საქართველოს ფეხბურთის ახალგაზრდულმა ნაკრებმა აზერბაიჯანს ტესტ-მატჩი მოუგო

საქართველოს ფეხბურთის ახალგაზრდულმა ნაკრებმა აზერბაიჯანს ტესტ-მატჩი მოუგო

39
ორი დღის შემდეგ, სამშაბათს, მეტოქეები კიდევ ერთ ამხანაგურ მატჩს გამართავენ, რომელიც ასევე თბილისში გაიმართება.

თბილისი, 6 ივნისი – Sputnik. საქართველოს ფეხბურთის ახალგაზრდულმა ნაკრებმა (U-17) თბილისში აზერბაიჯანელი თანატოლები ამხანაგურ მატჩში ანგარიშით 2:1 დაამარცხა.

35-ე წუთზე ანგარიში გახსნა ლუკა პარკაძემ, რომელმაც თავისივე გამომუშავებული პენალტი განახორციელა.

შესვენების შემდეგ მეტოქეებმა თითო-თითო გოლი გაცვალეს. 70-ე წუთზე მასპინძლების უპირატესობა საქართველოს ნაკრების კაპიტანმა გაბრიელ სიგუამ გაზარდა, ხოლო საფინალო სასტვენამდე სამი წუთით ადრე ჩამორჩენა მინუმუმამდე შეამცირა სანად აგალაროვმა, რომელმაც 11-მეტრიანი განახორციელა.

ორი დღის შემდეგ, 8 ივნისს, მეტოქეები კიდევ ერთ ტესტ-მატჩს გამართავენ, რომელიც ასევე თბილისში გაიმართება.

39
ნიკა ბასილაშვილი

ნიკოლოზ ბასილაშვილი ჰალეს ტურნირის მეოთხედფინალშია

64
მეოთხედფინალში გასვლის შედეგად ბასილაშვილმა 90 სარეიტინგო ქულა და 40 ათას ევროზე მეტი საპრიზო თანხა გამოიმუშავა.

თბილისი, 17 ივნისი - Sputnik. საქართველოს ნომერ პირველი ჩოგბურთელი ნიკოლოზ ბასილაშვილი (30-ე პოზიცია АТР-ს რეიტინგით) გერმანიაში მიმდინარე АТР-500-ის სერიის ჰალეს ტურნირზე მეოთხედფინალში გავიდა.

ბასილაშვილმა მეორე წრეში ორ სეტში დაამარცხა ფრანგი არტურ რინდერკნეხი (119) – 6:2, 7:5. მატჩი ერთ საათსა და 21 წუთს გაგრძელდა.

ქართველი ჩოგბურთელი საუკეთესოდ მოქმედებდა თავის ჩაწოდებაზე და მეტოქეს მხოლოდ ერთი ბრეიკის გაკეთების საშუალება მისცა. თავის მხრივ ბასილაშვილმა ფრანგის ჩაწოდება სამჯერ აიღო, რაც ჩვენი სპორტსმენის წარმატების საწინდარი გახდა.

მეოთხედფინალში გასვლის შედეგად ბასილაშვილმა 90 სარეიტინგო ქულა და 40 ათას ევროზე მეტი საპრიზო თანხა გამოიმუშავა.

ნახევარფინალში გასვლაზე ბასილაშვილი შეხვდება სამხრეთ აფრიკის წარმომადგენელს ლოიდ ჰარისს (51), რომელმაც ასევე ორ სეტში (6:3, 7:6) სლოვაკი ლუკაშ ლაცკო (214) დაამარცხა.

ჰალეს ტურნირის (Noventi Open) საერთო საპრიზო თანხა თითქმის 1,5 მილიონ ევროს შეადგენს, ხოლო მოქმედი გამარჯვებულია როჯერ ფედერერი.

64
თავისუფალი ჭიდაობა

ჭაბუკთა შორის ევროპის ჩემპიონატზე ქართველმა მოჭიდავეებმა ექვსი მედალი მოიპოვეს

44
(განახლებულია 19:57 17.06.2021)
18 ივნისიდან სტარტს აიღებს ჭაბუკთა შორის ევროპის ჩემპიონატი ბერძნულ-რომაულ ჭიდაობაში. ამ ტურნირზე საქართველო 10 სპორტსმენით იქნება წარმოდგენილი.

თბილისი, 17 ივნისი — Sputnik. ქართველმა თავისუფალი სტილით მოჭიდავეებმა ბულგარეთის ქალაქ სამოკოვოში მიმდინარე ჭაბუკთა შორის ევროპის ჩემპიონატზე ორი ვერცხლის და ოთხი ბრინჯაოს მედალი მოიპოვეს.

ტურნირის ვიცე-ჩემპიონები გახდნენ თამაზ სულამანიძე (-55 კგ) და თორნიკე სამხარაძე (-80 კგ). გადამწყვეტ ორთაბრძოლაში სულამანიძე სომხეთის წარმომადგენელთან ანდრანიკ ავეტისიანთან დამარცხდა (11:0), სამხარაძემ კი უკრაინელ ალექსანდრ მამროშს (2:4) დაუთმო.

ბრინჯაოს მედლები მოიპოვეს გიორგი აბულაშვილმა (-60 კგ), გიორგი გოგრიჭიანმა (-65 კგ), გიორგი ნათობიძემ (-71 კგ) და თამაზ ნიკოლეიშვილმა (-92 კგ).

საერთო გუნდურ ჩათვლაში საქართველოს ნაკრები 122 ქულით მესამე ადგილზეა. პირველ ადგილზე რუსეთის (213), მეორეზე კი სომხეთის (138) გუნდია.

18 ივნისიდან სამოკოვოში სტარტს აიღებს ჭაბუკთა შორის ევროპის ჩემპიონატი ბერძნულ-რომაულ ჭიდაობაში. ამ ტურნირზე საქართველო 10 სპორტსმენით იქნება წარმოდგენილი.

44
თემები:
სპორტის ამბები
შოთა არველაძე

შოთა არველაძე: ბავშვობაში „მზიურიდან“ კარი მოვიპარეთ

0
(განახლებულია 16:34 19.06.2021)
შოთა არველაძე იხსენებს ბავშვობას და იმდროინდელ ამბებს, როდესაც სკოლის მოედანზე ფეხბურთის სათამაშოდ არ უშვებდნენ.

 

არველაძე
„ჩვენთან დიდი საფეხბურთო მოედანი იყო, რომელსაც  კარი არ ჰქონდა. ქვემოთ კი, „მზიურთან“ რომ მოედანი იყო, კარი იყო. იმ მოედანზე არავინ თამაშობდა, ამიტომ ვიფიქრეთ  რაში სჭირდებათ–თქო და ის კარი წამოვიღეთ“,- იხსენებს შოთა არველაძე.

არველაძის თქმით, მათთან სახლში უცნობი მამაკაცი მივიდა და მომხდარი ფაქტის შესახებ დედას უამბო.

0