საქართველოს ფეხბურთის ნაკრები

ბოლომდე დავიხარჯებით: საქართველოს ნაკრები ნიდერლანდის ნაკრებთან მატჩისთვის ემზადება

67
(განახლებულია 15:00 05.06.2021)
საქართველოს და ნიდერლანდის ნაკრებები ერთმანეთს ისტორიაში პირველად შეხვდებიან და ქართველი სპორტსმენები პირობას დებენ, რომ თამაშში ბოლომდე დაიხარჯებიან.

თბილისი, 5 ივნისი – Sputnik. საქართველოს ფეხბურთის ნაკრებმა მორიგი ვარჯიში ჩაატარა ნიდერლანდის ნაკრებთან ამხანაგური მატჩის წინ, რომელიც 6 ივნისს ენსხედეში გაიმართება.

ვარჯიშში 24-მა ფეხბურთელმა მიიღო მონაწილეობა. ყველამ, გარდა ირაკლი აზაროვისა, რომელსაც მცირე დაზიანება აქვს. საბა კვერკველია, რომელიც დისკვალიფიცირებულია, ასევე ვერ მიიღებს მონაწილეობას მატჩში. მაგრამ „როტორის“ მცველმა ვარჯიშში მონაწილეობა მიიღო.

„ნიდერლანდის ნაკრები - მსოფლიოსა და ევროპის ერთ-ერთი საუკეთესო ნაკრებია. საკმაოდ დიდი მოსამზადებელი პერიოდი გავიარეთ და ასეთი დონის მეტოქესთან თამაში ძალიან სასიამოვნოა. ვეცდებით, რომ მაქსიმალურად დავიხარჯოთ, ფეხბურთი ვითამაშოთ და დადებითი შედეგი დავაფიქსიროთ“, - მოჰყავს საქართველოს ფეხბურთის ფედერაციას საქართველოს ნაკრების ნახევარმცველის, ოთარ კიტეიშვილის სიტყვები.

კიტეიშვილის თქმით, დღევანდელ თამაშში გუნდს უნდა დაეხმაროს დადებითი ემოციები რუმინეთის ნაკრებთან გამარჯვების შემდეგ (2:1).

„ეროვნულ ნაკრებში გამარჯვება ყოველთვის სასიამოვნოა, არ აქვს მნიშვნელობა ეს მატჩი ამხანაგურია თუ ოფიციალური. რუმინეთთან მოპოვებულ გამარჯვებას ძალიან დადებითი ემოციები მოყვა. შესაძლოა, ჩვენი საუკეთესო თამაში არ გვიჩვენებია, მაგრამ გამარჯვება მოვახერხეთ და დაშვებული შეცდომები აუცილებლად უნდა გამოვასწოროთ“, - განაცხადა კიტეიშვილმა.

Полузащитник сборной Грузии Отар Китеишвили
საქართველოს ნაკრების ნახევარმცველი ოთარ კიტეიშვილი

 

საქართველოს და ნიდერლანდის ნაკრებები ერთმანეთს ისტორიაში პირველად შეხვდებიან.

ნაკრებებს შორის მატჩი 6 ივნისს ქალაქ ენსხედეში „გროლს ვესტეს“ (Grols Veste) სტადიონზე გაიმართება. შეხვედრა თბილისის დროით 20:00 საათზე დაიწყება.

67
ნიკა ბასილაშვილი

ნიკოლოზ ბასილაშვილი ჰალეს ტურნირის მეოთხედფინალშია

64
მეოთხედფინალში გასვლის შედეგად ბასილაშვილმა 90 სარეიტინგო ქულა და 40 ათას ევროზე მეტი საპრიზო თანხა გამოიმუშავა.

თბილისი, 17 ივნისი - Sputnik. საქართველოს ნომერ პირველი ჩოგბურთელი ნიკოლოზ ბასილაშვილი (30-ე პოზიცია АТР-ს რეიტინგით) გერმანიაში მიმდინარე АТР-500-ის სერიის ჰალეს ტურნირზე მეოთხედფინალში გავიდა.

ბასილაშვილმა მეორე წრეში ორ სეტში დაამარცხა ფრანგი არტურ რინდერკნეხი (119) – 6:2, 7:5. მატჩი ერთ საათსა და 21 წუთს გაგრძელდა.

ქართველი ჩოგბურთელი საუკეთესოდ მოქმედებდა თავის ჩაწოდებაზე და მეტოქეს მხოლოდ ერთი ბრეიკის გაკეთების საშუალება მისცა. თავის მხრივ ბასილაშვილმა ფრანგის ჩაწოდება სამჯერ აიღო, რაც ჩვენი სპორტსმენის წარმატების საწინდარი გახდა.

მეოთხედფინალში გასვლის შედეგად ბასილაშვილმა 90 სარეიტინგო ქულა და 40 ათას ევროზე მეტი საპრიზო თანხა გამოიმუშავა.

ნახევარფინალში გასვლაზე ბასილაშვილი შეხვდება სამხრეთ აფრიკის წარმომადგენელს ლოიდ ჰარისს (51), რომელმაც ასევე ორ სეტში (6:3, 7:6) სლოვაკი ლუკაშ ლაცკო (214) დაამარცხა.

ჰალეს ტურნირის (Noventi Open) საერთო საპრიზო თანხა თითქმის 1,5 მილიონ ევროს შეადგენს, ხოლო მოქმედი გამარჯვებულია როჯერ ფედერერი.

64
თავისუფალი ჭიდაობა

ჭაბუკთა შორის ევროპის ჩემპიონატზე ქართველმა მოჭიდავეებმა ექვსი მედალი მოიპოვეს

44
(განახლებულია 19:57 17.06.2021)
18 ივნისიდან სტარტს აიღებს ჭაბუკთა შორის ევროპის ჩემპიონატი ბერძნულ-რომაულ ჭიდაობაში. ამ ტურნირზე საქართველო 10 სპორტსმენით იქნება წარმოდგენილი.

თბილისი, 17 ივნისი — Sputnik. ქართველმა თავისუფალი სტილით მოჭიდავეებმა ბულგარეთის ქალაქ სამოკოვოში მიმდინარე ჭაბუკთა შორის ევროპის ჩემპიონატზე ორი ვერცხლის და ოთხი ბრინჯაოს მედალი მოიპოვეს.

ტურნირის ვიცე-ჩემპიონები გახდნენ თამაზ სულამანიძე (-55 კგ) და თორნიკე სამხარაძე (-80 კგ). გადამწყვეტ ორთაბრძოლაში სულამანიძე სომხეთის წარმომადგენელთან ანდრანიკ ავეტისიანთან დამარცხდა (11:0), სამხარაძემ კი უკრაინელ ალექსანდრ მამროშს (2:4) დაუთმო.

ბრინჯაოს მედლები მოიპოვეს გიორგი აბულაშვილმა (-60 კგ), გიორგი გოგრიჭიანმა (-65 კგ), გიორგი ნათობიძემ (-71 კგ) და თამაზ ნიკოლეიშვილმა (-92 კგ).

საერთო გუნდურ ჩათვლაში საქართველოს ნაკრები 122 ქულით მესამე ადგილზეა. პირველ ადგილზე რუსეთის (213), მეორეზე კი სომხეთის (138) გუნდია.

18 ივნისიდან სამოკოვოში სტარტს აიღებს ჭაბუკთა შორის ევროპის ჩემპიონატი ბერძნულ-რომაულ ჭიდაობაში. ამ ტურნირზე საქართველო 10 სპორტსმენით იქნება წარმოდგენილი.

44
თემები:
სპორტის ამბები
პოლიცია სიღნაღში

მედია: წნორში ერთ-ერთ ოჯახს ნათესავმა სახლი დაუწვა

0
(განახლებულია 16:00 19.06.2021)
არსებული ინფორმაციით, ხუთსულიანი ოჯახი სახლის გარეშე დარჩა. ოჯახის წევრები ახლა ნათესავთან აფარებენ თავს.

თბილისი, 19 ივნისი — Sputnik. სიღნაღის მუნიციპალიტეტის ქალაქ წნორში მცხოვრებ სომხიშვილების ოჯახს ნათესავმა საცხოვრებელი სახლი დაუწვა, იუწყება ტელეკომპანია „რუსთავი 2“.

შემთხვევა სამი დღის წინ მოხდა.

ოჯახი ადგილობრივ პოლიციას უყურადღებობაში ადანაშაულებს და აცხადებს, რომ ფაქტთან დაკავშირებით სამართალდამცველებს რეაგირება ამ დრომდე არ მოუხდენიათ. მათივე ინფორმაციით, სავარაუდო დამნაშავე პოლიციელებმა მხოლოდ გამოკითხეს და სახლში გაუშვეს.

არსებული ინფორმაციით, მხარეებს შორის დავა წლებია გრძელდება. დაპირისპირება სახლის გამო დაიწყო, რომელიც გულნაზ სომხიშვილს პაპამ აჩუქა.

დაზარალებული გულნაზი სომხიშვილი, გარდა ზიანისა, ბიძის მხრიდან მუქარაზე საუბრობს და მის დაკავებას ითხოვს. მისი თქმით, მამაკაცმა სახლის დაწვის ფაქტი აღიარა.

დაზარალებულების ინფორმაციით, მამაკაცი, რომელმაც სახლი დაწვა, მკვლელობაზეა ნასამართლევი და ახლაც პირობითი სასჯელის ქვეშ იმყოფება.

შინაგან საქმეთა სამინისტროს ინფორმაციით, სისხლის სამართლის საქმე სსკ-ის 187-ე მუხლით დაიწყო, რაც სხვისი ნივთის დაზიანებას ან განადგურებას გულისხმობს.

0