ქალი

საკუთარ თავზე ეკონომიის რეჟიმში - დაავადება, როდესაც ქალში ქალი ნადგურდება

23473
(განახლებულია 13:20 10.06.2019)
დარწუნებული ვარ, გეცნობათ – „ამდენ ფულს ჩემთვის როგორ გავიმეტებ?", „ახლა ვერ დავხარჯავ, უთო გამიფუჭდა და ის უნდა ვიყიდო"... და სხვა ათასი ამგვარი ფრაზა. რა თქმა უნდა, გეცნობათ და თქვენი ცხოვრების ჩვეულებრივი შემადგენელი ფრაზებია... ძალიან ცუდი, რადგან ესაა დაავადება და ჰქვია „ეკონომია საკუთარი თავის ხარჯზე".

ქალი, რომელიც ეკონომიას საკუთარ თავზე აკეთებს, მამაკაცში მხოლოდ ერთ სურვილს აღძრავს — უფრო მეტი ეკონომია გასწიოს მასზე – ერიხ მარია რემარკი

რა არის „ეკონომია საკუთარი თავის ხარჯზე"

ეკონომიაა, როდესაც ქალი მიდის საყიდლებზე, ყიდულობს პროდუქტებს ბავშვებისთვის, მეუღლისთვის, მშობლებისთვის, ძაღლისთვის… საკუთარი თავისთვის კი ფული აღარ რჩება, ან გადაწყვეტს, რომ იმის გარეშეც გაძლებს, რისი ყიდვაც უნდოდა. საკუთარ ხარჯზე ეკონომიაა, როდესაც ფული არ გენანებათ ბავშვებზე, მეუღლეზე, მაგრამ საკუთარ თავზე – კი, და ფიქრობთ: „სხვა დროს ვიყიდი, დღეს ამის გარეშეც გავძლებ".

ეკონომიაა, როდესაც ქალს აქვს შამპუნი, ერთი წინდა, თითო–თითო წყვილი ფეხსაცმელი სეზონის მიხედვით და 1–2 წყვილი ქვედა საცვალი. თუ კიდევაც აქვს სხვა რამე, უგემოვნო და მოდიდან გადასული. სამაგიეროდ, ქმარ–შვილი მოდურად არის ჩაცმული.

თუ ფული აქვს, ზრდასრული ქალი მას იოლად ხარჯავს თავის თავზე და თუ არა აქვს, ამასაც ძალიან არ განიცდის

როდესაც უყურებთ თქვენს, მაგალითად, ფეხსაცმელს და იცით, რომ უნდა გამოცვალოთ, მაგრამ იღებთ გადაწყვეტილებას: „არაუშავს, კიდევ ცოტა ხანს ვივლი ამით"…

ეკონომიაა, როდესაც წინდა იკერება, ან უფრო უარესი – „თვალწასულია", როდესაც გაცვეთილი საცვლები არ ახლდება, როდესაც საჭიროა ახალი თვალის ტუში, თმის ნიღაბი, მაგრამ სხვა, უფრო მნიშვნელოვან რამეებზე იხარჯება ფული.

ეკონომიაა, როდესაც გადაწყვეტთ რაიმე ხარისხიანის ყიდვას, მიდიხართ მაღაზიაში, მაგრამ უკან ბევრად უფრო იაფი ნივთით ბრუნდებით.

წაიკითხეთ აქ: მე ეს გზა ავირჩიე: უბრალოდ, ვიყო ბედნიერი>>

როდესაც თქვენში თითქოს ორი ადამიანი ცხოვრობს: ერთს ძალიან უნდა კონკრეტული ნივთის ყიდვა, მეორე კი ჩასჩიჩინებს, რომ ეს ძალიან ძვირია და თუ სხვა რამეს იყიდის, ფული დარჩება. და ფული რჩება. აქ კი უნდა დაისვას კითხვა: რაზე დაიხარჯება დარჩენილი თანხა? ოჯახზე, ბავშვებზე, სხვებზე…

ეკონომიაა, როდესაც გაქვთ ფული, მაგრამ საკუთარ თავს არაფრით ახარებთ, ახალს არ ყიდულობთ, ყველაფერში ზღუდავთ და მხოლოდ იმით შემოიფარგლებით, რაც ძალიან აუცილებელია.

ეკონომიაა, როდესაც პირველ ადგილზე გყავთ ნებისმიერი, გარდა საკუთარი თავისა.

23473
თემები:
სასარგებლო რჩევები (259)
ხარ უნიკალური, ოპერაციებით კი ხდები „სტანდარტული“: თხელი ცხვირი, დაბერილი ტუჩები...

როგორ მოვიშოროთ უსიამოვნო სუნი პირიდან: პრობლემა, რომელიც საკმაოდ ფართოდ არის გავრცელებული

43
(განახლებულია 16:22 07.08.2020)
ალბათ არაერთხელ აღმოჩენილხართ ისეთ სიტუაციაში, როცა საუბრის დროს თანამოსაუბრის პირის ღრუდან უსიამოვნო სუნი გიგრძვნიათ. ეს ჰალიტოზია.

აღმოჩნდა, რომ ჰალიტოზი მსოფლიოს მოსახლეობის დაახლოებით 50%-ზე მეტს სისტემატურად ან პერიოდულად მაინც აწუხებს. აღნიშნული პრობლემა დიდ დისკომფორტს უქმნის ადამიანს და ხშირიდაც ფსიქოლოგიურ პრობლემამდეც კი მივყავართ.

რა არის ჰალიტოზი

ჰალიტოზი ანუ პირის ღრუში უსიამოვნო სუნი დამოუკიდებელი დაავადებაა და უმეტეს შემთხვევაში მას სხვადასხვა დაავადება ან პრობლემა იწვევს. ზოგ შემთხვევაში ჰალიტოზს პირის ღრუს ჰიგიენის ნორმების დაუცველობა წარმოქმნის. როგორც წესი, ადამიანი საკუთარ პირის ღრუში უსიამოვნო სუნს თავად ვერ გრძნობს.

რა იწვევს ჰალიტოზს

ჰალიტოზის გამომწვევი  ერთი კონკრეტული მიზეზი არ არსებობს, მიზეზთა ჩამონათვალი საკმაოდ ვრცელია. ჰალიტოზის გამომწვევი მიზეზი შეიძლება იყოს პირის ღრუს ჰოგიენის არასაკმარისი დაცვა, (დღე-ღამის განმავლობაში ადამიანი, სულ ცოტა, 2-ჯერ მაინც უნდა იხეხავს კბილებს, რადგან საკვების ნარჩენების დაშლის შედეგად უსიამოვნო სუნი წარმოიქმნება) სტომატოლოგიური დაავადებები, კარიესი, პირის ღრუს ლორწოვანი გარსის დაავადება, ღრძილების ანთება და სხვა. ასევე, მოწევა და ალკოჰოლის ჭარბი რაოდენობით მოხმარება, შინაგანი ორგანოების სისტემური დაავადება, შაქრიანი დიაბეტი, კუჭ-ნაწლავის დაავადებები, თირკმლისა და ღვიძლის უკმარისობა, ონკოლოგიური დაავადებები, შიმშილი ან გარკვეული ტიპის დიეტა, სტრესი და ა.შ.

როგორ ავიცილოთ თავიდან ჰალიტოზი

არსებობს გარკვეული პროფილაქტიკური ზომები, რომლის გათვალისწინების შემთხვევაში თავიდან ავიცილებთ ჰალიტოზს.

· ყველაზე მნიშვნელოვანია, მკაცრად დაიცვათ პირის ღრუს ჰიგიენა. კბილები და ენის ზედაპირი დღეში, სულ ცოტა, 2-ჯერ მაინც გაიწმინდეთ. სასურველია, ეს პროცედურა ორ წუთს  გაგრძელდეს. კბილებს შორის სივრცე კი სტომატოლოგიური ძაფით გაიწმინდეთ.

· აუცილებლად ისაუზმეთ. შეზღუდეთ რაციონში კვერცხი, ხახვი, ნიორი, მწარე წიწაკა და ყველი.

· თქვენი საკვები რაციონი გაამდიდრეთ მცენარეული ზეთით და ყოველდღიურად მიიღეთ იოგურტი, რომელიც ლაქტობაცილებს შეიცავს.

· შეზღუდეთ ალკოჰოლური და გაზიანი სასმელის მიღება.

· თუ ხართ მწეველი, ეცადეთ შეწყვიტოთ სიგარეტის მოწევა.

· დალიეთ საკმარისი რაოდენობის წყალი,  მწვანე ჩაი.

· პირის ღრუდან უსიამოვნო სუნის გამძაფრების შემთხვევაში მიმართეთ ექიმს!

როგორ მოვიშოროთ არასასიამოვნო სუნი პირის ღრუდან

არსებობს სპეციალური სპრეები, რომელიც  სუნთქვის გასაჯანსაღებლად გამოიყენება, მათი შეძენა აფთიაქებში შეგიძლიათ. არსებობს ასევე აბებიც. თუ არ გსურთ მათი გამოყენება, არსებობს მარტივი გამოსავალიც, შეიძინეთ ტიკ-ტაკი.

აქვე შემოგთავაზებთ რამდენიმე ხალხურ მეთოდს, რომელიც დაგეხმარებათ პირის ღრუდან უსიამოვნო სუნის მოცილებაში. დაღეჭეთ ოხრახუში, პიტნა, ყავის ან ქინძის მარცვლები, ლიმონის კანი. ყოველდღიურად გამოივლეთ მარწყვის ფოთლების ნახარში. აიღეთ ნაძვის ხის 10 ცალი მწვანე გირჩი, დანაყეთ. ორი ჭიქა ძმარში მოადუღეთ და დილაობით გამოივლეთ პირში.

43
თემები:
ჯანმრთელობა და სილამაზე
ქალი პლაჟზე

როგორ ვუმკურნალოთ მზის დამწვრობას: რჩევები რუჯის მოყვარულებს

137
(განახლებულია 21:08 06.08.2020)
ზაფხული ზღვის და რუჯის მიღების სეზონია. ზოგჯერ ნამზეურის მიღების სურვილი იმდენად დიდია, რომ რუჯის მოყვარულები არ ეპუებიან თაკარა მზეს, ამ დროს კი ადამიანი ერთდროულად იღებს როგორც მზით დამწვრობას, ასევე ხდება მისი სხეულის გადახურება და სითბური დაკვრაც...

მზის გულზე ადამიანი ვერ ხვდება, რომ დაიწვა, ამას მხოლოდ გარკვეული პერიოდის შემდეგ აფიქსირებს. მზის დამწვრობა ტრავმის ის სახეობაა, რომლის თავიდან აცილება შესაძლებელია, ან, დიდად მაინც არ დავზიანდებით, თუ ელემენტარულ წესებს დავიცავთ.

როგორ დავიცვათ თავი მზის დამწვრობისგან

მზეზე გასვლისას აუცილებლად გამოიყენეთ მზის სხივებისგან დამცავი კრემები და ლოსიონები. დამცავი კრემის შეძენისას დარწმუნდით, რომ ის შეეფერება თქვენი კანის ტიპს და ბლოკავს ულტრაიისფერ გამოსხივებას. მზისგან დამცავ კრემს უნდა ეწეროს UVA წრეში და UVA დაცვა სულ მცირე ოთხი ვარსკვლავით. მზისგან დამცავი ფაქტორი (Sun protection factor - SFP) მინიმუმ 15, ანუ SFP-15 – რომ დაგვიცვას გამოსხივებისგან. გაითვალისწინეთ, თუ მზისგან დამცავ კრემს წაისვამთ ძალიან თხლად და იშვიათად, ის ვერ დაგიცავთ სათანადოდ.

ზღვაზე შეგიძლიათ გახვიდეთ დილით 11 საათამდე და საღამოს 5 საათის შემდეგ. 11 საათიდან 5-მდე პლაჟზე გაყვანას განსაკუთრებით უნდა მოარიდოთ ბავშვები. ამ პერიოდში ქოლგის ქვეშ ყოფნაც კი ძალიან საფრთხილოა.

თუ მაინც გიწევთ თაკარა მზეზე გასვლა, დამწვრობის თავიდან ასარიდებლად ჩაიცვით შესაფერისი, თეთრი ფერის სამოსი. ამით მზის სხივების არეკვლა მოხდება. დაიფარეთ ისეთი ქუდი, რომელიც დაფარავს თავს, სახეს, კისერს და ყურებს. ჩაიცვით გრძელმკლავებიანი ზედა სამოსი, შარვალი ან გრძელი კაბა, რომელიც მჭიდრო ნაჭრისგან არის შეკერილი და არ ატარებს მზის სხივებს. ატარეთ მზის სათვალე, რომელიც მჭიდროდ გექნებათ მორგებული სახეზე.

რა სიმპტომები ახასიათებს მზის დამწვრობას

დამწვრობის შემდეგ შესაძლოა დაიწყოს ისეთი შეუქცევადი პროცესები, როგორიცაა კანის სიჭრელე, გაწითლება, ტკივილი, უსიამოვნო შეგრძნებები, კანკალი, მაღალი ტემპერატურა, რამდენიმე დღეში კანის შესიება, შესაძლოა განვითარდეს გამონაყარიც. სიმპტომთა სიმძიმე დამოკიდებულია კანის ტიპზე, მზეზე დაყოვნების ხანგრძლივობაზე და მზის დამცავი კრემის ხარისხზე.

როგორ ვუმკურნალოთ მზისგან დამწვრობას

თუ ზემოხსენებული სიმპტომები გამოიხატა, აუცილებელია დაზარალებულისთვის სამედიცინო დახმარების აღმოჩენა. ექიმთან კონსულტაციამდე კი აუცილებლად გაითვალისწინეთ რამდენიმე მნიშვნელოვანი ფაქტორი:

· პირველ რიგში დაზარალებულმა უნდა მიიღოს ტკივილგამაყუჩებელი საშუალება.

· არ უნდა დალიოს ცივი წყალი, რადგან ის აძლიერებს და აღრმავებს ციებ-ცხელებას.

· დამწვარ ადგილზე უნდა დავადოთ გრილი და არა ცივი კომპრესი.

· უნდა მიიღოს ჩაი, სუფთა და მინერალური წყალი.

· საშუალო სიმძიმის დამწვრობის დროს ადამიანმა რაც შეიძლება ბევრი წყალი უნდა დალიოს, რათა თავიდან აიცილოს გაუწყლოება.

· პაციენტმა უნდა მიიღოს გრილი აბაზანა საპნისა და სხვა დასაბანი საშუალებების გარეშე, ვინაიდან მათი გამოყენება კიდევ უფრო აძლიერებს კანის გაღიზიანებას.

· თუ უბნები ბუშტუკებით დაიფარა, სასურველია ის დოლბანდის საფენით გადაიხვეს, რათა თავიდან იქნას აცილებული ინფექციის შეჭრა.

გაითვალისწინეთ:

სახლის პირობებში მკურნალობის რეცეპტების, ბებიების მეთოდების, ისეთი, როგორიცაა, მაგალითად, კარაქით ან სოდით მკურნალობა, არ არის მართებული. ამას ხშირად უარეს შედეგამდე მივყავართ. დამწვრობის დროს ასევე არ გამოიყენოთ ლოსიონები, ბალზამები და ზეთები.

მეტად პოპულარული მეთოდია დამწვარ ადგილებზე მაწვნის წასმა. თუმცა, როგორც აღმოჩნდა, ამას არანაირი სამკურანლო თვისება არ გააჩნია.

„მაწონი, იოგურტი და სხვადასხვა საშუალება უბრალოდ სიმპტომებს ხსნის. სამწუხაროდ, მათ სამკურნალო თვისებები არ აქვს. მაგალითად, მაწონი დიდი რაოდენობით წყალს შეიცავს. წყლის აორთქლება სითბოს ართმევს ორგანიზმს და უბრალოდ გვსიამოვნებს. თუ ვართ ტყეში, ტრიალ მინდორზე და არაფერი ხელმისაწვდომი არ არის, შეგვიძლია მაწონიც წავისვათ, მაგრამ, რა თქმა უნდა, ჯობს აფთიაქში შეძენილი პრეპარატები, რომელთაც არა მარტო სიმპტომური, არამედ სამკურნალო თვისებებიც გააჩნიათ“, – ამბობს ხეჩინაშვილის სახელობის საუნივერსიტეტო კლინიკის დამწვრობის ცენტრის ხელმძღვანელი გუგა ქაშიბაძე.

სპეციალისტების რეკომენდაციით, გასათვალისწინებელია მხოლოდ ის მეთოდები, რომლებიც ხელს უწყობენ კანის გაგრილებას, რაც ამცირებს გაძლიერებულ სისხლის მიმოქცევას და ანთებას.

ჯანმრთელობას გისურვებთ!

 

137
თემები:
ჯანმრთელობა და სილამაზე
ბათუმი

წვიმა და სიგრილე: როდის გამოიდარებს საქართველოში

0
(განახლებულია 15:48 07.08.2020)
უახლოეს დღეებში სიცხეს სიგრილე შეცვლის. ქვეყნის მთელ ტერიტორიაზე სინოპტიკოსები წვიმიან ამინდს პროგნოზირებენ

თბილისი, 7 აგვისტო  — Sputnik.  საქართველოში ამინდი კვლავ გაუარესდება – სინოპტიკოსები 15 აგვისტომდე ტემპერატურის კლებას და სიგრილეს პროგნოზირებენ, ნათქვამია გარემოს დაცვის ეროვნული სააგენტოს განცხადებაში. 

 „საქართველოში 7–8 აგვისტოს ცხელი და უნალექო ამინდი შენარჩუნდება – ჰაერის ტემპერატურა 31–36 გრადუსი იქნება. 10 აგვისტოს დღის მეორე ნახევრიდან 15 აგვისტომდე ძირითადად წვიმიანი ამინდია მოსალოდნელი“, – ნათქვამია განცხადებაში.

სინოპტიკოსების ცნობით, დასავლეთ საქართველოში ჰაერის ტემპერატურა აღნიშნულ პერიოდში 24–29 გრადუსამდე დაიწევს, აღმოსავლეთში კი 28–33 გრადუსამდე.

საქართველოს დედაქალაქში უნალექო ამინდები 11 აგვისტომდე შენარჩუნდება, შემდეგ კი მოსალოდნელია ხანმოკლე წვიმები ელჭექით. ჰაერის ტემპერატურა 3–5 გრადუსით დაიწევს.


0
თემები:
ამინდი საქართველოში