ვილი სანიოლი

სანიოლი: წაგებულმა მატჩმა ბევრი რამ დაგვანახა ფეხბურთელები ჯერ მზად არ არიან

154
(განახლებულია 19:42 07.06.2021)
საქართველოს ნაკრებმა მსოფლიოს საკვალიფიკაციო ეტაპის მატჩებამდე ორი ამხანაგური შეხვედრა გამართა. ვილი სანიოლის გუნდმა რუმინეთს 2:1 მოუგო, ხოლო ნიდერლანდის ნაკრებთან სამი უპასუხო გოლით დამარცხდა.

თბილისი, 7 ივნისი – Sputnik. საქართველოს საფეხბურთო ნაკრების მწვრთნელი ვილი სანიოლი ნიდერლანდთან წაგებული თამაშის შემდეგ უკმაყოფილოა და მიიჩნევს, რომ მისი გუნდი მეტს იმსახურებდა.

საქართველოს ნაკრებმა გუშინ ენსხედეში ნიდერლანდთან ამხანაგური შეხვედრა გამართა და დიდი ანგარიშით, 3:0 დამარცხდა. მოწინააღმდეგე გუნდიდან გოლები მემფის დეპაიმ, ვუტ ვეგჰორტსმა და რაიან გრავენბეხმა გაიტანეს. ქართველებმა თამაშის მიმდინარეობისას რამდენიმე სახიფათო შეტევა განახორციელეს, მაგრამ უფრო ძლიერი ნიდერლანდის წინააღმდეგ ეს საკმარისი არ აღმოჩნდა. მეტოქემ საგოლე მომენტების რეალიზება უკეთ მოახერხა, რაც მატჩის დასასრულს ტაბლოზეც აისახა.

შეხვედრის შემდეგ კომენტარი გააკეთა საქართველოს ნაკრების მწვრთნელმა ვილი სანიოლმა. მან აღნიშნა, რომ მიზნის მისაღწევად ფეხბურთელებისგან მეტი მონდომებაა საჭირო.

„​ნიდერლანდის წინააღმდეგ გამართულმა მატჩმა დაგვანახა, რომ წარმატების მისაღწევად და კარგი შედეგის საჩვენებლად გვჭირდება ფეხბურთელები, რომლებიც ახალ პროექტში 100 პროცენტით იქნებიან ჩართული და მზად იქნებიან, რომ ბოლომდე დაიხარჯონ. დღევანდელ შეხვედრაში ბოლომდე ასე არ იყო და სწორედ ამიტომ ცოტა უკმაყოფილი ვარ“, – აღნიშნა ფრანგმა სპეციალისტმა.

სანიოლმა ასევე განაცხადა, რომ ამხანაგური შეხვედრები მცირე ექსპერიმენტების საშუალებას იძლევა, მაგრამ დანაკლისის მიუხედავად საქართველოს ნაკრები ერთი გოლის გატანას იმსახურებდა.

„ივნისის ამხანაგურ მატჩებამდე ვთქვით, რომ ეს შეხვედრები არის ახალი მოთამაშეებისა და ახალი ტაქტიკის გამოსაცდელად. დღეს ჩვენზე ბევრად ძლიერ მეტოქეს დავუპირისპირდით. რამდენიმე რეალური საგოლე მომენტი გვქონდა და ვფიქრობ, რომ მინიმუმ ერთი გოლის გატანას ვიმსახურებდით“, – განაცხადა ვილი სანიოლმა.

მთავარმა მწვრთნელმა ასევე აღნიშნა, რომ ნაკრებს მომავალი ოფიციალური შეხვედრებისთვის მეტად ამბიციური მიზნები აქვს. ამასთან დიდია იმედი, რომ ეროვნული გუნდი მომავალ მატჩებს ოპტიმალური შემადგენლობით შეხვდება.

აეროპორტში მიტოვებული ლიეტუველი მორაგბეები და სანიოლის სადებიუტო გამარჯვება ნაკრებში>>

საქართველოს ნაკრები შემდეგ შეხვედრას 2 სექტემბერს მსოფლიოს 2022 წლის ჩემპიონატის შესარჩევი ეტაპის მეოთხე ტურში კოსოვოს ნაკრებს ბათუმში უმასპინძლებს. ნიდერლანდის ნაკრები კი ასპარეზობას ევროპის ჩემპიონატზე განაგრძობს, სადაც 13 ივნისს პირველ მატჩში უკრაინის ნაკრებს დაუპირისპირდება.

154
თემები:
სპორტის ამბები (1131)
საქართველოს ჩოგბურთის ნაკრენი

საქართველოს ჩოგბურთის ნაკრებმა დევისის თასზე ისლანდიას მოუგო

39
საქართველოს ჩოგბურთის ნაკრები მომდევნო მატჩს А ჯგუფში 18 ივნისს კვიპროსის წინააღმდეგ გამართავს. ტურნირი 19 ივნისს დასრულდება.

თბილისი, 16 ივნისი — Sputnik. საქართველოს ჩოგბურთის ვაჟთა ნაკრებმა კვიპროსზე დევისის თასის ტურნირზე მესამე მსოფლიო ჯგუფში ისლანდიის გუნდს ანგარიშით 3:0 მოუგო.

პირველები კორტებზე გავიდნენ ალექსანდრე ბაკში და დანიელ სიდალი. ქართველ ჩოგბურთელს მხოლოდ ერთი საათი დასჭირდა იმისათვის, რომ მეტოქე ორ სეტში ერთნაირი ანგარიშით 6:2 დაემარცხებინა.

საქართველოს ნაკრების უპირატესობა გააორმაგა ალექსანდრე მეტრეველმა, რომელმაც ასევე ორ პარტიაში სძლია ეგილ სიგურდსონს – 6:0, 6:3.

ჩვენს გუნდს გამარჯვების ქულა მოუტანა საბა ფურცელაძე/ზურა ტყემალაძის დუეტმა, რომელმაც ანტონ მაგნუსონ/დანიელ სიდალის წყვილს მოუგო -  6:3, 6:4.

მომდევნო მატჩს А ჯგუფში საქართველოს ნაკრები 18 ივნისს კვიპროსის წინააღმდეგ გამართავს.

ტურნირში, რომელიც 19 ივნისამდე გასტანს, თავდაპირველად უნდა ეასპარეზათ რვა ნაკრებს, მაგრამ ლიხტენშტეინის უარის შემდეგ დარჩა შვიდი გუნდი: კვიპროსი, საქართველო, ისლანდია, ლუქსემბურგი, მალტა, მონაკო, ირლანდია.

გუნდები ორ ჯგუფად გაიყოფიან - ერთში იქნება ოთხი ნაკრები, მეორეში - სამი. თითოეული ჯგუფის გამარჯვებული გადის პლეი-ოფში მეორე მსოფლიო ჯგუფში თამაშის უფლების მოსაპოვებლად. პლეი-ოფის კიდევ ერთი მონაწილე გაირკვევა პირად დაპირისპირებაში იმ ნაკრებებს შორის, რომლებიც თავიანთ ჯგუფებში მეორე ადგილებზე გავლენ.

39
ხელბურთის ნაკრები

ხელბურთი: საქართველოს ნაკრებმა ჯგუფში მეორე გამარჯვება იზეიმა

23
(განახლებულია 20:29 16.06.2021)
საქართველოს ხელბურთელთა ნაკრები პლეი-ოფში ბულგარეთის ან ანდორის გუნდს შეხვდება, გამარჯვების შემთხვევაში კი ფინალში იასპარეზებს.

თბილისი, 16 ივნისი — Sputnik. საქართველოს ხელბურთელ ვაჟთა ნაკრებმა თბილისში მიმდინარე ერთა თასის (IHF/EHF Trophy 2021) გათამაშების მეორე შეხვედრაში მოლდოვის ნაკრები ანგარიშით 27:20 დაამარცხა და პლეი-ოფის საგზური მოიპოვა.

საქართველოს ნაკრებისთვის ეს ტურნირზე მეორე გამარჯვებაა. პირველ მატჩში ქართველმა სპორტსმენებმა აზერბაიჯანის გუნდი ანგარიშით 36:16 დაამარცხეს.

ერთა თასის პლეი-ოფის შეხვედრები 18 ივნისს გაიმართება. ტურნირის მოსაგებად საქართველოს ნაკრების ჩათვლით ექვსი ქვეყანა იბრძვის, საიდანაც საუკეთესო სამი გუნდი 2024 წლის ევროპის ჩემპიონატის შესარჩევი ეტაპის მომდევნო საფეხურზე იასპარეზებს.

საქართველოს ნაკრების მეტოქე პლეი-ოფში ბულგარეთისა და ანდორის შეხვედრაში გამოვლინდება, რომლებიც კვიპროსთან ერთად მეორე ჯგუფში იმყოფებიან და თითო წაგება აქვთ.

23
თემები:
სპორტის ამბები (1131)
ვითარება მიგრაციულ ცენტრთან მოსკოვის ოლქში

გამოდით ჩრდილიდან: რუსეთი მიგრანტებს ლეგალიზაციას უმარტივებს

0
(განახლებულია 12:56 17.06.2021)
COVID-19-ის  პანდემიიდან გამომდინარე, რუსეთმა მიგრანტებს ქვეყანაში დროებით ყოფნის ვადა 30 სექტემბრამდე გაუხანგრძლივა. პრეზიდენტმა პუტინმა ბრძანებულებას უკვე მოაწერა ხელი.

Sputnik, მარია ნაუმენკო

რუსეთის შინაგან საქმეთა სამინისტროს მონაცემებით, მიმდინარე წლის აპრილის შუა რიცხვებისთვის რუსეთის ტერიტორიაზე დსთ-ის ქვეყნების მილიონზე მეტი მოქალაქე იმყოფებოდა უკანონოდ. რამდენმა მოქალაქემ შეძლოლეგალიზაცია, რატომ არჩევს ზოგი მიგრანტი ჩრდილში დარჩენას და რა ხელსაყრელ პირობებს უქმნის რუსეთის ფედერაცია უცხოელებს მუშაობისა და ცხოვრებისთვის — იხილეთ Sputnik-ის მასალაში.

მოესწროს სამ თვეში

„მოასწრებენ თუ არა მსურველები 30 სექტემბრამდე ლეგალიზებას, ეს პროფილური სტრუქტურების მუშაობაზეა დამოკიდებული. მანამდე მიგრანტებს გიგანტურ რიგებში უწევდათ დგომა დოკუმენტების გასაფორმებლად. ჩემი აზრით, სამი თვე საკმარისია, თუ აწობილად იმუშავებენ“, — მიაჩნია ტაჯიკური კულტურის ცენტრის თავმჯდომარე ხურშედ ხამრაკულოვს.

ვლადიმირ პუტინის ახალ ბრძანებულებამდე, უცხოელებს 15 ივნისამდე უნდა მოესწროთ ლეგალიზება — ეს ბოლო ვადა იყო.

მიგრაციის საკითხთა საერთაშორისო ორგანიზაციის მოსკოვის ბიუროს დირექტორ აბდუსატორ ესოევის განცხადებით, რუსეთის საიმიგრაციო ცენტრებში აჟიოტაჟი შეინიშნებოდა, დოკუმენტების მიღების მსურველი მიგრამტების მოზღვავება მაისში დაიწყო. მისი თქმით, მრავალფუნქციურ საიმიგრაციო ცენტრ „სახაროვოში“ დოკუმენტების გაფორმების მსურველთა რაოდენობა რეკორდულ მაჩვენებელს — 41 ათას კაცს აღწევდა დღეში. მიგრანდების დიდი ნაკადი იმითაც იყო გამოწვეული, რომ საელჩოები და დიასპორული ორგანიზაციები აქტიურად ატარებდნენ განმარტებითსაუბრებს თანამემამულეებთან და დოკუმენტების გაფორმებისკენ მოუწოდებდნენ მათ.

„მიგრაციულ ცენტრებში ჟიოტაჟის ფონზე მოსალოდნელი იყო, რომ ლეგალიზებას ყველა ვერ მოასწრებდა. უხეში დათვლებით, 15 ივნისისთვის საკუთარი სტატუსის დაკანონება 500 ათასზე მეტმა კაცმა მოასწრო. მაგრამ აუცილებელია შსს-ს ოფიციალურ სტატისტიკას დაველოდოთ“, — აღნიშნა ესოევმა.

მისი აზრით, COVID-19-ის პანდემიისას რუსეთის მთავრობის მიერ უცხოელებისადმი მიღებული ზომები ძალიან ჰუმანური იყო. 2020 წლის გაზაფხულზე რუსეთის ლიდერმა ვლადიმირ პუტინმა უცხოელებს რუსეთში 2021 წლის 15 ივნისამდე დარჩენის ვადა მისცა — ვიზისა (თუ ეს აუცილებელი იქნებოდა) და იმ სხვა დოკუმენტების გახანგრძლივების გარეშე, რომელთა მეშვეობითაც შევიდნენ ისინი ქვეყანაში. ამ დროის განმავლობაში დამსაქმებლებს ასევე მიეცათ უფლება, დაექირავებინათ უცხოელები მუშაობაზე მოქმედი ნებართვის გარეშე. რუსეთიდან გაძევებაზე მორატორიუმი რამდენჯერმე გახანგრძლივდა.

რუსეთს მიგრანტები სჭირდება

ხურშედ ხამრაკულვის თქმით, მიგრანტებს რუსეთში ცხოვრება და მუშაობა ლეგალურად ურჩევნიათ. უკანონო მდგომარეობისკენ მათ სხვადასხვა ვითარება უბიძგებს.

„ზოგ არაკეთილსინდისიერ დამსაქმებელს ხელს აძლევს, როდესაც მიგრანტი აბსოლუტურად უუფლებოა. თუ უცხოელი რუსეთში კანონიერადაა, მაშინ კომპანია ვადებულია, ხელშეკრულება გააფორმოს მასთან და გადასახადები გადაიხადოს. მოტყუებულ თანამემამულეებს ხშირად მოუმართავთ ჩემთვის. ისინი რამდენიმე თვის განმავლობაში მუშაობდნენ არაოფიციალურად და შედეგად, ჯამაგირი საერთოდ არ მიუღიათ“, — მოჰყავს მაგალითი ტაჯიკური კულტურის ცენტრის ხელმძღვანელს.

მისი თქმით, იმის დამტკიცება, რომ უცხოელი მოატყუეს, როდესაც შრომითი ხელშეკრულება არ არსებობს, უკიდურესად რთულია, მაგრამ რუსეთში ამ პრობლემის მოგვარებას ცდილობენ. მაგალითად, სანქტ-პეტერბურგში მიგრანტებს ელექტრონულ ID-ბარათებს აძლვენ, რომლითაც მათ სამშობლოში შეუძლიათ ფულის გადარიცხვა დაბალი საკომისიო მომსახურებით. დამსაქმებლებს კი ამ ინსტრუმენტით უჭირთ „შავი“ ჯამაგირის გადახდა.

მსგავსი საიდენტიფიკაციო ბარათების დანერგვა მთელ რუსეთში იგეგმება. მათში ელექტრონული სახით იქნება შენახული პირადი მონაცემები, ნებართვის დოკუმენტები და ლიცენზიები, ცნობები დამსაქმებლის, გადასახადების დარიცხვის, სამუშაო სტაჟის, კანონდარღვევების, ჯარიმებისა და გადასახადების გადაუხდელობის შესახებ.

ამ ბარათის მფლობელი უცხოელები შეძლებენ დასაქმდნენ როგორც იურიდიულ პირებთან, ისე ინდმეწარმეებთან ელექტრონული პატენტის საფუძველზე, ხოლო ფიზიკურ პირებთან — ფიქსირებული ავანსის სახით საშემოსავლო გადასახადის გადახდის შემდეგ.

თუმცა, როგორც ესოევი ამბობს, არსებობს მიგრანტების გარკვეული კატეგორია, რომელიც განზრახ არიდებს თავს ლეგალიზაციას.

„ვიღაც ეკონომიას აკეთებს, არ უნდა პატენტის გადასახადის გადახდა. ვფიქრობს, 5-7 თვეს წავიმუშავებ, ფულს გავგზავნი სამშობლოში და დავბრუნდებიო. არიან ისეთებიც, ვინც კერძო დაკვეთებს ასრულებენ, სააგარაკე დასახლებებში ცხოვრობენ და არსად არ გადიან“, — განმარტავს ის.

მიგრანტებისთვის პატენტის ღირებულება მოსკოვში 5341 რუბლია, მოსკოვის ოლქში — 5 092 რუბლი, ვორონეჟის ოლქში — 4 943 რუბლი, ირკუტსკის ოლქში — 5 605 რუბლი.

როგორც ხამრაკულოვა აღნიშნავს, რუსეთი დაინტერესებულია იმით, რომ შეძლებისდაგვარად მეტი მიგრანტი ლეგალიზდეს, ამიტომაც სთავა ზობს ქვეყანა მათ ესოდენ ხელსაყრელ პირობებს.

„ჩემთვის არაერთ კომპანიას მოუმართავს სამშენებლო სფეროდან, ავტოსამრეცხაოებიდან თუ საკურიერო მომსახურებიდან, მთხოვდნენ მუშახელი გამეგზავნა, ვინაიდან ხალხი არ ჰქოფნიდათ“, — ირწმუნება იგი.

რუსეთის შსს-ს მონაცემებით, თუ პანდემიამდე ქვეყანაში 11 მილიონამდე მიგრანტი იმყოფებოდა, 2020 წლის ბოლოსთვის მათი რაოდენონა 6 მილიონამდე შემ ცირდა. მიმდინარე წლის გაზაფხულზე პრეზიდენტის პრესმდივანმა დმიტრი პესკოვმა განაცხადა, რომ მიგრანტების დეფიციტისამშენებლო და სასოფლო-სამეურნეო სფეროებში შეინიშნება.

მიგრანტებისთვის პირობები გაუმჯობესდება

რუსეთში 2025 წლისთვის მიგრაციული კანონმდებლობის სრულად რეფორმირებას გეგმავენ. ფედერალური კანონი, რომელსაც შსს ამზადებს, ახალ მიდგომას ითვალისწინებს დაბეგვრის, პატენტის მიღების, ჯამაგირის რაოდენობისა და რუსეთში სამუშაოდ ჩასულების რეგისტრაციის კუთხით.

ცვლილებების მიზანია, აღმოიფხვრას უცხოელების დასაქმების შავი სქემები. ყველა მიგრანტი მონაცემთა ერთიან ბაზაში შევა და ამასთან, უცხოელი დასაქმებულის ხელფასი კონკრეტულ რეგიონში მოცემული კატეგორიის მუშაკის ხელფასის საშუალო დონეს გაუტოლდება.

ესოევს იმედი აქვს, რომ ახალი კანონის დამტკიცებასთან ერთად, არალეგალების კატეგორიაში აღარ მოხვდებიან ის პირები, რომლებსაც რამდენიმე ადმინისტრაციული დარღვევა, მაგალითად, პატენტის გადასახადის დაგვიანებით გადაუხდელობა, უფიქსირდებათ.

რუსეთის შინაგან საქმეთა სამინისტრო ახალი ფედერალური კანონის პროექტს მთავრობას განსახილველად 2021 წლის ბოლოსთვის წარუდგენს.

0
თემები:
რუსეთი დღეს