ჩრდილოეთის ნათება

მიმნდობი ადამიანი ხართ თუ ეჭვიანი? ზოდიაქოს ნიშნების რეიტინგი

7167
(განახლებულია 13:33 18.12.2017)
გაეცანით რეიტინგს ზოდიაქოს ყველაზე მიმნდობი ნიშნებიდან ყველაზე ეჭვიანებამდე.

1. თევზები

სინაზისა და უბრალოების ნიშანი – ადამიანებში მხოლოდ სიკეთეს ხედავს მაშინაც კი, როცა ამ ადამიანში კარგი არაფერია. ისინი პატიობენ ყველას, ვინც პატიებას ითხოვს, გინდაც ამის ღირსი არ იყოს. ზოგიერთები მათ მიამიტებად და გულუბრყვილოებად მიიჩნევენ, თავად თევზები კი ფიქრობენ, რომ, უბრალოდ, სწორად იქცევიან.

2. სასწორი

კეთილი და მიმნდობი ბუნების გამო სასწორებს ხშირად ღალატობენ. ადამიანები მათ ანდობენ ყველაზე იდუმალ, ბინძურ საიდუმლოს, რადგან იციან, რომ ამას არავისთან გათქვამენ. ამიტომ სადღაც გულის სიღრმეში სასწორები სიძულვილს ატარებენ.

3. ტყუპი

ისინი ადამიანებში საუკეთესო თვისებებს ავლენენ, რადგან ენდობიან მათ, ენდობიან სიტყვაზე და მანამ, სანამ ისინი იმედს არ გაუცრუებენ. თუნდაც მას შემდეგ, როცა ვინმე უღალატებს მათ, მიზეზს ვერ ხედავენ, რომ დანარჩენებს არ ენდონ.

4. კირჩხიბი

რადგან თავად პატიოსანი არიან და ნდობას იმსახურებენ, ამასვე ელიან სხვებისგანაც. ამ წესიდან მხოლოდ ერთი გამონაკლისია: თუ საქმეში ფულია ჩარეული, როგორც წესი, ადამიანებს არ ენდობიან.

5. ქალწული

ყველაფერი თითოეულ კონკრეტულ შემთხვევაზეა დამოკიდებული. ქალწულებს კარგი ალღო აქვთ – იციან, ვინ იმსახურებს ნდობას და ვინ – არა. ეჭვის თვალით უყურებენ ნებისმიერ თვითგამოცხადებულ „ექსპერტს“, რომელსაც არა აქვს ოფიციალური ტიტული და დიპლომი.

6. მერწყული

ადამიანებს სიტყვაზე ენდობიან, რადგან ელოდებიან, რომ სხვებიც მათსავით პატიოსანი იქნებიან. და ყოველთვის გაკვირვებული რჩებიან, როდესაც ისინი ორსახოვანი გამყიდველები და მატყუარები აღმოჩნდებიან ხოლმე. მერწყულები ქალებს მეტად ენდობიან, ვიდრე მამაკაცებს.

7. კურო

ისინი ნათესავებსა და ახლო მეგობრებს ენდობიან. მაგრამ ვერ აიძულებენ თავს, ენდონ საყვარელს, თუ ის ერთხელ მაინც „გამოიჭირეს“. ამის შემდეგ ფიცს დებენ, რომ არავის მისცემენ უფლებას, ასეთი ტკივილი კიდევ ოდესმე განიცადონ.

8. მორიელი

თუ მორიელს ერთხელ მაინც მოატყუებთ, მის ნდობას ვერასდროს ვეღარ მოიპოვებთ. საქმე ის კი არაა, რომ ადამიანმა იცრუა, არამედ ის, რომ ის საიმედო არ აღმოჩნდა. ანუ მორიელები ენდობიან მანამ, სანამ ვინმე მათ ნდობას არ დააღალატებს.

9. მშვილდოსანი

მშვილდოსნები არ ენდობიან საიდუმლოს მქონე ადამიანებს. მაგრამ ენდობიან ბანკის კლერკს, რომელიც სწორად ითვლის მათ თანხას და ოფიციანტს, რომელიც საკვების დაწუნების შემდეგ მათ კერძს არ „აფუჭებს“.

10. თხის რქა

ბევრჯერ მოატყუეს იმისთვის, რომ ამიერიდან ადამიანებს ბრმად და მიამიტურად ენდონ. ისინი არ პატიობენ პირფერებს, რომლებიც ამბობენ, რომ არ უნდოდათ მათი წყენინება – რა თქმა უნდა, უნდოდათ. ადამიანებს სიტყვაზე არ ენდობიან და ყოველთვის ფარულ ქვეტექსტს ეძებენ. ეს, რა თქმა უნდა, ზღუდავს მათ სოციალურ და რომანტიკულ შესაძლებლობებს, მაგრამ თხის რქებს ურჩევნიათ მარტონი იყვნენ, ვიდრე მოტყუებული და „გაყიდული“.

11. ლომი

ეჭვიანი ბუნების გამო ადამიანებს მათ გვერდით ყოფნა უჭირთ. ლომებს არ ესმით, რომ ეჭვიანობის გამო ადამიანები უფრო საძულველი ხდებიან. თუ ლომი ადამიანს  ქურდობაში სდებს ბრალს, რატომ არ უნდა მოიპაროს მან? თუ ღალატში – რატომ არ უნდა უღალატოს? მოკლედ, ჩაკეტილი წრეა – რაც უფრო ნაკლებად ენდობა ლომი ადამიანს, მით უფრო მეტი ალბათობაა იმისა, რომ ეს უნდობლობა გამართლდება.

12. ვერძი

მატყუარებს ყველაზე მეტად ვერძები ვერ იტანენ. მათთვის ორი ტიპის ადამიანები არსებობენ – მატყუარები და უუნარო მატყუარები. მიმნდობი ადამიანები მიამიტებად მიაჩნიათ. გარშემომყოფებმა უნდა დაიმსახურონ ვერძების ნდობა, მაგრამ ამას შეიძლება მთელი ცხოვრება დასჭირდეს. ზოგი მათ პარანოიდებს უწოდებს, თვითონ კი თავი რეალისტებად მიაჩნიათ.

 

 

7167
თემები:
ასტროლოგიური პროგნოზი: ჰოროსკოპი ზოდიაქოს ყველა ნიშნისთვის - 2018 (652)
ტკივილი ზურგის არეში

აგარიდებთ თირკმელ-კენჭოვან დაავადებას: ექიმი ასახელებს პროდუქტს

250
(განახლებულია 21:51 11.06.2021)
როგორც ირკვევა, სწორედ ეს ნივთიერება ეხმარება კალციუმს, წავიდეს საჭირო ადგილისკენ და არა თირკმელებში.

თბილისი, 11 ივნისი − Sputnik. არსებობს გარკვეული პროდუქტები, რომლებიც თირკმელებში ქვების გაჩენას აგარიდებთ თავიდან, აცხადებს მედიცინის მეცნიერებათა კანდიდატი იულია ჩეხონინა.

ამასთან სპეციალისტმა განმარტა, რა არის თირკმელ-კენჭოვანი დაავადების გაჩენის ძირითადი მიზეზები.

მისი თქმით, აღნიშნული დაავადება 30 წლამდე ადამიანებსაც ემართებათ იმ შემთხვევაში, თუ საქმე კალციუმის გაცვლის მემკვიდრეობით დარღვევასთან და ასევე ზოგ სხვა მიზეზთან, მათ შორის, კვებით დარღვევასთან გვაქვს.

„თირკმელ-კენჭოვანი დაავადება ჩნდება იმ შემთხვევებში, როდესაც რაციონი ბალანსირებული არ არის, როდესაც მასში მარილებისა და კალციუმის წყაროები ჭარბობს, ამასთან ორგანიზმს აკლია მაგნიუმი, ვიტამინი B6 და სხვა მნიშვნელოვანი კომპონენტები, რომლებიც კალციუმის ნორმალური გაცვლისთვის არის აუცილებელი“, − განმარტა ექიმმა.

როგორც მედიკოსი ამბობს, სწორედ მაგნიუმი ეხმარება კალციუმს, წავიდეს იქით, სადაც ის აუცილებლად უნდა შედიოდეს − ძვლოვან სისტემაში. თუ კალციუმის ცვლა ირღვევა, იმ შემთხვევაშიც კი, თუ ორგანიზმში მისი სიჭარბე არ აღინიშნება, ის შეიძლება არასასურველს ადგილზე − თირკმელებში მოხვდეს. იქ ის წარმოქმნის ნალექს, რომლისგანაც შემდეგ ქვები ჩნდება.   

შარდკენჭოვანი დაავადების პროფილაქტიკისთვის აუცილებელია საკმარისი რაოდენობით მაგნიუმის მიღება, რომელიც დიდი რაოდენობით შედის კეშიუს კაკალში − 100 გრამში დღიური ნორმის 68%. ირკვევა, რომ დღეში მისი მხოლოდ 50 გრამიც საკმარისია იმის გათვალისწინებით, რომ ნორმის დანარჩენ ნაწილს სხვა პროდუქტებიდან მიიღებთ.

გარდა ამისა, თირკმელებში ქვების გაჩენის თავიდან ასაცილებლად აუცილებელია ვიტამინი B6, რომელიც მაგნიუმთან ერთად კომპლექსში ხელს უწყობს კალციუმის ცვლას.

„ხორბლის ქატო დიდი რაოდენობით B6-ს შეიცავს. დღეში 50 გრამის მიღებაა საკმარისი, ოღონდ ეს ნორმა თანაბრად უნდა გადანაწილდეს დღის განმავლობაში. ხორბლის ქატო შეგიძლიათ ჩაამატოთ წვნიან საკვებში და სასმელებშიც კი“, − ამბობს სპეციალისტი.

გარდა ამისა, ექიმის თქმით, კარგი იქნება, თუ რეგულარულად მიირთმევთ ყოველდღე გამოსაყენებლად ნებადართულ ერთ ჭიქა ტუტე მინერალურ წყალს − მაგნიუმის მაღალი შემცველობით, და ასევე ცილების რომელიმე წყაროს.

გაიჯანსაღეთ თირკმელები... კბილების კაკუნით – აღმოსავლური მეთოდიკა>>

ამისთვის ჩეხონინა თევზს გირჩევთ, ვინაიდან, მისი თქმით, თევზის ცილებს ორგანიზმი უფრო იოლად ითვისებს, ვიდრე ხორცისას.

250
თემები:
ექიმი გირჩევთ
მწვანილეული

მწვანილი დიდხანს არ გაფუჭდება, თუ... შენახვის წესები

160
(განახლებულია 21:20 11.06.2021)
კულინარიის სპეციალისტი გასწავლით, როგორ უნდა შეინახოთ მწვანილეული ისე, რომ მალე არ გაფუჭდეს.

თბილისი, 11 ივნისი − Sputnik. იმისათვის, რომ მწვანილი მალე არ გაფუჭდეს, აუცილებელია მისი მაცივარში შენახვა, თუმცა გარკევეული სახით, აცხადებს კულინარიის სპეციალისტი ოლგა ივენსკაია.

მისი თქმით, კამა, ოხრახუში და ქინძი, სინორჩის შესანარჩულებლად, წყლით უნდა დანამოთ და შემდეგ პოლიეთილენის პარკში ჩადოთ, ოღონდ თავი მჭიდროდ არ უნდა მოუკრათ. ამის შემდეგ ის მაცივრის იმ განყოფილებაში უნდა მოათავსოთ, რომელიც სპეციალურად ბოსტნეულისთვისაა განკუთვნილი. ასეთ შემთხვევაში მწვანილი ერთი კვირის განმავლობაში ნედლი დარჩება.

დაიმახსოვრეთ: სხვადასხვა სახეობის მწვანილები ცალ-ცალკე უნდა შეინახოთ.

როგორც სპეციალისტი ამბობს, სასარგებლო ნივთიერებების რაოდენობა მწვანილში ყოველდღიურად იკლებს, ამიტომ ჯობს წინასწარ მხოლოდ იმდენი შეიძინოთ, რამდენსაც 2-3 დღის განმავლობაში გამოიყენებთ.

ექსპერტის კიდევ ერთი რჩევაა, რომ მწვანილს ძირი (ფესვი) არავითარ შემთხვევაში არ მოაჭრათ, ვინაიდან ასეთი მწვანილი უფრო დიდხანს ინახება.

არსებობს მწვანილის შენახვის კიდევ ერთი მეთოდი: გარეცხეთ ნებისმიერი მწვანილი, მოაშორეთ ღეროები და წვრილად დაკეპეთ ფოთლები. შემდეგ დააყარეთ მარილი (100 გრამ მწვანილზე 20 გრამი მარილი) და მოათავსეთ მჭიდროდ თავდახურულ შუშის ქილაში. ასეთი მწვანილი დაახლოებით ერთი თვის განმავლობაშია ვარგისი.

160
თემები:
სასარგებლო რჩევები
ფურისულა

დღის ასტროპროგნოზი ზოდიაქოს ნიშნებისთვის: 14 ივნისი

0
(განახლებულია 10:45 13.06.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 14 ივნისია, ორშაბათი. მზარდი მთვარე ლომის ნიშანშია. ამ დღეს პლანეტა მთვარე მფარველობს.

არ იჩქაროთ. დღეს შეიძლება ბევრი რამ ჩვეულებრივზე რთული გასაკეთებელი იყოს. უკან არ დაიხიოთ, თუ გზაზე დაბრკოლებები შეიქმნა. ასევე რთული იქნება ერთობლივ სამუშაოზე შეთანხმება, ადვილი არ იქნება კომპრომისის მოძებნა. სერიოზული უთანხმოებების თავიდან არიდება შესაძლებელი იქნება, თუ მეგობრულად და ტაქტიანად მოიქცევით.

მამაკაცის „საოცნებო ქალი“ ზოდიაქოს ნიშნის მიხედვით>>

ვერძი: ხართ ენერგიული, წარმატების მისაღწევად უკან არაფერზე იხევთ. გზაზე არ გაჩნდება დაბრკოლება, რომლის გადალახვასაც ვერ შეძლებთ. გაგახარებთ მეგობრებთან ურთიერთობები. შესაძლოა, მათ რამე ახალი ინფორმაცია მოგაწოდონ ან საინტერესო იდეა შემოგთავაზონ. არაა გამორიცხული რომანტიკული სიურპრიზები. ურთიერთობები საყვარელ ადამიანთან ჰარმონიული იქნება, შესანიშნავად უგებთ ერთმანეთს.

კურო: მშფოთვარე დღეა. არ არის გამორიცხული, რომ გეგმების შეცვლა მოგიწიოთ გზადაგზა და ეს მაინცდამაინც არ მოგეწონებათ. შესაძლოა გადაიდოს შეხვედრები, რომლებსაც მოუთმენლად ელოდებოდით, საკითხების გადაჭრა, რომლებიც მნიშვნელოვანია თქვენთვის. სამაგიეროდ გაიხსნება ახალი შესაძლებლობები. უნდა ეცადოთ, რომ მოცემული შანსი ხელიდან არ გაუშვათ. გამოიჩინეთ ინიციატივა როგორ საქმეებში, ისე პირად ურთიერთობებში.

ტყუპი: იღბლიანი იქნება დღის პირველი ნახევარი. დარწმუნებული ხართ თქვენს წარმატებებში და ინტუიცია არ გღალატობთ – მართლაც შესანიშნავი შედეგების მიღწევა შეგიძლიათ. კარგი დროა გეგმების განხილვისთვის. დღის მეორე ნახევარში შესაძლებელი იქნება ადრე დაწყებული საქმეების დამთავრება, პასუხების პოვნა კითხვებზე, რომლებიც ბოლო რამდენიმე კვირის განმავლობაში მოსვენებას არ გაძლევთ.

კირჩხიბი: დღის დასაწყისი ძალზე ხელსაყრელია. გაქვთ შანსი, რომ წარმატებას მიაღწიოთ მნიშვნელოვან საქმეში, რომლისთვისაც ძალღონე არ დაიშურეთ. პოზიტიური ტენდენციების გავლენა საქმიან სფეროში თანდათანობით მიილევა, მაგრამ ის კვლავ ძლიერი დარჩება პირად ურთიერთობებში. საღამო სასიამოვნო სიურპრიზებს გპირდებათ შეყვარებულ კირჩხიბებს. შეგიძლიათ საყვარელ ადამიანთან ერთად საერთო გეგმები განიხილოთ და იოცნებოთ.

ლომი: მიუხედავად იმისა, რომ არაერთი საქმე და საზრუნავი გექნებათ, დღეს ვერც უიღბლოსა და ვერც დაძაბულს ვერ ვუწოდებთ. ბევრ რამეს შესანიშნავად უმკლავდებით, მათ შორის, რთულ ამოცანებსაც. მოსალოდნელია შეხვედრა ძველ ნაცნობებთან, შესაძლებელია მათთან საერთო გეგმებიც გაჩნდეს.. კარგი დღეა სწავლისა და შემოქმედებითი საქმიანობისთვის. საჭიროა ყურადღება მცირე დეტალების მიმართ, რაც ზოგიერთ თქვენგანს გაუჭირდება.

ქალწული: დღის დასაწყისი საკმაოდ დაძაბული ემოციური ფონით იქნება გამორჩეული. შესაძლოა, მცირე წვრილმანებზეც კი ინერვიულოთ; მოსალოდნელია უთანხმოებები ახლობლებთან. ეს გაგანერვიულებთ. დროთა განმავლობაში გაძლიერდება პოზიტიური ტენდენციების გავლენა და დაგიბრუნდებათ ოპტიმიზმი, უკეთ გააკონტროლებთ თავს. დღის მეორე ნახევარში მოსალოდნელია საინტერესო ნაცნობობა. ახლობლებთან და საქმიან პარტნიორებთან შედეგიანი საუბრები.

სასწორი: ეცადეთ, დღის პირველ ნახევარში არ გადაიღალოთ. ეს ცუდად იმოქმედებს როგორც ფიზიკურ მდგომარეობაზე, ისე განწყობაზე. მოერიდეთ სტრესულ სიტუაციებს, არ იჩქაროთ გადაწყვეტილებების მიღება. ყველაფრის მშვიდად მოსაფიქრებლად დრო გჭირდებათ. დღის მეორე ნახევარი მსუბუქი და ხელსაყრელი იქნება. მოგეცემათ რაღაც მნიშვნელოვან საქმეებთან გამკლავების საშუალება. ბევრი მიაღწევს წარმატებას იქ, სადაც ფანტაზიაა საჭირო.

მორიელი: დღის დასაწყისი შესაფერისი დროა საქმიანი შეხვედრებისთვის. არ არის გამორიცხული, რომ მიიღოთ წინადადება, რომელიც ძალიან დაგაინტერესებთ. ასევე შეიძლება გაჩნდეს ძველი საქმიანი კავშირების აღდგენის შანსი. დღის მეორე ნახევარში მოგეცემათ საშუალება, რომ გამოასწოროთ რომელიმე ძველ საქმეში დაშვებული შეცდომები. დიდი ალბათობაა, რომ თანხა მიიღოთ – შესაძლოა, დიდი არა, მაგრამ ეს მაინც დაგეხმარებათ მნიშვნელოვანი ნივთების შეძენაში.

მშვილდოსანი: შეიძლება ითქვას, რომ აღმაფრენის დღეა, რომელიც მოგიტანთ კარგ და მნიშვნელოვან სიახლეებს. გექნებათ ძველი კავშირების აღდგენის საშუალება. ასევე მოსალოდნელია, რომ მიიღოთ უჩვეულო, საინტერესო წინადადება. დღის მეორე ნახევარი კარგი დროა ფინანსური საკითხების გადაწყვეტისთვის, მომგებიანი გარიგებების დადებისთვის, თანამშრომლობაზე შეთანხმებისთვის. არ არის გამორიცხული დაუგეგმავი ხარჯებიც, მაგრამ ეს ფუჭად დახარჯული ფული არ იქნება.

თხის რქა: ხელსაყრელი დღეა. შეგიძლიათ ახალი საქმის დაწყება, მაღალია წარმატებების სწრაფად მიღწევის შანსი. არაა გამორიცხული სასარგებლო ნაცნობობა. ხართ ძალზე მომხიბვლელი, ამიტომ თქვენდამი გულგრილი ვერავინ დარჩება. შესაძლოა, ვიღაც თქვენდამი სასიყვარულო გრძნობითაც განიმსჭვალოს. დღის მეორე ნახევარში კარგად წარიმართება სახლის საქმეები. შეგიძლიათ იყიდოთ ავეჯი, ყოფითი ტექნიკა და სხვა ნივთები სახლისთვის.

მერწყული: ეცადეთ, შეინარჩუნოთ ჯანსაღი აზრი და სწორად შეაფასოთ თქვენი ძალები. რეალური შეხედულებები იმედგაცრუებისგან გიხსნით. აჯობებს, თუ ყურადღებას გაამახვილებთ პრაქტიკულ ამოცანებზე, ისეთზე, რომლებიც უახლოეს მომავალში კონკრეტული შედეგების მიღების საშუალებას იძლევა. დღის მეორე ნახევარში შესაძლებელია შეხვედრები ძველ ნაცნობებთან. ეს ძალიან გაგახარებთ. მოგეცემათ ადრე დაშვებული შეცდომის გამოსწორების შანსი.

თევზები: დღე კარგად აეწყობა, მაგრამ თქვენ დაჟინებით ცდილობთ მოძებნოთ საბაბი იმისთვის, რომ აღელდეთ და განაწყენდეთ. ეცადეთ, უფრო პოზიტიურად განეწყოთ. ამ შემთხვევაში ბევრ საინტერესო შესაძლებლობას აღმოაჩენთ, მიხვდებით, როგორ მიაღწიოთ წარმატებას. არ გარისკოთ იქ, სადაც ამის საჭიროება არ არის. ფრთხილად მოქმედებით ბევრი რამის გაკეთება შეგიძლიათ. დაფიქრებით ნათქვამი სიტყვა და მოქმედება როგორც საქმიან სფეროში, ისე პირად ურთიერთობებში მიზნების მიღწევაში დაგეხმარებათ.

0