ვარსკვლავებიანი ცა

შეყვარებულებისთვის: როგორი სიყვარული შეუძლიათ ზოდიაქოს ნიშნებს

17805
(განახლებულია 15:56 13.02.2019)
მართალია, სიყვარულის საზომი აპარატი ჯერ არ გამოუგონიათ, მაგრამ ერთი რამ ცხადია: თითოეულ ადამიანს თავისებურად უყვარს, თავისებურად გამოხატავს ან არ გამოხატავს ამ სიყვარულს, ზოგი ძალზე ემოციურია, სხვა – თავშეკავებული და ა.შ.
17805
თემები:
ასტროლოგიური პროგნოზი: ჰოროსკოპი ზოდიაქოს ყველა ნიშნისთვის - 2018 (652)
როგორ გამოიყურება ჯანმრთელი თმა

გადაივლეთ თმებზე ძმარი და არა ბალზამ-კონდიციონერები: ექიმ-ტრიქოლოგის რჩევა

67
(განახლებულია 16:15 03.03.2021)
თავის კანისა და თმის დაავადებათა ერთ-ერთი ყველაზე ავტორიტეტული ამერიკელი სპეციალისტი გასწავლით, როგორ უნდა გამოიყენოთ ძმარი, თუ გსურთ ჯანმრთელი და აბრეშუმივით ბზინვარე თმა გქონდეთ

თბილისი, 3 მარტი — Sputnik. თმებს ნამდვილ სიჯანსაღესა და სილამაზეს მხოლოდ ერთი საშუალება, ნატურალური ძმარი სძენს, აცხადებს ერთ–ერთი ყველაზე ავტორიტეტული ტრიქოლოგი კალიფორნიაში (აშშ) ტონი ჩაარი.

„ძმრის გადავლების მთავარი სიკეთე ისაა, რომ ეს პროდუქტი ყველა ტიპის თმას უხდება: შეღებილსა და შეუღებავს, სწორსა თუ ხვეულს, მოკლესა და გრძელს, ცხიმინსა თუ მშრალს. მე ვაშლის ან ყურძნის ძმარს ვანიჭებ უპირატესობას, მაგრამ ეს არავითარ შემთხვევაში არ უნდა იყოს გაზავებული ესენცია. მხოლოდ და მხოლოდ ნატურალური პროდუქტი!“ — განმარტავს ჩაარი.

სპეციალისტი ასახელებს რამდენიმე სარგებელს, რომელიც თანამედროვე ბალზამების ნაცვლად ბებიების დროინდელი მეთოდის გამოყენებას მოაქვს თმებისთვის.

მოცულობა - ტრიქოლოგის თქმით, ძმრის გადავლების ერთ–ერთი უპირველესი უპირატესობა ისაა, რომ ზრდის თმების მოცულობას, რასაც ვერცერთი სხვა საშუალება ვერ უმკლავდება.

„თუ თხელი და წვრილღერიანი თმები გაქვთ, ძმარი მაგიურ ნაყენად მოგევლინებათ, რომელიც გაკეთებს იმას, რასაც სხვა ვერაფერი გაუმკლავდა. პირველ რიგში, უარი თქვით თმის კონდინციონერებზე. მეორე რიგში, არ ჩამოიბანოთ ძმარი, პირდაპირ ასე გაიშრეთ თმა. და მორჩა! სუნი ერთი საათის განმავლობაში თავისით გაქრება უკვალოდ“, — ამბობ ტონი ჩაარი.  

ფერის დაცვა - თუ ძმარს კვირაში ორ–სამჯერ გადაივლებთ თმაზე, ის უფრო დიდხანს შეინარჩუნებს ფერს. ეს იმიტომ, რომ ძმარი თმის კუტიკულის ქერცლს არ „აღებს“ და პიგმენტების გამორეცხისგან იცავს მას.

ბზინვა - ძმარი კარგად გამორეცხავს თმების ზედაპირზე არსებულ მიკრონახეთქებში ჩაგროვებულ თმის მოვლის ქიმიური საშუალებების ნარჩენებს და შესანიშნავად აღადგენს თმის აბრეშუმისმაგვარ ბზინვარებას.

სისუფთავე - ტონი ჩაარის თქმით, სტილისტები ურჩევენ კლიენტებს, რომ დრო და დრო გამოიყენონ თმების ღრმად გამწმენდი შამპუნები, რაც გამართლებულია. საქმე ისაა, რომ ყოველდღიური გამოყენების შამპუნები ბოლომდე ვერ აშორებს თმას ჭუჭყს. თუმცა ამ საქმეს, ტრიქოლოგის თქმით, ძმარიც არანაკლებ ეფექტურად უმკლავდება.

ამისათვის საჭიროა, რომ კი არ გადაივლოთ ძმარი, არამედ შამპუნივით შეიზილოთ თმებში და დაიმასიროთ თავის კანი.

გამარტივებული დავარცხნა - ვერცერთი კონდინციონერი თუ ბალზამი ვერ უზრუნველყოფს თმების ისეთ მარტივ ვარცხნას, როგორც ამას ძმარი აკეთებს. მის ამ თვისებას განსაკუთრებით ხშირი და ხუჭუჭა თმების მფლობელები დააფასებენ.

როგორ გამოვეყონოთ ძმარი

დაიბანეთ თმები ჩვეულებრივად იმ შამპუნით, რომელსაც იყენებთ. შემდეგ კარგად ჩამოიბანეთ ის თავიდან გამდინარე წყლით და ბოლოს გრილი წყალი გადაივლეთ თმებზე. ამის მერე მოიგროვეთ თმები საქოჩრეზე და შეეცადეთ, ისე გადაივლოთ ძმარი, რომ ის შეძლებისდაგვარად თანაბრად განაწილდეს მათზე.

გაითვალისწინეთ: საშუალო სიგრძის თმებისთვის დაახლოებით ერთი ჭიქა ძმარი იქნება საკმარისი – მეტი საჭირო არ არის.

მას შემდეგ, რაც ძმარს გადაივლებთ, დაელოდეთ, რომ ის თავისით ჩამოიწუროს — როგორც შესაძლებელია, შემდეგ კი პირსახოცით შეიშრეთ. ეფექტი უფრო თვალსაცემი იქნება, თუ ფენს არ გამოიყენებთ.

იმ შემთხვევაში, თუ სადმე გეჩქარებათ და ძმრის სუნის თავისით გაქრობას ვერ დაელოდებით, შეგიძლიათ თმებზე გრილი წყალი გადაივლოთ.

67
თემები:
სასარგებლო რჩევები
სასარგებლო ბურღულეული

შეცვალეთ თეთრი ბურღულეული მუქით: ნუტრიციოლოგი მიზეზებს განმარტავს

73
(განახლებულია 13:31 03.03.2021)
ცნობილი ნუტრიციოლოგი და დიეტოლოგი განმარტავს, რომელი ბურღულეული უნდა მიირთვათ იმისათვის, რომ ზამთარში დაგოვებული კილოგრამები სწრაფად მოიშოროთ

თბილისი, 3 მარტი — Sputnik. ჩაატარეთ რევიზია საკუთარ სამზარეულოებში და ყველა ღია ფერის ბურღულეული მუქი ფერის მარცვლეულით ჩაანაცვლეთ, წერს დიეტოლოგი და ნუტრიციოლოგი ოლგა დეკერი საკუთარ Instagram–ზე.

სპეციალისტის თქმით, ეს იმათთვისაა საჭირო, ვისაც წონაში სწრაფად დაკლება სურს.

დეკერი ასახელებს ხუთი სახის მუქი ფერის მარცვლეულს, რომელთა რეგულარული მიღებაც ზამთარში დაგროვებულ ზედმეტ კილოგრამებს ეფექტურად მოგაშორებთ.

დიეტოლოგის განმარტებით, მუქი ფერის ბურღულეულს განეკუთვნება: წიწიბურა, სიმინდი, ქერი (კონკრეტულად პერლოვის ბურღული), ყავისფერი ბრინჯი და ხორბლის სხვადასხვა სახეობები: ბულგური —  მდუღარე წყლით დამუშავებული, გამშრალი და შემდეგ დაფქვილი ხორბალი, ასლი, სპელტა — თანამედროვე ხორბლის წინაპარი, და ასევე პოლბა.

  • ამასთან ცნობილი სპეციალისტი გვაფრთხილებს, რომ, მიუხედავად წიწიბურის დიდი სიკეთეებისა, ამ ბურღულეულით განტვირთვის დღეების მოწყობა რეკომენდებული არ არის, ვინაიდან ასეთი ექსპერიმენტების შემდეგ „ორგანიზმი კიდევ უფრო დიდ მარაგებს დაიგროვებს“.

რაც შეეხება ხორბლეულს, დეკერი ამბობს, რომ ის ეხმარება ორგანიზმს იმუნიტეტის განმტკიცებაში, აუმჯობესებს კანის, თმებისა და ფჩხილების მდგომარეობას, ანელებს დაბერების პროცესს.

დიეტოლოგი განმარტავს პერლოვის სარგებელსაც და ამბობს, რომ ის მონაწილეობს ორგანიზმიდან ალერგენების გამოდევნაში, ამცირებს ცუდი ქოლესტერინის დონეს და წმენდს სისხლძარღვებს.

სპეციალისტი ს თქმით, ბულგური აუმჯობესებს ძილის ხარისხს და სტრესთან გამკლავებაში ეხმარება ადამიანს. გარდა ამისა, ბულგური შეიცავს მაგნიუმს — რომელიც, ამცირებს მეორე ტიპის დიბეტის წარმოქმნის რისკს, ასევე კალიუმსა და ფოსფორს — რომლებიც ამაგრებს ძვლებს, კვებავს კუნთებს და ამდიდრებს ტვინს ჟანგბადით.

სიმინდის ბურღული აჩქარებს ნივთიერებათა ცვლას, რის შედეგადაც ზედმეტი კილოგრამები სწრაფად ქრება. გარდა ამისა, სიმინდის ფაფა, რომელიც მდიდარია კალიუმით, კაროტინით, რკინითა და მაგნიუმით, აღადგენს კუჭ–ნაწლავის მუშაობასაც.

73
თემები:
ექიმი გირჩევთ
უზენაესი სასამართლოს შენობა

გვრიტიშვილი: მოსამართლეობის კანდიდატების შერჩევის პროცედურა არ შეჩერდება

0
(განახლებულია 18:10 03.03.2021)
პარლამენტს უნდა წარედგინოს არა მხოლოდ კანდიდატების სია, არამედ ინფორმაცია მათ შესახებ და იუსტიციის უმაღლესი საბჭოს დასკვნა.

თბილისი, 3 მარტი – Sputnik. უზენაესი სასამართლოს მოსამართლეობის კანდიდატების შერჩევასთან დაკავშირებით მიმდინარე პროცედურებს კანონიერების და მიზანშეწონილობის მიმართულებით არავითარი პრობლემა არ გააჩნია, ასე გამოეხმაურა იუსტიციის უმაღლესი საბჭოს მოსამართლე წევრი დიმიტრი გვრიტიშვილი ნაზი ჯანეზაშვილის დღევანდელ განცხადებას. 

დღეს იუსტიციის უმაღლესი საბჭოს არამოსამართლე წევრმა ნაზი ჯანეზაშვილმა უზენაესი სასამართლოს მოსამართლეობის კანდიდატების შესარჩევი კონკურსის შეჩერება მოითხოვა. მისი განცხადებით,  ოქტომბერში დაწყებული კონკურსის დროს არაერთი დარღვევა გამოვლინდა, რომლებიც ეხება როგორც კანონით გათვალისწინებულ პროცედურებს, ასევე ინტერესთა კონფლიქტს.

გვრიტიშვილის განცხადებით, საბჭოს წევრებს შორის ნათესაური ურთიერთობა არ არსებობს, მან ასევე გამორიცხა ინტერესთა კონფლიქტიც.

„საკითხები, რაზეც დღეს ჯანეზაშვილმა ისაუბრა, დიდი ხნის წინ  გავლილია. მიმდინარე პროცედურას პრობლემა არ აქვს, შესაბამისად, იგი გაგრძელდება“, - განაცხადა იუსტიციის უმაღლესი საბჭოს მოსამართლემ.

გვრიტიშვილმა კანდიდატთა შერჩევის ვადებზეც ისაუბრა და განმარტა, რომ შესარჩევი კონკურისთვის მკაცრი ვადები კანონით განსაზღვრული არ არის. კერძოდ, ეუთო/ოდირის მისიის, ვენეციის კომისიისა და არასამთავრობო სექტორის რეკომენდაციების გათვალისწინებით, მიზანშეწონილი არ არის, რომ კონკურსი მოკლე ვადებში გაიმართოს და დასრულდეს, რადგან საქმე ეხება სასამართლოს უმაღლესი ინსტანციის დაკომპლექტებას. 

უზენაესი სასამართლოს მოსამართლეების შერჩევა საქართველოსთვის ერთ-ერთი რთული თემაა, რომელმაც 2019 წლის დასაწყისში ხმაურიანი სკანდალი გამოიწვია. ვითარების დასამშვიდებლად მოსამართლეების შერჩევის ახალი წესები შემუშავდა. მათი ნაწილი უკვე შერჩეულია, თუმცა ყველა ადგილი არ შევსებულა, რადგან გადაწყდა, რომ წესები კიდევ გადაიხედოს და მოსამართლეების დამტკიცების საშუალება 2020 წლის მოწვევის პარლამენტს მიეცეს.

„დაკარგული შესაძლებლობა“: ევროკავშირი უზენაესი სასამართლოს მოსამართლეების შერჩევის შესახებ>>>

საქართველოში უზენაესი სასამართლოს მოსამართლეთა შერჩევის ახალი ეტაპი  გასული წლის ოქტომბერში დაიწყო.  მონაწილეობაზე განაცხადი 111-მა კანდიდატმა შეიტანა. იუსტიციის უმაღლესმა საბჭომ აქედან 50 კანდიდატი შეარჩია და დეკემბერში უმაღლესი სასამართლო ინსტანციის დასაკომპლექტებლად  მოსამართლის ცხრა ვაკანტურ ადგილზე 50 პრეტენდენტთან გასაუბრება დაიწყო.

მას შემდეგ, რაც პრეტენდენტების სია 9-მდე შემცირდება, დაიწყება კენჭისყრა თითოეულზე, რათა შემდეგ კანდიდატებები დასამტკიცებლად პარლამენტს წარუდგინონ. ამ სიაში მოხვდებიან ისინი, ვისაც იუსტიციის უმაღლესი საბჭოს წევრთა ხმების 2/3 ექნება.
საქართველოს უზენაესი სასამართლოს მოსამართლის პოსტის დასაკავებლად განცხადების შეტანა შეეძლოთ საქართველოს მოქალაქეებს, რომელთა ასაკი 30 წელზე მეტია, მოქმედ მოსამართლეებს არანაკლებ ხუთწლიანი პროფესიული გამოცდილებით, ასევე ყოფილ მოსამართლეებს პროფესიული მუშაობის არანაკლებ ხუთწლიანი გამოცდილებით.

 

0