როგორ უმკლავდებიან ზოდიაქოს ნიშნები განშორებას
(განახლებულია 09:53 29.06.2017)
განშორება მტკივნეულია და თითოეული ამასთან გამკლავებას სხვადასხვაგვარად ცდილობს. ნახეთ, როგორ რეაგირებს ზოდიაქოს თითოეული ნიშანი განშორების სირთულეებზე.ვერძი (21 მარტი — 19 აპრილი)
თქვენი დევიზია "თვალი თვალს რომ მოსცილდება, გული გადასხვაფერდებაო". ცდილობთ, რაც შეიძლება მეტად დატვირთოთ თავი მუშაობით ან შეხვედრებით, რათა დეპრესიაში არ ჩავარდეთ.
კურო (20 აპრილი — 21 მაისი)
გრძნობებს საკუთარ თავში მალავთ. რომ გტკიოდეთ კიდეც, ამას გარესამყაროს არ გაუმხელთ და თავს ისე დაიჭერთ, თითქოს არც არაფერი მომხდარა. მაგრამ შინაგანად ძალიან უბედური ხართ.
ტყუპი (22 მაისი — 21 ივნისი)
მერყეობთ. ხანდახან ისე მოქმედებთ, თითქოს არაფერი საშინელი არ მომხდარა და მარტო ყოფნა ჯობს. ხანდახან კი ბრაზობთ და ამბობთ, რომ თქვენი ყოფილი ინანებს, გული რომ გაგიტეხათ.
კირჩხიბი (22 ივნისი — 22 ივლისი)
საოცრად მგრძნობიარე ხართ, ამიტომ ურთიერთობების შეწყვეტა თქვენზე ღრმა გავლენას ახდენს. ნუგეშს მეგობრებში ეძებთ და ბევრ მელანქოლიურ მუსიკას უსმენთ.
ლომი (23 ივლისი — 22 აგვისტო)
განშორება ორმაგად განაღვლიანებთ, რადგან ვერ იტანთ, როდესაც თქვენ სიამაყეს ეხებიან. გაღიზიანების მოსახსნელად ინტიმური ურთიერთობების ძებნას თქვენ ყოფილზე უფრო მეტად სექსუალურ ვინმესთან დაიწყებთ.
ქალწული (23 აგვისტო — 22 სექტემბერი)
თქვენ ძალზე კრიტიკული ხართ და ამიტომ პარტნიორის საქციელით იმედგაცრუებული რჩებით. თქვენთვის განშორება ღალატის ტოლფასია.
სასწორი (23 სექტემბერი — 22 ოქტომბერი)
ბალანსის ოსტატი ბრძანდებით, ამიტომ ცდილობთ, მალე შეიხორცოთ ჭრილობა — გამოიტიროთ, მედიტაციით ან კიდევ სხვა რამით დაკავდეთ.
მორიელი (23 ოქტომბერი — 22 ნოემბერი)
თქვენ გულს არავინ გიტეხთ. ეს თქვენ უტეხთ სხვებს გულებს.
მშვილდოსანი (23 ნოემბერი — 21 დეკემბერი)
ცოტა მოიწყენთ, მაგრამ მალე გამოხვალთ მდგომარეობიდან. თქვენ სიამოვნებას იღებთ საკუთარი დამოუკიდებლობისგან და იცით, რომ ზღვაში ბევრი თევზია.
თხის რქა (22 დეკემბერი — 20 იანვარი)
რაღაც დროის განმავლობაში მწყობრიდან გამოხვალთ, მაგრამ განსაკუთრებული დრამის გარეშე. იმედგაცრუების უფლებას თავს ცოტა ხნით აძლევთ, შემდეგ კი კვლავ წინ მიიწევთ.
მერწყული (21 იანვარი — 18 თებერვალი)
თქვენი სული ამოუცნობია. როგორც წესი, პარტნიორს ძალიან არ ეჩვევით, ამიტომ განშორებას იშვიათად მოაქვს თქვენთვის დიდი დარდი და მწუხარება.
თევზები (19 თებერვალი — 20 მარტი)
ბევრ ლექსს წერთ.
თუ წარბები გითხელდებათ, შეიმოწმეთ ფარისებრი ჯირკვალი: ექიმი გირჩევთ
(განახლებულია 19:14 14.04.2021)
ამერიკელი დერმატოლოგი ჩამოთვლის იმ სერიოზულ დაავადებებს, რომლებზეც წარბების ცვენა-შეთხელება შეიძლება მიანიშნებდეს.თბილისი, 14 აპრილი — Sputnik. თუ შენიშნავთ, რომ წარბები გითხელდებათ, შესაძლოა დადგა დრო, რომ ფარისებრი ჯირკვლის ჰორმონების დონე შეიმოწმოთ, აცხადებს აშშ-ის დერმატოლოგიის აკადემიის წევრი სეჯალ შაჰი.
მისი თქმით, ფარისებრი ჯირკვლის დისბალანსი, სხვა პრობლემების გარდა, წარბების ცვენასაც იწვევს და ეს ამ პრობლემის გავრცელებული სიმპტომია.
გარდა ამისა, წარბების გათხელება ასევე შეიძლება იყოს ატოპიური დერმატიტის, ეგზემის ან მკვებავი ნივთიერებების (კერძოდ, რკინის) დეფიციტისა თუ ანემიის შედეგი.
ამასთან სპეციალისტი ზოგ შემთხვევაში გვირჩევს, წარბების ამოქნას მოვეშვათ და ბუნებრივი ზრდის საშუალება მივცეთ. საქმე ისაა, რომ ამ პროცედურამ თმის ფოლიკულებს შეიძლება გამოუსწორებელი ტრავმა მიაყენოს და საბოლოოდ დააზიანოს კიდეც.
როგორც დერმატოლოგი ამბობს, ჯობს წარბები იშვითად გამოიქნათ, განსაკუთრებით, უშუალოდ წარბის ძვლოვანი ქედის ზედა ნაწილში, და მხოლოდ მისი ქვედა ნაწილის მოწესრიგებით შემოიფარგლოთ. კიდევ უკეთესი იქნება, თუ საერთოდ უარს იტყვით ამაზე.
თემები:
ჩვილის სწრაფად დაძინების უებარი მეთოდი: იმიტაციის ეფექტი
(განახლებულია 17:28 13.04.2021)
იმისათვის, რომ ჩვილმა სწრაფად და უპრობლემოდ დაიძინოს, არც თავად გაღიზიანდეს და არც მშობლები გადაღალოს, ერთ უებარ მეთოდს გთავაზობთ
ახალგაზრდა მშობლებს ხშირად ძალიან უჭირთ ბავშვის დაწყნარება და დაძინება.
მათ დასახმარებლად პედიატრის რჩევას შემოგთავაზებთ, რომელიც მეტად საჭირო და ეფექტურ გამოცდილებას უზიარებს მშობლებს.
თუმცა მანამდე იმ სავარაუდო მიზეზებს გაგაცნობთ, როს გამოც შესაძლოა არ იძინებდეს ბავშვი.
ესენია:
- ძილთან დაკავშირებული მკაფიოდ განსაზღვრული რიტუალების არარსებობა;
- ძილის წინ აქტივობა და ბავშვის ახალი შთაბეჭდილებებით დატვირთვა;
- ჯანმრთელობის პრობლემები;
- ყურადღებისა და მზრუნველობის უკმარისობა;
- ძილისთვის შეუსაბამო ვითარება.
პედიატრის მეთოდი ორი ბოლო პუნქტის სწრაფად განეიტრალება-აღმოფხვრაში დაგეხმარებათ. სცადეთ და დარწმუნდებით.
ბავშვის დაძინების ვიეტნამური მეთოდი pic.twitter.com/B2VPIAF2Xk
— dada (@dadababako1966) April 13, 2021
ამისათვის აიღეთ პირსახოცი, ზომით 120X60 სმ და დაახვიეთ რულონივით;
შემდეგ დააწვინეთ ბავშვი მარჯვენა მხარეზე და შემოახვიეთ რულონი ისე, რომ პირსახოცი ბავშვის ფეხებშუა გატარდეს და ორივე ბოლო კისრისა და თავქვეშ მოექცეს (როგორც ეს ფოტოზეა ნაჩვენები);
ამის მერე უსვით ხელი ბავშვს ზურგზე, რათა თქვენი შეხება იგრძნოს... და ორიოდე წუთში პატარა ფშვინვას ამოუშვებს.
საქმე ისაა, რომ პირსახოცის „ბუდე“ დედის მკერდში ჩახუტების იმიტაციას ქმნის, სადაც პატარა თავს კომფორტულად და უსაფრთხოდ გრძნობს.
შესაბამისად, გასაკვირი არ არის, რომ ამგვარ „მოწყობილობაში“ ბავშვი სწრაფად იძინებს.
თემები:
ლარის კურსი 15 აპრილს
(განახლებულია 08:29 15.04.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0197 ლარით გაუფასურდა.თბილისი, 15 აპრილი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,4432 GEL/$1 ნიშნულზე დაადგინა.
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0197 ლარით გაუფასურდა.
ლარის კურის 15 აპრილს
თემები: