თბილისის „დინამოს“ ხმაურიანი ტრანსფერი – „ლურჯ-თეთრებმა“ ანანიძე დაიმატეს

© Sputnik / Alexander Imedashviliჯანო ანანიძე
ჯანო ანანიძე - Sputnik საქართველო, 1920, 30.04.2021
გამოწერა
ერთ დროს ყველაზე პერსპექტიულ ფეხბურთელად შერაცხული ჯანო ანანიძე დედაქალაქურ კლუბში 7-ნომრიანი მაისურით ითამაშებს. ჯანო „დინამოს“ თავისუფალი აგენტის სტატუსით შეუერთდა.

თბილისი, 30 აპრილი – Sputnik. გამოცდილი 28 წლის ქართველი ფეხბურთელი ჯანო ანანიძე კარიერას თბილისის „დინამოში“ გააგრძელებს, ტრანსფერი კლუბის ადმინისტრაციამ დაადასტურა.

ანანიძემ დედაქალაქურ კლუბთან კონტრაქტს ხელი 1+1 სისტემით მოაწერა, რაც ნიშნავს, რომ მიმდინარე სეზონის დასრულების შემდეგ კონტრაქტი კიდევ ერთი წლით შეიძლება გაგრძელდეს. ჯანო საქართველოს მოქმედი ჩემპიონის 7-ნომრიან მაისურს მოირგებს.

ჯანო ანანიძე - Sputnik საქართველო, 1920, 22.07.2020
შეთავაზებები, ვარიანტები: რომელ კლუბს აირჩევს ჯანო ანანიძე

ჯანო ანანიძე გასული წლიდან მოყოლებული თავისუფალი აგენტი იყო. მან ბოლო შეხვედრა 2020 წლის მარტში კვიპროსული „ანორთოსისის“ რიგებში ჩაატარა. „ანორთოსისიდან“ ქართველი ნახევარმცველი იჯარის წესით ვოლგოგრადის „როტორში“ აღმოჩნდა, სადაც ხშირი ტრავმიანობის გამო ოფიციალურ შეხვედრაში წუთითაც არ უთამაშია.

ანანიძეს კარიერის დიდი ნაწილი მოსკოვის „სპარტაკში“ აქვს გატარებული, სადაც ადრეულ წლებში საკმაოდ კარგი შედეგიანობით გამოირჩეოდა. გარკვეულ პერიოდში ის განათხოვრებული იყო „როსტოვსა“ და „კრილია სოვეტოვში“. 28 წლის ფეხბურთელმა საქართველოს ეროვნული ნაკრების მაისურით 43-ჯერ ითამაშა და შვიდი გოლის გატანა მოახერხა.

ყველა ახალი ამბავი
0