ხვიჩა კვარაცხელია

„რუბინის“ გენდირექტორი: კვარაცხელიას გაყიდვას არ ვაპირებ

50
(განახლებულია 18:02 30.03.2021)
კვარაცხელიას ამჟამინდელი სატრანსფერო ღირებულება 10 მლნ ევროს შეადგენს – იგი ყველაზე ძვირადღირებული ქართველი ფეხბურთელია.

თბილისი, 30 მარტი – Sputnik. ყაზანის „რუბინის“ გენერალურმა დირექტორმა რუსტემ საიმანოვმა 2022 წლის მსოფლიო ჩემპიონატის შესარჩევი ტურის ფარგლებში საქართველო–ესპანეთის მატჩში ხვიჩა კვარაცხელიას თამაშთან დაკავშირებით კომენტარი გააკეთა. 

„გაიზარდა თუ არა ფეხბურთელის ფასი ამ მატჩის შემდეგ? სიმართლე გითხრათ, არ ვიცი. თვალს არ ვადევნებ სატრანსფერო ფასს. ჩემთვის ხვიჩა ძირითადის შეუცვლელი მოთამაშეა. მის გამო გახარებული ვარ. მომწონს როგორ ვითარდება მისი კარიერა. ფასი რატომ უნდა გაიზარდოს? მე ხომ მის გაყიდვას არ ვაპირებ? ჩემი ამოცანაა მისი „რუბინში“ დატოვება და ყველაფრის ისე გაკეთება, რომ მან ჩვენს გუნდში დიდხანს ითამაშოს“, – განაცხადა Спорт-Экспресс-თან „რუბინის“ გენდირექტორმა.

ავტორიტეტული გამოცემა transfermarkt.com-ის მონაცემების თანახმად, კვარაცხელიას სატრანსფერო ფასი ამ დროისათვის 10 მლნ ევროა. ამ ეტაპზე „რუბინის“ ნახევარმცველი ყველაზე ძვირადღირებული ქართველი ფეხბურთელია.

საქართველოს ნაკრებმა ესპანეთთან მატჩი ანგარიშით 1:2 დაასრულა, თუმცა, კვარაცხელია ერთ-ერთი საუკეთესო იყო ორივე გუნდის შემადგენლობაში. სწორედ მისი წყალობით დაწინაურდა საქართველოს ნაკრები პირველ ტაიმში.

როგორ ჩაიარა ღამემ საქართველო–ესპანეთის საფეხბურთო მატჩის შემდეგ>>>

კვარაცხელია ესანურმა სპორტულმა მედიამაც შეაფასა.

„საქართველოს ნაკრები ძალზე სახიფათო კონტრშეტევებს ახორციელებდა, მარცხენა ფლანგზე კი მუდმივად კვარაცხელია იყო. „რუბინის“ 20 წლის ნახევარმცველი ყველაფერს აკეთებდა რაც სურდა, როგორც სურდა და როდესაც სურდა. მალე ჩვენ მას ევროპის ერთ-ერთ დიდ კლუბში ვიხილავთ. ეს ბიჭი ნამდვილი თვითნაბადი ნიჭითაა დაჯილდოებული. ბურთი მას ყოველთვის უსმენს და იგი ყოველთვის მყარად დგას ფეხზე“, – ასე ახასიათებს კვარაცხელიას თამაშს ესპანური El mundo.

„ესპანეთთან მატჩში კვარაცხელიამ ძალზე კარგი შთაბეჭდილება დატოვა. 20 წლის ფებურთელი ჩვენი ნაკრებისთვის ნამდვილ კოშმარად იქცა. მოულოდნელი არ იქნება, თუ „რუბინი“ ზაფხულში კვარაცხელიასთან დაკავშირებით მომგებიან წინადადებას მიიღებს“, – წერს Marca.

31 მარტს კვარაცხელია საქართველოს ნაკრების შემადგენლობაში მინდორზე კვლავ გამოჩნდება. ამ დღეს საქართველოს ნაკრები საბერძნეთის ნაკრებთან გასვლით მატჩს ჩაატარებს სალონიკში.

50
თემები:
სპორტის ამბები (1067)
ჯაბა კანკავა

საქართველოს ფეხბურთის ნაკრების კაპიტანი ფრანგული „ვალანსიენის“ საუკეთესო მოთამაშედ აღიარეს

38
კანკავასთვის ეს ჯილდო ზედიზედ მეორეა - თებერვალში ქართველი ნახევარმცველი გულშემატკივრებმა ასევე საუკეთესო მოთამაშედ დაასახელეს

თბილისი, 14 აპრილი - Sputnik. საქართველოს ფეხბურთს ნაკრების კაპიტანი ჯაბა კანკავა „ვალანსიენის“ (Valenciennes) გულშემატკივრებმა მარტში კლუბის საუკეთესო მოთამაშედ დაასახელეს. ამის შესახებ ფრანგული გუნდის ოფიციალური Twitter იუწყება. 

კანკავასთვის ეს ჯილდო ზედიზედ მეორეა. გულშემატკივრების აზრით, ქართველი ნახევარმცველი თებერვალშიც გუნდის საუკეთესო მოთამაშე იყო.

ქართველი ყველაზე მაღალანაზღაურებადი ფეხბურთელების ტოპ-ხუთი
© Sputnik / Konstantin Ivanov
ქართველი ყველაზე მაღალანაზღაურებადი ფეხბურთელების ტოპ-ხუთი

კანკავა საფრანგეთის მეორე ლიგის გუნდში - „ვალანსიენში“ 2020 წლის ზამთარში ყაზახეთის „ტობოლიდან“ გადავიდა. ახალ გუნდში 35 წლის ფეხბურთელმა 12 მატჩი ითამაშა.

კანკავასა და „ვალანსიენს“ შორის კონტრაქტი მიმდინარე სეზონის ბოლომდეა გაფორმებული.

38
ნიკოლოზ ბასილაშვილი

ბასილაშვილმა მონტე-კარლოში პირველი წრის მატჩი ტრავმის გამო ვერ დაასრულა

33
(განახლებულია 14:44 14.04.2021)
ქართველმა ჩოგბურთელმა გასულ კვირაში კალიარიში გამართულ ტურნირზე ნახევარფინალამდე მიაღწია და ლასლო დიერესთან ორ პარტიაში წააგო.

თბილისი, 14 აპრილი – Sputnik. საქართველოს პირველმა ჩოგანმა ნიკოლოზ ბასილაშვილმა (АТР-ს რეიტინგით 36-ე ადგილი) მონტე-კარლოში „მასტერსის“ სერიის ტურნირზე პირველი წრის მატჩი ტრავმის გამო ვერ დაასრულა.

ბასილაშვილი სერბ ფილიპ კრაიინოვიჩს (37) ხვდებოდა და პირველი პარტია ანგარიშით 1:6 დათმო. მეორე სეტში, როდესაც ანგარიში 0:2 იყო კრაიინოვიჩის სასარგებლოდ, ქართველმა ჩოგბურთელმა პარტია ვეღარ გააგრძელა. რა სახის ტრავმა მიიღო ბასილაშვილმა, ჯერჯერობით უცნობია.

ჩოგბურთელებმა კორტზე მხოლოდ 36 წუთი გაატარეს.

ბასილაშვილისთვის მონტე-კარლოს „მასტერსი“ სეზონზე მეორე გრუნტის ტურნირი გახდა. ქართველმა ჩოგბურთელმა გასულ კვირაში კალიარიში გამართულ ტურნირზე ნახევარფინალამდე მიაღწია და ლასლო დიერესთან ორ პარტიაში წააგო – 2:6, 0:6.

რაც შეეხება მონტე-კარლოს „მასტერსს“, ტურნირის საერთო საპრიზო ფონდი თითქმის 2,5 მილიონ ევროს შეადგენს, ხოლო მისი მოქმედი გამარჯვებულია იტალიელი ფაბიო ფონინი (Fabio Fognini).

33
სოფიკო შევარდნაძე

„საათობრივად ვიკვებებოდი და დავდიოდი ფეხით 5 კილომეტრს“ - სოფიკო შევარდნაძე ოსულობაზე

0
(განახლებულია 14:13 15.04.2021)
საქართველოს მეორე პრეზიდენტის შვილიშვილი დედა მარტის მიწურულს გახდა. მას ვაჟი შეეძინა. სოფიკომ შვილის გაჩენამდე რამდენიმე დღით ადრე გაამხილა ორსულობის ამბავი

მას მერე, რაც დედა გახდა, სოფო შევარდნაძე „ინსტაგრამზე“ ხშირად წერს ახალი ამპლუის შესახებ და თავის მოსაზრებებს თუ შეგრძნებებს უზიარებს სხვა დედებს. ამჯერად დედობისთვის მზადებასა და ორსულობაზე ისაუბრა.

ჟურნალისტი ამბობს, რომ ორსულობისას რეჟიმზე გააკეთა აქცენტი: საათობრივად იკვებებოდა და ეძინა იმდენ ხანს, რამდენსაც ითხოვდა ორგანიზმი. ასევე ყოველდღე დადიოდა ფეხით 5 კილომეტრს, უსმენდა კლასიკურ მუსიკას და ჩასახვის დღიდან ელაპარაკებოდა პატარას.

„სრულფასოვნად ვმუშაობდი, ვიღებდი გადაცემებს და მხოლოდ მშობიარობამდე ორი კვირით ადრე გავუშვი ჯგუფი შვებულებაში. არაფერი არ წამიკითხავს, ხანდახან ვუსმენდი ბავშვთა ფსიქოლოგებს და ნეიროქოუჩებს, რათა გამეგო, როგორი მიდგომები და თეორიებია ადრეული აღზრდის მიმართულებით.
მჯეროდა, რომ დანარჩენი თავისით მოვიდოდა, გამოცდილებასთან ერთად“, - ამბობს სოფო.

საქართველოს მეორე პრეზიდენტის ედუარდ შევარდნაძის შვილიშვილი დედა 42 წლის ასაკში გახდა. ტელეწამყვანმა 21 თებერვალს ინფორმაცია ორსულობის შესახებ Clubhouse-ის მოდურ დანართთან საუბრისას გაამხილა, სადაც სტუმრები ბავშვთა აღზრდის თემაზე სასაუბროდ შეიკრიბნენ.

ცნობილ ტელეწამყვანს პირადი ცხოვრების აფიშირება არ უყვარს, ამიტომ სხვა დეტალები ჯერჯერობით არ არის ცნობილი. ამის შესახებ მას ჯერ თავის „ინსტაგრამზეც“ არ დაუწერია. ერთ-ერთ ინტერვიუში ტელეწამყვანმა აღიარა, რომ უჭირს მისთვის შესაფერისი მეორე ნახევრის მოძებნა, როდესაც თვალწინ ჰყავს ორი ისეთი იდეალური მამაკაცი, როგორებიც ბაბუამისი და მამამისი არიან.

სოფიკო 21 წლის იყო, როცა დაგეგმილი ქორწილი ჩაშალა და დღემდე არ დაქორწინებულა. ნიუ-იორკში ჟურნალისტმა ახალგაზრდა ქართველი რეჟისორი ლევან კოღუაშვილი გაიცნო, მან რჩეული საკუთარ ბაბუასაც კი გააცნო და გამოაცხადა ქორწინების შესახებ, თუმცა ქორწილამდე დაახლოებით ერთი თვით ადრე მიხვდა, რომ არ სურდა მთელი ცხოვრება იმ ადამიანთან ერთად გაეტარებინა.

0
თემები:
ქართველი სელებრითები