ლევან კობიაშვილი

კობიაშვილი: საქართველოს ფეხბურთის ნაკრებს სანიოლთან მომავალი აქვს

75
(განახლებულია 00:08 03.04.2021)
სფფ-ის პრეზიდენტმა ნაკრების მთავარ მწვრთნელთან განიხილა გუნდის ძლიერი და სუსტი მხარეები, რომლებზეც მუშაობაა საჭირო

თბილისი, 2 აპრილი - Sputnik. ეროვნული ნაკრების ახალ მთავარ მწვრთნელს ვილი სანიოლსა და მის გუნდს მომავალი აქვთ, განაცხადა საქართველოს ფეხბურთის ფედერაციის პრეზიდენტმა ლევან კობიაშვილმა.

„ჩნდება კითხვა, რა ფეხბურთს თამაშობს გუნდი. ეს ფეხბურთელებმა მოკლე პერიოდში გაიგეს. მე დარწმუნებული ვარ, ვილისთან ერთად ამ გუნდს მომავალი აქვს. მიხარია, რომ სამწვრთნელო სტაფის და გუნდის ერთიანობამ კარგად იმუშავა. ცხადია, სანიოლი რაღაცებში კმაყოფილია, რაღაცებით კი უკმაყოფილოა“, – განაცხადა კობიაშვილმა „პირველი არხის“ ეთერში.

მისი თქმით, სანიოლთან უკვე იმსჯელეს სუსტ მხარეებზე: „ვიცით, რომელია ჩვენი ნაკრების მტკივნეული ადგილები და რა მიმართულებით უნდა ვიმუშაოთ“.

ფედერაციის პრეზიდენტმა ასევე აღნიშნა, რომ სანიოლმა კარგად იმუშავა ფეხბურთელებთან ფსიქოლოგიური თვალსაზრისით. მისი თქმით, პირველი ორი მატჩის დასანანი წაგების შემდეგ ვილიმ და მისმა სამწვრთნელო სტაფმა გუნდთან ფსიქოლოგიურად კარგად იმუშავეს. 

„ორი ურთულესი თამაში წავაგეთ და იყო იმედგაცრუება, წასაგები მატჩები არ იყო, გუნდთან ფსიქოლოგიური მუშაობა იყო საჭირო საბერძნეთთან, რომელიც დასვენებული იყო და სახლში თამაშობდა. ამას დაემატა გასვლაზე გაშვებული ავტოგოლი. მაგრამ ამის შემდეგ შევუტიეთ და გოლის გატანა მოვახერხეთ. ამის შემდეგ ჩვენ უფრო ვიყავით გუნდი, რომელსაც მოგება სურდა და სჯეროდა“, – აღნიშნა კობიაშვილმა.

საქართველოს ნაკრებმა 2022 წლის მსოფლიო ჩემპიონატის შესარჩევ ციკლში თამაში ორი წაგებით დაიწყო – შვედეთთან გასვლით მატჩში (0:1) და ესპანეთთან სახლში (1:2). ამის შემდეგ სალონიკში საბერძნეთთან თამაში ფრედ (1:1) დაამთავრა. ერთი ქულით გუნდი В ჯგუფში მეოთხე ადგილზეა, ხოლო ლიდერობს ესპანეთი 7 ქულით.

შესარჩევი ციკლი სექტემბერში განახლდება. 2 სექტემბერს საქართველო კოსოვოს უმასპინძლებს, ხოლო სამი დღის შემდეგ გასვლით მატჩს ესპანეთთან გამართავს.

75
თემები:
სპორტის ამბები (1068)
ვარლამ ლიპარტელიანი

ქართველმა ძიუდოისტებმა ევროპის ჩემპიონატის დასკვნით დღეს ოთხი მედალი მოიპოვეს

43
საქართველოს ნაკრებმა საერთო გუნდურ ჩათვლაში პირველი ადგილი დაიკავა, მეორე და მესამე ადგილებზე ბელგიის და რუსეთის ნაკრებები გავიდა

თბილისი, 18 აპრილი – Sputnik. საქართველოს ნაკრების ძიუდოისტებმა ლისაბონში ევროპის ჩემპიონატის დასკვნით დღეს ოთხი მედალი მოიპოვეს.

ტურნირის ბოლო დღე ყველაზე წარმატებული აღმოჩნდა ლაშა ბექაურისთვის (-90 კგ), რომელმაც თავის კარიერაში პირველად ევროპის მოზრდილთა ჩემპიონატის ოქრო მოიგო. აღსანიშნავია, რომ 90 კილოგრამამდე წონით კატეგორიაში ფინალი წმინდა ქართული გამოდგა - გადამწყვეტ ორთაბრძოლაში ბექაურს ბექა ღვინიაშვილი დაუპირისპირდა.

საქართველოს ნაკრები ახლოს იყო კიდევ ერთ ოქროსთან, მაგრამ გუნდის კაპიტანი და მსოფლიო რეიტინგის ლიდერი ვარლამ ლიპარტელიანი (-100 კგ) ფინალში ბელგიის წარმომადგენელ თომა ნიკიფოროვთან დამარცხდა. ლიპარტელიანისთვის ეს მეექვსე ვერცხლის მედალია კონტინენტურ პირველობებზე.

საქართველოს ნაკრების ყულაბას ბოლო მედალი გურამ თუშიშვილმა (+100 კგ) შემატა. მესამე ადგილისთვის ბრძოლაში ჩვენმა სპორტსმენმა ნიდერლანდების წარმომადგენელ როი მეიერს სძლია.

ამგვარად, ლისაბონში გამართულ ევროპის ჩემპიონატზე საქართველოს ნაკრების ძიუდოისტებმა მოიპოვეს ხუთი მედალი (1 ოქრო, 3 ვერცხლი და 1 ბრინჯაო). ტურნირის პირველ დღეს ვიცე-ჩემპიონი გახდა ვაჟა მარგველაშვილი (-66 კგ).

ამ შედეგით საქართველოს ნაკრები საერთო გუნდურ ჩათვლაში პირველ ადგილზე გავიდა. შემაჯამებელ ოქმში ქართველმა ძიუდოისტებმა ბელგიის (1-1-0) და რუსეთის (1-0-3) ნაკრებს აჯობეს.

43
ძალოსნობა

ლაშა ტალახაძემ მორიგი რეკორდი დაამყარა, ჩაკვეტაძე კვლავ ლაზარეთშია

62
(განახლებულია 14:34 19.04.2021)
საქართველოს ნაკრების ახალგაზრდა შემტევი გიორგი ჩაკვეტაძე კვლავ ტრავმირებულია. ქართველმა ძიუდოისტებმა პორტუგალიაში ოქროს მედლის გარეშე დაიწყეს.

ლაშა ტალახაძის მორიგი რეკორდი და მოსკოვში გაჟღერებული საქართველოს ჰიმნი

ძალოსნობა საქართველოში ლაშა ტალახაძემ პოპულარულ, თუმცა „უინტერესო“ სპორტად აქცია. ქართველი გოლიათი რეკორდს რეკორდზე ამყარებს და ეს მსოფლიოს მასშტაბით აღარავის უკვირს.

ქართველმა ძალოსანმა რუსეთის დედაქალაქში მორიგი ტრიუმფი შემოგვთავაზა. ლაშა ტალახაძემ, რომელიც მძიმე წონაში ასპარეზობს, კიდევ ერთხელ 2021 წლის ევროპის ჩემპიონატზე ოქროს მედალი მოიპოვა. ლაშამ მოსკოვში გამართულ შეჯიბრზე საერთო ჯამში სამი ოქროს მედალი მოიპოვა. ის ევროპის ჩემპიონატის გამარჯვებული ზედიზედ მეხუთედ გახდა, პარალელურად ორი მსოფლიოს რეკორდი დაამყარა.

ქართველმა ძალოსანმა ატაცში 211, 217 და 222 კგ. დასძლია, ბოლო მისვლაზე კი მსოფლიოს რეკორდი დააფიქსირა. აკვრაში ტალახაძემ 245, 253 და 263 კგ. ასწია. ჯამში, ქართველმა გოლიათმა 485 კგ. მოაგროვა და ოქროსა და ვერცხლის მედლების მფლობელ სომეხ ძალოსნებს - გორ მინასიანსა (464 კგ.) და ვარაზდატ ლალაიანს (445 კგ.) დიდი სხვაობით აჯობა.

მძიმე წონით კატეგორიაში ასევე იასპარეზა საქართველოს ძალოსანთა გუნდის კაპიტანმა ირაკლი თურმანიძემ. თურმანიძემ ატაცში 191 კგ-ზე სამივე მისვლა წარუმატებლად დაასრულა და აკვრაში არც კი გამოსულა. ევროპის ჩემპიონატის დასასრულს, ცალკე დაჯილდოების ცერემონილი გაიმართა და სპეციალური ჯილდო საქართველოს ნაკრების მთავარ მწვრთნელს – გიორგი ასანიძეს გადაეცა.

გიორგი ჩაკვეტაძის ტრავმები არ სრულდება, ჯაბა კანკავა კი საფრანგეთში დააფასეს

საქართველოს ნაკრების ერთ-ერთ ლიდერს გიორგი ჩაკვეტაძეს ნამდვილად ცუდი პერიოდი უდგას. მიუხედავად იმისა, რომ გიორგის მოედანზე ბოლო რამდენიმე თვის განმავლობაში დიდი დრო არ გაუტარებია, მან ტრავმის მიღება მაინც „მოახერხა“. გენტის ნახევარმცველს ისევ პრობლემები აქვს და ვერ თამაშობს. 21 წლის ფეხბურთელის მდგომარეობაზე ბელგიური გუნდის მთავარმა მწვრთნელმა ჰეინ ვანჰაზებრუკმა ისაუბრა და აღნიშნა, რომ ჩაკვეტაძემ მყესი გაიწყვიტა და კიდევ დიდი ხანი ფეხბურთს ვერ ითამაშებს.

გიორგი ჩაკვეტაძემ 2020/21 წლების სეზონში ბელგიის ჩემპიონატში სულ სამი შეხვედრა ჩაატა. მის ანგარიშზე კი მხოლოდ ერთი საგოლე გადაცემაა. ჩაკვეს ოფიციალურ მატჩში 4 ოქტომბრის შემდეგ არ უთამაშია და მონაწილეობას მხოლოდ ტესტმატჩებში იღებდა.

სასიხარულოა საქართველოს ნაკრების კაპიტნის ჯაბა კანკავას წარმატება საფრანგეთში, რომელიც კლუბ „ვალენსიესის“ ფანებმა საუკეთესო მოთამაშედ დაასახელეს. ჯაბას ასეთ წარმატებას ფრანგულ გუნდში არავინ ელოდებოდა, თუმცა ქართველი საყრდენი საოცარ შედეგებს დებს. კანკავა თებერვალსა და მარტში გუნდის საუკეთესო ფეხბურთელად დასახელდა.

კანკავა საფრანგეთში, ყაზახეთში გატარებული სამი სეზონის შემდეგ გადაბარგდა და ვალანსიენის საკვანძო მოთამაშედაც იქცა. მან „ვალენსიესის“ მაისურით საფრანგეთის მეორე ლიგაში 10 მატჩში ითამაშა, ასევე ორი შეხვედრა ჩაატარა საფრანგეთის თასზე და ძირითად შემთხვევაში შეუცვლელად ითამაშა.

გასულ კვირას მნიშვნელოვანი ინფორმაცია გავრცელდა საქართველოს ქალთა საფეხბურთო ნაკრებისთვის. გუნდი „ლანჩხუთის“ მთავარმა მწვრთნელმა გიორგი ჩხაიძემ ჩაიბარა, რომელიც ნაკრების პარალელურად გურულ კლუბსაც გაწვრთნის. საუბარია მწვრთნელზე, რომელმაც საქართველოს ფეხბურთის ისტორიაში უდიდესი წვლილი შეიტანა და გოგონათა საფეხბურთო კლუბი „ლანჩხუთი“ ჩემპიონთა ლიგაზე ათამაშა.

საქართველოს ნაკრები ჩხაიძის ხელმძღვანელობით მსოფლიოს 2023 წლის ჩემპიონატის შესარჩევ ეტაპზე ითამაშებს, რომელიც მიმდინარე წლის 13 სექტემბერს დაიწყება და 2022 წლის 11 ოქტომბერს დასრულდება.

საინტერესოა, რომ ყაზანის „რუბინის“ მთავარმა მწვრთნელმა, ჟურნალისტებთან საუბრისას, მის სამწვრთნელო მეთოდიკაზე ისაუბრა. მან ჟურნალისტებთან საუბრისას საქართველოს ნაკრების ლიდერი ხვიჩა კვარაცხელიაც ახსენა.

„ინგლისური გამოცდილებიდან ერთი რამ განსაკუთრებით მომეწონა. ჯარიმა დავუწესე იმ ფეხბურთელებს, რომლებიც ვარჯიშისას ზედმეტს გორაობდნენ და მუდმივად ექიმს ითხოვდნენ. ხომ შეიძლება მუდმივად არ წუწუნებდე, განცდებს არ გამოხატავდე და კაცურად ივარჯიშო. მინდა გითხრათ, რომ ძალიან ეფექტური მეთოდი გამოდგა და მინდორზე აღარავინ გორაობს, თვით კვარაცხელიაც კი”, - განაცხადა ყაზანის „რუბინის“ მთავარმა მწვრთნელმა ლეონიდ სლუცკიმ.

სლუცკის ინგლისურ „ჰალსა“ და ნიდერლანდურ „ვიტესში“ მუშაობის გამოცდილება აქვს. ხვიჩა კვარაცხელიას რაც შეეხება, უცხო არავისთვისაა ის ფაქტი, რომ ქართველი შემტევი ხისტი თამაშის მოყვარულია და მის წინააღმდეგ წესებს ხშირად არღვევენ.

ქართველმა ძიუდოისტებმა ევროპის ჩემპიონატზე ასპარეზობა წარუმატებლად დაიწყეს

საქართველოს ძიუდოისტთა ნაკრები პორტუგალიის დედაქალაქ ლისაბონში ევროპის ჩემპიონატზე ასპარეზობს. პირველ საჭიდაო დღეს ტატამზე 66 კილოგრამ წონით კატეგორიაში მოჭიდავე ვაჟა მარგველაშვილი, თემურ ნოზაძე (60 კგ.) და ქალთა შორის მოასპარეზე ეთერ ლიპარტელიანი (57 კგ.) ვიხილეთ.

ვაჟა მარგველაშვილი მიმდინარე ევროპის 2021 წლის ჩემპიონატის ვიცე-ჩემპიონი გახდა. ქართველმა ძიუდოისტმა პირველ შეხვედრაში ესპანელი ადრიან ნიეტო ჩინარო დაამარცხა. ვაჟას საკმაოდ გაუჭირდა მეოთხედფინალში, სადაც ბელარუს დმიტრი მინკუსთან დამატებითი დროში იჭიდავა და საბოლოოდ გამარჯვება სუფთა გდებით მოიპოვა. ფინალური შეხვედრა კი მან იტალიელ მანუელ ლომბარდოსთან დათმო და ვერცხლის მედალს დასჯერდა. წარუმატებელი დღე ჰქონდა საქართველოს ვაჟთა ნაკრების ერთ-ერთ ლიდერს თემურ ნოზაძეს, მან ტურნირზე პირველივე შეხვედრა წააგო. ის ებრაელ მატან კოკოლაევთან ვაზარზე ორჯერ დაეცა.

სამწუხაროდ ბრინჯაოს მედლისთვის ბრძოლაში დამარცხდა ეთერ ლიპარტელიანი. ის მესამე ადგილისთვის შეხვედრაში კოსოვოელ ნორა გიაკოვას დაუპირისპირდა და იპონით წააგო.

რაც შეეხება ევროპის ჩემპიონატის მეორე საჭიდაო დღეს, ტატამზე 2 ქართველი ძიუდოისტი გავიდა და ორივე უმედლოდ დარჩა. ტურნირზე ვიხილეთ მარიამ ჭანტურიასა (70კგ) და ლაშა შავდათუაშვილის გამოსვლა (73კგ).

მარიამ ჭანტურიამ პირველივე შეხვედრა წააგო. ის ნიდერლანდელ კიმ პოლინგთან დამარცხდა. ლაშა შავდათუაშვილი კი მოლდოველ პეტრუ პელივანს შეხვდა. ქართველმა მეტოქეს ჯერ ჯერ ვაზარი აუღო, რის შემდეგაც იპონით დაამარცხა და მერვედფინალში გავიდა, სადაც ბელარუს ვაძიმ შოკასთან დამატებით დროში სამი შიდოს მიღების გამო დამარცხდა და ტურნირს გამოეთიშა.

ქართველი ჩოგბურთელის ნიკოლოზ ბასილაშვილის გამოსვლა მონტე კარლოს ATP ტურის მასტერსზე წარუმატებელი გამოდგა. ქართველი ჩოგბურთელი სერბ ფილიპ კრაინოვიჩს მეორე სეტში დანებდა, მიზეზი კი ფეხზე მიღებული ტრავმაა. შეხვედრა სულ 36 წუთს გაგრძელდა, ნიკამ კი მატჩი მეორე სეტის დასაწყისში შეწყვიტა.  

აღსანიშნავია, რომ გამარჯვებული რუს დანიილ მედვედევს უნდა შეხვედროდა, მაგრამ მას კორონავირუსი დაუდგინდა და მის ნაცვლად კორტზე არგენტინელი ხუან ლონდერო ითამაშებს.

მიუხედავად მარცხისა, ნიკოლოზ ბასილაშვილი არ ისვენებს და ის კიდევ ერთ ტურნირზე იასპარეზებს. 9-25 აპრილს ATP-ის ტურის 500-იანი სერიის ტურნირი, Barcelona Open Banc Sabadell გაიმართება, რომელშიც საქართველოს პირველი ჩოგანიც ითამაშებს.

პირველ წრეში 29 წლის ქართველი ჩოგბურთელის მეტოქე 34 წლის ფრანგი ჟერემი შარდი იქნება. მათ შორის გამარჯვებული მეშვიდე ნომრად განთესილ დენის შაპოვალოვს გაეჯიბრება.

 

62
გელათი

სააგენტო გელათის ტერიტორიაზე აღმოჩენილ ობიექტებთან დაკავშირებით განცხადებას ავრცელებს

0
(განახლებულია 15:11 19.04.2021)
კულტურული მემკვიდრეობის დაცვის სააგენტო სამონასტრო კომპლექსის ტერიტორიაზე აღმოჩენილი არტეფაქტების შენახვისას გულგრილობაში დაადანაშაულეს

თბილისი, 19 აპრილი — Sputnik. საქართველოს კულტურული მემკვიდრეობის დაცვის ეროვნულმა სააგენტომ სიცრუე უწოდა გავრცელებულ ინფორმაციას, თითქოსდა გელათის სამონასტრო კომპლექსის ტერიტორიაზე არქეოლოგიური კვლევისას აღმოჩენილი არტეფაქტების მუზეუმში გადატანა დაფინანსების უქონლობის გამო ვერ მოხერხდა.

გუშინ რამდენიმე მედია–საშუალებამ გაავრცელა ინფორმაცია, თითქოსდა  სამონასტრო კომპლექსის ტერიტორიაზე 2019 წელს ჩატარებული არქეოლოგიური გათხრებისას აღმოჩენილი ისტორიული ობიექტები სათანადო წესით არ შეინახეს. ჟურნალისტების განმარტებით, გელათის მონასტრის ეზოში არქეოლოგიური გათხრების შედეგად აღმოჩენილი ისტორიული არტეფაქტების მუზეუმში გადასატანად სახსრები ვერ გამოინახა და მათ ბრეზენტი გადააფარეს. 

წმინდა გიორგის ტაძრის მიმდებარედ ჩატარებული გათხრებისას ანტიკური ხანის, ადრეული შუასაუკუნეების, დავით აღმაშენებლის ეპოქისა და გვიანი შუასაუკუნეების არქიტექტურული ნაგებობები და არტეფაქტები დაფიქსირდა.  ეს არის ახალი წელთაღრიცხვის II-III საუკუნეების  დროინდელი ქვევრსამარხი, ადრეული შუასაუკუნეების (დაახლ: IX-X ს.ს.) მოზრდილი ქვებითა და დუღაბით ნაშენი დიდი ზომის სწორკუთხა ნაგებობა, რომელიც დავით აღმაშენებლის ეპოქაში სამეურნეო დანიშნულებით გადაკეთდა და განახლდა.

სააგენტოში აცხადებენ, რომ ინფორმაცია იმის შესახებ, თითქოსდა სათანადო წესით ობიექტების კონსერვაცია უსახსრობის გამო ვერ მოხერხდა, სინამდვილეს არ შეესაბამება.

 „პროცესი მოცემული ობიექტის შენარჩუნებისა და შემდგომი შესწავლის მიზნით განხორციელდა. კერძოდ, გელათის სამონასტრო კომპლექსის ტერიტორიის ჩრდილოეთით 2019 წელს არქეოლოგიური კვლევისას გამოვლენილი ობიექტების სამეცნიერო შესწავლასთან ერთად, ნაგებობები აღირიცხა და ფოტოგრაფიულად დაფიქსირდა. აღმოჩენილი არტეფაქტები და კერამიკული მასალა კი ქუთაისის ისტორიულ-არქიტექტურულ მუზეუმ-ნაკრძალის სამუზეუმო ფონდებში 2019 წელსვე განთავსდა“, – ნათქვამია განცხადებაში.

გარდა ამისა, ორგანიზაციაში აღნიშნავენ, რომ არქეოლოგიური კვლევისას აღმოჩენილი ნაგებობები, დროებით ქვიშისა და მიწის ფენით, საერთაშორისოდ მიღებული საკონსერვაციო მეთოდოლოგიით რეკულტივირდა. ამასთან, სააგენტოს განმარტებით, ამავდროულად, განათხარი არეალი ჰიდროლოგიურად გარკვეულ რისკს უქმნიდა წმინდა

0
თემები:
ქართული კულტურული მემკვიდრეობის ძეგლები