მზის ამოსვლა დედამიწაზე ღია კოსმოსში

პლანეტების ზემოქმედება ადამიანების ცხოვრებასა და ბედზე ის, რაც უნდა ვიცოდეთ

12260
(განახლებულია 17:06 03.01.2019)
თითოეულ პლანეტას საკუთარი მახასიათებლები და თვისებები გააჩნია. აქედან გამომდინარე მოქმედებენ ისინი ადამიანების ცხოვრებაზე, წარმატებებსა და ბედზე. გაიგეთ, თუ რომელი პლანეტა კონკრეტულად რა სფეროს განაგებს ადამიანებისა და საზოგადოების ცხოვრებაში და როგორ გავლენას ახდენს მასზე
12260
თემები:
ასტროლოგიური პროგნოზი: ჰოროსკოპი ზოდიაქოს ყველა ნიშნისთვის - 2018 (652)
სისხლის ანალიზის აღება

უფრთხილდით რკინა-დეფიციტს: იცოდეთ გამომწვევი მიზეზები და შედეგები

36
(განახლებულია 14:17 21.01.2021)
ექიმი ასახელებს მიზეზებს, რომელთა გამოც ორგანიზმში რკინის დონე ქვეითდება და ჩნდება ძალიან სერიოზული დაავადებები

თბილისი, 21 იანვარი — Sputnik. ადამიანის ორგანიზმში რკინის დაბალი შემცველობის მიზეზები შეიძლება სხვადასხვა დაავადებები იყოს, აცხადებს ექიმი-ჰემატოლოგი სერგეი ზახაროვი.

რკინა არის ძალიან მნიშვნელოვანი ელემენტი ადამიანის ორგანიზმში. ის ასობით ცილოვანი მოლეკულისა და ფერმენტის აუცილებელი კომპონენტია. რკინის დეფიციტის ძირითადი გამოვლინება — ეს რკინადეფიციტური ანემიაა.

როგორც ექიმმა აღნიშნა, ჯანმრთელობის მსგავის პრობლემა შეიძლება წარმოიშვას სისხლის სისტემატიური დაკარგვის გამო.

„სისხლი იკარგება, თუ ადამიანს, მაგალითად, აქვს ეროზია კუჭში. მაშინაც კი, თუ ადამიანი ამ ეროზიით დღეში ერთ წვეთ სისხლს კარგავს, ეს დროთა განმავლობაში რკინის დეფიციტს გამოიწვევს“, — ამბობს ექიმი.

ზახაროვის თქმით, რკინადეფიციტი შეიძლება გამოიწვიოს ქრონიკულმა ჰემოროიმ და დაბალი მჟავიანობის გასტრიტმა, ვინაიდან ამ დროს ორგანიზმში რკინის შეწოვა არ მოხდება.

გარდა ამისა, რკინის უკმარისობის მიზეზი შეიძლება გახდეს გრძელვადიანი დიეტა და ვეგეტარიანლობა, ასევე ონკოლოგიური დაავადებები.

რა შეიძლება გამოიწვიოს რკინის დეფიციტმა?

  • რკინის დეფიციტის შედეგად მკვეთრად ქვეითდება  შრომის  უნარი;
  • უარყოფითად მოქმედებს მეხსიერებასა და სხვა მენტალურ ფუნქციებზე;
  • ბავშვებში რკინა-დეფიციტური ანემია იწვევს ყურადღების კონცენტრირების უნარის დარღვევას, მეხსიერების, შემეცნების პრობლემებსა და სწავლის უნარის დაქვეითებას. ხშირია აგრეთვე  ქცევითი დარღვევების განვითარების რისკი;
  • რკინის დეფიციტი იწვევს  ორგანიზმის იმუნიტეტის დაქვეითებას, რაც ხელს უწყობს ვირუსული  თუ ბაქტერიული ინფექციებით ავადობის მაღალ სიხშირეს;
  • შეიძლება შეაფერხოს ნაყოფის მოტორული ან მენტალური ფუნქციის ნორმალური განვითარება;
  • რკინა-დეფიციტური ანემია ორსულობის პერიოდში აფერხებს ნაყოფის ზრდას და აჩენს ნაადრევი მშობიარობის რისკს.
36
თემები:
ექიმი გირჩევთ
ევგენი კომაროვსკი

ყველაზე დიდი მტერი - ეს „უმაღლესი სისუფთავეა“: ცნობილი პედიატრი კატეგორიულად გაფრთხილებთ

267
(განახლებულია 18:30 20.01.2021)
ცნობილი ექიმის თქმით, ბავშვის სტერილურ გარემოში მოქცევა მას ბაქტერიებთან შეხვედრაში უშლის ხელს, რაც ასე აუცილებელია იმუნური სისტემისთვის

თბილისი, 20 იანვარი — Sputnik. ყველაზე სერიოზული ფაქტორი, რომელიც იმუნიტეტის განმტკიცებას აფერხებს — ეს ჭარბი სისუფთავეა, წერს ცნობილი უკრაინელი ექიმი, უმაღლესი კატეგორიის პედიატრი ევგენი კომაროვსკი.  

მისი თქმით, შესაძლოა ყველამ არ იცის, მაგრამ მეცნიერებისთვის უკვე ნათელია, რომ თანამედროვეობის უდიდესი პრობლემა — ეს უმაღლესი სისუფთავეა.

„ევოლუციური თვალსაზრისით, ჩვენ პრაქტიკულად სტერილურ პირობებში ვცხოვრობთ. ჩვენი შვილების იმუნური სისტემა ნორმალურად ვერ ვითარდება, ვინაიდან ისინი დაბადებისთანავე პრაქტიკულად სტერილურ გარემოში ხვდებიან: ყველაფერი ირეცხება, იხარშება, ძალიან ხშირად სტერილდება“, — ამბობს ექიმი.

კომაროვსკის თქმით, ამ ყველაფერს ემატება ისიც, რომ კორონავირუსის პირობებში, როცა გარშემო ყველგან სანიტაიზერები, დეზინფექტორები, ქლორი და ულტრაიისფერი გამოსხივებაა, ჩვენ კიდევ მეტად სტერილურპირობებში ვაქცევთ ბავშვებს. ამიტომ ადამიანის იმუნური სისტემა, რომელიც ყოველდღიურად უნდა ხვდებოდეს „მილიარდობით ბაქტერიას, მხოლოდ მილიონობითს ხვდება“.

  • „შედეგად, იმუნური სისტემა ცდილობს მოედოს ყველაფერს, რაც თუნდაც ოდნავ ჰგავს ბაქტერიებსა თუ ვირუსებს. ამიტომაც გვაქვს ალერგიული და აუტოიმუნური დაავადებების საშინელი აფეთქებები“, — განმარტა პედიატრმა.

ცნობილი ექიმი პრობლემის მოგვარების გზას ბავშვებისთვის საკვების სახით ისეთი მიკროორგანიზმების დამატებით მიცემაში ხედავს, რომლებიც სახიფათო არ არის ორგანიზმისთვის და იმუნურ სისტემას ავარჯიშებს.

კომაროვსკი დარწმუნებულია, რომ იმუნიტეტთან დაკავშირებული პრობლემების პროფილაქტიკის უფრო საიმედო მეთოდი — ეს არის არა რძემჟავა ბაქტერიები, არამედ მრავალფეროვანი კვება, სტერილურობის არარსებობა, ბავშვის ძალით გამოკვებაზე უარის თქმა — როცა მას არ შია, და ასევე ფიზიკური აქტივობა, რის შემდეგაც ბავშვიც და ზრდასრულიც აუცილებლად მოდის მადაზე.

თუმცა, როგორც სპეციალისტი ამბობს, თუ ზემოთ ჩამოთვლილს რძემჟავა პროდუქტებს — იოგურტებს, კეფირებსა და მაწონს დავამატებთ, ნამდვილად დიდ სარგებელს მივიღებთ.

267
თემები:
ექიმი გირჩევთ

„ნახე რა მოგიტანე...“ - ია ფარულავა ტარიელ სუარის დედას ესტუმრა - ვიდეო

0
(განახლებულია 14:13 21.01.2021)
ტარიელ სუარი და მისი დედა იუბილარები არიან. ასე აღნიშნა მათთან ერთად ეს დღესასწაული მსახიობმა ია ფარულავამ. ნახეთ რა აჩუქა ყოფილ დედამთილს

მსახიობი ია ფარულავა და მისი ყოფილი მეუღლე ტარიელ სუარი ტარიელის დედას, მზიკოს ესტუმრნენ. „ინსტაგრამის“ „სთორიზე“ გამოქვეყნებული ვიდეოდან ირკვევა, რომ დედა-შვილს დაბადების დღე ერთ დღეს აქვს. იამ კი მათი იუბილის აღნიშვნა ტარიელის დედასთან სტუმრობით აღნიშნა.

ტარიელ სუარმა დედას ტორტი მიუტანა, იამ კი ულამაზესი ბრენდირებული ზედა. „ჩააცვით საჩუქარი“ - მიმართა მან ქალის მომვლელს. ახალ ზედაში ტარიელის დედა არაჩვეულებრივად გამოიყურება. ირკვევა, რომ მან მძიმე ავადმყოფობა გადაიტანა რამდენიმე წლის წინ და ახლა დამოუკიდებლად ვერ უვლის საკუთარ თავს.

მსახიობმა ხუმრობით აღნიშნა, რომ ტარიელი ისე უვლის დედას, აღარ ეშინია სიბერის, რადგან იცის, რომ ტარიელი კარგად მოუვლის. როგორც ჩანს, წყვილი რამდენიმეწლიანი განშორების შემდეგ კვლავ ერთად ცხოვრობს. ამას მოწმობს ბოლო დროს იას მიერ გამოქვეყნებული ვიდეოები.

ერთ-ერთ ბოლო ვიდეოზე, რომელიც მსახიობის სახლშია გადაღებული, ტარიელი იას ჩექმის გახდაში ეხმარებოდა. „აი, რა საჭიროა სახლში კაცის ყოფნა“, - ამბობდა მსახიობი. თავის დროზე დიდი გამოხმაურება მოჰყვა იმ ფაქტს, რომ ია ფარულავას გვერდით მუსიკოსი ტარიელ სუარი გამოჩნდა, რომელთან ერთადაც მსახიობმა ცხოვრება გადაწყვიტა. მათი ურთიერთობა საკმაოდ ორიგინალურად განვითარდა, რაც ქართველი მაყურებლისთვისაც განსაკუთრებულად დასამახსოვრებელი აღმოჩნდა.

View this post on Instagram

A post shared by Ia Parulava (@ia_parulava)

ტარიელს იას მიმართ გრძნობები მრავალი წლის მანძილზე ჰქონდა, სოციალურ ქსელში მისი გაცნობა მოახერხა და ყველაფერი ასე დაიწყო. შემდეგ იყო ხელის თხოვნა სცენაზე და ქორწინება. სოციალურ ქსელში ბოლო დროს ია ფარულავა განსაკუთრებით აქტიურია – მისი „ინსტაგრამი“ საგრძნობლად გააქტიურდა. მსახიობი ხშირად აქვეყნებს „სთორებს“, სადაც აქტუალურ საკითხებზე კომენტარებს არ ერიდება.

View this post on Instagram

A post shared by Ia Parulava (@ia_parulava)

მსახიობმა ცოტა ხნის წინ მოულოდნელად ყოფილ მეუღლესთან ტარიელ სუართან ერთად გადაღებული ვიდეო გამოაქვეყნა. აღმოჩნდა, რომ ყოფილი წყვილი სამედიცინო ველნეს კურორტ ბიოლიში ერთად ისვენებდა. ია ფარულავამ დათოვლილი სასტუმროდან ულამაზესი ვიდეო გამოაქვეყნა.

View this post on Instagram

A post shared by Ia Parulava (@ia_parulava)

მსახიობი ია ფარულავა 2014 წელს გიტარისტ ტარიელ სუარზე მოულოდნელად გათხოვდა. წყვილი ასევე ხმაურიანად დაშორდა. მისი მეუღლე დაშორების მიზეზებზე თავად წერდა facebook-ის პირად გვერდზე და დაშორების მიზეზად ია ფარულავას და მისი „პარიკმახერის“ მიმოწერას ასახელებდა, სადაც ისინი თითქოს მას უღირს, ავადმყოფ და არაადეკვატურ ადამიანს უწოდებდნენ, აგინებდენ დედას, იმუქრებოდნენ მისი მოშორებით, რის გამოც სიბრაზისგან თავი ვერ შეიკავა და მინა ჩაამტვრია.

0
თემები:
სელებრითების ცხოვრება