ლაშა შავდათუაშვილი - ძიუდოს მსოფლიო ჩემპიონია!

ლაშა შავდათუაშვილი - მსოფლიო ჩემპიონია!

88
(განახლებულია 22:09 08.06.2021)
შავდათუაშვილის მედალი პირველია საქართველოს ნაკრებისთვის მიმდინარე მსოფლიო ჩემპიონატზე: ტურნირის პირველ ორ დღეს ქართველმა ძიუდოისტებმა მედლის აღება ვერ მოახერხეს.

თბილისი, 8 ივნისი - Sputnik. ქართველი ძიუდოისტი ლაშა შავდათუაშვილი (-73 კგ) კარიერაში პირველად მსოფლიო ჩემპიონი გახდა - მან ოქროს მედალი უნგრეთის დედაქალაქ ბუდაპეშტში მიმდინარე ტურნირზე მოიპოვა.

73 კილოგრამამდე წონითი კატეგორიის ფინალში შავდათუაშვილმა შვედ ტომი მასიასს სძლია.

აღსანიშნავია, რომ 29 წლის შავდათუაშვილისთვის, რომელიც არის ლონდონის (2012) ოლიმპიური ჩემპიონი, რიო-დე-ჟანეიროს (2016) ბრინჯაოს პრიზიორი, ევროპის ჩემპიონი, კონტინენტური პირველობის მრავალგზის პრიზიორი, „დიდი სლემის“ სერიის ტურნირების და გრან-პრის მრავალგზის გამარჯვებული, ეს მსოფლიო ჩემპიონატებზე პირველი მოპოვებული ოქროს მედალია.

ფინალამდე შავდათუაშვილმა სძლია ალონსო ვინგას (პერუ), ედუარდო ბარბაროსას (ბრაზილია), იონატან ელბაზს (ისრაელი), მიკლოშ უნგვარის (უნგრეთი) და ბილალ ჩილოღლუს (თურქეთი).

აღსანიშნავია, რომ შავდათუაშვილის მედალი პირველია საქართველოს ნაკრებისთვის მიმდინარე მსოფლიო ჩემპიონატზე: ტურნირის პირველ ორ საშეჯიბრო დღეს ქართველმა ძიუდოისტებმა მედლის აღება ვერ მოახერხეს.

დღესვე ტატამზე გავიდნენ საქართველოს ნაკრების ორი წარმომადგენელი - ნუგზარ ტატალაშვილი (-73 კგ) და ეთერ ლიპარტელიანი (-57 კგ). ტატალაშვილი ადრიან სულჩასთან (რუმინეთი) მეორე წრეშუ დამარცხდა, ლიპარტელიანმა მერვედფინალში ორთაბრძოლა იაპონელ მომო ტამოკისთან წააგო.

მსოფლიო პირველობის მეოთხე დღეს საქართველოს ნაკრებს წარადგენენ ლუკა მაისურაძე და ტატო გრიგალაშვილი. ორივე ძიუდოისტი 81 კილოგრამამდე წონით კატეგორიაში ასპარეზობს.

 

88
ნიკოლოზ ბასილაშვილი

ნიკოლოზ ბასილაშვილი მსოფლიო რეიტინგში წინსვლას აგრძელებს

22
(განახლებულია 12:28 21.06.2021)
ნიკოლოზ ბასილაშვილი 2021 წელს რეიტინგში 12 საფეხურით დაწინაურდა. საქართველოს პირველმა ჩოგანმა ამ დროის განმავლობაში დაახლოებით 577 ათასი აშშ დოლარი გამოიმუშავა.

 

თბილისი, 21 ივნისი - Sputnik.  ქართველი ჩოგბურთელი ნიკოლოზ ბასილაშვილი გერმანიის ქალაქ ჰალეში ჩატარებული ტურნირის შემდეგ ATP-ის რეიტინგში დაწინაურდა, განახლებული რეიტინგი ATP-ის ოფიციალურ ვებ-გვერდზე გამოქვეყნდა. 

საქართველოს პირველი ჩოგანი გერმანულ ტურნემდე 30-ე პოზიციას იკავებდა, ხოლო ჰალეში გამართული ნახევარფინალური ეტაპის შემდეგ მან 180 სარეიტინგო ქულა გამოიმუშავა და მსოფლიო რეიტინგის 28-ე ადგილზე გადაინაცვლა. ამჟამად ბასილაშვილი რუს კარენ ხაჩანოვსა 20 სარეიტინგო ქულით უსწრებს, ხოლო იტალიელ ლორენცო სონეგოს 57 ქულით ჩამორჩება.

ბასილაშვილმა გერმანიაში ტურნირის  ნახევარფინალური ეტაპი რუს ჩოგბურთელ ანდრეი რუბლიოვთან სამ სეტში, ანგარიშით 1:6, 6:3, 3:6 დათმო. აღსანიშნავია, რომ 23 წლის რუსი სპორტსმენი რეიტინგში მე-7 პოზიციას იკავებს. ნიკოლოზმა ჰალეში ნაჩვენები შედეგით 180 სარეიტინგო ქულა და 60 ათასამდე ევრო გამოიმუშავა.

მიმდინარე სეზონი ქართველი სპორტსმენისთვის ერთ-ერთი გამორჩეულია. ბასილაშვილზე 2021 წელი ATP რეიტინგში მე-40 პოზიციით დაიწყო და ჯამში 12 საფეხურით დაწინაურდა. მიმდინარე წელს ბასილაშვილმა  ორი 250-ქულიანი ტურნირის მოგება შეძლო (დოჰა და კატარი), ასევე ჰალეს ტურნირამდე მან ნახევარფინალში იასპარეზა იტალიის ქალაქ კალიარიში გამართულ ჩემპიონატზე.

განახლებული რეიტინგის მიხედვით, ATP-ის პირველ სამეულში ცვლილება არ მომხდარა. მსოფლიოს საუკეთესო ჩოგბურთელი კვლავ სერბი ნოვაკ ჯოკოვიჩია, რომელსაც უკან რუსი დანიილ მედვედევი და ესპანელი რაფაელ ნადალი მოჰყვებიან.

22
თემები:
სპორტის ამბები
დევისის თასის მატჩი. საქართველო-ესტონეთი

საქართველოს ნაკრები დევისის თასზე ირლანდიასთან დამარცხდა

36
(განახლებულია 00:13 21.06.2021)
ირლანდია მეორე მსოფლიო ჯგუფში მონაწილეობის უფლების მოსაპოვებლად პლეი-ოფში გავიდა, ხოლო საქართველო მომდევნო სეზონსაც მესამე მსოფლიო ჯგუფში გაატარებს.

თბილისი, 20 ივნისი — Sputnik. საქართველოს ჩოგბურთის ვაჟთა ნაკრებმა კვიპროსზე დევისის თასის ტურნირზე მესამე მსოფლიო ჯგუფში ირლანდიის გუნდთან ანგარიშით 1:2 წააგო და კლასში დაწინაურების შანსი დაკარგა.

ქართველი ჩოგბურთელებისთვის ყველაფერი კარგად დაიწყო. პირველ მატჩში ალექსანდრე ბაკშიმ ორ სეტში მოუგო ოზგარ ოჰოისინს და გუნდი წინ გაიყვანა.

მაგრამ ორი შემდგომი მატჩი საქართველომ წააგო. მეორე, ინდივიდუალურ მატჩში ალექსანდრე მეტრეველმა წააგო სიმონ კართან - 2:6, 2:6; ხოლო ალექსანდრე ბაკში/ზურა ტყემალაძის წყვილი ვერაფერს გახდა სიმონ კარ/დევიდ ოჰარას დუეტთან - 3:6, 1:6.

ამგვარად, ირლანდია მეორე მსოფლიო ჯგუფში მონაწილეობის უფლების მოსაპოვებლად პლეი-ოფში გავიდა, ხოლო საქართველო მომდევნო სეზონსაც მესამე მსოფლიო ჯგუფში გაატარებს.

36
თამო ვაშალომიძე

თამო ვაშალომიძემ იმიჯი კარდინალურად შეიცვალა - ქერა თმა ცეცხლოვანმა წითელმა ჩაანაცვლა

0
(განახლებულია 13:20 21.06.2021)
სექსუალური მოდელი გარდასახვას თავს არ არიდებს, თუმცა ეროტიკულ ფოტოსესიებში აღარ მონაწილეობს. მოულოდნელი ცვლილებები დაოჯახებამ და მეორე შვილის გაჩენამ განაპირობა, თუმცა თამო ძველ სითამამეს არ კარგავს. როგორ მოგწონთ ფოტომოდელის უახლესი გადაწყვეტილება?

სექსუალურმა ფოტომოდელმა ცხოვრების წესი შეიცვალა და დიასახლისობას დიდი მონდომებით შეუდგა. თამო ახლა ორი შვილის დედაა. ტელესახემ 28 ნოემბერს მეორე შვილი გააჩინა. დეკემბრის დასაწყისში დედა-შვილი სამშობიაროდან გაწერეს და თამოს მეუღლემ ოჯახის წევრებს სახლში ლამაზი სიურპრიზი დაახვედრა. ახალშობილ მაქსიმეს ახალბედა მამა ზღაპრული დეკორაციებითა და დიდი სიხარულით დახვდა. პატარა ძმას სოფიაც მალევე დაუმეგობრდა. აკა სამხარაძე სოფიასა და მაქსიმეს თანაბარ დროს უთმობს და ანებივრებს.

Посмотреть эту публикацию в Instagram

Публикация от Tamo Vashalomidze (@tamovashalomidze)

მეორე ნახევრის დახმარებით, თამო საკუთარ თავს კვლავ დიდ დროს უთმობს. ფოტომოდელი ექსპერიმენტებზე უარს ვერ ამბობს, და ამჯერად იმიჯი რადიკალურად შეიცვალა. 2 შვილის დედა წითელი თმის მოხდენას ცდილობს, რაც მისმა თაყვანისმცემლებმა დადებითად შეუფასეს. ბევრმა აღნიშნულ ფოტოზე თამოს ტანი შენიშნა, თუმცა ჩრდილქვეშ არც ვარცხნილობა მაქცეულა. როგორ მოგწონთ სექს-სიმბოლოდ წოდებული ყოფილი ფოტომოდელის ახალი იმიჯი?

Посмотреть эту публикацию в Instagram

Публикация от Tamo Vashalomidze (@tamovashalomidze)

თამო ვაშალომიძე, ფაქტობრივად, საიდუმლოს გარეშე ცხოვრობს. ერთადერთი, რაც მოდელმა თაყვანისმცემლებს დღემდე არ გაუმხილა – მისი ყოფილი პარტნიორის ვინაობაა.მან ახალშობილი ვაჟის ფოტო მშობიარობის დღესვე გამოაქვეყნა და დაწერა, რომ სიტყვებით ვერ გადმოსცემს ისეთი ბედნიერია, თუმცა ბავშვის სახე დამალა. ახლა მოდელმა გადაწყვიტა თაყვანისმცემლებს მაქსიმეს სახეც აჩვენოს, რასაც სოფიას დაბადებისას არ აკეთებდა და საგულდაგულოდ მალავდა.

Посмотреть эту публикацию в Instagram

Публикация от Tamo Vashalomidze (@tamovashalomidze)

ეპატაჟური ვარსკვლავი ახალ ცხოვრებას ახალი ძალებით შეუდგა. რთული ცხოვრების მიუხედავად, თამო უამრავი ქალბატონისთვის სიძლიერის მაგალითად იქცა. ახლა მისი ცხოვრება ფოტომოდელობის მიღმა ოჯახურ სივრცეში მიედინება, რაც თამოსთვის დიდი კომფორტის ზონა და ბედნიერებაა. უახლეს ფოტოებსა და ვიდეოზე კარგად ჩანს, თუ რა მარტივად მოირგო ცოლ-ქმარმა მშობლის როლი.

0
თემები:
ქართველი სელებრითები