ახალი მთავრობის დამტკიცება. 2021 წლის 22 თებერვალი

საქართველოს ახალი მინისტრთა კაბინეტის წევრების ბიოგრაფიები

30
(განახლებულია 14:05 23.02.2021)
ახლანდელ მინისტრთა კაბინეტში ორი ახალი სახეა – თავდაცვის მინისტრი და რეგიონული განვითარებისა და ინფრასტრუქტურის მინისტრი.

თბილისი, 23 თებერვალი – Sputnik. საქართველოს პარლამენტმა 89 ხმით ორის წინააღმდეგ ორშაბათს ნდობა გამოუცხადა განახლებულ მინისტრთა კაბინეტს ირაკლი ღარიბაშვილის მეთაურობით.

„Sрutnik-საქართველო“ ქვეყნის ახალი მთავრობის წევრების ბიოგრაფიებს გთავაზობთ

საქართველოს შინაგან საქმეთა მინისტრი - ვახტანგ გომელაური

Вахтанг Гомелаури
© Sputnik / Alexander Imedashvili
საქართველოს შინაგან საქმეთა მინისტრი - ვახტანგ გომელაური

გომელაური დაიბადა 1975 წლის 24 დეკემბერს. დაამთავრა საქართველოს ფიზიკური აღზრდისა და სპორტის აკადემია.

1994-2003 წლებში მუშაობდა სახელმწიფო დაცვის სპეციალურ სამსახურში. შემდგომი ცხრა წელი იმუშავა საქართველოს შსს-ს დაცვის პოლიციის დეპარტამენტში.

2013 წლის მარტიდან 2014 წლის დეკემბრამდე შინაგან საქმეთა მინისტრის მოადგილე იყო. შემდეგ გახდა მინისტრის პირველი მოადგილე, შემდეგ – მინისტრი.

2015 წელს საქართველოს სახელმწიფო უსაფრთხოების სამსახურის უფროსად დაინიშნა.

წელს გომელაურს „სახელმწიფო უსაფრთხოების გენერალ-ლეიტენანტის“ უმაღლესი სპეციალური წოდება მიენიჭა.

ფლობს ინგლისურ და რუსულ ენებს. დაქორწინებულია, ჰყავს ორი შვილი.

საქართველოს ეკონომიკისა და მდგრადი განვითარების მინისტრი - ნათია თურნავა

Министр экономики Грузии Натия Турнава
საქართველოს ეკონომიკისა და მდგრადი განვითარების მინისტრი - ნათია თურნავა

ნათია თურნავა დაიბადა 1968 წლის 19 ოქტომბერს.

1990 წელს დაამთავრა თბილისის სახელმწიფო უნივერსიტეტის ეკონომიკის ფაკულტეტი, 1994 წელს ეკონომიკურ მეცნიერებათა კანდიდატის ხარისხი დაიცვა.

2005-2006 წლებში გაიარა ჰარვარდისა და საერთაშორისო სავალუტო ფონდის პროფესიული სასწავლო კურსები. 2014 წელს დაამთავრა გაერთიანებული სამეფოს კამბრიის უნივერსიტეტისა და რობერტ კენედის კოლეჯის (ციურიხი) ერთობლივი სამაგისტრო პროგრამა და ბიზნეს-ადმინისტრირების მაგისტრი გახდა.

1994-1996 წლებში იყო საქართველოს დემოკრატიისა და პოლიტიკის მეცნიერებათა ინსტიტუტის მეცნიერ-მუშაკი. კითხულობდა ლექციებს ეკონომიკის სხვადასხვა დისციპლინაში საქართველოს უმაღლეს სკოლაში.

1997-2000 წლებში საქართველოს მთავრობაში იყო სახელმწიფო მრჩეველი, ეკონომიკური სამსახურის საფინანსო-საბიუჯეტო პოლიტიკის განყოფილების უფროსის მოადგილე, ეკონომიკური სამსახურის უფროსის მოადგილე, პრეზიდენტის საპარლამენტო მდივნის მოვალეობის შემსრულებელი.

1998-2000 წლებში იყო თბილისის საკრებულოს წევრი, საფინანსო-საბიუჯეტო კომისიის თავმჯდომარის მოადგილე.

2000-2005 წლებში თურნავა ეკონომიკის მინისტრის პირველი მოადგილის პოსტს იკავებდა.

2005 წლის მაისში საქართველოს პრეზიდენტთან არსებული უშიშროების საბჭოს მდივნის მოადგილედ დაინიშნა.

2005 წლის სექტემბრამდე 2006 წლის ნოემბრამდე საქართველოს ეკონომიკის მინისტრის პირველი მოადგილის თანამდებობას იკავებდა.

2006-2013 წლებში იყო შპს „საქართველოს ინდუსტრიული ჯგუფის“ დირექტორთა საბჭოს წევრი, შპს „საქართველოს საერთაშორისო ენერგეტიკული კორპორაციის“ გენერალური დირექტორი, დირექტორთა საბჭოს თავმჯდომარე.

2013 წლის აგვისტოდან 2018 წლის სექტემბრამდე თურნავა „საქართველოს საპარტნიორო ფონდის“ აღმასრულებელი დირექტორის მოადგილე იყო.

2018 წლის სექტემბრიდან 2019 წლის აპრილამდე ეკონომიკისა და მდგრადი ეკონომიკის მინისტრის მოადგილე იყო.

2019 წლის აპრილში ეკონომიკისა და მდგრადი ეკონომიკის მინისტრი გახდა.

თურნავა 40 სამეცნიერო ნაშრომის, სტატიისა და მონოგრაფიის ავტორია. გარდა ამისა, ორი წიგნის თანაავტორია.

ფლობს რუსულ და ინგლისურ ენებს.

დაქორწინებულია, ჰყავს ერთი შვილი.

საქართველოს საგარეო საქმეთა მინისტრი - დავით ზალკალიანი

Глава МИД Грузии Давид Залкалиани
საქართველოს საგარეო საქმეთა მინისტრი - დავით ზალკალიანი

ზალკალიანი დაიბადა 1968 წლის 27 თებერვალს. დაამთავრა ივანე ჯავახიშვილის სახელობის თბილისის სახელმწიფო უნივერსიტეტი საერთაშორისო სამართლის სპეციალობით.

კარიერა 1992 წელს საგარეო საქმეთა სამინისტროში დაიწყო. მრავალი წლის განმავლობაში მუშაობდა მაღალ თანამდებობებზე საქართველოს დიპლომატიურ წარმომადგენლობებში ავსტრიასა და აშშ-ში.

მის დოსიეშია საქართველოს საგანგებო და სრულუფლებიანი ელჩის თანამდებობები უზბეკეთში, ტაჯიკეთსა და ბელარუსში.

შემდეგ ზალკალიანი დაუბრუნდა საქართველოს საგარეო საქმეთა სამინისტროს და გლობალური ურთიერთობების დეპარტამენტს ჩაუდგა სათავეში.

2012 წელს, ხელისუფლებაში ბიძინა ივანიშვილის მეთაურობით კოალიცია „ქართული ოცნების“ მოსვლის შემდეგ, დიპლომატი საქართველოს საგარეო საქმეთა მინისტრის მოადგილედ დაინიშნა. ექვსი წლის შემდეგ მას მინისტრის სავარძელი ანდეს.

ფლობს ინგლისურ, გერმანულ და რუსულ ენებს. დაქორწინებულია, ჰყავს ორი ქალიშვილი.

საქართველოს ფინანსთა მინისტრი - ივანე მაჭავარიანი

Министр финансов Грузии Иване Мачавариани
საქართველოს ფინანსთა მინისტრი - ივანე მაჭავარიანი

ივანე მაჭავარიანმა გიორგი გახარიას მთავრობაში ფინანსთა მინისტრის პოსტი შეინარჩუნა.

ივანე მაჭავარიანი 1974 წლის 11 თებერვალს თბილისში დაიბადა.

1996 წელს დაამთავრა თბილისის სახელმწიფო უნივერსიტეტი, კვალიფიკაციით წარმოების ეკონომიკა და მართვა. 1997 წელს გაიარა „საერთაშორისო საბუღალტრო სტანდარტების" სპეციალური ინტენსიური კურსი, ხოლო 2009 წელს დაამთავრა სასწავლო პროგრამა ფინანსებში და გაიარა ტელეკომუნიკაციებთან დაკავშირებული ტრენინგები.

1997-2018 წლებში კომპანია Geocell-ში იყო საფინანსო განყოფილების სპეციალისტი, ფინანსური დაგეგმარებისა და საერთაშორისო ანგარიშების დეპარტამენტის მენეჯერი, ფინანსური დირექტორი და კომპანიის კომერციული დირექტორი.

2010-2011 წლებში იყო TeliaSonera’s Eurasian ოპერაციებისთვის მობილური ადაპტაციის სტრატეგიის შემუშავების გუნდის წევრი (ყაზახეთი, აზერბაიჯანი, საქართველო, უზბეკეთი, ტაჯიკეთი, ნეპალი და მოლდოვა).

2012-2015 წლებში მონაწილეობდა სხვადასხვა საკონსულტაციო კომპანიასთან კომერციულ და ტექნოლოგიურ კვლევებში (McKinsey, Accenture, Informa Telecoms, Delta Partners).

2018 წლის ივლისში საქართველოს ფინანსთა მინისტრის პოსტზე დაინიშნა.

ფლობს რუსულ და ინგლისურ ენებს. ჰყავს მეუღლე და ორი შვილი.

საქართველოს განათლების, მეცნიერების, კულტურისა და სპორტის მინისტრი - მიხეილ ჩხენკელი

Министр образования, науки, культуры и спорта Михаил Чхенкели
საქართველოს განათლების, მეცნიერების, კულტურისა და სპორტის მინისტრი - მიხეილ ჩხენკელი

მიხეილ ჩხენკელი 1968 წლის 1 აპრილს თბილისში დაიბადა.

ჩხენკელმა წარმატებით დაამთავრა თსუ მექანიკა-მათემატიკის ფაკულტეტი. იყო აკადემიკოს ნიკოლოზ მუსხელიშვილის სტიპენდიანტი. ჩხენკელმა დოქტორანტურა აშშ-ში, პენსილვანიის უნივერსიტეტში დაამთავრა, სადაც მას მათემატიკურ მეცნიერებათა დოქტორის ხარისხი მიანიჭეს.

20 წლის განმავლობაში ის საგანმანათლებლო საქმიანობას ეწეოდა აშშ-ის უნივერსიტეტებში, პედაგოგიური და სამეცნიერო მოღვაწეობისთვის მიღებული აქვს მრავალი ჯილდო, მათ შორის, „პროფესორის ოსკარი" – საუკეთესო სწავლებისთვის.

ამერიკულ უნივერსიტეტებში მოღვაწეობისას ჩხენკელი მათემატიკის დეპარტამენტის კომპიუტინგის კომიტეტის თავმჯდომარე იყო.

ამასთან ერთად ჩხენკელი არის აშშ-ის მათემატიკური საზოგადოების სტუდენტთა სამეცნიერო კონფერენციების ჟიურის წევრი, სამეცნიერო-კვლევითი კონფერენციების და მათემატიკური ოლიმპიადების ორგანიზატორი, Cengage Learning-ის მრჩეველი და ასევე ბარი გოლდვოტერის პრესტიჟული სტუდენტური პრემიის კომიტეტის წევრი.

ჩხენკელი მონაწილეობს საერთაშორისო სამეცნიერო კონფერენციებში, მათ შორის, აშშ-ის მათემატიკური საზოგადოებისა და მათემატიკური ასოციაციის სამეცნიერო კონფერენციებში. ის კითხულობს ლექციებს აშშ-ში, აქვს მჭიდრო პროფესიული კავშირები ამერიკის მრავალი წამყვანი უნივერსიტეტის, მათ შორის, ჰარვარდის, პრინსტონის, პენსილვანიის, იელის, კოლუმბიის, ჩიკაგოს, ნიუ-იორკის პროფესორებთან, ასევე ბრაუნის, კორნელისა და ჯონს ჰოპკინსის უნივერსიტეტების მეცნიერებთან.

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი - ეკატერინე ტიკარაძე

Глава Минздрава Грузии Екатерина Тикарадзе
საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი - ეკატერინე ტიკარაძე

ეკატერინე ტიკარაძე 1976 წლის 3 მარტს დაიბადა.

1998 წელს დაამთავრა თბილისის სამედიცინო ინსტიტუტი, ხოლო 2005 წელს ზოგადი პროფილის სტომატოლოგიის კურსი გაიარა.

2007-2008 წლებში გერმანიაში გაიარა ყბა-სახის იმპლანტაციის სრული კურსი, ხოლო 2015-2016 წლებში - მიუნსტერის (გერმანია) ჯანდაცვის აკადემიაში ჰოსპიტალურ სექტორში მართვის კურსი.

2016-2019 წლებში სწავლობდა ავსტრიაში, Donau-Universität Krems-ში, ჯანდაცვის მენეჯმენტისა და ჰოსპიტალური სექტორის ეკონომიკისა და მართვის მიმართულებით. მიღებული აქვს მენეჯმენტის და ბიზნეს ადმინისტრირების მაგისტრის ხარისხი.

2006-2008 წლებში ქალაქ ნიურნბერგში (გერმანია) ფონდში „სტომატოლოგები საზღვრების გარეშე" პროექტის განვითარების მენეჯერი იყო.

2008-2013 წლებში შვეიცარიულ კომპანია „მედტრანსში“ მესამეულ ქვეყნებში ჰოსპიტალური და სადაზღვევო სექტორის განვითარების კონსულტანტად მუშაობდა.

2009-2015 წლებში საჩხერის სტომატოლოგიურ კლინიკაში „დოსტაქარი" იყო მენეჯერი კონცეპტუალურ საკითხებში.

2015-2016 წლებში ტიკარაძე მუშაობდა საქართველოს საპარტნიორო ფონდში, ევროკავშირის სტანდარტების შესაბამისად ჯანდაცვის სექტორის განვითარების მიმართულებით და ამბულატორიაში Georgia Healthcare Group PLC.

2015-2019 წლებში „საჩხერის რაიონული საავადმყოფოს პოლიკლინიკური გაერთიანების" გენერალური დირექტორი იყო.

2019 წლის ივნისში ტიკარაძემ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პოსტი დაიკავა.

2019 წლის ივნისში ეკატერინე ტიკარაძემ გიორგი გახარიას მთავრობაში საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პოსტი დაიკავა.

ფლობს რუსულ, ინგლისურ და გერმანულ ენებს.

დაქორწინებულია, ჰყავს ორი შვილი.

საქართველოს გარემოსა და სოფლის მეურნეობის მინისტრი - ლევან დავითაშვილი

Министр сельского хозяйства Грузии Леван Давиташвили
© Sputnik / Alexander Imedashvili
ლევან დავითაშვილისაქართველოს გარემოსა და სოფლის მეურნეობის მინისტრი  - ლევან დავითაშვილი

ლევან დავითაშვილი 1978 წლის 10 დეკემბერს დაიბადა.

1999 წელს დაამთავრა თბილისის სახელმწიფო უნივერსიტეტის ეკონომიკის ფაკულტეტი, 2001 წელს  - ეკონომიკისა და ბიზნესის ფაკულტეტი, 2002 წელს - მილანის მართვის სწავლებისა და გამოცდილების ცენტრი (CESMA).

1997-1999 წლებში მუშაობდა საქართველოს სახელმწიფო დაზღვევისა და ზედამხედველობის სამსახურში სადაზღვევო რეგულაციებისა და სტანდარტების დეპარტამენტის უფროსად.

1999 წელს იყო შემოსავლების სამინისტროს სოციალური გადასახადების დეპარტამენტის უფროსი.

1999-2001 წლებში დავითაშვილი რესტრუქტურიზაციისა და მართვის დახმარების ცენტრის (CERMA) მთავარი კონსულტანტი იყო.

2002-2007 წლებში იყო შპს „წინანდლის ძველი მარნის" გენერალური მენეჯერი.

2007-2009 წლებში იყო USAID-ის სოფლის მეურნეობის განვითარების პროექტის Ag Vantage-ის გაყიდვებისა და მარკეტინგის მენეჯერი.

2007-2009 წლებში იყო შპს Schuchmann-Wines-ს გაყიდვებისა და მარკეტინგის მენეჯერი.

2012-2014 წლებში დავითაშვილი ღვინის ეროვნული სააგენტოს ხელმძღვანელობდა.

2014-2017 წლებში იყო საქართველოს სოფლის მეურნეობის მინისტრის მოადგილე, შემდეგ დაინიშნა გარემოს დაცვისა და სოფლის მეურნეობის სამინისტროს ხელმძღვანელად, რომელიც ორი უწყების შერწყმის შედეგად შეიქმნა.

ფლობს ქართულ, ინგლისურ, იტალიურ და რუსულ ენებს. ჰყავს მეუღლე და ორი შვილი.

სახელმწიფო მინისტრის შერიგებისა და სამოქალაქო თანასწორობის საკითხებში - თეა ახვლედიანი

Госминистр по примирению и гражданскому равноправию Тея Ахвледиани
სახელმწიფო მინისტრის პოსტი შერიგებისა და სამოქალაქო თანასწორობის საკითხებში - თეა ახვლედიანი

თეა ახვლედიანი 1975 წლის 10 იანვარს თბილისში დაიბადა.

1999 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის ფაკულტეტი. საერთაშორისო პოლიტიკის მაგისტრის ხარისხი მიიღო სტრატეგიულ კვლევათა ევროპის ცენტრში (CERIS) ბელგიაში.

2008-2014 წლებში იყო საქართველოს საგარეო საქმეთა სამინისტროს ევროინტეგრაციის დეპარტამენტის დირექტორი. 2014 წლის 22 აპრილიდან 2019 წლის 1 ივნისამდე იყო საქართველოს საგანგებო და სრულუფლებიანი ელჩი ესტონეთში. 2019 წლის 14 ივნისიდან იყო ჯანდაცვის მინისტრის მოადგილე.

2019 წელს დაჯილდოვდა ესტონეთის სახელმწიფო ჯილდოთი, პირველი ხარისხის ჯვრის ორდენით „ტერა მარიანა“. 2018 წელს ბალტიის თავდაცვის კოლეჯმა დააჯილდოვა მედლით Medal of Merit Silver. 2011 წელს დაჯილდოვებულია ღირსების ორდენით.

ფლობს ქართულ, ინგლისურ, ფრანგულ და რუსულ ენებს. ჰყავს ერთი შვილი.

საქართველოს რეგიონული განვითარებისა და ინფრასტრუქტურის მინისტრი ირაკლი ქარსელაძე

Министр регионального развития и инфраструктуры Грузии Ираклий Карселадзе
საქართველოს რეგიონული განვითარებისა და ინფრასტრუქტურის მინისტრი ირაკლი ქარსელაძე

ირაკლი ქარსელაძე 1978 წლის 28 თებერვალს ქუთაისში დაიბადა.

ირაკლი ქარსელაძეს როგორც საჯარო, ისე კერძო სექტორში მუშაობის დიდი გამოცდილება აქვს. თავის დროზე ის მუშაობდა კომპანიაში „დიპლომატ ჯორჯია“, სააქციო საზოგადოებაში „საქართველოს ლატარიის კომპანია“, ლუდსახარშ კომპანია „ლომისში“ და კომპანიაში Cartu Group, რომელიც მმართველი პარტიის დამაარსებელს, მილიარდერ ბიძინა ივანიშვილს ეკუთვნის.

2012 წელს მთავრობის კანცელარიაში იყო ადმინისტრაციული დეპარტამენტის უფროსი.

შემდეგ გადავიდა ტურიზმის განვითარების ფონდში, ასევე იყო თანაინვესტირების ფონდის მრჩეველთა საბჭოს უფროსი.

2018 წლის აპრილიდან ქარსელაძე იყო საავტომობილო გზების დეპარტამენტის უფროსი და ინფრასტრუქტურისა და რეგიონული განვითარების მინისტრის პირველი მოადგილე.

ფლობს ქართულ, ინგლისურ, გერმანულ და რუსულ ენებს. ჰყავს მეუღლე და ოთხი შვილი.

საქართველოს თავდაცვის მინისტრი ჯუანშერ ბურჭულაძე

Министр обороны Грузии Джуаншер Бурчуладзе
საქართველოს თავდაცვის მინისტრი ჯუანშერ ბურჭულაძე

ჯუანშერ ბურჭულაძე 1978 წლის 14 იანვარს დაიბადა.

1998 წელს დაამთავრა ჰუმანიტარულ-ტექნიკური უნივერსიტეტის საფინანსო-საბანკო ფაკულტეტი.

მას ასევე აქვს მუშაობის გამოცდილება კომპანიაში Cartu Ваnk, რომელიც მმართველი პარტიის დამფუძნებელს, მილიარდერ ბიძინა ივანიშვილს ეკუთვნის.

ბურჭულაძე ასევე მუშაობდა მუნიციპალური განვითარების ფონდში, აშშ-ში საქართველოს საელჩოში და Standart Bank-ში.

ფლობს ქართულ, ინგლისურ, ესპანურ და რუსულ ენებს. ჰყავს მეუღლე და რვა შვილი.

საქართველოს იუსტიციის მინისტრი გოჩა ლორთქიფანიძე

Министр Юстиции Гоча Лорткипанидзе
საქართველოს იუსტიციის მინისტრი გოჩა ლორთქიფანიძე

ლორთქიფანიძე 1964 წლის თებერვალში ქალაქ ფოთში დაიბადა.

1986-1989 წლებში სწავლობდა სოხუმის სახელმწიფო უნივერსიტეტში სამართალმცოდნეობის ფაკულტეტზე.

1995 წელს ლორთქიფანიძემ დაამთავრა ესექსის უნივერსიტეტის (დიდი ბრიტანეთი) სამაგისტრო პროგრამა.

2004 წელს დაამთავრა ჰარვარდის სამართლის სკოლის (აშშ) მაგისტრატურა.

1991-2005 წლებში ლორთქიფანიძე საგარეო საქმეთა სამინისტროში სხვადასხვა თანამდებობებზე მუშაობდა.

2005 წელს დაინიშნა საქართველოს პრემიერ-მინისტრის მრჩევლად საგარეო ურთიერთობებისა და საერთაშორისო სამართლის საკითხებში.

2011 წელს ლორთქიფანიძემ ფორდემის უნივერსიტეტში სამართლის დოქტორის სტატუსი მიიღო.

2013 წელს ლორთქიფანიძე საქართველოს იუსტიციის მინისტრის მოადგილედ დაინიშნა.

2020 წლის 24 დეკემბრიდან არის საქართველოს იუსტიციის მინისტრი და ვიცე-პრემიერი. ამავე წლის დეკემბერში ლორთქიფანიძე ჰააგის სისხლის სამართლის საერთაშორისო სასამართლოს მოსამართლედ აირჩიეს.

ფლობს ქართულ, ინგლისურ და რუსულ ენებს. ჰყავს მეუღლე და ორი შვილი.

30
მცხეთის ჯვრის ტაძარი

საეკლესიო კალენდარი - 26 თებერვალი

280
(განახლებულია 12:37 26.02.2021)
საქართველოს მართლმადიდებელი ეკლესია 26 თებერვალს ღირს მარტინიანეს, ღირთა ზოიას და ფოტინეს, ალექსანდრიელ მთავარეპისკოპოს ევლოგის, და სერბეთის მეფე სვიმეონ მირონმდინარეს იხსენიებს.

Sputnik საქართველო გიამბობთ ვინ იყვნენ ეს წმინდანები და რატომ არიან მოხსენიებულები საეკლესიო კალენდარში.
მარტინიანე, ზოია და ფოტინე

საეკლესიო კალენდრის მიხედვით 26 თებერვალი ღირსი მარტინიანეს, ღირთა ზოიას და ფოტინეს ხსენების დღეა.

მარტინიანე 18 წლის იყო, როცა პალესტინის კესარიის მახლობლად, უდაბნოში დაემკვიდრა. აქ ღირსმა მამამ მეოთხედი საუკუნე დაჰყო უფლისთვის სათნო ღვაწლში, სრულ მდუმარებაში და კურნების ნიჭიც მიემადლა.

ერთხელ, ერთმა მეძავმა ქალმა გარყვნილ ადამიანებში დაიქადნა, რომ შესძლებდა ეცდუნებინა თავად მარტინიანეც, ვისი კეთილმსახურების ამბავიც მთელს ქალაქს მოედო. იგი წმიდა მამის კელიას ღამით მიადგა მწირის სახით და თავშესაფარი ითხოვა. მარტინიანეს შეებრალა ქალი და შეივრდომა. მაგრამ აი, ცბიერმა სტუმარმა სხვა, ძვირფასი სამოსელი ჩაიცვა და მისი ცდუნება დაიწყო. მაშინ ნეტარი მამა გარეთ გავიდა, კოცონი დაანთო და გავარვარებულ ნაკვერცხლებზე შიშველი ფეხებით შედგა, თან საკუთარ თავს ეუბნებოდა: „გიმძიმს, მარტინიანე, ამ დროებითი ცეცხლის გაძლება? როგორღა გაუძლებ დემონის მიერ შენთვის გამზადებულ მარადიულ ცეცხლს?!“ ამ სანახაობით თავზარდაცემულმა მეძავმა შეინანა თავის შეცოდება და წმიდანს შესთხოვა, ცხონების გზაზე დაეყენებინა. მარტინიანეს კურთხევით, იგი ბეთლემში, წმიდა პავლას მონასტერში გაემგზავრა, სადაც 12 წელი ცდილობდა მკაცრი მოღვაწეობით სინანულის ღირსი ნაყოფის გამოღებას. ეწია კიდეც ნეტარ აღსასრულს. ამ ქალს ზოია ერქვა.

დამწვრობათაგან განკურნებული მარტინიანე უდაბურ, კლდოვან კუნძულზე დაემკვიდრა და აქ, ღია ცის ქვეშ ცხოვრობდა რამდენიმე წლის მანძილზე. იგი იკვებებოდა საზრდელით, რომელსაც დროდადრო უზიდავდა ერთი მენავე. სანაცვლოდ ღირსი მამა მას კალათებს უწნავდა.

ერთხელ, ზღვაზე ქარიშხალი ამოვარდა და სამგზავრო ხომალდი დაიღუპა. მის ნამსხვრევს ჩაჭიდებული ასული ფოტინია ზღვის ტალღებმა კუნძულთან მოაგდო. მარტინიანე დაეხმარა მას ნაპირზე გამოსვლაში და უთხრა: „დარჩი აქ, აი, პური და წყალი, ორი თვის შემდეგ კი მენავე მოვა!“- ეს თქვა წმიდანმა, ზღვაში გადაეშვა და გასცურა. ხმელეთზე იგი ორმა დელფინმა გამოყვანა. ამ დღიდან მარტინიანე მწირის ცხოვრებით ცხოვრობდა. ერთხელ ათენში ჩასული ღირსი მამა დასნეულდა. მან აღსასრულის მოახლოება იგრძნო, ტაძარში შევიდა, იატაკზე გაწვა, ეპისკოპოსს მოუწოდა და სთხოვა, დაეკრძალა მისი ცხედარი. ეს მოხდა 422 წელს.

ქალწული ფოტინია კუნძულზე დარჩა, ექვსი წლის განმავლობაში იღვაწა აქ განმარტოვებით , შემდეგ კი მშვიდობით შეჰვედრა სული უფალს. მენავემ, რომელიც მარტინიანეს მსგავსად, მასაც უზიდავდა საზრდელს, წმიდანის ცხედარი პალესტინის კესარიაში გადაასვენა. ეპისკოპოსმა სამღვდელო დასთან ერთად იგი პატივით მიაბარა მიწას.

ალექსანდრიელი მთავარეპისკოპოსი ევლოგი

საეკლესიო კალენდრის მიხედვით 26 თებერვალი ღირსი ევლოგის,  ალექსანდრიელ მთავარეპისკოპოსის ხსენების დღეა.

ევლოგი, ალექსანდრიელი მთავარეპისკოპოსი VI საუკუნის მოღვაწე იყო. იგი თავდაპირველად მაცხოვრის შობის იუსტინეს სავანეს წინამოძღვრობდა ანტიოქიაში, შემდეგ კი ალექსანდრიის კათედრაზე აღასაყდრეს. ახალ ხარისხში 27 წლის მანძილზე დაუცხრომლად იბრძოდა სხვადასხვა მწვალებლობათა წინააღმდეგ. ცნობები ევლოგის მოღვაწეობის შესახებ დაცულია ღირსი მამის, გრიგოლ დიოლოღოსისადმი მიმართულ წერილებში.

წმიდა ევლოგი 607 ან 608 წელს გარდაიცვალა. მისი თხზულებები მხოლოდ ნაწილობრივ, პატრიარქი ფოტის ამონაწერების სახითაა შემორჩენილი. ისინი ძირითადად ქრისტეს ორბუნებოვნებას ეხება და მის დროს გავრცელებული სხვადასხვა ერესის წინააღმდეგაა მიმართული. სრული სახით ჩვენამდე მოაღწია მისმა მხოლოდ ერთმა, ბზობის კვირიაკეს წარმოთქმულმა ქადაგებამ.

სვიმეონ მირონმდინარე

საეკლესიო კალენდრის მიხედვით 26 თებერვალი სვიმეონ მირონმდინარის, სერბეთის მეფის ხსენების დღეა.

სვიმეონ მირონმდინარე, სერბეთში  XII საუკუნეში ცხოვრობდა. მას ერობაში სტეფანე ნემანი ერქვა და სერბეთის დიდი მთავარი იყო. სვიმეონმა ბევრი იღვაწა თავისი სამშობლოსათვის: გააერთიანა სერბეთის მიწების დიდი ნაწილი, დამოუკიდებლობა მოუპოვა ქვეყანას. ის გულმოდგინედ იცავდა თავის ერს ლათინთა მწვალებლობის თუ სხვა ერეტიკულ სწავლებათაგან. 80 წლის ასაკში სტეფანემ მიაშურა ათონს, სადაც თავისი წმიდა ცხოვრებით უკვე გაეთქვა სახელი მის ძეს - ღირს საბას (ხს. 12 იანვარს). აქ მათ ერთად განაახლეს ხილენდარის მიტოვებული მონასტერი, სადაც თანდათან შემოიკრიბნენ სხვადასხვა ქვეყნებიდან მოსული ბერები. წმიდა სვიმეონი ძმების ბრძენი მოძღვარი იყო. იგი 1200 წლის 13 თებერვალს გარდაიცვალა. მისი უხრწნელი ნაწილებიდან მირონი გადმოდინდა. საბამ მამის ნეშტი გადმოასვენა და მდინარე სტუდენცის ნაპირას მდებარე ყოვლად წმიდა ღვთისმშობლის ტაძარში დააბრძანა.

 

მასალა მომზადებულია ღია წყაროებზე დაყრდნობით

280
თემები:
საეკლესიო კალენდარი
შიო-მღვიმეს მონასტერი

საეკლესიო კალენდარი - 25 თებერვალი

498
(განახლებულია 07:38 25.02.2021)
საქართველოს მართლმადიდებელი ეკლესია 25 თებერვალს ივერიის ყოვლადწმიდა ღმრთისმშობლის ხატის დღესასწაულს აღნიშნავს, ასევე იხსენიებს წმინდანებს: პროხორე ქართველს, ლუკა იერუსალიმელს, ნიკოლოზ დვალს, ანტიოქიელ მთავარეპისკოპოსს მელიტს.

Sputnik საქართველო გიამბობთ ვინ იყვნენ ეს წმინდანები და რატომ არიან მოხსენიებულები საეკლესიო კალენდარში.

ივერიის ყოვლადწმიდა ღმრთისმშობლის ხატი

საქართველოს მართლმადიდებელი ეკლესია ივერიის ყოვლადწმიდა ღვთისმშობლის ხატის დღესასწაულის 25 თებერვალს აღნიშნავს.

გადმოცემის თანახმად.  ღვთისმშობლის ეს ხატი დაწერილია ლუკა მახარობლის მიერ ჯერ კიდევ წმინდა ქალწულის მიწიერი ცხოვრების დროს.

ივერიის ღვთისმშობლის ხატი მართლმადიდებლურ სამყაროში ერთ-ერთი ყველაზე ცნობილი და თაყვანსაცემი სიწმინდეა. .

ღვთისმშობლის ეს უძველესი ხატი საბერძნეთში , ათონის მთაზე არსებულ ივერიის მონასტერში მე-11 საუკუნიდან ინახება.

ათონელმა ბერებმა სრულიად საქართველოს კათოლიკოს–პატრიარქის, ილია მეორის თხოვნით ივერიის ყოვლადწმიდა ღვთისმშობლის სასწაულმოქმედი ხატის ასლი დაწერეს, რომელიც 1989 წლის 9 ოქტომბერს საქართველოში ჩამოაბრძანეს. ეს ასლი სიონშია დაბრძანებული. საქართველოში კარიბჭის ღვთისმშობლის ხატის სხვა ასლებიც არსებობს და ყოველი მათგანი სასწაულმოქმედია.

Икона Богородицы
© photo: Sputnik / Vitaly An'kov
ღვთისმშობლის ხატი

პროხორე ქართველი

საეკლესიო კალენდრის მიხედვით 25 თებერვალი წმინდა პოხორე ქართველის ხსენების დღეა.

პროხორე დაიბადა დაახ. 985-990 წელს. წმიდანი ბავშვობიდანვე მონასტერში აღიზარდა. ყოველმხრივ გამორჩეული ახალგაზრდა მოღვაწე მონაზვნად აღკვეცეს პროხორეს სახელით, და მალე მღვდელ-მონაზვნად დაასხეს ხელი. დაახ. 1010-1015 წლიდან ის იერუსალიმში წავიდა საბას ლავრაში. შემდეგ კი, ექვთიმე გრძელის ძის ბრძანებით, მან „იწყო შენება მახლობლად იერუსალიმისა სავანისა, რომელსა უწოდიან ჯუარისა მონასტერი“.

გადმოცემის მიხედვით, ამ ადგილას აბრაამის ძმისწულ ლოთს სამი ხე - სარო, ფიჭვი და ნაძვი დაურგავს. შემდეგ ეს ნერგები სასწაულებრივად შეერთებულან და ერთი დიდი ხე აღმოცენებულა. ტაძრის შენებისას, სოლომონის ბრძანებით, ეს ხე მოუჭრიათ, მაგრამ მშენებლობისთვის აღარ გამოუყენებიათ. წმიდა გადმოცემის თანახმად, სწორედ ამ ხისგან გაკეთდა ჯვარი, რომელზეც გააკრეს მაცხოვარი ჩვენი იესო ქრისტე. ეს მიწა IV საუკუნეში უბოძებიათ მირიან მეფისთვის. V საუკუნეში ვახტანგ გორგასალს აქ აუგია ჯვრის მონასტერი, რომელიც VII-XI საუკუნეებში არაერთხელ დაუნგრევიათ.

მონასტრის აღსადგენად  პროხორეს დიდძალი ფული მისცა საქართველოს მეფემ ბაგრატ კურაპალატმა. პროხორემ ყოველმხრივ შეამკო მონასტერი. მან თავის გარშემო ოთხმოცი ბერი შემოიკრიბა, რომელთაც საბაწმიდის ლავრის მსგავსი წესი და კანონი განუჩინა.

პროხორეს ხანგრძლივი მოღვაწეობის შემდეგ შრომისა და სიბერისგან სხეული მოუუძლურდა, მოწაფეთაგან ერთი, სახელად გიორგი, მონასტრის მამასახლისად დაადგინა, თვითონ კი ორი მოწაფის თანხლებით უდაბნოში გავიდა და მცირედი ხნის შემდეგ, დაახ. 1066 წელს სული უფალს შეავედრა.

ლუკა იერუსალიმელი (მუხაის ძე)

საეკლესიო კალენდრის მიხედვით 25 თებერვალი წმინდა ლუკა იერუსალიმელის ხსენების დღეა.

ლუკა იერუსალიმელი პატიოსან და წარჩინებულ ქართველთა ოჯახიდან იყო. მისმა დედამ ქმრის გარდაცვალების შემდეგ შვილები დატოვა, მონაზვნად აღიკვეცა და იერუსალიმში დამკვიდრდდა სამოღვაწეოდ. როცა  ლუკა ოცი წლის შესრულდა, იერუსალიმში  გაემგზავრა, ისიც მონაზვნად აღიკვეცა და მალე დიაკვნადაც აკურთხეს. ღირსმა მამამ მალე შეისწავლა არაბული ენა. როცა ძმებმა იხილეს „ორკერძოჲვე სიბრძნე“ და სიწმიდე მისი, ჯვრის მონასტრის წინამძღვრად აირჩიეს. ნეტარი ლუკა კეთილად განაგებდა მონასტერს სამი წლის განმავლობაში.

ღვთის სათნო მამის წინააღმდეგ ბოროტებით აღსავსე სპარსელი, სულთნის კარზე გავლენიანი შეხ ხიდარი ამხედრდაა. მან სულთან ფენდუხტისგან ჯვრის მონასტერი გამოითხოვა. მონასტრის ხელში ჩაგდების შემდეგ ბოროტი სპარსელი „ვითარცა მხეცი, მიუდგა ძმათა ჩუენთა ქართველთა და არარაჲთ შეარჩინა“.  ლუკა, როგორც წინამძღვარი, წავიდა სულთანთან საშუამდგომლოდ. ქრისტიანებმა წმიდა მამა გააფრთხილეს: „შეხ ხიდარი გემუქრება, ამიტომ გაიქეცი და დაიმალეო“. ლუკამ ყურადღება არ მიაქცია ამ გაფრთხილებას, პირიქით, წუთისოფლის ცხოვრებას ქრისტესთვის სიკვდილი არჩია, მივიდა შეხ ხიდართან და უთხრა „რათა განუტევოს მამანი და მისგან ითხოვოს, რაჲთა უნებს“. ბოროტებით აღვსილმა სპარსელმა ქრისტიანობის დათმობა და მაჰმადიანობის მიღება მოსთხოვა, სამაგიეროდ ამირობა და „ტაძრის თავადობა“ აღუთქვა მას.  ლუკამ მტკიცედ აღიარა შახის წინაშე ქრისტიანობა. უარით განაწყენებულმა და გულისწყრომით აღვსილმა შახმა ბრძანა, თავი მოეკვეთათ ქრისტეს ერთგული მსახურისათვის.

სასჯელის აღსრულების შემდეგ ლუკას წმიდა მოკვეთილი თავი აღმოსავლეთით შებრუნდა, გაიცინა და მადლობა შესწირა უფალს. შეხ ხიდარის ბრძანებით, წმიდანის  გვამი ცეცხლში დაწვეს.

ნიკოლოზ დვალი

საეკლესიო კალენდრის მიხედვით 25 წმიდა მოწამე ნიკოლოზ დვალის ხსენების დღეა

ნიკოლოზ დვალი  მართლმორწმუნე მშობელთა შვილი იყო. ღვთისმოშიშმა დედ-მამამ იგი შობიდანვე უფალს შესწირა. თორმეტი წლის ყრმა ნიკოლოზი კლარჯეთის უდაბნოში წავიდა, იქ აღიკვეცა და დაიწყო მოღვაწეობა. შემდეგ ის იერუსალიმს წავიდა და იქ ქართველთა ჯვრის მონასტერში დამვიდრდა. ნიკოლოზი მხნედ ქადაგებდა სარწმუნოებას მუსულმანებში და თან უშიშრად ამხელდა მათ ცდომილებებს.უსჯულოებმა ის შეიპყრეს და მრავალფერი სატანჯველის შემდეგ ციხეში გამოკეტეს. ქრისტიანებმა შეძლეს და საპყრობილეიდან გამოიხსნეს აღმსარებელი. წინამძღვრის ბრძანებით  ნიკოლოზი კვიპროსზე წავიდა, ქართველთა მონასტერში. იგი მოწამეობრივ აღსასრულს ევედრებოდა უფალს, და წმიდა იოანე ნათისმცემლის მიერ მიიღო გამოცხადება: დამასკოში უნდა წასულიყო. დამასკოში ჩასულმა  უსჯულოთა წინაშე ისევ მხნედ აღიარა ქრისტე და ამხილა მათი უგუნურება. განრისხებულმა უღმრთოებმა შეიპყრეს აღმსარებელი, სასტიკად გვემეს და დილეგში ჩააგდეს. ქრისტიანებმა ძლივს მოახერხეს მისი გამოხსნა ტყვეობიდან. ახლად განთავისუფლებული ნიკოლოზი კვლავ მივიდა უსჯულოთა შესაკრებელში, კვლავ ჰგმო მათი უგუნურება, რისთვისაც სასტიკად აწამეს, ხუთასჯერ დაჰკრეს შოლტი და საპყრობილეში ჩააგდეს. წმიდა მოწამე ნათლისმცემლის სასწაულებრივი გამოცხადებით განიკურნა, ორი თვის შემდეგ კი კვლავ გაათავისუფლეს.

ქალაქის ამირამ შემთხვევით ნახა იერუსალიმში გასამგზავრებლად მომზადებული  ნიკოლოზი, შეიპყრო და ამირათ-ამირას, დენგიზს გაუგზავნა. დენგიზმა მას  მაჰმადიანობის მიღება შესთავაზა. ნიკოლოზმა გაბედულად აღიარა ქრისტე.

ამირათამირამ მისი მოკვლა ბრძანა.  წმიდა ნიკოლოზს თავი მოჰკვრთეს. მოჭრილმა თავმა შვიდგზის ადიდა ღმერთი და ხმა-ჰყო: „დიდება შენდა, ქრისტე ღმერთო!“ ამ სასწაულის მხილველმა სპარსელებმა წმიდანი გვამი დაწვეს. მისი წამების ადგილს სამი დღე ნათლის სვეტი ადგა.

ნიკოლოზ დვალი 1314 წლის 19 ოქტომბერს ეწამა.

ანტიოქიის მთავარეპისკოპოსი მელეტი

საეკლესიო კალენდრის მიხედვით 25 თებერვალი წმიდა მელეტი, ანტიოქიელი მთავარეპისკოპოსის. ხსენების დღეა

მელეტი  თავდაპირველად სებასტიის სამწყსოს განაგებდა (დაახლ. 357), შემდეგ კი იმპერატორმა კონსტანტინემ ანტიოქიაში უხმო არიანელებთან საბრძოლველად და ანტიოქიის ეპისკოპოსად დაასხეს ხელი.  მელეტი მხურვალედ იბრძოდა არიანელთა წინააღმდეგ, რის გამოც მწვალებელთა მცდელობით  სამჯერ განიდევნა კათედრიდან: არიანელები გარს ერტყნენ კონსტანცის და თავიანთი გავლენის ქვეშ იქცევდნენ. ანტიოქიელი მღვდელმთავარი საოცარი სიმშვიდით გამოირჩეოდა და ცდილობდა, სულიერი შვილები სათნოებითა და კეთილი ზნით აღეჭურვა, რადგან თვლიდა, რომ ამგვარ ნიადაგში ადვილად გაღვივდებოდა ჭეშმარიტი სწავლების მარცვლები.

წმიდა მელეტიმ აკურთხა დიაკვნად წმიდა ბასილი დიდი; მანვე მონათლა და სულიერად მის თვალწინ იზრდებოდა მართლმადიდებლობის დიდი ლამპარი – წმიდა იოანე ოქროპირიც.

კონსტანცის შემდეგ ტახტზე იულიანე განდგომილი ავიდა და მელეტი კვლავ განიდევნა. მას შემდეგ, რაც 363 წელს იმპერატორმა იობიანემ კათედრა დაუბრუნა, წმიდა მამამ დაწერა „გადმოცემა სარწმუნოებისა”, რომლის გავლენითაც მრავალი არიანელი მოექცა მართლმადიდებლობაზე.

381 წელს, იმპერატორ თეოდოსი დიდის (379-395) დროს, კონსტანტინეპოლში გაიმართა II მსოფლიო საეკლესიო კრება. თავდაპირველად მას მელეტი ანტიოქიელი ხელმძღვანელობდა. ღირსი მამა კრების დროს გარდაიცვალა. მწყემსმთავრის ცხედარი კონსტანტინეპოლიდან ანტიოქიაში გადმოასვენეს.

 

მასალა მომზადებულია ღია წყაროებზე დაყრდნობით.

498
თემები:
საეკლესიო კალენდარი
კომპანია GWP

მოსახლეობის საყურადღებოდ! თბილისის ხუთ რაიონს წყალმომარაგება შეუწყდება

0
(განახლებულია 19:27 26.02.2021)
წყალგამანაწილებელი კომპანია Georgian Water and Power შექმნილი დისკომფორტის გამო მოსახლეობას ბოდიშს უხდის.

თბილისი, 26 თებერვალი – Sputnik. მარშალ გელოვანის გამზირზე მიმდინარე საგზაო-სამშენებლო სამუშაოების წარმოებისას წყალმომარაგების მაგისტრალური მილი ავარიულად დაზიანდა, რის გამოც თბილისის ზოგიერთ უბანს წყალმომარაგება შეუწყდება, ნათქვამია წყალგამანაწილებელი კომპანია Georgian Water and Power–ის მიერ გავრცელებულ განცხადებაში.

გავრცელებული ინფორმაციით, ამ დროისთვის კომპანიის ტექნიკური ჯგუფი ადგილზეა მობილიზებული და დაზიანების აღსადგენად მოსამზადებელი სამუშაოები მიმდინარეობს. მოსახლეობისთვის ნაკლები დისკომფორტის შექმნის მიზნით, ტექნიკურ-აღდგენითი სამუშაოების ძირითადი ნაწილი ღამის საათებში შესრულდება.

„სამუშაოების მიმდინარეობის პერიოდში წყალსადენის ქსელის წყლისგან დაცლაა აუცილებელი, რის გამოც დღეს, 26 თებერვალს ღამის 22:00 საათიდან, 27 თებერვლის დღის 12:00 საათამდე წყალმომარაგება შეეზღუდება“, – აღნიშნულია განცხადებაში.

წყალმომარაგება შეეზღუდება შემდეგ რაიონებს:

ვაკის რაიონი – ჭავჭავაძის გამზირს, კეკელიძის, ბარნოვის, ფალიაშვილის, ტაბიძის, მცხეთის, შატბერაშვილის, აბაშიძის, არაყიშვილის, კავსაძის, რადიანის, ატენის, ყიფშიძის და მიმდებარე ქუჩებს.

საბურთალოს რაიონი – ვაჟა-ფშაველას გამზირის ნაწილს, პეკინის, კოსტავას, თამარაშვილის, ბახტრიონის, გელოვანის, დოლიძის, ტაშკენტის, იყალთოს, ალექსიძის, გაგარინის, შარტავას, კალანდაძის, ფანჯიკიძის (ყოფ. ბუდაპეშტის), მიცკევიჩის, საირმის, ლორთქიფანიძის, ზემო ვეძისის და მიმდებარე ქუჩებს.

მთწმინდის რაიონი – ზანდუკელის, ქიაჩელის, ჭოველიძის, იაკობ ნიკოლაძის, ვარაზის ხევს, მელიქიშვილის, ხორავას, ლარსის, ბელინსკის, რუსთაველის, ფურცელაძის, ჭონქაძის, თარხნიშვილის და მიმდებარე ქუჩებს. ოქროყანას დასახლებას.

კრწანისის რაიონი – პუშკინის, გრ. ხანძთელის, ლადო ასათიანის, გორგასლის, ღვინის აღმართის და და მიმდებარე ქუჩებს.

ჩუღურეთის რაიონი – მარჯანიშვილის და უშანგი ჩხეიძის ქუჩებს.

დიდუბის რაიონი – ბელიაშვილის ქ. N40-ს, ლუბლიანას და ბალანჩინის ქუჩებს. ქართულ ამერიკული მეგობრობის გამზირს.

 

 

0