თბილისი, 5 ივლისი — Sputnik. ოლიმპიადაში არა მარტო რიო იქნება ჩართული. საფეხბურთო ტურნირი ქვეყნის კიდევ ოთხ ქალაქში: ბელუ-ორიზონტიში, ბრაზილიაში, სალვადორესა და სან-პაულუში გაიმართება.
აღსანიშნავია, რომ ოლიმპიური თამაშები პირველია სამხრეთ ამერიკაში და მეორეა ლათინურ ამერიკაში (მეხიკოს 1968 წლის ოლიმპიადის შემდეგ).
ოლიმპიადაზე მედლების კომპლექტების რეკორდული რაოდენობა — 301- გათამაშდება. მოსალოდნელია, რომ შეჯიბრებებში მონაწილეობას ქვეყნების რეკორდული რაოდენობა — 206 — მიიღებს. გარდა ამისა, ოლიმპიურ თამაშებზე პირველად გამოვლენ კოსოვოსა და სამხრეთ სუდანის წარმომადგენლები.
2009 წლის ოქტომბერში გამართული საერთაშორისო ოლიმპიური კომიტეტის სხდომის გაადწყვეტილებით, ილიმპიური თამაშების პროგრამაში რაგბი-7 და გოლფი დაემატა.
თავიდან, XXXI საზაფხულო ოლიმპიური თამაშების გამართვაზე განაცხადი ბაქომ (აზერბაიჯანი), დოჰამ (ყატარი), მადრიდმა (ესპანეთი), პრაღამ (ჩეხეთი), რიო-დე-ჟანეირომ (ბრაზილია), ტოკიომ (იაპონია), ჩიკაგომ (აშშ) და სანკტ-პეტერბურგმა (რუსეთი) შეიტანა. იმის გამო, რომ რუსეთმა სოჭში ზამთრის თამაშების ჩატარების უფლება მოიპოვა, პიტერმა თავისი განაცხადა მოხსნა.
პრეტენდენტ-ქალაქების შორტ-ლისტში რიო, მადრიდი, ტოკიო და ჩიკაგო მოხვდნენ. გამარჯვებულის გამოსავლენად ხმის მიცემის სამივე ტურის გამოყენება გახდა აუცილებელი. დასკვნით ტურზე რიო-დე-ჟანეირომ მადრიდს ანგარიშით 66:32 მოუგო.
რიოს თამაშების სიმბოლოები — ტომი და ვინისიუსი გახდნენ, რომელიც ბრაზილიის ფლორასა და ფაუნას გამოხატავენ.
ვინისიუსი ყვითელი ფერისაა და კატას ჰგავს.
ტომი — ფლორის ერთგვარად კრებითი ფორმაა. ეს მწვანე და ცისფერ ფერებში გადაწყვეტილი მცენარეა, რომელსაც როგორც ყვავილის, ისე ხის მახასიათებლები აქვს.
ბრაზილიაში ოლიმპიური ცეცხლი 3 მაისს ჩავიდა, საიდანაც ესტაფეტის ბრაზილიური ნაწილი დაიწყო. მის ფარგლებში ოლიმპიური ცეცხლი 300-ზე მეტ ქალაქს, მათ შორის, ბრაზილიურ ყველა შტატს მოივლის. ესტაფეტა 5 აგვისტოს, ოლიმპიური თამაშების გახსნის ცერემონიაზე დასრულდება, რომელიც „მარაკანას“ სტადიონზე გაიმართება.
ოლიმპიურ თამაშებზე საქართველო სპორტის 12 სახეობაში 38 ათლეტით იქნება წარმოდგენილი.
