შმაგი ბოლქვაძე

ქართველი ბერძნულ–რომაული სტილით მოჭიდავე ევროპის ჩემპიონი გახდა

33
(განახლებულია 14:51 26.04.2021)
ვარშავის ტურნირზე ქართველმა ბერძნულ–რომაული სტილით მოჭიდავეებმა ოთხი მედალი მოიპოვეს – ერთი ოქრო, ერთი ვერცხლი და ორი ბრინჯაო.

თბილისი, 26 აპრილი – Sputnik. ბერძნულ–რომაული სტილით მოჭიდავე შმაგი ბოლქვაძემ ვარშავაში გამართულ ევროპის ჩემპიონატზე ოქროს მედალი მოიპოვა.

შეჯიბრების ფინალში 72 კილოგრამამდე წონით კატეგორიაში ბოლქვაძემ სომხეთის წარმომადგენელ მალხას ამოიანს სძლია (4:1).

ახლა ბოლქვაძის კოლექციაში კონტინენტის პირველობის ყველა სინჯის შვიდი მედალია. ქართველი მოჭიდავე 2016 წელს ტურნირის ბრინჯაოს პრიზიორი გახდა რიგაში, ორი წლის შემდეგ კასპიისკიში ვერცხლი მოიგო. გარდა ამისა, არის მინსკის ევროპული თამაშების ვიცე-ჩემპიონი (2019) და რიო-დე-ჟანეიროს ოლიმპიადის ბრინჯაოს პრიზიორი (2016).

კიდევ ერთი ბრინჯაო ტურნირის დასკვნით დღეს საქართველოს ნაკრებს აივენგო რიკაძემ მოუტანა. 82 კილოგრამამდე წონით კატეგორიაში მესამე ადგილისთვის ბრძოლაში მან სომეხ კარაპეტ ჩალიანს სძლია.

ამგვარად, ვარშავის ტურნირზე ქართველმა ბერძნულ–რომაული სტილით მოჭიდავეებმა ოთხი მედალი მოიპოვეს – ერთი ოქროს, ერთი ვერცხლისა და ორი ბრინჯაოსი. უფრო ადრე ვიცე-ჩემპიონი გახდა იაკობ ქაჯაია (–130 კგ), ხოლო ბრინჯაოს მფლობელი – ლერი აბულაძე (–63 კგ).

ქართველმა თავისუფალი სტილით მოჭიდავეებმა ევროპის ჩემპიონატზე ხუთი მედალი მოიპოვეს>>

საერთო გუნდურ ჩათვლაში საქართველომ 101 ქულა მოაგროვა და მესამე ადგილი დაიკავა. პირველ ადგილზე გავიდა რუსეთის ნაკრები (175), ხოლო მეორეზე – თურქეთის (106).

33
თემები:
სპორტის ამბები (1087)
ლუხუმ ჩხვიმიანი

საქართველოს ნაკრებმა ყაზანის გრანდ–სლემი ოქროს მედლით დაიწყო

61
(განახლებულია 22:37 05.05.2021)
ლუხუმ ჩხვიმიანმა ფინალში რუსეთის სახელით მოასპარეზე რობერტ მშვიდობაძე დამატებით დროში დაამარცხა, სხვა ქართველმა ძიუდოისტებმა კი პირველი საჭიდაო დღე მედლების გარეშე დაასრულეს.

თბილისი, 5 მაისი – Sputnik. საქართველოს ძიუდოისტთა ნაკრებმა რუსეთში პირველი მედალი აიღო – ლუხუმ ჩხვიმიანმა ყაზანის გრანდ–სლემზე ოქროს მედალი მოიპოვა.

ლუხუმ ჩხვიმიანმა (–60 კგ) ყაზანში ასპარეზობა წარმატებით დაიწყო და პირველ ეტაპზე კამერუნელ მეტოქეს ბერნარდინ ცალას აჯობა. ამის შემდეგ ლუხუმმა პორტუგალიელი როდრიგო კოშტა ლოპესის, ჩეხი დავიდ პულკრაბეკსა და რუსი რამაზან აბდულაევის ბარიერი დაძლია. 

ფინალში ქართველი ძიუდოისტის მეტოქე რუსეთის სახელით მოასპარეზე რობერტ მშვიდობაძე იყო. ჩხვიმიანმა მეტოქეს დამატებით დროში შებოჭვის შედეგად აჯობა და ოქრო მედალს დაეუფლა.

ყაზანის გრანდ–სლემზე ჩხვიმიანთან ერთად საქართველოს სახელით დღეს ბაგრატ ნინიაშვილი (–66 კგ) და ტატიანა ლევიცკა–შუკვანი (–52 კგ) ასპარეზობდნენ. ბაგრატ ნინიაშვილმა ბრინჯაოს მედლისთვის ბრძოლა ყაზახ იესეტ კუანოვთან დათმო. დასანანი მარცხი განიცადა ტატიანა ლევიცკა-შუკვანმა (–52 კგ), რომელიც საწყის ორთაბრძოლაში შვეიცარიელ ფაბიენ კოხერს ვაზარით უგებდა, მაგრამ შეხვედრის დასრულებამდე რამდენიმე წამით ადრე მესამე შიდო (გაფრთხილება) მიიღო და ტურნირს გამოეთიშა.

გრანდ–სლემზე მომდევნო დღეებში საქართველოს ნაკრების სახელით გამოვლენ: ნუგზარ ტატალაშვილი, ლუკა კაპანაძე (ორივე –73 კგ), ვლადიმერ ახალკაცი (81 კგ), იმედა გოგოლაძე, ლუკა მაისურაძე (ორივე –90 კგ), ონისე სანებლიძე (100 კგ) და საბა ინანეიშვილი (+100 კგ).

ყაზანის გრანდ–სლემმა სტარტი დღეს აიღო და 7 მაისს დასრულდება.

 

61
თემები:
სპორტის ამბები (1087)
გიორგი მამარდაშვილი

ქართველი მეკარე ესპანურ გრანდში ტრანსფერი ძალიან მალე დაიხურება

53
(განახლებულია 19:32 05.05.2021)
ტრანსფერის შემთხვევაში „ლოკომოტივის“ მეკარე „მესტალიაზე“ იჯარის წესით ითამაშებს, „ვალენსია“ კი სურვილის შემთხვევაში მამარდაშვილს ერთ მილიონ ევროდ დაიმატებს.

თბილისი, 5 მაისი – Sputnik. თბილისის „ლოკომოტივის“ 20 წლის მეკარე გიორგი მამარდაშვილი, დიდი ალბათობით, კარიერას ესპანურ „ვალენსიაში“ გააგრძელებს. ინფორმაციას ესპანური მედია ავრცელებს. 

გავრცელებული ინფორმაციით, მესტალიური კლუბი პირველ ეტაპზე მამარდაშვილს სარეზერვო გუნდის შემადგენლობაში განიხილავს. მიუხედავად ამისა, ქართველი გოლკიპერი კლუბის მესამე მეკარე იქნება, რაც მის ძირითად კლუბში დაწინაურების შანსებს ზრდის. მამარდაშვილი „ლოკომოტივისგან“ თანხმობას ელოდება, რის შემდეგაც „ვალენსიაში“ იჯარის წესით გადავა, ხოლო ესპანური კლუბი მის გამოსყიდვას ერთ მილიონ ევროდ შეძლებს.

„ვალენსია“ ქართველი სპორტსმენის ტრანსფერზე თბილისის „დინამოს“ შეუთანხმდა, რადგან ახალგაზრდა მეკარე დედაქალაქელთა საკუთრებაშია და „რკინიგზელების“ კარს დროებით იცავს.

აღსანიშნავია, რომ გიორგი მამარდაშვილი უეფამ 2021 წლის 50 ყველაზე გამორჩეულ ახალგაზრდა ფეხბურთელთა სიაში შეიყვანა. მამარდაშვილს ბოლო პერიოდში საქართველოს ნაკრების ძირითად მეკარედ განიხილავენ.

გიორგი მამარდაშვილმა უეფას „ევროპა ლიგის“ შესარჩევ ეტაპზე „ლოკომოტივის“ რიგებში თავი რამდენჯერმე გამოიჩინა. ის ასევე ეროვნული ლიგის სიმბოლურ ნაკრებშიც მოხვდა და წლის საუკეთესო მეკარის წოდებით დაჯილდოვდა.

 

53
თემები:
სპორტის ამბები (1087)
ვაქცინა Sinovac-ი

აშშ მხარს უჭერს: კოვიდვაქცინებზე პატენტები შესაძლოა დროებით გაუქმდეს

0
(განახლებულია 20:06 06.05.2021)
პატენტებზე უარის თქმა საშუალებას აძლევს ნებისმიერ ფარმაკომპანიას, აწარმოოს ნებისმიერი კოვიდვაქცინის ზუსტი ასლი ისე, რომ სასამართლო დავების შიში არ ჰქონდეს

თბილისი, 6 მაისი — Sputnik. აშშ−ის პრეზიდენტის ადმინისტრაციამ მხარი დაუჭირა გადაწყვეტილებას, დროებით შეჩერდეს COVID−19−ის ვაქცინებზე საპატენტო უფლებები, იუწყება CNBC აშშ−ის სავაჭრო წარმომადგენელ კეტრინ ტაისა და უშუალოდ პრეზიდენტ ჯო ბაიდენის განცხადებებზე დაყრდნობით.  

მანამდე კოვიდვაქცინების საპატენტო უფლებების დროებით გაუქმების აუცილებლობაზე ჯანდაცვის მსოფლიო ორგანიზაციამ (ჯანმო) და ასევე ვაჭრობის მსოფლიო ორგანიზაციამ (ვმო) განაცხადეს. ჯანმოს გენერალურმა დირექტორმა ტედროს ადანომ გებრეისუსმა მაღალი შეფასება მისცა ჯო ბაიდენის ადინისტრაციის მხარდაჭერას ინტელექტუალურ საკუთრებაზე უარის თქმასთან დაკავშირებით და განაცხადა, რომ ამ ნაბიჯით აშშ თავის ლიდერობას ადასტურებს ჯანდაცვის გლობალური პრობლემების გადაჭრაში.

ვმო−ს ლიდერებმა მოუწოდეს ორგანიზაციის წევრ ქვეყნებს, კვირის ბოლომდე აცნობონ ვაქცინებზე ინტელექტუალური საკუთრების წესების დროებით შესუსტებაზე შეთანხმების დეტალები. მათი თქმით, სამხრეთ აფრიკისა და ინდოეთის მიერ შეთავაზებული ინიციატივა საპატენტო დაცვაზე უარის თქმის შესახებ, დაეხმარება განვითარებად ქვეყნებს, გაზარდონ ვაქცინების წარმოება.

როგორც აშშ−ის სავაჭრო წარმომადგენელი კეტრინ ტაი აცხადებს, „COVID−19−ის პანდემიასთან დაკავშირებული საგანგებო მდგომარეობა საგანგებო ზომებს მოითხოვს.

 „ადმინისტრაციას მტკიცედ სჯერა, რომ ინტელექტუალური საკუთრება დაცული უნდა იყოს. მაგრამ იმისათვის, რომ ამ პანდემიას ბოლო მოეღოს, მხარს ვუჭერთ COVID-19−ის ვაქცინებზე ამ დაცვის გაუქმებას“, — განაცხადა ტაიმ.

როგორც მსოფლიო სავაჭრო ორგანიზაციაში არსებულმა ანონიმმა წყარომ განაცხადა, ვმო−ში აღნიშნული საკითხის განხილვას გარკვეული დრო დასჭირდება. გამომდინარე იქიდან, რომ ორგანიზაცია გადაწყვეტილებებს კონსენსუსის საფუძველზე იღებს, მისი წევრი 164−ვე ქვეყნის თანხმობა იქნება საჭირო.

აღსანიშნავია, რომ მას შემდეგ, რაც კოვიდვაქცინებზე პატენეტების დროებით გაუქმებას აშშ−ის პრეზიდენტმა ჯო ბაიდენმაც დაუჭირა მხარი, ვაქცინების მწარმოებელი მსხვილი ფარმაცევტული კომპანიების, მათ შორის — Moderna−ს, BioNTech−სა და Pfizer−ის აქციები მკვეთრად დაეცა.

თეორიულად პატენტებზე უარის თქმა, საშუალებას აძლევს ნებისმიერ ფარმაკომპანიას, აწარმოოს ნებისმიერი კოვიდვაქცინის ზუსტი ასლი ისე, რომ სასამართლო დავების შიში არ ჰქონდეს ინტელექტუალური საკუთრების დარღვევის გამო.

0
თემები:
საერთაშორისო პანორამა