ნიკა ბასილაშვილი

ბასილაშვილმა კალიარის საჩოგბურთო ტურნირზე ასპარეზობა გამარჯვებით დაიწყო

71
Sardegna Open-ის მეოთხედფინალში გასვლამ ბასილაშვილს თითქმის 14 ათასი ევრო მოუტანა. ტურნირის საპრიზო ფონდი 408 ათას ევროს შეადგენს

თბილისი, 7 აპრილი - Sputnik. საქართველოს უძლიერესმა ჩოგბურთელმა ნიკოლოზ ბასილაშვილმა (АТР-ს რეიტინგით 37-ე ნომერი) გრუნტის სეზონი კალიარიში АТР-250-ის სერიის ტურნირის მეორე წრეში გამარჯვებით დაიწყო.

ბასილაშვილის მეტოქე იყო სლოვაკი ჩოგბურთელი იოზეფ კოვალიკი, რომელიც АТР-ს რეიტინგში 128-ე პოზიციას იკავებს. კლასში არსებითი სხვაობის მიუხედავად, ქართველმა ჩოგბურთელმა გამარჯვების მოპოვება მხოლოდ სამ სეტში შეძლო - 4:6, 6:4, 7:5. მატჩი სამ საათს გაგრძელდა.

ორივე ჩოგბურთელმა ძალიან ბევრი შეცდომა დაუშვა. შედეგად ბასილაშვილმა ცხრა ბრეიკი გააკეთა, თავისი ჩაწოდება კი რვაჯერ დათმო. ყველაზე დაძაბული მესამე სეტის მე-10 გეიმი გამოდგა. ბასილაშვილის ჩაწოდებაზე სლოვაკ ჩოგბურთელს 5 მატჩბოლი ჰქონდა, მაგრამ ქართველმა გაუძლო დაძაბულობას და გეიმი თავის სასარგებლოდ დაასრულა.

ნახევარფინალში გასვლისთვის ბასილაშვილი დაუპირისპირდება იან-ლენარდ შტრუფს (41) გერმანიიდან, რომელმაც ინგლისელ ლიამ ბროდის (152) ორ სეტში უპრობლემოდ მოუგო (6:4, 6:2).

ბასილაშვილი და შტრუფი ერთმანეთს ექვსჯერ არიან შეხვედრილი, ჯერჯერობით ანგარიში გერმანელის სასარგებლოდაა - 4:2.

Sardegna Open-ის მეოთხედფინალში გასვლით ბასილაშვილმა 45 სარეიტინგო ქულა და თითქმის 14 ათასი ევრო გამოიმუშავა. ტურნირის საერთო საპრიზო ფონდი 408 ათას ევროს შეადგენს.

71
ჯაბა კანკავა

საქართველოს ფეხბურთის ნაკრების კაპიტანი ფრანგული „ვალანსიენის“ საუკეთესო მოთამაშედ აღიარეს

34
კანკავასთვის ეს ჯილდო ზედიზედ მეორეა - თებერვალში ქართველი ნახევარმცველი გულშემატკივრებმა ასევე საუკეთესო მოთამაშედ დაასახელეს

თბილისი, 14 აპრილი - Sputnik. საქართველოს ფეხბურთს ნაკრების კაპიტანი ჯაბა კანკავა „ვალანსიენის“ (Valenciennes) გულშემატკივრებმა მარტში კლუბის საუკეთესო მოთამაშედ დაასახელეს. ამის შესახებ ფრანგული გუნდის ოფიციალური Twitter იუწყება. 

კანკავასთვის ეს ჯილდო ზედიზედ მეორეა. გულშემატკივრების აზრით, ქართველი ნახევარმცველი თებერვალშიც გუნდის საუკეთესო მოთამაშე იყო.

ქართველი ყველაზე მაღალანაზღაურებადი ფეხბურთელების ტოპ-ხუთი
© Sputnik / Konstantin Ivanov
ქართველი ყველაზე მაღალანაზღაურებადი ფეხბურთელების ტოპ-ხუთი

კანკავა საფრანგეთის მეორე ლიგის გუნდში - „ვალანსიენში“ 2020 წლის ზამთარში ყაზახეთის „ტობოლიდან“ გადავიდა. ახალ გუნდში 35 წლის ფეხბურთელმა 12 მატჩი ითამაშა.

კანკავასა და „ვალანსიენს“ შორის კონტრაქტი მიმდინარე სეზონის ბოლომდეა გაფორმებული.

34
ნიკოლოზ ბასილაშვილი

ბასილაშვილმა მონტე-კარლოში პირველი წრის მატჩი ტრავმის გამო ვერ დაასრულა

33
(განახლებულია 14:44 14.04.2021)
ქართველმა ჩოგბურთელმა გასულ კვირაში კალიარიში გამართულ ტურნირზე ნახევარფინალამდე მიაღწია და ლასლო დიერესთან ორ პარტიაში წააგო.

თბილისი, 14 აპრილი – Sputnik. საქართველოს პირველმა ჩოგანმა ნიკოლოზ ბასილაშვილმა (АТР-ს რეიტინგით 36-ე ადგილი) მონტე-კარლოში „მასტერსის“ სერიის ტურნირზე პირველი წრის მატჩი ტრავმის გამო ვერ დაასრულა.

ბასილაშვილი სერბ ფილიპ კრაიინოვიჩს (37) ხვდებოდა და პირველი პარტია ანგარიშით 1:6 დათმო. მეორე სეტში, როდესაც ანგარიში 0:2 იყო კრაიინოვიჩის სასარგებლოდ, ქართველმა ჩოგბურთელმა პარტია ვეღარ გააგრძელა. რა სახის ტრავმა მიიღო ბასილაშვილმა, ჯერჯერობით უცნობია.

ჩოგბურთელებმა კორტზე მხოლოდ 36 წუთი გაატარეს.

ბასილაშვილისთვის მონტე-კარლოს „მასტერსი“ სეზონზე მეორე გრუნტის ტურნირი გახდა. ქართველმა ჩოგბურთელმა გასულ კვირაში კალიარიში გამართულ ტურნირზე ნახევარფინალამდე მიაღწია და ლასლო დიერესთან ორ პარტიაში წააგო – 2:6, 0:6.

რაც შეეხება მონტე-კარლოს „მასტერსს“, ტურნირის საერთო საპრიზო ფონდი თითქმის 2,5 მილიონ ევროს შეადგენს, ხოლო მისი მოქმედი გამარჯვებულია იტალიელი ფაბიო ფონინი (Fabio Fognini).

33
ანრი ოხანაშვილი

ანრი ოხანაშვილი: ოპოზიციის მიდგომა მოლაპარაკების პროცესს აზიანებს

0
(განახლებულია 11:51 15.04.2021)
პარლამენტის იურიდიულ საკითხთა კომიტეტის თავმჯდომარე ანრი ოხანაშვილი ოპოზიციასთან დიალოგსა და შესაძლო საპროტესტო აქციებზე საუბრობს.
ანრი ოხანაშვილი: ოპოზიციის მიდგომა მოლაპარაკების პროცესს აზიანებს
„გადავდგით კონკრეტული ნაბიჯები და სამართლიანი შეთავაზებები დავდეთ მოლაპარაკების მაგიდასთან. სხვა საკითხია თუ როგორ რეაგირებს ამაზე ოპოზიცია. ჩვენ პატივს ვცემთ ყველას არჩევანს, აზრის და სიტყვის გამოხატვის თავისუფლებას და ეს იქნება დაცული, თუმცა ასეთი მიდგომა ხელს არ შეუწყობს მოლაპარაკების პროცესს, ეს მხოლოდ და მხოლოდ აზიანებს ამ ყველაფერს. არ მგონია, რომ საერთაშორისო პარტნიორებისთვის ეს იყოს მისაღები ფორმა მოლაპარაკებების შემდგომი გაგრძელებისთვის“, - განაცხადა ოხანაშვილმა.

თავის მხრივ ოპოზიციაში თვლიან, რომ ყველაზე ეფექტური გზა, რითაც ისინი შეძლებენ ხელისუფლებას გადაწყვეტილება შეაცვლევინონ, მასშტაბური აქციების მოწყობაა.

0