რევაზ დავითაძე

ქართველი ძალოსანი ევროპის ვიცე-ჩემპიონია

59
(განახლებულია 14:14 09.04.2021)
დავითაძემ 89 კილოგრამამდე წონით კატეგორიაში ორჭიდის ჯამში 374 კილოგრამი (ატაცში 171 კგ და აკვრაში 203 კგ) მოაგროვა.

თბილისი, 9 აპრილი – Sputnik. ქართველმა ძალოსანმა რევაზ დავითაძემ მოსკოვში მიმდინარე ევროპის ჩემპიონატზე ვერცხლის მედალი მოიპოვა.

დავითაძემ 89 კილოგრამამდე წონით კატეგორიაში ორჭიდის ჯამში 374 კილოგრამი (ატაცში 171 კგ და აკვრაში 203 კგ) მოაგროვა. ოქრომდე მას ერთი კილოგრამი დააკლდა. აკვრაში მესამე მცდელობისას დავითაძემ 205 კილოგრამი შეუკვეთა, მაგრამ ვერ ასწია.

ამ წონით კატეგორიაში ევროპის ჩემპიონი გახდა კარენ ავაგიანი სომხეთიდან (ჯამში 375 კგ), ხოლო მესამე ადგილზე ასევე სომხეთის წარმომადგენელი ანდრანიკ კარაპეტიანი (365) გავიდა.

დავითაძის ვერცხლი მოსკოვის ევროპის ჩემპიონატზე საქართველოს ნაკრებისთვის მეორე იყო. მანამდე ვიცე-ჩემპიონი შოთა მიშველაძე (-61 კგ) გახდა.

ძალოსნობა: კახი ასანიძე ევროპის ჩემპიონატზე უმედლოდ დარჩა>>

შეჯიბრების მეშვიდე დღეს, 9 პარილს საქართველოს სახელით ორი ძალოსანი გამოვა – ანტონ პლესნოი 96 კილოგრამამდე წონით კატეგორიაში და ქალთა შორის ნათია გადელია 81 კილოგრამამდე წონით კატეგორიაში.

59
თემები:
სპორტის ამბები (1068)
ლაშა შავდათუაშვილი

ქართველი ძიუდოისტები ევროპის ჩემპიონატის მეორე დღეს მედლების გარეშე დარჩნენ

35
ამგვარად, ტურნირზე ორი საშეჯიბრო დღის შემდეგ საქართველოს ნაკრების აქტივში ჯერჯერობით მხოლოდ ერთი მედალია

თბილისი, 17 აპრილი – Sputnik. საქართველოს ნაკრების ძიუდოისტები ევროპის ჩემპიონატის მეორე დღეს მედლების გარეშე დარჩნენ. ტურნირი ლისაბონში (პორტუგალია) ტარდება.

73 კგ-მდე წონით კატეგორიაში საქართველოს წარმოდგენდა ქვეყნის ერთ-ერთი ყველაზე ტიტულოვანი ძიუდოისტი - ოლიმპიური ჩემპიონი (2021) და ოლიმპიური თამაშების ბრინჯაოს პრიზიორი (2016 ) ლაშა შავდათუაშვილი. მაგრამ ქართველმა ძიუდოისტმა ბელორუს ვადიმ შოკასთან წააგო და ევროპის ჩემპიონატზე გამოსვლა მესამე წრეშივე დაასრულა.

კონტინენტური პირველობის მედლებისთვის შეეძლო ებრძოლა მარიამ ჭანტურიას (-70 კგ), მაგრამ ქართველმა პირველივე ბრძოლა წააგო ნიდერლანდების წარმომადგენელ კიმ პოლინგთან.

ამგვარად, ტურნირზე ორი საშეჯიბრო დღის შემდეგ საქართველოს ნაკრების აქტივში ჯერჯერობით მხოლოდ ერთი მედალია. ვაჟა მარგველაშვილმა 66 კილოგრამამდე წონით კატეგორიაში ვერცხლის მედალი მოიპოვა.

კონტინენტური პირველობის დასკვნით დღეს საქართველოს ნაკრები შვიდი ძიუდოისტით იქნება წარმოდგენილი: ლაშა ბექაური, ბექა ღვინიაშვილი (ორივე -90 კგ), ვარლამ ლიპარტელიანი, ილია სულამანიძე (ორივე -100 კგ), ლევან მათიაშვილი, გურამ თუშიშვილი (ორივე+100 კგ), ასევე იასპარეზებს ერთი გოგონა - სოფია სომხიშვილი (+78 კგ).

 

35
ოლიმპიადის სიმბოლიკა

Gracenote-ის პროგნოზი: საქართველოს ნაკრებს 11 მედალი ტოკიოს ოლიმპიადაზე

36
(განახლებულია 16:00 15.04.2021)
კომპანია სავარაუდო პროგნოზს 2016 წლიდან დღემდე ჩატარებულ დიდ ტურნირებზე მიღწეული შედეგების მიხედვით ადგენს. სპეციალისტების გამოთვლებით, აშშ ტოკიოს ოლიმპიური თამაშების აშკარა ფავორიტია.

 

თბილისი, 15 აპრილი - Sputnik. ტოკიოს ოლიმპიურ თამაშებზე საქართველოს ნაკრები 11 მედალს მოიპოვებს და 26–ე ადგილზე გავა – პროგნოზი ამერიკულმა ანალიტიკურმა კომპანია Gracenote-მა სტატისტიკური მონაცემების შეგროვებისა და დამუშავების მიხედვით გამოაქვეყნა. 

კომპანიის სპეციალისტების გათვლებით, ქართველი სპორტსმენები 2 ოქროს, 3 ვერცხლისა და 6 ბრინჯაოს მედალს მოიპოვებენ. სპორტის თუ რა სახეობაში მიაღწევენ წარმატეას ქართველი სპორტსმენები, არ ზუსტდება.

Gracenote–ის ვერსიით, ოლიმპიადის ლიდერი აშშ–ს ნაკრები იქნება – 114 მედალი (აქედან, 43 ოქრო), მეორე ადგილზე ჩინეთის გუნდი გავა – 85 მედალი (38 ოქრო), მესამე ადგილს კი რუსეთის ნაკრები დაიკავებს – 73 მედალი (23 ოქრო).

რიო–დე–ჟანეიროში 2016 წელს ჩატარებულ ოლიმპიადაზე საქართველოს ნაკრებლა შვიდი მედალი – 2 ოქრო, 1 ვერცხლი და 4 ბრინჯაო – მოიპოვა.

 

ტოკიოს ზაფხულის ოლიმპიური თამაშები 2021 წლის 23 ივნისი – 8 აგვისტოს პერიოდში ჩატარდება.

 

36
თემები:
სპორტის ამბები (1068)
მიხეილ ცაგარელი

„ძალიან ვცემდი, რეანიმაციაში წაიყვანეს, ძლივს გადაარჩინეს...“ - მიხეილ ცაგარელი პირადზე

0
(განახლებულია 15:37 17.04.2021)
მიხეილ ცაგარელმა საკუთარი ცხოვრების უცნობ დეტალებზე საჯაროდ პირველად ისაუბრა. ნახეთ რა შეემთხვა ცნობილ ასტროლოგს

ასტროლოგი მიხეილ ცაგარელი იხსენებს, რომ ბავშვობაში მოჩხუბარი ბავშვი იყო. როგორც ცაგარელმა გადაცემაში „მხოლოდ ლელასთან“ გაიხსენა, თუ ვინმე გააბრაზებდა, წყობიდან ძალიან გამოდიოდა.

„ზოგადად კურო ყველაზე მშვიდი ნიშანია, თუმცა თუ წონასწორობიდან გამოვიდა მტრისას. იქ კონტროლი უკვე აღარ აქვს, არც ვერძი, არც მორიელი, ვერავინ ვეღარ დაუდგება წინ. ეს მომენტი მეც მქონდა ადრე, თუმცა მაშინ არ ვიცოდი ასტროლოგია. ვვარჯიშობდი ყოველთვის, ვიყავი წყალბურთებული, მოცურავე. მქონდა სამი ასეთი შემთხვევა სკოლაში – ბავშვებს ჩხუბის შედეგად ვახრჩობდი ფაქტობრივად. ძალიან ვცემდი, იმ დონემდე მიმყავდა რომ რეანიმამაციაში წაიყვანეს სამივე და ძლივს გადაარჩინეს. ჩემი ბრალი არ იყო, იმათი პროვოცირებული იყო. ეს იყო მეექვსე კლასამდე. მეექვსე კლასის მერე მე არ მიჩხუბია“,- განაცხადა ცაგარელმა.

0
თემები:
ქართველი სელებრითები