საქართველოს ქალთა ფეხბურთის ნაკრები

მუნდიალის შესარჩევ ეტაპზე საქართველოს ქალთა საფეხბურთო ნაკრების მეტოქეები გაირკვა

35
(განახლებულია 14:05 01.05.2021)
გიორგი ჩხაიძის გუნდი შესარჩევი ეტაპის A ჯგუფში შვედეთის, ფინეთის, ირლანდიისა და სლოვაკეთის ნაკრებებთან ერთად მოხვდა. საკვალიფიკაციო ეტაპის მატჩები 2021 წლის 13 სექტემბრიდან 2022 წლის 6 სექტემბრამდე პერიოდში გაიმართება.

თბილისი, 1 მაისი - Sputnik. ქალთა მსოფლიო ჩემპიონატის შესარჩევი ეტაპზე საქართველოს საფეხბურთო ნაკრების მოწინააღმდეგე გუნდები გაირკვა, ინფორმაციას საქართველოს ფეხბურთის ფედერაცია ავრცელებს.

FIFA-ს 2023 წლის საკვალიფიკაციო ეტაპის წილისყრა შვეიცარიის ქალაქ ნიონში გაიმართა, სადაც ევროპის 51 ქვეყნის ქალთა საფეხბურთო ნაკრები ცხრა ქვეჯგუფში გადანაწილდა. გიორგი ჩხაიძის გუნდი A ჯგუფში მოხვდა, სადაც შვედეთის, ფინეთის, ირლანდიისა და სლოვაკეთის ნაკრებებთან ერთად იასპარეზებს.

წილისყრის შემდეგ კომენტარი გააკეთა საქართველოს ნაკრების მთავარმა მწვრთნელმა გიორგი ჩხაიძემ, რომელმაც ეროვნული გუნდი ახლახან ჩაიბარა.

„საკმაოდ ძლიერ ჯგუფში მოგვიწევს თამაში. რთული მატჩები იქნება ნებისმიერ შემთხვევაში, მაგრამ ყველაფერს გავაკეთებთ, რომ ყველა მეტოქეს ღირსეულად ვეთამაშოთ და ვეცდებით, რომ მაქსიმალურად მეტი ქულა ავიღოთ“, - განაცხადა გიორგი ჩხაიძემ.

ჯგუფის გამარჯვებულები ავსტრალიასა და ახალ ზელანდიაში დაგეგმილ მსოფლიო ჩემპიონატის საგზურს ავტომატურად მოიპოვებენ. სამი საუკეთესო მეორეადგილოსანი პლეი-ოფის მეორე წრეში ითამაშებს, ხოლო დანარჩენი ექვსი ჯგუფის მეორეადგილოსნები ერთმანეთში კიდევ სამი გუნდის ვინაობას გაარკვევენ და ისინი ხსენებულ სამ საუკეთესო მეორეადგილოსანს შეუერთდებიან, რის შედეგადაც პლეი-ოფის მეორე ეტაპი ჩატარდება.

საკვალიფიკაციო ეტაპის მატჩები 2021 წლის 13 სექტემბრიდან 2022 წლის 6 სექტემბრის ჩათვლით გაიმართება, მატჩების ზუსტი განრიგი კი მოგვიანებით გამოქვეყნდება. მანამდე ჩვენი ნაკრები 10 და 13 ივნისს ამხანაგურ შეხვედრებს გამართავს.

რაც შეეხება მსოფლიოს ჩემპიონატს, ის 2023 წლის 10 ივლისიდან, 20 აგვისტოს ჩათვლით გაიმართება.

 

35
ფეხბურთი

საქართველოს ფეხბურთის ნაკრების შემადგენლობა ცნობილია - სიაში კიდევ ერთი დებიუტანტია

7
(განახლებულია 11:52 18.05.2021)
ვილი სანიოლმა მომავალი ორი ამხანაგური მატჩისთვის 26 ფეხბურთელი გამოიძახა. საქართველოს ნაკრები ივნისის დასაწყისში რუმინეთისა და ნიდერლანდების ნაკრებებს დაუპირისპირდება.

თბილისში, 18 მაისი - Sputnik. საქართველოს საფეხბურთო ნაკრების მთავარმა მწვრთნელმა ვილი სანიოლმა ივნისში გასამართი ამხანაგური შეხვედრებისთვის შემადგენლობა დაასახელა. ინფორმაციას საქართველოს ფეხბურთის ფედერაცია ავრცელებს.

ფრანგმა სპეციალისტმა რუმინეთსა და ნიდერლანდებთან მატჩებისთვის 26 ფეხბურთელს უხმო. აღსანიშნავია, რომ საქართველოს ნაკრების მაისურს პირველად მოირგებს წყალტუბოს „სამგურალის“ თავდამსხმელი 22 წლის სერგო კუხიანიძე, რომელიც მიმდინარე სეზონში წარმატებულად ასპარეზობს და ეროვნულ ლიგაში უკვე ხუთი გოლის გატანა მოახერხა.

საქართველოს ეროვნული ნაკრები თბილისში მომდევნო ორშაბათიდან შეიკრიბება და ამხანაგური მაჩტებისთვის მზადებას დედაქალაქში 31 მაისის ჩათვლით გაივლის. 26-კაციან შემადგენლობაში ვერ მოხვდა ჯაბა კანკავა. გავრცელებული ინფორმაციით, საქართველოს ნაკრების კაპიტანს ტრავმა აწუხებს და მომავალ მატჩებში „ჯვაროსნებს“ ვერ დაეხმარება.

ეროვნული ნაკრების სრული შემადგენლობა ასე გამოიყურება:

  • მეკარეები: გიორგი ლორია („ანორთოსისი“, ფამაგუსტა, კვიპროსი), ლაზარე კუპატაძე („დინამო“, ბათუმი, საქართველო), გიორგი მამარდაშვილი („ლოკომოტივი“, თბილისი, საქართველო).
  • მცველები: გურამ კაშია („ლოკომოტივი“, თბილისი, საქართველო), ოთარ კაკაბაძე („ტენერიფე“, ესპანეთი), ლაშა დვალი („ფერენცვაროში“, ბუდაპეშტი, უნგრეთი), დავით ხოჭოლავა („შახტარი“, დონეცკი, უკრაინა), გურამ გიორბელიძე („ვოლფსბერგი“, ავსტრია), სოლომონ კვერკველია („როტორი“, ვოლგოგრადი, რუსეთი), გრიგოლ ჩაბრაძე („დინამო“, ბათუმი, საქართველო), ირაკლი აზაროვი („დინამო“, ბათუმი, საქართველო).
  • ნახევარმცველები: ნიკა კვეკვესკირი („ლეხი“, პოზნანი, პოლონეთი), გიორგი აბურჯანია („კარტახენა“, ესპანეთი), საბა ლობჟანიძე („ანკარაგუჯუ“, ანკარა, თურქეთი), ჯაბა ჯიღაური („დინამო“, ბათუმი, საქართველო), ოთარ კიტეიშვილი („შტურმი“, გრაცი, ავსტრია), ხვიჩა კვარაცხელია („რუბინი“, ყაზანი, რუსეთი), ვაკო გვილია („ლეგია“, ვარშავა, პოლონეთი), ზურიკო დავითაშვილი („როტორი“, ვოლგოგრადი, რუსეთი), მურთაზ დაუშვილი („ანორთოსისი“, ფამაგუსტა, კვიპროსი), ვაკო ყაზაიშვილი („ულსან ჰიუნდაი“, სამხრეთ კორეა), ლევან შენგელია („კონიასპორი“, კონია, თურქეთი).
  • თავდამსხმელები: თორნიკე ოქრიაშვილი („ანორთოსისი“, ფამაგუსტა, კვიპროსი), გიორგი მიქაუტაძე („სერენი“, ბელგია), სერგო კუხიანიძე („სამგურალი“, წყალტუბო, საქართველო), ბუდუ ზივზივაძე („ფეჰერვარი“, სეკეშფეჰერვარი, უნგრეთი).

საქართველოს ნაკრები რუმინეთთან ამხანაგურ მატჩს სტუმრად, ქალაქ პლოიეშტში 2 ივლისს გამართავს, ხოლო 6 ივნისს ქართველი ფეხბურთელები ქალაქ „ენსხედეში“ ნიდერლანდებთან ითამაშებენ.

7
თემები:
სპორტის ამბები
გიორგი მერებაშვილი

მერებაშვილმა პოლონური „ვისლა" დატოვა

24
(განახლებულია 18:21 17.05.2021)
„ვისლას“ შემადგენლობაში ბოლო მატჩი მერებაშვილმა პოლონეთის ჩემპიონატის დასკვნით ტურში გასულ უქმეებზე ჩაატარა.

თბილისი, 17 მაისი – Sputnik. საქართველოს ფეხბურთის ნაკრების შემტევმა ნახევარმცველმა გიორგი მერებაშვილმა პოლონური გუნდი „ვისლა" დატოვა. ამის შესახებ ფეხბურთელმა სოციალურ ქსელში დაწერა.

„ვისლასა“ და 34 წლის მერებაშვილს შორის ხუთწლიანი კონტრაქტი დასრულდა. თუ სად გააგრძელებს ქართველი ფეხბურთელი კარიერას, ჯერჯერობით უცნობია.

„დასრულდა. ჩემი გრძნობების გამოსახატავად სიტყვებს ვერ ვპოულობ, ყველას მადლობა მინდა გადავუხადო მხარდაჭერისა და სიყვარულისთვის. ეს ხუთი წელი ჩემთვის ძალიან ბევრს ნიშნავდა და არასდროს დამავიწყდება. კიდევ ერთხელ დიდი მადლობა და ნახვამდის“, – დაწერა მერებაშვილმა.

„ვისლას“ შემადგენლობაში ბოლო მატჩი მერებაშვილმა პოლონეთის ჩემპიონატის დასკვნით ტურში გასულ უქმეებზე ჩაატარა. „ზაგლემბეს“ წინააღმდეგ (4:0) მატჩში ნახევარმცველმა მოედანზე 15 წუთი ითამაშა.

მთლიანობაში პლოცკის გუნდის სახელით მერებაშვილმა ყველა ტურნირზე 137 მატჩი ჩაატარა, გაიტანა 21 გოლი და 25 შედეგიანი გადაცემა გააკეთა.

საქართველოს ნაკრების შემადგენლობაში კი მერებაშვილმა 32 მატჩი ჩაატარა, გაიტანა ორი გოლი და ჰქონდა ერთი შედეგიანი გადაცემა.

24
თემები:
სპორტის ამბები

დიდი ტალღები და ძლიერი ქარი: მუმბაიში ციკლონმა ტაუკტაემ ქაოსი გამოიწვია

0
ორშაბათს მუმბაის ციკლონმა ტაუკტაემ გადაუარა, რომელიც ახლა მთელ რეგიონს ემუქრება

ტაუკტაეს გამო მუმბაის აეროპორტში 55-ზე მეტი რეისი გაუქმდა.

მთავრობამ ქალაქის სანაპიროზე სამი სამხედრო ხომალდი გაგზავნა 400-ზე მეტი ადამიანის გადასარჩენად.

ქარის სიჩქარებ 185 კმ/სთ-ს მიაღწია, რის გამოც ათასობით ადამიანს სახლის დატოვება მოუწია.

0