკა>>

ქალწული

ქალწულები შესანიშნავი ორგანიზატორები ხართ, ხოლო ახალმთვარეობისას ეს უნარი მრავალგზის ძლიერდება. აქედან გამომდინარე, მთვარის ეს ფაზა შესანიშნავი დროა იმისთვის, რომ დაუბრუნდეთ გადადებულ პროექტებს, საქმეებს, გადაწყვიტოთ, ღირს თუ არა მათი რეალიზება და თუ საჭიროდ ჩათვლით, რომ ღირს, მაშინ შეუდგეთ კიდეც მოქმედებებს.

სასწორი

სასწორების ნაკლი ისაა, რომ გადაწყვეტილების მიღება გიჭირთ. მაგრამ ახალმთვარეობის მაღალი ენერგია თითქოს „გაცოცხლებთ" და აუცილებელ ძალას გაძლევთ. ამიტომ ამ დღეებში კარგი იქნება, თუ მიხედავთ გრძელვადიან გეგმებს და ადამიანებთან კომუნიკაციას. ყველა საკითხი წარმატებით გადაიჭრება.

მორიელი

ჯიუტი მორიელებისთვის ახალმთვარეობა კარგი დროა იმისთვის, რომ დაფიქრდეთ საკუთარ საქციელზე და გულისყური მიმართოთ იმაზე, რომ რაღაც შეცვალოთ თქვენს თავში. ეს დღეები კიდევ იმისთვისაა კარგი, რომ ძველი წყენები დაივიწყოთ.

ყველაზე, ყველაზე... ზოდიაქოს ნიშნების ძლიერი მხარეები>>

მშვილდოსანი

მშვილდოსანი ის ნიშანია, რომელსაც მუდამ სწამს მომავლის და ცვლილებების არ ეშინია. ახალმთვარეობის ცინცხალი ენერგია გაძლევთ სტიმულს, რომ გაარღვიოთ ჩაკეტილი წრე, ცხოვრების რა სფეროსაც არ უნდა ეხებოდეს და სცადოთ რამე ახალი.

თხის რქა

რამდენადაც თხის რქებს არ გიყვართ დროისა და ენერგიის ტყუილუბრალოდ დახარჯვა, ეს მშვენიერი დროა იმისთვის, რომ საკუთარ ცხოვრებას გვერდიდან შეხედოთ და გათავისუფლდეთ იმ ყველაფრისგან, რასაც სარგებლობა არ მოაქვს.

მერწყული

მერწყულებში ახალმთვარეობისას განსაკუთრებით ძლიერდება სურვილი, რომ იყოთ ორიგინალური და სხვებისგან განსხვავდებოდეთ. უბრალოდ, საჭიროა ამ ყველაფრის სწორ კალაპოტში მიმართვა. მაგალითად, ძველი ჩვევებისგან გათავისუფლება, რომლებიც არაფერში აღარ გჭირდებათ და ცხოვრებაში ახალი, პროდუქტიული უნარების ჩართვა.

როგორ გავწმინდოთ სახლი ნეგატიური ენერგიისგან - სასარგებლო რჩევები>>

თევზები

ახალმთვარეობის ენერგია გაიძულებთ, დაფიქრდეთ იმაზე, თუ რა გიშლით ხელს საკუთარი მიზნების მიღწევაში. მთავარი კი ისაა, რომ ეს პერიოდი სტიმულს გაძლევთ, დაბრკოლებებისგან უმტკივნეულოდ გათავისუფლდეთ.

0