ეკატერინე გორგოძე

ეკატერინე გორგოძე კარიერაში პირველად Roland Garros-ზე ითამაშებს

49
(განახლებულია 17:24 27.05.2021)
ეკატერინე გორგოძემ საკვალიფიკაციო ეტაპის ბოლო ტურში ესპანელი ჩოგბურთელი ნურია პარიზა დიაზი დაამარცხა. გორგოძის მომავალი მეტოქე საკვალიფიკაციო ეტაპის დასრულების შემდეგ გაირკვევა.

თბილისი, 27 მაისი - Sputnik. ქართველმა ჩოგბურთელმა ეკატერინე გორგოძემ საფრანგეთის ღია პირველობის (Roland Garros) ძირითად ბადეში თამაშის უფლება მოიპოვა.

29 წლის გორგოძემ, რომელიც WTA-ს რეიტინგში 222-ე ადგილს იკავებს, კვალიფიკაციის ფინალურ ეტაპზე ესპანელი ნურია პარიზა დიაზი დაამარცხა. ქართველმა ჩოგბურთელმა მსოფლიოს რეიტინგში 165-ე პოზიციაზე მყოფ ესპანელს ანგარიშით 6:3, 6:4 სძლია და შედეგად, ის დიდი სლემის ჩემპიონატზე პირველად ითამაშებს. ქართველ და ესპანელ ჩოგბურთელს შორის დაპირისპირება დაახლოებით საათნახევარი გაგრძელდა.

საფრანგეთის ღია პირველობის ძირითადი ბადის თამაშები ჯერ ცნობილი არ არის. ეკატერინე გორგოძის მეტოქეს საკვალიფიკაციო ეტაპის ყველა თამაშის დასრულების შემდეგ შევიტყობთ.

ქართველმა ჩოგბურთელმა საფრანგეთის ღია პირველობის საკვალიფიკაციო ეტაპზე პირველ რაუნდში 28-ე ნომრად განთესილი მექსიკელი რენატა ზარაზუა დაამარცხა, შემდეგ კი ბულგარელ ოლიცა კოსტოვას სძლია.

49
თემები:
სპორტის ამბები (1131)
ხელბურთის ნაკრები

ხელბურთი: საქართველოს ნაკრებმა ჯგუფში მეორე გამარჯვება იზეიმა

18
(განახლებულია 20:29 16.06.2021)
საქართველოს ხელბურთელთა ნაკრები პლეი-ოფში ბულგარეთის ან ანდორის გუნდს შეხვდება, გამარჯვების შემთხვევაში კი ფინალში იასპარეზებს.

თბილისი, 16 ივნისი — Sputnik. საქართველოს ხელბურთელ ვაჟთა ნაკრებმა თბილისში მიმდინარე ერთა თასის (IHF/EHF Trophy 2021) გათამაშების მეორე შეხვედრაში მოლდოვის ნაკრები ანგარიშით 27:20 დაამარცხა და პლეი-ოფის საგზური მოიპოვა.

საქართველოს ნაკრებისთვის ეს ტურნირზე მეორე გამარჯვებაა. პირველ მატჩში ქართველმა სპორტსმენებმა აზერბაიჯანის გუნდი ანგარიშით 36:16 დაამარცხეს.

ერთა თასის პლეი-ოფის შეხვედრები 18 ივნისს გაიმართება. ტურნირის მოსაგებად საქართველოს ნაკრების ჩათვლით ექვსი ქვეყანა იბრძვის, საიდანაც საუკეთესო სამი გუნდი 2024 წლის ევროპის ჩემპიონატის შესარჩევი ეტაპის მომდევნო საფეხურზე იასპარეზებს.

საქართველოს ნაკრების მეტოქე პლეი-ოფში ბულგარეთისა და ანდორის შეხვედრაში გამოვლინდება, რომლებიც კვიპროსთან ერთად მეორე ჯგუფში იმყოფებიან და თითო წაგება აქვთ.

18
თემები:
სპორტის ამბები (1131)

ევრო-2020-ის მატჩის წინ მოედანზე პარაპლანერისტი დაეშვა ვიდეო

34
(განახლებულია 15:54 16.06.2021)
მიუნხენში ევროპის ჩემპიონატის შეხვედრის დასაწყისში მოედანზე პარაპლანერისტი დაეშვა, რის გამოც მატჩისათვის მზადება შეწყდა.

საფრანგეთსა და გერმანიას შორის მატჩის დაწყების წინ სტადიონის შუაგულში მოულოდნელად პარაპლანერისტი დაეშვა, რის გამოც ფეხბურთელებმა მზადება შეწყვიტეს.

მამაკაცმა თავდაპირველად ტრიბუნას შემოუფრინა და შემდეგ პირდაპირ გაზონზე დაჯდა, სადაც კამერა დააზიანა. ზოგიერთი ფეხბურთელი ნანახით გაოცებული დარჩა.

პარაპლანზე დატანილი იყო წარწერა „გრინპისი“ და ნავთობპროდუქტებზე უარის თქმის მოწოდება.

თავად მატჩი საფრანგეთის ნაკრების გამარჯვებით დასრულდა, რაც ფრანგებმა ჰუმელსის ავტოგოლის წყალობით მოიპოვეს.

გავრცელებული ინფორმაციით, გასულ კვირაში მსგავსი შემთხვევა მოხდა საფეხბურთო მატჩის მსვლელობისას პოლონეთშიც, სადაც მატჩი პარაშუტისტის დაშვების გამო შეწყდა. შეხვედრის არბიტრმა პარაშუტისტს ყვითელი ბარათი უჩვენა, რითიც ისედაც კურიოზულ ამბავს მეტი ხალისი შესძინა.

34
აშშ-ის და რუსეთის პრეზიდენტები

პუტინმა და ბაიდენმა ჟენევის სამიტის შემდეგ ერთობლივი განცხადება გაავრცელეს

0
რუსეთის პრეზიდენტ ვლადიმირ პუტინისა და აშშ-ის პრეზიდენტ ჯო ბაიდენის შეხვედრა ჟენევაში სამ საათ-ნახევარი გაგრძელდა.

თბილისი, 16 ივნისი - Sputnik. რუსეთის პრეზიდენტმა ვლადიმირ პუტინმა და აშშ-ის პრეზიდენტმა ჯო ბაიდენმა ჟენევის სამიტის შემდეგ ერთობლივი განცხადება გააკეთეს, იუწყება РИА Новости.

დოკუმენტი ეძღვნება სტრატეგიული სტაბილურობის საკითხებს.

„რუსეთმა და აშშ-მ აჩვენეს, რომ დაძაბულობის პერიოდებშიც შესწევთ უნარი, მიაღწიონ პროგრესს სტრატეგიულ სფეროში წინასწარი გათვლების უზრუნველსაყოფად, შეიარაღებული კონფლიქტების რისკებისა და ბირთვული ომის საფრთხის შემცირებასთან  დაკავშირებული ერთობლივი მიზნების რეალიზაციის საქმეში“, - ნათქვამია განცხადებაში.

მაგალითის სახით მითითებულია „სტრატეგიული შეიარაღების შეზღუდვის შესახებ“ (СНВ) შეთანხმების ამასწინანდელი გაგრძელების ფაქტი.

„დღეს ჩვენ ვადასტურებთ იმ პრინციპისადმი ერთგულებას, რომლის თანახმად, ბირთვულ ომში არ შეიძლება იყოს გამარჯვებული და ის არასდროს არ უნდა გაჩაღდეს“, - აღნიშნულია ერთობლივ განცხადებაში.

ორი ქვეყნის ლიდერებმა გამოაცხადეს, რომ დაიწყება კომპლექსური დიალოგი სტრატეგიული სტაბილურობის საკითხზე, რომელმაც საფუძველი უნდა ჩაუყაროს მომავალ კონტროლს შეიარაღებაზე.

სტრატეგიული სტაბილურობისათვის საკვანძო შეთანხმება СНВ-3 ამოქმედდა 2011 წლის 5 თებერვალს. ეს ერთადერთი მოქმედი შეთანხმებაა შეიარაღების შემცირებაზე რუსეთსა და აშშ-ს შორის და თითოეული ქვეყნისთვის ლიმიტს აწესებს: 700 კონტინეტთშორისი ბალისტიკური რაკეტა, ბალისტიკური რაკეტები წყალქვეშა ნავებსა და მძიმე ბომბდამშენებზე, ასევე 1550 ქობინი, 800 განთავსებული და განუთავსებელი გამშვები დანადგარი.

მხარეებმა დასახულ მიზანს მიაღწიეს და არსენალი შეთანხმებაში მითითებულ ოდენობას არ აჭარბებს. 2021 წლის დასაწყისში, აშშ-ის სათავეში ჯო ბაიდენის ადმინისტრაციის მოსვლის შემდეგ, შეთანხმება უცვლელად ხუთი წლით გახანგრძლივდა. წინა ადმინისტრაცია შეთანხმების გაგრძელებას ბოლომდე აჭიანურებდა, რაც სტრატეგიული სტაბილურობის მთელ სისტემას ნგრევის საფრთხეს უქმნიდა.

პრეზიდენტების შეხვედრა ჟენევაში სამ საათ-ნახევარი გაგრძელდა. შედგა ერთი ვიწრო ფორმატის და ერთიც ფართო ფორმატის შეხვედრა. წინასწარი ინფორმაციით, უნდა გამართულიყო გაფართოებული ფორმატის ორი შეხვედრა.

 

0