რა შორი მანძილია პაწაწინა, ბუთქუნა, უცოდველი თითებიდან დიდ, ბანჯგვლიან და ტლანქ თითებამდე

როგორ ბერდებიან ზოდიაქოს ნიშნები

9800
(განახლებულია 16:03 04.10.2017)
განსხვავებული ხასიათის ნიშნები განსხვავებულად ბერდებიან... ზოგიერთი ნიშნის წარმომადგენლები ადვილად ეგუებიან ასაკს, ზოგიერთები იბრძვიან და ეწინააღმდეგებიან სიბერეს, ზოგიერთები - პირიქით, ახალგაზრდავდებიან და „სიმსუბუქე" ემატებათ, ზოგიერთები კი ნამდვილ სიბერემდე ბევრად ადრე უკვე ბებერია...

ხასიათის თავისებურებებიდან, ძლიერი და სუსტი მხარეებიდან გამომდინარე, ზოდიაქოს თითოეული ნიშანში ასაკი სხვადასხვაგვარად მჟღავნდება; ზოგიერთში კი… საერთოდ არ ვლინდება.

რა თქმა უნდა, საუბარი არ არის იმაზე, ვის როდის უჩნდება ნაოჭი ან თეთრი თმა, არამედ, პირველ რიგში, როგორი დამოკიდებულება აქვთ სხვადასხვა ზოდიაქოს ნიშნებს „ცხოვრების შემოდგომის მიმართ" — განსხვავებული ხასიათის ნიშნები განსხვავებულად ბერდებიან…

ზოგიერთი ნიშნის წარმომადგენლები ადვილად ეგუებიან ასაკს, ხდებიან საყვარელი ბებიები და ბაბუები, ზოგიერთი ნიშნის წარმომადგენლები იბრძვიან და ეწინააღმდეგებიან სიბერეს — იყენებენ კოსმეტიკური საშუალებების მთელ არსენალსა და პლასტიკური ქირურგიის მიღწევებს, ზოგი — პირიქით, ახალგაზრდავდება, ზოგი კი ნამდვილ სიბერემდე ბევრად ადრე უკვე ბებერია…

ვერძებს ურჩევნიათ, არ შეიმჩნიონ ასაკი. ისინი ერთი მომენტით ცხოვრობენ და არ ფიქრობენ ხვალინდელ დღეზე. მათ სულიერ მხნეობაზე დგას ახალგაზრდული ენერგია ღრმა მოხუცებულობამდე. შესაძლოა, 60 წლის ვერძმა აღარ ჩაიცვას შავი მოკლე ტყავის ქურთუკი, მაგრამ მისი გატაცება მოტოციკლებით არ განელდება.

კუროებს გემრიელად ჭამა უყვართ, ხანდახან ზედმეტიც მოსდით, ამიტომ წლებთან ერთად ხშირად კილოგრამებიც ემატებათ. ასაკში უფრო ნაკლებად მოქნილი ხდებიან როგორც ფსიქოლოგიური, ისე ფიზიკური მნიშვნელობით. მაგრამ მათ კარგი ფიზიკური ამტანობა აქვთ და ავადმყოფობების მიუხედავად, დიდი ალბათობით, დიდხანს სიცოცხლე უწერიათ.

ტყუპები ახალგაზრდობაში მიზანს ისახავენ და თანდათან წინ მიიწევენ და სულ არ აპირებენ, წლებთან ერთად სვლა შეანელონ. იმის იმედი არ უნდა გქონდეთ, რომ ტყუპი სამსახურიდან სახლში ადრე დაბრუნდება. უკვე ხანში შესულსაც ვერ ნახავთ, რომ დივანზე წამოწვეს და დაისვენოს. მათი კარიერული ზრდა პენსიამდე გაგრძელდება და თუ შესაძლებლობა იქნება, პენსიაზე გასვლის შემდეგაც.

კირჩხიბები ორი სახის არიან: ისინი, ვინც არასდროს გაიზრდებიან და ისინი, ვისაც სიბერეში უყვარს გარშემომყოფებზე ზრუნვა დედა ტერეზასავით. კირჩხიბებს ძალიან უყვართ, რომ ყველამ პატივი სცეს მათ „კეთილშობილ ჭაღარას". კირჩხიბებისგან შესანიშნავი „კლასიკური" ბებიები და ბაბუები დგებიან.

ლომები თავისი ბუნებით შემწყნარებლები და მომთმენნი არიან და წლებთან ერთად ეს თვისება უფრო ძლიერდება. სიბერეში ეს ნიშანი უკვე საკმაოდ მშვიდი, გამოცდილი, "მეფური" პიროვნებები არიან. მათ უფრო მეტად უნდათ საყოველთაო პატივისცემა, ავტორიტეტი, ხანდახან თაყვანისცემაც კი, ასევე უნდათ, იყვნენ მისაბაძი მაგალითი — სწორედ ამ მიზეზით ისინი შეეცდებიან, მიაღწიონ მთავარ ცხოვრებისეულ მიზნებს.

ბევრი ქალწული ასაკთან ერთად უფრო ნეგატიურად აღიქვამს გარესამყაროს, განსაკუთრებით, თუ ნებას მისცემს ზედმეტი კრიტიკულობისადმი მიდრეკილებას, რომ კონტროლი დაკარგოს. ქალწულებს უყვართ, იყვნენ ფორმაში, ჯანმრთელად, მუდმივად იმყოფებოდნენ გონივრული სამუშაოს სრულყოფის გზაზე, ამიტომ სიბერეს ისინი, როგორც წესი, მკაცრი, მაგრამ ძალზე ჭკვიანი, თავაწეული ჯენტლმენივით ან ქალბატონივით ხვდებიან.

სასწორს მუდამ აღელვებს გარეგნობა, ამიტომ ნებისმიერ ზომას მიმართავენ, რომ რაც შეიძლება დიდხანს აღკვეთონ ზედმეტი კილოგრამებისა და სახეზე ნაოჭების გამოჩენა და როგორც წესი, ამას ახერხებენ. ოთხმოცი წლის სასწორი შეეცდება, გარშემომყოფები დაარწმუნოს, რომ ჯერ ორმოცისაც არ არის.

მორიელები სიბერეში ამაყნი და დიდებულნი ხდებიან. მათ უყვართ საკუთარ თავზე ფიქრი, თითქოს ფილოსოფოსები არიან და წლებთან ერთად სიბრძნე დააგროვეს. თუმცა, სინამდვილეში ასეცაა. მაგრამ, სამწუხაროდ, მოხუცი მორიელები ძალიან „ჩაციკლული" ხდებიან საკუთარ შეხედულებებსა და მიზნებზე და ხშირად მთელი სიჯიუტით გარშემომყოფთ თავს ახვევენ საკუთარ მოსაზრებებს.

მშვილდოსნებს, ვერძების მსგავსად, არ სურთ სიბერეზე ფიქრი. ეს ხანდახან მათთვის აკვიატებული აზრი ხდება და ყველას ეკითხებიან თავიანთი სავარაუდო ასაკის შესახებ იმის იმედით, რომ ვინმე რაიმე ქათინაურს ეტყვის. ისიც უნდა ითქვას, რომ ეს ქათინაურები, ჩვეულებრივ, სიმართლეს ასახავს, მშვილდოსნები ხომ, მიუხედავად იმისა, რომ თავის მოვლის სურვილი მაინცდამაინც არ აწუხებთ, ღრმა მოხუცებულობამდე ახერხებენ სექსუალურობისა და მიმზიდველობის შენარჩუნებას.

თხის რქა — ესაა ნიშანი, რომელიც ბევრ რამეში დროსთან ასოცირდება — მას ხომ სატურნი მართავს, რომელიც დროსა და მის დინებაზეა პასუხისმგებელი. მაგრამ საინტერესო ისაა, რომ თხის რქებისთვის დრო თითქოს საწინააღმდეგო მიმართულებით მიდის. ისინი უკვე იბადებიან „პატარა მოხუცებად", არიან სერიოზულები, ბრძენნი და პასუხისმგებლობით აღსავსენი, მაგრამ წლებთან ერთად ემატებათ ბავშვურობა, „სიმჩატე", იწყებენ სისულელეების კეთებას და სიბერეში ბავშვებივით იქცევიან.

მერწყულებზე საკმაოდ დიდ გავლენას ახდენს სატურნი, ამიტომ ბავშვობაში ისინი, თხის რქების მსგავსად, ძალზე სერიოზული არიან. წლების მატებასთან ერთად მერწყულები სულ უფრო ექსცენტრული ხდებიან, აღარ ფიქრობენ იმაზე, თუ რას იტყვიან გარშემომყოფები მათზე და 80 წლისები ისე იქცევიან, როგორც მოესურვებათ.

თევზებს სიბერის პანიკურად ეშინიათ — ჯერ იმდენი რამ არ გაუკეთებიათ, არ უცხოვრიათ, არ შეუსრულებიათ! სწორედ ამ მიზეზით ისინი ხშირად პოულობენ დროს, რომ შეაჯამონ საკუთარი ცხოვრების ეტაპები, დაითვალონ, რა აქვთ დაგროვებული. რაც უფრო ნაკლებს ინერვიულებენ ამასთან დაკავშირებით, უფრო დიდხანს და ბედნიერად იცხოვრებენ — ცხოვრებას ხომ ყველაზე მეტად მუდმივი შფოთვა თრგუნავს და ამოკლებს.

 

9800
თემები:
ასტროლოგიური პროგნოზი: ჰოროსკოპი ზოდიაქოს ყველა ნიშნისთვის - 2018 (652)
ვიდეოკამერა

ფრთხილად, გითვალთვალებენ! ყველაფერი, რაც ვიდეოთვალთვალის შესახებ უნდა იცოდეთ

129
(განახლებულია 10:10 28.02.2021)
ბევრი მიიჩნევს, რომ ვიდეოთვალთვალი პირად ცხოვრებაში ჩარევის ერთ-ერთ ყველაზე რადიკალური ფორმაა.  თუმცა, თანამედროვე სამყაროში ის უკვე მონაცემთა დამუშავების საკმაოდ გავრცელებული და კანონით ნებადართული საშუალებაა.

ვითეოთვალთვალი რომ არ იქცეს ადამიანის პირად ცხოვრებაში ჩარევად,  მისი გამოყენებისას აუცილებლად უნდა იყოს გათვალისწინებული  კანონით დადგენილი კონკრეტული წესები და რეგულაციები.

დღევანდელ სტატიაში აგიხსნით, რა არის ვითეოთვალთვალი, რა მიზნებისთვის და სად შეიძლება გამოიყენონ, ვის მიუწვდება ხელი ვიდეოჩანაწერებზე, როდის უნდა გადადგურდეს ისინი და ა.შ.

როგორც ზემოთ აღვნიშნეთ, ვიდეოთვალთვალი მონაცემთა დამუშავების საკმაოდ გავრცელებული და კანონით ნებადართული საშუალებაა. საქართველოში მის გამოყენებას „პერსონალურ მონაცემთა დაცვის შესახებ“ კანონი არეგულირებს.

სად შეიძლება განხორციელდეს ვიდეოთვალთვალი:

- ქუჩასა (ტერმინი ქუჩა მოიცავს პარკს, სკვერს, სათამაშო მოედანს, საზოგადოებრივი ტრანსპორტის გაჩერებას და სხვა თავშეყრის ადგილს)  და საზოგადოებრივ ტრანსპორტში

- საჯარო და კერძო დაწესებულებებში

- საცხოვრებელ შენობებში

რა მიზნით შეიძლება განხორციელდეს ვიდეოთვალთვალი:

იმის მიხედვით, თუ სად მიმდინარეობს ვიდეოთვალთვალი, განსხვავებულია მისი მიზნებიც. კერძოდ,

ქუჩასა და საზოგადოებრივ ტრანსპორტში ვიდეოთვალთვალი დასაშვებია მხოლოდ შემდეგი მიზნების მისაღწევად:

- დანაშაულის თავიდან აცილება;

- პირის უსაფრთხოებისა და საკუთრების დაცვა;

- საზოგადოებრივი წესრიგის დაცვა;

- არასრულწლოვანთა მავნე ზეგავლენისაგან დაცვა.

 საჯარო და კერძო დაწესებულებათა შენობების ვიდეოთვალთვალი დაიშვება შემდეგი მიზნით:

- პირის უსაფრთხოების და საკუთრების დაცვა;

- არასრულწლოვანის მავნე ზეგავლენისაგან დაცვა;

- საიდუმლო ინფორმაციის დაცვა.

- გამოცდის ან ტესტირების მიზნებისთვის

საცხოვრებელ შენობაში ვიდეოთვალთვალის სისტემის გამოყენება დასაშვებია მხოლოდ

- პირისა და ქონების უსაფრთხოების მიზნებისათვის.

როდესაც ქუჩაში  ან  საზოგადოებრივ ტრანსპორტში მიმდინარეობს ვიდეოთვალთვალი, საჯარო და კერძო დაწესებულებები ვალდებული არიან, თვალსაჩინო ადგილას განათავსონ შესაბამისი გამაფრთხილებელი ნიშანი. ამ შემთხვევაში პირი ინფორმირებულია იმის შესახებ, რომ მის შესახებ მონაცემთა დამუშავება მიმდინარეობს.

რაც შეეხება საჯარო და კერძო დაწესებულებებში მონიტორინგს, ვიდეოთვალთვალის სისტემის მეშვეობით შესაძლებელია  მხოლოდ შენობის გარე პერიმეტრისა და შესასვლელის მონიტორინგის განხორციელება. მონაცემთა დამმუშავებელი ვალდებულია, თვალსაჩინო ადგილას განათავსოს შესაბამისი გამაფრთხილებელი ნიშანი. ამ შემთხვევაში მონაცემთა სუბიექტი მის შესახებ მონაცემთა დამუშავების თაობაზე ინფორმირებულად ითვლება.

კანონმდებლობა  სამუშაო ადგილზე ვიდეოთვალთვალის სისტემის დაყენებას  მხოლოდ გამონაკლის შემთხვევებში უშვებს: თუ ეს აუცილებელია პირის უსაფრთხოებისა და საკუთრების დაცვის, საიდუმლო ინფორმაციის დაცვის და გამოცდის/ტესტირების მიზნებისათვის და თუ ამ მიზნების სხვა საშუალებით მიღწევა შეუძლებელია.

თუ სამუშაო  ადგილას მაინც იყენებენ ვიდეოთვალთვალის სისტემას, შესაბამის კერძო ან საჯარო დაწესებულებაში დასაქმებული ყველა პირი წერილობითი ფორმით უნდა იყოს ინფორმირებული ვიდეოთვალთვალის განხორციელებისა და მისი უფლებების შესახებ.

გაითვალისწინეთ, ვიდეოთვალთვალის განხორციელება დაუშვებელია გამოსაცვლელ ოთახებსა და ჰიგიენისათვის განკუთვნილ ადგილებში.

საჯარო და კერძო დაწესებულებებათა შენობების ვიდეოთვალთვალის შემთხვევაში, მონაცემთა დამმუშავებელი ვალდებულია შექმნას ვიდეოჩანაწერების შენახვისათვის განკუთვნილი ფაილური სისტემა. ჩანაწერების (სურათები/ხმა) გარდა, სისტემა უნდა შეიცავდეს ინფორმაციას მონაცემთა დამუშავების თარიღის, ადგილისა და დროის შესახებ.

საცხოვრებელ შენობაში ვიდეოთვალთვალის სისტემის დასაყენებლად კი აუცილებელია ამ შენობის მესაკუთრეთა ნახევარზე მეტის წერილობითი თანხმობა. აუცილებელია, ვიდეოთვალთვალის სისტემის დაყენების შესახებ  ეცნობოთ შენობაში მცხოვრებთ.

კანონის მიხედვით, საცხოვრებელ შენობაში დაყენებული ვიდეოთვალთვალის სისტემის მეშვეობით შესაძლებელია განხორციელდეს მხოლოდ შესასვლელისა და საერთო სივრცის მონიტორინგი. მესაკუთრეთა ბინების მონიტორინგი იკრძალება. გასათვალისწინებელია, რომ ეს წესი არ ვრცელდება პირადი მიზნებისთვის მონაცემთა დამუშავებაზე და იმ შემთხვევაზე, როცა ბინის მესაკუთრე თავად ახორციელებს საკუთარ ბინაში ვიდეოთვალთვალს.

აღსანიშნავია, რომ ვიდეოთვალთვალის სისტემის მეშვეობით ბინის შესასვლელის მონიტორინგის განხორციელება დასაშვებია მხოლოდ ამ ბინის მესაკუთრის გადაწყვეტილებით ან მისი წერილობითი თანხმობის საფუძველზე.

ვიდეოთვალთვალის შედეგად მოპოვებულ მონაცემებზე ხელი უნდა მიუწვდებოდეთ მხოლოდ სათანადო უფლებამოსილების  მქონე პირებს. ვიდეოჩანაწერი კი უნდა ინახებოდეს მხოლოდ იმ განსაზღვრული ვადით, რაც საჭიროა კონკრეტული მიზნის მისაღწევად.

აღსანიშნავია, რომ კანონით განსაზღვრული მიზნების მისაღწევად ვიდეოთვალთვალი განხილულია სივრცისა თუ ქცევის მონიტორინგის როგორც ერთ–ერთ და არა ერთადერთი საშუალება. ვინაიდან ვიდეოთვალთვალი მიჩნეულია პირად ცხოვრებაში ჩარევის რადიკალურ ფორმად, აუცილებელია მონაცემთა დამმუშავებელმა გააანალიზოს საფრთხე და დაასაბუთოს ამ სისტემის გამოყენების აუცილებლობა, კერძოდ უნდა შეფასდეს:

- მონაცემთა დამმუშავებლის რეალური საჭიროება და მიზანი; 

-სისტემის გავლენა პირადი ცხოვრების ხელშეუხებლობის უფლებაზე;

- სხვა საშუალებებით მიზნის მიღწევის შესაძლებლობა.

ვიდეოთვალთვალის სისტემა გამოყენებული უნდა იყოს მხოლოდ კანონით განსაზღვრული მიზნით. დაუშვებელია მისი სხვა მიზნით გამოყენება

 

129
ჩვილი ბავშვი საფენში

შეიძლება თუ არა ჩვილის მუცელზე დაძინება? ევგენი კომაროვსკის პასუხი მშობლებს

197
(განახლებულია 21:34 26.02.2021)
მსოფლიოს ყველა ქვეყნის პედიატრიულ ასოციაციებს აქვთ მკაფიო პოზიცია, რომ ადრეულ ასაკში ბავშვის მუცელზე ძილი ზრდის ჩვილთა უეცარი სიკვდილის სინდრომის რისკს.

თბილისი, 26 თებერვალი — Sputnik. ჩვილი ბავშვების მუცელზე დაძინება რეკომენდებული არ არის, აცხადებს უმაღლესი კატეგორიის პედიატრი ევგენი კომაროვსკი.

ბავშვთა ცნობილ ექიმს ერთ–ერთმა მშობელმა ასეთი შეკითხვა დაუსვა: „თქვენ არ აძლევთ მშობლებს ბავშვების მუცელზე დაძინების რეკომენდაციას. მაგრამ როგორ მოვიქცეთ, თუ მას ასეთ მდგომარეობაში უკეთ სძინავს? ბევრჯერ ვცადე, რომ პოზა შეეცვალა, მაგრამ ის მაინც ისე წვება, როგორც მოსწონს, ანუ მუცელზე. სხვაგვარად როცა წევს, ხშირად იღვიძებს და კაპრიზობს. მშვიდდება მხოლოდ მაშინ, როცა მუცელზე წევს. იქნება მაინც მივცე მუცელზე ძილის საშუალება, რახან ასე ურჩევნია?“

ამაზე პასუხად ევგენი კომაროვსკი მშობელს წერს:

„მე უბრალოდ ვერ გეტყვით, რომ თქვენი ბავშვისთვის მუცელზე ძილი შეიძლება, ვინაიდან მისი ასაკი არ ვიცი. მსოფლიოს ყველა ქვეყნის პედიატრიულ ასოციაციებს აქვთ მკაფიო პოზიცია, რომ ადრეულ ასაკში ბავშვის მუცელზე ძილი ზრდის ჩვილთა უეცარი სიკვდილის სინდრომის  რისკს.

დიახ, მე — როგორც პედიატრი, რომლის ხელშიც ასობით ათას ბავშვს გაუვლია, ვადასტურებ, რომ ბავშვებს მუცელზე უკეთ სძინავთ, ვიდრე ზურგზე. მაგრამ სამედიცინო მეცნიერების თანახმად, მართალია, ასეთი ძილი უფრო მაგარია, მაგრამ ამავდროულად უფრო სარისკოცაა ბავშვის სიცოცხლის კუთხით, ვიდრე ზურგზე ძილი.

ამიტომ ექიმი ვერ დაგრთავთ ამის ნებას. ექიმი ყოველთვის გეტყვით, რომ ჩვილის მუცელზე დაძინებას რისკები ახლავს. ამიტომ, როცა ბავშვს (სულ ცოტა, ერთ წლამდე მაინც) მუცელზე აძინებთ, მთელი ეს რისკები თქვენს სინდისზე იქნება.

ერთადერთი, რაც შემიძლია გითხრათ ისაა, რომ: თუ ბავშვი არანაირად არ იძინებს ზურგზე, სძინავს მხოლოდ მუცელზე, ამ დროს კი უკვე იცით, რომ ეს სახიფათოა, შეგიძლიათ ორი ძირითადი მეთოდით შეამციროთ რისკები.

  • პირველი: საწოლში ბავშვის გარდა არაფერი არ უნდა იყოს. ანუ მხოლოდ მყარი და სწორი ზედაპირის მქონე ლეიბი — ბალიშების, პლედების, სათამაშოებისა და სხვა ნებისმიერი ნივთის გარეშე. ბავშვს უნდა ეცვას შესაბამისად თბილად და ეძინოს ლეიბზე მკვრივად გადაჭიმულ ზეწარზე.

დაიმახსოვრეთ: მთავარია იდეალურად სწორი ზედაპირი და არაფერი ისეთი, რაშიც ბავშვს შეუძლია გაეხვეს ან ცხვირი შეყოს.

  • მეორე: ჰაერის ტემპერატურისა და ტენიანობის სწორი პარამეტრები. ანუ ბავშვს უნდა ეძინოს ოთახში, სადაც ტემპერატურა არ არის 20 გრადუსზე მაღალი, ხოლო ტენიანობა 40–60%-ს არ აღემატება.

ასე რომ, თუ მაინც გადაწყვეტთ ბავშვის მუცელზე დაძინებას, ყველაფერი უნდა გააკეთოთ იმისთვის, რომ მინიმუმამდე დაიყვანოთ ჩვილთა უეცარი სიკვდილის სინდრომის რისკი“.

197
თემები:
ექიმი გირჩევთ
აყვავებული რტო

ზოდიაქოს ხუთი რჩეული ნიშანი ვის გაუმართლებს ამ გაზაფხულზე

0
(განახლებულია 13:28 28.02.2021)
2021 წლის გაზაფხული ძალზე მრავალფეროვანი და მნიშვნელოვანი იქნება. გაუმართლებს ზოდიაქოს ყველა ნიშანს, მაგრამ განსაკუთრებით ვერძებს, ტყუპებსა და კიდევ სამ ნიშანს

მარტი და აპრილი 2021 წლის ყველაზე ხელსაყრელი თვეებია იმის წყალობით, რომ 27 აპრილამდე არც ერთი პლანეტა არ იქნება რეტროგრადული. იდეალური დროა მოქმედებებისთვის. მთავარია, სამყაროსთვის მადლობის თქმა არ დაგავიწყდეთ.

ზოდიაქოს ნიშნები, რომლებიც დიდებისა და პოპულარობისთვის დაიბადნენ>>

ვერძი

ვერძები – ადამიანები, რომლებიც ყოველთვის ზედაპირზე ხართ, მოქმედებთ მაშინაც, როდესაც სხვები ფარ–ხმალს ყრიან. თქვენი გაასმაგებული ენერგია და ნებისყოფა საოცარ შედეგებს მოიტანს. ესაა არა მხოლოდ იღბლიანობის დრო, არამედ ტოტალური ცვლილებების დროც. მთავარია, განზე არ გადგეთ და იმოქმედოთ, ეადოთ, კომფორტის ზონიდან გახვიდეთ. ესაა შესანიშნავი პერიოდი ცხოვრების ყველა სფეროში – თქვენთვის ყველა კარი გახსნილია.

ტყუპი

ქარიზმისა და მომხიბვლელობის წყალობით ბევრი რამის მიღწევა შეგიძლიათ. მარტსა და აპრილში ნამდვილად იქნებით წარმატებული ადამიანები, რადგან ჩარჩოებში ვერავინ და ვერაფერი მოგაქცევთ. ირგვლივ ყველა იგრძნობს თქვენი ხასიათის ძალასა მეგობრულ დამოკიდებულებას. ყველაზე მეტი იღბალი სასიყვარულო სფეროში გელოდებათ. თუმცა, გამონაკლისი არც სამუშაო და ფინანსებია. მთავარი, რაც უნდა გახსოვდეთ – ნებისმიერი ყინულის გალღობა სიკეთეს შეუძლია.

ლომი

გაზაფხულის იღბლიან ნიშანთა შორის თქვენც ხართ. ნამდვილი ტრიუმფი გელოდებათ. ეს პერიოდი ბედნიერებისა და იღბლის მომტანია. ექსპერტები აცხადებენ, რომ ბოლო ორიოდე წლის განმავლობაში მიღწეულ წარმატებებს შორის ყველაზე დიდი წარმატებები სწორედ ახლა გელოდებათ. რაც მთავარია, ამისთვის რამის მსხვერპლად გაღება არ დაგჭირდებათ. გელოდებათ საპასუხო სიყვარული, მნიშვნელოვან ადამიანებთან შეხვედრა, კარიერული წინსვლა და სხვ.

ზოდიაქოს ნიშნები, რომლებიც მიზნებს თავიანთი მომხიბვლელობით აღწევენ>>

ქალწული

მიწის სტიქიის წარმომადგენლებს შორის თქვენ ყველაზე იღბლიანი იქნებით ამ გაზაფხულზე. თქვენს ცხოვრებაში ახალი გზა იხსნება. დიდი ალბათობით, მიიღებთ საინტერესო წინადადებებს სამსახურთან დაკავშირებით. უარის თქმა ზოგიერთზე გაგიჭირდებათ, მაგრამ საჭიროა, რომ ობიექტურობა შეი8ნარჩუნოთ და სიფრთხილე გამოიჩინოთ. ძალზე ხელსაყრელი დროა ძვირად ღირებული ნივთების შესაძენად. ასტროლოგები გირჩევენ, დაფიქრებით გაანაწილოთ თქვენი ფინანსები. ზოგადად, კარგი თვეა შრომისმოყვარე ქალწულებისთვის, ხოლო ავანტიურა და რისკი კარგს არაფერს მოიტანს.

მერწყული

ამ გზაფხულზე ვარსკვლავები და პლანეტები არაჩვეულებრივი ინტუიციით დაგასაჩუქრებენ, რაც ყველაზე მწვავე პრობლემებისა და გაუგებრობების მოგვარებაში დაგეხმარებათ. მარტი და აპრილი დიდი გამარჯვებების თვეები იქნება როგორც სასიყვარულო, ისე ფინანსურ ასპარეზზე. შეძლებთ ცხოვრების გამრავალფეროვნებას, ახალი მოტივაციის შეძენას, ცნობიერების „გადატვირთვას“. უსიამოვნებები მალე გაივლის და თქვენს სულში კვალს არ დატოვებს. შესაძლოაშეხვდეთ ადამიანებს, რომლებიც თვალს აგიხელენ ცხოვრების მნიშვნელოვან ასპექტებზე.

0