შეყვარებულები

ზოდიაქოს რომელი ნიშნების მამაკაცებს შეუძლიათ ძლიერი სიყვარული

23256
(განახლებულია 11:19 23.05.2019)
ბევრი ქალისთვის ცნება „მამაკაცის ღრმა სიყვარული" ირონიული და სასაცილოა. ისინი დარწმუნებული არიან, რომ მამაკაცისთვის ნამდვილი სიყვარული უცხო ხილია, კაცებს მხოლოდ სიჭაბუკეში უყვართ და მაშინაც ამ გრძნობას ჰორმონალურ აფეთქებებში ურევენ.

ასტროლოგიური თვალსაზრისით კი ეს ასე კატეგორიული სულაც არ არის. სპეციალისტები აცხადებენ, რომ სიყვარული და შეყვარება ძლიერი სქესის წარმომადგენლებსაც შეუძლიათ. არიან ზოდიაქოს ზოგიერთი ნიშნის წარმომადგენლები, რომლებსაც დიდი გული აქვთ და მათთვის სიყვარული ძალზე ღირებული გრძნობაა.

კურო

კუროს მთვარე და ვენერა მართავს, ამიტომ ის არ შეიძლება სიყვარულისადმი გულგრილი იყოს. კურო მამაკაცი ძალზე მოსიყვარულეა, რომანტიკული, მძაფრად რეაგირებს გრძნობებზე. მისი აზრით, გრძნობების გამოხატვა მამაკაცის საქმე არაა, ამიტომ ის მალავს ემოციების ქარიშხალს, სანამ საპასუხო გრძნობაში არ დარწმუნდება. შემდეგ კი კურო არ დაიშურებს არც ენერგიას, არც ფანტაზიას, გამომგონებლობას, რომ საყვარელი ქალი კვარცხლბეკზე აიყვანოს.

მაგრამ ყველა კურო მამაკაცს არ შეუძლია ჰარმონიული ურთიერთობების აწყობა და ამის მიზეზი ეჭვიანობაა. ეს გრძნობა ხანდახან ძალიან საშიში ხდება. პათოლოგიაში გადაზრდილ ეჭვიანობას კი ოჯახის დანგრევაც შეუძლია. სიყვარულში კურო მამაკაცი ბედნიერი იქნება თევზებთან, ქალწულთან და თხის რქასთან.

კირჩხიბი

მამაკაცი კირჩხიბის გულს მთვარე მართავს, ამიტომ მას მთელი გულით უყვარდება. ამით აიხსნება ასევე მისი ერთგულება, რომანტიკულობა და გრძნობების სიღრმე. ამას გარდა, მთვარემ ეს ნიშანი დაასაჩუქრა სენტიმენტალობითა და ემპათიით. გარეგნობით ყველაზე ბრუტალური კირჩხიბიც კი, სინაზისა და მოულოდნელი რომანტიკული სიურპრიზის დროს, ძალზე მგრძნობიარე ხდება. მას თავადაც შეუძლია სიურპრიზებით გაოცება, ქალის ლამაზად მოხიბვლა. კირჩხიბი მამაკაცი ხშირად თავის თავს ურთიერთობებსა და ოჯახში ხედავს. ის განსაკუთრებით სერიოზულად ირჩევს პარტნიორს და მხოლოდ პოტენციურ ცოლს ხვდება. თუ მან ქალში მეოჯახე ვერ დაინახა, ურთიერთობები გაცივდება.

კირჩხიბის სიყვარულში ერთი უკიდურესობაა: ის იმდენად დიდი რაოდენობით აგროვებს ამ გრძნობას, რომ ხშირად თავადაც ვერ უმკლავდება. თუ კირჩხიბს შეუყვარდა, მისგან თავის დაღწევა ძალზე რთულია, მას სიყვარულით შეუძლია "დაახრჩოს" თავისი საყვარელი ქალი. ასეთი სიყვარულის მიღება შეუძლიათ მხოლოდ ქალწულებს, კუროებსა და მორიელებს.

სასწორი

სასწორის ნიშნის მამაკაცებს ვენერა მართავს. მათ შეუძლიათ, იყვნენ საკუთარი გრძნობების ერთგული, ქალის გარშემო შექმნან სიყვარულის, ბედნიერებისა და ჰარმონიის ატმოსფერო. ურთიერთობები იქნება სტაბილური, შესაძლოა, არ იყოს ფოიერვერკებით სავსე, მაგრამ წონასწორობა და ჰარმონია გარანტირებულია. სასწორი სიყვარულში ერთგულია, მას წლებთან ერთად გული არ უცივდება და სიყვარული ყოფაში არ იკარგება. სწორედ მამაკაცი სასწორები არიან წყვილებში, რომლებიც ოქროს ქორწილს ზეიმობენ. სხვა ოჯახების მსგავსად, მათ ოჯახებშიც არის კამათი და ჩხუბი, კონფლიქტები, მაგრამ სასწორ მამაკაც ჰყოფნის მოთმინება და სიბრძნე, რომ კონფლიქტი მოაგვაროს. ამ ნიშნის წარმომადგენლებში დიპლომატია სისხლშია გამჯდარი.

სასწორთან ურთიერთობა არ გამოვა, თუ მას ანგარების მიზნით დაუკავშირდებით. როგორც კი იგრძნობს მამაკაცი, რომ მისი რჩეული არ აფასებს ან ვერ ხედავს მის სიყვარულს, უბრალოდ, იყენებს მას, ის ადგება და წავა. ამასთან, წავა სკანდალის გარეშე, ჩუმად. იდეალურად აეწყობა ურთიერთობები ქალ მერწყულთან, ტყუპთან და ლომთან.

თევზები

თევზები დიდსულოვანი და დიდებული ნეპტუნის ზეგავლენას განიცდიან. ამ ნიშნით დაბადებულ მამაკაცებში მას სიყვარულის გაღვივება ურთიერთსაწინააღმდეგო მხარეებით შეუძლია: სინაზე და ძალა, მგრძნობელობა და გაუცხოება, რომანტიზმი და სიმკაცრე. თვითონ ნიშანი იშვიათად არის ერთგული და პროგნოზირებადი, მაგრამ სიყვარულში ამ თანავარსკვლავედის წარმომადგენლები მაინც ახერხებენ გარკვევას.

სიყვარული თევზებისთვის - ეს, პრაქტიკულად, მშობლიური სახლია, სამყოფელი, სტიქია, თუ ისინი შეყვარებული არ არიან, ბედნიერს მათ ვერ უწოდებ. სიყვარულში მამაკაცი-თევზი ბედნიერებით არის აღსავსე. ის აღმერთებს საყვარელ ქალს, თუნდაც მას ის თვისებები არ გააჩნდეს, რომელიც მამაკაცს ქალში მოსწონს. საწინააღმდეგოს მტკიცებას აზრი არა აქვს - ვარდისფერ სათვალეზე ის უარს არ იტყვის. ის ბედნიერია თავის ილუზიებში და უარს ამბობს სინამდვილის მიღებაზე, რათა იმედი არ გაუცრუვდეს.

სწორედ ამიტომ ძალიან რთულია მამაკაც-თევზთან ურთიერთობების გაწყვეტა. ის ძალიან განიცდის თავის გრძნობებს და სახალხოდ შეუძლია ამაზე ისაუბროს. ერთადერთი, რასაც მისი იმედგაცრუება შეუძლია, ისაა, თუ ქალი არ წაახალისებს და სტიმულს არ მისცემს მის სიყვარულს. ამ შემთხვევაში ყველაფერი სავალალოდ დასრულდება - თევზ მამაკაცს თავისი თავიც უყვარს და სიცივეს ვერ აიტანს. როდესაც ქალისგან დიდი ხნის განმავლობაში ვერ იღებს საჭირო შეგრძნებებს, ის სხვის საძებნელად მიდის. მტკიცე ურთიერთობების აგება თევზ მამაკაცთან შეუძლიათ თხის რქებს, კუროებსა და მორიელებს.

23256
თემები:
ასტროლოგიური პროგნოზი ზოდიაქოს თითოეული ნიშნისთვის (186)
ქალი პლაჟზე

როგორ ვუმკურნალოთ მზის დამწვრობას: რჩევები რუჯის მოყვარულებს

56
(განახლებულია 21:08 06.08.2020)
ზაფხული ზღვის და რუჯის მიღების სეზონია. ზოგჯერ ნამზეურის მიღების სურვილი იმდენად დიდია, რომ რუჯის მოყვარულები არ ეპუებიან თაკარა მზეს, ამ დროს კი ადამიანი ერთდროულად იღებს როგორც მზით დამწვრობას, ასევე ხდება მისი სხეულის გადახურება და სითბური დაკვრაც...

მზის გულზე ადამიანი ვერ ხვდება, რომ დაიწვა, ამას მხოლოდ გარკვეული პერიოდის შემდეგ აფიქსირებს. მზის დამწვრობა ტრავმის ის სახეობაა, რომლის თავიდან აცილება შესაძლებელია, ან, დიდად მაინც არ დავზიანდებით, თუ ელემენტარულ წესებს დავიცავთ.

როგორ დავიცვათ თავი მზის დამწვრობისგან

მზეზე გასვლისას აუცილებლად გამოიყენეთ მზის სხივებისგან დამცავი კრემები და ლოსიონები. დამცავი კრემის შეძენისას დარწმუნდით, რომ ის შეეფერება თქვენი კანის ტიპს და ბლოკავს ულტრაიისფერ გამოსხივებას. მზისგან დამცავ კრემს უნდა ეწეროს UVA წრეში და UVA დაცვა სულ მცირე ოთხი ვარსკვლავით. მზისგან დამცავი ფაქტორი (Sun protection factor - SFP) მინიმუმ 15, ანუ SFP-15 – რომ დაგვიცვას გამოსხივებისგან. გაითვალისწინეთ, თუ მზისგან დამცავ კრემს წაისვამთ ძალიან თხლად და იშვიათად, ის ვერ დაგიცავთ სათანადოდ.

ზღვაზე შეგიძლიათ გახვიდეთ დილით 11 საათამდე და საღამოს 5 საათის შემდეგ. 11 საათიდან 5-მდე პლაჟზე გაყვანას განსაკუთრებით უნდა მოარიდოთ ბავშვები. ამ პერიოდში ქოლგის ქვეშ ყოფნაც კი ძალიან საფრთხილოა.

თუ მაინც გიწევთ თაკარა მზეზე გასვლა, დამწვრობის თავიდან ასარიდებლად ჩაიცვით შესაფერისი, თეთრი ფერის სამოსი. ამით მზის სხივების არეკვლა მოხდება. დაიფარეთ ისეთი ქუდი, რომელიც დაფარავს თავს, სახეს, კისერს და ყურებს. ჩაიცვით გრძელმკლავებიანი ზედა სამოსი, შარვალი ან გრძელი კაბა, რომელიც მჭიდრო ნაჭრისგან არის შეკერილი და არ ატარებს მზის სხივებს. ატარეთ მზის სათვალე, რომელიც მჭიდროდ გექნებათ მორგებული სახეზე.

რა სიმპტომები ახასიათებს მზის დამწვრობას

დამწვრობის შემდეგ შესაძლოა დაიწყოს ისეთი შეუქცევადი პროცესები, როგორიცაა კანის სიჭრელე, გაწითლება, ტკივილი, უსიამოვნო შეგრძნებები, კანკალი, მაღალი ტემპერატურა, რამდენიმე დღეში კანის შესიება, შესაძლოა განვითარდეს გამონაყარიც. სიმპტომთა სიმძიმე დამოკიდებულია კანის ტიპზე, მზეზე დაყოვნების ხანგრძლივობაზე და მზის დამცავი კრემის ხარისხზე.

როგორ ვუმკურნალოთ მზისგან დამწვრობას

თუ ზემოხსენებული სიმპტომები გამოიხატა, აუცილებელია დაზარალებულისთვის სამედიცინო დახმარების აღმოჩენა. ექიმთან კონსულტაციამდე კი აუცილებლად გაითვალისწინეთ რამდენიმე მნიშვნელოვანი ფაქტორი:

· პირველ რიგში დაზარალებულმა უნდა მიიღოს ტკივილგამაყუჩებელი საშუალება.

· არ უნდა დალიოს ცივი წყალი, რადგან ის აძლიერებს და აღრმავებს ციებ-ცხელებას.

· დამწვარ ადგილზე უნდა დავადოთ გრილი და არა ცივი კომპრესი.

· უნდა მიიღოს ჩაი, სუფთა და მინერალური წყალი.

· საშუალო სიმძიმის დამწვრობის დროს ადამიანმა რაც შეიძლება ბევრი წყალი უნდა დალიოს, რათა თავიდან აიცილოს გაუწყლოება.

· პაციენტმა უნდა მიიღოს გრილი აბაზანა საპნისა და სხვა დასაბანი საშუალებების გარეშე, ვინაიდან მათი გამოყენება კიდევ უფრო აძლიერებს კანის გაღიზიანებას.

· თუ უბნები ბუშტუკებით დაიფარა, სასურველია ის დოლბანდის საფენით გადაიხვეს, რათა თავიდან იქნას აცილებული ინფექციის შეჭრა.

გაითვალისწინეთ:

სახლის პირობებში მკურნალობის რეცეპტების, ბებიების მეთოდების, ისეთი, როგორიცაა, მაგალითად, კარაქით ან სოდით მკურნალობა, არ არის მართებული. ამას ხშირად უარეს შედეგამდე მივყავართ. დამწვრობის დროს ასევე არ გამოიყენოთ ლოსიონები, ბალზამები და ზეთები.

მეტად პოპულარული მეთოდია დამწვარ ადგილებზე მაწვნის წასმა. თუმცა, როგორც აღმოჩნდა, ამას არანაირი სამკურანლო თვისება არ გააჩნია.

„მაწონი, იოგურტი და სხვადასხვა საშუალება უბრალოდ სიმპტომებს ხსნის. სამწუხაროდ, მათ სამკურნალო თვისებები არ აქვს. მაგალითად, მაწონი დიდი რაოდენობით წყალს შეიცავს. წყლის აორთქლება სითბოს ართმევს ორგანიზმს და უბრალოდ გვსიამოვნებს. თუ ვართ ტყეში, ტრიალ მინდორზე და არაფერი ხელმისაწვდომი არ არის, შეგვიძლია მაწონიც წავისვათ, მაგრამ, რა თქმა უნდა, ჯობს აფთიაქში შეძენილი პრეპარატები, რომელთაც არა მარტო სიმპტომური, არამედ სამკურნალო თვისებებიც გააჩნიათ“, – ამბობს ხეჩინაშვილის სახელობის საუნივერსიტეტო კლინიკის დამწვრობის ცენტრის ხელმძღვანელი გუგა ქაშიბაძე.

სპეციალისტების რეკომენდაციით, გასათვალისწინებელია მხოლოდ ის მეთოდები, რომლებიც ხელს უწყობენ კანის გაგრილებას, რაც ამცირებს გაძლიერებულ სისხლის მიმოქცევას და ანთებას.

ჯანმრთელობას გისურვებთ!

 

56
თემები:
ჯანმრთელობა და სილამაზე
ქუჩის ძაღლები

ძალიან საშიშია ძაღლისთვის: ექსპერტებმა კატეგორიულად აკრძალული პროდუქტები დაასახელეს

180
(განახლებულია 19:49 05.08.2020)
კინოლოგებმა დაასახელეს ის პროდუქტები, რომელთა მიცემაც კატეგორიულად იკრძალება ძაღლებისთვის, ნახეთ – რა იცით და რა არა ჩამოთვლილიდან.

თბილისი, 5 აგვისტო — Sputnik. რუსეთის კინოლოგიური ფედერაციის თანამშრომლებმა ძაღლების ჯანმრთელობისთვის ყველაზე საშიში საკვები დაასახელეს, იუწყება РИА Новости.

ექსპერტების თქმით, ძაღლის ყველა მფლობელმა იცის, რომ არავითარ შემთხვევაში არ შეიძლება მათი „საერთო მაგიდიდან“ კვება, ანუ იმ პროდუქტის მიცემა, რომელსაც ადამიანები უშიშრად მიირთმევენ. მიუხედავად ამისა, ხშირია შემთხვევები, როდესაც პატრონი ცხოველის მუდარით სავსე გამოხედვას ვერ უძლებს და წესს არღვევს.

„არავითარ შემთხვევაში არ გაუმასპინძლდეთ ძაღლს საღამოობით ხორცისა თუ ყველის ნაჭრით — თუნდაც მის თვალებში მთელი სამყაროს სევდა ისახებოდეს“, — გვაფრთხილებენ სპეციალისტები.

მათი თქმით, სწორი კვება ცხოველისთვისაც ისევე საჭირო და აუცილებელია, როგორც ადამიანისთვის და ამ მხრივ ისინი არ განსხვავდებიან.

აკრძალული პროდუქტების ჩამონათვალში ექსპერტებმა შეიტანეს კაკაო და შოკოლადი, რადგან ისინი შეიცავს თეობრომინს, რაც საშიშია ძაღლებისთვის. ჩაი, ყავა და რძე ასევე შეიძლება საზიანო აღმოჩნდეს თქვენი ცხოველისთვის. გარდა ამისა, ექსპერტები არ გირჩევენ ავოკადოთი და კაკლით ძაღლის გამასპინძლებას.

ცხოველისთვის დისკომფორტის შემქმნელია ხახვი და ნიორი – როგორც ცოცხალი, ისე დამუშავებული სახით.

ასევე არ ღირს ძაღლების ქლიავით, ატმით, გარგრით, ალუბლით და ბლით გამოკვება — მათი მომატებული მჟავიანობის გამო. მით უმეტეს, რომ კურკებმა შეიძლება ნაწლავები დაუზიანოს ცხოველს.

გარდა ამისა, აკრძალულია მარილიანი და ტკბილი საკვები. შაქარი ანადგურებს ძაღლის კბილის მინანქარს და იწვევს დიაბეტს, ხოლო მარილი აუწყლოებს ორგანიზმს, რაც განსაკუთრებით საშიშია ცხელ ამინდში.

რუსეთის კინოლოგიური ფედერაციის წარმომადგენლები ცხოველების პატრონებს მოუწოდებენ, რომ თავიანთი ბინადრები მხოლოდ მაღალი ხარისხის მშრალი საკვებითა და ნატურალურ საკვებზე ვიტამინებისა და მინერალების დამატებით კვებონ.

180
თემები:
სასარგებლო რჩევები
საჰაერო ბურთები

ჭეშმარიტად უყვართ მხოლოდ ის, რაც არ იციან...

0
(განახლებულია 21:57 06.08.2020)
ქალმა უნდა აირჩიოს: მამაკაცთან, რომელიც სხვა ქალებს უყვართ, ის არასდროს იქნება მშვიდად; მამაკაცთან, რომელიც სხვა ქალებს არ უყვართ, ის არასდროს იქნება ბედნიერი...

აზრების ფოიერვერკი“ გთავაზობთ ანატოლ ფრანსის გამონათქვამებს.

ანატოლ ფრანსი (1844-1924), ფრანგი მწერალი და ლიტერატურული კრიტიკოსი
© photo: Sputnik /
ანატოლ ფრანსი (1844-1924), ფრანგი მწერალი და ლიტერატურული კრიტიკოსი

ანატოლ ფრანსი (Anatole France, ნამდვილი გვარია ანატოლ ფრანსუა ტიბო, ფრანგულად Anatole Thibault, 1844-1924) - ფრანგი მწერალი, რომანტიკოსი, ლიტერატურის კრიტიკოსი, ნობელის პრემიის ლაურეატი ლიტერატურის დარგში (1921). მისი ნაწარმოებებია: „თაისი“, „ჟერონ კუანიარის აზრები“, „სილვესტერ ბონარის დანაშაული“, „პინგვინთა კუნძული“, „ანგელოზთა აჯანყება“ და სხვა.

სიყვარულში მამაკაცებს ფორმები და ფერები სჭირდებათ, მამაკაცები სურათს ითხოვენ. ხოლო ქალები - მხოლოდ შეგრძნებებს. მათ უკეთესად უყვართ, ვიდრე მამაკაცებს, ისინი ბრმანი არიან.
ჩვენ საშიშად მიგვაჩნია ისინი, ვისი ტვინიც სხვაგვარადაა მოწყობილი, და უზნეოდ ისინი, ვისი ზნეობრიობაც ჩვენსას არ ჰგავს. სკეპტიკოსებს ვუწოდებთ მათ, ვისთვისაც უცხოა ჩვენი ილუზიები და კითხვაც არ გვიჩნდება, ხომ არ იციან მათ რაიმე სხვა ილუზიებიც.
გვინდა, რომ ვუყვარდეთ, ხოლო როცა ვუყვარვართ, ან გვაწამებენ, ან ყელში ამოჰყავთ.
მტრები მყავს, და ამით ვამაყობ.
ირონია - იმედგაცრუების ბოლო სტადიაა.
რელიგიამ სიყვარულს დიდი სამსახური გაუწია, როცა ის ცოდვად აქცია.

ორი რამ, რითიც ყველა მამაკაცი ამაყობს>>

ცივილიზაცია - ეს მეცნიერული ბარბაროსობაა.
ქალმა უნდა აირჩიოს: მამაკაცთან, რომელიც სხვა ქალებს უყვართ, ის არასდროს იქნება მშვიდად; მამაკაცთან, რომელიც სხვა ქალებს არ უყვართ, ის არასდროს იქნება ბედნიერი.


ადამიანს სჩვევია ბრძნული მსჯელობა და სულელური საქციელი.
ყველა ილუზიას შორის დიდება ყველაზე აბსურდული და ყველაზე დამღუპველია.
ძალზე ბრძენი უნდა იყო, რომ სიბრძნე ტვირთად არ აქციო.
ყველაზე იშვიათი სიმამაცე - ეს აზრის სიმამაცეა.
ის, ვინც რევოლუციები მოაწყო, სხვებს არ მისცემს უფლებას, მის მაგალითს მიბაძონ.
კანონები კარგია ან ცუდი არა თავისთავად, არამედ მათი გამოყენების ხერხის მიხედვით. ამა თუ იმ უკიდურესად უსამართლო დადგენილებას ბოროტება არ მოაქვს, თუ მოსამართლე მას ცხოვრებაში არ იყენებს. ზნეობა კანონებზე ძლიერია. ზნეობისა და ჩვეულებების კულტურულობა და სირბილე ერთადერთი წამალია კანონიერი ბარბაროსობის წინააღმდეგ.
სისულელე ხშირად ხელს უშლის სისულელის ჩადენას. ყველაზე სულელურად ყველაზე სულელი ადამიანები არ იქცევიან.

ამაოება ამაოებათა – როცა ყველაფერი აკრძალულია, მაშინ ყველაფერი ნებადართულია>>

უფრთხილდით მათ, ვინც საკუთარ თავს იტანჯავს: ისინი უნებლიეთ თქვენც დაგასახიჩრებენ.
კაცობრიობას ყველა დროში სიგიჟისა და სისულელის ერთნაირი მარაგი გააჩნია.
გიყვარდეს მგზნებარედ - ეს, რა თქმა უნდა, მშვენიერია, მაგრამ გიყვარდეს თავდადებით - კიდევ უკეთესი... ჭეშმარიტად უყვართ ის, ვინც უყვართ თავიანთი სისუსტეებით... დანდობა, პატიება, ნუგეში - აი, სიყვარულის მთელი მეცნიერება.

როცა ადამიანები შეწყვეტენ ერთმანეთზე გამარჯვებას, ისინი, ბოლოს და ბოლოს, ისწავლიან საკუთარ თავზე გამარჯვებას.
გონებრივი კულტურის გარეშე არ შეიძლება არსებობდეს დახვეწილი გრძნობები.
ომი - ბარბაროსობაა, რომელიც ცივილიზაციის განვითარებასთან ერთად გაქრება.
მოგზაურობა სხვა ყველაფერზე მეტად გვასწავლის. ხანდახან სხვა ადგილას გატარებული ერთი დღე მეტს გვაძლევს, ვიდრე სახლში ათი წელი ცხოვრება.
გონივრულ დასკვნებს ჯერ არავინ დაურწმუნებია.
სჯობს, ცოტა გაიგო, ვიდრე ცუდად.
სიტყვაზე მძლავრი არაფერია... სიტყვა ამარცხებს მრისხანეს და ანგრევს ციხესიმაგრეებს. ეს უხილავი იარაღია. მის გარეშე სამყარო უხეში ძალის ხელში იქნებოდა.

ნამდვილ სიყვარულს წერტილები არა აქვს...>>

ხშირად ბედნიერებას იმას ვუწოდებთ, რაც ჩვენ თვითონ არ განგვიცდია.
თვალმომჭრელი ჭეშმარიტება ფუჭი სიტყვაა იქ, სადაც მას თავს გახვევენ.
ყველა ღიმილი სიხარულს არ გამოხატავს ისევე, როგორც ყველა ცრემლი - უბედურებას.
ქალი მამაკაცის უდიდესი აღმზრდელია.

გულს შეუძლია ჭკუის მომატება, მაგრამ ჭკუა გულს ვერ გაზრდის.
როცა ადამიანი აზროვნებს, მას ეჭვები იპყრობს, მაგრამ როცა მოქმედებს - დარწმუნებულია.
არ ვიცით, რა ვუყოთ ჩვენს ხანმოკლე სიცოცხლეს, მაგრამ მაინც მარადიული სიცოცხლე გვინდა.
გულწრფელს ვუწოდებთ ქალს, რომელიც აუცილებლობის გარეშე არ ტყუის.
შური დემოკრატიული სახელმწიფოების კეთილისმყოფელია და მათ ტირანებისგან იცავს.
მხოლოდ ქალებმა და ექიმებმა იციან, როგორი აუცილებელი და სასარგებლოა ტყუილი.
ჭეშმარიტი სიყვარული არ საჭიროებს არც სიმპათიას, არც პატივისცემას, არც მეგობრობას; ის ცოცხლობს სურვილით და იკვებება სიცრუით. ჭეშმარიტად უყვართ მხოლოდ ის, რაც არ იციან.
არ მგონია, რომ ამ ქვეყანაზე იყო ეჭვიანობაზე უფრო დამამცირებელი ტანჯვა.
დაიმორჩილეთ თქვენი ვნებები და მათი ძალა გახდება თქვენი ძალა, მათი სიდიადე - თქვენი სილამაზე.
დემოკრატია ცუდად მართავს, სამაგიეროდ - ცოტას.

ბედნიერება ფრთებით მოდის, მაგრამ ყავარჯნებით მიდის>>

მომავალი - აწმყოშია, მაგრამ მომავალი წარსულშიცაა. ეს ჩვენ ვქმნით მას. თუ ის ცუდია, ჩვენი ბრალია.
ყოველთვის მხოლოდ საკუთარი შეცდომების გამო ვიტანჯებით.
მამაკაცები სიყვარულში უტყდებიან, სანამ მას იგრძნობენ, ხოლო ქალები - მას შემდეგ, რაც სიყვარულს გამოცდიან.

0
თემები:
აზრების ფოიერვერკი: ცნობილი ადამიანების ბრძნული გამონათქვამები