მაკლურა

მაკლურა ბუნებრივი ანტიბიოტიკი, იმუნომოდულატორი, ანტიოქსიდანტი...

3584
(განახლებულია 12:02 04.12.2017)
მცენარე, რომელსაც ხალხურ მედიცინაში უძველესი დროიდან იყენებენ. მაკლურა აბრკოლებს ავთვისებიანი სიმსივნის წარმოშობას, აძლიერებს იმუნიტეტს, შველის ე. წ. მარილების დაგროვებას, თიაქარს, ანადგურებს ვირუსებს...

მაკლურა, იგივე თუთავაშლა (Maclura), თუთისებრთა ოჯახის მცენარეთა გვარია. მაკლურას სამშობლოა ჩრდილოეთი ამერიკა. დეკორატიულ მცენარედ მოშენებულია კავკასიაში, შუა აზიასა და უკრაინაში. ასევე ბევრგანაა მოშენებული საქართველოშიც.

მცენარეს ეს დასახელება ამერიკელი ბუნებისმეტყველის, მაკლურას საპატივცემულოდ ეწოდა.

მაკლურას მწიფე ნაყოფი ფორთოხალს ჰგავს, ხოლო რბილობის სუნი კიტრის სუნს წააგავს. მაგრამ მაკლურა არ იჭმება, სამაგიეროდ, მის შხამიან ნაყოფს სამკურნალო თვისებები გააჩნია.

მაკლურა მდიდარია ვიტამინებით, ცხიმმჟავების ეთერებით, ორგანული მჟავებით, ფერმენტებით, საპონინებით, ფლავონოიდებით, პექტინის ნივთიერებებით, მაკრო და მიკროელემენტებითა და სხვა სასარგებლო ნივთიერებებით. ქიმიური შემადგენლობით თუთას წააგავს, ასევე ჰგავს ერთმანეთს ამ მცენარეების თვისებებიც.

ხალხურ მედიცინაში მაკლურას უძველესი დროიდან იყენებენ, მაგრამ ოფიციალურ მედიცინაში, სამწუხაროდ — არა.

სამკურნალო მიზნებისთვის გამოიყენება მაკლურას ახლად დაკრეფილი ნაყოფი, რომელსაც სამკურნალო თვისებები მხოლოდ ნარინჯისფერის მიღების შემდეგ ეძლევა.

მცენარე ბუნებრივი ანტიბიოტიკი, იმუნომოდულატორი და ანტიოქსიდანტია.

მაკლურას თვისებებია:

• ანტისკლეროტიკული და ანტიკანცეროგენული

• ტკივილგამაყუჩებელი და ანთების საწინააღმდეგო

• დამამშვიდებელი და ბაქტერიციდული

• ჭრილობების შეხორცება და რეგენერაცია

მაკლურათი მკურნალობის შედეგად:

• ორგანიზმიდან გამოდის მარილები, შლაკები და ტოქსიკური ნივთიერებები

• ქრება დაღლილობა

• ძლიერდება ნერვული და გულ-სისხლძარღვოვანი სისტემა

• მალე ხორცდება ჭრილობები

• აბრკოლებს ავთვისებიანი სიმსივნის წარმოქმნას

• ანადგურებს ვირუსებს

• აძლიერებს იმუნიტეტს

მაკლურათი მკურნალობენ შემდეგ დაავადებებს:

• გულის

• ღვიძლისა და ელენთის

• პოლიართრიტსა და პოდაგრას

• რადიკულიტსა და ოსტეოქონდროზს

• ჰაიმორიტსა და ადენოიდებს

• ჰიპერტონიას

• ლიმფური კვანძების ანთებას

• კანის დაავადებებს

• კუნთების ტკივილს

• მარილების დაგროვებას

• ძვლოვან წარმონაქმნებს

• თიაქარს მალებს შუა და საზარდულში

• ჰემოროის

• ფილტვისა და წინამდებარე ჯირკვლის (პროსტატა) კიბოს. 

მაკლურას სამკურნალო თვისებების გაძლიერებისთვის მას სტაფილოს, ჭარხლისა და კომბოსტოს წვენთან ერთად იყენებენ.

მაკლურის ნაყოფისგან ამზადებენ მალამოს, ნაყენსა და ზეთს. მცენარისგან დამზადებულ პრეპარატებს იყენებენ შინაგანადაც და გარეგნულადაც.

მაკლურას მალამოს დასამზადებლად: აქუცმაცებენ მაკლურას ნაყოფს, ურევენ მას ახალ ღორის ქონს შეფარდებით 5:1. მიღებულ მასას ათავსებენ ჭურჭელში, აფარებენ ცომს, ათავსებენ ქურაში დაბალ ცეცხლზე და ტოვებენ 1-2 დღის განმავლობაში. შესაძლებელია წყლის აბაზანის გამოყენებაც.

მალამოს დამზადების კიდევ ერთი წესი: ღორის ქონს ურევენ მაკლურას ნაყენს შეფარდებით 2:1.

მაკლურას მალამოთი მკურნალობენ მასტოპათიას, ლიმფურ კვანძებს, თიაქარს, კანისა და სწორი ნაწლავის კიბოს.

თიაქრისა და ლიმფური კვანძების სამკურნალოდ, მალამოს უსვამენ ქსოვილს და მტკივან ადგილებზე იდებენ, იფუთნიან. პროცედურას იტარებენ 3 თვის განმავლობაში, დღეგამოშვებით.

მასტოპათიისა და ფიბრომასტოპათიის სამკურნალოდ იყენებენ კომბოსტოს ფურცელს. მას სამჯერ უშვებენ მდუღარე წყალში, შემდეგ უსვამენ მალამოს. კომპრესს მკერდის არეში ღამით იდებენ და იფუთნიან. კურსი 3 თვე გრძელდება.

სწორი ნაწლავის კიბოს სამკურნალოდ აკეთებენ გაციებული მალამოს სანთლებს — მკურნალობის კურსი 2 თვე.

მალამო კარგად უმკლავდება აბსცესებს, ძირმაგარებს, ტროპიკულ წყლულებს, შეუხორცებელ ჭრილობებს და სხვა — ისვამენ დაზიანებულ ადგილებზე. ის ასევე კარგი საშუალებაა ნეკროზების, სიმსივნეებისა და მეტასტაზების დროს.

ოსტეოქონდროზის, მალებშუა თიაქარის დროს მალამოს უმატებენ თევზის ქონს.

მაკლურას ზეთს ამზადებენ შემდეგნაირად: ნაყოფს ჭრიან და ასხამენ მცენარეულ ზეთს. ზეთს ტოვებენ ორი კვირის განმავლობაში. ნაყენს შემდეგ წურავენ. ზეთს იყენებენ დერმატიტის, ფსორიაზისა და ეგზემის სამკურნალოდ — ისვამენ დაზიანებულ ადგილებზე. ასევე, ზეთს ისხამენ ყურში ოტიტის (შუა ყურის ანთება) დროს.

მაკლურის ნაყენი კურნავს:

• პოლიართრიტსა და პოდაგრას

• ოსტეოქონდროზს

• რადიკულიტსა და რევმატიზმს

• წანაზარდებსა და კოჟრებს (ბებერა)

• მასტოპათიას, მიომასა და ფიბრომას

• გაციებასა და შაკიკს

• კანცეროგენულ ახალწარმონაქმნებს

• მარილების დაგროვებას

• ვენების დაცობასა და კრუნჩხვას

• ჰიპერტონიას

• ჰემოროის

• ეგზემასა და ალერგიას

• დამწვრობას

• ნივთიერებათა ცვლის დარღვევას 

მაკლურას ნაყენის დამზადების წესი: მცენარის ნაყოფს აქუცმაცებენ, დებენ ქილაში და ასხამენ სპირტს ისე, რომ დაიფაროს. შემდეგ ახურავენ ხუფს, რომ არ შევიდეს ჰაერი. შემდეგ ნაყენს დგამენ თბილ ადგილას ნახევარი ან ერთი წლით. მზა ნაყენი ყავისფერ შეფერილობას იღებს/

ნაყენის მიღების წესები: პირველ კვირაში ნაყენს სვამენ ერთხელ დღეში 3 წვეთის ოდენობით, მეორე კვირაში — ორჯერ და მესამე კვირაში — სამჯერ. შემდეგ ყოველ კვირას დოზა ერთი წვეთით მატულობს — ზღვარია ადამიანის ასაკი, თუ ის 30 წელზე მეტი ხნისაა, წვეთების რაოდენობა 30-ზე მეტი არ უნდა იყოს, 30-ს ქვევით — ასაკის შესაბამისად. როდესაც ადამიანი წვეთების მაქსიმალურ დოზაზე ავა, ყოველ კვირას ნაყენის მიღების უკუპროცესი უნდა დაიწყოს — ანუ, კვირაში აკლდება ერთი წვეთი. ბრუნდება საწყის 3 წვეთამდე. კურსის შემდეგ საჭიროა შესვენება 1-2 თვე და შემდეგ შეიძლება ციკლის გამეორება პროფილაქტიკის მიზნით.

შესაძლებელია მაკლურას ნაყენის მიღება შემდეგნაირა: პირველ დღეს 1 წვეთ ნაყენს ხსნიან კოვზ წყალში, შემდეგ წვეთების რაოდენობა ყოველდღე ზრდება 20–მდე, ამის მერე იწყება უკუპროცესი 1 წვეთამდე. კურსის გამეორება შეიძლება სამჯერ შესვენების გარეშე.

რინიტის, ჰაიმორიტისა და სურდოს დროს ნაყენს აზავებენ წყალში შეფარდებით 1:5. ასველებენ მასში ქსოვილის დამჭერს (ჟგუტი) და იდებენ ცხვირში 15–20 წუთის განმავლობაში, დღეში ორჯერ, 7–10 დღის განმავლობაში. მკურნალობის კურსის გამეორება შესაძლებელია რამდენჯერმე ერთი თვის ინტერვალით.

ნაყენს ასევე ამზადებენ მცენარის ფოთლებისგან და ქორფა ყლორტებისგან. მათ აქუცმაცებენ და 1:5 თანაფარდობით ასხამენ სპირტს. აჩერებენ 2 კვირა და შემდეგ წურავენ. მზა ნაყენს გამოყენების წინ ასხამენ არაყს. ამ ნაყენით იზილავენ დაზიანებულ ადგილებს თიაქარისას, გაციების დროს მკერდის არეში და შემდეგ თბილად იხვევენ.

ასევე, რადიკულიტის, ოსტეოქონდროზისა და რევმატიზმის დროს, იზელენ ნაყენს თბილად იფუთნიან. მკურნალობის კურსს იტარებენ წელიწადში 1–2–ჯერ. ამავე დროს, შეიძლება ნაყენის დალევა – 2 წვეთი გააზავეთ ჩაის კოვზ წყალში და მიიღეთ დღეში ერთხელ.

მაკლურას მიღება არ შეიძლება:

• შაქრიანი დიაბეტით დაავადებული ადამიანებისთვის

• ორსულებისა და მეძუძური დედებისთვის

• ალერგიის დროს.

რადგან მაკლურა შხამიანი მცენარეა, ის ფრთხილად უნდა ამოვიყენოთ, დავიცვათ პროპორციები. თუ ვიგრძნობთ თავბრუსხვევას, სუნთქვის გაძნელებას, პირღებინების შეგრძნებას ან საერთო სისუსტეს, მისი მიღება უნდა შევწყვიტოთ – ეს ნიშნავს, რომ მოვიწამლეთ.

ასევე, მაკლურათი მკურნალობის დროს არ შეიძლება სპირტიანი სასმელების, ანტი იოტიკებისა და შხამიანი ნაყენების მიღება, ასევე ამ მცენარით მკურნ ალობა არ შეიძლება ქიმიოთერაპიის დროს.

 

3584
თემები:
სასარგებლო რჩევები -2018 (202)
კოღო

ტკიპის, კოღოს, მოსკიტის ნაკბენი: ის, რაც უნდა ვიცოდეთ მწერების მიერ გადამტან დაავადებებზე

169
(განახლებულია 19:19 14.07.2020)
ზაფხული ის დროა, როცა განსაკუთრებით დიდ დროს ვატარებთ ბუნებაში, სუფთა ჰაერზე. ამ დროს ხშირია მწერების ნაკბენით გამოწვეული უსიამოვნებები, რაც, შესაძლოა, პარაზიტული დაავადებების გამომწვევი მიზეზიც გახდეს.

რომელი პარაზიტული დაავადებებია გავრცელებული ზაფხულის სეზონზე, რა სიმპტომები აქვს და როგორ ამოვიცნოთ ისინი, ამის შესახებ საზოგადოებრივი მაუწყებლის „პირველი არხის“ ეთერში პარაზიტოლოგმა, მედიცინის დოქტორმა ირმა კოკაიამ ისაუბრა.

- ზაფხულის სეზონთან ყველაზე ხშირად რომელი პარაზიტული დაავადებები ასოცირდება?

- ზაფხულის სეზონთან ასოცირებული პირველი ჯგუფის, ყველაზე ხშირი დაავადებებია მწერების დაკბენით გამოწვეული დაავადებები. ასევე ზაფხულის პერიოდში სტატისტიკურად ყველაზე ხშირად გვხვდება ნაწლავური პარაზიტული დაავადება. მწერების კბენასთან ასოცირებული პარაზიტული დაავადებების მატება დამოკიდებულია ორ ფაქტორზე. პირველი ის არის, რომ ზაფხულის ცხელ პერიოდთან ერთად მწერების აქტივობა არის მომატებული და ეს გამომდინარეობს მათი ბიოლოგიიდან. მეორე ფაქტორი, რის გამოც იმატებს ეს დაავადებები და ამ დაავადებებთან დაკავშირებული საფრთხე, არის ის, რომ უშუალოდ ადამიანების ურთიერთობა ბუნებასთან არის გაცილებით აქტიური. ეს არის სეზონი, როცა ადამიანები ყველაზე ხშირად გადიან ქალაქგარეთ პიკნიკებზე, აგარაკებზე, სოფლებში და ა.შ. შესაბამისად, ეს საფრთხე არის მომატებული.

- იქნებ ეს დაავადებები განვიხილოთ...

- მწერების კბენით გამოწვეული დაავადებებიც ორ ნაწილად შეიძლება გაიყოს. ეს არის უშუალოდ დაკბენასთან ასოცირებული ალერგიული რეაქციები და მეორე – უფრო დიდი საფრთხე, ის დაავადებები, რომელიც გადააქვთ მწერებს. ბოლო პერიოდში ინტენსიურად არის მომატებული ბორელიოზი, იგივე ლაიმის დაავადება, რომელიც ტკიპებს გადააქვთ. ეს დაავადება ძალიან აქტუალურია საქართველოში, განსაკუთრებით, ბოლო წლების განმავლობაში. თუმცა ამ მხრივ დიაგნოსტიკაც უფრო გაუმჯობესებულია. მეორე დაავადება, რომელიც ინტენსიური ხდება ამ პერიოდში, არის ლეიშმანიოზი, რომელიც ასევე მწერებს გადააქვთ. ეს არის პატარა ზომის მოსკიტები, ფლებუტომუსები. გარდა ამისა, კიდევ არის რამდენიმე დაავადება, მაგალითად, კოღოებთან ასოცირებული მალარია, რომელიც ასევე ზაფხულის დაავადებაა. თუმცა, საბედნიეროდ, მალარიის ენდემური შემთხვევები ბოლო რამდენიმე წელია საქართველოში არ გვაქვს დაფიქსირებული. შემთხვევები, რაც გვაქვს, ძირითადად არის სხვა ქვეყნებიდან იმპორტირებული. კიდევ ერთი დაავადება გახლავთ ყირიმ-კონგოს ჰემორაგიული ცხელება, რომელიც ცალსახად ტკიპას უკავშირდება.

- რა ჩივილებს უნდა მიაქციოს ადამიანმა ყურადღება, რა სიმპტომები აქვს ამ დაავადებებს?

- ვინაიდან ყველაზე გავრცელებულია, დავიწყოთ ლაიმის დაავადებით. თავიდანვე მინდა აღვნიშნო, რომ ტკიპის კბენა არ არის საკმარისი დაავადების გამოწვევისთვის. თვითონ ტკიპა უნდა იყოს ინფიცირებული, რომ გამოიწვიოს დაავადება. აქედან გამომდინარე, ყველა ტკიპის კბენის შემდეგ, რა თქმა უნდა, დაავადება არ ვითარდება. 100 კბენიდან მხოლოდ ერთ შემთხვევაში შეიძლება განვითარდეს დაავადება. კბენის დროს ამის მიხვედრა წარმოუდგენელია. ამას სჭირდება სპეციალური ანალიზი, რომელიც საკმაოდ რთულად კეთდება და არ არის მოწოდებული, რომ ყველა შემთხვევაში გაკეთდეს. იმ შემთხვევაში, თუ ეს ტკიპა აღმოჩნდა ინფიცირებული და დაავადების გადამტანი, კლინიკური სიმპტომები, რომელიც დამახასასიათებელია ლაიმის დაავადებისთვის, არის საკმაოდ მრავალფეროვანი და გამოვლინდება გარკვეული დროის განმავლობაში. ინკუბაციური პერიოდი, როგორც წესი, არის სამი დღიდან 28 დღემდე. ანუ ეს არის ის პერიოდი, როცა შეიძლება გამოვლინდეს კლინიკური ნიშნები. ამას იმიტომ ვამბობ ხაზგასმით, რომ ძალიან ხშირად ტკიპის კბენის შემდეგ მეორე და მესამე დღეს მოდიან ხოლმე პაციენტები და ითხოვენ ანალიზის ჩატარებას, რომელიც ამ შემთხვევაში არ არის ინფორმატიული. ამისთვის საჭიროა დრო, რადგან ანალიზით ხდება ანტისხეულების განსაზღვრა. ეს შეიძლება იყოს, მაგალითად, 28 დღე, შესაძლოა იყოს ხუთი დღე. დაჟინებით ითხოვენ ხოლმე ანალიზს. ზოგჯერ მოდიან, ტკიპა ისევ აზით კანზე. ამ დროს პირველ რიგში ვაცილებთ ტკიპს. გულდასმით ვუხსნით, რომ ამ შემთხვევაში ტესტის პასუხი შესაძლოა იყოს ნეგატიური, რომელიც არ გამორიცხავს, რომ ეს დაავადება გაქვს, რადგან წინ გაქვს მთელი ინკუბაციური პერიოდი. უარყოფითი პასუხის შემთხვევაშიც ცოტა მოგვიანებით ვიბარეთ, რომ თავიდან გადავამოწმოთ ეს ადამიანი. რაც შეეხება სიმპტომებს, ყველაზე ხშირად ვლინდება გამონაყარი ნაკბენის ირგვლივ, რომელიც არის უხშირესად გამოხატული. თუმცა, შესაძლოა, გამონაყარი სხეულის სხვა ნაწილშიც გამოვლინდეს. ეს არის წითელი რკალისებრი შემოხაზვა, რომლის დიამეტრი საკმაოდ დიდია, შესაძლოა ხუთი სანტიმეტრი და მეტიც იყოს. გარდა ამისა, დაავადების სიმპტომებია ცხელება, სახსრების ტკივილი, კუნთის ტკივილი, ზოგადი სისუსტე, ოფლიანობა, ხშირად გამოვლინდება თავის ტკივილი. არის კიდევ ისეთი ნიშნები, რომელიც უკვე სერიოზულ საფრთხეზე მიუთითებს. ეს არის გართულებები გულის და ნერვული სისტემის მხრივ. ეს ორი დაზიანება, ნერვული და გულის მხრივ, ცოტა უფრო მოგვიანებით ფაზებში ვითარდება, სადღაც ერთი თვის მერე.

რაც შეეხება ლეიშმანიოზს, მისი საინკუბაციო პერიოდი არის 4-6 თვე. სწორედ ამ პერიოდის შემდეგ ხდება ხოლმე კლინიკური სურათის მანიფესტირება. ეს ძალიან მძიმე დაავადებაა და ყველა მკურნალობის გარეშე შემთხვევები და, მათ შორის, დაგვიანებული შემთხვევები ხშირ შემთხვევაში ცუდი გამოსავლით მთავრდება.

- წლევანდელ სეზონზე საქართველოს რომელ რეგიონში გამოვლინდა პარაზიტული დაავადებების ყველაზე მეტი შემთხვევა?

- წელევანდელ სეზონზე ინტენსიურია კახეთის შემთხვევები. საკმაოდ ბევრი შემთხვევა შემოვიდა კახეთიდან, შედარებით ნაკლებია თბილისის შემთხვევები.

- ძირითადად რა სიმპტომებით შემოდიან პაციენტები?

- შემოდიან ცხელებით, ღვიძლის და ელენთის გადიდებით, ანემიით, ჰემოგლობინის ნაკლებობით და წონის კარგვით. ეს არის ძირითადი სიმპტომები, თუმცა შესაძლოა დაფიქსირდეს დაბალი ლეიკოციტი, დაბალი თრომბოციტი. ეს ის დაავადებაა, რომელიც არ გამოგვეპარება, რადგან მკვეთრად არის სიმპტომები გამოხატული და ყველა ნიშნის არსებობის შემთხვევაში, რაც დროზე მიმართავთ ექიმს, გამოსავალი უფრო მარტივად მოიძებნება. დაავადების დროს თვითმკურნალობა დაუშვებელია, დაუყონებლივ უნდა მიმართოთ ექიმს.

 

169
თემები:
ჯანმრთელობა და სილამაზე
ბავშვები შადრევანში

როგორ დავიცვათ თავი გადახურებისგან ზაფხულის ცხელ დღეებში

282
(განახლებულია 21:18 13.07.2020)
საქართველოში უკვე ძალიან ცხელა. განსაკუთრებით ბავშვებს და მოხუცებს უჭირთ ამ სიცხის გაძლება. მზე ამ პერიოდში ძალიან აქტიურია და შუადღისას თითქმის შეუძლებელია გარეთ გასვლა. ტემპერატურა, რომელიც აღემატება 32 გრადუსს, საფრთხის შემცველია ადამიანის ჯანმრთელობისთვის.

როგორ უნდა მოვიქცეთ ზაფხულის ცხელ დღეებში და როგორ უნდა დავიცვათ თავი გადახურებისგან, ამის შესახებ დაავადებათა კონტროლის ცენტრის დირექტორის მრჩეველი ნია გიუაშვილი საუბრობს.

ნია გიუაშვილი
ნია გიუაშვილი

პრევენციის ელემენტარული ზომები უნდა იყოს მიღებული ინდივიდუალურად. მაქსიმალურად უნდა ვეცადოთ, რომ ორგანიზმი დავიცვათ გადახურებისგან. 32 გრადუსი – ეს გახლავთ ერთგვარი ზღვრული მაჩვენებელი და ამ ტემპერატურის პირობებში ხანგრძლივად ღია სივრცეში ყოფნა არ არის მისაღები.

თუ გვინდა, რომ ბინაში შევინარჩუნოთ სიგრილე, ამისათვის პირველი საშუალებაა კონდიცირება, რაც უნდა ხდებოდეს ღია ფანჯრების პირობებში. ოთახში გამორთეთ ყველა ხელსაწყო, რომელიც შეიძლება დამატებით სითბოს გამოყოფდეს. ეს ძალიან მნიშვნელოვანია. თუ ბინაში არ არის კონდიცირება, დახურეთ ფანჯრები, დარაბები, ჩამოაფარეთ ფარდები, ოთახში განათავსეთ სველი პირსახოცები.

დღის განმავლობაში უნდა დაიგეგმოს საქმიანობა და მოხდეს საქმის გადანაწილება. თუ 32 გრადუსის პირობებში გიწევთ საქმიანობა, მუშაობის დრო არ უნდა აჭარბებდეს ორ საათს. ამის შემდგომ საჭიროა დასვენება, გაგრილება და მხოლოდ შემდგომ შეიძლება დაბრუნება იმავე საქმიანობაზე.

ზოგადად, დღის პირობებში 32 გრადუსის, ხოლო ღამის პირობებში 24 გრადუსის შენარჩუნება გახლავთ ის ზღვრული მაჩვენებელი, რომელიც უნდა იყოს დაცული. სითბური ტალღებისათვის დამახასიათებელია ღამის ტემპერატურის მატება და შესაბამისად ღამის პირობებში ვერ ხდება ორგანიზმის სათანადოდ გაგრილება. ამიტომ მაქსიმალურად უნდა ვეცადოთ, რომ გავაგრილოთ ორგანიზმი. უნდა გავაღოთ ყველა ფანჯარა, განსხვავებით დღისგან, როდესაც, პირიქით, ჯობს დავხუროთ და ამგვარად შევინარჩუნოთ დაბალი ტემპერატურა.

როგორც წესი, დილის ოთხი საათიდან დილის შვიდ საათამდე გახლავთ ყველაზე უფრო გრილი პერიოდი და თუ რაიმე ტიპის ფიზიკურ აქტივობას ვგეგმავთ, სწორედ ამ პერიოდში უნდა დაიგეგმოს და არა უფრო გვიან, რომელიც შეიძლება საფრთხის შემცველი იყოს ჯანმრთელობისთვის. მით უმეტეს, საქართველოში ამ პერიოდში ადრე თენდება, დილის ხუთ საათზე სრულად არის გათენებული. შესაბამისად, სრულიად შესაძლებელი დილის ფიზიკური აქტივობით დაწყება.

ძალიან მნიშვნელოვანია, რომ სიცხის დროს საკმარისი რაოდენობით მივიღოთ სითხე. მოხუცებისთვის სწორედ ეს არის დამახასიათებელი, მათ წყურვილის გრძნობა დაქვეითებული აქვთ. უბრაოდ არ ახსოვთ, რომ წყალი უნდა დალიონ. ამ დროს მეთვალყურეობა ოჯახის წევრების მხრიდან ბავშვებზე და მოხუცებზე არის ძალიან მნიშვნელოვანი. მათ უნდა შევახსენოთ, იცოდნენ, რომ სიცხეში ფიზიკური აქტივობა უნდა იყოს შეზღუდული და სითხე უნდა იქნეს საკმარისი რაოდენობით მიღებული.

სიცხის დროს მნიშვნელობა ენიჭება კვებასაც. კვება უნდა იყოს სათანადო, მცირე პორციებით და ხშირად, ხილის და ბოსტნეულის მაღალი შემცველებით. ამ დროს რაც შეიძლება შეამცირეთ ცხიმები. უარი თქვით კოფეინზე, ტკბილ და გაზიან სასმელებზე. თუმცა მინერალული წყლები არის საუკეთესო საშუალება იმისთვის, რომ ორგანიზმში სითხე იყოს შენარჩუნებული და იყოს საკმარისი ჰიდრატაცია.

კიდევ ერთი ძლიან მნიშნელოვანი რამ: ვინაიდან სიცხე ქრონიკული დაავადებების მქონე პირებისთვის ყველაზე მაღალი რისკის შემცველია, მნიშვნელოვანია, რომ ცხელი დღეების დადგომისთანავე მათ შესაბამისი კონსულტაცია გაიარონ მკურნალ ექიმთან და გაარკვიონ, საჭიროებს თუ არა ექიმის დანიშნულება ცვლილებას.

ჯანმრთელობას გისურვებთ!

282
თემები:
ჯანმრთელობა და სილამაზე

"თალიბანი" ისევ უტევს: ავღანეთში ტერაქტების სერია მოხდა

0
სამშვიდობო დარეგულირების საკითხი ავღანეთში ისევ საფრთხის ქვეშაა. ბოლო დღეებში ბოევიკებმა ერთბაშად რამდენიმე თავდასხმა და ტერაქტი განა ხორციელეს მთელ ქვეყანაში

გუშინ ძლიერი აფეთქება მოხდა ავღანეთის უსაფრთხოების ეროვნული დირექტორატის შენობასთან სამანგანის პროვინცია ქალაქ აიბაკში. შედეგად დაიღუპა ათამდე ადამიანი და დაშავდა 50.

შეტევაზე პასუხისმგებლობა რადიკალური მოძრაობა „თალიბანის“ ბოევიკებმა აიღეს. სამანგანში აფეთქებას წინ უძღოდა თალიბების თავდასხმა კუნდუზისა და ბადახშანის პროვინციების საკონტროლო გამშვებ პუნქტებზე. რამდენიმე დღით ადრე კი ბოევიკებმა იერიში მიიტანეს ავღანელ ძალოსნებზე ნანგარჰარის პროვინციაში.

0