ოლიმპიადის რგოლები ტოკიოში

რამხელა ჯილდოს მიიღებს ტოკიოს ოლიმპიური ჩემპიონი - საქართველოს მთავრობის გადაწყვეტილება

98
(განახლებულია 16:00 10.07.2021)
საქართველოს ოლიმპიური და პარალიმპიური დელეგაციების ფიცის დადებისა და ტოკიოს ოლიმპიურ და პარალიმპიურ თამაშებზე გაცილების ცერემონია გაიმართა.

თბილისი, 10 ივლისი  – Sputnik. მთავრობის გადაწყვეტილებით, ოლიმპიური ჩემპიონი ერთ მილიონ ლარს მიიღებს, განაცხადა საქართველოს პრემიერ-მინისტრმა, ირაკლი ღარიბაშვილმა საქართველოს ოლიმპიური და პარალიმპიური დელეგაციების ფიცის დადებისა და ტოკიოს ოლიმპიურ და პარალიმპიურ თამაშებზე გაცილების ცერემონიაზე.

2020 წლის ზაფხულის 32–ე ოლიმპიურ ოლიმპიურ თამაშებზე ტოკიოში 35 ქართველი სპორტსმენი გაემგზავრება.

საზეიმო ცერემონია თბილისის „ოლიმპიურ პარკში“ დღეს გაიმართა. ცერემონიას ესწრებოდნენ საქართველოს პრეზიდენტი სალომე ზურაბიშვილი, პრემიერ-მინისტრი ირაკლი ღარიბაშვილი, თბილისის მერი კახა კალაძე, პარლამენტის თავმჯდომარე კახა კუჭავა,  ლეგენდარულმა მოჭადრაკე ნონა გაფრინდაშვილი, საქართველოს ეროვნული ოლიმპიური კომიტეტის პრეზიდენტი ლერი ხაბელოვი, იაპონიის ელჩი საქართველოში იმამურა აკირა და სხვა ოფიციალური პირები.

„მთელი ერი შემოგცქერით თქვენ. მჯერა, თქვენ გამოხვალთ ჩვენი დროშის ქვეშ, ბევრჯერ მოვისმენთ საქართველოს ჰიმნს, ამაში ვარ დარწმუნებული. მინდა, გისურვოთ ყველას გამარჯვება, წარმატებები და ბოლოს მინდა, გაცნობოთ გადაწყვეტილების შესახებ, მთავრობის გადაწყვეტილებით, ოლიმპიური ჩემპიონი მიიღებს ერთ მილიონ ლარს“, – განაცხადა ღარიბაშვილმა.

ოლიმპიელებს სიტყვით მიმართა სალომე ზურაბიშვილმაც, რომელსაც სპორტსმენების მსგავსად ოლიმპიური ფორმა ეცვა, რაც, მისი თქმით, ძალიან დიდი პატივია მისთვის.

„გავიარეთ ძალიან რთული წელი-წელიწადნახევარი, რომელიც თქვენთვის ალბათ კიდევ უფრო რთული იყო, ეს პანდემიის წელი, რადგან სპორტსმენისთვის თუ არ შეიძლება შეჯიბრებებში მონაწილეობა, ასპარეზობა, ეს არის ძალიან მძიმე და ძალიან აფერხებს იმ განვითარებას, რომელიც აუცილებელია სპორტში და შემდგომი გამარჯვებისთვის. თქვენ ეს ყველაფერი განიცადეთ, თქვენ ამ ყველაფერს გაუძელით და დადგა ოლიმპიადის დღეები. ამისთვის ძალიან დიდი მადლობა ბატონო ელჩო თქვენ ქვეყანას, რომელმაც მიიღო ეს გამოწვევა. ძნელია ვიცით, რადგან არ დაესწრებიან მაყურებლები და მხარდამჭერები. ძალიან რთულია, როცა გამოდიხარ ცარიელ სტადიონზე, მაგრამ ძალიან დიდი მადლობა მაინც იაპონიას, რომ ეს შეძლო. ვიცით, რამდენად რთული ამოცანა იყო ეს“, – განაცხადა სალომე ზურაბიშვილმა.

ტოკიოს ოლიმპიადაზე საქართველოს ნაკრები სპორტის ათ სახეობაში 35 სპორტსმენით იქნება წარმოდგენილი. ეს სახეობებია: ჭიდაობა, ძიუდო, ძალოსნობა, მძლეოსნობა, ფარიკაობა, ცურვა, ჩოგბურთი, კრივი, კარატე და პისტოლეტიდან სროლა.

ოლიმპიური ქალაქი 13 ივლისს ოფიციალურად გაიხსნება. მოსალოდნელია, რომ თამაშების მონაწილეები აქ სპორტული ღონისძიებების დაწყებამდე ხუთი დღით ადრე ჩამოვლენ და წავლენ დასრულებიდან 2 დღის განმავლობაში, ხოლო შემდეგ პარალიმპიელი სპორტსმენები იქ ორი დღით ადრე დასახლდებიან.

სპორტსმენები ოლიმპიადის პერიოდში ყოველდღიურად ჩაიტარებენ ტესტირებას და გადაადგილდებიან მხოლოდ სპეციალური ტრანსპორტით. გარდა ამისა, ოლიმპიელებს მოუწევთ მუდამ ეკეთოთ პირბადე, მოხსნის უფლება ექნებათ მხოლოდ სადილის დროს, ვარჯიშზე, შეჯიბრებისა და ძილის დროს.

2020 წლის ოლიმპიური თამაშები 23 ივლისს დაიწყება, მიუხედავად იმისა, რომ იაპონიის მოსახლეობა კორონავირუსის პანდემიის პერიოდში თამაშების გამართვის წინააღმდეგი იყო. ოლიმპიადა 8 აგვისტოს დაიხურება.

 

98
თემები:
საქართველო ტოკიოს ოლიმპიადაზე (52)
ეკატერინე გორგოძე

ეკატერინე გორგოძე პოლონეთის ტურნირის გამარჯვებულია

39
(განახლებულია 18:03 01.08.2021)
ფინალურ დაპირისპირებაში, რომელიც დაახლოებით ორსაათნახევარს გაგრძელდა, ქართველმა ჩოგბურთელმა ფრანგი ქლოი პაკე დაამარცხა

თბილისი, 1 აგვისტო – Sputnik. ქართველმა ჩოგბურთელმა ეკატერინე გორგოძემ პოლონეთის ქალაქ გროჯისკ მაზოვიეცკიში გამართული ტურნირი გამარჯვებით დაასრულა.

გორგოძე (რეიტინგში 185–ე) ფინალში ფრანგ ქლოი პაკეს (249) დაუპირისპირდა და სამ სეტში 7:6, 0:6, 6:4 მოუგო.

თამაში 2 საათსა და 31 წუთს გაგრძელდა.

მანამდე, ნახევარფინალში გორგოძე ფრანგ ტესა ანდრიანჯაფიტრიმოს შეხვდა და სამ სეტში დაამარცხა – 4:6; 7:5; 6:4.

ამ გამარჯვების შედეგად 29 წლის ქართველი ჩოგბურთელი მსოფლიო რეიტინგში 21 პოზიციით დაწინაურდება.

39
თემები:
სპორტის ამბები
იაკობ ქაჯაია ჭიდაობისას

კიდევ ერთი ოქროს შანსი: იაკობ ქაჯაია ოლიმპიადის ფინალშია - ფოტოები ასპარეზობიდან

53
(განახლებულია 14:45 01.08.2021)
ოლიმპიურ თამაშებზე საქართველო 35 სპორტსმენით ასპარეზობს სპორტის 11 სახეობაში. ოლიმპიადა 2021 წლის 23 ივლისიდან 8 აგვისტომდე იმართება. 

თბილისი, 1 აგვისტო - Sputnik. ბერძნულ-რომაული სტილით მოჭიდავე, ქართველი მძიმეწონოსანი იაკობ ქაჯაია ტოკიოს ოლიმპიადის ფინალშია, იუწყება United World Wrestling-ი.

​130 კილოგრამ წონით კატეგორიაში იაკობ ქაჯაიამ ნახევარფინალში ჩილეს სახელით მოასპარეზე კუბელი მოჭიდავე, აკოსტა ფერნანდესი დაამარცხა და ტოკიოს ოლიმპიადის ფინალის საგზური მოიპოვა.

ფინალური ბლოკი ხვალ, 2 აგვისტოს ჩატარდება.

ქართველმა სპორტსმენმა მერვედფინალში ფინელი ელიას კუოსმანენის წინააღმდეგ სუფთა გამარჯვება მოიპოვა -  მეტოქე ჩოქბჯენში ჩაიყვანა და იქ სრული უპირატესობით აჯობა. ქაჯაიამ მეოთხედფინალში რუსი სერგეი სიმიონოვი დაძაბულ ბრძოლაში ანგარიშით 3:1 დაამარცხა და ნახევარფინალში გავიდა.

ჩვენი ქვეყნის სახელით მედლების მოპოვებას შემდეგ დღეებში კიდევ სამი ბერძნულ-რომაული სტილით მოჭიდავე შეეცდება – რამაზ ზოიძე 67 კგ, ლაშა გობაძე 87 კგ, გიორგი მელია 97 კგ.

საქართველოს ნაკრების ანგარიშზე ოლიმპიადაზე ერთი ოქროს, სამი ვერცხლის და ერთი ბრინჯაოს მედალია. ოლიმპიადის გამარჯვებული გახდა 21 წლის ძიუდოისტი ლაშა ბექაური. ვერცხლის მედლები მოიპოვეს გურამ თუშიშვილმა, ვაჟა მარგველაშვილმა და ლაშა შავდათუაშვილმა, ბრინჯაოს მედლის მფლობელი კი ანტონ პლესნოი გახდა.

53
თემები:
საქართველო ტოკიოს ოლიმპიადაზე (52)
ირაკლი ღარიბაშვილი და რეჯეფ თაიიფ ერდოღანი

რა საკითხები განიხილეს ღარიბაშვილმა და ერდოღანმა სატელეფონო საუბრისას

0
(განახლებულია 21:02 01.08.2021)
სატელეფონო საუბრისას ღარიბაშვილმა და თურქეთის პრეზიდენტმა აზერბაიჯანი-საქართველო-თურქეთის სამმხრივი თანამშრომლობის ფორმატის განვითარების პერსპექტივასა და მნიშვნელობაზეც გაამახვილეს ყურადღება.

თბილისი, 1 აგვისტო - Sputnik. საქართველოს პრემიერ-მინისტრ ირაკლი ღარიბაშვილსა და თურქეთის რესპუბლიკის პრეზიდენტს რეჯეფ თაიიფ ერდოღანს შორის სატელეფონო საუბარი შედგა. ამის შესახებ ინფორმაციას მთავრობის ადმიმისტრაცია ავრცელებს.

უწყების ცნობით, ღარიბაშვილმა რეჯეფ თაიიფ ერდოღანს თურქეთში ხანძრების შედეგად გამოწვეული მსხვერპლისა და ზიანის გამო საქართველოს მთავრობისა და ქართველი ხალხის სახელით თანაგრძნობა კიდევ ერთხელ გამოუცხადა და მხარდაჭერა აღუთქვა.

როგორც განცხადებაშია აღნიშნული, საქართველოს პრემიერ-მინისტრმა შესაბამის უწყებებს უკვე დაავალა, საჭიროების შემთხვევაში, მეგობარ და სტრატეგიულ პარტნიორ თურქეთის რესპუბლიკას სათანადო დახმარება აღმოუჩინონ.

სატელეფონო საუბრისას ყურადღება გამახვილდა ასევე ღარიბაშვილის სახელმწიფო ვიზიტზე ანკარაში, რომელიც 1 ივნისს შედგა. ადმინისტრაციის ცნობით, ხაზი გაესვა მაღალი დონის სტრატეგიული საბჭოს სხდომის ახლო მომავალში გამართვის აუცილებლობას, რომელიც ორმხრივი დღის წესრიგის აქტუალური საკითხების განხილვისთვის უმნიშვნელოვანეს ფორმატს წარმოადგენს.

საქართველოს მთავრობის მეთაურმა რეჯეფ თაიიფ ერდოღანს მაღალი დონის მასპინძლობისთვის მადლობა გადაუხადა, ერდოღანმა კი ღარიბაშვილი თურქეთში კიდევ ერთხელ მიიწვია.

უკვე რამდენიმე დღეა თურქეთში ხანძარი მძვინვარებს. ცეცხლი გადავიდა დასახლებულ პუნქტებში, მოედო საცხოვრებელ უბნებსა და სასტუმროებს. განსაკუთრებით მძიმედაა სიტუაცია ადანაში, სადაც ტყის ხანძრის ექვსი კერაა, ხოლო ანტალიასა და მერსინში - ოთხ-ოთხი. ხანძარს ვერ გადაურჩა ისეთი პოპულარული კურორტები, როგორიცაა ბოდრუმი და მარმარისი.

ბოლო ცნობებით, ხანძრების შედეგად დაზარალდა 42 დასახლებული პუნქტი, 27 უკვე ევაკუირებულია. ხანძრის შედეგად დაიღუპა მინიმუმ ექვსი ადამიანი, დაშავებულია დაახლოებით 200.

თურქეთმა დიპლომატიური ურთიერთობები საქართველოსთან 1992 წელს დაამყარა. ქვეყნები თანამშრომლობენ ვაჭრობის, ეკონომიკის, ენერგეტიკის, რეგიონული უსაფრთხოების, განათლების სფეროებში და მიიჩნევენ, რომ სტრატეგიულად მნიშვნელოვანი პარტნიორები არიან.

0
თემები:
საქართველოს საგარეო პოლიტიკა