თბილისი, 1 აპრილი - Sputnik. ყაზანის „რუბინის“ გენერალურმა დირექტორმა რუსტემ საიმანოვმა განაცხადა, რომ კლუბის წინაშე მოთამაშეების შემდგომი გაყიდვისთვის მომზადების ამოცანა არ დგას. კერძოდ, საუბარია ხვიჩა კვარაცხელიაზე, ფილიპ ურემოვიჩზე და დენის მაკაროვზე.

„ჩვენს წინაშე არ დგას მოთამაშეების შემდგომი გაყიდვისთვის მომზადების ამოცანა. ჩვენ ვქმნით გუნდს. და თითოეული ეს ფეხბურთელი ჩვენთვის მნიშვნელოვანია. მაგრამ თუ კლუბმა მიიღო ღირსეული წინადადება ნებისმიერ ჩვენს მოთამაშეზე, ყოველთვის მზად ვართ განვიხილოთ ის. მინდა ხაზგასმით აღვნიშნო - ღირსეული წინადადება“, - განაცხადა საიმანოვმა გამოცემა sport.business-gazeta-სთან ინტერვიუში.

photo: Georgian Football Federation / FB

„რუბინის“ გენდირექტორი: კვარაცხელიას გაყიდვას არ ვაპირებ

ამასთან საიმანოვი მიიჩნევს, რომ უახლოეს მომავალში კვარაცხელიასთან დაკავშირებით კლუბი ბევრ წინადადებას მიიღებს.

„დარწმუნებული ვარ, რომ მალე ფაქსები „დასტებად“ შემოვა. თქვენ გესმით, რომ მას, უხეშად რომ ვთქვათ, მხოლოდ გუშინ შეუსრულდა 20 წელი! ტალანტია! მთელი გულით ვისურვებდი, რომ მომდევნო სეზონზე ჩვენთან ითამაშოს. მაქსიმუმს გავაკეთებ, რომ ჩვენთან დავიტოვოთ. მაგრამ მე ისიც მესმის, რომ ხვიჩას გაჩერება ჩვენთან დიდი ხნით არ ივარგებს“, - განაცხადა საიმანოვმა.

ავტორიტეტული გამოცემა transfermarkt.com-ის მონაცემებით, კვარაცხელიას ტრანსფერის ამჟამინდელი ფასი 10 მილიონ ევროს შეადგენს. ამ დროისათვის „რუბინის“ ნახევარმცველი - ყველაზე ძვირადღირებული ქართველი ფეხბურთელია.

მსოფლიო-2022-ის სამ შესარჩევ მატჩში (შვედეთთან, ესპანეთთან და საბერძნეთთან) კვარაცხელია საქართველოს ნაკრების შემადგენლობაში საუკეთესო იყო. ნახევარმცველმა ესპანეთს (1:2) და საბერძნეთს (1:1) გაუტანა.

მას მერე, რაც დედა გახდა, სოფო შევარდნაძე „ინსტაგრამზე“ ხშირად წერს ახალი ამპლუის შესახებ და თავის მოსაზრებებს თუ შეგრძნებებს უზიარებს სხვა დედებს. ამჯერად დედობისთვის მზადებასა და ორსულობაზე ისაუბრა.

ჟურნალისტი ამბობს, რომ ორსულობისას რეჟიმზე გააკეთა აქცენტი: საათობრივად იკვებებოდა და ეძინა იმდენ ხანს, რამდენსაც ითხოვდა ორგანიზმი. ასევე ყოველდღე დადიოდა ფეხით 5 კილომეტრს, უსმენდა კლასიკურ მუსიკას და ჩასახვის დღიდან ელაპარაკებოდა პატარას.

„სრულფასოვნად ვმუშაობდი, ვიღებდი გადაცემებს და მხოლოდ მშობიარობამდე ორი კვირით ადრე გავუშვი ჯგუფი შვებულებაში. არაფერი არ წამიკითხავს, ხანდახან ვუსმენდი ბავშვთა ფსიქოლოგებს და ნეიროქოუჩებს, რათა გამეგო, როგორი მიდგომები და თეორიებია ადრეული აღზრდის მიმართულებით.
მჯეროდა, რომ დანარჩენი თავისით მოვიდოდა, გამოცდილებასთან ერთად“, - ამბობს სოფო.

საქართველოს მეორე პრეზიდენტის ედუარდ შევარდნაძის შვილიშვილი დედა 42 წლის ასაკში გახდა. ტელეწამყვანმა 21 თებერვალს ინფორმაცია ორსულობის შესახებ Clubhouse-ის მოდურ დანართთან საუბრისას გაამხილა, სადაც სტუმრები ბავშვთა აღზრდის თემაზე სასაუბროდ შეიკრიბნენ.

ცნობილ ტელეწამყვანს პირადი ცხოვრების აფიშირება არ უყვარს, ამიტომ სხვა დეტალები ჯერჯერობით არ არის ცნობილი. ამის შესახებ მას ჯერ თავის „ინსტაგრამზეც“ არ დაუწერია. ერთ-ერთ ინტერვიუში ტელეწამყვანმა აღიარა, რომ უჭირს მისთვის შესაფერისი მეორე ნახევრის მოძებნა, როდესაც თვალწინ ჰყავს ორი ისეთი იდეალური მამაკაცი, როგორებიც ბაბუამისი და მამამისი არიან.

სოფიკო 21 წლის იყო, როცა დაგეგმილი ქორწილი ჩაშალა და დღემდე არ დაქორწინებულა. ნიუ-იორკში ჟურნალისტმა ახალგაზრდა ქართველი რეჟისორი ლევან კოღუაშვილი გაიცნო, მან რჩეული საკუთარ ბაბუასაც კი გააცნო და გამოაცხადა ქორწინების შესახებ, თუმცა ქორწილამდე დაახლოებით ერთი თვით ადრე მიხვდა, რომ არ სურდა მთელი ცხოვრება იმ ადამიანთან ერთად გაეტარებინა.