ათენის საერთაშორისო აეროპორტი

როგორ დავსაქმდეთ საბერძნეთში ლეგალურად? პრაქტიკული რჩევები

3713
მსოფლიოში სულ უფრო მეტი ადამიანი გადაადგილდება ერთი ქვეყნიდან მეორეში უკეთესი სამუშაოს მოსაძებნად. სოციალურ-ეკონომიკური მდგომარეობიდან გამომდინარე, განვითარებადი ქვეყნების მოსახლეობის მთავარ გამოსავლად შრომითი მიგრაცია რჩება. ასეთი ქვეყნების რიგებშია საქართველოც.

ამჟამად საქართველოდან ემიგრაციაში ძირითადად ევროკავშირის ქვეყნებში მიდიან, რადგანაც მიგრაციის ერთ-ერთ მამოძრავებელ ძალად მიჩნეულია უფრო მაღალი ანაზღაურების მიღების სურვილი, უკეთესი სამუშაო გარემო, ადამიანების უფლებების დაცვის მეტი გარანტია.

დღევანდელ სტატიაში შევეცდებით მოკლედ აგიხსნათ, როგორია ევროკავშირის ერთ-ერთი ქვეყნის – საბერძნეთის დასაქმების პოლიტიკა და როგორ მოახერხოთ, ლეგალური გზებით იპოვოთ იქ თქვენთვის სასურველი და შესაფერისი სამუშაო.

ვიდრე უშუალოდ საბერძნეთში ლეგალურად დასაქმების გზებზე ვისაუბრებთ, აუცილებლად უნდა აღინიშნოს, რომ საბერძნეთის ეკონომიკას 2008 წლის მსოფლიო ეკონომიკურმა კრიზისმა მნიშვნელოვანი ზიანი მიაყენა და მისგან გამოწვეული სირთულეების დაძლევა დღესაც მთავრობის მთავარ გამოწვევას წარმოადგენს. მიუხედავად იმისა, რომ მთლიანი შიდა პროდუქტი იზრდება, დასაქმების პრობლემა ისევ მწვავედ დგას დღის წესრიგში. საბერძნეთის შრომის ბაზარი არასახარბიელო მდგომარეობაშია. სწორედ ამ ქვეყანაში ფიქსირდება უმუშევრობის ყველაზე მაღალი დონე ( 21.5%) ევროკავშირის მასშტაბით და დასაქმებულთა ყველაზე დაბალი მაჩვენებელი (სამუშაო ძალის 54%).

საბერძნეთში არსებული უმუშევრობის დონიდან გამომდინარე, ბუნებრივია, რომ მესამე ქვეყნის მოქალაქეებზე განსაკუთრებული მოთხოვნა არ არის. თუმცა, მიუხედავად ამისა, არსებობს პროფესიები, ,რომელზედაც დიდი მოთხოვნაა და დამსაქმებლებს კადრების მოძიება უჭირთ.

მოთხოვნა მიგრანტ მუშახელზე საბერძნეთში:

საბერძნეთში, ისევე, როგორც ევროკავშირის სხვა ქვეყნებში, გამოცხადებულ ვაკანსიაზე პირველ რიგში ადგილობრივი სამუშაო ძალა განიხილება, შემდეგ ევროკავშირის ზონი და ბოლოს მესამე ქვეყნის მოქალაქე.

საბერძნეთშიც  მოქმედებს ე.წ. შრომის ბაზრის ტესტი, რომელიც გულისხმობს დამსაქმებლის ვალდებულებას, შეატყობინოს დასაქმების ეროვნულ სამსახურს, რომ აქვს სურვილი დაიქირავოს მესამე ქვეყნის მოქალაქე და გაუგზავნოს შესაბამისი ვაკანსია. დასაქმების სამსახური აქვეყნებს ვაკანსიას და ეძებს შესაბამის კანდიდატს ქვეყნის შიგნით ან ევროკავშირის მასშტაბით. თუ გარკვეული პერიოდის განმავლობაში ამ რესურსებიდან ვაკანსია ვერ შეივსო, დასაქმების სამსახური ნებას რთავს დამსაქმებელს, გააგრძელოს მესამე ქვეყნის მოქალაქის დაქირავების პროცესი.

გარდა შრომის ბაზრის ტესტისა, საბერძნეთში ყოველი მეორე წლის ბოლოს აღმასრულებელი ხელისუფლების შესაბამისი უწყებები ადგენენ მესამე ქვეყნის სამუშაო ძალის განსაზღვრულ რაოდენობას, რომელთაც შეიძლება მიიღონ სამუშაო კონტრაქტი საბერძნეთში. განსაკუთრებულ შემთხვევებში შესაძლებელია კვოტით დადგენილი რაოდენობის არაუმეტეს 10%-ით გაზრდა.

ბოლო კვლევების მიხედვით, 2019-2020 წლებში საბერძნეთის შრომის ბაზარზე მოსალოდნელია, რომ მაღალი იქნება მოთხოვნა შემდეგ პროფესიებზე: საინფორმაციო ტექნოლოგიებისა და კომუნიკაციის მუშაკები, სხვადასხვა დარგის მენეჯერები. აღსანიშნავია, რომ გასულ წლებში საბერძნეთში დიდი სისწრაფით განვითარდა საინფორმაციო ტექნოლოგიების სფერო და გაზრდილი მოთხოვნის დასაკმაყოფილებლად ადგილობრივ შრომით ბაზარზე საკმარისი და შესაბამისი ადამიანური რესურსი არ აღმოჩნდა. სწორედ ამიტომაა მოსალოდნელი შემდეგ წლებში ამ პროფესიებზე დიდი მოთხოვნა.

მიგრანტი მუშახელის დასაქმება საბერძნეთში – პრაქტიკული რჩევები
რასაკვირველია, ევროკავშირის ქვეყნის მოქალაქეებს საბერძნეთში სამუშაოდ ნებართვის მიღება არ სჭირდებათ. მესამე ქვეყნის მოქალაქის დასაქმების შემთხვევაში კი, ესაჭიროება ბინადრობის ნებართვა და ეროვნული ვიზა.

ეროვნულ ვიზაზე განაცხადის გაკეთება შესაძლებელია საბერძნეთის დიპლომატიურ მისიებში ( საელჩო, საკონსულო და ა.შ). ვიზის მისაღებად შემდეგი დოკუმენტაციაა საჭირო:

- პასპორტი

- შრომითი კონტრაქტი

- ცნობა ნასამართლობის შესახებ

- განათლებისა და სამუშაო გამოცდილების დამადასტურებელი დოკუმენტები

- მოთხოვნის შესაბამისად სხვა დოკუმენტაცია

რაც შეეხება ბინადრობის ნებართვას, მის შესახებ განაცხადს აკეთებს უკვე დამსაქმებელი შესაბამის ადმინისტრაციულ ორგანოში.

გაითვალისწინეთ, თუ დამსაქმებელი ბინადრობის ნებართვაზე განაცხადს აკეთებს, მესამე ქვეყნის მოქალაქე აუცილებლად უნდა იმყოფებოდეს საბერძნეთის ტერიტორიაზე.

ბინადრობის ნებართვის მისაღებად საჭიროა შემდეგი დოკუმენტაციის წარდგენა:

- პასპორტისა და ვიზის ასლი ( ასეთის არსებობის შემთხვევაში)

- ფოტოსურათი

- მოსაკრებელი 300€-ს ოდენობით

- შრომითი კონტრაქტი

- ჯანმრთელობის დაზღვევა

აღნიშნული დოკუმენტაციის წარდგენის შემდეგ მესამე ქვეყნის მოქალაქეზე გაიცემა სერთიფიკატი, რომლის მიხედვითაც მას საბერძნეთში გაჩერების უფლება ენიჭება. თუ ერთი წლის განმავლობაში მოქალაქეს ბინადრობის ნებართვა არ მისცეს, აღნიშნული სერთიფიკატის ხანგრძლივობის ვადა კიდევ ერთი წლით გაიზრდება.

თუ განცხადება დაკმაყოფილდა, მესამე ქვეყნის მოქალაქეს მისცემენ ბინადრობის ნებართვას 2 წლის ვადით. აღნიშნული ვადის გასვლის შემდეგ კი შესაძლებელია, ნებართვის ვადის გაზრდა კიდევ 3 წლით.

თუ განცხადება არ დაკმაყოფილდა, შედეგების გასაჩივრება შესაძლებელია იმავე ორგანოში, სადაც განაცხადი გაკეთდა.

 

3713
თემები:
სასარგებლო რჩევები (365)
სტაფილო და სტაფილოს წვენი

რატომ უნდა მიირთვათ სტაფილო და ვის ეკრძალება იგი: დიეტოლოგი გირჩევთ

505
(განახლებულია 20:15 27.11.2020)
სტაფილო ნივთიერებათა ცვლის დამაჩქარებელია, ამცირებს ქოლესტერინს, აახალგაზრდავებს კანს და აადვილებს წონაში კლებას. კიდევ თუ რატომ არის სტაფილო სასარგებლო, ამის შესახებ ექიმი-დიეტოლოგი ოლგა კორაბლიოვა საუბრობს.

პირველად სტაფილოს მოყვანა ავღანეთში დაახლოებით ოთხი ათასი წლის წინ დაიწყეს და თანაც ღეროებისა და არა მისი ძირხვენების გამო. მწარე გემოს მიუხედავად, მათ საკვებად იყენებდნენ.

სასარგებლო თვისებები

სტაფილოში უამრავი ვიტამინი A და ბეტა-კაროტინია, რომელზეც დამოკიდებულია ორგანიზმის მეტაბოლიზმიცა და ადამიანის გარეგნობაც. მაგალითად, თუ ადამიანს ვიტამინ A-ს დეფიციტი აქვს, კანი შრება და ჩნდება ქერტლი.

„ვიტამინი A გავლენას ახდენს თვალის კუნთებზე, ბადურაზე. როცა ადამიანი ბინდისას უფრო ცუდად ხედავს, დღის განმავლობაში თვალებში ქვიშის შეგრძნება უჩნდება და ქუთუთოები უწითლდება, მან აუცილებლად უნდა მიაქციო ყურადღება მენიუს“, — ამბობს ექიმი.

სტაფილო შეიცავს B ჯგუფის, ასევე E და C ვიტამინებს, რომლებიც ორგანიზმს გაციებისა და ვირუსული ინფექციების წინააღმდეგ ბრძოლაში ეხმარება. ამასთან, თერმული დამუშავების დროს სტაფილოში შემავალი ვიტამინების 2/3-მდე იკარგება, ამიტომ პროდუქტი უმჯობესია უმი სახით მიიღოთ.

როგორც დიეტოლოგი ამბობს, სტაფილოს მაქსიმალური სარგებელი შუაგულში კი არა, კანშია. სწორედ იქაა უფრო უხეში, დაუმუშავებელი ბოჭკოები, რომლებიც ხელს უწყობს საჭმლის მონელებას.

მან, ვისაც რკინის ნაკლებობა აღენიშნება, უნდა მიირთვას სტაფილოს წვენი, ვინაიდან სწორედ ამ სახით შეიწოვება კარგად ეს ნივთიერება. აღსანიშნავია, რომ 100 გრამი სტაფილოს წვენი 0,7 მილიგრამ რკინას, ანუ დღიური ნორმის ხუთ პროცენტს შეიცავს.

ექიმები ხშირად სტაფილოს სამკურნალო კვების სახითაც ნიშნავენ. მაგალითად, ნაღველ-კენჭოვანი დაავადების, სანაღვლე გზების დისკინეზიის, უმადობის დროს. სტაფილოს სარგებელი ის არის, რომ ასტიმულირებს ნაღვლის გამოყოფას. კუჭის მომატებული მჟავიანობის დროს სტაფილოს წვენი არ იწვევს გულძმარვას.

გაახალგაზრდავებისთვის

პოპულარულია ნიღბები სტაფილოთი ან სტაფილოს წვენით — ეს კანს გამოშრობისგან იცავს, ხელს უწყობს ცხიმოვანი ჯირკვლების მუშაობის ნორმალიზებას, E ვიტამინის დიდი რაოდენობის წყალობით აღადგენს კანის ზედა ფენას, კურნავს მცირე ბზარებს და ხსნის ანთებას. ხოლო ვიტამინი C არეგულირებს სახის ფერს და ალაგებს სიფერმკრთალეს.

გასახდომად

სტაფილოს კალორიულობა დაბალია — 100 გრამზე მხოლოდ 33 კილოკალორია. მის შემადგენლობაში შემავალი ვიტამინი A აჩქარებს ნივთიერებათა ცვლას, ხოლო ტარტრონის მჟავა ხელს უშლის ნახშირწყლების ცხიმებად გადაქცევას.

მატონიზირებელი თვისებები

სტაფილო ამაგრებს სისხლძარღვებს, აუმჯობესებს სისხლის მიმოქცევას, ებრძვის ანემიას. როდესაც ჰემოგლობინი დაბალია, ადამიანი ჩვეულებრივზე სწრაფად იღლება და ხშირად თავს იჩენს მოთენთილობა. სტაფილოს წვენს ხშირად ზოგადგამაჯანსაღებლად ან ავიტამინოზის პროფილაქტიკისთვის ნიშნავენ.

 

© Sputnik / Denis Aslanov
სტაფილოს კექსი

ვის ეკრძალება სტაფილო

სტაფილოს გამოყენება არასასურველია ღვიძლის დაავადებების დროს: თუ ეს ორგანო ჯანმრთელი არ არის, ის ვერ აითვისებს კაროტინს.

სტაფილოზე უკუჩვენებებს შორის ასევე არის კუჭისა და ნაწლავის წყლული და ენტერიტი (წვრილი ნაწლავის კედლების ანთება).

როგორ ავირჩიოთ და შევინახოთ სტაფილო

სტაფილო არ უნდა იყოს რბილი და უსწორმასწორო, არ უნდა ჰქონდეს ლაქები და ბზარები (ეს ნიშნავს, რომ შუაგული დაზიანებული აქვს).

უნდა იცოდეთ, რომ თუ სტაფილოს ხშირი ფოჩები და ღეროები აქვს, ძირხვენა, სავარაუდოდ, მაგარი იქნება.

გაწმენდილი სტაფილო მაცივარში ერთ კვირამდე ინახება, გაუსუფთავებელი — დაახლოებით ერთი თვე. ხოლო თუ მას სარდაფში ან აივანზე შეინახავთ ნულიდან შვიდ გრადუსამდე ტემპერატურაზე, მაშინ ის შვიდიდან ცხრა თვემდე გაძლებს უვნებლად.

 

505
თემები:
სასარგებლო რჩევები (365)
პურის დაჭრა

პური გახდომაში დაგეხმარებათ, თუ... დიეტოლოგი გირჩევთ

197
(განახლებულია 15:51 27.11.2020)
ექიმ-დიეტოლოგის თქმით, თუ გახდომა გსურთ, პური აუცილებლად უნდა მიირთვათ, და სპეციალისტი განმარტავს, როგორი უნდა იყოს ის.

თბილისი, 27 ნოემბერი — Sputnik. პური წონაში დაკლებაში და იმუნური სისტემის გაძლიერებაში დაგეხმარებათ, თუ ის შესაბამისად იქნება გამომცხვარი, აცხადებს დიეტოლოგი ელენა სოლომატინა.

სპეციალისტმა განმარტა, რომ სასურველია პურის შემადგენლობა მაქსიმალურად მარტივი იყოს.

„ის არ უნდა იყოს გამომცხვარი უმაღლესი ხარისხის ფქვილისგან, ანუ არ უნდა იყოს გაწმენდილი. უკეთესია, თუ პური იქნება მთელმარცვლოვანი, ჭვავის ფქვილის, ქატოიანი. და, რაღა თქმა უნდა, ყოველგვარი დამატებითი კომპონენტების გარეშე: მარგარინის, კულინარიული ცხიმებისა თუ გამაფხვიერებლებისა“, — ამბობს დიეტოლოგი.

ამასთან ერთად სოლომატინა გვირჩევს, მივირთავთ არა ახალი, რბილი პური, არამედ უკვე გამომშრალი, ვინაიდან ის ბევრად სასარგებლოა.

„ასეთი პური ნელა ხვდება კუჭში. ჩვენ ის ჯერ კარგად უნდა დავღეჭოთ, ნერწვით დავარბილოთ. ამასთან სახამებლის ათვისება უკვე პირის ღრუში იწყება და რაც უფრო მეტ სახამებელს აითვისებს ორგანიზმი საწყის ეტაპზე, მით უკეთესი“, — გვირჩევს ექიმი.

სოლომატინა ამბობს, რომ ქატოსა თუ ჭვავის პურში დიდი რაოდენობით შედის უჯრედისი და В ჯგუფის ვიტამინები, რაც უკიდურესად მნიშვნელოვანია ადამიანის ნერვული სისტემისა თუ კუჭ-ნაწლავის სისტემის მიკროფლორისთვის. სწორედ ეს უკანასკნელი განსაზღვრავს როგორც იმუნიტეტის მდგომარეობას, ისე ადამიანის გუნება–განწყობასა და, რაც ყველაზე საინტერესოა, აღნაგობასაც კი.

„საოცარია, მაგრამ პური გახდომის მსურველებს წონაში დაკლებაშიც კი ეხმარება. როცა ჩვენ კერძს პურთან ერთად მივირთმევთ, ის დამატებით მოცულობას ქმნის და, შესაბამისად, სწრაფად ავსებს კუჭს, აჩენს რა სიმაძღრის შეგრძნებას. პურის გარეშე ადამიანი უფრო მეტ საჭმელს იღებს და, შესაბამისად, ბევრად მეტ კალორიასაც“, — გამარტავს სპეციალისტი.

დიეტოლოგის თქმით, პურის საშუალო ულუფა დღის განმავლობაში 2–3 ნაჭერია. თუმცა ზოგ შემთხვევაში ეს რაოდენობა ადამიანის ცხორების წესიდან და მისი რაციონის კალორიულობიდან გამომდინარე შეიძლება შეიცვალოს.

 

197
თემები:
სასარგებლო რჩევები (365)
ბერა ივანიშვილი მეუღლესთან და ვაჟთან ერთად

„მეამაყები...“ - ბერუკა ივანიშვილი ერთი წლის გახდა - ვარსკლავბიჭუნას ახალი ფოტოები

0
(განახლებულია 19:42 29.11.2020)
ცნობილი ოჯახის ცნობილი წევრი პატარა ბერუკა ივანიშვილი 1 წლის გახდა. ნახეთ რა ფოტოები გავრცელდა სოციალურ ქსელში

ბერუკა ივანიშვილი 1 წლის გახდა. ცნობილ ბიჭუნას დაბადების დღე სოციალურ ქსელში მისმა ნათლიამ, რეპერმა ამიკო ჯანელიძემ მიულოცა. „დღეს ბერუკას დღეა... დამოუკიდებელი პიროვნების, რომელსაც უკვე თავისი სამყარო აქვს. ჯანმრთელი და დღეგრძელი ყოფილიყავი მთელი ცხოვრება, მეამაყები“, - წერს მუსიკოსი.

პარტია „ქართული ოცნების“ თავმჯდომარისა და საქართველოს ყოფილი პრემიერის ბიძინა ივანიშვილის ოჯახში პატარა ბერუკა 2019 წლის 29 ნოემბერს გაჩნდა. როგორც ცნობილია, ბერამ და ნანუკამ შვილს სახელი მათი სახელების შერწყმის შედეგად დაარქვეს. ბერ (ბერ-ა) + უკა (ნან-უკა).

View this post on Instagram

A post shared by BERA (@beraofficial)

ცოტა ხნის წინ ბერამ და ნანუკამ Instagram-ზე ახალშობილის უსაყვარლესი ფოტოები გამოაქვეყნეს. გავრცელებული ინფორმაციით, ნანუკა გუდავაძემ სახლში იმშობიარა და მშობიარობას ნდო­ბით აღ­ჭურ­ვი­ლი მე­ა­ნი ესწრებოდა სა­ჩხე­რის სა­მე­დი­ცი­ნო ცენტრი­დან.

View this post on Instagram

A post shared by BERA (@beraofficial)

კომპოზიტორი და შემსრულებელი ბერა ივანიშვილი ცნობილი ოჯახის შვილია. მიუხედავად იმისა, რომ პოლიტიკისგან შორს არის, კარიერის დასაწყისში მამის პარტიას სიმღერებს უძღვნიდა, ახლა კი მისი კომპოზიციები ნანუკა გუდავაძეს ეძღვნება. საზოგადოებისთვის უცნობია, თუ სად გაიცნეს ერთმანეთი ბერამ და ნანუკამ.

View this post on Instagram

A post shared by BERA (@beraofficial)

სოციალურ ქსელში ცოლ-ქმარი დიდი აქტიურობითა და პოპულარობით გამოირჩევა. „ფორბსის“ მიერ გამოქვეყნებულ მილიარდერთა სიაში საქართველოდან მხოლოდ ბიძინა ივანიშვილი ირიცხება. „ქართული ოცნების“ ლიდერს ოთხი შვილი ჰყავს. მათ შორის საზოგადოებისთვის უფრო მეტად ცნობილი ბერა ივანიშვილია.

0
თემები:
სელებრითების ცხოვრება