ნინო სალუქვაძე

ლეგენდარულმა ქართველმა სპორტსმენმა ევროპის ჩემპიონატზე მეშვიდე ადგილი დაიკავა

70
ნინო სალუქვაძე ერთადერთი ქართველი სპორტსმენია, რომლის აქტივში ყველა ღირსების მედალია. ტოკიოს ოლიმპიადა მის კარიერაში მეცხრე იქნება.

თბილისი, 25 მაისი — Sputnik. გამოჩენილმა ქართველმა სპორტსმენმა ნინო სალუქვაძემ ხორვატიის ქალაქ ოსიეკში ევროპის ჩემპიონატზე პნევმატური პისტოლეტიდან 10 მეტრიან დისტანციაზე ტყვიის სროლაში გამართულ შეჯიბრებაში მეშვიდე ადგილი დაიკავა.

სალუქვაძის შედეგმა 135.6 ქულა შეადგინა. კონტინენტური პირველობის გამარჯვებული გერმანელი კარინა ვიმერი გახდა (242.3). ვერცხლის მედალი ერგო ვიტალინა ბაცარაშკინას რუსეთიდან (242), ხოლო მესამე ადგილი დაიკავა სელინ გობერვილმა საფრანგეთიდან (218.6).

აღსანიშნავია, რომ შეჯიბრების ფინალში სალუქვაძე მეორე შედეგით გავიდა (578 ქულა).

სალუქვაძის გარდა შეჯიბრებაში მონაწილეობდა კიდევ ორი ქართველი სპორტსმენი - ლიზი კილაძე და ნინო ხუციბერიძე. შემაჯამებელ ოქმში პირველმა 38-ე ადგილი დაიკავა, მეორემ - 62-ე.

სალუქვაძის ანგარიშზე ევროპის ჩემპიონატების 12 მედალია (ოთხ-ოთხი თითოეული ღირსების). სალუქვაძე იყო გამარჯვებულია როგორც 10 მეტრიან დისტანციაზე ტყვიის სროლაში პნევმატური პისტოლეტიდან, ისე 25-მეტრიან დისტანციაზე.

ნინო სალუქვაძე ერთადერთი ქართველი სპორტსმენი ქალია, რომელსაც ყველა ღირსების ოლიმპიური მედალი აქვს მოპოვებული. 1988 წელს სეულის ოლიმპიადაზე მან ოქროს მედალი აიღო სპორტული პისტოლეტიდან სროლაში 25 მ დისტანციაზე და იქვე გახდა ვერცხლის პრიზიორი პნევმატური პისტოლეტიდან 10 მეტრზე სროლაში. პეკინის 2008 წლის ოლიმპიადაზე სალუქვაძემ ბრინჯაოს მედალი დაიმსახურა პნევმატური პისტოლეტიდან სროლაში.

ასევე აღსანიშნავია, რომ ქართველმა სპორტსმენმა ერთ-ერთმა პირველმა მოიპოვა ლიცენზია ტოკიოს ოლიმპიადაზე. ნინო სალუქვაძისთვის ტოკიოს ოლიმპიური თამაშები მეცხრე იქნება კარიერაში.

70
ანტონ პლესნოი

საქართველოს ნაკრების მერვე დღე ტოკიოს ოლიმპიადაზე - შედეგები

38
(განახლებულია 22:55 31.07.2021)
ტოკიოს ოლიმპიადის მერვე დღეს, 31 ივლისს საქართველოს ნაკრების ყულაბას მეხუთე - ბრინჯაოს მედალი შეემატა.

თბილისი, 31 ივლისი – Sputnik. ტოკიოს ოლიმპიადის მერვე დღემ საქართველოს ნაკრებს მეხუთე მედალი მოუტანა. ძალოსანი ანტონ პლესნოი (-96 კგ) ოლიმპიური თამაშების ვერცხლის პრიზიორი გახდა.

ანტონ პლესნოი  - ძალოსნობა (-96 კგ)

2016 წელს რიო-დე-ჟანეიროს ოლიმპიადაზე ქართველმა ძალოსნებმა ორი მედალი მოიპოვეს - ლაშა ტალახაძე ჩემპიონი გახდა, ხოლო ირაკლი თურმანიძემ ამავე წონით კატეგორიაში (+105 კგ) ბრინჯაო აიღო. იმაში, რომ ტალახაძე ტოკიოში კვლავ კვარცხლბეკზე ავა, თითქმის ყველა დარწმუნებულია, ხოლო ძალოსნობაში პირველი მედალი ტოკიოში საქართველოს ნაკრებს ანტონ პლესნოიმ მოუტანა.

Тяжелоатлет Антон Плесной
ანტონ პლესნოი  - ძალოსნობა (-96 კგ)

ორჭიდის ჯამში პლესნიომ დააგროვა 387 კგ (177 ატაცში და 210 აკვრაში). ასეთივე შედეგი აჩვენა ვენესუელელმა ვალენილა სანჩესმა, მაგრამ დამატებითი მაჩვენებლებით მან ჩვენ სპორტსმენს აჯობა.

აღსანიშნავია, რომ არა მუხლის ტრავმა, რომელმაც სპორტსმენს ხელი შეუშალა აკვრაში მეორე მცდელობის რეალიზებაში, პლესნოის ოლიმპიური ვერცხლის მოპოვების შანსი ჰქონდა.

აღნიშნულ კატეგორიაში ოლიმპიური ჩემპიონი ახალი ოლიმპიური რეკორდით გახდა იბრაგიმ ფარესი ყატარიდან. ორჭიდის ჯამით ფარესმა ასწია 402 კგ (177 ატაცში და 225 აკვრაში).

ბაჩანა ხორავა - მძლეოსნობა (სიგრძეზე ხტომა)

ჯერჯერობით ქართველი მძლეოსნები ოლიმპიადაზე წარუმატებლად ასპარეზობენ. გუშინ სოფია შათირიშვილმა ბირთვის კვრაში ყველაზე ცუდი შედეგი აჩვენა (15 მ 31 სმ). დღეს ანალოგიურად წარდგა ბაჩანა ხორავაც.

Бегун Бачана Хорава
© photo: Sputnik / Denis Aslanov
ბაჩანა ხორავა - მძლეოსნობა (სიგრძეზე ხტომა)

კვალიფიკაციის რაუნდის 29 მონაწილიდან ხორავამ 28-ე შედეგი აჩვენა (7 მ 41 სმ). 29-ე ადგილი დაიკავა ბრაზილიელმა ალეხანდრო მელომ (6,95). შესაბამისად, ასეთი შედეგით ხორავამ შეჯიბრების საფინალო ნაწილში კვალიფიკაცია ვერ მოიპოვა.

1 აგვისტოს ტოკიოს ოლიმპიადაზე საქართველოს ნაკრებს წარადგენს მხოლოდ ერთი სპორტსმენი - ბერძნულ-რომაული სტილით მოჭიდავე იაკობ ქაჯაია.

38
ლაშა შავდათუაშვილი

ორ ქართველ სპორტსმენს ოლიმპიური აკრედიტაცია ჩამოართვეს და ტოკიოდან სამშობლოში გამოუშვეს

1360
(განახლებულია 18:47 31.07.2021)
ტოკიოს ოლიმპიური თამაშების საორგანიზაციო კომიტეტის მსგავსი რადიკალური გადაწყვეტილების მიზეზი გახდა ის, რომ ორივე სპორტსმენმა თვითნებურად დატოვა ოლიმპიური სოფლის ტერიტორია

თბილისი, 31 ივლისი – Sputnik. ორ ქართველ სპორტსმენს - ვაჟა მარგველაშვილსა და ლაშა შავდათუაშვილს - ოლიმპიური აკრედიტაცია ჩამოართვეს და კოვიდ-შეზღუდვების დარღვევის გამო ტოკიოდან სამშობლოში გამოამგზავრეს. ამის შესახებ ინფორმაციას სააგენტო Kyodonews ავრცელებს.

ტოკიოს ოლიმპიური თამაშების საორგანიზაციო კომიტეტის მსგავსი რადიკალური გადაწყვეტილების მიზეზი გახდა ის, რომ ორივე სპორტსმენმა თვითნებურად დატოვა ოლიმპიური სოფლის ტერიტორია, რაც პროტოკოლით აკრძალულია, და ტოკიოს ღირსშესანიშნაობების დათვალიერება გადაწყვიტა.

საბედნიეროდ, ძიუდოს ტურნირი უკვე დასრულებულია და მარგველაშვილი და შავდათუაშვილი 66 და 73 კილოგრამამდე წონით კატეგორიებში თამაშების ვერცხლის პრიზიორები გახდნენ.

ამ დროისთვის საქართველოს ნაკრებმა ტოკიოს ოლიმპიადაზე მოიპოვა ხუთი მედალი (ერთი ოქრო, სამი ვერცხლი და ერთი ბრინჯაო). ბრინჯაო ძალოსანმა ანტონ პლესნოიმ მოიპოვა, დანარჩენი მედლები ძიუდოისტების ანგარიშზეა.

საქართველოს ნაკრები საერთო გუნდურ ჩათვლაში ჯერჯერობით 22-ე ადგილს იკავებს.

1360
მზის ჩასვლა

დღის ასტროპროგნოზი ზოდიაქოს ნიშნებისთვის: 1 აგვისტო

0
(განახლებულია 08:03 31.07.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 1 აგვისტოა, კვირა. კლებადი მთვარე კუროს ნიშანშია. ამ დღეს პლანეტა მზე მფარველობს.

არაერთი სიურპრიზი გელოდებათ. ესაა შემოქმედებითი ვნებების, მოულოდნელი გადაწყვეტილებებისა და გრძნობების უეცარი „ამოფრქვევის“ დღე. აჯობებს, თუ არ მიიღებთ საპასუხისმგებლო გადაწყვეტილებებს, არ გამართავთ მნიშვნელოვან მოლაპარაკებებს – შედეგის გათვლა შეუძლებელია.

დღის ასტროპროგნოზი ზოდიაქოს ნიშნებისთვის: 31 ივლისი>>

ვერძი: მრავალფეროვანი სიურპრიზები გელოდებათ – ვის როგორ გაუმართლებს. თქვენ გულში შეიძლება იფეთქოს მოულოდნელმა და ცეცხლოვანმა ვნებამ, რომელიც, დიდი ალბათობით, უბრალო რომანით არ დასრულდება. მალეც რომ დასრულდეს ეს კავშირი, ის თქვენს გულში საგრძნობ კვალს დატოვებს. გრძნობების მოზღვავება იმდენად უეცარი იქნება, რომ მომზადებას ვერ მოასწრებთ.

კურო: სჯობს, არავინ მოაწყოს თქვენი პროვოცირება, თუნდაც გარეგნულად ძალზე დამყოლი და აუღელვებელი ჩანდეთ. გარშემომყოფებს კი არა, თქვენც შეიძლება დარწმუნებული იყოთ, რომ სიმშვიდის განსახიერება ხართ. მაგრამ მაინც – მოსალოდნელია გაღიზიანების უეცარი შემოტევა, ამიტომ აჯობებს, თუ არავინ დაიწყებს თქვენი მისამართით „ისრების გამოსროლას“.

ტყუპი: ყველაზე ეფექტური გზა დღეს თქვენთვის დინებაზე მშვიდად გაყოლაა. არ ღირს გარემოებებზე შეწინააღმდეგება. უაზრობაა ბედთან კამათი და მით უმეტეს, მკაცრი გეგმის მიხედვით მოქმედება. გეგმის დაწყობა, რა თქმა უნდა, შეგიძლიათ, მაგრამ მზად იყავით იმისთვის, რომ გზადაგზა მასში კორექტივების შეტანა მოგიწევთ. ენდეთ ინტუიციას – ის გიკარნახებთ, როგორ მოიქცეთ მოულოდნელ ვითარებებში.

კირჩხიბი: არ იჩქაროთ. დღის პირველი ნახევარი, შესაძლოა, არცთუ ხელსაყრელად დაიწყოს და მნიშვნელოვანი საქმეებისთვის არ იყოს შესაფერისი, მაგრამ დროთა განმავლობაში პოზიტიური ტენდენციების გავლენა გაძლიერდება. დღის მეორე ნახევარი სასიამოვნო ნაცნობობის დროა, როდესაც არაა გამორიცხული მეგობრული ან სასიყვარულო ურთიერთობების დაწყება. ენდეთ ინტუიციას.

ლომი: ვერანაირი გაუთვალისწინებელი გარემო რიტმიდან ვერ ამოგაგდებთ. შესაძლებელია ასეთმა დაუგეგმავმა მოვლენამ დროებით თქვენი ყურადღება გაფანტოს, მაგრამ ეს ხელს ვერ შეგიშლით, კალაპოტიდან ვერ ამოგაგდებთ და საქმეს მაინც მიიყვანთ ბოლომდე. ასე რომ, დღე პროდუქტიულად ჩაივლის, განსაკუთრებით იმ შემთხვევაში, თუ ნებისმიერ წვრილმანზე არ გაღიზიანდებით.

ქალწული: დღე მთლიანობაში მშვიდად და პოზიტიურად ჩაივლის, თუმცა რაღაც მომენტებში, უდრო დღის პირველ ნახევარში მოულოდნელი მოვლენები, გაუგებრობებია მოსალოდნელია. პოზიტიური ტენდენციები მალე გაძლიერდება და დღის მეორე ნახევარში უკვე გაჩნდება ახალი, პერსპექტიული შესაძლებლობები. ეს პერიოდი კარგი დროა ურთიერთობებისთვის, ადვილად პოულობთ საერთო ენას ყველასთან, მათ შორის ახლად გაცნობილ ადამიანებთანაც.

სასწორი: ვარსკვლავები გირჩევენ, თავი შეიკავოთ ფინანსებთან დაკავშირებული გადაწყვეტილებებისგან, რაღაც „თავქარიანი“ ექსპერიმენტების ჩატარებისგან. არ აჰყვეთ უკვე ნაცნობ ცდუნებებს, რადგან მორალური თუ მატერიალური შედეგები იმაზე მასშტაბური იქნება, ვიდრე წარმოგიდგენიათ. საფრთხის შემცველია ზედმეტი, გადაჭარბებული მოთხოვნები, ანუ დაკმაყოფილდით იმით, რაც დღეს გაქვთ.

მორიელი: დღეს ვარსკვლავები თქვენ მხარეს არიან. საკმაოდ პოზიტიური პერიოდი გელოდებათ რამე განსაკუთრებული იარყოფითი ძვრების გარეშე. მოასწრებთ დასვენებასაც და საქმეების გაკეთებასაც. მოსალოდნელია სასიამოვნო სიურპრიზები, ხოლო უსიამოვნებებისგან შინაგანი წინდახედულება და დღეს განსაკუთრებულად გამძაფრებული ინტუიცია დაგიცავთ.

მშვილდოსანი: შეგწევთ ძალა, რომ ბევრი სასარგებლო რამ გააკეთოთ არა მარტო თქვენთვის, არამედ გარშემომყოფებისთვისაც. მოსალოდნელია უჩვეულო შეხვედრები, დამეგობრება საინტერესო ადამიანებთან. ნათლად გამოვლინდება თქვენი ლიდერის თვისებები. საქმე ბევრი გექნებათ, მაგრამ დაღლილობას ვერ იგრძნობთ – ენერგიით ხართ სავსე.

თხის რქა: საკმაოდ პოზიტიური დღე გელოდებათ. სერიოზული პრობლემები და სირთულეები, რომელთა გადალახვასაც ვერ შეძლებთ, არ გელოდებათ. ხართ მშვიდი და თავდაჯერებული, მაგრამ მოდუნება არ ღირს, რადგან ბედმა არაერთი შესანიშნავი შანსი შეიძლება მოგცეთ, რომ მეტოქეებსა და კონკურენტებზე გაიმარჯვოთ. სავარაუდოდ, გაგიჩნდებათ საინტერესო იდეები, მაგრამ მათი რეალიზების დაწყებისთვის ჯერ შესაფერისი დრო არ დამდგარა.

მერწყული: დღეს ძალიან წაგადგებათ სრულფასოვანი დასვენება ახლობელი ადამიანების გარემოცვაში, მაგრამ დღის განმავლობაში თქვენი გეგმები შეიძლება არაერთხელ შეიცვალოს. ეს უფრო დღის პირველ ნახევარს ეხება, როცა გგონიათ, რომ ათასი საქმე გაქვთ სასწრაფოდ გასაკეთებელი. თავისუფლად შეგიძლიათ დასვენების უფლება მისცეთ თავს. ამისთვის დღის მეორე ნახევარი გამოდგება, როდესაც თავს უფრო მშვიდად იგრძნობთ.

თევზები: ეცადეთ, არ იჩქაროთ. დღეს კარგად მოფიქრებული გადაწყვეტილებები უნდა მიიღოთ და დაფიქრებული ნაბიჯები გადადგათ. არ ენდოთ ყველას, ვინც ერთი შეხედვით კარგ შთაბეჭდილებას ტოვებს. მართალია, დიდი სურვილი გაქვთ, რომ დაისვენოთ და მოდუნდეთ, მაგრამ საქმეები ამის საშუალებას არ მოგცემთ. კარგი დღეა მოკლე მანძილზე მგზავრობისა და გარემოს გამოცვლისთვის.

0