ხვიჩა კვარაცხელია

ხვიჩა კვარაცხელიასთვის ევროპის ტიტულოვანი კლუბები იბრძვიან

60
(განახლებულია 15:44 06.04.2021)
ხვიჩა კვარაცხელიასთვის ბრძოლაში „მილანი" დაწინაურდა. თუ იტალიური კლუბი მის შეძენას შეძლებს, ფეხბურთელი კახა კალაძის შემდეგ მეორე ქართველი სპორტსმენი იქნება, რომელიც იტალიური გუნდის ღირსებას დაიცავს.

თბილისი, 6 აპრილი – Sputnik. საქართველოს ნაკრებისა და ყაზანის „რუბინის“ ფეხბურთელის ხვიჩა კვარაცხელიასთვის ნამდვილი ბრძოლაა გაჩაღებული.

20 წლის პერსპექტიული ფეხბურთელის „ხელში ჩაგდების“ სურვილს გამოთქვამენ იტალიური კლუბები „მილანი“, „იუვენტუსი“ და „ნაპოლი“, ასევე დორტმუნდის „ბორუსია“ და მიუნხენის „ბავარია“.

პორტალ Tuttomercatoweb-ის ინფორმაციით, ყველაზე დიდი შანსი ჯერჯერობით „მილანს“ აქვს, რომელიც ფეხბურთელის ტრანსფერისთვის ბრძოლაში „იუვენტუსს“ უსწრებს. 

მანამდე იტალიური მედია იუწყებოდა, რომ „იუვენტუსისა“ და „მილანის“ სკაუტებმა კვარაცხელიას თამაში მსოფლიო ჩემპიონატის შესარჩევი ტურნირის ფარგლებში 28 მარტს გამართული საქართველო–ესპანეთის (1:2) მატჩზე ნახეს, სადაც ფეხბურთელმა გოლიც გაიტანა.

პორტალის ინფორმაციით, ამ დროისათვის „მილანი“ მუდმივ კონტაქტშია კვარაცხელიას აგენტთან, რომელიც ახლო მომავალში იტალიას ეწვევა.

ჯერჯერობით ბოლომდე გარკვეული არაა, რამდენად შეფასდება ქართველი ფეხბურთელი.

პორტალი Transfermarkt კვარაცხელიას 10 მლნ ევროდ აფასებს, თუმცა ნაკლებად სავარაუდოა, რომ „რუბინმა“ ფეხბურთელი ასე „იაფად“ დათმოს. სხვადასხვა წყაროს ინფორმაციით, ტრანსფერი შეიძლება 19–20 მლნ ევრო იყოს. 

კვარაცხელიამ ამ სეზონზე „რუბინის“ შემადგენლობაში 21 მატჩი ჩაატარა და 4 გოლი გაიტანა. მსოფლიო ჩემპიონატის შესარჩევ ტურნირზე კი საქართველოს ნაკრებში სამ მატჩში მის ანგარიშზე ორი გოლია – ფეხბურთელმა საბერძნეთის და ესპანეთის გუნდების კარი აიღო.

60
თემები:
სპორტის ამბები (1067)
ნიკოლოზ ბასილაშვილი

ბასილაშვილმა მონტე-კარლოში პირველი წრის მატჩი ტრავმის გამო ვერ დაასრულა

27
(განახლებულია 14:44 14.04.2021)
ქართველმა ჩოგბურთელმა გასულ კვირაში კალიარიში გამართულ ტურნირზე ნახევარფინალამდე მიაღწია და ლასლო დიერესთან ორ პარტიაში წააგო.

თბილისი, 14 აპრილი – Sputnik. საქართველოს პირველმა ჩოგანმა ნიკოლოზ ბასილაშვილმა (АТР-ს რეიტინგით 36-ე ადგილი) მონტე-კარლოში „მასტერსის“ სერიის ტურნირზე პირველი წრის მატჩი ტრავმის გამო ვერ დაასრულა.

ბასილაშვილი სერბ ფილიპ კრაიინოვიჩს (37) ხვდებოდა და პირველი პარტია ანგარიშით 1:6 დათმო. მეორე სეტში, როდესაც ანგარიში 0:2 იყო კრაიინოვიჩის სასარგებლოდ, ქართველმა ჩოგბურთელმა პარტია ვეღარ გააგრძელა. რა სახის ტრავმა მიიღო ბასილაშვილმა, ჯერჯერობით უცნობია.

ჩოგბურთელებმა კორტზე მხოლოდ 36 წუთი გაატარეს.

ბასილაშვილისთვის მონტე-კარლოს „მასტერსი“ სეზონზე მეორე გრუნტის ტურნირი გახდა. ქართველმა ჩოგბურთელმა გასულ კვირაში კალიარიში გამართულ ტურნირზე ნახევარფინალამდე მიაღწია და ლასლო დიერესთან ორ პარტიაში წააგო – 2:6, 0:6.

რაც შეეხება მონტე-კარლოს „მასტერსს“, ტურნირის საერთო საპრიზო ფონდი თითქმის 2,5 მილიონ ევროს შეადგენს, ხოლო მისი მოქმედი გამარჯვებულია იტალიელი ფაბიო ფონინი (Fabio Fognini).

27
ხვიჩა კვარაცხელია

კვარაცხელიამ ქართველ ფეხბურთელებს შორის ახალი რეკორდი დაამყარა

66
რეიტინგის განახლების შემდეგ კვარაცხელია ტრანსფერის ღირებულებით მსოფლიოში 569-ე ადგილზე გავიდა და რუსეთის ჩემპიონატში - მეხუთეზე

თბილისი, 13 აპრილი - Sputnik. საქართველოს ფეხბურთის ნაკრების და ყაზანის „რუბინის“ ნახევარმცველის, ხვიჩა კვარაცხელიას ღირებულება 10-დან 15 მილიონ ევრომდე გაიზარდა. განახლებული სატრანსფერო ღირებულება ავტორიტეტულ გამოცემა Transfermarkt-ს მოჰყავს.

კვარაცხელია ქართული ფეხბურთის ისტორიაში ყველაზე ძვირადღირებული მოთამაშე გახდა. ნახევარმცველის წინა სატრანსფერო ღირებულება (10 მლნ ევრო) რეკორდის განმეორება იყო. თავის დროზე ამავე თანხით ფასდებოდა ცენტრალური მცველი საბა კვერკველია.

რეიტინგის განახლების შემდეგ კვარაცხელია ტრანსფერის ღირებულებით მსოფლიოში 569-ე ადგილზე გავიდა და რუსეთის ჩემპიონატში - მეხუთეზე. 2001 წელს დაბადებულ ფეხბურთელებს შორის კვარაცხელია მე-13 ადგილს იკავებს.

მიმდინარე სეზონზე კვარაცხელიამ რუსეთის პირველ ლიგაში „რუბინში“ 22 მატჩი ჩაატარა, 4 გოლი გაიტანა და 8 შედეგიანი გადაცემის ავტორი გახდა (გამომუშავებული პენალტების ჩათვლით). ნახევარმცველმა თავი საუკეთესოდ წარმოაჩინა მსოფლიო-2022-ის შესარჩევ მატჩებში საქართველოს ნაკრების შემადგენლობაში. საქართველომ სამ შეხვედრაში ორი გოლი გაიტანა (ესპანეთსა და საბერძნეთთან) და ორივე კვარაცხელიას ანგარიშზეა.

ყველაზე ძვირადღირებული ქართველი ფეხბურთელების ხუთეული

ფეხბურთელი კლუბი, ქვეყანა ღირებულება, მლნ ევრო
ხვიჩა კვარაცხელია „რუბინი“, რუსეთი 15,0
დავით ხოჭოლავა „შახტიორი“, უკრაინა 3,5
გიორგი ჩაკვეტაძე „გენტი“, ბელგია 3,2
საბა კვერკველია „როტორი“, რუსეთი 3,0
ოთარ კიტეიშვილი „შტურმი“, ავსტრია 3,0

          

    

          

          

      

 

66
Логотип компании Georgian Water and Power (GWP)

თბილისსა და მცხეთაში GWP-ის სერვის–ცენტრები მუშაობის ახალ რეჟიმზე გადადიან

0
(განახლებულია 14:22 14.04.2021)
კომპანია 15 აპრილიდან სერვის–ცენტრების მუშაობას აჩერებს და აბონენტებს დისტანციურ მომსახურებას სთავაზობს

თბილისი, 14 აპრილი - Sputnik. წყალგამანაწილებელი კომპანია Georgian Water and Power-ის თბილისისა და მცხეთის სერვის–ცენტრებში 15 აპრილიდან მოქალაქეების ვიზიტი შეიზღუდება, ნათქვამია კომპანიის მიერ გავრცელებულ განცხადებაში. 

აღნიშნული გადაწყვეტილება კომპანიამ უწყებათაშორისი საკოორდინაციო საბჭოს რეკომენდაციის შესაბამისად და COVID-19-ის გავრცელების პრევენციის მიზნით მიიღო.

კომპანიის ცნობით, ქვეყნაში შექმნილი ეპიდვითარების გათვალისწინებით, აბონენტები მომსახურებას სრულად დისტანციურად მიიღებენ.

მოქალაქეები განცხადებებისა და დოკუმენტაციის გაგზავნას კომპანიის ელექტრონულ ფოსტაზე (online@gwp.ge) შეძლებენ. დისტანციურად მიღებული განცხადებების განხილვის პროცესის დასრულების შემდეგ კი მომხმარებლები კომპანიისგან პასუხის ელექტრონულ ფოსტაზე მიიღებენ.

დისტანციური მომსახურების შესახებ დეტალური ინფორმაცია განთავსებულია კომპანიის ვებ-გვერდზე. კომპანიის ცნობით, დამატებითი ინფორმაცია გაიცემა ცხელი ხაზის (2 931111) მეშვეობითაც.

 

 

0