ბულგარული წიწაკა

წარმოშობით სამხრეთამერიკული, მაგრამ მაინც - ბულგარული

2773
(განახლებულია 13:13 29.01.2018)
რატომ ეწოდება სამხრეთ ამერიკიდან შემოსულ ბოსტნეულს ბულგარული ჩვენთან და არა ევროპის სხვა ქვეყნებში, ან თავად ამერიკაში

წიწაკა (Capsicum) — მცენარეთა გვარი ძაღლყურძენასებრთა ოჯახისა. მრავალწლოვანი ბუჩქბალახი, კულტურაში ერთწლოვანი ბოსტნის მცენარეა. გვხვდება წიწაკის 4 სახეობა, განასხვავებენ წიწაკის ცხარე და ტკბილ ჯიშებს. ცხარეს იყენებენ საკმაზ-სანელებლად, ტკბილს — საკონსერვო და კულინარიულ წარმოებაში. ბულგარული წიწაკა ტკბილი წიწაკის სახეობაა.

ბულგარული წიწაკის სამშობლო, მიუხედავად მისი დასახელებისა, სამხრეთ ამერიკაა, ის ევროპაში კოლუმბის ექსპედიციის შემდეგ გამოჩნდა. პირველი ევროპული ქვეყანა, რომელმაც ამ წიწაკის მოყვანა დაიწყო, ესპანეთი იყო. 

რატომ ეწოდება სამხრეთ ამერიკიდან შემოსულ ბოსტნეულს ბულგარული ჩვენთან და არა ევროპის სხვა ქვეყნებში, ან თავად ამერიკაში, ამაზე სხვადასხვა ვერსია არსებობს და დაკავშირებულია იმასთან, რომ ამ წიწაკის გავრცელება რუსეთში და მთლიანად ყოფილი საბჭოთა კავშირის რესპუბლიკებში ბულგარელებს უკავშირდება. ერთ–ერთი ვერსიით, გასული საუკუნის 50–60-იან წლებში, როცა ბულგარეთი „გასოციალისტურდა“, საბჭოთა კავშირის ბაზარზე შემოიტანა აგრარული პროდუქცია, მათ შორის – წიწაკა. აქედან – როგორც ბულგარეთიდან შემოტანილი წიწაკა – დამკვიდრდა მისი დასახელება და გავრცელდა მათ შორის საქართველოშიც. ბულგარეთში დიდი ხანია მოჰყავდათ წიწაკის ეს სახეობა და, ზოგადად, ბულგარელმა სელექციონერებმა გამოიყვანეს ტკბილი და მსხვილნაყოფიანი ჯიშები, რომელსაც ვუწოდებთ სწორედ ბულგარულ წიწაკას (ცნობისათვის – თავად ბულგარელები ამ წიწაკას, უბრალოდ, ტკბილ წიწაკას უწოდებენ).

ბულგარული წიწაკა თავისი შემცველობით უნიკალური პროდუქტია. მასში შედის ვიტამინები – А, С, Р, В–ჯგუფის – В1, В2, В3, В5, В6, В9; მინერალური ნივთიერებები – კალიუმი, კალციუმი, ნატრიუმი, ფოსფორი, მაგნიუმი, ქლორი, რკინა, ფტორი, თუთია, იოდი; ის შეიცავს უჯრედისს, ცილებს, ნახშირწყლებს, ალკალოიდებს და სხვა.

ბულგარული წიწაკა დაბალკალორიულია (28 კკალორია 100 გრამ პროდუქტზე) და დიეტური პროდუქების რიცხვს განეკუთვნება, ხოლო С და А ვიტამინების შემცველობით იმუნიტეტის ამაღლებისუნარიანი პროდუქტების სიაში ლიდერის პოზიციები უკავია. თავისუფალი რადიკალების ნეიტრალიზაციის თვისებით მცენარის ნაყოფს დაავადებების დიდი სპექტრის მკურნალობაში შეუძლია დახმარება. 

ასევე აღსანიშნავია, რომ თერმული დამუშავების შედეგად ბულგარულ წიწაკაში სასარგებლო ნივთიერებების დიდი ნაწილი არ ნადგურდება.

ბულგარული წიწაკის გამოყენება რეკომენდებულია სახსრების ტკივილისა და მაღალი ქოლესტერინის დროს.

ვიტამინი В6–ისა და ფოლიუმის მჟავის დიდი შემცველობის წყალობით მცენარე აბრკოლებს იშემიური დაავადებების განვითარებას. 

ბულგარული წიწაკა რეკომენდებულია მწეველებისთვისაც – ის ტოქსინებისგან წმენდს ფილტვებს და იცავს პათოლოგიური ცვლილებებისგან. სასუნთქი გზების ენფიზემის დროს მის მიღებას ყოველდღიურად ურჩევენ.

ბულგარული წიწაკა დადებითად მოქმედებს საჭმლის მომნელებელ სისტემაზე, აქვს ანტიბაქტერიული და ანთების საწინააღმდეგო ეფექტი.

ნაადრევი დაბერების, სისხლძარღვების დაზიანების დამცველად წიწაკაში შემავალი Р ვიტამინი და ასკორბინის მჟავა გვევლინება, ის ხელს უწყობს კაპილარების კედლების სიმტკიცეს და ელასტიკურობას. ის ათეროსკლეროზისა და თრომბოზის კარგი პროფილაქტიკური საშუალებაა.

ბულგარული წიწაკა, რომელიც თავისი უნიკალური თვისებებით სტაფილოს უთანაბრდება, ასევე ცნობილია სასარგებლო თვისებებით ფრჩხილებისა და თმის ზრდისა და გამაგრებისთვის. ის მოქმედებს მხედველობაზე და კანის რეგენერაციაზე.

ეს პროდუქტი თავიანთ რაციონში უნდა ჩართონ ადამიანებმა, ვისაც აქვს კანის დერმატიტი, შაქრიანი დიაბეტი, განსაკუთრებით, თუ აწუხებს მუდმივი უძილობა და სტრესი, გაფანტულობა და ცუდი მეხსიერება.

განსაკუთრებით კარგად მოქმედებს ბულგარული წიწაკა ინტელექტუალური შრომით დაკავებულ და ასაკოვან ადამიანებზე – ის მათი მთავარი დამხმარე და მკურნალია.

მასში დიდი რაოდენობით მიკრო- და მაკროელემენტების შემცველობა ძალიან კარგად მოქმედებს ქალების, განსაკუთრებით ორსულების ჯანმრთელობაზე – რომ არ შეიქმნას პრობლემები ძვლოვან სისტემასთან, თმასთან, კბილებთან და ფრჩხილებთან დაკავშირებით, ბულგარული წიწაკა ყოველდღე უნდა იყოს მათ რაციონში. ასევე კარგია ის მამაკაცებისთვის – გამელოტების პროცესს აფერხებს.

ბულგარული წიწაკა შედის ნევრალგიების, რადიკულიტისა და ართრიტის სამკურნალო სხვადასხვა მალამოს, პლასტირის შემადგენლობაში.

ცოტა ხნის წინ იტალიელმა მეცნიერება ბულგარულ წიწაკაში აღმოაჩინეს ნივთიერება, რომელიც ავთვისებიანი სიმსივნის წარმოქმნას აფერხებს. ეს ნივთიერება განსაკუთრებით მწვანე ბულგარულ წიწაკაშია.

ბულგარული წიწაკა ეხმარება შემდეგი დაავადებების განკურნებას:

დეპრესია

შაქრიანი დიაბეტი

დერმატიტი

ცენტრალური ნერვული სისტემის დაავადებები

ძალების დაქვეითება

კანის, ფრჩხილების, თმის პრობლემები

დაბალი იმუნიტეტი

ოსტეოპოროზი

მადის უქონლობა

ჰიპერტონია

ანემია

სისხლის შედედების მაღალი მაჩვენებელი

გაზები, სპაზმები და კოლიკები ნაწლავებში

ბულგარული წიწაკის მიღება არ შეიძლება წყლულების, გასტრიტის მომატებული მჟავიანობით, კოლიტის, ჰემოროის, ღვიძლისა და თირკმელების ქრონიკული დაავადებების დროს.

ბულგარული წიწაკა
ბულგარული წიწაკა
საინტერესო ინფორმაცია: ბულგარულ წიწაკას აქვს სქესი – თუ ის ოთხი განყოფილებისგან – სექციისგან შედგება, მაშინ – „გოგოა“, თუ სამისგან – „ბიჭი“. „გოგო“ წიწაკა უფრო ტკბილი და რბილია, ხოლო „ბიჭი“ – უფრო მომჟავო და მყარი.

2773
თემები:
სასარგებლო რჩევები -2018 (202)
დიეტა

როგორ შევინარჩუნოთ სასურველი წონა დიეტის შემდეგ

611
(განახლებულია 18:55 29.10.2020)
ყველა ადამიანს სურს სასურველი წონა ჰქონდეს და ყოველთვის მსუბუქად გრძნობდეს თავს, ამისთვის კი ხშირად მიმართავენ დიეტას.

შესაძლოა სასურველ წონას მალე მივაღწიოთ, ან ამისთვის დიდი დრო და ძალისხმევა დაგვჭირდეს. ყველა შემთხვევაში საჭიროა მიღწეული შედეგის შენარჩუნება. დიეტის შემდეგ ყველაზე რთული კი სწორედ წონის შენარჩუნებაა.

როგორც წესი, დიეტის შემდეგ, როცა უბრუნდებით ცხოვრების ჩვეულ რიტმს და კვების რაციონს, დაკლებული კილოგრამებიც თავიდან იწყებს მატებას.

სტატისტიკის მიხედვით, დიეტის შემდეგ ადამიანების მხოლოდ 5% ახერხებს წონის შენარჩუნებას. როდესაც ადამიანი ცდილობს დიეტით, შიმშილით წონაში დაკლებას, ამით სტრესში აგდებს საკუთარ ორგანიზმს. რა თქმა უნდა, ადამიანი იკლებს წონაში, მაგრამ მას შემდეგ, რაც უბრუნდება მისთვის ჩვეული ცხოვრების რიტმს, აღარ შიმშილობს და იწყებს ჭამას, შესაძლებელია კვლავ მოიმატოს წონაში. ორგანიზმს ეშინია, რომ ისევ შიმშილის ფაზაში ჩავარდება და ორმაგად იგროვებს მარაგს, რათა მოსალოდნელ შიმშილს გაუძლოს.

ადამიანების უმრავლესობა, რომლებიც აპირებენ ჭარბ წონასთან ბროძლას, ამას თვითნებურად აკეთებენ და არ მიმართავენ სპეციალისტს. თუმცა, დაგვეთანხმებით, რომ აუცილებელია ექიმთან გაიაროთ კონსულტაცია და დიეტის წინ გაარკვიოთ, ხომ არ არის ჭარბი წონის მიზეზი ნივთიერებათა ცვლის დარღვევა ან სხვა დაავადება და არა ცუდი რაციონი. ამ შემთხვევაში დიეტის ნაცვლად კვალიფიკაციური მკურნალობაა საჭირო.

ჩვენ შემოგთავაზებთ რამდენიმე მარტივ მეთოდს, რომელიც დიეტის შემდეგ წონის შენარჩუნებაში დაგეხმარებათ.

არ მიირთვათ გვიან – ეს პირველი წესია, რომელიც სასურველი წონის შენარჩუნებაში დაგეხმარებათ. ყველაზე მავნებელი კალორიები სწორედ ძილის წინ გროვდება, ამიტომ ბოლო კვება მიიღეთ 8 საათზე. თუ ძალიან გშიათ და ვერ იკავებთ თავს, შეგილიათ მიირთვათ დაბალკალორიული მაწონი, კეფირი ან იოგურტი.

გაითვალისწინეთ, ორგანიზმი მალევე უბრუნდება ძველ კვებით რეჟიმს. ამიტომ დიეტის დასრულების შემდეგ ეცადეთ ნელ-ნელა და მცირე ულუფებით მიიღოთ ის საკვები, რაც ძალიან გიყვართ. გაზარდეთ კალორიულობა ნელ-ნელა, დღეში 10-12%-ით. მაგალითად, თუ თქვენი დიეტის პირობაა 1500 კალორია დღეში, გაზარდეთ ის 1650-1800 კალორიამდე ერთი კვირის განმავლობაში. პირველი კვირის შემდეგ, როდესაც მიაღწევთ განსაზღვრულ კალორიულობას, გააგრძელეთ კალორიების გაზრდა 5-10%-მდე 1-3 კვირის მანძილზე მე-8 კვირამდე. საკვების ნელ-ნელა შეჩვევა ორგანიზმს არ მისცემს საშუალებას კვლავ მოიმატოთ წონაში.

კვირაში ერთი დღე მოიწყვეთ განტვირთვის დღე.

განტვირთვის დღე წყლით ყველაზე ეფექტურია, მაგრამ ყველაზე რთულიც. მთელი დღის განმავლობაში უნდა სვათ მხოლოდ წყალი, სულ 2-3 ლიტრამდე და არაფერი მიირთვათ. ასეთი განტვირთვის დღე საკმარისია გააკეთოთ კვირაში ერთხელ.

ასევე შეგიძლიათ გააკეთოთ განტვირთვის დღე კეფირით. დღის განმავლობაში უნდა მიიღოთ მხოლოდ ერთი ლიტრი კეფირი ან მაწონი, სასურველია - უცხიმო.

განტვირთვის დღე აგრეთვე შეიძლება მოიწყოთ ხაჭოთი. მთელი დღის განმავლობაში უნდა მიირთვათ 600 გრამი უცხიმო ხაჭო, ნაკლებცხიმიანი არაჟნით. ეს ულუფა ხუთ ნაწილად უნდა გაყოთ და დღის განმავლობაში გადაანაწილოთ.

როგორც დიეტის დროს, ისე მისი დასრულების შემდეგ მნიშვნელოვანია ფიზიკური დატვირთვა. ივარჯიშეთ, იარეთ ცურვაზე, ხოლო თუ ამის საშუალება არ გაქვთ, იარეთ ფეხით, ისეირნეთ სუფთა ჰაერზე.

სასურველია, თუ არ მიიღებთ ალკოჰოლს და არ მოწევთ სიგარეტს. არ გამოაშროთ ორგანიზმი, არ შეუწყოთ ხელი მის გაუწყლოებას. დღის განმავლობაში დალიეთ ორ ლიტრამდე წყალი. ასევე კარგია მწვანე ან ბალახეული ჩაის დალევა.

ჯანმრთელობას გისურვებთ!

 

611
თემები:
ჯანმრთელობა და სილამაზე
ქალი და მამაკაცი

ცალკე კაცებისთვის და ცალკე ქალებისთვის: რა არის საჭირო უკეთესი სექსისთვის

328
(განახლებულია 16:53 29.10.2020)
მსოფლიოს სხვადასხვა ქვეყნის მეცნიერებმა კვლევებით დაადგინეს, რა უწყობს ხელს სექსუალური ლტოლვის ზრდას მამაკაცებში და რა – ქალებში.

თბილისი, 29 ოქტომბერი — Sputnik. მამაკაცები, რომლებიც ორგანულ საკვებს ანიჭებენ უპირატესობას, ნაკლებად უჩივიან ერექციულ დისფუნქციას, ქალების სექსუალობაზე კი ხმელთაშუა ზღვის დიეტა მოქმედებს დადებითად, აცხადებენ ამერიკელი მკვლევარები, რომელთა ნაშრომიც გამოქვეყნებულია სამეცნიერო ჟურნალში Science Direct.  

ვნახოთ, რომელი პროდუქტები უწყობს ხელს სქესობრივი ლტოლვის ზრდას და ჯანმრთელ ოჯახურ ცხოვრებას.

კვება მამაკაცებისთვის

40 წელს გადაცილებული მამაკაცების 30-52% უჩივის სხვადასხვა სახის სექსუალურ დარღვევებს, რომლებიც ყველაზე ხშირად არასრულფასოვან ერექციას უკავშირდება.

ამ დარღვევების აღმოსაფხვრელად მკურნალობის უამრავი საშუალება არსებობს, მათ შორის ქირურგიული ჩარევაც. თუმცა კალიფორნიის უნივერსიტეტის უროლოგიის განყოფილების მკვლევარები პროფესორ ფაიზალ იაფის ხელმძღვანელობით პრობლემას სხვა კუთხით მიუდგნენ და შეამოწმეს, როგორ მოქმედებს ამ ყველაფერზე კვება. ამისათვის მკვლევარებმა დეტალურად შეისწავლეს ყველა იმ მამაკაცის ცხოვრებისა და კვების წესი, რომლებმაც მათ ერთი წლის განმავლობაში მიმართეს სქესობრივი დარღვევების ჩივილებით.

აღმოჩნდა, რომ გამოკითხული 271 ადამიანიდან 65 პროცენტი „ჩვეულებრივად“ იკვებებოდა, ხოლო დანარჩენი დიეტას იცავდა — ისინი მიირთმევდნენ ორგანულ და გადაუმუშავებელ საკვებს, ერიდებოდნენ კონსერვებსა და ნახევარფაბრიკატებს. ამასთან, 28% მიმართავდა პერიოდულ შიმშილობასაც. როგორც გაირკვა, ჯანსაღი დიეტის მომხრეები ნაკლებად უჩიოდნენ ერექციასთან დაკავშირებულ პრობლემებს.

კვლევის ავტორები აღნიშნავენ, რომ ორგანული დიეტა აუმჯობესებს თვითშეგრძნებას და უზრუნველყოფს ენერგიის ნაკადს, რაც, თავის მხრივ, ზრდის ლიბიდოს. შეიძლება ვივარაუდოთ, რომ ასეთი საკვები ნაკლებად შეიცავს ქიმიკატებს, რომლებიც ნერვულ სისტემას თრგუნავს, სამაგიეროდ შეიცავს მეტი რაოდენობით ვიტამინებსა და ანტიოქსიდანტებს, აქვთ მაღალი კვებითი ღირებულება. ამასთან, არსებობს მტკიცებულებები, რომ პერიოდული (წყვეტილი) შიმშილობა ზრდის მამაკაცური ჰორმონის, ტესტოსტერონის დონეს.

მეცნიერები აღნიშნავენ, რომ კვლევაში მცირე რაოდენობის ადამიანი იღებდა მონაწილეობას და ამიტომ ფრთხილ დასკვნებს აკეთებენ: იმის მტკიცება, რომ სექსუალურ მაჩვენებლებზე მხოლოდ დიეტა ახდენს გავლენას, დანამდვილებით არ შეიძლება. ასევე ექსპერიმენტის შედეგები არ შეიძლება გავრცელდეს მათზე, ვინც იცავს სხვა სახის დიეტებს: კეტოდიეტას, მთელმარცვლიანს, პალეო-, ვეგეტარიანულ თუ ვეგანურ დიეტებს. სწავლულების თქმით, ამ შემთხვევებში ცალკე კვლევაა საჭირო.

დიეტა ქალებისთვის

ზემოთ ნახსენები კვლევიდან ერთი წლის შემდეგ მკვლევართა იმავე გუნდმა გამოაქვეყნა მონაცემები ქალის სექსუალობასა და კვებას შორის კავშირის შესახებ. სტატისტიკის თანახმად, სქესობრივი ფუნქციის პრობლემები ქალების 43 პროცენტს აქვს, თუმცა ეს რიცხვი რეალურად შეიძლება გაცილებით მეტი იყოს. საქმე ისაა, რომ ასეთი ჩივილებით იშვიათად მიმართავენ ექიმებს.

მეცნიერებმა შენიშნეს, რომ მეტაბოლური სინდრომი, ჭარბი წონა და გულ-სისხლძარღვთა დაავადებები ხშირად იწვევს ქალებში სექსუალურ დისფუნქციას. დიეტა ასეთი მდგომარეობების თერაპიის ნაწილია. ჩვეულებრივი რაციონი აშკარად არაჯანსაღია, ვინაიდან მოიცავს ბევრ შემწვარს, ცუდ ცხიმებსა და ინდუსტრიულად გადამუშავებულ პროდუქტებს.

სულ სხვაა ხმელთაშუა ზღვის დიეტა, რომელიც მდიდარია ბოსტნეულით, თევზით, მთელმარცვლეულით. არსებობს მონაცემები, რომ ზემოთ ჩამოთვლილი დაავადებების მქონე ქალებში ამ ტიპის დიეტა აუმჯობესებს სქესობრივ ცხოვრებას.

პროდუქტები უკეთესი სექსისთვის

ირანელ, კანადელ და ალბანელ მამაკაცებზე ჩატარებულმა კვლევებმა აჩვენა, რომ თუ ყოველდღიური მენიუს მეათედი ხილისა და ბოსტნეულისგან შედგება, სქესობრივი დისფუნქციის რისკი ნაკლებია. კაკალი და ბოჭკოებით მდიდარი საკვებიც ასევე ეფექტურია.

ტროპიკული ამაზონის ტომების მამაკაცები იშვიათად განიცდიან ერექციულ დისფუნქციას და ნაადრევ ეაკულაციას. მათი რაციონი შედგება მდინარის თევზის, ბრაზილიურ კაკლის, ხილისა და ბოსტნეულისგან.

სექსუალურ ლტოლვას აძლიერებს ისეთი საკვები, როგორებიცაა: კაკალი, გოგრის თესლი, ქუნჯუთი და ასევე მდელოს ბალახით ნაკვები საქონლის წითელი ხორცი.

ჩინელმა მეცნიერებმა დაადგინეს, რომ ფოლიუმის მჟავას დეფიციტი იწვევს ნაადრევ ეაკულაციას მამაკაცებში. ეს კი იმას ნიშნავს, რომ რაციონში უნდა შედიოდეს ამ ვიტამინით მდიდარი პარკოსნები და ღვიძლი.

ერთ-ერთი ჰიპოთეზის თანახმად, ამ დაავადებას ეხმარება ბარდა და სიმინდი, რომლებიც ამინომჟავა ტრიპტოფანს შეიცავს. სწორედ ეს ნივთიერება აღადგენს სეროტონინის დონეს — ჰორმონისა, რომელიც მნიშვნელოვან როლს ასრულებს სექსუალური დაკმაყოფილების პროცესში.

ჯერჯერობით მექანიზმი შესწავლილი არ არის, მაგრამ, სპეციალისტების თქმით, მამაკაცის სექსუალურ ჯანმრთელობაზე დადებითად მოქმედებს კოფეინიც, რომელიც ასევე ზრდის ტესტოსტერონის დონეს. იგივე ეფექტი აქვს ბროწეულსა და კოჭას.

რაც შეეხება პეირონის დაავადებას (სასქესო ასოს გამრუდება), მისი პროფილაქტიკისთვის კარგია E ვიტამინი და ანტიოქსიდანტები, რომლებიც ციტრუსებში, შავ და ლურჯ მოცვში გვხვდება.

მეცნიერების თქმით (2008 წლის კვლევა), საზამთროში აღმოჩენილია ამინომჟავა ციტრულინი, რომელიც იწვევს სისხლძარღვების გაფართოებას და, ფაქტობრივად, ვიაგრას მსგავსად მოქმედებს. მიუხედავად იმისა, რომ ამის მტკიცებულებები მწირად მოიპოვება, 2018 წელს იაპონელმა მეცნიერებმა დაადგინეს, რომ L–ციტრულინითა და რესვერატროლით კომბინირებული მკურნალობა აუმჯობესებს სქესობრივ ფუნქციას. ამ ნივთიერებებით მდიდარია ყურძენი, თხილი და კაკაო.

328
თემები:
მსოფლიო და მეცნიერება
მამუკა მდინარაძე

მამუკა მდინარაძე: ოპოზიცია რევოლუციური სცენარის ამოქმედებას ცდილობს

4
ამ დროისთვის ცენტრალურ საარჩევნო კომისიის შენობასთან სხვადასხვა ოპოზიციური პარტიების ლიდერები და მათი მხარდამჭერები იკრიბებიან. 

თბილისი, 1 ნოემბერი – Sputnik.  ცესკოს თავმჯდომარეს ორჯერ შეაწყვეტინეს ბრიფინგი, რათა ადრე დაანონსებული რევოლუციური სცენარი მოქმედებაში მოიყვანონ, განაცხადა მმართველი პარტია  „ქართული ოცნება–დემოკრატიული საქართველოს“ ერთ-ერთმა ლიდერმა  ცენტრალურ საარჩევნო კომისიაში მომხდარ ინციდენტთან დაკავშირებით. 

დაახლოებით ნახევარი საათის წინ, ცენტრალურ საარჩევნო კომისიაში, როდესაც თავმჯდომარე თამარ ჟვანია საპარლამენტო არჩევნების წინასწარ შედეგებს აცხადებდა, „ნაციონალური მოძრაობისა“ და „ევროპული საქართველოს“ ცესკოს წევრებმა „ქართული ოცნების“ მაღალი შედეგი გააპროტესტეს.

„ცესკოში ადგილი ჰქონდა საბოტაჟის ფაქტს, როდესაც ცენტრალური საარჩევნო კომისიის თავმჯდომარეს ორჯერ შეაწყვეტინეს ბრიფინგი, რათა ის რაღაც რევოლუციური სცენარი, როგორმე მოქმედებაში მოიყვანონ. თუმცა, დარწმუნებით შემიძლია გითხრათ, რომ ქვეყანაში ტყუილზე დაფუძნებული მუხტის აწევას ადგილი ვერ ექნება“, – განაცხადა მამუკა მდინარაძემ.

საქართველოს ცენტრალური საარჩევნო კომისიის თავმჯდომარე თამარ ჟვანიამ ცესკოში მომხდარ ინციდენტთან დაკავშირებით საერთაშორისო სადამკვირვებლო ორგანიზაციებს უკვე მიმართა.

 საქართველოში 31 ოქტომბერს პარლამენტის არჩევნები გაიმართა, რომელშიც 48 პარტია და ორი საარჩევნო ბლოკი მონაწილეობდა. საქართველოში ოირველად არჩევნები პანდემიის პირობებში ჩატარდა.

ამ დროისთვის ცენტრალურ საარჩევნო კომისიის შენობასთან სხვადასხვა ოპოზიციური პარტიების ლიდერები და მათი მხარდამჭერები იკრიბებიან. 

4
თემები:
საქართველოს საპარლამენტო არჩევნები 2020