ვარსკვლავიანი ცა

ყველაზე, ყველაზე... ზოდიაქოს ნიშნების ძლიერი მხარეები

12760
(განახლებულია 14:49 09.01.2018)
ზოდიაქოს თითოეულ ნიშანს თავისი ზეძალა გააჩნია. გაიგეთ, რა არის თქვენი ყველაზე ძლიერი მხარე.

ვერძი – ყველაზე ვნებიანი

მათი საოცარი ენერგეტიკა ცეცხლოვან სასიყვარულო ჭაობში გითრევთ. თავიანთი ქარიზმის წყალობით ისინი ახერხებენ, რომ ყველას შეუყვარდეს. ამასთან, ვერძები საუკეთესო საყვარლებად მიიჩნევიან.

კურო – ყველაზე დიდი გურმანი

ისინი ყოველთვის ტორტის მწვერვალს მიირთმევენ. უბრალოდ, მიჩვეული არიან მიიღონ ყოველთვის საუკეთესო და თავიანთი ცხოვრება სხვაგვარად ვერ წარმოუდგენიათ. ეს ვლინდება ცხოვრების ყველა სფეროში – საკვები იქნება ეს, სახლი, პარტნიორი თუ სხვა რამ.

ტყუპი – ყველაზე ინტელექტუალური

შესაძლოა, სხვამ მათზე მეტი იცოდეს, მაგრამ საკუთარ ცოდნას პრაქტიკაში ტყუპები მაქსიმალურად იყენებენ. ისინი გარშემორტყმული არიან ინფორმაციებისა და სხვადასხვა კავშირის წყაროებით და ამ საინფორმაციო ველში თავს ისე გრძნობენ, როგორც თევზი წყალში.

კირჩხიბი – ყველაზე ემოციური

და მიუხედავად ამისა, მათთვის უფრო იოლია თავისი ემოციების შიგნით გადახარშვა, ისინი თითქოს ჯავშანს იცვამენ. ამის გამო ბევრი მათ განდეგილებად აღიქვამს. სინამდვილეში კი კირჩხიბები ფაქიზი, მგრძნობიარე, ემოციური ნატურები არიან.

ლომი – ყველაზე თავის თავზე შეყვარებული

რა თქმა უნდა, კარგი გაგებით – ვისაც საკუთარი თავი არ უყვარს, ვერც სხვას შეიყვარებს. გახსოვდეთ ეს, როდესაც ლომთან გაქვთ ურთიერთობა. თუ ის თქვენდამი სიმპათიას ამჟღავნებს, დარწმუნებული იყავით – ის გულწრფელია.

ქალწული – ყველაზე ერთგული

ამ ნიშნის წარმომადგენლები პარტნიორს მთელი ცხოვრებისთვის ირჩევენ. და ეს ყველაფერი საკუთარი პედანტურობის წყალობით, რომლის პროეცირებასაც პირად ცხოვრებაზეც ახდენენ. ისინი დიდხანს ეძებენ და როდესაც პოულობენ, თავისი რჩეულის ერთგულნი არიან.

სასწორი – ყველაზე კომუნიკაბელური

ზოდიაქოს ამ ნიშნის წარმომადგენლები ექსტრავერტები არიან. ისინი ქრონიკულად ვერ იტანენ მარტოობას. მათთვის საუკეთესო საჩუქარია უბრალო, მეგობრული ურთიერთობა.

მორიელი – ყველაზე ვერაგი

ასეთი გამოთქმაც კი არსებობს – მორიელს ნუ გააბრაზებთ! ეს ფუჭი სიტყვები არაა. თუ მორიელი შურისძიებას იწყებს, ამას აუცილებლად გამარჯვებით დაასრულებს.

მშვილდოსანი – ყველაზე ლამაზი

დაბადებით გარეგნულად მშვენიერ მშილდოსნებს საკუთარი თავის მოვლაც უყვართ, რომ ეს მშვენიერება და სილამაზე შეინარჩუნონ. ამიტომ მათ ზოდიაქოს ყველაზე მშვენიერი წარმომადგენლების წოდება მიენიჭათ.

თხის რქა – ყველაზე მიზანსწრაფული

ზოდიაქოს დანარჩენი „თავდაჯერებული“ ნიშნებისგან განსხვავებით, თხის რქები საკუთარი მიზნის მისაღწევად, პირველ რიგში, გონებასა და სტრატეგიულ გეგმას იყენებენ. თხის რქები ყველა დროის საუკეთესო მხედართმთავრები და სახელმწიფო მმართველები იყვნენ – მას მერე არაფერი შეცვლილა.

მერწყული – ყველაზე გენიალური

ზოდიაქოს ამ ნიშნის დევიზია: სიზარმაცე პროგრესის მამოძრავებელია. და ზედმეტად რომ არ შეწუხდნენ, მერწყულები სრულყოფენ, ამარტივებენ, აახლებენ ან, უბრალოდ, ცვლიან ყველაფერს, რასაც ყურადღებას აპყრობენ. ისინი ყველაზე გენიალური და ნიჭიერი ადამიანები არიან, რომლებიც კაცობრიობის მომავალს ქმნიან.

თევზები – ყველაზე ძლიერები

არ გაგიკვირდეთ. მიუხედავად სენტიმენტალურობისა და ღრმა შინაგანი სამყაროსი, თევზებს შეუძლიათ დაელოდონ შესაფერის მომენტს და შედეგის მისაღწევად იშრომონ. ამის შემდეგ კი, ჩვეულებრივ, დასახულ მიზანს აღწევენ. თევზები ტირიფს ჰგვანან – ქარისგან იხრებიან, მაგრამ არასდროს ტყდებიან.

12760
თემები:
ასტროლოგიური პროგნოზი: ჰოროსკოპი ზოდიაქოს ყველა ნიშნისთვის - 2018 (652)
მსუქანი ადამიანები

როგორ მოვიშოროთ მუცლიდან ცხიმი: სპეციალისტები გირჩევენ

176
(განახლებულია 12:35 02.03.2021)
ჰარვარდელმა მეცნიერებმა დაადგინეს კომბინაცია, რომელიც მუცლის ცხიმების სწრაფად მოშორებაში დაგეხმარებათ

თბილისი, 2 მარტი — Sputnik. არსებობს მუცელზე ზედმეტი ცხიმის მოშორების გზა, რომელიც არცთუ ისე რთულია, აცხადებენ ჰარვარდის სამედიცინო სკოლის მეცნიერები.

მათი თქმით, ამისათვის პირველ რიგში საჭიროა უარი თქვათ გაზირებულ ტკბილ წყლებზე.

მეცნიერებმა 2 500 ადამიანი გამოიკვლიეს და დაადგინეს, რომ ასეთი სასმელი, გარდა იმისა, რომ ვისცერალური (მუცლის) ცხიმის დონეს 10%-ით ზრდის, ასევე ხელს უწყობს წონაში ზოგად მატებასაც.

სწავლულები მუცლის არეში გახდომის მსურველებს ასევე ურჩევენ ტკბილ ჩაიზე უარის თქმას, რაციონში უჯრედისით მდიდარი საკვებისა და მთელმარცვლოვანი პროდუქტების შეტანას.

ამასთან მუცლის ცხიმების მოშორებაში საუკეთესო დამხმარე არის ფიზიკური დატვირთვაც — ნებისმიერი თქვენთვის ხელსაყრელი ფორმა. ოღონდ რეგულარულად და სულ მცირე 30 წუთის განმავლობაში მაინც.

  • „თუ სწორ კვებასა და ფიზიკურ დატვირთვას ერთმანეთს შეუთავსებთ, შედეგები დიდხანს არ გალოდინებთ“, — აცხადებენ ჰარვარდელი მეცნიერები.

მანამდე ესპანელმა მეცნიერებმა დაადგინეს, რომ ზედმეტი წონის მოსაშორებლად არსებობს უმარტივესი გზა: თუ ვარჯიშის წინ ერთ ფინჯან ყავას დალევთ, ზედმეტი კილოგრამები ბევრად სწრაფად „დაიწვება“.

176
თემები:
მსოფლიო და მეცნიერება
ოსპის სუპი

რატომაა ოსპის სუპი ყველაზე სასარგებლო: ნუტრიციოლოგი განმარტავს

97
(განახლებულია 12:08 02.03.2021)
ნუტრიციოლოგი განმარტავს, რატომაა ამ პროდუქტისგან მომზადებული სუპი ყველაზე მეტად სასარგებლო ჯანმრთელობისა და იმუნიტეტისთვის

თბილისი, 2 მარტი — Sputnik. ყველაზე სასარგებლო წვნიანებში პირველ ადგილზე ოსპის სუპია, ვინაიდან ის მდიდარია ცილებით, აცხადებს ნუტრიციოლოგი ოლგა დეკერი.

„მართალია, ეს მცენარეული ცილებია, სულ 12 ამინომჟავით, მაგრამ სუპი ცხოველური ცილების წყაროს — ხორცის დამატებითაც შეგვიძლია მოვამზადოთ“, — განმარტა დეკერმა.

სპეციალისტის თქმით, ოსპის წვნიანის ცხოველური ცილებით გასამდიდრებლად შებოლილი ხორცის გამოყენებაც შეიძლება, თუ ის ნატურალურია და დამატებების გარეშეა დამზადებული.

ნუტრიციოლოგის თქმით, ოსპის წვნიანი მდიდარია უჯრედისით და ნებისმიერი ადამიანისთვისაა სასარგებლო, ვინაიდან კარგად აძლიერებს იმუნიტეტს.

სასარგებლო წვნიანების რეიტინგში მეორე ადგილზე ექსპერტმა ხორცის ბულიონზე მომზადებული ბოსტნეულის სუპი განათავსა.

  • „ასეთ კერძში მე დავამატებდი მწვანე ლობიოს, ყაბაყს, ნიახურს (ან ნიახურის ძირებს)“, — ამბობს ექიმი.

გარდა ხორცისა, მათ, ვისაც აღნაგობის შენარჩუნება სურთ, შეუძლიათ ხორცის ნაცვლად სუპში თევზი გამოიყენონ — მათ შორის, საკუთარ წვენში კონსერვირებულიც კი.

97
თემები:
ექიმი გირჩევთ
საქართველოში ბაზრობები ამუშავდა

საქართველოში ფასების ზრდამ პროგნოზს გადააჭარბა: „საქსტატის“ ახალი მონაცემები

0
(განახლებულია 23:13 02.03.2021)
თებერვალში ფასები შემცირდა ტანსაცმელზე (3,4%) და კომუნალურ მომსახურებაზე (0,4%). ამავე დროს ფასები სურსათზე გაიზარდა 1,1%-ით, სასტუმროებისა და რესტორნების მომსახურებაზე - 3,7%-ით, ტრანსპორტზე - 2,5%-ით.

თბილისი, 2 მარტი – Sputnik. საქართველოში წლიურმა ინფლაციამ (2021 წლის თებერვალი – 2020 წლის თებერვალი) 3,6% შეადგინა – 3%-იანი მიზნობრივი მაჩვენებლის პირობებში, იუწყება საქართველოს სტატისტიკის ეროვნული სამსახური „საქსტატი“

2021 წლის თებერვალში, 2021 წლის იანვართან შედარებით, ინფლაციის დონემ 1,1% შეადგინა.

რუსული ხორბლის გაძვირება ქართველ მეწარმეებს ალტერნატივის ძებნას აიძულებს >>

„საქსტატის“ მონაცემებით, თებერვალში ფასები შემცირდა ტანსაცმელზე (3,4%) და კომუნალურ მომსახურებაზე (0,4%). ამავე დროს ფასები სურსათზე გაიზარდა 1,1%-ით, სასტუმროებისა და რესტორნების მომსახურებაზე - 3,7%-ით, ტრანსპორტზე - 2,5%-ით.

როგორ იცვლებოდა ინფლაციის დონე გასულ წელს

2019 წელს წლიურმა ინფლაციამ 7% შეადგინა. მის შესაკავებლად ეროვნულმა ბანკმა 2019 წლის სექტემბრიდან მონეტარული პოლიტიკის გამკაცრება დაიწყო. წლის ბოლომდე რეფინანსირების განაკვეთი 6,5%-დან 9%-მდე გაიზარდა, ბოლოს იგი 2019 წლის დეკემბერში გაიზარდა. 

2020 წლის დასაწყისიდან ინფლაციის დონემ შემცირება დაიწყო – იანვარსა და თებერვალში მან 6,4% შეადგინა, მარტში – 6,1%, სექტემბერში – 3,8% და ამ დონეზე სამი თვე შენარჩუნდა. საქართველოში კორონავირუსის გავრცელების პრევენციის მიზნით ხელისუფლებამ 21 მარტიდან კარანტინი და კომენდანტის საათი დააწესა. ეკონომიკური აქტივობის სტიმულირებისთვის ეროვნულმა ბანკმა აპრილიდან სამ ეტაპად 8%-მდე შეამცირა მონეტარული პოლიტიკის ძირითადი განაკვეთი.

2021 წლის თებერვალში, გასული წლის ანალოგიურ პერიოდთან შედარებით, ფასები შემცირდა კომუნალურ მომსახურებაზე (21,2%).

ამასთან, წლის განმავლობაში სურსათი 6,2%-ით გაძვირდა, მათ შორის, რძე, ყველი და კვერცხი – 6,4%-ით, მზესუმზირის ზეთი – 34,3%-ით, ყავა და ჩაი – 12,4%-ით, პურპროდუქტები – 8,7%-ით. ხილი კი გაიაფდა 4,8%-ით. კორონავირუსის გამო შექმნილი ვითარების გათვალისწინებით, 9,8%-ით გაიზარდა ჯანდაცვის სფეროს მომსახურების ფასებიც.

რა მოქმედებს საქართველოში ფასების დინამიკაზე

ბოლო ორ თვეში წლიური ინფლაციის დონე 3%-იან მიზნობრივ მაჩვენებელზე დაბალია. საქართველოს ეროვნული ბანკის (სებ-ის) ინფორმაციით, ეს დაკავშირებულია სახელმწიფოს მხრიდან კომუნალური ხარჯების სუბსიდირებასთან, რაც დროებით ხასიათს ატარებს. 

პანდემიის პერიოდში საქართველოს ხელისუფლებამ გადაწყვეტილება მიიღო მოქალაქეებისთვის ელექტროენერგიისა და ბუნებრივი აირის (შესაბამისად, 200 კვტ/სთ და 200 მ3) ხარჯების დაფარვის შესახებ.

„როგორც წესი, ცენტრალური ბანკები მსგავსი ტიპის ეგზოგენური ფაქტორების გამო ინფლაციის დროებით გადახრებზე არ რეაგირებენ და ინფლაციის საშუალოვადიანი პროგნოზით ხელმძღვანელობენ. მიმდინარე პროგნოზის თანახმად, 2021 წელს ინფლაცია საშუალოდ 4%-ის ფარგლებში შენარჩუნდება და შემდეგ მიზნობრივ მაჩვენებელს ეტაპობრივად დაუახლოვდება“, – აღნიშნავს ეროვნული ბანკი.

 სებ-ის მონაცემებით, საერთაშორისო სასაქონლო ბაზრებზე ფასების მნიშვნელოვან ზრდასთან ერთად, რაც განსაკუთრებით იანვარში გამოიკვეთა, ინფლაციაზე აღმავალი ზეწოლა შენარჩუნებულია პანდემიასთან დაკავშირებული შეზღუდვების გახანგრძლივების ფონზე წარმოების ხარჯების ზრდისა და ლარის გაუფასურებული კურსის გამო.

„ნომინალური ეფექტური გაცვლითი კურსის გაუფასურება ასუსტებს ერთობლივი მოთხოვნის დაღმავალ გავლენას პროგნოზირებულ ინფლაციაზე, ხოლო ეკონომიკის მაღალი დოლარიზაციის გამო გაცვლითი კურსის ცვლილების გადაცემა ინფლაციაზე საგრძნობია“, – ნათქვამია ეროვნული ბანკის განცხადებაში.

რეგულატორის ინფორმაციით, რჩება გაურკვევლობის მაღალი დონე როგორც გლობალური ეკონომიკური აქტივობის აღდგენის დინამიკის, ისე ადგილობრივი დაკრედიტების ზრდის ტემპის თვალსაზრისით.

0