კახა კალაძე

კახა კალაძე ბაქოში თბილისის „დინამოს“ მატჩს დაესწრება

46
(განახლებულია 23:48 13.07.2021)
კახა კალაძე თავისი საფეხბურთო კარიერის დასაწყისში თბილისის კლუბის სახელით ასპარეზობდა და მის შემადგენლობაში საქართველოს ჩემპიონიც გახდა.

თბილისი, 13 ივლისი – Sputnik. თბილისის მერი კახა კალაძე, რომელიც აზერბაიჯანში ვიზიტით იმყოფება, დაესწრება უეფას ჩემპიონთა ლიგის პირველი საკვალიფიკაციო რაუნდის განმეორებით მატჩს თბილისის „დინამოს“ და ბაქოს „ნეფთჩის“ შორის, იუწყება „Sputnik-აზერბაიჯანი“.

თბილისის მერის ორდღიანმა ვიზიტმა ბაქოში თავისი შედეგი უკვე მოიტანა - თბილისსა და ბაქოს შორის დაძმობილების მემორანდუმი გაფორმდა.

ფეხბურთის მატჩი 14 ივლისს გაიმართება. პირველ შეხვედრაში 7 ივლისს თბილისის „დინამო“ ბაქოს „ნეფთჩისთან“ საკუთარ მოედანზე ანგარიშით 1:2 დამარცხდა. ბაქოელებიდან თავი გამოიჩინეს ნამის ალესკეროვმა და ემინ მახმუდოვმა, ქართულ გუნდში - ზორან მარუშიჩმა.

ბაქოში რევანშის აღება დინამოელებისთვის არც ისე ადვილი იქნება. მეორე მხრივ, სიტუაცია „დინამოსთვის“ არც ისე უიმედოა. უეფაში გაუქმდა გასვლითი გოლის წესი და ქართველებისთვის საკმარისია ერთი ბურთით მოგება, რათა როგორც მინიმუმ დამატებითი 30 წუთი დაიმსახურონ.

აღსანიშნავია, რომ კახა კალაძე თავისი საფეხბურთო კარიერის დასაწყისში თბილისის კლუბის სახელით ასპარეზობდა და მის შემადგენლობაში საქართველოს ჩემპიონიც გახდა.

 

46
ვარლმ ლიპარტელიანი ტოკიოს ოლიმპიადაზე

საქართველოს ნაკრების მეექვსე დღე ტოკიოს ოლიმპიადაზე - შედეგები

16
(განახლებულია 22:50 29.07.2021)
ტოკიოს ოლიმპიადის მეექვსე დღეს ქართველი გულშემატკივრებისთვის დადებითი ემოციები არ მოუტანია. პრაქტიკულად ყველა ელოდა, რომ ძიუდოში ვარლამ ლიპარტელიანი მედალს აიღებდა, მაგრამ იმედები იმედებად დარჩა.

ვარლამ ლიპარტელიანი - ძიუდო (-100 კგ)

Дзюдоист Варлам Липартелиани а Олимпиаде в Токио
photo : Georgian National Olympic Committee
ვარლმ ლიპარტელიანი ტოკიოს ოლიმპიადაზე

რიო-დე-ჟანეიროს ოლიმპიადაზე (2016) ლიპარტელიანი, რომელმაც ვერცხლის მედალი აიღო, ტიროდა კვარცხლბეკზე. ტოკიოში საქართველოს ნაკრების კაპიტანი მხოლოდ ოქროს მედალს ელოდებოდა, და ამისათვის ყველა პირობა არსებობდა. მაგრამ ბედმა ყველაფერი სხვაგვარად განკარგა.

32 წლის ლიპოსთვის ტურნირი შესანიშნავად დაიწყო - ორი წმინდა მოგება ეგვიპტელ რამადან დარვიშთან და კანადელ შადი ელნაჰასთან. მაგრამ ნახევარფინალში ქართველი სპორტსმენი იაპონელ ძიუდოისტ აარონ ვოლფთან დამარცხდა.

კიდევ არსებობდა ბრინჯაოს მედლის აღების შანსი, მაგრამ მესამე ადგილისთვის ბრძოლაში ლიპარტელიანი რუს ნიაზ ილიასოვთან დამარცხდა.

ნინო სალუქვაძე - პისტოლეტით სროლა, 25 მ

Нино Салуквадзе на Олимпиаде в Токио
ნინო სალუქვაძე ტოკიოს ოლიმპიადაზე

ტოკიოს თამაშებზე ნინო სალუქვაძე ერთხელ უკვე წარდგა, მაგრამ მისი შედეგი საუკეთესოსგან შორს იყო. სეულის ოლიმპიურმა ჩემპიონმა (1988) სუსტად იასპარეზა 10 მეტრიან დისტანციაზე პნევმატური პისტოლეტიდან სროლის კვალიფიკაციაში და ფინალში მოხვედრა ვერ შეძლო.

სალუქვაძეს აქვს მედლის აღების მეორე შანსი - 25 მეტრიან დისტანციაზე სროლა სპორტული პისტოლეტით. პირველ კვალიფიკაციაში (სამი მისვლა ათ-ათი გასროლით) ლეგენდარულმა ქართველმა სპორტსმენმა დააგროვა 291 ქულა (94, 98, 99) და შემაჯამებელ ოქმში მეშვიდე ადგილი დაიკავა.

მეორე კვალიფიკაცია (სწრაფი სროლა) 30 ივლისს შედგება. ორივე კვალიფიკაციის შედეგების ჯამის მიხედვით ფინალში რვა საუკეთესო მსროლელი მოხვდება. სპორტის ამ სახეობაში მედლები ამავე დღეს გათამაშდება.

30 ივლისს საქართველოს ნაკრებს ოლიმპიადაზე წარადგენს ოთხი სპორტსმენი: გურამ თუშიშვილი (ძიუდო), ესკერხან მადიევი (კრივი), სოფია შათირიშვილი (მძლეოსნობა, ბირთვის კვრა) და ნინო სალუქვაძე.

16
ვარლამ ლიპარტელიანი

„იმედია სხვა ცხოვრებაში მაინც შევძლებ გაგახაროთ“ - ლიპარტელიანმა კარიერა დაასრულა

43
(განახლებულია 23:06 29.07.2021)
ვარლამ ლიპარტელიანი ევროპისა და მსოფლიოს ჩემპიონატების მრავალგზის პრიზიორია. ის საქართველოს ძიუდოისტთა ნაკრებს რამდენიმე წლის განმავლობაში კაპიტნობდა.

თბილისი, 29 ივლისი - Sputnik. საქართველოს ვაჟ-ძიუდოისტთა ნაკრების კაპიტანმა ვარლამ ლიპარტელიანმა 32 წლის ასაკში ძიუდოისტის კარიერა დაასრულა, განცხადება სპორტსმენმა საკუთარ Facebook-გვერდზე გაავრცელა.

ნაკრების უკვე ყოფილი კაპიტანი, რომელიც ტოკიოში მიმდინარე ოლიმპიურ თამაშებზე მედლის გარეშე დარჩა, გულშემატკივრებსა და ოჯახის წევრებს მადლობას უხდის.

„მადლობა ღმერთს იმისთვის, რაც მომცა. დღემდე იყო ბევრი სიხარული, ბევრი გულის ტკენა, მაგრამ ამ ყველაფერმა მე ძალიან გამაძლიერა როგორც პიროვნება. მადლობა ჩემს ოჯახს, ჩემს მეუღლეს, ჩემს შვილებს, რომლებმაც ჩემს ცხოვრებაში უდიდესი როლი შეასრულეს! ვამაყობ თქვენით, მადლობა ყველას, ვინც დღემდე გვერდში მედგა, ვერასოდეს გადავიხდი თქვენს ამაგს“, - წერს ლიპარტელიანი.

ვარლამი გულშემატკივარს ემოციურად მიმართავს და წუხს, რომ მათი გახარება ოლიმპიადაზე გამარჯვებით ვერ მოახერხა და ის დღეიდან სპორტულ კარიერას აღარ გააგრძელებს.

Дзюдоист Варлам Липартелиани а Олимпиаде в Токио
ვარლამ ლიპარტელიანი ტოკიოს ოლიმპიადაზე

„იმედია სხვა ცხოვრებაში შევძლებ ცოტათი მაინც თქვენს გახარებას. ბევრი რამის თქმა მინდა, მაგრამ ვერ ვახერხებ. იმედია, ოდესმე შევძლებ, რომ ყველაფერი გითხრათ”, - წერს კაპიტანი.

ვარლამ ლიპარტელიანმა ტოკიოს ოლიმპიური თამაშები ორი გამარჯვებით დაიწყო, თუმცა ნახევარფინალურ ეტაპზე ის იაპონელ აარონ ვოლფთან დამარცხდა. გამოცდილი ქართველი ძიუდოისტი ოლიმპიური ბრინჯაოს მოსაპოვებლად რუსეთის ოლიმპიური კომიტეტის წარმომადგენელ ნიაზ ილიასოვს შეხვდა და ორთაბრძოლა ამჯერადაც ვარლამის მარცხით დასრულდა.

ვარლამ ლიპარტელიანი სამგზის ევროპის ჩემპიონია (2012, 2014, 2016), ის ექვსჯერ ევროპის ვიცე-ჩემპიონი გახდა (2009, 2010, 2013, 2015, 2019, 2021), ერთხელ კი ბრინჯაო მოიპოვა (2011).

ლიპარტელიანი მსოფლიოს ჩემპიონატზე სამჯერ დაეუფლა ვერცხლის მედალს (2013, 2017, 2018), ასევე სამჯერ მოიპოვა ბრინჯაოს მედალი (2014, 2015, 2021). ის ორჯერ გახდა ევროპული თამაშების გამარჯვებული (2015, 2019), ხოლო 2016 წელს, რიოს ოლიმპიადაზე ვერცხლის მედალი მოიპოვა. გარდა ამისა, მის ანგარიშზე სამი მოგებული „მასტერსი“, ხუთი „გრან სლემი“ და ხუთი „გრან-პრია“.

43
ელექტროგადამცემი ხაზი

„თელასი" ნაძალადევის რაიონს ხვალ ელექტროენერგიას გაუთიშავს

0
(განახლებულია 18:01 29.07.2021)
გეგმური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 29 ივლისი – Sputnik. სააქციო საზოგადოება „თელასი" იუწყება, რომ 30 ივლისს გეგმური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

ნაძალადევის რაიონი

10:00 საათიდან 17:00 საათამდე შეზღუდვა შეეხება: თბილისის ზღვის მიმდებარე ტერიტორიის მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

0
თემები:
თბილისი დღეს