ნიკილოზ შერაზადაშვილი

ძიუდო: ნიკოლოზ შერაზადიშვილი მსოფლიოს ორგზის ჩემპიონია

68
ნიკოლოზ შერაზადიშვილმა ნახევარფინალურ ეტაპზე იაპონელი ნაგასავას ბარიერი გადალახა, ფინალში კი უზბეკ ძიუდოისტს დამატებით დროში აჯობა

თბილისი, 10 ივნისი - Sputnik. უნგრეთის დედაქალაქ ბუდაპეშტში მიმდინარე მსოფლიო ჩემპიონატზე ესპანეთის სახელით მოასპარეზე ქართველი ძიუდოისტი ნიკოლოზ შერაზადიშვილი (90კგ) ოქროს მედალს დაეუფლა.

25 წლის შერაზადიშვილი ფინალურ ეტაპზე უზბეკ სპორტსმენს დავლათ ბობონოვს დაუპირისპირდა. ორთაბრძოლა საკმაოდ დაძაბული გამოდგა და ძირითად დროში გამარჯვებულის გამოვლენა ვერ მოხერხდა. დამატებითი დროის მეორე წუთზე ნიკოლოზმა მეტოქე იპონით დაამარცხა და თავის კარიერაში მეორედ მსოფლიოს ჩემპიონობა იზეიმა. მანამდე შერაზადიშვილმა ნახევარფინალურ ეტაპზე ასევე იპონით დაამარცხა იაპონელი კენტა ნაგასავა.

ესპანეთის სახელით მოასპარეზე სპორტსმენმა პირველად მსოფლიო ჩემპიონატი 2018 წელს ბაქოში მოიგო და პირველი ესპანელი ძუდოისტი გახდა, ვინც ეს ტიტული მოიპოვა. ამავე წელს ესპანეთის ქალაქ ბრუნეტეში ერთ-ერთ ქუჩას ქართველი ძიუდოისტის სახელი დაერქვა.

View this post on Instagram

A post shared by Nikoshera (@nikoshera)

აღსანიშნავია, რომ 90 კილოგრამ წონით კატეგორიაში საქართველოს სახელით ბექა ღვინიაშვილი გამოდიოდა, რომელიც მსაჯებმა ტურნირის მეორე რაუნდში აკრძალული ილეთის გამო ჩემპიონატს გამოთიშეს.

შერაზადაშვილი თბილისში 1996 წელს დაიბადა. 14 წლის ასაკში მშობლებთან ერთად მადრიდში გაემგზავრა და ქალაქ ბრუნეტეს ერთ-ერთ კლუბში ვარჯიში განაგრძო. 2014 წელს ძიუდოისტი ესპანეთის მოქალაქე გახდა და საერთაშორისო შეჯიბრებებზე ესპანეთის სახელით გამოსვლის შესაძლებლობა მოიპოვა.

68
გელა ზაალიშვილი

მსოფლიო ჩემპიონატი ძიუდოში: ტურნირის ბოლო დღეს საქართველოს ნაკრები უმედლოდ დარჩა

41
ამ შედეგით საქართველოს ვაჟთა ნაკრებმა საერთო გუნდურ ჩათვლაში მეორე ადგილი დაიკავა. პირველი ადგილი დაიკავა იაპონიამ, ხოლო მესამე - რუსეთმა.

თბილისი, 12 ივნისი - Sputnik. საქართველოს ნაკრების ძიუდოისტები მსოფლიო ჩემპიონატზე ბუდაპეშტში ტურნირის ბოლო დღეს მედლების გარეშე დარჩნენ.

ბრინჯაოს აღება შეეძლო გელა ზაალიშვილს (+100 კგ), მაგრამ მესამე ადგილისთვის გამართულ ორთაბრძოლაში ქართველი მძიმეწონოსანი უკრაინელ იაკოვ ჰამოსთან დამარცხდა. მანამდე კი ნახევარფინალში ქართველმა სპორტსმენმა რუსეთის წარმომადგენელს, ტამერლან ბაშაევს ვერ აჯობა.

წარუმატებლად იასპარეზა სოფია სომხიშვილმაც (+78 კგ), რომელმაც პირველივე ბრძოლა სამხრეთკორეელ ჰაიუნ კიმთან წააგო.

ამგვარად, საქართველოს ნაკრებმა მსოფლიო ჩემპიონატზე ოთხი მედალი მოიპოვა: ლაშა შავდათუაშვილი (-73 კგ) - ოქრო, ტატო გრიგალაშვილი (-81 კგ) - ვერცხლი, ვარლამ ლიპარტელიანი და ილია სულამანიძე (ორივე -100 კგ) - ბრინჯაო.

ამ შედეგით საქართველოს ვაჟთა ნაკრებმა საერთო გუნდურ ჩათვლაში მეორე ადგილი დაიკავა. პირველი ადგილი დაიკავა იაპონიამ (2-0-1), ხოლო მესამე - რუსეთმა (1-1-1).

41
ნიკა ბასილაშვილი

ნიკოლოზ ბასილაშვილმა ჰალეს ტურნირი გამარჯვებით დაიწყო

39
(განახლებულია 21:01 12.06.2021)
ნიკოლოზ ბასილაშვილი აღნიშნული გამარჯვების შემდეგ საკვალიფიკაციო ბადის ნახევარფინალურ ეტაპზე იანიკ ჰანფმანს შეხვდება.

თბილისი, 12 ივნისი - Sputnik. საქართველოს ნომერ პირველმა ჩოგბურთელმა ნიკოლოზ ბასილაშვილმა (31-ე პოზიცია АТР-ს რეიტინგით) გერმანიაში მიმდინარე ჰალეს ტურნირზე პირველი შეხვედრა მოიგო.

29 წლის ქართველმა სპორტსმენმა ტურნირის საკვალიფიკაციო ბადის მეოთხედფინალურ ეტაპზე 20 წლის გერმანელი რუდოლფ მოლეკერი ორ სეტში ანგარიშით 7:6, 7:6 დაამარცხა.

მასპინძელ მოლეკერსა და ნიკოლოზს შორის მატჩი ერთ საათსა და 31 წუთს გაგრძელდა. ბასილაშვილის ანგარიშზე არცერთი ორმაგი შეცდომა და ხუთი ჩაწოდებული ეისია.

ბასილაშვილი ჰალეს ტურნირის საკვალიფიკაციო ბადის ნახევარფინალში კიდევ ერთ გერმანელს ჩოგბურთელს დაუპირისპირდება. საქართველოს პირველი ჩოგანი იანიკ ჰანფმანს შეხვდება, რომელსაც ნიკოლოზთან ჯერ არასდროს უთამაშია. ჰანფმანსა და ბასილაშვილს შორის შეხვედრა 13 ივნისს, თბილისის დროით 13:00 საათზე დაიწყება.

39
პოლიციის შებობა შიდა ქართლში

თბილისში iPlus-ის მაღაზიის გაქურდვის ფაქტზე 17 წლის მოზარდი დააკავეს

0
(განახლებულია 12:09 13.06.2021)
არასრულწლოვანი დანაშაულის ჩადენიდან მეორე დღეს, 12 ივნისს შიდა ქართლში დააკავეს. მას ბრალის დამტკიცების შემთხვევაში 3-დან 5 წლამდე ვადით პატიმრობა ემუქრება.

თბილისი, 13 ივნისი — Sputnik. თბილისში, ჭავჭავაძის გამზირზე მდებარე ტექნიკის მაღაზია iPlus-ის გაქურდვის ფაქტზე შიდა ქართლში 2004 წელს დაბადებული მოზარდი დააკავეს, ინფორმაციას შსს-ს პრესსამსახური ავრცელებს.

გამოძიებით დადგინდა, რომ ბრალდებულმა მიმდინარე წლის 11 ივნისს ჩაამსხვრია მაღაზიის ფასადის ვიტრინა, შევიდა სავაჭრო ობიექტში და მობილური ტელეფონები მოიპარა.

მაღაზიის დირექტორის თქმით, ზარალის სავარაუდო ოდენობამ დაახლოებით 90 ათასი ლარი შეადგინა.

სამართალდამცველებმა ბრალდებული მომხდარიდან მეორე დღეს, შიდა ქართლში დააკავეს.

ნაქურდალი ტელეფონების ნაწილი ამოღებულია ​ნივთმტკიცებად.

გამოძიება საქართველოს სსკ-ის 177-ე მუხლის მე-2 ნაწილის „ა“ და „ბ“ ქვეპუნქტებით მიმდინარეობს, რაც გულისხმობს სადგომში ან საცავში შეღწევით ჩადენილ ქურდობას, რამაც მნიშვნელოვანი ზიანი გამოიწვია.

დანაშაული 3-დან 5 წლამდე ვადით თავისუფლების აღკვეთას ითვალისწინებს.

 

0