თორნიკე ოქრიაშვილი

თორნიკე ოქრიაშვილი „ანორთოსისს“ ტოვებს

33
(განახლებულია 20:50 23.04.2021)
ქართველ ფეხბურთელს კლუბთან კონტრაქტი სეზონის ბოლოს ეწურება. ხელშეკრულების გაგრძელებაზე უარი თავად ფეხბურთელმა განაცხადა.

თბილისი, 23 აპრილი – Sputnik. საქართველოს ნაკრების შემტევი ნახევარმცველი თორნიკე ოქრიაშვილი მიმდინარე სეზონის დასრულების შემდეგ კვიპროსის „ანორთოსისს“ დატოვებს, განაცხადა კლუბის პრეზიდენტმა ევგენიოს ამბულასმა. 

„ოქრიაშვილს ახალი წინადადება შევთავაზეთ, მაგრამ ფეხბურთელმა თავად გამოთქვა სურვილი, რომ კარიერა სხვაგან გააგრძელოს. მასთან ძალიან კარგი ურთიერთობა გვაქვს, იცის, რომ გვინდა ჩვენთან ითამაშოს, მაგრამ როდესაც ის გვეუბნება, რომ კვიპროსიდან წასვლა უნდა, ვერაფერს ვიზამთ და ძალით ვერავის გავაჩერებთ", – განაცხადა ამბულასმა.

29 წლის ფეხბურთელსა და „ანორთოსისს“ შორის კონტრაქტს ვადა მიმდინარე წლის ზაფხულში ეწურება.

ოქრიაშვილი „ანორთოსისის“ შემადგენლობაში 2019 წლის ზაფხულში რუსული კლუბიდან „კრასნოდარიდან“ გადავიდა. კვიპროსელთა გუნდის შემადგენლობაში ორი სეზონის მანძილზე ქართველმა ფეხბურთელმა ყველა ტურნირზე 34 მატჩი ჩაატარა, მის ანგარიშზე 12 გოლი და ორი შედეგიანი გადაცემაა.

„კრასნოდარამდე“ ქართველი ფეხბურთელი თამაშობდა ბელგიურ „გენკში“, თურქულ „ესკიშექირსპორში“, უკრაინულ „შახტიორში" და სხვა გუნდებში.

საქართველოს ეროვნულ ნაკრებში ოქრიაშვილმა 45 მატჩი ჩაატარა, მის ანგარიშზეა 12 გოლი და სამი შედეგიანი გადაცემა.

 

33
თემები:
სპორტის ამბები (1087)
ლუხუმ ჩხვიმიანი

საქართველოს ნაკრებმა ყაზანის გრანდ–სლემი ოქროს მედლით დაიწყო

60
(განახლებულია 22:37 05.05.2021)
ლუხუმ ჩხვიმიანმა ფინალში რუსეთის სახელით მოასპარეზე რობერტ მშვიდობაძე დამატებით დროში დაამარცხა, სხვა ქართველმა ძიუდოისტებმა კი პირველი საჭიდაო დღე მედლების გარეშე დაასრულეს.

თბილისი, 5 მაისი – Sputnik. საქართველოს ძიუდოისტთა ნაკრებმა რუსეთში პირველი მედალი აიღო – ლუხუმ ჩხვიმიანმა ყაზანის გრანდ–სლემზე ოქროს მედალი მოიპოვა.

ლუხუმ ჩხვიმიანმა (–60 კგ) ყაზანში ასპარეზობა წარმატებით დაიწყო და პირველ ეტაპზე კამერუნელ მეტოქეს ბერნარდინ ცალას აჯობა. ამის შემდეგ ლუხუმმა პორტუგალიელი როდრიგო კოშტა ლოპესის, ჩეხი დავიდ პულკრაბეკსა და რუსი რამაზან აბდულაევის ბარიერი დაძლია. 

ფინალში ქართველი ძიუდოისტის მეტოქე რუსეთის სახელით მოასპარეზე რობერტ მშვიდობაძე იყო. ჩხვიმიანმა მეტოქეს დამატებით დროში შებოჭვის შედეგად აჯობა და ოქრო მედალს დაეუფლა.

ყაზანის გრანდ–სლემზე ჩხვიმიანთან ერთად საქართველოს სახელით დღეს ბაგრატ ნინიაშვილი (–66 კგ) და ტატიანა ლევიცკა–შუკვანი (–52 კგ) ასპარეზობდნენ. ბაგრატ ნინიაშვილმა ბრინჯაოს მედლისთვის ბრძოლა ყაზახ იესეტ კუანოვთან დათმო. დასანანი მარცხი განიცადა ტატიანა ლევიცკა-შუკვანმა (–52 კგ), რომელიც საწყის ორთაბრძოლაში შვეიცარიელ ფაბიენ კოხერს ვაზარით უგებდა, მაგრამ შეხვედრის დასრულებამდე რამდენიმე წამით ადრე მესამე შიდო (გაფრთხილება) მიიღო და ტურნირს გამოეთიშა.

გრანდ–სლემზე მომდევნო დღეებში საქართველოს ნაკრების სახელით გამოვლენ: ნუგზარ ტატალაშვილი, ლუკა კაპანაძე (ორივე –73 კგ), ვლადიმერ ახალკაცი (81 კგ), იმედა გოგოლაძე, ლუკა მაისურაძე (ორივე –90 კგ), ონისე სანებლიძე (100 კგ) და საბა ინანეიშვილი (+100 კგ).

ყაზანის გრანდ–სლემმა სტარტი დღეს აიღო და 7 მაისს დასრულდება.

 

60
თემები:
სპორტის ამბები (1087)
გიორგი მამარდაშვილი

ქართველი მეკარე ესპანურ გრანდში ტრანსფერი ძალიან მალე დაიხურება

53
(განახლებულია 19:32 05.05.2021)
ტრანსფერის შემთხვევაში „ლოკომოტივის“ მეკარე „მესტალიაზე“ იჯარის წესით ითამაშებს, „ვალენსია“ კი სურვილის შემთხვევაში მამარდაშვილს ერთ მილიონ ევროდ დაიმატებს.

თბილისი, 5 მაისი – Sputnik. თბილისის „ლოკომოტივის“ 20 წლის მეკარე გიორგი მამარდაშვილი, დიდი ალბათობით, კარიერას ესპანურ „ვალენსიაში“ გააგრძელებს. ინფორმაციას ესპანური მედია ავრცელებს. 

გავრცელებული ინფორმაციით, მესტალიური კლუბი პირველ ეტაპზე მამარდაშვილს სარეზერვო გუნდის შემადგენლობაში განიხილავს. მიუხედავად ამისა, ქართველი გოლკიპერი კლუბის მესამე მეკარე იქნება, რაც მის ძირითად კლუბში დაწინაურების შანსებს ზრდის. მამარდაშვილი „ლოკომოტივისგან“ თანხმობას ელოდება, რის შემდეგაც „ვალენსიაში“ იჯარის წესით გადავა, ხოლო ესპანური კლუბი მის გამოსყიდვას ერთ მილიონ ევროდ შეძლებს.

„ვალენსია“ ქართველი სპორტსმენის ტრანსფერზე თბილისის „დინამოს“ შეუთანხმდა, რადგან ახალგაზრდა მეკარე დედაქალაქელთა საკუთრებაშია და „რკინიგზელების“ კარს დროებით იცავს.

აღსანიშნავია, რომ გიორგი მამარდაშვილი უეფამ 2021 წლის 50 ყველაზე გამორჩეულ ახალგაზრდა ფეხბურთელთა სიაში შეიყვანა. მამარდაშვილს ბოლო პერიოდში საქართველოს ნაკრების ძირითად მეკარედ განიხილავენ.

გიორგი მამარდაშვილმა უეფას „ევროპა ლიგის“ შესარჩევ ეტაპზე „ლოკომოტივის“ რიგებში თავი რამდენჯერმე გამოიჩინა. ის ასევე ეროვნული ლიგის სიმბოლურ ნაკრებშიც მოხვდა და წლის საუკეთესო მეკარის წოდებით დაჯილდოვდა.

 

53
თემები:
სპორტის ამბები (1087)
Pfizer-ის ვაქცინა

როდის აიცრებიან ვაქცინის პირველი დოზის შემდეგ ინფიცირებულები: იმნაძის განმარტება

0
(განახლებულია 17:51 06.05.2021)
ამ დროისათვის უცნობია, რამდენი ადამიანი დაავადდა ქვეყანაში COVID-19-ით ვაქცინის პირველი დოზის გაკეთების შემდეგ

თბილისი, 6 მაისი — Sputnik. იმ პირებს, რომლებიც კორონავირუსით ვაქცინის პირველი დოზის გაკეთების შემდეგ დაინფიცირდნენ, ვაქცინის მეორე დოზა ვირუსის დადასტურებიდან 120 დღის გასვლის შემდეგ გაუკეთდებათ, განაცხადა დაავადებათა კონტროლის ეროვნული ცენტრის დირექტორის მოადგილე პაატა იმნაძემ.

ამასთან იმნაძის ვარაუდით, გამორიცხული არ არის, ეს რეგულაცია გადაიხედოს და პერიოდი შემცირდეს.

იმ ადამიანების ზუსტი რაოდენობა, რომლებიც COVID-19-ით ვაქცინის პირველი დოზის გაკეთების შემდეგ დაავადდნენ, უცნობია.

როგორც დაავადებათა კონტროლის ეროვნული ცენტრის ხელმძღვანელმა ამირან გამყრელიძემ რამდენიმე კვირის წინ განაცხადა, საქართველოში აცრის შემდეგ ინფიცირების სულ რამდენიმე შემთხვევა გამოვლინდა და ყველა შემთხვევაში დაავადება მსუბუქი ფორმით მიმდინარეობდა.

ამ ეტაპზე საქართველოში ვაქცინაცია კორონავირუსის საწინააღმდეგო სამი ვაქცინით - AstraZeneca-თი, Pfizer-ით და Sinopharm-ით ხორციელდება. სამივე ვაქცინის შემთხვევაში საჭიროა ორი დოზის გაკეთება.

ბოლო მონაცემებით, საქართველოში უკვე აცრილია 51.600 პირი, სრულად ვაქცინირებულია 7.873 ადამიანი.

0
თემები:
კორონავირუსი საქართველოში: ბოლო ცნობები