მამარდაშვილი „ლა ლიგაში“ ითამაშებს, ქეცბაიას „ანორთოსისი“ ორმა ქართველმა დატოვა

© courtesy of FC Locomotive Tbilisiგიორგი მამარდაშვილი
გიორგი მამარდაშვილი - Sputnik საქართველო, 1920, 04.06.2021
გამოწერა
ზაფხულის სატრანსფერო ფანჯარა ქართველმა ფეხბურთელებმა უკვე გახსნეს. მამარდაშვილმა „ღამურებთან“ ერთწლიანი კონტრაქტი გააფორმა, ოქრიაშვილმა და ქვილითაიამ კი ქეცბაიას „უღალატეს“.

თბილისი, 4 ივნისი – Sputnik. საქართველოს ნაკრებისა და თბილისის „დინამოს“ 20 წლის მეკარე გიორგი მამარდაშვილი კარიერას ესპანურ „ვალენსიაში" გააგრძელებს. ინფორმაცია თბილისურმა კლუბმა ოფიციალურად დაადასტურა.

გიორგი მამარდაშვილი UEFA-მ აღიარა - ქართველი მეკარე საუკეთესოთა შორისაა>>

გიორგი მამარდაშვილი, რომელიც „დინამოს“ მფლობელობაშია, ბოლო ორი წლის განმავლობაში თბილისის „ლოკომოტივში“ იჯარის წესით თამაშობდა. ვინაიდან მისი სატრანსფერო უფლებები თბილისის „დინამოს“ ეკუთვნის, ესპანურმა კლუბმა მოლაპარაკებები სწორედ საქართველოს მოქმედ ჩემპიონთან გამართა.

ხვიჩა კვარაცხელია - Sputnik საქართველო, 1920, 26.05.2021
რომელ კლუბში ითამაშებს კვარაცხელია? – ხვიჩას მსურველთა რიგი უდგას

ახალგაზრდა ქართველი მეკარე „ღამურებს“ თავდაპირველად ერთწლიანი იჯარით შეუერთდება, კონტრაქტის ამოწურვის შემდეგ კი ესპანელებს მისი გამოსყიდვის უფლება ექნებათ.

გიორგი მამარდაშვილს მიმდინარე სეზონში „რკინიგზელთა“ რიგებში 14 მატჩი აქვს ჩატარებული. მან თავი განსაკუთრებით წინა სეზონში „ევროპა ლიგის“ საკვალიფიკაციო ეტაპზე რუმინულ „კრაიოვასთან“, მოსკოვის „დინამოსთან“ და ესპანურ „გრანადასთან“ გამოიჩინა.

ზაფხულის სატრანსფერო ფანჯრის დროს მნიშვნელოვანი ტრანსფერები განხორციელდა კვიპროსის შიდა ჩემპიონატშიც. ფამაგუსტას „ანორთოსისი“, რომელსაც თემურ ქეცბაია წვრთნის, ორმა ქართველმა ფეხბურთელმა – გიორგი ქვილითაიამ და თორნიკე ოქრიაშვილმა დატოვა. საქართველოს ნაკრების შემტევები „ანორთოსისის“ ერთ-ერთ კონკურენტ „აპოელში“ გადაბარგდნენ.

ნიკა კვეკვესკირი - Sputnik საქართველო, 1920, 01.05.2021
პოლონურმა საფეხბურთო კლუბმა ქართველ ნახევარმცველთან კონტრაქტი გააგრძელა

მნიშვნელოვანია, რომ ქვილითაიასა და ოქრიაშვილის შესაძლო ტრანსფერებზე ბოლო პერიოდში ქართულ და უცხოურ მასმედიაში ბევრი იწერებოდა. გუნდის შეცვლასთან დაკავშირებით თავად ფეხბურთელებიც ბევრს საუბრობდნენ, თუმცა ნაკლებად სავარაუდო იყო, რომ ისინი არჩევანს კვლავ კვიპროსის შიდა ჩემპიონატის კლუბზე შეაჩერებდნენ.

თორნიკე ოქრიაშვილმა გასულ სეზონში „ანორთოსისის” რიგებში კვიპროსის ჩემპიონატის 20 მატჩში 9 გოლის გატანა მოახერხა, ხოლო ქვილითაიას ანგარიშზე 31 შეხვედრაში 14 გატანილი გოლია.

საქართველოს ნაკრების წევრებმა ნიქოზიის კლუბთან 3-3 წლიანი კონტრაქტები გააფორმეს, რომელიც 2024 წლის მაისში ამოიწურება.

ყველა ახალი ამბავი
0