ფითრი

„ყველაფრის მკურნალი" პარაზიტი მცენარე და მისი ბედნიერების გვირგვინი

6507
(განახლებულია 15:01 04.09.2017)
მიიჩნევდნენ, რომ მას იდუმალი ენერგია გააჩნია, რომელიც ბოროტ ძალებს უმკლავდება. ევროპის ზოგიერთ ქვეყანაში დღემდეა შემორჩენილი ტრადიცია, წარმატების მოსაზიდად საშობაოდ ამ მცენარისგან გვირგვინები დაამზადონ. ასეთი გვირგვინი, როგორც ბედნიერებისა და ნაყოფიერების მომტანი, ოჯახში შემდეგ შობამდე ინახება.

ფითრი, კერძოდ თეთრი ფითრი (Viscum album L.) – მარადმწვანე, პარაზიტი ბუჩქოვანი მცენარეა ფითრისებრთა ოჯახიდან. მისი ბუჩქები ბურთისებრი ფორმისაა, დატოტვილი. იგი ძირითადად მსხლის ტოტებზე გვხვდება, არცთუ იშვიათად ვერხვზე, ვაშლზე, აკაციაზე, ცაცხვზე, სოჭზე და სხვა მერქნიან მცენარეებზე. 70-მდე სახეობა ბუნებრივად არის გავრცელებული ევროპაში, აზიაში, აფრიკასა და ავსტრალიაში. საქართველოში მხოლოდ ერთი სახეობა გვხვდება — თეთრი ფითრი.

ფითრს უძველესი დროიდან მრავალი ლეგენდა უკავშირდება. მას ბუნების მაგიურ საჩუქრად მიიჩნევდნენ და დიდად აფასებდნენ. ანტიკურ თქმულებებში ამ მცენარეს „ოქროს რტოს" უწოდებდნენ. დრუიდების ტრადიციებით, ფითრის ტოტები ოქროს დანით უნდა მოეჭრათ. მათი რწმენით, განსაკუთრებული თვისებები ჰქონდა წმინდა მუხის ხეებზე მზარდ ფითრს, რომელიც იშვიათობას წარმოადგენდა. მისი შეგროვება ნამდვილი დღესასწაული იყო თავისი რიტუალური ცერემონიებითა და მსხვერპლშეწირვით. დრუიდები ფითრს „ყველაფრის მკურნალს" უწოდებდნენ და სწამდათ, რომ ამ მცენარისგან დამზადებული სასმელი უნივერსალური შხამსაწინააღმდეგო საშუალებაა.

მიიჩნეოდა, რომ ფითრს იდუმალი ენერგია გააჩნია, რომელიც ბოროტ ძალებს უმკლავდება. მისგან აკეთებდნენ ამულეტებს, რომლებსაც ატარებდნენ ქალები, რათა ოჯახში კეთილდღეობა გამეფებულიყო და მათი ნაყოფიერება წარმატებული ყოფილიყო, გაეგრძელებინათ გვარი. მას ასევე უნივერსალურ გასაღებად მიიჩნევდნენ, რომელსაც ნებისმიერი კარის გაღება შეეძლო.

სკანდინავიის ქვეყნებში მიიჩნევდნენ, რომ თუ მტრები ერთმანეთს იმ ხის ქვეშ შეხვდებოდნენ, რომელზეც ფითრი იზრდება, იარაღი უნდა დაეყარათ. სახლზე დაკიდებული ფითრის ტოტები მშვიდობის, სტუმართმოყვარეობის სიმბოლოს წარმოადგენდა, ასევე იცავდა ოჯახს ელვისა და ჭექა–ქუხილისგან, არ უშვებდა ოჯახში ავ სულებს. ფითრის რტოებს დებდნენ ჩვილის აკვანში, რომ ის ბოროტ ალქაჯებს არ მოეტაცათ. ინგლისელები ფითრს აჭმევდნენ ძროხებს ხბოს მოგების შემდეგ. ავსტრალიაში კარის ზღურბლზე დადებული ფითრის რტო ოჯახს ღამის კოშმარებისგან იცავდა. ასევე სჯეროდათ ფითრისა იაპონელებს, რომ ის ყველა სენისგან დაიცავდა მათ. ფითრს თესვის წინ მიწაში ფლავდნენ და სჯეროდათ, რომ ეს უხვი მოსავლის მიღებაში დაეხმარებოდათ.

ევროპის ზოგიერთ ქვეყანაში დღემდეა შემორჩენილი ტრადიცია, საშობაოდ ფითრისგან დაამზადონ გვირგვინები და სახლის სამშვენისები, რაც, მათი რწმენით, იზიდავს წარმატებასა და ნაყოფიერებას. ასეთი გვირგვინი, როგორც ბედნიერების მომტანი, ოჯახში შემდეგ შობამდე ინახება.

ფითრის სამკურნალოდ გამოყენების შესახებ ცნობები ჯერ კიდევ პლინიუსის შრომებში გვხვდება. ის ფითრს აღწერდა, როგორც ეპილეფსიური შეტევებისა და თავბრუსხვევის საწინააღმდეგო საშუალებას. შუა საუკუნეებში მას იყენებდნენ, როგორც ეფექტურ საშუალებას ჭრილობების, კანის წყლულოვანი დაზიანებების სამკურნალოდ, ასევე სისხლდენის შესაჩერებლად.

ამასთან, ფითრის შემადგენლობაშია მრავალი ბიოლოგიურად აქტიური ნივთიერება, რომლებსაც ძლიერი სამკურნალო თვისებები ახასიათებს. აზოტის შემცველი ნაერთები – გამა–ამინოცხიმოვანი მჟავა, აცეტილქოლინი, ქოლინი; ტერპენოიდები – ალფა–ამირინები, ბეტა–ამირინები, ბეტულინის მჟავა, ურსულინის მჟავა; ტრიტერპენული საპონინები – ემუთეროზიდი; ალკალოიდები – ტირამინი, ლუპანინი; ფლავონოიდები – იზორამნეტინი, კვერცეტინი, რამნეტინი; ჰისტამინები, ორგანული მჟავები – ყავის, ქლოროგენული, მანიტი; ვიტამინები, მინერალური ნივთიერებები.

მაგალითად, ალკალოიდი ვისკოტოქსინი აქტიურია სიმსივნური უჯრედების მიმართ, აძლიერებს ორგანიზმის დამცავ ძალებს. ტრიტერპენულ საპონინებს ჰემოლიტური ქმედებები ახასიათებს, ზრდის ჰემოგლობინს. ქოლინი, ვიტამინი B4 კარგად მოქმედებს გულ–სისხლძარღვთა სისტემაზე, ხოლო აცეტილქოლინი აუცილებელია ნერვული სისტემის სწორი ფუნქციონირებისთვის. ფითრი ეფექტურია გულ–სისხლძარღვთა, ენდოკრინილოგიური, გინეკოლოგიური და სხვა დაავადებების დროს.

ფითრს იყენებენ შემდეგი დაავადებების სამკურნალოდ:

• ნევრალგია

• ნეირობლასტომა

• სისხლდენა ცხვირიდან

• ენურეზი

• ლიმფოსარკომა

• ვარიკოზი

• ჰიპერთირეოზი

• ბრონქული ასთმა

• ათეროსკლეროზი

• იმპოტენცია

• კუჭის კიბო

• თავის ტვინის სისხლძარღვების სკლეროზი

• თავის ტკივილი

• ღვიძლის კიბო

• ლეიკოზი

• ლიმფოგრანულემატოზი

• ჰემოროი

• თორმეტგოჯა ნაწლავის კიბო

• კუჭ–ნაწლავში სხვადასხვა პარაზიტების დროს

• შაქრიანი დიაბეტი

• ლიმფომა

• ტუბერკულიოზი

• ეპილეფსია

• პაპილომა

• ნევრინომა

• ლეიკორეა (თეთრად შლა)

• ჰიპერტონია

• სილურჯე დაზიანების შედეგად

• თირკმელების კიბო

• სისხლდენა საშვილოსნოდან

• უშვილობა

ფითრის მიღება არ შეიძლება ინდივიდუალური აუტანლობის, ორსულობის დროს. ფითრის შემადგენლობაში არის შხამიანი ნივთიერებები, ამიტომ ამ მცენარის გამოყენებისას აუცილებელია დოზის დაცვა. მოწამვლის ნიშნებია პირღებინება, მისი შეგრძნება, დიარეა.

6507
მამაკაცი ლიანდაგზე

მწარე შეცდომები, რომლებსაც ყოველი მეორე უშვებს: დაიზღვიეთ თავი

176
(განახლებულია 20:11 16.04.2021)
ადამიანები ლამის ყოველდღე უშვებენ შეცდომებს — დიდსა თუ მცირეს, საბედისწეროსა თუ ნაკლები სიმძიმისას.

ამის მიზეზი ხშირად უბრალო დაუფიქრებლობაა, რაც ახალგაზრდებს მეტად ახასიათებთ, ვიდრე სიჭარმაგეში შესულებსა და შეცდომებზე უკვე ცხვირწამტვრეულებს.

იმისათვის, რომ სიყმაწვილეში ჩადენილ-ნამოქმედარმა სიბერე არ გაგიმწაროთ, გონება ცოტა მეტად უნდა დაძაბოთ.

კარგად დაფიქრდით და გაიაზრეთ, თქვენც ხომ არ უშვებთ იგივე შეცდომებს, რასაც ლამის ყოველი მეორე, როდესაც:

•    უამრავ დროს კარგავთ არაფრისმომცემი სერიალებისა და გადაცემების ყურებაში;

•    უარს ამბობთ რეალურ ცხოვრებაზე და  ვირტუალურ სამყაროში ატარებთ სიცოცხლეს, რომელიც ერთხელ გვეძლევა;

•    იშვიათად გადიხართ ბუნების წიაღში დასასვენებლად;

•    ყურადღებას არ აქცევთ ჯანმრთელობას,  არაჯანსაღი წესით ცხოვრობთ;

•    ყოველდღიურად არ სწავლობთ და შეიმეცნებთ რაიმე ახალს;

•    იშვიათად ადევნებთ თვალს მზის ამოსვლას;

•    ატარებთ ნიღაბს, რომელიც თქვენს ჭეშმარიტ სახესა და პიროვნებას მალავს;

•    ცხოვრობთ შიშსა და შებოჭილობაში, რაც კრეატიულად აზრონებაში გიშლით ხელს და თავს ახალგაზრდობაშივე მოხუცად გაგრძნობინებთ;

•    იშვიათად იქცევით ბავშვივით, არადა ეს ხშირად საჭიროა;

•    იშვიათად ხვდებით მეგობრებს;

•    ეჭვიანობა და შური გეუფლებათ და ეს ბნელი გრძნობები თქვენს სულში ნათელს სძლევს;

•    სხვის მოსაზრებებს სერიოზულ ყურადღებას აქცევთ.

კარგი იქნება, თუ გააცნობიერებთ, რომ ცხოვრება წარმავალია და ხელიდან გაშვებულ დროს უკან ვეღარ დაიბრუნებთ.

გაიაზრეთ ზემოთ ჩამოთვლილი შეცდომები და შეეცადეთ, იცხოვროთ გონივრულად, რათა სიბერეში სინანულმა არ მოგიწიოთ, როცა თითზე კბენა გვიან იქნება.

176
თემები:
სასარგებლო რჩევები
ბინის გასაღები

შინიდან გასვლისას გადაუღეთ სურათი... ბინას: მილიონად ღირებული რჩევა

191
(განახლებულია 20:44 16.04.2021)
ჩვენმა მკითხველმა ერთმა ქალბატონმა, ერთი შეხედვით უცნაური, თუმცა მართლაც გენიალური გამოსავალი გაგვიზიარა, რომელსაც თქვენც გაგაცნობთ

გადაუჭარბებლად გეტყვით, პირადად ჩემთვის ეს რჩევა მილიონად კი არა, სიცოცხლედ ფასობს. იმიტომ რომ ყოველ დილას, შინიდან რომ გავალ და სამსახურის გზას შევუყვები, უცბად ხან ჩანთაში ვიწყებ ხელების ფათურს ნერვიულად, ხან ადგილზე ვშეშდები და ვცდილობ, აღვიდგინო სახლიდან გამოსვლის ყველა დეტალი: 

  • ვაიმე, ნეტავ, კარი თუ დავკეტე?!
  • გაზი ხომ არ დამრჩა ჩართული?
  • დღეს უთო დამჭირდა?
  • ფანჯრები მივხურე თუ დამავიწყდა?..

და ასე შემდეგ ლამის დაუსრულებლად. 

მოკლედ, თან მივიჩქარი და თან ფეხები უკან მრჩება, ვარ ასე გაწამაწიაში. 

სამსახურში წასვლას კიდევ რა უჭირს, საღამოს მაინც დაბრუნდება კაცი შინ. მაგრამ თუ, სულ ცოტა, ორი დღით მაინც გავდივარ ქალაქიდან დასასვენებლად, იმდენს ვნერვიულობ, ყველაფერს ვიშხამებ. წარმოგიდგენიათ, შვებულებით ქალაქიდან გადაკარგული, რა „კარგ“ დღეში ვიქნები? 

და ასე ალბათ დიდხანს გაგრძელდებოდა, ინტერნეტში სრულიად შემთხვევით ერთი ჭკვიანი ქალის რჩევას რომ არ გადავყროდი.

ვაშა! დავისვენე.

არაფერზე აღარ ვნერვიულობ, იმიტომ რომ შინიდან ხანგრძლივად გასვლის წინ... სურათებს ან ვიდეოს ვუღებ ყველა "საჭოჭმანო ობიექტს": გაზქურას, უთოს, ფანჯრებს, ონკანებს და, რაღა თქმა უნდა, უკვე ჩაკეტილ და გასაღებგამოძრობილ სადარბაზო კარს - ეს უკანასკნელი ჩემი ყველაზე სუსტი წერტილია. და თუ უცბად რაღაცამ დამაეჭვა, ანუ რომელიმე „ვაიმემ“ შემომიტია, მაშინვე ტელეფონში ვიხედები და ფოტო- ან ვიდეოფაქტებით ვიმშვიდებ თავს. 

გულზე ხელი დაიდეთ, განა გენიალური გამოსავალი არა არის?!

191
სიცილია, ეოლიის კუნძულები

დღის ასტროპროგნოზი ზოდიაქოს ნიშნებისთვის: 17 აპრილი

0
(განახლებულია 14:12 16.04.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 17 აპრილია, შაბათი. მზარდი მთვარე ტყუპის ნიშანშია. ამ დღეს პლანეტა სატურნი მფარველობს.

აუცილებლად გამოიყენეთ დღევანდელი დღის შესაძლებლობები. ემოციები ღრმა და ძლიერი იქნება, მაგრამ საკმარისია სულიერი წონასწორობის შენარჩუნება და მაშინ შეუძლებელი არაფერი იქნება, ყველაფერი ჩვეულებრივზე იოლად გამოგივათ. ამ დღის პრიორიტეტებია სიყვარული, ურთიერთობები, ფული. მთავარია, ბრმად არ მიჰყვეთ გრძნობებს და ყველა შესაძლოა შედეგი წინასწარ გათვალოთ.

ზოდიაქო: მამაკაცის ხიბლის 12 ელფერი>>

ვერძი: დღეს ემოციებისა და ურთიერთობების მორევში გადაეშვებით. იმდენად ამაღლებული განწყობით იქნებით, რომ მზად ხართ მოულოდნელი და იმპულსური ქმედებებისთვის. ნებისმიერი რამ შეიძლება მოხდეს: უეცარი გრძნობები, ახალი ნაცნობობა, გართობა, მოულოდნელი გადაწყვეტილებები, ფლირტი. ვარსკვლავები გაფრთხილებენ, როგორც არ უნდა გინდოდეთ მოდუნება, თავი მაინც არ დაკარგოთ და კონტროლი ხელიდან არ გაუშვათ. წინააღმდეგ შემთხვევაში არის ალბათობა იმისა, რომ რაღაცის ზღვარი დაარღვიოთ.

კურო: არაა გამორიცხული, რომ დღეს ისეთი ცუდი გრძნობების გამოვლინებებს წააწყდეთ, როგორიცაა სიხარბე ან შური. შესაძლოა, ეს თქვენკენ იყოს მომართული, ან თავად იგრძნოთ შური ვინმეს მიმართ. დღემ რომ მშვიდად ჩაიაროს, ეცადეთ, დღეს თავი აარიდოთ ისეთ ადამიანებთან შეხვედრებს, რომელთაც თქვენზე მეტი შემოსავლები ან წარმატებები აქვთ. ამასთან, არ ღირს საკუთარი გამარჯვებების სახალხოდ გამოფენა, რომ ამან სხვებში არ გამოიწვიოს შური.

ტყუპი: პრაქტიკულად ნებისმიერ საქმეში ჯანსაღი აზარტი მოგცემთ მიმართულებას. ამ შემთხვევაში აუცილებელი არაა მეგობრებთან ნაძლევის დადება ან ფსონის ჩამოსვლა კაზინოში. აზარტი, პირველ რიგში, გამოვლინდება თქვენს სურვილში, რომ რაღაც სხვებზე უკეთესად გააკეთოთ. მეტოქეობა, გამოგონილი იქნება ეს თუ რეალური, ბიძგს მოგცემთ როგორც სამუშაოზე, ისე ყოფასა და სიყვარულში, დაგეხმარებათ უფრო კარგი შედეგების მიღებაში.

კირჩხიბი: არაა გამორიცხული, რომ დღევანდელი მოვლენების წყალობით ჩიხში მოექცეთ, ან ნამდვილ ამოუცნობ საიდუმლოს შეეჯახოთ. რას იზამთ, დღეს ინტუიცია ჭარბობს ლოგიკას. რა გამოცანის ამოხსნასაც არ უნდა ეცადოთ, ამის გაკეთება დედუქციის წყალობით გაგიჭირდებათ. დიდი ალბათობით, სწორი დასკვნების გამოტანისთვის საჭირო ფაქტები არ გეყოფათ. სამაგიეროდ ამ დანაკლისს ინტუიცია შეავსებს, რომელიც სათანადო სიმაღლეზე იქნება.

ლომი: დღეს განწყობა გაქვთ ისეთი, რომ რაღაც ახლის გამოცდაზე უარს არ იტყოდით. შეიძლება ეს იყოს სპორტის ექსტრემალური სახეობა, ახალი ცოდნის მიღების წყურვილი ან სიყვარული. თუ გყავთ საყვარელი ადამიანი, ნამდვილად ღირს, რომ მასთან გაატაროთ საღამო და ჩვეულ სცენარს გადაუხვიოთ. თუ მარტოხელა ბრძანდებით, დღე გაძლევთ ახალი ნაცნობობისა და თამამი ექსპერიმენტების შესაძლებლობას. გარდა ამისა, თქვენი ტვინის მარჯვენა ნახევარსფერო მთელი სიმძლავრით იმუშავებს და ეს შეგიძლიათ შემოქმედებისთვის გამოიყენოთ.

ქალწული: დღეს შეიძლება დიდი პრობლემები შეგექმნათ თვითორგანიზებასთან დაკავშირებით. გაგიჭირდებათ ყოველდღიური საქმეების ჩვეულ ტემპში შესრულება. ყურადღება ყველაფერმა შეიძლება გაგიფანტოთ – გარშემომყოფებმა, მოვლენებმა, თქვენმა აკვიატებულმა აზრებმა. ამ გონებაგაფანტულობის გამო, არაა გამორიცხული, ყველა საქმე ჩაგეშალოთ, რასაც ხელს მოჰკიდებთ. ვარსკვლავები გირჩევენ, არ ეცადოთ სიტუაციის „გამოსწორება“, სჯობს, პატარა ტაიმ–აუტი აიღოთ. დასვენება და გართობა გჭირდებათ, საქმეები კი მოიცდის.

სასწორი: დღეს ვარსკვლავცები მთლიანად თქვენ მხარეს არიან. ფორტუნა გაგიღიმებთ, ასე რომ, მოემზადეთ სასიამოვნო სიურპრიზებისთვის. შესაძლოა, გაგიმართლოთ სიყვარულში, ან მიიღოთ თანხა, რომლის იმედიც არ გქონდათ. არც ისაა გამორიცხული, რომ რაღაც სასიამოვნო სიახლის შესახებ შეიტყოთ. თუ აპირებთ გეგმის განხორციელებას, რომელშიც იღბლიანობასაც უნდა ენდოთ, ამისთვის სწორედ რომ საუკეთესო დროა.

მორიელი: დღეს თქვენი მოთმინების ფიალა ფიალა კი არა, ჩაის კოვზზე პატარაა. თუ სხვა დროს რამე მოვლენას ყურადღებასაც კი არ მიაქცევდით, დღეს ამან წყობილებიდან შეიძლება გამოგიყვანოთ. ეს განსაკუთრებით ეხება ირონიას (თუნდაც მეგობრულსა და უწყინარს), ასევე კრიტიკას გარშემომყოფების მხრიდან. იმისთვის, რომ თქვენი არცთუ პოზიტიური ემოციები ვინმეზე არ გადატყდეს ჯოხივით, სჯობს, თუ მათ უსაფრთხო კალაპოტში მიმართავთ, მაგალითად, ფიზიკურ ვარჯიშში – ირბენთ, აუზში იცურავებთ და ა.შ.

მშვილდოსანი: დღეს გარშემომყოფებს ტყუილად ექნებათ იმედი, რომ ლოგიკურად იმოქმედებთ. ყველაფერი, რასაც გააკეთებთ, ნაკარნახევი იქნება ისეთი რკინისებრი არგუმენტებით, როგორიცაა „მინდა“ და „არ მინდა“. მთელი დღესურვილების ტყვეობაში იქნებით, თან ისე, რომ ზოგიერთ ნაბიჯს თქვენ თვითონაც ვერ მოუძებნით ახსნას. წამიერი სურვილების აყოლით რომ შეცდომები არ დაუშვათ, სჯობს, მოუსმინოთ მეგობრებსა და ახლობლებს. უბრალოდ, სიტყვაზე ენდეთ – გვერდიდან ყველაფერი უფრო კარგად მოჩანს.

თხის რქა: დღეს რაღაც მოვლენებს, შესაძლოა, იმაზე მეტი მნიშვნელობა მიანიჭოთ, ვიდრე ისინი ამას იმსახურებს: მომძლავრებული ემოციურობის გამო ირგვლივ განვითარებულ მოვლენებს კონტრასტულ ფერებში დაინახავთ, ნებისმიერი საბაბის გამო შეიძლება აღფრთოვანდეთ ან პირიქით, უხასიათოდ შეიქმნეთ. ამასთან, ზედმეტი ყურადღება შეიძლება მიაქციოთ რაღაც მინიშნებებს, თანხვედრებს. თუ შეძლებთ თქვენი მძლავრი ემოციების გაკონტროლებას, მაშინ დღე ალზე საინტერესო და მრავალფეროვანი იქნება.

მერწყული: თუ მოინდომებთ, დღეს საჭირო ადამიანებზე სათანადო შთაბეჭდილების მოხდენას შეძლებთ. მოვლენები დაგეხმარებათ, რომ თავი მომგებიანად წარმოაჩინოთ ხელმძღვანელობის, კოლეგების ან ახლობელი ადამიანების წინაშე. ეს სცენარი რომ განვითარდეს, ამისთვის საკმარისია, მოვლენების ცენტრში აღმოჩნდეთ, არ მოგერიდოთ გარშემომყოფებისთვის თქვენი ნიჭის ჩვენება, უნარის, რომ შეგიძლიათ სწორად მოქმედება და საჭირო გადაწყვეტილებების მიღება ყველაზე არასტანდარტულ გარემოშიც კი.

თევზები: დღეს არის რისკი, რომ თქვენი ნების საწინააღმდეგოდ რაღაც მოვლენების ან, შესაძლოა, ინტრიგების ქსელში აღმოჩნდეთ ჩართული. გარშემომყოფები, იხელმძღვანელებენ რა თავიანთი მიზნებით, თქვენით მანიპულირებას შეეცდებიან. შესაძლოა, შემოგთავაზონ რაღაც მოვლენაში მონაწილეობა, ან გაგიზიარონ ჭორები, რომ შემდეგ ეს ინფორმაცია გაავრცელოთ. ასეა თუ ისე, ვარსკვლავები გირჩევენ, თავი შორს დაიჭიროთ სხვისი საქმეებისგან.

0