ვლადიმერ ხინჩეგაშვილი

ვლადიმერ ხინჩეგაშვილი ოლიმპიადას გამოტოვებს სპორტსმენი კოვიდ-ინფიცირებულია

51
(განახლებულია 18:40 29.04.2021)
ჯერჯერობით უცნობია, ვის მისცემს ოლიმპიური თამაშების საგზურისთვის ბრძოლის შანსს ნაკრების მთავარი მწვრთნელი გიორგი იანტბელიძე.

თბილისი, 29 აპრილი – Sputnik. საქართველოს მოჭიდავეთა ნაკრების ერთ-ერთი ყველაზე ტიტულოვანი წევრი ვლადიმერ ხინჩეგაშვილი ტოკიოს ოლიმპიურ თამაშებზე ვერ გაემგზავრება – თავისუფალი სტილით ჭიდაობაში ოლიმპიურ, მსოფლიოს და ევროპის სამგზის ჩემპიონს კორონავირუსი დაუდასტურდა. 

ქართველ მოჭიდავეს 6-9 მაისს ოლიმპიადის სალიცენზიო ბოლო ტურნირში უნდა მიეღო მონაწილეობა, რომელიც ბულგარეთის დედაქალაქ სოფიაში გაიმართება.

„ყველაზე უადგილო მომენტი და ყველაფერი დასრულებულია“, – დაწერა ხინჩეგაშვილმა სოციალურ ქსელში.

ამ ეტაპზე უცნობია, თუ ვინ ჩაანაცვლებს ვლადიმერ ხინჩეგაშვილს სოფიაში დაგეგმილ ტურნირზე.

საქართველოს თავისუფალი სტილით მოჭიდავეთა ნაკრებს ექვსი წონითი კატეგორიიდან სამში აქვს მოპოვებული ტოკიოს ოლიმპიადის ლიცენზია. სოფიაში სალიცენზიო ბრძოლაში უნდა ჩაბმულიყვნენ ბექა ბუჯიაშვილი (57 კგ), ვლადიმერ ხინჩეგაშვილი (65 კგ) და სანდრო ამინაშვილი (86 კგ), მაგრამ საბოლოო განაცხადში ამ სამეულიდან მხოლოდ ამინაშვილი იქნება. ხინჩეგაშვილამდე კორონავირუსი ბუჯიაშვილსაც დაუდასტურდა.

51
ფეხბურთი

საქართველოს ფეხბურთის ნაკრების შემადგენლობა ცნობილია - სიაში კიდევ ერთი დებიუტანტია

9
(განახლებულია 11:52 18.05.2021)
ვილი სანიოლმა მომავალი ორი ამხანაგური მატჩისთვის 26 ფეხბურთელი გამოიძახა. საქართველოს ნაკრები ივნისის დასაწყისში რუმინეთისა და ნიდერლანდების ნაკრებებს დაუპირისპირდება.

თბილისში, 18 მაისი - Sputnik. საქართველოს საფეხბურთო ნაკრების მთავარმა მწვრთნელმა ვილი სანიოლმა ივნისში გასამართი ამხანაგური შეხვედრებისთვის შემადგენლობა დაასახელა. ინფორმაციას საქართველოს ფეხბურთის ფედერაცია ავრცელებს.

ფრანგმა სპეციალისტმა რუმინეთსა და ნიდერლანდებთან მატჩებისთვის 26 ფეხბურთელს უხმო. აღსანიშნავია, რომ საქართველოს ნაკრების მაისურს პირველად მოირგებს წყალტუბოს „სამგურალის“ თავდამსხმელი 22 წლის სერგო კუხიანიძე, რომელიც მიმდინარე სეზონში წარმატებულად ასპარეზობს და ეროვნულ ლიგაში უკვე ხუთი გოლის გატანა მოახერხა.

საქართველოს ეროვნული ნაკრები თბილისში მომდევნო ორშაბათიდან შეიკრიბება და ამხანაგური მაჩტებისთვის მზადებას დედაქალაქში 31 მაისის ჩათვლით გაივლის. 26-კაციან შემადგენლობაში ვერ მოხვდა ჯაბა კანკავა. გავრცელებული ინფორმაციით, საქართველოს ნაკრების კაპიტანს ტრავმა აწუხებს და მომავალ მატჩებში „ჯვაროსნებს“ ვერ დაეხმარება.

ეროვნული ნაკრების სრული შემადგენლობა ასე გამოიყურება:

  • მეკარეები: გიორგი ლორია („ანორთოსისი“, ფამაგუსტა, კვიპროსი), ლაზარე კუპატაძე („დინამო“, ბათუმი, საქართველო), გიორგი მამარდაშვილი („ლოკომოტივი“, თბილისი, საქართველო).
  • მცველები: გურამ კაშია („ლოკომოტივი“, თბილისი, საქართველო), ოთარ კაკაბაძე („ტენერიფე“, ესპანეთი), ლაშა დვალი („ფერენცვაროში“, ბუდაპეშტი, უნგრეთი), დავით ხოჭოლავა („შახტარი“, დონეცკი, უკრაინა), გურამ გიორბელიძე („ვოლფსბერგი“, ავსტრია), სოლომონ კვერკველია („როტორი“, ვოლგოგრადი, რუსეთი), გრიგოლ ჩაბრაძე („დინამო“, ბათუმი, საქართველო), ირაკლი აზაროვი („დინამო“, ბათუმი, საქართველო).
  • ნახევარმცველები: ნიკა კვეკვესკირი („ლეხი“, პოზნანი, პოლონეთი), გიორგი აბურჯანია („კარტახენა“, ესპანეთი), საბა ლობჟანიძე („ანკარაგუჯუ“, ანკარა, თურქეთი), ჯაბა ჯიღაური („დინამო“, ბათუმი, საქართველო), ოთარ კიტეიშვილი („შტურმი“, გრაცი, ავსტრია), ხვიჩა კვარაცხელია („რუბინი“, ყაზანი, რუსეთი), ვაკო გვილია („ლეგია“, ვარშავა, პოლონეთი), ზურიკო დავითაშვილი („როტორი“, ვოლგოგრადი, რუსეთი), მურთაზ დაუშვილი („ანორთოსისი“, ფამაგუსტა, კვიპროსი), ვაკო ყაზაიშვილი („ულსან ჰიუნდაი“, სამხრეთ კორეა), ლევან შენგელია („კონიასპორი“, კონია, თურქეთი).
  • თავდამსხმელები: თორნიკე ოქრიაშვილი („ანორთოსისი“, ფამაგუსტა, კვიპროსი), გიორგი მიქაუტაძე („სერენი“, ბელგია), სერგო კუხიანიძე („სამგურალი“, წყალტუბო, საქართველო), ბუდუ ზივზივაძე („ფეჰერვარი“, სეკეშფეჰერვარი, უნგრეთი).

საქართველოს ნაკრები რუმინეთთან ამხანაგურ მატჩს სტუმრად, ქალაქ პლოიეშტში 2 ივლისს გამართავს, ხოლო 6 ივნისს ქართველი ფეხბურთელები ქალაქ „ენსხედეში“ ნიდერლანდებთან ითამაშებენ.

9
თემები:
სპორტის ამბები
გიორგი მერებაშვილი

მერებაშვილმა პოლონური „ვისლა" დატოვა

24
(განახლებულია 18:21 17.05.2021)
„ვისლას“ შემადგენლობაში ბოლო მატჩი მერებაშვილმა პოლონეთის ჩემპიონატის დასკვნით ტურში გასულ უქმეებზე ჩაატარა.

თბილისი, 17 მაისი – Sputnik. საქართველოს ფეხბურთის ნაკრების შემტევმა ნახევარმცველმა გიორგი მერებაშვილმა პოლონური გუნდი „ვისლა" დატოვა. ამის შესახებ ფეხბურთელმა სოციალურ ქსელში დაწერა.

„ვისლასა“ და 34 წლის მერებაშვილს შორის ხუთწლიანი კონტრაქტი დასრულდა. თუ სად გააგრძელებს ქართველი ფეხბურთელი კარიერას, ჯერჯერობით უცნობია.

„დასრულდა. ჩემი გრძნობების გამოსახატავად სიტყვებს ვერ ვპოულობ, ყველას მადლობა მინდა გადავუხადო მხარდაჭერისა და სიყვარულისთვის. ეს ხუთი წელი ჩემთვის ძალიან ბევრს ნიშნავდა და არასდროს დამავიწყდება. კიდევ ერთხელ დიდი მადლობა და ნახვამდის“, – დაწერა მერებაშვილმა.

„ვისლას“ შემადგენლობაში ბოლო მატჩი მერებაშვილმა პოლონეთის ჩემპიონატის დასკვნით ტურში გასულ უქმეებზე ჩაატარა. „ზაგლემბეს“ წინააღმდეგ (4:0) მატჩში ნახევარმცველმა მოედანზე 15 წუთი ითამაშა.

მთლიანობაში პლოცკის გუნდის სახელით მერებაშვილმა ყველა ტურნირზე 137 მატჩი ჩაატარა, გაიტანა 21 გოლი და 25 შედეგიანი გადაცემა გააკეთა.

საქართველოს ნაკრების შემადგენლობაში კი მერებაშვილმა 32 მატჩი ჩაატარა, გაიტანა ორი გოლი და ჰქონდა ერთი შედეგიანი გადაცემა.

24
თემები:
სპორტის ამბები
Корабли ВМФ России на репетиция парада

მიმოხილვა: ჩრდილოეთის ფლოტი ახალ მოიერიშე კომპლექსს ითვისებს

0
უახლესი გემსაწინააღმდეგო რაკეტა „ცირკონის“ გამოცდა ფინიშს უახლოვდება _ ჩრდილოეთის ფლოტი „ადმირალი გორშკოვი“ დასკვნითი სატესტო გაშვებისთვის ემზადება.

ნიკოლაი პროტოპოპოვი 

ბოლო მონაცემებით, ტესტირება ზაფხულის ბოლოს ჩატარდება, შემდეგ კი სისტემის დახვეწაზე მუშაობა წყალქვეშა ნავებზე გაგრძელდება.

პირველი მზიდი

დასკვნითი გამოცდების დაწყების ზუსტი თარიღი ჯერჯერობით უცნობია, თუმცა, თავდაცვის მინისტრ სერგეი შოიგუს თქმით, წლის ბოლოსთვის რაკეტა სრულად იქნება შემოწმებული. ხოლო აპრილის გზავნილში ფედერალური კრების მიმართ, პრეზიდენტმა ვლადიმირ პუტინმა განაცხადა, რომ რაკეტა მალე შევა შეიარაღებაში. სერიული მიწოდებები მომავალი წლისთვისაა დაგეგმილი.

პროექტ 22350-ის სათავო ფრეგატმა „ადმირალმა გორშკოვმა“ პირველმა ისროლა პერსპექტიული რაკეტა „ცირკონი“ სასწავლო მიზნებით. ის ფლოტის შემადგენლობაში 2018 წლის ზაფხულში მიიღეს. ბორტზე მოწინავე ელექტრონული სისტემებისა და ავტომატიზაციის მაღალი დონის გამო, ამ ხომალდს „მცურავ კომპუიტერს“ უწოდებენ. ამასთან ბევრი ტექნოლოგია პირველადაა გამოყენებული.

ფრეგატების ძირითადი იარაღი ფრთოსანი რაკეტა „კალიბრებია“ 16 ვერტიკალურ გამშვებ დანადგარებზე. არტილერია _ ეს 130 მმ-ანი იარაღია წუთში 30 გასროლის სისწრაფითა და 23 კმ სიშორით. ცას საზენიტო-სარაკეტო კომპლექსი „პოლიმენტ-რედუტი“ აკონტროლებს. წყალქვეშა ნავების წინააღმდეგ არის ოთხი ტორპედული აპარატი „პაკეტი-НК“. 

სათავო ვიმპელ „ადმირალ გორშკოვს“ საფუძველი 2006 წელს ჩაეყარა - ეს პირველი ახალი მსხვილი წყალზედა ხომალდია სსრკ-ს დროიდან. ფრეგატი საცდელი პოლიგონი იყო სხვადასხვა პროექტებისთვის, შეიარაღების სხვადასხვა სისტემების, ჰაერსაწინააღმდეგო სისტემებისა და რადიოელექტრონული აღჭურვილობისთვის. ასე რომ, გადაწყვეტილება, აღჭურვილიყო პლატფორმა „ცირკონით“, სრულიად ლოგიკურია. 

პირველი გამოცდები „გორშკოვის“ ბორტიდან 2019 წლის დეკემბერში შედგა. თავდაცვის სამინისტროს მონაცემებით, შედგა სამი გაშვება: ორი საზღვაო სამიზნეებზე და ერთი სახმელეთოზე.

არქტიკის დასაცავად 

საზღვაო და სახმელეთო ბაზირების პრინციპულად ახალ ჰიპერბგერით კომპლექსზე მუშაობა 2010-იანებში დაიწყო, პროექტის წარმატებული რეალიზაციის შესახებ პრეზიდენტმა ვლადიმირ პუტინმა 2018-ში განაცხადა.

მოსალოდნელია, რომ საზღვაო ვერსია გემსაწინააღმდეგო რაკეტა „გრანიტს“ ჩაანაცვლებს, რომლებიც რუსეთის სამხედრო ფლოტის შეირაღებაში 1980 წლიდანაა. „ცირკონებით“ თანამედროვე და მოდერნიზებულიხომალდები აღიჭურვება - პირველ რიგში, პროექტ 22350-ის ფრეგატები, კრეისერი „ადმირალი ნახიმოვი“, პერსპექტიული ნაღმმზიდები „ლიდერი“. გარდა ამისა, „ჰიპერბგერით“ შეიარაღდება რავალმიზნობრივი ატომური წყალქვეშა ნავები 971, 949А და 885. პრიოტიტეტეშია ჩრდიოლოეთის ფლოტი. და ეს შემთხვევითი არ არის. 

„ცირკონს“ დიდი სიშორე აქვს და ექსპლუატაციის პროცესში აუცილებელია საკონტროლო გაშვებები და სროლები - საბრძოლო მომზადების ფარგლებში. ზომების გამო ჩრდილოეთის ფლოტის საოპერაციო ზონა და მისი პოლიგონები უფრო შესაფერისია ახალი შეიარაღების ტიპების, როგორც იტყვიან, ჭკუაზე მოსაყვანად, ვიდრე ბალტიკა ან შავი ზღვა“, - აცხადებს ჩრდილოეთის ფლოტის ექს-სარდალი ვიაჩესლავ პოპოვი.

ამასთან არქტიკული ზონა უფრო რაკეტსაშიში მიმართულებაა რუსეთისთვის. 

„ჩრდილოეთის ფლოტი არქტიკაზე აგებს პასუხს, - განმარტავს ადმირალი. - შენაერთის გაძლიერება მარტო დღევანდელი დღის კი არა, პერსპექტივის საკითხიცაა. ტრანსპორტის ასპექტშიცა და ქვეყნის თავდაცვის უზრუნველყოფაშიც მომავალი არქტიკისაა. რაკეტა „ცირკონი“ მეტად უნივერსალური რამაა. და შეიარაღებული ძალების განვითარების გარკვეულ ეტაპზე ის წამყვანი სარაკეტო იარაღი გახდება მთლიანობაში სამხედრო-საზღვაო ფლოტისთის, და ასევე მძლავრი შემაკავებებლი ფაქტორი სხვა ქვეყნებისთვის, რომლებიც რუსეტის ინტერესების შელახვის გადაწყვეტილებას მიიღებენ“.

კონტროლის საშუალება 

გამოცდების პროცესში „ცირკონები“ ანადგურებდა როგორც სახმელეთო, ისე საზღვაო სამიზნეებს 450 კილომეტრზე. სროლის გაცხადებული სიშორე ათასი კილომეტრია. ეს რაკეტას მოუწყვლადს ხდის თანამედროვე და პერსპექტიული ჩამჭერი საშუალებებისთვის. 

გასაკვირი არ არის, რომ „ცირკონზე“ მაშინვე ირეაგირეს დასავლეთის ქვეყნებმა, მათ შორის, აშშ-მა. პენტაგონი ყურადღებით ადევნებს თვალს თითოეულ გაშვებას და აცხადებს, რომ მნიშვნელოვნად ჩამორჩება ჰიპერბგერითი შეიარაღების სფეროში. ამერიკელი ექსპერტები მიიჩნევენ, რომ ეს კომპლექსი სერიოზული საფრთხეა ავიამზიდებისთის - აშშ-ის სამხედრო-საზღვაო ფლოტის მთავარი შემტევი ძალისთვის.

პირველი რანგის კაპიტან მიხაილ ნენაშევის თქმით, არმიისა და ფლოტისთის ყველა პროექტი, მათ შორის „ცირკონიც“, არის პასუხი დასავლეთის აგრესიულ სცენარზე. 

„საფრანგეთისა და აშშ-ის სამხედროების ბოლოდროინდელი განცხადებების ფონზე აშკარად ჩანს, რომ დასავლეთის ქვეყნებისთის აუცილებელია, წარმოაჩინონ რუსეთი საშიშ მტრად. უკვე დიდი ხანია, შემუშავებულია სცენარი და დასავლეთის პოლიტიკური კლასი კურსს რუსეთის წინააღმდეგ ააგებს. „ცირკონი“ კი 21-ე საუკუნის თავდაცვის საშუალებაა ზღვარგადასული პოლიტიკური ტურბულენტობის პირობებში. ჩვენთვის აუცილებელია თავისი შესაძლებლობების დემონსტრირება“. 

ექსპერტს მიაჩნია, რომ „ცირკონებით“ აღჭურვილი ათი წყალქვეშა ნავი და წყალზედა ხომალდი, მოიერიშე ბირთვულ და თავდაცვით შეიარაღებასთან ერთად, ჩრდილოეთის ფლოტს მისცემს შესაძლებლობას, გადაჭრას ნებისმიერი გეოპოლიტიკური ამოცანა ქვეყნის თავდაცვის კუთხით. 

აღსანიშნავია, რომ „ცირკონი“, რომელიც ჯერ კიდევ არ არის შესული შეიარაღებაში, უკვე ახდენს გავლენას პოლიტიკაზდე. როგორც რუსეთის ელჩმა აშშ-ში ანატოლი ანტონოვმა შენიშნა, კომპლექსის წარმატებული გამოცდები რუს დიპლომატებს თავდაჯერებას მატებს ამერიკელებთან მოლაპარაკებებში შეიარაღებაზე კონტროლის შესახებ.

რედაქცია შესაძლოა არ ეთანხმებოდეს ავტორის მოსაზრებებს!

0
თემები:
რუსეთი დღეს